ДОРИПУР 500

ДОРИПУР 500

Дорипенем

Инфузия үшін ерітінді дайындауға арналған ұнтақ 500 мг

Ақ түстен аздап сарғыш түске дейінгі кристалды ұнтақ

Жүйелі қолдануға арналған инфекцияға қарсы препараттар. Жүйелі пайдалануға арналған бактерияға қарсы препараттар. Басқа да бактерияға қарсы бета-лактамды препараттар. Карбапенемдер. Дорипенем.

АТХ коды J01DH04

Фармакокинетикасы

Бір дозаны енгізгеннен кейін қан плазмасында дорипенемдегі орташа концентрация:

Дорипенемнің фармакокинетикалық параметрлері (Cmax және AUC) 1- немесе 4-сағаттық вена ішіне енгізілген инфузияда 500 мг-ден 1 г-ге дейінгі дозалық диапазонда дозаға тәуелді.

Дорипенемнің фармакокинетикалық параметрлері оны 500 мг-ден 2 г-ге дейінгі дозаларда 1 сағаттық вена ішіне енгізілетін инфузия түрінде және 500 мг-ден 1 г-ге дейінгі дозаларда 4 сағаттық вена ішіне енгізілетін инфузия түрінде тағайындағанда дозаға байланысты болады.

Бүйрек функциясы сақталған адамдарда 7 – 10 күн бойы әрбір 8 сағат сайын 500 мг немесе 1 г көп реттік вена ішіне енгізілетін инфузиядан кейін дорипенемнің жиналып қалу белгілері байқалған жоқ.

Дорипенемнің қан плазмасы ақуыздарымен орташа байланысу дәрежесі 8.1% құрайды және оның плазмадағы концентрациясына байланысты емес. Стационарлы жағдайда таралу көлемі шамамен 16.8 л-ге тең, бұл адамдағы жасушадан тыс сұйықтық көлеміне (18.2 л) жақын. Дорипенем тіндерге және биологиялық сұйықтықтарға (жатыр тіндеріне, ретроперитонеальді сұйықтыққа, қуық асты безі тіндеріне, өт тіндеріне және несепке) жақсы өтеді және көптеген бактериялардың көбеюін басу үшін қажетті концентрацияларға жетеді.

Дорипенемнің ашық сақиналы микробиологиялық тұрғыдан белсенді емес метаболитіне метаболизмі көбіне дегидропептидаза-I әсерімен жүреді. Дорипенемнің метаболизмі CYP450 жүйесінің изоферменттерінің және басқа ферменттердің әсерімен байқалды.

Дорипенем негізінен бүйрек арқылы өзгермеген күйінде элиминацияланады. Дорипенемнің қан плазмасынан жартылай шығарылуының орташа соңғы кезеңі 1 сағатқа жуықты, ал плазмадан клиренс 15.9 л/сағатқа жуықты құрайды. Орташа бүйректік клиренсі сағатына 10.3 л құрайды. Дорипенем шумақшалы сүзілісте, сондай-ақ бүйректік секрецияға ұшырайды. Дорипенемнің бір дозасын (500 мг) қабылдаған кезде, дозаның 71%-ы несептен өзгермеген күйінде және 15%-ы ашық сақиналы метаболит түрінде табылады. Радиобелсенді түрде таңбаланған дорипенемнің бір дозасын (500 мг) қабылдағанда нәжістен жалпы радиобелсенділіктің 1%-дан азы табылды.

Бүйрек жеткіліксіздігі бар пациенттер

Жеңіл (креатинин клиренсі 51-79 мл/мин), орташа айқын (креатинин клиренсі 31-50 мл/мин) және ауыр (креатинин клиренсі ≤30 мл/мин) бүйрек жеткіліксіздігі бар пациенттерге дорипенемнің бір дозасын (500 мг) енгізгеннен кейін дені сау адамдармен (креатинин клиренсі ≥80 мл/мин) салыстырғанда AUC тиісінше 1.6 есе, 2.8 есе және 5.1 есе ұлғаяды. Егер дорипенем бүйрекке үздіксіз орын басу емінде ұсынылған дозадан асып кетсе, дорипенем-М-1 метаболитінің жүйелі әсері тағы ұлғаяды. 

Бауыр функциясы бұзылған пациенттер:

Бауыр функциясы бұзылған пациенттерде дорипенемнің фармакокинетикасы туралы деректер жоқ. Дорипенем бауырда метаболизмге іс жүзінде ұшырамайды, сондықтан бұл ағза функциясының бұзылуы оның бауыр фармакокинетикасына ықпал етпеуі тиіс деп болжамдалады.

Жас ересектермен салыстырғанда егде адамдарда дорипенем AUC креатинин клиренсінің жасқа қатысты өзгерістерінің салдарынан 49%-ға ұлғаяды. Бүйрек функциясы қалыпты (олардың жасына) егде пациенттерде дорипенем дозасын төмендету керек емес.

Жынысы

Әйелдерде дорипенем AUC еркектерге қарағанда 13% жоғары. Еркектер мен әйелдерге дорипенемнің бірдей дозаларын енгізу ұсынылады.

ДОРИПУР 500 – құрылымы жағынан басқа бета-лактамды антибиотиктерге ұқсас, әсер ету ауқымы кең синтетикалық карбапенемді антибиотик. Дорипур аэробтық және анаэробтық грамоң және грамтеріс бактерияларға қарсы белсенділігі күшті. Имипенеммен және меропенеммен салыстырғанда, ол P. аeruginosa-ға қатысты 2-4 есе белсендірек.

ДОРИПУР 500 бактериялық жасуша қабырғасының биосинтезін тежеу жолымен бактерицидтік әсер береді. Ол көптеген маңызды пенициллинмен байланыстыратын ақуыздардың (ПБА) белсенділігін төмендетеді, ол бактериялардың жасушалық қабырғалары синтезінің тежелуіне және әрі қарай бактериялар жасушаларының қырылуына әкеледі. ДОРИПУР 500 препаратының 1, 2 және 4 S. аureus ПБА-на қатысты өте үлкен аффинитеті бар. E. coli және P. Аeruginosa жасушаларында дорипенем бактериялық жасушалардың формасын сақтауға қатысатын 2 ПБА-мен, сондай-ақ 3 және 4 ПБА-мен тығыз байланысады.

ДОРИПУР 500 басқа антибиотиктердің әсерін әлсіз бәсеңдетеді, сондай-ақ басқа антибиотиктермен бәсеңдетілмейді. P. аeruginosa-ға қатысты аддитивті белсенділігі немесе амикацинмен және левофлоксацинмен, сондай-ақ грамоң бактерияларға қатысты даптомицинмен, линезолидпен, левофлоксацинмен және ванкомицинмен әлсіз синергизм танытатыны сипатталған.

Бактериялардың ДОРИПУР 500 резистенттілік механизмдеріне оның карбапенемді гидролиздейтін ферменттермен, мутантты немесе жүре келе пайда болған ПБА-мен белсенділігінің жойылуы, сыртқы жарғақша өткізгіштігінің және дорипенемнің бактериялық жасушалардан белсенді ағынының нашарлауы жатады. ДОРИПУР 500 бета-лактамазалардың көбісімен, грамоң және грамтеріс бактериялар өндіретін пенициллиназаны және цефалоспориназаны қоса, гидролизге резистентті; бұл арада дорипенемді гидролиздеуге қабілетті салыстырмалы түрде сирек бета-лактамазалар есептелмейді. ЕТБК 4 есе артатын ДОРИПУР 500 концентрациясында P. aeruginosa резистентті штаммдарын іріктеу дорипенем ықпалына ұшыраған сегіз штаммның жетеуіне қатысты <2 x 10-9 жиілікпен орын алды. Бұл көрсеткіш эртапенем, имипенем, меропенем, карбенициллин, цефтазидим, ципрофлоксацин және тобрамицинге резистентті P. aeruginosa штаммдарын іріктеу жиілігінен төмен болды. Айқаспалы резистенттіліктің болу мүмкіндігіне қарамастан, басқа карбапенемдерге резистентті кейбір штамдар дорипенемге сезімтал келеді.

*Клиникалық зерттеулерде дорипенемге қатысты белсенді болған түрлер.

Burkholderia cepacia жүре пайда болған резистенттілік болуы мүмкін.

Ересектерде дорипенемге сезімтал бактерия штаммдары туындатқан ауруларды емдеуде:

- нозокомиальді (ауруханаішілік) пневмония, өкпені жасанды желдетумен (ӨЖЖ) байланысты пневмонияны қоса

- асқынған интраабдоминальді инфекциялар

- несеп шығару жолдарының асқынған инфекциялары

ДОРИПУР 500 препаратын қолданар алдында бактериологиялық зерттеулер жүргізу керек. ДОРИПУР 500 1 немесе 4 сағаттық венаішілік инфузиялар түрінде енгізіледі.

ДОРИПУР 500 препаратын басқа дәрілік заттармен араластыруға болмайды.

ДОРИПУР 500 препаратының ұсынылған қолдану тәсілі және дозалары:

* 4 сағаттық құю ретінде 8 сағат сайын 1 г бүйрек клиренсі күшейген (әсіресе креатинин клиренсі ≥ 150 мл/мин құрайтындар үшін) пациенттерді емдеу үшін және/немесе ферменттелмеген грамм-теріс патогендер және акинетобактериялар (Acinetobacter spp.) туындатқан инфекциялар (көкіріңді сепсис (Pseudomonas spp.) сияқты) кезінде қарастырылуы мүмкін.

Мұндай дозалау режимі фармакокинетикалық және фармакодинамикалық деректерге негізделген.

** Негізінен, фармакокинетикалық және фармакодинамикалық факторларды ескеріп, 4 сағаттық құю сезімталдығы төмен патогендермен инфекцияларды емдеуге жақсы келуі мүмкін. Мұндай дозалау режимін аса күрделі инфекцияларды емдегенде де қарастыру керек.

Емнің ұзақтығы

ДОРИПУР 500 әдеттегі емдеу ұзақтығы 5 күннен 14 күнге дейін ауытқиды, оны таңдау жұқпалы патогенмен және пациенттің жауабымен инфекцияның күрделілігімен және орнымен басшылыққа алынуы тиіс. Нозокомиальді (ауруханаішілік) оның ішінде ӨЖЖ байланысты пневмониядан зардап шегетін пациенттерді әдеттегі емдеу ұзақтығы 10-14 күнді құрайды. Ұзағырақ емдеу көбінесе ферменттелмеген грамтеріс патогендерден (көкіріңді сепсис (Pseudomonas spp.) сияқты) және акинетобактериялардан (Acinetobacter spp.) инфекция жұқтырған пациенттерге жарамды.

ДОРИПУР 500 ұзағырақ емдеу кезеңінің қауіпсіздігі анықталмаған. ДОРИПУР 500 вена ішіне енгізіп емдеу басталғаннан кейін клиникалық жақсару анықталған соң бірден емдеу курсын аяқтау үшін тиісті пероральді емге ауысуға болады.

Дорипенем дозасын түзету бауыр жеткіліксіздігі орташа және ауыр және бүйрекке үздіксіз орын басу емін алатын пациенттер үшін қажетті.

Жеңіл дәрежедегі бүйрек жеткіліксіздігі (яғни креатинин клиренсі (КК) > 50 ≤ 80 мл / мин дейін) бар пациенттер үшін дозаны түзету керек емес.

Бүйрек жеткіліксіздігі орташа (креатинин клиренсі ≥ 30 ≤ 50 мл / мин) пациенттерге дорипенем дозасы 8 сағат сайын 250 мг болуы тиіс. Бүйрек жеткіліксіздігі ауыр (креатинин клиренсі <30 мл / мин) пациенттер үшін дорипенем дозасы 12 сағат сайын 250 мг құрауы тиіс. 4-сағаттық инфузия түріндегі 8 сағат сайын 1 г тағайындалған науқастарда дозаны осылайша (бүйрек функциясының орташа бұзылуы: 8 сағат сайын 500 мг; ауыр бүйрек жеткіліксіздігі: 12 сағат сайын 500 мг) реттеу керек.

Шектеулі клиникалық деректерге және дорипенемге және оның метаболитіне (Дорипенем-М-1) ықпалдың күтілетін ұлғаюына сүйене отырып, инъекцияға арналған ДОРИПУР 500 бүйрек жеткіліксіздігі ауыр науқастарда сақтықпен пайдалану керек.

Диализдегі пациенттерге арналған дозалар

Бүйрекке үздіксіз орын басу емін алатын пациенттерге ДОРИПУР 500 қолдану тәсілі және дозалары бойынша нұсқаулар келесі кестеде көрсетілген.

MIC> 1 мг / л патогендер үшін дозалау бойынша нұсқаулар дорипенем мен дорипенем-М-1 метаболитінің жинақталу ықтималдығына байланысты бүйрекке үздіксіз орын басу емі кезінде анықталмаған. Шектеулі клиникалық деректерге және дорипенем-М-1 метаболитіне күтілетін жоғары ықпалына бүйрекке үздіксіз орын басу еміндегі науқастарға мұқият мониторинг жүргізу ұсынылады.

Мұндай пациенттерде ДОРИПУР 500 препаратының дозасын төмендету керек емес.

Ерітінді дайындау және препаратты қолдану ережелері

Препаратты «Дайын ерітіндіні сақтау шарттары» бөлімінде көрсетілгендерді қоспағанда басқа дәрілік заттармен араластыруға болмайды.

Инфузияға арналған 500 мг ерітінді дозасын дайындау:

Дорипур ұнтағын инъекцияға арналған 10 мл стерильді суда немесе натрий хлоридінің 9 мг/мл (0,9 %) ерітіндісінде (физиологиялық ерітінді) сұйылтады.

Суспензияда көзге көрінетін бөгде бөлшектердің бар-жоқтығын сырттай тексереді (бұл дайын суспензия тікелей енгізу үшін пайдаланылмайды).

Дайын суспензияны шприцтің және иненің көмегімен 100 мл физиологиялық ерітінді немесе 50 мг/мл (5%) глюкоза ерітіндісі тұрған инфузиялық пакетке қосады және толық ерігенге дейін мұқият араластырады.

Инфузиялық ерітіндіде енгізу алдында механикалық қосылыстардың жоқтығын сырттай тексереді және олар анықталса жарамсыз болады.

Пайдаланылмаған ДОРИПУР 500 ерітіндісін және басқа да қалдықтарды жергілікті ережелерге сәйкес утилизациялау қажет.

Дайын ерітіндіні сақтау шарттары:

ДОРИПУР 500 ұнтағына инъекцияға арналған 10 мл стерильді су немесе натрий хлоридінің 9 мг/мл (0,9 %) ерітіндісін (физиологиялық ерітінді) қосқаннан кейін суспензияны 30°С-ге дейінгі температурада инфузиялық ерітіндімен сұйылту алдында 1 сағат бойы құтыда сақтауға болады.

Төменде кестеде оларды бөлме температурасында немесе тоңазытқышта сақтау жағдайларында дорипенемді физиологиялық ерітіндімен немесе 50 мг/мл (5%) глюкоза ерітіндісімен сұйылтудың сақтау мерзімдері көрсетілген.

Физиологиялық ерітіндіде немесе 5% глюкоза ерітіндісінде дайындалған инфузиялық ерітінділерді сақтау:

* Тоңазытқыштан шығарғаннан кейін инфузиялық ерітінді пациентке бөлме температурасында сақтаудың рұқсат етілген уақыты ішінде енгізілуі тиіс. Бұл ретте ерітіндіні тоңазытқышта сақтаудың жинақ уақыты, ерітіндіні бөлме температурасына дейін жылыту уақыты және ерітіндіні пациентке енгізу уақыты тұтас алғанда тоңазытқышта сақтаудың рұқсат етілген уақытынан асып кетпеуі тиіс.

Утилизация және өңдеу кезіндегі ерекше сақтандыру шаралары:

Әрбір құты тек бір рет пайдалануға арналған.

ДОРИПУР 500 қалпына келтіреді, сосын құйғанға дейін тағы сұйылтады. Барлық пайдаланылмаған дәрілік препарат немесе қалдықтар жергілікті талаптарға сәйкес утилизациялануы тиіс.

Жағымсыз әсерлер

Өте жиі ≥1/10

- бас ауыруы

- жүрек айнуы, диарея

Жиі ≥1/100 – <1/10

- ауыз қуысының кандидозы, вульваның зеңдік инфекциялары

- флебит

- бауыр ферменттері деңгейінің жоғарылауы

- қышыну, бөртпе

Жиі емес ≥1/1000 - <1/100

- тромбоцитопения, нейтропения

- аллергиялық реакциялар

- C. Difficile туындатқан жалған жарғақшалы колит

Жиілігі белгісіз

- анафилаксия

- Стивенс-Джонсон синдромы, уытты эпидермальді некролиз

- құрысулар

• дорипенемге немесе басқа да карбапенемдерге аса жоғары сезімталдық

• бета-лактамдық антибиотиктерге анафилаксиялық реакциялары болған пациенттер

• 18 жасқа дейінгі балалар мен жасөспірімдер

Пробенецид дорипенемнің бүйректік клиренсін төмендетеді. Пробенецид және ДОРИПУР 500 бір уақытта қолдану ұсынылмайды.

ДОРИПУР 500 сарысудағы вальпрой қышқылының деңгейін төмендетеді. ДОРИПУР 500 және вальпрой қышқылын бір уақытта қолданғанда соңғысының концентрацияларына мониторинг жүргізу керек. Баламалы бактерияға қарсы ем немесе қосымша құрысуға қарсы емді де қолдану мүмкіндігін қарастыру керек.

ДОРИПУР 500 цитохром Р450 жүйесінің негізгі изоферменттерін тежемейді, сондықтан көрсетілген ферменттермен метаболизденетін препараттармен өзара әрекеттеспеуі ықтималды.

ДОРИПУР 500 препаратының ферменттерді индукциялау қабілеті жоқ.

Дорипенемді нақты бір пациенттерді емдеу үшін таңдағанда инфекцияның күрделілігі, басқа да жарамды бактерияға қарсы препараттарға төзімділіктің басымдығы және карбапенем-резистентті бактериялар үшін таңдау қаупі сияқты факторларға сүйене отырып, карбапенемдердің бактерияға қарсы препараттарын қолданудың мақсатқа сәйкестігін назарға алу қажет.

Кеш басталған (> 5 күн ауруханада болу) желдетілумен-астасқан пневмониясы бар пациенттерді емдеу үшін антибиотик пен дозаны таңдағанда және нозокомиальді пневмонияның басқа жағдайларында, көкіріңді сепсис (Pseudomonas spp.) және акинетобактерия (Acinetobacter spp.) сияқты сезімталдығы төмен патогендерге күдіктенгенде немесе олар расталғанда сақтық таныту қажет.

Көкіріңді таяқша инфекциясына (Pseudomonas aeruginosa) күдік болғанда немесе ол расталса аминогликозидпен біріктіріп қолдану тағайындалуы мүмкін.

Аса жоғары сезімталдық реакциялары

Бета-лактамды антибиотиктер қабылдайтын пациенттерде күрделі, ал кейде өліммен аяқталатын аса жоғары сезімталдық реакциялары (анафилаксиялық реакция) туындауы мүмкін. ДОРИПУР 500 препаратымен емді бастар алдында пациенттен бұрын онда басқа карбапенемдерге немесе бета-лактамды антибиотиктерге аса жоғары сезімталдық реакциялары болды ма, соны дұрыстап сұрастырып алу қажет. Бұрын мұндай реакциялары болған пациенттерде ДОРИПУР 500 үлкен сақтықпен қолдану керек. ДОРИПУР 500 аса жоғары сезімталдық реакциялары туындаған жағдайда оны бірден тоқтату және тиісті ем жүргізу керек. Күрделі жедел аса жоғары сезімталдық реакциялары (анафилаксия) адреналинмен шұғыл ем жүргізуді және оксигенотерапия, вена ішіне сұйықтық, сондай-ақ антигистаминдік препараттар, кортикостероидтар, прессорлық аминдер енгізу кіретін басқа да шұғыл шаралар қабылдауды және тыныс алу жолдарының өткізгіштігін демеуді талап етеді.

Құрысулар

Құрысу орталық жүйке жүйесі (ОЖЖ) тарапынан болатын тиісті бұзылыстар (мысалы, инсульт немесе анамнезінде құрысулардың болуы), бүйрек функциясының бұзылуы болған пациенттерде және 500 мг жоғары дозаларда өте жиі кездесті.

Жалған жарғақшалы колит

C. difficile туындатқан жалған жарғақшалы колит барлық дерлік бактерияға қарсы препараттармен емдегенде туындауы және жеңілден өмірге қауіп төндіретін деңгейге дейін түрленуі мүмкін. Міне сондықтан Дорипур қабылдайтын пациентте диарея туындаса осы асқыну туралы ескеру қажет.

Сезімтал емес бактериялардың шамадан тыс өсімі

Оған резистентті микроорганизмдердің шамадан тыс көбеюін болдырмау үшін ДОРИПУР 500 препаратымен ұзақ емделуден аулақ болу керек.

Вальпрой қышқылымен өзара әрекеттесуі

ДОРИПУР 500 препараты мен вальпрой қышқылын/натрий вальпроатын бірге қолдану ұсынылмайды.

Ингаляциялық енгізудегі пневмонит

ДОРИПУР 500 препаратын ингаляциялық енгізу кезінде пневмонит туындауы мүмкін, сондықтан оны ингаляциялық жолмен енгізбеген жөн.

Ұзаққа созылған бүйрек-орын басу емі

Дорипенем-М-1 метаболитінің бүйрекке үздіксіз орын басу еміндегі пациенттерге ықпалы қазіргі уақытта қауіпсіздігі туралы зертханалық деректер жоқ деңгейге дейін ұлғаюы мүмкін. Метаболитте мақсатты фармакологиялық белсенділік жоқ, бірақ басқа да ықтимал фармакологиялық әсерлер белгісіз. Қауіпсіздікті мұқият бақылау ұсынылады.

Балаларға арналған дозалар

Қазіргі уақытта ДОРИПУР 500 препаратын балаларда қолдану тәжірибесі жоқ.

Жүктілік және лактация

ДОРИПУР 500 препаратын қолану бойынша деректер жүкті әйелдердің аз мөлшерінде бұл препарат жүктілікке, шарананың және нәрестенің денсаулығына кері ықпалын тигізбейтіні расталған. Қазіргі уақытта басқа релевантты эпидемиологиялық деректер жоқ. ДОРИПУР 500 жүкті әйелдерге қолдану ұсынылмайды. Препаратты тек ерекше жағдайларда тағайындауға болады.

Дорипенем әйелдердің емшек сүтіне өтетіні белгісіз.

Емшек сүтінің сәби үшін пайдасын және ДОРИПУР 500 препаратымен емдеудің әйелдің өзіне пайдасын ескере отырып, дәрігер емшек емізуді жалғастыру немесе тоқтату немесе ДОРИПУР 500 препаратымен емді жалғастыру немесе тоқтату туралы шешім қабылдауы тиіс.

Дәрілік заттың көлік құралдарын немесе қауіптілігі зор механизмдерді басқару қабілетіне ықпал ету ерекшеліктері

Ықпал етпейді.

Симптомдары: түйіндік және эритематоздық элементтер түріндегі бөртпелер, олар Дорипурмен емді тоқтатқаннан кейін 10 күн ішінде жоғалды.

Емі: ДОРИПУР 500 енгізуді тоқтату және оның толық бүйректен шығып кетуіне дейін жалпы демеуші ем бастау керек. ДОРИПУР 500 бүйрекке үздіксіз орын басу емі немесе гемодиализ арқылы шығарылуы мүмкін. Дегенмен, артық дозалануды емдеу үшін осы тәсілдердің қайсы бірін пайдалану бойынша қолжетімді ақпарат жоқ.

Шығарылу түрі және қаптамасы

500 мг препараттан сұр резеңке тығынмен тығындалған және крем түсті «flip off» пластик қақпағы бар алюминий қалпақшамен қаусырылған мөлдір шыныдан жасалған құтыларға салынады.

1 құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

25°С-ден аспайтын температурада сақтау керек.

Қалпына келтірілген ерітіндіні бірден пайдалану қажет.

Балалардың қолы жетпейтін жерде сақтау керек!

2 жыл

Жарамдылық мерзімі өткеннен кейін қолдануға болмайды.

Рецепт арқылы

Өндіруші

Auronext Pharma Private Limited, Үндістан

А-1128, Phase III, RIICO Industrial Area, Bhiwadi-301019,

District –Alwar, Rajasthan, India

Auronext Pharma Private Limited, Үндістан

А-1128, Phase III, RIICO Industrial Area, Bhiwadi-301019,

District –Alwar, Rajasthan, India

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін бақылауға жауапты ұйымның атауы, мекенжайы және байланыс деректері (телефон, факс, электрондық поштасы)

ҚР, Алматы қ-сы, Орманов к-сі 47, т.е. 2

Тел. (727) 382-37-26

Е-mail: avcare_kz@mail.ru