Дорзамед
Инструкция
-
русский
-
қазақша
Саудалық атауы
Дорзамед
Халықаралық патенттелмеген атауы
Дорзоламид
Дәрілік түрі
Көз тамшы дәрісі 2% 5 мл
Құрамы
1 мл препараттың құрамында
белсенді зат - 20 мг дорзоламид (дорзоламид гидрохлориді түрінде),
қосымша заттар: гидроксиэтилцеллюлоза, маннитол, лимон қышқылы моногидраты, натрий гидроксиді, бензалконий хлориді, тазартылған су.
Сипаттамасы
Көрінетін бөлшектерсіз, мөлдір түссіз ерітінді.
Фармакотерапиялық тобы
Глаукомаға қарсы препараттар және миотиктер. Карбоангидраза тежегіштері. Дорзоламид.
АТХ коды S01EC03
Фармакологиялық қасиеттері
Фармакокинетикасы
Жергілікті қолданған кезде дорзоламид жүйелі қан ағымына өтеді. Курспен қолданғанда II карбоангидразамен іріктеп байланысуы нәтижесінде эритроциттерде жинақталады.
Осылайша қан плазмасында өзгермеген белсенді заттың өте төмен концентрациясы анықталады. Дорзоламид, сондай-ақ эритроциттерде жинақталатын жалғыз N-десэтильді метаболитті түзіп, метаболизденеді.
Дорзоламидтің қан плазмасының ақуыздарымен байланысы шамамен
33%-ды құрайды.
Басым бөлігі өзгермеген зат және метаболит түрінде негізінен несеппен щығарылады.
Дорзоламидті енгізу аяқталғаннан кейін эритроциттерден жуып шығару үдерісі дозаға байланысты емес сипатта болады: басында белсенді заттың концентрациясын тез төмендету жүреді, содан кейін шығарылу баяулайды, сонымен бірге T1/2 4 айды құрайды.
Фармакодинамикасы
Глаукомаға қарсы дәрі. Цилиарлық денеде карбоангидразаны тежеу кейін натрий мен сұйықтықты тасымалдауды баяулатып, бикарбонат иондарын түзудің азаюына жағдай жасайды, бұл көзішілік сұйықтығының секрециясының төмендеуіне әкеледі.
Дорзамедтің 2% офтольмологиялық ерітіндісі түрінде жергілікті қолдану кезінде жоғары көзішілік қысым төмендейді, бұл көру жүйкесі зақымдануы және көз қызметінің глаукоматозды нашарлауы (көру аймағының тарылуы) патогенезінде қауіптің жетекші факторы болып табылады. Аккомодация түйілуін, миоз, гемералопияны туындатпайды.
Жергілікті қолдану кезінде Дорзамед жүйелік қан ағымына өтеді.
Қолданылуы
- жоғары көзішілік қысым
- ашық бұрышты глаукома (соның ішінде псевдоэксфолиативті глаукома және салдарлы ашық бұрышты глаукоманың өзге түрлері)
Қолданылу тәсілі және дозалары
Жергілікті қолдануға ғана арналған. Конъюнктивальді. Монотерапия кезінде Дорзамедті зақымданған көзге 1 тамшыдан тәулігіне 3 рет тағайындайды.
Жергілікті қолдану үшін бета-адреноблокатормен біріктіргенде препаратты зақымданған көзге 1 тамшыдан тәулігіне 2 рет тағайындайды.
Өзге де жергілікті офтальмологиялық затты бір мезгілде қолданған кезде инстилляциялар арасындағы аралық кемінде 10 минут болуы керек. Егер Дорзамед өзге офтальмологиялық препараттарды ауыстыру ретінде тағайындалған жағдайда, соңғысын Дорзамедпен емді бастардан бір күн бұрын тоқтату керек.
Жағымсыз әсерлері
- күйдіру, инсталляциядан кейін көздің шаншуы немесе жайсыздығы; нүктелі беткейлік кератит, көрудің бұлыңғырлануы, көздің қызаруы, көз жасының ағуы, көз құрғақтығы, транзиторлық миопия, трабекулэктомиядан кейін көздің тамырлы қабығының ажырауы, қабақтың жабысып қалуы
- жүйелік аллергиялық реакциялардың белгілері мен симптомдары (соның ішінде ангионевротикалық ісіну, бронх түйілуі, қышыну, есекжем)
- ауыздағы ащы дәм, жүрек айнуы
- бас айналуы, бас ауыруы
- парестезиялар
- жанаспалы дерматит
- диспноэ, мұрыннан қан кету, тамақтың тітіркенуі, синусит, ринит
- нефролитиаз
Қолдануға болмайтын жағдайлар
- препарат компоненттеріне жоғары сезімталдық
- бүйрек жеткіліксіздігі
- гиперхлоремиялық ацидоз
- жүктілік және лактация кезеңі
- балалар мен 18 жасқа дейінгі жасөспірімдер
Дәрілермен өзара әрекеттесуі
Дорзамед өзге глаукомаға қарсы препараттардың әсерін көтереді. Ацетазоламид ішке қабылдаған кезде Дорзамедтің жүйелік жағымсыз әсерлерінің даму қаупін арттырады. Ацетилхолинэстеразаның мысалы, физиостигмин, галантамин, неостигмин немесе пиридостигмин (миастения кезінде жиі қолданылатын) сияқты тежегіштерінің әсері дорзоламидпен төмендетілуі мүмкін. Диуретиктермен біріктіріп қолданған кезде калийді едәуір жоғалту мүмкіндігі бар. Фенитоинмен бір мезгілде тағайындау остеопорозды күшейтуі мүмкін. Дорзамедпен бірге қабылданатын салицил қышқылы ацидоздың дамуына әкелуі мүмкін.
Айрықша нұсқаулар
Дорзоламид гидрохлориді сульфаниламид болып табылады және жергілікті қолданылса да, жүйелі абсорбцияға ұшырайды. Осыған байланысты дорзоламидті көз тамшысы түрінде қолданған кезде сульфаниламидтерге тән жағымсыз реакциялар туындауы мүмкін. Сульфаниламидтерге ауыр реакциялар салдарынан, Стивенс-Джонсон синдромын, уытты эпидермальді некролизді, фульминантты гепатонекрозды, агранулоцитозды, апластикалық анемияны және қанның өзге де дискразиясын қоса, сирек болса да өлімге әкелетін оқиғалар белгілі болды. Сульфаниламидтерге сенсибилизация енгізу жолына байланыссыз қайталап қолдану кезінде байқалуы мүмкін. Елеулі жағымсыз реакциялар немесе жоғары сезімталдық байқалған кезде қолдануды тоқтату керек.
Жабық бұрышты глаукоманың жедел ұстамасымен емделушілерде дорзоламид гидрохлоридінің 2% офтальмологиялық ерітіндісін пайдалану зерттелмеді.
Көздің мөлдір қабығының тығыздығы төмен эндотелиальді жасушалары бар емделушілерде дорзоламид гидрохлоридінің 2% офтальмологиялық ерітіндісін абайлап пайдалану қажет, себебі мұндай санаттағы науқастарда мөлдір қабық ісінуінің даму ықтималдығы жоғары.
Бүйрек қызметінің ауыр бұзылуы бар науқастарда қолдану ерекшеліктері (Cl креатинин 30 мл/мин төмен) анықталмады. Себебі дорзоламид гидрохлоридінің басым бөлігі (оның метаболиті тәрізді) бүйрек арқылы шығарылатындықтан, оны аталған патология кезінде тағайындауға болмайды.
Бауыр қызметі бұзылуымен емделушілерде қолдану ерекшеліктері анықталмады (абайлап қолдану керек).
Клиникалық зерттеулерде дорзоламид гидрохлоридін 2% офтальмологиялық ерітінді түрінде ұзақ уақыт пайдалану кезінде жергілікті жағымсыз әсерлердің, ең алдымен конъюнктивиттің және қабақ жағынан реакциялардың дамуы туралы хабарланды. Бұл реакциялардың көпшілігінің клиникалық білінуі және ағымы, аллергиялық түрде өтіп және препаратты тоқтатқаннан кейін қайтты. Бұндай реакциялар байқалған кезде препаратты тоқтатып, емді қайта жалғастыру алдында емделушінің жағдайына бағалау жүргізу керек.
Мультидозалық құтылардағы офтальмологиялық затты пайдалануға байланысты бактериальді кератиттің даму жағдайлары туралы хабарланды. Пайдалану кезінде құты ішіндегісінде абайсызда контаминация болуы және офтальмологиялық инфекциялардың туындауы мүмкін.
Дорзоламид гидрохлоридінің офтальмологиялық ерітіндісін жанаспалы линза кию уақытында қолдануға болмайды.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Препарат емдеу кезеңінде бас айналуы мен жүрек айнуды туғызуы мүмкін болғандықтан зейінді жұмылдыру және психомоторлық реакциялардың жоғары жылдамдығы қажеттігіне байланысты қызметтің потенциальді қауіпті түрлерімен айналысуға болмайды.
Артық дозалануы
Белгілері: электролиттік тепе-теңдіктің бұзылуы, ацидоздың дамуы, орталық жүйке жүйесі тарапынан бұзылу.
Емі: симптоматикалық, қандағы электролиттер (әсіресе калийдің) деңгейінің мониторингі және қан рН мөлшерін бақылау қажет. Кездейсоқ және әдейі артық дозалану жағдайында дәрігерге қаралу керек.
Шығарылу түрі және қаптамасы
5 мл препараттан сақтандырғыш сақинамен жабдықталған бұралатын қорғағыш қақпағы және тамызғыш тығыны бар пластик құтыға салынады.
1 құтыдан қолданылуы жөніндегі мемлекеттік және орыс тілдеріндегі нұсқаулықпен бірге картон қорапқа салынады.
Сақтау шарттары
Жарықтан қорғалған жерде, 150С-ден 250С-ге дейінгі температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Құтыны ашқаннан кейінгі қолдану кезеңі 4 апта
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
«РомфармКомпаниС.РЛ.»,Отопень, Ероилор1А к-сі, Румыния ("Rompharm Company S.R.L.", Otopeni, Eroilorstreet 1 A, Romania).
Сауда маркасының және тіркеу сертификатының иесі «УОРЛД МЕДИЦИН ОФТАЛЬМИКС» компаниясы болып табылады, Ұлыбритания ("WORLD MEDICINE OPHTHALMICS", Great Britain).
Тіркеу куәлігі иесінің атауы мен елі
«УОРЛД МЕДИЦИН ОФТАЛЬМИКС», Ұлыбритания
Қаптаушы-ұйымның атауы мен елі
«Ромфарм Компани С.Р.Л.», Румыния
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы
ҚР, Алматы, Түрксіб ауданы, Сүйінбай даңғылы, 222 б
Тел/факс: 8(7272) 529090