Денипим

Денипим

Цефепим

Инъекция үшін ерітінді дайындауға арналған ұнтақ, 1 г

белсенді зат – Цефепим 1000,0 мг

(цефепим гидрохлориді және L-аргининнің стерильді қоспасы түрінде)

Ақтан ақшыл-сары түске дейінгі ұнтақ.

Жүйелі қолдануға арналған бактерияларға қарсы препараттар. Бактерияға қарсы басқа да бета-лактамды препараттар. Төртінші буын цефалоспориндері. Цефепим.

АТХ коды J01DЕ01

Фармакокинетикасы

Сіңуі: Денипимнің қан плазмасындағы ең жоғары концентрациясы 500 мг, 1 г және 2 г дозаларда вена ішіне енгізгенде сәйкесінше 39,1 ± 3,5 мкг/мл, 81,7 ±5,1 мкг/мл және 163,9 ±25,3 мкг/мл құрайды.

Денипим бұлшықет ішіне енгізгеннен кейін толық сіңеді. 500 мг, 1 г және 2 г дозаларда цефепимнің қан плазмасындағы ең жоғары концентрациясы сәйкесінше 13,9 ± 3,4 мкг/мл, 29,6 ± 4,4 мкг/мл, 57,5 ± 9,5 мкг/мл құрайды; ең жоғары концентрациясына жету уақыты сәйкесінше 1,4 ± 0,9 с, 1,6 ± 0,4 с, 1,5 ± 0,4 сағат құрайды.

Таралуы: плазма ақуыздарымен байланысуы 19%-дан кемді құрайды және Денипимнің қан сарысуындағы концентрациясына тәуелді емес. Дені сау адамдарда Денипимді 2 г дозада 8 сағат аралықпен 9 күн бойы вена ішіне енгізгенде препараттың организмде жинақталуы байқалған жоқ. Денипимнің емдік концентрациялары несепте, өтте, перитонеальді сұйықтықта, күйік күлбіреуіктерінің құрамында, бронхтардың шырышты сөліністерінде, қақырықта, қуық асты безі тіндерінде, аппендиксте және өт қабында, менингитте жұлын сұйықтығында анықталады.

Метаболизмі: Денипим N-метилпирролидин туындысына метаболизденеді, ал ол N-оксидке тез айналады. Несепте Денипимнің енгізілген дозасының 85%-ға жуығы өзгермеген күйде және 1%-дан азы N-метилпирролидин туындысы түрінде және 6,8% N-оксид түрінде, 2,5% цефепим эпимері түрінде анықталады.

Шығарылуы: Денипимнің организмнен жартылай шығарылуының орташа кезеңі 2 сағатқа жуықты құрайды. Орташа жалпы клиренсі 120 мл/мин құрайды. Денипим бүйрекпен, негізінен шумақтық сүзіліс жолымен шығарылады.

Айрықша клиникалық жағдайлардағы фармакокинетикасы: бүйрек функциясы қалыптағыдай 65 жастағы немесе одан асқан науқастарда бүйрек клиренсі ауқымы жас науқастарға қарағанда төмен. Бүйрек функциясының бұзылуы бар науқастарда жартылай шығарылу кезеңі жоғарылайды. Диализ жүргізуді талап ететін бүйрек функциясының ауыр бұзылуы бар науқастарда жартылай шығарылуының орташа кезеңі гемодиализ үшін 13 сағат және перитонеальді диализ үшін 19 сағат құрайды.

Бауыр функциясының бұзылуы, муковисцидозы бар науқастарда Денипимнің фармакокинетикасы өзгермеген.

Балалардағы фармакокинетикасы: Денипимнің бір реттік және көп реттік дозаларынан кейін фармакокинетикасын зерттеуде, жастары 2 айдан 16 жасқа дейінді құрайтын және вена ішілік инфузия жолымен немесе бұлшықет ішілік инъекция жолымен енгізілетін 50 мг/кг дозаларды алған пациенттерде баға берілді; көп реттік дозалар әр 8 ​​немесе 12 сағат сайын, кем дегенде 48 сағат бойы енгізілді.

Денипимнің бірінші дозадан кейін жеткен плазмадағы орташа концентрациялары, тепе-тең күйдегі осындайларға ұқсас болды, және аздаған жинақталуы қосымша дозаларды енгізген кезде байқалды. Денипимнің вена ішілік инъекциядан кейінгі плазмадағы орташа концентрациясының мәні 0,75 сағаттан кейін 68 мкг/мл құрады. Бұлшықетішілік инъекциядан кейінгі орташа ең жоғарғы концентрациясы 8 сағаттан кейін 6,0 мкг/мл құрады. Бұлшықетішілік инъекциядан кейін биожетімділігінің орташа мәні 82% болды.

Басқа фармакокинетикалық параметрлер бойынша әртүрлі жастағы пациенттер арасында немесе еркектер мен әйелдер арасында айырмашылықтар болған жоқ.

Бір реттік дозаны вена ішіне енгізгеннен кейін жалпы клиренсінің орташа мәні 3,3 мл/мин/кг, ал таралу көлемі – 0,3 л/кг құрады. Жартылай ыдырау кезеңі 1,7 сағатты құрады.

Фармакодинамикасы

Денипим – IV буындағы цефалоспоринді антибиотик, грамоң және грамтеріс бактерияларға, аминогликозидтерге немесе III буындағы цефалоспоринді антибиотиктерге төзімді штаммдарға қатысты кең ауқымды әсерге ие. Денипимнің бета-лактамазалардың көбінің гидролизіне төзімділігі жоғары, бета-лактамазаларға қатысты аз ұқсастыққа ие және бактериялық жасушаларға жылдам өтеді.

Денипимнің әсер ету механизмі пенициллин-байланыстырушы ақуыздарды (ПБА), мысалы, транспептидазаларды тежеу жолымен, сол арқылы бактерицидтік әсер тудыра отырып,бактерияның жасушалық қабырғасының синтезін тежеуге (пролиферация фазасы) негізделген.

Денипим грамоң аэробты бактерияларға қатысты белсенді: Staphylococcus aureus ( бета-лактамазаларды өндіретін штаммдарды қоса), Staphylococcus epidermidis (бета-лактамазаларды өндіретін штаммдарды қоса), Staphylococcus spp. басқа штаммдары (Staphylococcus hominis, Staphylococcus saprophyticus қоса), Streptococcus pyogenes (A тобының стрептококктары), Streptococcus agalactiae (B тобының стрептококктары), Streptococcus pneumoniae (пенициллинге орташа төзімділікпен штаммдарды қоса – ең төмен бәсеңдететін концентрациясы 0,1-ден 1 мкг/мл дейін), Streptococcus bovis (D тобы), Streptococcus viridans, басқа да бета-гемолиздік стрептококктар (C,G,F топтары); грамтеріс аэробты бактериялар: Pseudomonas spp. (Pseudomonas aeruginosa, Pseudomonas putida, Pseudomonas stutzeri қоса), Escherichia coli, Klebsiella spp. (Klebsiella pneumoniae, Klebsiella oxytoca, Klebsiella ozaenae қоса), Enterobacter spp. (Enterobacter cloacae, Enterobacter aerogenes, Enterobacter agglomerans, Enterobacter sakazakii қоса), Proteus spp. (Proteus mirabilis, Proteus vulgaris қоса), Acinetobacter calcoaceticus (Acinetobacter anitratus, Acinetobacter lwoffii қосалқы типтері), Aeromonas hydrophila, Capnocytophaga spp., Citrobacter spp. (Citrobacter diversus, Citrobacter freundii қоса), Campylobacter jejuni, Gardnerella vaginalis, Haemophilus ducreyi, Haemophilus influenzae (бета-лактамазаларды өндіретін штаммдарды қоса), Haemophilus parainfluenzae, Hafnia alvei, Legionella spp., Morganella morganii, Moraxella catarrhalis (бета-лактамазаларды өндіретін штаммдарды қоса), Neisseria gonorrhoeae (бета- лактамазаларды өндіретін штаммдарды қоса), Neisseria meningitidis, Providencia spp.(Providencia rettgeri, Providencia stuartii қоса), Salmonella spp., Serratia spp. (Serratia marcescens, Serratia liquefaciens қоса), Shigella spp., Yersinia enterocolitica; анаэробты бактериялар: Bacteroides spp. (Bacteroides melaninogenicus, Bacteroides spp. ауыз қуысындағы/ Bacteroides spp. басқа штаммдарын қоса/), Clostridium perfringens, Fusobacterium spp., Mobiluncus spp., Peptostreptococcus spp., Veillonella spp.

Препаратқа Xanthomonas maltophilia кейбір штаммдары төзімді (Pseudomonas maltophilia), Bacteroides fragilis, Clostridium difficile.Энтерококктардың көптеген штаммдары (оның ішінде Enterococcus faecalis) және метициллинге төзімді стафилококктар, Денипимді қоса, цефалоспоринді антибиотиктердің көбіне төзімді.

Препаратқа сезімтал микроорганизмдерден туындаған инфекциялық- қабыну ауруларын емдеу:

• тыныс жолдарының төменгі бөлігінің инфекциялары

• жоғарғы және төменгі несеп шығару жолдарының инфекциялары (асқынған және асқынбаған)

• тері мен жұмсақ тіндер инфекциялары

• интраабдоминальді инфекциялар

• гинекологиялық инфекциялар

• септицемия

• нейтропениялық қызба (эмпириялық ем ретінде)

• бактериялық менингит

- іш қуысына хирургиялық операциялар жүргізгенде инфекциялардың профилактикасы

Нейтропениялық қызбада Денипиммен монотерапия фебрильді нейтропениясы бар және ауыр инфекцияның даму қаупі төмен пациенттерде ғана қолданылады. Инфекциялану қаупі жоғары пациенттерге (мысалы, жақында сүйек кемігінің трансплантациясын бастан өткерген, гематологиялық ұзақ немесе ауыр нейтропения негізінде жатқан гипотензиясы немесе қатерлі ісіктері бар), цефепиммен микробқа қарсы монотерапия ұсынылмайды. Мұндай пациенттерге үйлестірілген ем ұсынылады.

Денипиммен емдеуді қоздырғышты анықтағанға дейін бастауға болады.

Дозасы мен енгізу жолын қоздырғыштың сезімталдығына, инфекцияның ауырлығына, сондай-ақ науқастың бүйрек функциясының жағдайына қарай анықтайды.

Венаішілік енгізу жолы әсіресе шок қаупінде ауыр немесе өмірге қауіп төндіретін инфекциялары бар науқастар үшін таңдап алынады.

Ересектер мен 12 жастан асқан балаларға (салмағы 40 кг-ден асатын) бүйрек функциясы қалыпты болғанда препарат келесі дозаларда тағайындалады:

Емнің орташа ұзақтығы 7-10 күнді құрайды. Ауыр инфекцияларда одан ұзағырақ емдеу қажет болуы мүмкін.

Нейтропениялық қызбасы және бактериялық менингиті бар 12 жастан асқан балалар мен ересектерге препаратты әр 8 сағат сайын 50 мг/кг тағайындайды.

Фебрильді нейтропенияны эмпирикалық емдеу үшін әдеттегі емдеу ұзақтығы 7 күнді құрайды немесе нейтропения симптомдары жоғалған кезде тоқтатылады.

Бүйрек функциясы қалыпты 2 айдан 12 жасқа дейінгі балалар – әдетте ұсынылатын доза:

2 айдан асқан және дене салмағы 40 кг-ден аз балалар: пневмонияда, несеп жолдарының инфекциясында, тері және тері құрылымдарының инфекциясында 10 күн бойы әр 12 сағатта 50 мг/кг дозада тағайындайды. Инфекция ауырлығының дәрежесі біршама күрделі болған кезде әр 8 ​​сағат сайын енгізуге болады. Сепсисте, бактериялық менингитте және фебрильді нейтропенияны эмпирикалық емдеуде 7-10 күн бойы әр 8 сағатта 50 мг/кг дозада тағайындайды.

Дене салмағы 40 кг-ден асатын балалар: ересктерге арналған дозалау жөніндегі нұсқауларға сүйенеді.

12 жастан асқан, бірақ дене салмағы 40 кг-ден аз пациенттер үшін дене салмағы 40 кг-ден аз жасырақ пациенттерге қолданылатын ұсыныстарға сүйенеді. Балаларға қолданылатын дозалар ересек адамға ұсынылатын ең жоғарғы дозадан аспауы тиіс – әр 8 сағатта 2 г. Балаларға бұлшықет ішіне қолданудың аздаған тәжірибесі бар.

Хирургиялық операция жүргізген кезде ықтимал инфекциялардың профилактикасы үшін операция басталардан 60 минут бұрын препаратты 2 г дозада 0,9% натрий хлориді ерітіндісінде вена ішіне тамшылатып 30 минут бойы енгізеді. Енгізу аяқталғаннан кейін метронидазолды вена ішіне 500 мг дозада қосымша тағайындайды. Метронидазол ерітінділерін Денипиммен бір мезгілде енгізбеу керек. Инфузиялық жүйені метронидазолды енгізер алдында шаю керек.

Ұзақ уақытқа созылған (12 сағаттан астам) хирургиялық операциялар кезінде бірінші дозадан кейін 12 сағаттан соң соңынан метронидазолды енгізумен Денипим препаратының бірдей дозасын қайта енгізу ұсынылады.

Бүйрек функциясының бұзылуы бар науқастарда (креатинин клиренсі 30 мл/мин кем) препаратты дозалау режимін түзету ұсынылады. Денипимнің бастапқы дозасы бүйрек функциясы қалыпты науқастардағыдай болуы керек. Препараттың демеуші дозасын креатинин клиренсі (КК) мәніне байланысты анықтайды:

Гемодиализ кезінде 3 сағат ішінде организмнен шамамен Денипимнің жалпы мөлшерінің 68% шығарылады. Әрбір сеанс аяқталғаннан кейін бастапқы дозаға тең дозаны қайталап енгізу керек. Үздіксіз амбулаторлық перитонеальді диализдегі науқастарда Денипим препаратын инфекцияның ауырлығына қарай, орташа ұсынылған дозаларда, яғни енгізу аралығы 48 сағат 500 мг, 1 г немесе 2 г бір реттік дозаларда қолдануға болады.

Тек сарысу креатининінің стационарлық концентрациясы бойынша деректер болғанда, ересектер үшін КК анықтауға келесі формуланы қолдануға болады:

Ерлер: салмағы (кг) x (140 - жасы)

КК (мл/мин) = --------------------------------------------------

72 x сарысу креатинині (мг/дл)

Әйелдер:

Жоғарыда берілген мән x 0,85.

Бүйрек функциясының бұзылуы бар 12 жастан асқан балаларға ересектердегі секілді дозалау режимін өзгерту ұсынылады, өйткені цефепимнің фармакокинетикасы ересектер мен балаларда ұқсас болады.

2 айдан 12 жасқа дейінгі пациенттер 50 мг/кг доза үшін ересектерге арналған 2 г дозамен салыстырымды. Сондай-ақ дозалар арасындағы аралықтарды пайдалану және/немесе жоғарыдағы кестеде ұсынылған дозаны төмендету ұсынылады.

Тек сарысу креатининінің стационарлық концентрациясы бойынша деректер болғанда, балалар үшін КК анықтауға келесі формуланы қолдануға болады:

0,55 x бойы (см)

КК (мл/мин/1,73 м2) = -----------------------------------------

сарысу креатинині (мг/дл)

немесе

0,52 x бойы (см) – 3,6

КК (мл/мин/1,73 м2) = -----------------------------------------

сарысу креатинин (мг/дл)

Бауыр функциясының бұзылуы бар науқастарда Денипимнің дозалау режимін түзету қажет емес.

Бүйрек функциясы бұзылмаған гериатриялық науқастарда Денипимнің дозалау режимін түзету қажет емес.

Препаратты дайындау және енгізу ережесі

Вена ішіне енгізуге арналған ерітіндіні дайындау үшін құтыдағы инъекцияға арналған ұнтақты кестеде көрсетілгендей 5 мл немесе 10 мл инъекцияға арналған стерильді суда, 5% глюкоза ерітіндісінде немесе 0,9% натрий хлоридінің ерітіндісінде ерітеді. Денипим препаратын вена ішіне сорғалатып 3-5 минут ішінде енгізеді. Вена ішіне енгізуге арналған жүйе арқылы енгізгенде дайындалған ерітіндіні вена ішіне құюға арналған басқа да ерітінділермен араластырады және 30 минуттан кем емес уақыт ішінде енгізеді.

Денипим ерітінділері 1-ден 40 мг/мл дейінгі концентрацияларда парентеральді енгізуге арналған келесі ерітінділермен сыйымды: 0,9% натрий хлоридінің ерітіндісі (инъекцияға арналған), 5% немесе 10% глюкоза ерітіндісі (инъекцияға арналған), М/6 натрий лактат ерітіндісі (инъекцияға арналған), лактатпен Рингер ерітіндісі және 5% декстроза ерітіндісі (инъекцияға арналған).

Бұлшықет ішіне енгізуге арналған ерітінді дайындау үшін құтыдағы инъекцияға арналған ерітіндіні кестеде көрсетілгендей инъекцияға арналған стерильді суда, 0,5% глюкоза ерітіндісінде (инъекцияға арналған) немесе 0,9% натрий хлориді ерітіндісінде (инъекцияға арналған), парабенмен немесе бензил спиртімен инъекцияға арналған бактериостатикалық суда, 0,5% немесе 1% лидокаин гидрохлориді ерітіндісінде ерітеді:

Бұлшықет ішіне енгізуге арналған ерітінді 0,5% немесе 1% лидокаин гидрохлориді ерітіндісінде еріткен кезде енгізілген жерді аздап ауыртады.

Бірлі-жарым жағдайларға қарағанда жиі кездескен жағымсыз реакциялар мынадай градацияға сәйкес берілген: өте жиі (≥10 %); жиі(≥1 %,10 %); кейде (≥0,1 %, 1 %); сирек (≥0,01 %, 0,1 %); өте сирек (0,01 %), жиілігі белгісіз (қолда бар деректер бойынша реакциялардың пайда болу жиілігін бағалау мүмкін емес).

Денипимнің әдетте жағымдылығы жақсы. Клиникалық сынақтарда препаратты қолданумен байланысты жағымсыз әсерлер жиілігі төмен болды.

Жиі

• жүрек айнуы, құсу, диарея

• колиттер (жалған жарғақшалы колитті қоса)

Жиі емес

• қышыну, есекжем, қызба

• жүрек айнуы, құсу, ауыз қуысының кандидозы

• дене температурасының көтерілуі

• спецификалық емес кандидоз, вагинит, эритема, генитальді қышыну

Сирек

• бауыр трансферазалары, сілтілік фосфатаза, калий және кальций деңгейлерінің жоғарылауы

• жалпы билирубиннің жоғарылауы, протромбиндік уақыттың немесе ішінара тромбопластиндік уақыттың ұлғаюы, қалдық азоттың, мочевинаның және/немесе қандағы креатининнің уақытша жоғарылауы

• транзиторлық тромбоцитопения, лейкопения және нейтропения, эозинофилия, Кумбс сынамасының гемолизсіз оң нәтижесі

• флебиттер (вена ішіне енгізгенде), инъекция орнындағы қабыну немесе ауыру (бұлшықет ішіне енгізгенде) болуы мүмкін

• бас ауыруы, бас айналуы, парестезия, құрысулар (жекелеген жағдайларда), енжарлық, энцефалопатия, ұйқысыздық, сананың шатасуы, арқаның ауыруы, астения

• тахикардия, ентігу

• шеткері ісінулер, тершеңдік

• бүйрек функциясының бұзылуы (уытты нефропатия), Стивенс-Джонсон синдромы, уытты эпидермалық некролиз (Лайелл синдромы)

• терінің қызаруы (көбінесе балаларда), бөртпе

• тамақтың ауыруы

• гемолиздік анемия, панцитопения, геморрагия

Өте сирек

• холестаздық сарғаю, гепатит

• іш ауыруы, іш қату, дәм сезудің өзгеруі

• анафилаксиялық реакциялар (анафилаксиялық шок)

- цефепимге немесе L-аргининге, сондай-ақ цефалоспоринді антибиотиктерге, пенициллиндерге немесе басқа бета-лактамды антибиотиктерге жоғары сезімталдық

- 2 айға дейінгі балалар (вена ішіне енгізу тәсілі үшін)

- 12 жасқа дейінгі балалар (бұлшықет ішіне енгізу тәсілі үшін)

- лидокаинге жоғары сезімталдық (оны еріткіш ретінде пайдаланғанда)

Сақтықпен: жүктілік және лактация кезеңі, азқазан-ішек жолының аурулары, оның ішінде анамнезінде (ойық жаралы колит, аймақтық энтерит немесе антибиотикпен астасқан колит), ауыр бүйрек жеткіліксіздігі.

Денипим ерітіндісін (көптеген басқа бета-лактамды антибиотиктер сияқты) метронидазол, ванкомицин, гентамицин, тобрамицин сульфаты және нетилмицин сульфаты ерітінділерімен бір мезгілде енгізгенде фармацевтикалық өзара әрекеттесу болуы мүмкін. Денипимді аталған препараттармен тағайындағанда әрбір антибиотикті жеке-жеке енгізу керек. Диуретиктер, аминогликозидттер, В полимиксині цефепимнің өзекшелік сөлінісін төмендетеді және оның қан сарысуындағы концентрациясын жоғарылатады, Т1/2 ұзартады, нефроуыттылықты күшейтеді (нефронекроздың даму қаупі жоғарылайды). Денипим аминогликозидтердің отоуыттылығын жоғарылатады.

Денипим басқа да цефалоспориндер сияқты кумарин қатарындағы антикоагулянттардың әсерін күшейтуі мүмкін.

Қоздырғыш-микроорганизмді идентификациялау және Денипимге сезімталдығын анықтау үшін сәйкес тест жүргізу керек.

Денипимді аралас аэробты/анаэробты микрофлоралар есебінен (оның ішінде қоздырғыштардың біреуі Bacteroides fragilis болып табылғанда) инфекцияның пайда болуының жоғары қаупіндегі топқа жататын науқастарға тағайындағанда қоздырғышты идентификациялауға дейін Денипиммен бірге бір мезгілде анаэробтарға қатысты белсенді препарат тағайындау ұсынылады.

Денипимді аллергияның кез келген түрімен әсіресе анамнезінде дәрілік препаратқа аллергиялық реакцияларда пациенттерге сақтықпен тағайындайды. Денипиммен емдеу аясында аллергиялық реакциялар пайда болғанда препаратты қабылдауды тоқтату керек. Дереу типтегі аса жоғары сезімталдықтың елеулі реакцияларында адреналинді, глюкокортикостероидтарды, демеуші емнің басқа түрлерін қолдану талап етілуі мүмкін.

Денипиммен емдеу аясында диарея пайда болғанда жалғанжарғақшалы колиттің даму мүмкіндігін ескеру керек. Колиттің жеңіл түрі препаратты қабылдауды тоқтатқаннан кейін өздігінен қайтуы мүмкін; орташа немесе ауыр жағдайлар арнайы емді талап етуі мүмкін.

Денипимді қолданғанда (басқа да антибиотиктер секілді) суперинфекция дамуы мүмкін, ол препаратты қабылдауды тоқтатуды және сәйкес ем тағайындауды талап етеді.

Денипим препаратын аминогликозидтермен және ілмектік диуретиктермен бірге тағайындағанда, асқазан-ішек жолының ауруларында, ауыр созылмалы бүйрек жеткіліксіздігінде аса сақтықпен қарау керек.

Педиатрияда қолданылуы

Денипимді 2 айға дейінгі балаларда қолданудың қауіпсіздігі мен тиімділігі анықталған жоқ.

Жүктілік және лактация кезеңі

Денипимді анасы үшін болжамданған пайдасы шарана үшін потенциальді қаупінен жоғары болған жағдайда ғана қолдануға болады.

Денипим өте төмен концентрацияларда емшек сүтімен бөлініп шығады. Алайда лактация кезінде препаратты сақтықпен қолдану керек.

Тәжірибелік зерттеулерде Денипимнің ұрпақ өрбіту функциясына қандай да болсын әсері және қандай да болсын фетоуытты әсері анықталған жоқ.

Дәрілік заттың көлік құралын және қауіптілігі зор механизмдерді басқару қабілетіне ықпал ету ерекшеліктері

Препараттың жағымсыз әсерлерін ескеріп (бас ауыруы, бас айналуы) көлік құралын жүргізгенде және басқа да қауіптілігі зор механизмдерді басқарғанда сақтық шараларын сақтау керек.

Пациенттің препаратқа жекелей реакциясын бағалағаннан кейін қауіптілігі зор қызмет түрлерімен айналысу мүмкіндігі туралы шешімді тек емдеуші дәрігер қабылдайды.

Симптомдары: айтарлықтай артық дозаланғанда энцефалопатия симптомдары сипатталған (сананың бұзылуы, сананың шатасуын, елестеулер, мелшию және команы қоса).

Емі: симптоматикалық ем; ұсынылған дозалардан айтарлықтай жоғарылаған жағдайларда әсіресе бүйрек функциясының бұзылуы бар пациенттерде гемодиализ қолданылады.

Шығарылу түрі және қаптамасы

1 г препараттан (сусыз цефепимге шаққанда) резеңке тығындармен тығындалған және пластмасса қалпақшалы алюминий қалпақшалармен қаусырылған түссіз шыны құтыларға салынады. Құтыға өздігінен жабысатын қағаз заттаңба желімдейді.

1 құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынған.

Құрғақ, жарықтан қорғалған жерде, 25С-ден аспайтын температурада сақтау керек.

Дайындалған ерітіндіні 25 оС-ден аспайтын температурада 6 сағат бойына немесе 2 оС-ден 8 оС-ге дейінгі температурада 24 сағат бойына сақтау керек.

Балалардың қолы жетпейтін жерде сақтау керек!

2 жыл

Жарамдылық мерзімі өткеннен кейін қолдануға болмайды

Рецепт арқылы

Өндіруші

Swiss Parenterals Ltd., Үндістан

402, 412-414, Kerala Industrial Estate, Bavla, Ahmedabad – 382220, GIDC, India

DENI & HEMI FZ-LLC, БАӘ

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«Дени энд Хеми» өкілдігі-Алматы, Қазақстан

050000, Қазақстан Республикасы, Алматы қ., Назарбаев д-лы, 118, 3 кеңсе

тел./факс: +7 (727) 3900375

электронды пошта: regulatory@deniandhemi.com