Гриппавив

Гриппавив

Жоқ

Дәрілік түрі, дозалануы

Капсулалар

Жүйке жүйесі. Анальгетиктер. Басқа анальгетиктер және антипиретиктер. Анилидтер. Парацетамол, біріктірілімдері, психолептиктерді қоспағанда.

АТХ коды N02BE51

Кешенді емде

• температураның жоғарылауымен, қалтыраумен, бас ауыруымен, буындар мен бұлшықеттердің ауыруларымен, мұрын бітелумен және тамақ пен мұрын қойнауларының ауыруымен, миалгиямен, артралгиямен қатар жүретін инфекциялы-қабыну ауруларында (ЖРВЖ, тұмау)

Қолдануды бастағанға дейін қажетті мәліметтер тізбесі

• препарат компоненттеріне аса жоғары сезімталдық

• бүйрек функциясының ауыр бұзылулары

• бауыр функциясының ауыр бұзылулары

• тұқым қуалаған галактоза көтере алмаушылық, Лапп лактаза тапшылығы, глюкоза және галактоза мальабсорбциясы

• жүктілік және лактация кезеңі

• 12 жасқа дейінгі балалар

Қолдану кезінде қажетті сақтық шаралары

Препаратты мынадай жағдайларда ерекше сақтықпен немесе дәрігермен кеңескеннен кейін ғана пайдалану қажет: бүйрек функциясының бұзылуы, бауыр функциясының бұзылуы, Жильбер синдромы (Мейленграхт ауруы), глюкоза-6-фосфатдегидрогеназа тапшылығы, туа біткен гипербилирубинемиялар, несептас ауруы, темірдің жиналу аурулары (талассемия, гемохроматоз, сидеробластты анемия), созылмалы ішімдікке салыну, пилородуоденальді бітеліс және өт қабының обструкциясы, жабықбұрышты глаукома, асқазанның және он екі елі ішектің ойық жаралы ауруы, гипертиреоз, жүрек ырғағының бұзылуы (тахикардия және экстрасистолдың даму қаупі), үрейлі бұзылыстар (асқыну қаупі).

Жоғары температурада, симптоматика нашарлағанда, екінші инфекцияның симптомдары пайда болғанда немесе басқа асқынуларда дәрігермен кеңесу қажет.

Құрамында парацетамол бар дәрілік заттар бірнеше күн бойы ғана қолданылуы тиіс және дәрігердің кеңесінсіз ұсынылғаннан асатын дозада қолданылмауы тиіс.

Ауыруды басатын дәрілердің жоғары дозаларын ұзақ уақыт бойы қолдану, сондай-ақ нұсқауларды бұзу препараттың дозасын арттырумен емдеуге болмайтын бас ауырудың дамуына әкелуі мүмкін.

Құрамында парацетамол бар барлық дәрілік заттар сияқты препаратты ұсынылғаннан асатын дозада қабылдау бауырдың ауыр зақымдануына әкелуі мүмкін. Бұл жағдайда дереу емдеу қажет.

Препараттың артық дозалануының профилактикасы мақсатында парацетамолды, соның ішінде құрамында парацетамол бар басқа препараттарды қолданған кезде ең жоғары тәуліктік дозасынан (дене салмағы 43 кг астам – 4000 мг парацетамол) асыруға болмайтыны есте сақтау қажет.

Аскорбин қышқылы

Жекелеген жағдайларда глюкоза-6-фосфат дегидрогеназаның эритроцитарлық тапшылығы бар пациенттерде аскорбин қышқылының жоғары дозаларын қабылдағаннан кейін (тәулігіне 4 г) гемолиздің даму жағдайлары орын алған. Осыған байланысты ұсынылған дозаны арттыруға болмайды.

Тастың түзілуіне бейім пациенттерде аскорбин қышқылының жоғары дозаларын қабылдаған кезде кальцийоксалатты тастардың түзілу қаупі артады.

Басқа дәрілік препараттармен өзара әрекеттесуі

Асқазанның босатылуын баяулататын пропантелин сияқты дәрілік заттармен бірге қолдану сіңірілуін төмендетуі, тиісінше, парацетамолдың әсерін баяулатуы мүмкін.

Асқазанның босатылуын жеделдететін препараттармен, мысалы, метоклопрамидпен бір мезгілде қолдану препарат әсерін жылдамдатуы және парацетамолдың уыттылығын күшейтуі мүмкін

Препаратты бір уақытта қолдануға болмайды:

• орталық жүйке жүйеге әсер ететін дәрілермен: антидепрессанттармен, паркинсонға қарсы дәрілермен, психозға қарсы дәрілермен (фенотиазиннің туындылары) – жағымсыз әсерлердің даму қаупі артады (несептің іркілуі, ауыздың құрғауы, іш қату), амфетаминдермен және трициклды антидепрессанттармен – олардың өзекшелік реасорбциясы азаяды;

• глюкокортикостероидтармен – глаукоманың даму қаупі артады;

• изопреналинмен – оның хронотропты әсері төмендейді;

• дифлунисалмен – қан плазмасындағы парацетамолдың концентрациясы 50% артады, оның гепатоуыттылығы күшейеді;

• барбитураттармен - парацетамолдың тиімділігі төмендейді, аскорбин қышқылының несеппен шығарылуы күшейеді;

• микросомальді тотығу тежегіштерімен (фенотоин, барбитураттар, рифампицин, фенилбутазон, трициклды антидепрессанттар, циметидин) – гепатоуытты әсерінің қаупі артады;

• ұйықтататындармен немесе транквилизаторлармен – тыныштандыратын әсерінің күшеюі;

• МАО тежегіштерінің антихолинергиялық әсерін күшейтеді;

• этанолмен – антигистаминдік препараттардың тыныштандыратын әсері және парацетамолдың жағымсыз әсерлері (жедел панкреатиттің дамуы) күшейеді.

Холестирамин парацетамолдың сіңірілу жылдамдығын азайтады, бұл анальгетикалық әсерінің төмендеуіне әкелуі мүмкін.

Варфарин парацетамолмен бірге варфариннің әсерін күшейтеді және қан кету қаупін арттырады.

Парацетамолды хлорамфениколмен қабылдаған кезде плазмадағы соңғысының концентрациясы артады.

Метоклопрамид және домперидон парацетамолдың сіңірілу жылдамдығын арттырады.

Парацетамол урикозурикалық препараттардың тиімділігін төмендетеді, ал зиновудинмен бір уақытта қолданған кезде нейтропенияның даму қаупін арттырады.

Пробенецид парацетамолдың глюкурон қышқылымен байланысуын бәсеңдетеді және сонысымен парацетамол клиренсінің төмендеуіне әкеледі. Пробенецидпен бір уақытта қолданған кезде препараттың дозасын төмендету қажет.

Салициламидтер препараттың жартылай шығарылу кезеңінің ұзаруын туындатуы мүмкін.

Бауыр ферменттерінің индукциясына әкелетін дәрілік препараттармен бір уақытта қабылдау кезінде сақ болу қажет, себебі бауырға уытты әсерінің қаупі артады.

Теофиллинмен бір уақытта пайдаланған кезде соңғысының шығарылуы баяулауы мүмкін.

Хинолон-карбон типті гираза тежегіштерімен бірге қолдану препарат компоненттерінің шығарылуын төмендетуі мүмкін.

Аскорбин қышқылын бір уақытта қолданған кезде:

• пенициллинмен – оның сіңірілуі артады;

• гепаринмен және тікелей емес әсер ететін антикоагулянттармен (варфаринмен) – олардың әсері төмендейді;

• салицилаттармен - кристаллурияның пайда болу қаупі артады;

• пероральді контрацептивтермен – қан плазмасындағы аскорбин қышқылының концентрациясы азаяды;

• темір препараттарымен – темірдің сіңірілуі артады, бұл оның уыттылығының артуына әкелуі мүмкін;

• ацетилсалицил қышқылымен – аскорбин қышқылының сіңірілуі азаяды.

Арнайы ескертулер

Жүктілік және лактация кезеңі

Препарат жүктілік және лактация кезеңінде қарсы көрсетілген.

Парацетамол

Жүкті әйелдер туралы деректердің үлкен көлемі парацетамолда фето және/немесе неонатальді уыттылықтың, сондай—ақ даму ақауларын туындату қабілетінің жоқтығы туралы куәландырады. Парацетамолдың құрсақішілік әсер етуіне ұшыраған балаларда жүйке жүйесінің дамуын эпидемиологиялық зерттеулер сенімсіз нәтижелер көрсетті. Жүктілік кезінде парацетамолды клиникалық қажеттілікке байланысты қабылдауға жол беріледі, дегенмен оны ең төмен тиімді дозада ең қысқа ықтимал мерзімге және ықтимал төмен жиілікпен қабылдаған жөн.

Хлорфенамин

Эпидемиологиялық зерттеулер хлорфенамин ОЖЖ немесе бассүйек аномалияларын және балаларда ісіктердің тарапынан аномалиялардың даму қаупін арттыратынын көрсетті. Зерттеу нәтижелері сондай-ақ босанғанға дейін соңғы екі апта бойы антигистаминдік препараттарды қолданған соң шала туған балаларда ретролентальді фиброплазияның жоғары қаупін көрсетеді.

Хлорфенаминнің емшек сүтіне бөлініп шығуы туралы деректер жоқ. Препаратты емшек емізу кезеңінде қолданудан аулақ болған жөн.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препаратты тіпті тиісті қолданған кезде де реакция жылдамдығы көлік құралын немесе қауіптілігі зор механизмдерді басқару қабілеті нашарлайтындай деңгейге дейін өзгеруі мүмкін. Ерекше шарада бұл препаратты алкогольмен бірге қолдануға қатысты.

Қолдану жөніндегі нұсқаулар

Дозалау режимі

Ішке қабылдау үшін.

Ересектер мен 12 жастан асқан балаларға препаратты күніне 3 рет 2 капсуладан тағайындайды.

Капсулаларды сұйықтықтың жеткілікті мөлшерімен қабылдаған жөн.

Бауыр және/немесе бүйрек жеткіліксіздігі бар пациенттер

Бауыр, бүйрек функциясының бұзылуы, сондай-ақ Жильбер синдромы бар пациенттерде дозаны азайтып, препаратты қабылдау арасындағы аралықты арттырған жөн.

Ауыр бүйрек жеткіліксіздігі кезінде Гриппавив препаратын қабылдауға болмайды.

Препаратты ұзақ уақыт бойы және жоғары дозада дәрігердің кеңесінсіз қабылдамаған жөн.

Артық дозалану жағдайында қабылдануы қажетті шаралар

Симптомдары: препаратпен артық дозалану симптомдары препараттың жеке компоненттерімен артық дозалану кезінде симптомдардың кешені болып табылады.

ПарацетамолПрепаратпен артық дозаланудың дамуына едәуір бейім: егде жастағы адамдар; бауыр аурулары бар тұлғалар; созылмалы алкоголизмнен жапа шегетін тұлғалар; созылмалы тамақтану бұзылысы бар тұлғалар; бауырдың микросомальді ферменттерінің индукторларын қабылдайтын тұлғалар. Ұқсас жағдайларда артық дозалану өліммен аяқталуы мүмкін.

24 сағаттың ішінде мынадай симптомдар пайда болады: жүрек айнуы, құсу, тәбеттің болмауы, тері беткейлерінің бозаңқырлығы және іштің ауыруы. Содан соң бауырдың зақымдануы туралы куәландыратын іштің сақталатын қалыпты ауыруына қарамастан, жағдайдың субъективті жақсаруы болады.

Ересек пациенттерде бір рет қабылдау кезінде парацетамолдың шамамен 6 г және одан жоғары дозада немесе балаларда бір рет қабылдау кезінде дене салмағының 140 мг/кг дозада артық дозалану толықтай қайтымсыз некрозға және кешірек гепатоцеллюлярлы жеткіліксіздікке, метаболизмдік ацидозға (оның ішінде лактоацидоз) және энцефалопатияға әкелуі мүмкін бауыр жасушаларының некрозына әкеледі. Бұл кейіннен комаға және өлімге әкелуі мүмкін. Бұл ретте қабылдағаннан кейін 12-48 сағаттан соң пайда болуы мүмкін тромбопластиндік уақыттың ұзаруымен біріктірілімде бауыр трансаминазалары (АСТ, АЛТ), лактатдегидрогеназа және билирубин концентрациясының артуы байқалады. Бауыр зақымдануының клиникалық симптомдары 2 күннен кейін пайда болады және шегіне 4-6 күннен кейін жетеді.

Бауырдың ауыр зақымдануы тіпті болмаған жағдайда жедел тубулярлы некрозбен жедел бүйрек жеткіліксіздігі орын алуы мүмкін. Парацетамолмен артық дозалану кезінде байқалуы мүмкін бауыр функциясымен байланысты емес басқа симптомдарға миокардтың тарапынан бұзылулар және панкреатит жатады.

Артық дозаланудың шегі балаларда, жүдеу зардабын шегетін пациенттерде төмендетілуі мүмкін.

Емі: симптоматикалық. Егер клиникалық көрінісі парацетамолмен уыттануды көрсеткен жағдайда, артық дозаланғаннан кейін 8-9 сағаттан соң SH-тобы донаторлары және глутатион-метионин синтезінің ізашарлары және 12 сағаттан соң N-ацетилцистеин енгізіледі. Әріқарай метионин мен N-ацетилцистеин енгізу қажеттілігі қандағы парацетамол концентрациясына, сондай-ақ оны қабылдаудан кейінгі өткен уақытқа қарай анықталады.

ХлорфенаминСимптомдары: беттің қызаруы, атаксия, мазасыздық, елестеулер, бұлшықет треморы, құрысулар, қарашықтың үлкеюі, ауыздың құрғауы, іш қату және дене температурасының жоғарылауымен қатар жүретін антихолинергиялық синдром. Бұдан әрі орталық жүйке жүйенің тарапынан (елестеулер, координацияның бұзылуы, құрысулар) улану симптомдары байқалуы мүмкін. Аяқтайтын симптомдары кома, тыныс алудың тоқтауы және жүрек-қантамыр коллапсы болып табылады.

Емі: симптоматикалық.

Аскорбин қышқылы

3 г-нан астам аскорбин қышқылын бір рет қабылдағаннан кейін абдоминальді симптоматикамен қатар жүретін транзиторлы осмотикалық диарея дамуы мүмкін.

Емі: симптоматикалық.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Дәрілік препаратты қолдану тәсілі түсініксіз болса, медицина қызметкерінің кеңесіне жүгінуді ұсынамыз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар (қажет болғанда)

Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥ 1/100 < 1/10 дейін), жиі емес (≥ 1/1000 < 1/100 дейін), сирек (≥ 1/10000 < 1/1000 дейін), өте сирек (< 1/10000), белгісіз (қолда бар деректердің негізінде бағалау мүмкін емес)

Жиі

• ауыздың құрғауы

Жиі емес

• терінің аллергиялық реакциялары (эритематозды немесе уртикарлы бөртпелер)

• дене температурасының көтерілуі (дәрілік қызба)

• шырышты қабықтардың зақымдануы

Сирек

• бауыр трансаминазалары деңгейінің жоғарылауы

Өте сирек

• лейкопения, нейтропения, агранулоцитоз, тромбоцитопения, тромбоцитопениялық пурпура, панцитопения, апластикалық анемия, препаратты үлкен дозаларда қабылдағанда - метгемоглобинемия

• дискинезия (қозғалыс бұзылыстары)

• глаукоманың дамуы (жабық бұрышты глаукома), көрудің нашарлауы

• тыныс алу жолдарының аса жоғары сезімталдығы, парацетамол аспиринге және басқа ҚҚСП (аспирин демікпесі) сезімтал пациенттерде бронх түйілуін туындатуы мүмкін

• асқазан-ішек жолы тарапынан болатын реакциялар: жүрек айну, құсу эпигастральді ауыру

• несеп шығарудың бұзылыстары. Жоғары дозаларда ұзақ уақыт бойы қолдану кезінде бүйректің зақымдануы, нейроуыттылық болуы мүмкін

• тәбеттің артуы

• парацетамолға ангионевроздық ісіну, ентігу, тершеңдік, жүрек айнуы, артериялық гипотензия, анафилаксилық шок сияқты ауыр аса жоғары сезімталдық реакциялары

• терінің тарапынан күнделі реакциялар (жедел жайылған экзантематозды пустулез)

• психоздық реакциялар

• жоғары дозада ұзақ уақыт қолданған кезде немесе артық дозалану нәтижесінде бауырдың дисфункциясы, гепатоуытты әсері

Белгісіз

• парацетамол қабылдау фосфор-вольфрам қышқылының көмегімен қандағы несеп қышқылын анықтау және глюкоза-оксидаза-пероксидаза әдісімен қандағы глюкоза деңгейін анықтау нәтижелеріне ықпал етуі мүмкін

• аскорбин қышқылын 1 г-нан астам дозада қабылдағаннан кейін несептегі аскорбин қышқылының концентрациясының жоғарылауы мүмкін, бұл қанда және несепте глюкоза, несеп қышқылы, креатинин және органикалық емес фосфаттарды анықтау нәтижелерін бұрмалауы мүмкін. Сондай-ақ аскорбин қышқылын граммдық дозаларын нәжістегі жасырын қанды талдау кезінже жалған теріс нәтижелерді беруі мүмкін

• хлорфенамин малеаты аллергендерге жасалған тері тестілерінің нәтижелеріне әсер етуі мүмкін

• тыныштандыру әсері, ұйқышылдық

• мазасыздық, ұйқысыздық

• аритмия (мысалы, тахикардия)

• мидриаз

• буллезды тері реакциялары, соның ішінде жекелеген жағдайларда Стивенс-Джонсон синдромы және уытты эпидермалық некролиз (Лайелл синдромы) байқалған

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір капсуланың құрамында

белсенді заттар: 208.30 мг парацетамол DC типі (парацетамолға шаққанда 200 мг), 78.95 мг аскорбин қышқылы FC типі (аскорбин қышқылына шаққанда 75 мг), 2.5 мг хлорфенамин малеаты;

қосымша зат: лактоза моногидраты,

капсуланың құрамы: желатин, титанның қостотығы (Е171).

Сыртқы түрінің, иісінің, дәмінің сипаттамасы

Қатты желатинді, ақ түсті корпусы мен қақпағы бар, №1 цилиндрлік капсулалар.

Капсулалардың ішіндегісі – ақтан қызғылт-сарғыш түске дейінгі ұнтақ.

Шығарылу түрі және қаптамасы

10 капсуладан поливинилхлоридті үлбірден және алюминий фольгадан жасалған пішінді ұяшықты қаптамаға салынған.

1 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

2 жыл.

25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәлімет

«ВИВА ФАРМ» ЖШС, Қазақстан Республикасы

Алматы қ., Дегдар к-сі, 33

Тел.: +7 (727) 383 74 63, факс: +7 (727) 383 74 56

Электронды пошта: pv@vivapharm.kz

Тіркеу куәлігінің ұстаушысы

«ВИВА ФАРМ » ЖШС, Қазақстан Республикасы

Алматы қ., Дегдар к-сі, 33

Тел.: +7 (727) 383 74 63, факс: +7 (727) 383 74 56

Электронды пошта: pv@vivapharm.kz

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ВИВА ФАРМ » ЖШС, Қазақстан Республикасы

050030, Алматы қ., Дегдар к-сі, 33

Тел.: +7 (727) 383 74 63, факс: +7 (727) 383 74 56

Электронды пошта: pv@vivapharm.kz