Героцеф (1 г) с водой для инъекций)

• русский
• қазақша

• Скачать инструкцию медикамента

Саудалық атауы

Героцеф

Халықаралық патенттелмеген атауы

Цефтриаксон

Дәрілік түрі

1 г инъекция үшiн ерітінді дайындауға арналған ұнтақ еріткішпен (10 мл инъекцияға арналған су) жиынтықта

Құрамы

Бір құтының ішінде

белсенді зат – 1193 мг (цефтриаксонға шаққанда – 1000 мг)

Еріткішімен бір ампуланың ішінде

еріткіш – 10 мл инъекцияға арналған су.

Сипаттамасы

Ақ дерлік немесе сарғыш түсті кристалды ұнтақ. Сәл гигроскопиялы.

Еріткіш – мөлдір түссіз сұйықтық.

Фармакотерапиялық тобыЖүйелі қолдануға арналған микробқа қарсы препараттар. Басқа да бета-лактамды антибиотиктер. III буын цефалоспориндері. Цефтриаксон.

АТХ коды J01DD04

Фармакологиялық қасиеттері

ФармакокинетикасыЦефтриаксон альбуминмен қайтымды байланысады. Қан плазмасы ақуыздарымен байланысуы – 85-95%. Интерстициальді сұйықтықтағы альбуминдер мөлшерінің едәуір төмен екеніне орай, ондағы цефтриаксон концентрациясы қан сарысуындағыдан жоғары. Гематоэнцефалдық бөгет арқылы өтеді. Жаңа туған нәрестелер мен балалардағы ми қабығының қабынуында цефтриаксон жұлын-ми сұйықтығына өтеді, бактериялық менингит жағдайында қан сарысуындағы цефтриаксон концентрациясынан 17% жұлын-ми сұйықтығында диффузияланады. Ересектерде менингит кезінде цефтриаксонды дене салмағына 50 мг/кг дозада енгізгеннен кейін 2-25 сағаттан соң цефтриаксон концентрациясы ең көп таралған менингит қоздырғыштарына тән ең төмен тежегіш концентрацияларынан бірнеше есе асып кетті.

Ішек микрофлорасының ықпал етуімен цефтриаксон белсенді емес метаболитке айналады. Жартылай шығарылу кезеңі 5,8-8,7 сағатқа жуық құрайды. Жаңа туған нәрестелерде (8 күнге дейін) және 75 жастан асқан егде адамдарда орташа жартылай шығарылу кезеңі 2 есе ұзарады. Ересектерде 50-60% цефтриаксон өзгеріссіз күйде несеппен, ал 40-50% өзгеріссіз күйде өтпен шығарылады. Жаңа туған нәрестелерде енгізілген дозаның 70% шамасы бүйрекпен шығарылады. Бүйрек немесе бауыр функциясының бұзылуларында жартылай шығарылу кезеңі болымсыз ұзарады. Бүйрек функциясының бұзылуында өтпен шығарылуы компенсаторлы ұлғаяды, ал бауыр функциясының бұзылуында цефтриаксонның бүйрекпен шығарылуы күшейеді.

ФармакодинамикасыПарентеральді енгізу үшін әсер ету ауқымы кең III буынның ұзақ уақыт әсер ететін цефалоспоринді антибиотигі. Препараттың бактерицидті белсенділігі жасушалық жарғақшалар синтезін бәсеңдетумен жүзеге асады. Героцеф грамтеріс және грамоң микроорганизмдердің бета-лактамазаларының және пенициллиназалар мен цефалоспориназалардың көпшілігінің әсеріне үлкен төзімділігімен ерекшеленеді.

Грамоң аэробтарға қатысты белсенді: Staphylococcus aureus, Staphylococcus epidermidis, Streptococcus pneumoniae, Streptococcus pyogenes, Streptococcus agalactiae, Streptococcus viridans, Streptococcus bovis;

Ескертпе. Препараттың әсеріне метициллинге төзімділік танытатын Staphylococcus spp. штаммдары, Enterococcus штаммдары, бета-лактамазаларды өндіретін көптеген Bacteroides spp. штаммдары төзімді.

грамтеріс аэробтар: Aeromonas spp., Alcaligenes spp., Branhamella catarrhalis (бета-лактамазалар түзетін және түзбейтін), Citrobacter spp., Enterobacter spp. (кейбір штаммдар төзімді), Escherichia coli, Haemophilus ducreyi, Haemophilus influenzae (соның ішінде, пенициллиназа түзетін штаммдар), Haemophilus parainfluenzae, Klebsiella spp. (соның ішінде, Klebsiella pneumoniae), Moraxella spp., Morganella morganii, Neisseria gonorrhoeae (соның ішінде, пенициллиназа түзетін штаммдар), Neisseria meningitidis, Plesiomonas shigelloides, Proteus mirabilis, Proteus vulgaris, Providentia spp., Salmonella spp. (соның ішінде, Salmonella typhi), Serratia spp. (соның ішінде, Serratia marcescens), Shigella spp., Vibrio spp. (соның ішінде, Vibrio cholerae), Yersinia spp. (соның ішінде, Yersinia enterocolitica), жекелеген Pseudomonas aeruginosa штаммдары да препаратқа сезімтал;

анаэробтар: Bacteroides spp. (соның ішінде, кейбір Bacteroides fragilis штаммдары), Clostridium spp. (Cl.difficile-ден басқа), Fusobacterium spp. (Fusobacterium mortiferum және Fusobacterium varium-нан басқа), Peptococcus spp., Peptostreptococcus spp.

Ескертпе. Бета-лактамазаларды түзетін көптеген Bacteroides spp. (атап айтқанда, В. fradilis) штаммдары төзімді. Cl.difficile де төзімді.

Қолданылуы

• сепсис

• менингит

• диссеминацияланған Лайм ауруы (аурудың ерте және кеш сатылары)

• құрсақ қуысының жұқпалары (перитонит, асқазан-ішек жолының, өт шығару жолдарының қабыну аурулары)

• сүйектердің, буындардың жұқпалары

• жұмсақ тіндердің, терінің жұқпалары, жарақаттық жұқпалар

• иммунитеті төмендеп кеткен науқастардағы жұқпалар

• бүйрек және несеп шығару жолдарының жұқпалары

• тыныс алу жолдарының жұқпалары (соның ішінде, пневмония)

• құлақ, тамақ және мұрынның жұқпалары

• жыныс ағзаларының жұқпалары, соз

• операцияның алдында жұқпалы асқынулардың алдын алу.

Қолдану тәсілі және дозалары

Көктамыр ішіне енгізіледі. Әзірленген ерітіндіні сақтамай, бірден пайдалану керек.

Көктамырішілік инъекциялар үшін 500 мг Героцефті инъекцияға арналған 5 мл стерильді суда ерітеді, ал 1 г Героцефті инъекцияға арналған 10 мл стерильді суда ерітеді. Көктамыр ішіне 2-4 минут ішінде енгізіледі.

Көктамырішілік құю: инфузия кемінде 30 минутқа созылуы тиіс. Көктамырішілік құю үшін 2 грамм Героцефті құрамында кальций жоқ мына ерітінділердің 40 мл біреуінде ерітеді: 0.9 % натрий хлориді, 0.45 % натрий хлориді + 2.5 % глюкоза, 5 % глюкоза, 10 % глюкоза, 5% глюкозадағы 6 % декстран, 6-10 % гидроксиэтилкрахмал, инъекцияға арналған су. Героцеф ерітінділері, үйлеспеуі мүмкін екендіктен жоғарыда аталғандарын қоспағанда, құрамында басқа да бактерияға қарсы препараттар бар ерітінділермен араластырылмауы тиіс.

Құтыдағы Героцефті еріту немесе әріқарай құтыдағы қалпына келтірілген препаратты көктамыр ішіне енгізуге сұйылту үшін, преципитат түзілуі мүмкін екендіктен, Рингер ерітіндісі немесе Хартман ерітіндісі сияқты құрамында кальций бар еріткіштерді пайдалануға болмайды. Цефтриаксон кальций тұзының преципитаты енгізілуіне бір ғана жүйе пайдаланылған құрамында кальций бар еріткіштермен Героцефті араластырғанда түзілуі мүмкін. Y-тәрізді жүйе арқылы парентеральді қоректендіру сияқты құрамында кальций бар үздіксіз инфузияларды қоса, құрамында кальций бар ерітінділермен бір мезгілде Героцефті енгізуге болмайды. Алайда, жаңа туған нәрестелерден басқа, емделушілерге Героцеф пен құрамында кальций бар ерітінділерді, егер инфузиялар арасында құюға арналған жүйе үйлесімді сұйықтықпен толық жуылып-шайылса, бірінен соң бірін бірізді енгізуге болады.

Егер дәрігер басқаша нұсқау бермесе, стандартты дозалау пайдаланылады.

Стандартты дозалануы

Ересектер мен 12 жастан асқан балалар үшін әдеттегі дозалануы тәулігіне бір рет (24 сағат сайын) 1-2 г ГЕРОЦЕФ құрайды. Күрделі жағдайларда немесе орташа сезімтал микроорганизмдер туғызған жұқпаларда дозаны тәулігіне бір рет енгізілетін 4 г дейін арттыруға болады.

Емдеу ұзақтығы аурудың ағымына сай ауытқиды. Жалпы антибиотиктермен емдеу кезіндегідей, Героцеф қолдану науқастың температурасы қалпына түскен соң немесе бактериялық эрадикация дәлелі алынғаннан кейін кемінде 48-72 сағатқа созылуы тиіс.

Біріктірілген ем

ГЕРОЦЕФ пен аминогликозидтердің көптеген грамтеріс бактерияларға қатысты синергизмі көріністелген. Осындай біріктірілімдердің жоғары белсенділігі үнемі болжанбаса да, Pseudomonas aeruginosa туғызған жұқпалар сияқты ауыр, өмірге қатерлі жұқпалар кезінде оларды қарастыру керек. Цефтриаксон мен аминогликозидтердің физикалық үйлесімсіздігіне орай, оларды ұсынылатын дозаларында әр бөлек енгізу керек.

Бауыр функциясының бұзылуында, егер бүйрек функциясының бұзылуы болмаса, дозаны азайту қажеттілігі жоқ.

Бүйрек функциясының бұзылуында, егер бүйрек функциясының бұзылуы болмаған жағдайда, дозаны азайту қажеттілігі жоқ.

Бүйрек жеткіліксіздігінің терминалдық сатысының алдындағы жағдайларда ғана (креатинин клиренсі 10 мл/мин аз) Героцеф препаратының тәуліктік дозасы 2 г-ден арттырылмауы тиіс.

Бүйрек пен бауырдың ауыр дисфункциясы біріккенде плазмадағы Героцеф концентрациясын ұдайын анықтап, қажет болса, дозаны түзету керек.

Диализде жүрген науқастарға диализден кейін препаратты қосымша енгізу қажет емес. Алайда, бұл науқастарда дозаны реттеу қажеттілігін анықтау үшін сарысудағы Героцеф концентрациясын бақылау керек, өйткені осы емделушілерде элиминация жылдамдығы төмендеуі мүмкін.

Егде және қарттық жастағы науқастар

Ересектерге ұсынылатын әдеттегі дозалары пайдаланылады.

Педиатриялық топ

Жаңа туған нәрестелер, емшектегі сәбилер және 12 жасқа дейінгі балалар

Героцеф препараты тәулігіне бір рет тағайындалғанда мына дозалау режимдерін ұстану керек:

Жаңа туған нәрестелер (14 күнге дейін): тәулігіне бір рет дене салмағына 20-50 мг/кг. Тәуліктік доза дене салмағына 50 мг/кг-ден аспауы тиіс. Дозаны белгілегенде мерзіміне жетіп туылған және шала туған балаларға айырмашылық жасауға болмайды.

Героцеф, ұзаққа созылатын көктамырішілік инфузияларды қоса, мысалы, цефтриаксонның кальций тұздары преципитаттарының түзілу қаупіне орай парентеральді қоректендіру кезінде, құрамында кальций бар көктамырішілік препараттар тағайындалып қойған немесе тағайындау көзделетін жаңа туған нәрестелерге (≤28 күн) қарсы көрсетілімді.

Жаңа туған нәрестелер, емшектегі сәбилер және жасы кіші (15 күндіктен 12 жасқа дейінгі) балалар: тәулігіне бір рет дене салмағына 20-80 мг/кг.

Дене салмағы 50 кг-ден астам балаларға ересектерге арналғандай әдеттегі дозалар тағайындалады.

Жедел асқынбаған бактериялық ортаңғы отитті емдеуге ұсынылатын бір реттік доза – 50 мг/кг (бірақ, 1 г-ден көп емес) (бір реттік ем).

Менингит

Емшектегі сәбилер мен жасы кіші балалардағы бактериялық менингитте Героцеф препаратымен емдеу тәулігіне бір рет 100 мг/кг дозадан (бірақ, 4 г-ден көп емес) басталады. Қоздырғыш пен оның сезімталдығын айқындау сәйкестендірілген соң, дозалануын тиісінше азайтуға болады. Neisseria meningitidis туғызған менингитте 4 күнге созылған ем кезінде ең тиімді нәтижелерге жетті.

Haemophilus influenzae - 6 күн.

Streptococcus pneumoniae - 7 күн.

Лайм ауруы: ересектер мен балаларға 14 күн бойы тәулігіне бір рет дене салмағына 50 мг/кг (жоғары тәуліктік дозасы - 2 г).

Соз (пенициллиназаны өндіретін және өндірмейтін штаммдар туғызған): Героцеф 250 мг препаратын бір рет бұлшықет ішіне енгізу ұсынылады.

Операцияның алдындағы профилактика: жұқпаның пайда болуының қауіп дәрежесіне қарай, операцияның басталуынан 30-90 минут бұрын 1-2 г Героцеф препаратын енгізеді.

Тоқ ішек пен тік ішекке операция жасалғанда Героцеф пен 5-нитроимидазолдардың біреуін, мысалы, орнидазолды қосып енгізу тиімді болып шықты (бірақ, әр бөлек енгізеді).

Енгізу тәсілі:

Героцеф ерітіндісін дайындалған соң бірден пайдалану керек.

Героцеф бұлшықетішілік инъекция түрінде енгізіледі. Бір бұлшықетке 1 г-ден көп емес енгізу ұсынылады.

Құрамында лидокаин бар ерітіндіні ешқашан көктамыр ішіне енгізуге болмайды.

 

Жағымсыз әсерлері

Өте жиі (≥1/10);

жиі (≥1/100 - <1/10);

жиі емес (≥1/1.000 - <1/100);

сирек (≥1/10.000 - <1/1.000);

өте сирек (<1/10.000),

белгісіз (қолжетімді деректер негізінде бағалау мүмкін емес).

Героцеф пайдалану кезінде қайтымды немесе өздігінен болған немесе препараттан бас тартудан кейін басылған мына жағымсыз құбылыстар байқалды:

Жұқпалар және инвазиялар

Сирек:

- жыныс жолының мукозы.

- ашытқылармен, зеңдермен немесе басқа төзімді микроорганизмдермен әртүрлі орналасқан асқын жұқпалар.

Қан және лимфалық жүйе тарапынан

Сирек:

- нейтропения, эозинофилия, лейкопения, гранулоцитопения, анемия, гемолиздік анемияны, тромбоцитопенияны, протромбин уақытының аздаған ұзаруын қоса

Өте сирек:

- коагуляцияның бұзылуы

- агранулоцитоз (< 500/мм3), ең алдымен, 10 күн емделген соң және 20 г және одан жоғары цефтриаксонның жиынтық дозаларынан кейін

Иммундық жүйе тарапынан

Сирек:

- анафилактикалық (мысалы, бронх түйілуі) және анафилактоидтық реакциялар

Жүйке жүйесі тарапынан

Сирек:

- бас ауыру және бас айналу.

Асқазан-ішек бұзылыстары

Жиі:

- нәжістің сұйылуы немесе диарея, жүрек айну, құсу.

Сирек:

- стоматит, глоссит

Өте сирек:

- жалған жарғақты колит (ең алдымен, Clostridium difficicle туғызған),

- панкреатит (өт ағымының обструкциясынан туындауы мүмкін).

Гепато-билиарлы бұзылыстар

Сирек:

- бауырдың сарысулық ферменттерінің (AСT, АЛТ, сілтілі фосфатаза) жоғарылауы

- өт қалтасында цефтриаксонның кальций тұзының шөгуі, ең алдымен, ұсынылатын стандартты дозадан асып кететін дозалармен емделген емделушілерде;

- балалардағы зерттеулер көктамыр ішіне қолдану кезінде преципитаттың ауыспалы пайда болу жиілігін, ал баяу құю кезінде (20-30 минут) шөгу жиілігінің төмен екенін көрсетті

Тері және теріасты тіндерінің аурулары

Жиі емес:

- терінің аллергиялық реакциялары, макулопопулезді бөртпе, экзантема немесе аллергиялық дерматит, қышыну, есекжем, ісіну

Өте сирек:

- мультиформалы эритема, Стивенс-Джонсон синдромы немесе Лайелл синдромы /уытты-эпидермалық некролиз

Бүйрек және несеп бұзылыстары

Сирек:

- сарысу креатининінің көтерілуі, олигурия, глюкозурия, гематурия.

Өте сирек:

- бүйректік преципитация, ең алдымен, жоғары тәуліктік дозалармен (күніне 80 мг/кг және одан жоғары) немесе 10 г-ден асатын жиынтық дозалармен емдеген, сондай-ақ басқа да қауіп факторлары бар (сусыздану немесе ұзаққа созылған төсек режимі және т.б.) 3 жастан үлкен балаларда

– астасу тұсында анурия мен бүйрек нашарлауы байқалды

Жалпы бұзылыстар және енгізген жердегі бұзылулар

Сирек:

қызба, сіресу, флебит және көктамырішілік енгізуден кейін инъекция салған жердегі ауыру, кем дегенде, 2-4 минут ішінде оны баяу инъекциямен басуға болады; лидокаин ерітіндісінсіз бұлшықетішілік инъекция ауырсындырады.

Зерттеулер: Кальциймен өзара әрекеттесуі.

Қолдануға болмайтын жағдайлар

• цефалоспориндерге және пенициллиндерге жоғары сезімталдық

• цефтриаксонға немесе препараттың қосымша заттарының кез келгеніне жоғары сезімталдық

• жаңа туған және шала туған нәрестелердегі гипербилирубинемия (цефтриаксон, осы емделушілердегі билирубиндік энцефалопатияның даму қаупін арттырып, сарысулық альбуминмен байланыстан билирубинді ығыстыруы мүмкін)

• ұзаққа созылатын көктамырішілік инфузияларды қоса, мысалы, цефтриаксонның кальций тұздары преципитаттарының түзілу қаупіне орай парентеральді қоректендіру кезінде құрамында кальций бар көктамырішілік препараттар тағайындалып қойған немесе тағайындау көзделетін жаңа туған нәрестелер (≤28 күн)

 

Дәрілермен өзара әрекеттесуі

Героцефті бір құтыда немесе еккіште басқа антибиотикпен араластыруға болмайды. Героцеф пен аминогликозидтер грамтеріс бактерияларға қатысты синергизм танытады (әсіресе, оларды ауыр және өмірге қатерлі жұқпалар кезінде бірге қолдану негізді). Героцеф, ішек флорасын бәсеңдете отырып, К витаминінің синтезін кедергілейді. Сондықтан тромбоциттер агрегациясын төмендететін препараттармен (ҚҚСП, салицилаттар, сульфинпиразон) бір мезгілде қолданғанда қан кетудің даму қаупі артады. Осы себепті антикоагулянттармен бір мезгілде қолданғанда антикоагулянттық әсерінің күшеюі білінеді. Ілмекті диуретиктермен бір мезгілде қолданғанда нефроуытты әсерінің даму қаупі арта түседі.

Героцеф препаратын енгізгеннен кейін алкоголь тұтыну дисульфирам тәрізді реакциямен қатар жүрмеген.

Цефтриаксон құрамында кейбір басқа цефалоспориндерге тән этанол көтерімсіздігін туындатуы мүмкін N-метилтиотетразол тобы жоқ. Пробенецид Героцеф препаратының шығарылуына ықпал етпейді.

Бактериостатикалық антибиотиктер цефтриаксонның бактерицидті әсерін төмендетеді.

In vitro хлорамфеникол мен цефтриаксон арасында антагонизм табылған.

Үйлесімсіздігі

Героцефті құрамында кальций бар инфузиялық ерітінділерге, мысалы, Гартман және Рингер ерітіндісіне қосуға болмайды. Цефтриаксон амсакринмен, ванкомицинмен, флуконазолмен және аминогликозидтермен үйлесімсіз және олармен араластырылмауы тиіс.

Зертханалық талдаулар нәтижелеріне ықпалы

Сирек жағдайларда Героцефпен емдеу кезінде науқастардағы Кумбс сынамасы жалған оң нәтижелер беруі мүмкін. Басқа да антибиотиктер сияқты, Героцеф галактоземия сынамасының жалған оң нәтижелерін беруі мүмкін. Несептегі глюкозаны анықтау кезінде де жалған оң нәтижелер алуға болады, сондықтан Героцефпен ем барысында, қажет болса, глюкозурияны тек ферменттік әдіспен анықтау керек.

Айрықша нұсқаулар

Басқа цефалоспориндер қолдану кезіндегідей, тіпті емделушінің сыртартқысында аллергиялық реакциялар болмаған жағдайларда да анафилактикалық реакциялар, соның ішінде өліммен аяқталу тіркелген.

Басқа цефалоспориндер қолдану кезіндегідей, Героцеф препаратымен емделгенде аутоиммундық гемолиздік анемия дамуы мүмкін.

Егер емделушіде Героцеф препаратымен емделу кезінде анемия дамыса, цефалоспоринмен астасқан анемия диагнозын жоққа шығаруға болмайды және себебі анықталғанша препаратты енгізуді тоқтату керек.

Clostridium difficile туғызған диарея, цефтриаксонды қоса, бактерияға қарсы барлық дерлік заттарды қолдану кезінде хабарланды. Бактерияға қарсы дәрілермен емделу тоқ ішектің қалыпты микрофлорасын бәсеңдетіп, С.difficile-нің шектен тыс тез өсуіне әкеледі. Өз кезегінде, C.difficile диареяның дамуына ықпал ететін A және B токсиндерін өндіреді. Токсиндерді аса жоғары өндіруші C.difficile штаммдары олардың бактерияға қарсы емге төзімді болу мүмкіндігінің салдарынан асқынулар мен өлімге ұшырату қаупі жоғары жұқпалардың қоздырғыштары болып табылады және колэктомияға қажеттілікті туындатуы мүмкін. Осы диареяның антибиотиктермен ем қабылдайтын барлық емделушілерде дамуы мүмкін екенін есте ұстау керек. Бактерияға қарсы препараттар қолданудан кейін екі айдан аса уақыт өткенде С.difficile туғызған диарея пайда болған жағдайлар болғандықтан, ауру тарихын тиянақты жүргізіп, сыртартқы жинаған жөн.

С.difficile туғызған диарея күдік тудырғанда немесе расталғанда, мүмкін, C.difficile-ге қарсы бағытталмаған ағымдағы антибиотиктермен емді тоқтату талап етіледі. Клиникалық көрсетілімдерге сәйкес, сұйықтық пен электролиттер теңгерімін бақылау, ақуыздар тағайындау, C.difficicle-ні антибиотиктермен емдеу және хирургиялық емдеу керек.

Цефтриаксон пайдаланылғанда антибиотикпен астасқан диарея, колит және жалған жарғақты колит жағдайлары тіркелген. Егер ауыр диарея немесе қан аралас диарея пайда болса, цефтриаксонмен емдеу тоқтатылуы тиіс. Цефтриаксон сыртартқысында асқазан-ішек аурулары, әсіресе, колиті бар адамдарға абайлап тағайындалу керек. Басқа цефалоспориндермен болған жағдайдағы сияқты, әріқарай Героцеф пайдалану сезімтал емес микроорганизмдердің (Еnterococci және алуан Candida түрлері сияқты) шектен тыс тез өсуіне әкелуі мүмкін.

Цефтриаксон мен құрамында кальций бар инфузиялық ерітінділерді немесе кез келген басқа кальций құрамдас препараттарды қолданғанда тек жаңа туған нәрестелерде тамырішілік преципитаттар түзілу деректерінің болуына қарамастан, тіпті инфузия үшін әртүрлі жүйелер пайдаланылса да, Героцефті кальций құрамдас инфузиялық ерітінділермен бір мезгілде араластыруға немесе балалар мен ересек емделушілерге тағайындауға болмайды.

Бактерияға қарсы басқа препараттарды қолдану кезіндегідей, асқын жұқпа пайда болуы мүмкін.

Цефтриаксон, әдетте, стандартты ұсынылатын дозасынан асып кететін дозаларда қолданылғанда өт қалтасының УДЗ зерттеуінде өт тастары деп қате қабылданған көлеңкелер табылды. Олар Героцефпен ем аяқталғанда немесе тоқтатылғанда жоғалатын цефтриаксонның кальций тұзының преципитаттары түрінде болады. Осы өзгерістер қандай да бір симптомдармен сирек қатар жүреді, бірақ ондай жағдайларда хирургиялық емес консервативтік ем ұсынылады. Егер бұл құбылыстар клиникалық симптоматикамен қатар жүрсе, емдеуді тоқтату шешімі дәрігердің қарауына қалдырылады.

Героцефпен емделген емделушілерде өттің тарылуы себебінен болуы мүмкін панкреатит жағдайлары сирек хабарланды. Емделушілердің көпшілігінде өт іркілісінің қауіп факторлары, мысалы, бұрын жүргізілген ем, ауыр ауру және толық парентеральді қоректендіру болды. Бұл орайда Героцеф препаратының ықпал етуімен өт жолдарында түзілген преципитаттардың панкреатит дамуындағы тетікті рөлін жоққа шығаруға болмайды.

Жаңа туған нәрестелер, емшектегі сәбилер және жасы кіші балалардағы Героцеф қауіпсіздігі мен тиімділігі «Қолдану тәсілі және дозалары» бөлімінде сипатталған дозаларында анықталған. Зерттеулер цефтриаксонның, кейбір басқа цефалоспориндер сияқты, сарысу альбуминіндегі билирубинді ығыстыруы мүмкін екенін көрсетті. Сондықтан, гипербилирубинемиясы бар жаңа туған нәрестелерді Героцефпен емдегенде алдын ала сақтану керек. Героцеф, билирубин энцефалопатиясының даму қатеріне орай, жаңа туған нәрестелерде (әсіресе, шала туғандарда) пайдаланылмауы тиіс. Ұзақ уақыт емдеу кезінде қан талдауын жүйелі өткізу керек.

Сезімтал адамдарда аса жоғары сезімталдық реакциялары пайда болуы мүмкін.

Педиатриялық топ

Жаңа туған және шала туған балалардың өкпесі мен бүйрегіндегі цефтриаксон кальций тұзының преципитатымен байланысты өлімге ұшырау реакциялары сипатталған. Цефтриаксон мен құрамында кальций бар препараттарды жасы 28 күннен асып кеткен емделушілерге бірізді енгізуге болады. Бұл жағдайда құюға арналған жүйені үйлесімді сұйықтықтармен толық жуып-шайған жөн.

Цефтриаксонды ешбір жас тобында Y-тәрізді жүйе арқылы құрамында кальций бар көктамырішілік ерітінділермен бір мезгілде енгізуге болмайды. Цефтриаксон Рингер ерітіндісі немесе Хартман ерітіндісі сияқты құрамында кальций бар ерітінділермен немесе қоректендіруге арналған кальций құрамдас парентеральді ерітінділермен араластырылмауы немесе қалпына келтірілмеуі тиіс. Көктамырішілік цефтриаксон мен ішуге арналған кальций құрамдас препараттардың арасындағы өзара әрекеттесуге қатысты немесе бұлшықетішілік цефтриаксон мен құрамында кальций бар дәрілердің (көктамырішілік немесе ішуге арналған) арасындағы өзара әрекеттесу жөнінде жеткілікті ақпарат жоқ.

Осы дәрілік өнімнің әр құтысының ішінде 82.95 мг натрий бар. Оны натрий тұтыну шектелген емдәмде жүрген емделушілерге тағайындағанда ескеру керек.

Жүктілік және лактация

Героцеф плацентарлық бөгет арқылы өтеді. Жүктілік кезінде препаратты сақтықпен қолдану керек.

Препаратты лактация кезеңінде тағайындау қажет болғанда бала емізуді тоқтату мәселесін шешу керек. Аз концентрацияларында цефтриаксон емшек сүтімен бөлінеді.

Дәрілік заттың көлік құралын басқару қабілетіне әсер ету ерекшеліктері

Героцефтің автокөлікті немесе басқа көлік құралын басқаруға қандай да бір әсер ету қабілетін көрсететін ешқандай деректер жоқ.

Артық дозалануыСимптомдары: жағымсыз әсерлер көріністерінің күшеюі.

Емі: гемодиализ және перитонеальді диализ препарат концентрациясын төмендетпейді. Арнайы у қайтарғысы жоқ. Симптоматикалық емдеу.

Шығарылу түрі және қаптамасы

1 г препараттан flip-off типті алюминий қалпақшамен қаусырылған және резеңке тығынмен тығындалған түссіз шыныдан жасалған құтыда.

10 мл инъекцияға арналған су түссіз шыны ампулаларға құйылады.

Медициналық қолдануға арналған мемлекеттік және орыс тілдеріндегі нұсқаулықпен бірге 1 құтыдан және еріткішімен 1 ампуладан картон қорапқа салынады.

Сақтау шарттары

Жарықтан қорғалған жерде, +25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу тәртібі

Рецепт арқылы

Өндіруші ұйымның атауы және елі

«Дева Холдинг A.Ш.», Түркия

Тіркеу куәлігі иесінің атауы және елі

«Дева Холдинг A.Ш.», Түркия

Қаптаушы ұйымның атауы және елі

«Дева Холдинг A.Ш.», Түркия

Қазақстан Республикасы аумағында тұтынушылардан өнім сапасына қатысты шағымдар қабылдайтын ұйымның мекенжайы

«Асал Дыш Тиджарет Аноним Ширкети» компаниясының Қазақстандағы өкілдігі, Қазақстан, 050009, Алматы қ., Шевченко көшесі/Радостовец көшесінің қиылысы 165Б/72Г, 708Б кеңсе, тел./факс: 8 (727) 237-77-68,

Е-mail: baizhumin@inbox.ru