ВАЗОНАТ® (VAZONAT®) (500 мг)

• русский
• қазақша

• Скачать инструкцию медикамента

Саудалық атауы

ВАЗОНАТ® (VAZONAT®)

Халықаралық патенттелмеген атауы

Мельдоний

Дәрілік түрі

Капсулалар 500 мг

Құрамы

Бір капсула құрамында

белсенді зат: 500 мг мельдоний дигидраты,

қосымша заттар: картоп крахмалы, коллоидты кремнийдің қостотығы, кальций стеараты,

капсуланың құрамы: титанның қостотығы +(Е 171), желатин.

Сипаттамасы

Қатты ақ/ақ желатинді капсула № 00, құрамында ақ немесе ақ дерлік түсті ұнтақ бар.

Фармакотерапиялық тобы

Жүрек ауруларын емдеуге арналған препараттар. Жүрек ауруларын емдеуге арналған басқа да препараттар. Басқа да кардиотонустық препараттар. Мельдоний.АТХ коды C01EB22

Фармакологиялық қасиеттері

Фармакокинетикасы

Препарат ішке қабылдағаннан кейін жақсы сіңеді. Биожетімділігі – 78 % жуық. Бір реттік пероральді дозадан кейін қан плазмасында әсер етуші заттың ең жоғары концентрациясына 1-2 сағат ішінде дозаға тәуелді болып табылады.

Организмде екі негізгі метаболиттер түзілуімен биотрансформацияланады, оның экскрециясы бүйрек арқылы жүреді. Жартылай шығарылу кезеңі бір реттік дозадан кейін 4 сағатқа жуықты құрайды, 8 күндік қабылдау кейін – 10 сағат.

Фармакодинамикасы

Вазонат® (Vazonat®) карнитиннің ізашары – гамма-бутиробетаиннің құрылымдық аналогы болып табылады. Гамма-бутиробетаингидроксидаза белсенділігін тежеп, карнитин биосинтезін және онымен байланысты ұзын тізбекті май қышқылдарының жасушалар жарғақшасы арқылы тасымалдануын тежейді, тотықпаған май қышқылдарының белсендірілген түрлерінің – ацилкарнитин мен ацилкоэнзим-А туындыларының жасушаларда жинақталуын кедергілеп, осылайша олардың жайсыз әсерін болдырмайды.

Ишемия жағдайларында жасушадағы оттегінің жеткізілуі мен қажеттілігі арасындағы тепе-теңдікті қалыпқа келтіреді, оттегіні қосымша тұтынусыз жүретін гликолизді бір мезгілде белсендірумен аденозинтрифосфат тасымалының бұзылуын жояды, бұл жасушаның энергетикалық теңгерімінің қалыпқа келуіне ықпал етеді.

Вазонат® (Vazonat®) ишемияға қарсы және цитопротекторлық әсерлерін көріністейді.

Вазоната® (Vazonat®) емдік әсері оның фармакологиялық әсерлерінің көп түрлілігімен жүзеге асады. Жүрек жеткіліксіздігінде миокард жиырылуын күшейтеді, дене жүктемесіне төзімділікті арттырады, стенокардия ұстамаларының жиілігін төмендетеді. Ми қан айналымының жедел және созылмалы ишемиялық бұзылуларында ишемия ошағындағы қан айналымын жақсартады, ишемияланған бөліктің пайдасына қанның қайта таралуына ықпал етеді.

Вазонат® (Vazonat®) орталық жүйке жүйесіне сергіту әсерін көрсетеді, дене және ақыл-ой еңбегіне қабілеттілікті арттырады, соматикалық және вегетативті жүйке жүйесінің функционалдық бұзылуын жояды.

Қолданылуы

Вазонат® (Vazonat®) кешенді емде мына жағдайларда қолданылады:

• жүрек және қантамыр жүйесінің аурулары: тұрақты жүктеме стенокардиясы, созылмалы жүрек жеткіліксіздігі (NҮНА І-ІІІ функционалдық класы), кардиомиопатия, жүрек және қантамыр жүйесінің функционалдық бұзылулары;
• ми қан айналымының жедел және созылмалы ишемиялық бұзылулары;

• цереброваскулярлық бұзылулардан, ми жарақаттарынан және энцефалиттен кейінгі сауығу кезеңінде;

• жұмыс қабілетінің төмендеуі, физикалық және психоэмоционалдық қатты ширығу.

Қолдану тәсілі және дозалары

Ішке, тамақтануға байланыссыз. Капсуланы тұтастай жұтып, сумен ішу керек.

Қоздыру әсерінің дамуы мүмкін екеніне орай, препаратты күннің бірінші жартысында енгізу ұсынылады.

Жүрек және қантамыр жүйесінің аурулары мен ми қан айналымының бұзылулары:

Бүкіл дозаны бір рет немесе екі бір реттік дозаларға бөліп, күніне 500 мг-1000 мг (5-10 капсула) қабылдайды. Ең жоғары тәуліктік доза – 1000 мг.

Цереброваскулярлық бұзылулардан, ми жарақаттарынан және энцефалиттен кейінгі сауығу кезеңінде, жұмыс қабілетінің төмендеуі, қатты ширығуда:

Күніне 500 мг. Ең жоғары тәуліктік доза – 500 мг.

Емдеу курсының ұзақтығы 4-6 апта құрайды. Емдеу курсын жылына 2-3 рет қайталауға болады.

Пациенттердің ерекше топтары

Бауыр және/немесе бүйрек функциясы бұзылған егде жастағы пациенттерде дозаны азайту қажет болуы мүмкін.

Бауыр және/немесе бүйрек функциясы бұзылған пациенттерге мельдонийдің азырақ дозасын қолдану керек.Педиатрияда қолдану

Препаратты балаларға және 18 жасқа дейінгі жасөспірімдерге қолдану қауіпсіздігі мен тиімділігі туралы деректер жоқ, сондықтан препаратты қолдану қарсы көрсетілімді.

Жағымсыз әсерлері

Вазонат® (Vazonat®), басқа да дәрілік заттар сияқты, пациенттердің бәрінде бірдей көрініс бермейтін жағымсыз әсерлер туғызуы мүмкін.

Қолайсыз жағымсыз реакцияларды даму жиілігі бойынша жіктеу:

өте жиі (≥ 1/10); жиі (≥ 1/100-ден < 1/10 дейін); жиі емес (≥ 1/1000-нан < 1/100 дейін); сирек (≥ 1/10 000-нан < 1/1000 дейін); өте сирек (< 1/10 000); көрініс беру жиілігі белгісіз (қолда бар деректер бойынша анықтау мүмкін емес).

Жиі:

- аллергиялық реакциялар

- бас ауырулар

- диспепсия

Сирек:

- жоғары сезімталдық, аллергиялық дерматит, бөрту (жалпы/макулезді/папулезді), қышыну, есекжем, ангионевроздық ісіну, анафилаксиялық реакция

- қозу, қорқыныш сезімі, санадан кетпейтін ойлар, ұйқының бұзылуы

- парестезия, гипестезия, құлақтың шуылдауы, вертиго, бас айналу, жүріс-тұрыстың бұзылуы, естен тану алдындағы жай-күй, естен тану

- жүрек ырғағының өзгеруі, жүрек қағу, тахикардия/синустық тахикардия, жүрекшелер фибрилляциясы, аритмия, кеуденің жайсыздануын/кеуденің ауыруын сезіну

- артериялық қысымының құбылуы, гипертензиялық криз, гиперемия, тері сыртының бозаруы- тамақтың қабынуы, жөтел, диспноэ, апноэ- дисгевзия (ауыздың темір татуы), тәбет жоғалту, құстыру, жүрек айну, құсу, газдардың жиналуы, диарея, іштің ауыруы- арқаның ауыруы, бұлшықет әлсіздігі, бұлшықеттің түйілуі- поллакиурия- жалпы әлсіздік, дірілдеу, астения, ісіну, беттің ісінуі, аяқтың ісінуі, ысынуды сезіну, суынуды сезіну, салқын тер- электрокардиограммадағы (ЭКГ) ауытқулар, жүрек жұмысының жеделдеуі, эозинофилияЕгер Сізде қолданылуы жөніндегі нұсқаулықта көрсетілмеген қандай да бір жағымсыз әсерлер көрініс берсе немесе аталған жағымсыз әсерлердің қандай да бірі ерекше қатты білінсе, дәрігерге қаралуды өтінеміз. Жағымсыз әсерлер туралы хабарларДәрілік затты тіркеуден кейін ықтимал жағымсыз әсерлері туралы хабарлаудың маңызы зор. Осылайша, дәрілік заттың пайдасы/қаупінің арақатынасы тұрақты бақылауды болады. Денсаулық сақтау саласындағы мамандарға өтінеді барлық ықтимал жағымсыз әсерлері туралы хабарлау керек.

Қолдануға болмайтын жағдайлар

- мельдонийге немесе препараттың қосымша заттарына жоғары сезімталдық

- бауырдың және/немесе бүйректің ауыр жеткіліксіздігі

- бассүйекішілік қысымның көтерілуі (веноздық кері ағысы бұзылуында, бассүйекішілік ісікте)

- жүктілік және бала емізу кезеңі

- балалар мен 18 жасқа дейінгі жасөспірімдерге

Дәрілермен өзара әрекеттесуі

Коронардилатациялаушы дәрілердің, кейбір гипотензиялық препараттарды, жүрек гликозидтерінің әсерін күшейтеді.

Препаратты антиангинальді дәрілермен, антикоагулянттармен, антиагреганттармен, аритмияға қарсы дәрілермен, диуретиктермен, бронхолитиктермен біріктіруге болады.

Препарат құрамында глицерилтринитрат, нифедипин, бета-адреноблокаторлар, басқа гипертензиялық дәрілер мен шеткері вазодилататорлар бар препараттардың әсерін күшейтуі мүмкін екенін ескеру керек.

Cозылмалы жүрек жеткіліксіздігі бар, симптомдарды азайту үшін бір мезгілде мельдоний мен лизиноприл қабылдайтын пациенттерде біріктірілген емнің оң әсері анықталған (басты артерияларды вазодилатациялау, шеткері қан айналымын және тіршілік сапасын жақсарту, психологиялық және физикалық стресті азайту).Ишемия/реперфузиядан болатын зақымдануларды жою үшін мельдонийді орот қышқылымен біріктіріп қолданғанда қосымша фармакологиялық әсері байқалды.Темір тапшылығынан болатын анемиясы бар пациенттерде Сорбифер препараты мен мельдонийді бір мезгілде қолдану нәтижесінде қызыл қан жасушаларында май қышқылдарының құрамы жақсарған.Мельдоний азидотимидин (АЗТ) туындататын жүректің патологиялық өзгерістерін жоюға көмектеседі және митохондриялар дисфункциясына әкелетін АЗТ туғызған тотығу стресі реакцияларына оқшау әсер етеді. Мельдонийді АЗТ немесе жүре пайда болған иммун тапшылығы синдромын (ЖИТС) емдеуге арналған басқа препараттармен біріктіріп қолдану ЖИТС еміне оң ықпал етеді.Этанол туындататын тепе-теңдік рефлексін жоғалту тестісінде мельдоний ұйқының ұзақтығын азайтты. Пентилентетразол туғызған құрысулар кезінде мельдонийдің құрысуға қарсы айқын әсері анықталған. Өз кезегінде, мельдониймен емнің алдында α2 адреноблокатор, 2 мг/кг дозада йохимбин мен 10 мг/кг дозада N-(G)-нитро-L-аргинин азот тотығы синтазасының (АТС) тежегішін қолданғанда мельдонийдің құрысуға қарсы әсері толық тежеледі.Мельдонийдің артық дозалануы циклофосфамид туғызған кардиоуыттылықты күшейтуі мүмкін.Мельдоний – D-карнитинін (фармакологиялық белсенді емес изомер) қолданғанда түзілетін карнитин тапшылығы ифосфамид туғызған кардиоуыттылықты күшейтуі мүмкін.Мельдоний индинавир туғызған кардиоуыттылық және эфавиренз туғызған кардиоуыттылық жағдайында қорғағыш әсер көрсетеді. Орташа тахикардия және артериялық гипотензия даму мүмкіндігін ескере отырып, осындай әсерге ие дәрілік заттармен, оның ішінде құрамында мельдоний бар басқа препараттармен біріктіргенде сақ болу керек.

Айрықша нұсқаулар

Созылмалы бауыр және/немесе бүйрек аурулары бар пациенттер препаратты ұзақ қолданғанда сақ болғандары жөн (бауыр және/немесе бүйрек функциясын бақылап отыру қажет).

Мельдоний жедел коронарлы синдром кезінде бірінші қатар препараты болып саналмайды.

Дәрілік заттаың көлік құралын немесе қауіптілігі зор механизмдерді басқару қабілетіне әсер ету ерекшеліктері

Көлік құралын және қауіптілігі зор механизмдерді басқару кезінде сақтық танытқан жөн.

Артық дозалануы

Артық дозалану жағдайлары белгісіз. Дәрілік заттың уыттылығы аз және ауыр жағымсыз әсерлерді туындатпайды.

Симптомдары: артериялық қысымның күрт өзгеруі, бұл бас ауыру, бас айналу, жүректің жиі соғуы, жалпы әлсіздік түрінде көрініс береді.

Емі: симптоматикалық ем. Ауыр артық дозалану кезінде бүйрек және бауыр функциясын бақылау керек.

Шығарылу түрі және қаптамасы

6 капсуладан PVC/Aclar/PVC үлбірден және алюминий фольгадан жасалған пішінді ұяшықты қаптамада.

5 немесе 10 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Сақтау шарттары

Құрғақ жерде, 25 С-ден аспайтын температурада.

Балалардың қолы жетпейтін жерде сақтау керек.

Сақтау мерзімі

2 жыл.

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы.

Өндіруші/Қаптаушы

«ОЛАЙНФАРМ» АҚ

Мекенжайы: Рупницу к-сі 5, Олайне, LV-2114, Латвия.

Тіркеу куәлігін ұстаушы

«ОЛАЙНФАРМ» АҚ

Мекенжайы: Рупницу к-сі 5, Олайне, LV-2114, Латвия.

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта:

050009 Алматы қ., Абай даңғ. 151/115, 807 кеңсе

Телефон / Факс 007 727 333 46 52

E-mail olainfarm.instr@mail.ru