Бифосин® (раствор для наружного применения)

• русский
• қазақша

• Скачать инструкцию медикамента

Саудалық атауы

БИФОСИН®

Халықаралық патенттелмеген атауы

Бифоназол

Дәрілік түрі

Сыртқа қолдануға арналған 1 % ерітінді

Құрамы

100 г ерітіндінің құрамында

белсенді зат – 1.0 г бифоназол, қосымша заттар – макрогол-400

Сипаттамасы

Түссіз мөлдір немесе аздап боялған сұйықтық.

Фармакотерапиялық тобы

Зеңге қарсы жергілікті қолдануға арналған препараттар. Имидазол туындылары

АТЖ коды D01AC10

Фармакологиялық қасиеттері

Фармакокинетикасы

Терінің зақымданған қабаттарына жақсы сіңеді. Сіңуі – 0,6-0,8%, қан плазмасындағы концентрациясы анықталмайды. Терідегі концентрациясы қолданғаннан кейін 6 сағаттан соң жетеді немесе дерматомикоздан туындаған негізгі зеңдер үшін ең төменгі тиімді концентрациясынан көп есе асып түседі: эпидермистің үстіңгі қабатында (Stratum corneum) 1 мг/см2, Stratum papillare 5 мг/см2. Теріден жартылай шығарылу кезеңі 19-32 сағатты (оның тығыздығына байланысты) құрайды. Теріде сақталу ұзақтығы – 36-48 сағат.

Фармакодинамикасы

Бифоназол Бифосин препаратының белсенді заты, имидазол туындысы болып табылады және зеңге қарсы кең ауқымды әсері бар.

Дерматофиттерге қатысты алғанда (трихофитон, микроспорум, эпидермофитон) фунгицидті; фунгистатикалық – ашытқы тәрізді, өңезденген зеңдер (Aspergillus ferrus, Scopulariopsis brevicaulis), Malassezia furfur әсер етеді, Corinebacterium minutissimum-ге қарсы (ең төменгі бәсеңдететін концентрациясы (ТБК) 0.5-тен 2 мкг/мл дейінгі диапозонда өзгеріп тұрады) –және энтерококктарды қоспағанда (ТБК 4-16 мкг/мл), грамоң кокктарға қатысты алғанда белсенді.

Препараттың әсер ету нысанасы эргостерин – зеңдер жарғақшаларының маңызды компоненті. Бифосин эргостериннің синтезін оның екі түзілу кезеңінде бәсеңдетеді, бұл зеңдердің цитоплазматикалық жарғақшаларының құрылымдық және функционалдық зақымдануына әкеледі. Ең төменгі тиімді концентрациясы – әсер ету ұзақтығы кем дегенде 6 сағатқа созылғанда 5 нг/мл; 3 нг/мл концентрациясында жылдам пролиферациялаушы Trichophyton mentagrophytes мицелийі өсуі ақырындайды. Ашытқы тәрізді Candida тұқымдас зеңдерге фунгистатикалық, ал 20 нг/мл концентрациясында – фунгицидті әсері бар.

Қолданылуы

• табан мен қол саусақтарының микозында

• тегіс тері дерматомикозында

• бастың шашты бөлігінің дерматомикозында

• кебек тәрізді теміреткіде

• терінің беткейлік кандидозында

• эритразмада

Қолдану тәсілі және дозалары

Препарат кешке ұйықтар алдында тәулігіне бір рет қолданылады. Препаратты терінің зақымданған жеріне жұқалап жағып, мұқият ысқылау керек. Қанағаттанарлық нәтижеге қол жеткізу үшін ем үзіліссіз болуы және келесі ұсынылған мерзім ішінде жалғасуы тиіс:

• табан және бақайаралық микозда 3-4 апта.

• бастың шашты бөлігінің дерматомикозында 4 апта

• тегіс тері дерматомикозында 2-3 апта.

• кебек тәрізді теміреткіде, эритразмада 2 апта.

• терінің беткейлік кандидозында 2-4 апта.

Микоздың клиникалық көрінісін жойғаннан кейін қайталанудың алдын алу үшін препаратты күніне 1 рет қолдана отырып, емді 2 аптаға жалғастыру қажет.

Жағымсыз әсерлері

Кейде

• тері гиперемиясы және тітіркенуі, шымылдатып ашыту сезімі, аллергиялық реакциялар

Сирек

- экзема, терінің қышуы, везикулярлы бөртпе

Өте сирек

• аллергиялық дерматиттің дамуы мүмкін

• жергілікті реакциялар: мацерация түрінде, қабыршықтану, гиперемия

Бұл жағымсыз әсерлер қайтымды және емді тоқтатқаннан кейін жойылады.

Қолдануға болмайтын жағдайлар

• бифанозолға немесе препараттың кез келген басқа компонентіне асқын сезімталдық

• лактация кезеңі

• 1 жасқа дейінгі емшектегі балалар

Дәрілермен өзара әрекеттесуі

Қандай да бір дәрілік өзара реакциялар болмағандықтан препаратты басқа дәрілік заттармен бір мезгілде қолдануға болады.

Айрықша нұсқаулар

Әсері жеткіліксіз немесе жоқ болса, науқасты қосымша тексеріп (иммунитет, қан, эндокриндік жүйе, зақымдану аймағының микроциркуляциясы жағдайы), емді тексеру нәтижесіне сәйкес түзету керек.

Препаратты көзге тигізіп алудан сақтаныңыз.

Алақандай аймаққа әдетте ерітіндінің бірнеше тамшысы жеткілікті (шамамен 3 тамшы).

Ерітінді бастың шашты бөлігіндегі микозды емдеуге қолайлы.

Педиатрия

Бифосин балаларға 1 жастан бастап қолданылады. Дәрігердің мұқият бақылауымен ғана қолданылады.

Жүктілік

Сақтықпен: жүктілікте (І триместр).

Жүктіліктің I триместрінде препаратты тек қатаң көрсетілімдер бойынша ғана қолдануға болады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Бифосин автомобиль жүргізу және техникамен жұмыс істеу қабілетіне әсер етпейді.

Артық дозалануы

Қазіргі кезге дейін препараттың артық дозалануы жағдайлары туралы хабар алынған жоқ.

Шығарылу түрі және қаптамасы

Қақпағы бар тамшылатқыш-тығынмен тығындалған күңгірт шыны тамшылатқыш-құтыға 15 г құйылған.

Әрбір тамшылатқыш-құты медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынады.

Сақтау шарттары

Құрғақ, жарықтан қорғалған жерде, 15 ºС-ден 25ºС-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

«Синтез» ААҚ.

Ресей, 640008, Қорған қ., Конституция даңғылы, 7.

тел./факс (3522) 48-16-89

Тіркеу куәлігінің иесі

«Синтез» ААҚ, Ресей

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы

«СТОФАРМ» ЖШС, 000100, Қазақстан Республикасы,

Қостанай облысы, Қостанай қ., Орал к-сі, 14

тел. 714 228 01 79