Билумид (150 мг)
Инструкция
-
русский
-
қазақша
Саудалық атауы
Билумид
Халықаралық атауы
Бикалутамид
Дәрілік түрі
Үлбірлі қабықпен қапталған 50 мг және 150 мг таблеткалар
Құрамы
Бір таблетканың құрамында
белсенді зат – 50,00 мг және 150,00 мг бикалутамид,
қосымша заттар: лактоза (сүт қанты), картоп крахмалы, микрокристалды целлюлоза, примогель (натрий карбоксиметилкрахмалы), повидон (поливинилпирролидон), магний стеараты, кремнийдің коллоидты қостотығы (аэросил),
қабықтың құрамы: гипромеллоза (гидроксипропилметилцеллюлоза), повидон (поливинилпирролидон), полисорбат (твин-80), тальк, титанның қостотығы (Е 171), хинолинді сары (Е 104).
Сипаттамасы
Сары түсті үлбірлі қабықпен қапталған, дөңгелек, екі жақ беті дөңес таблеткалар. Көлденең кесіндісінде екі қабат көрінеді, ішкі қабаты ақ немесе ақ дерлік түсті.
Фармакотерапиялық тобы
Ісікке қарсы гормональді препараттар. Гормондардың антагонистері және олардың аналогтары. Антиандрогендер.
АТХ коды L02BB03
Фармакологиялық қасиеттері
Фармакокинетикасы
Ішке қабылдағаннан кейін асқазан-ішек жолынан тез және толық сіңеді. Ас қабылдау сіңуіне ықпалын тигізбейді.
(S)-энантиомер организмнен (R)-энантиомерден әжептәуір тезірек шығарылады, соңғысының жартылай шығарылу кезеңі – 7 күнге жуық.
Күн сайын 150 мг бикалутамидті қабылдағанда (R)-энантиомердің плазмадағы тепе-тең концентрациясы, жартылай шығарылу кезеңінің ұзақ болуы салдарынан, шамамен 10 есе артады, бұл препаратты тәулігіне бір рет қабылдауға мүмкіндік жасайды.
Бикалутамидтің 150 мг дозасын күн сайын қабылдаған кезде (R)-энантиомердің плазмадағы тепе-тең концентрациясы шамамен 22 мкг/мл құрайды. Тепе-тең жағдайда қан айналымындағы барлық энантиомерлердің 99%-ға жуығын белсенді (R)-энантиомер құрайды.
(R)-энантиомердің фармакокинетикасы жасқа, бүйрек функциясының бұзылуына, бауыр функциясының жеңіл немесе орташа дәрежелі ауырлықта болуына байланысты емес. Бауыр функциясының бұзылуы ауыр науқастарда (R)-энантиомердің плазмадан шығарылуы баяулайтыны жөнінде деректер бар.
Плазма ақуыздарымен байланысуы жоғары (рацемиялық қоспа үшін 96%, (R)-энантиомер үшін 99,6%). Бауырда қарқынды түрде метаболизденеді (тотығу және глюкурон қышқылымен конъюгат түзу арқылы). Метаболиттері несеппен және өтпен бірге шамамен тең пропорцияда шығарылады.
Фармакодинамикасы
Бикалутамид көбіне (R)-энантиомердің стероидты емес антиандрогендік белсенділігімен рацемиялық қоспасы болып табылады, басқа эндокриндік белсенділігі жоқ. Бикалутамид андрогендік рецепторлармен байланысып, гендердің экспрессиясын белсенді етпейді, андрогендердің стимуляциялаушы әсерін басады. Мұның нәтижесі қуықасты безінің қатерлі жаңа түзілімдерінің кері дамуы болып табылады.
Кейбір емделушілерде бикалутамидті қабылдауды тоқтату клиникалық “антиандрогендерді тоқтату синдромының” дамуына әкеп соғуы мүмкін.
Қолданылуы
|
- |
50 мг дозада: қуықасты безінің жайылған қатерлі ісігінде (гонадотропин-рилизинг гормон (ГнРГ) аналогымен немесе хирургиялық кастрациямен біріктіріп) |
|
- |
150 мг дозада: қуықасты безінің жергілікті жайылған қатерлі ісігінде (T3-T4, кез келген N, М0; Т1-Т2, N+, М0) монотерапия ретінде немесе радикальді простатэктомиямен немесе радиотерапиямен біріктірілген адъювантты ем түрінде |
|
- |
150 мг дозада: хирургиялық кастрация немесе басқа да медициналық араласымдар қолдануға келмеген немесе жарамаған жағдайларда қуықасты безінің жергілікті жайылған, метастаздық емес қатерлі ісігінде |
Қолдану тәсілі және дозалары
Ересек және егде жастағы еркектер:
Қуықасты безінің жайылған қатерлі ісігінде ГнРГ аналогымен немесе хирургиялық кастрациямен біріктіріп: ішке 50 мг-ден (50 мг 1 таблетка) тәулігіне бір рет. Билумидпен емдеуді ГнРГ аналогын немесе хирургиялық кастрацияны қабылдаумен бір мезгілде бастау қажет.
Қуықасты безінің жергілікті жайылған қатерлі ісігінде: ішке 150 мг-ден тәулігіне бір рет. Билумидті ұзақ, кем дегенде 2 жыл бойы қабылдаған жөн. Аурудың үдеу белгілері пайда болған кезде препарат қабылдауды тоқтатқан жөн.
Бүйрек функциясының бұзылулары: дозаны түзету талап етілмейді.
Бауыр функциясының бұзылулары: бауыр функциясының жеңіл бұзылуларында дозаны түзету қажет етілмейді. Бауыр функциясының орташа және ауыр бұзылуларында Билумидтің жиналуының артқаны байқалады.
Жағымсыз әсерлері
|
Өте жиі (>10%) - гинекомастия (тіпті емді тоқтатқаннан кейін де, әсіресе препаратты ұзақ уақыт қабылдағанда сақталуы мүмкін), сүт бездерінің аурушаңдығы, ыстық «қан кернеулер»; |
|
|
Жиі (>1% және <10%) - анорексия, жүректің айнуы, абдоминальді ауыру, метеоризм, іш қату, диарея, «бауыр» трансаминазасы белсенділігінің транзиторлы түрде жоғарылауы, холестаз және сарғаю (бауыр функциясының аталған өзгерулері ауыр ретінде сирек баға берілді, транзиторлы сипатқа ие, емдеуді жалғастырған кезде немесе препаратты тоқтатқаннан кейін толық жоғалды немесе азайды) - қышыну, тері бөртпесі, астения, алопеция немесе шаштың өсуінің қалпына келуі (препаратты тәуліктік 150 мг дозада қолданғанда), сексуальді дисфункция - бас айналу, ұйқышылдық, ісінулер, салмақ қосу |
|
|
Сирек (>0,1% - 1%) - жоғары сезімталдық реакциялары, ангионевроздық ісінуді және есекжемді қоса есептегенде, интерстициальді өкпе аурулары; препаратты тәуліктік 150 мг дозада қолданған кезде іштің ауыруы, диспепсия, депрессия, гематурия |
|
|
Өте сирек (<0,1%) - құсу, терінің құрғауы (препаратты тәуліктік 150 мг дозада қолданған кезде терінің құрғауы жиі байқалады), бауыр жеткіліксіздігі (бикалутамидті қабылдаумен себептік-салдарлық байланысы сенімді түрде анықталған жоқ). |
|
|
Бикалутамидті және ГнРГ аналогтарын бір мезгілде қолданған кезде ≥ 1% жиілікпен келесі жағымсыз құбылыстар байқалуы мүмкін (препаратты қабылдаумен себептік-салдарлық байланысы анықталған жоқ, білінген жағымсыз әсерлердің кейбіреулері егде жастағы емделушілерде кездесті) |
|
|
- |
жүрек жеткіліксіздігі |
|
- |
анорексия, ауыздың құрғауы, диспепсия, метеоризм, іш қату |
|
- |
бас айналу, бас ауыру, ұйқысыздық, қатты ұйқышылдық |
|
- |
ентігу |
|
- |
сексуальді дисфункция, никтурия |
|
- |
анемия |
|
- |
алопеция, бөртпе, қатты тершеңдік, гирсутизм |
|
- |
қант диабеті, гипергликемия |
|
- |
дене салмағының артуы немесе төмендеуі |
|
- |
іштің ауыруы |
|
- |
кеуденің ауыруы |
|
- |
жамбас аймағының ауыруы |
|
- |
қалтырау |
Қолдануға болмайтын жағдайлар
|
- |
бикалутамидке немесе препараттың құрамына кіретін кез келген басқа қосымша компоненттерге сезімталдық жоғары болғанда
|
|
- |
терфенадинмен, астемизолмен және цизапридпен бір мезгілде қабылдауға |
|
-- |
балаларға және 18 жасқа дейінгі жасөспірімдерге әйелдерге тағайындауға болмайды. Сақтықпен Бауыр функциясының бұзылуында. |
Дәрілермен өзара әрекеттесуі
Билумид пен ГнРГ аналогтары арасында фармакодинамикалық немесе фармакокинетикалық өзара әрекеттесу жөнінде деректер жоқ.
Іn vitro зерттеулерде бикалутамид (R)-энантиомері CYP 3A4 тежегіші болып табылатындығы білінді, CYP 2C9, 2C19 және 2D6 белсенділіктеріне аз дәрежеде ықпал етеді. Бикалутамидтің басқа дәрілік заттармен өзара әрекеттесуіне қабілеттілік байқалған жоқ, алайда бикалутамидті 28 күн бойы мидазоламды қабылдау аясында қолданғанда мидазоламның қисық астындағы ауданы AUC 80%-ға артты.
Терфенадинмен, астемизолмен және цизапридпен үйлеспейді.
Бикалутамидті циклоспоринмен немесе кальций өзекшелерінің бөгегіштерімен бір мезгілде тағайындаған кезде сақ болған жөн. Осы препараттардың дозасын, әсіресе жағымсыз реакциялар потенцияланған немесе дамыған жағдайда төмендету қажет етілуі мүмкін. Бикалутамидты пайдалана бастағаннан немесе тоқтатқаннан кейін циклоспориннің қан плазмасындағы концентрацияларына және емделушінің клиникалық жағдайына мұқият мониторинг жүргізу керек.
Бикалутамидті және дәрілік заттардың микросомальді тотығуын бәсеңдететін препараттарды, мысалы, циметидинмен немесе кетоконазолмен бір мезгілде қолдану бикалутамидтің плазмадағы концентрациясын арттыруы мүмкін, және жағымсыз әсерлердің пайда болу жиілігін арттыруы мүмкін.
Кумаринді қатардың антикоагулянттарының (варфариннің), ақуыздармен байланысуы бәсекелі болғандықтан, әсерін күшейтеді.
Айрықша нұсқаулар
Бауыр функциясы бұзылған науқастарда бикалутамидтің шығарылуының баяулауы және оның жиналып қалуы мүмкін екендігін ескеріп, бауыр функциясына мезгіл-мезгіл баға беріп отырған жөн. Бауыр функциясының өзгерулерінің көбісі бикалутамидпен емдеудің алғашқы алты айы ішінде кездеседі.
Препаратты бауыр функциясы бұзылғанда абайлап қолдану керек.
Бауыр функциясының айқын өзгерулері дамыған жағдайда Билумидті қабылдауды тоқтату қажет.
Простатспецификалық антиген (ПСА) деңгейінің жоғарылауы аясында ауруы үдеген емделушілерде Билумидпен емдеуді тоқтату жөніндегі мәселені қарастырған жөн.
Билумидті кумаринді қатардың антикоагулянттарын қабылдап жүрген емделушілерге тағайындаған кезде протромбинді уақытты жүйелі түрде бақылап отыру керек.
Р450 (CYP 3A4) цитохромы белсенділігін бикалутамидпен тежеу мүмкіндігін ескеріп, Билумидті көбіне CYP 3A4 қатысуымен метаболизденетін препараттармен бірге бір мезгілде тағайындағанда сақ болған жөн.
Лактоза жақпайтын емделушілерге Билумидтің 50 мг таблеткасының әрқайсысында 55,2 мг лактоза және 150 мг таблеткасында 165,6 мг лактоза бар екендігінен хабардар ету қажет.
Дәрілік заттардың көлікті немесе қауіптілігі зор механизмдерді басқару қабілетіне ықпал ету ерекшеліктері
Билумид емделушілердің көлікті басқару немесе зейінді жұмылдыруды және психомоторлы реакциялардың шапшаңдығын қажет ететін қауіпті басқа қызмет түрлерімен айналысу қабілетіне ықпалын тигізбейді.
Артық дозаланғанда
Адамда артық дозалану жағдайлары айтылмаған.
Емі: симптоматикалық. Өзіне тән ерекше у қайтарғысы жоқ. Диализ жасау тиімді емес, өйткені бикалутамид ақуыздармен мықты байланысады және несеппен бірге өзгермеген күйінде шығарылмайды. Жалпы демеуші ем қолданылады және организмнің тіршілік үшін маңызды функцияларын бақылап отыру керек.
Шығарылу түрі және қаптамасы
Поливинилхлоридті үлбірден және лақталған баспалы алюминий фольгадан жасалған пішінді ұяшықты қаптамада 50 мг дозадағы 7 таблеткадан. 150 мг дозадағы 28 таблетка полимер материалдан жасалған банкада, немесе амортизаторы бар және витаминдер мен дәрілік заттарға арналған, алғаш ашылғаны бақыланатын, тартылған қақпағы бар полимер банкада.
Банкаға заттаңбалық немесе жазу қағазынан заттаңба немесе өздігінен желімденетін заттаңба жапсырады.
Әрбір банка немесе 7 таблеткадан пішінді ұяшықты 4 қаптама қолданылуы жөніндегі мемлекеттік және орыс тілдеріндегі нұсқаулықпен бірге тұтынушы ыдысына арналған картоннан жасалған қорапшаға салынған.
Сақтау шарттары
250С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
5 жыл
Дәріханадан босатылу шарттары
Рецепт арқылы
Өндіруші-ұйымның атауы мен елі
«ВЕРОФАРМ» ЖАҚ, Ресей Федерациясы.
Заңды мекен-жайы: 107023, Мәскеу қ., Барабанный тұйық к-сі, 3 үй.
Өндірістің және шағымды қабылдайтын жердің мекенжайы: 308013, Белгород қ., Рабочая к-сі, 14 үй.
Тел.: (4722)21-32-26, 21-34-71
Тіркеу куәлігі иесінің атауы мен елі
«ВЕРОФАРМ» ЖАҚ, Ресей Федерациясы.
Заңды мекен-жайы: 107023, Мәскеу қ., Барабанный тұйық к-сі, 3 үй.
Өндірістің және шағымды қабылдайтын жердің мекенжайы: 308013, Белгород қ., Рабочая к-сі, 14 үй.
Тел.: (4722)21-32-26, 21-34-71
Қаптаушы-ұйымның атауы мен елі
«ВЕРОФАРМ» ЖАҚ, Ресей Федерациясы
Заңды мекен-жайы: 107023, Мәскеу қ., Барабанный тұйық к-сі, 3 үй.
Өндірістің және шағымды қабылдайтын жердің мекенжайы: 308013, Белгород қ., Рабочая к-сі, 14 үй.
Тел.: (4722)21-32-26, 21-34-71
Қазақстан Республикасының аумағында тұтынушылардан өнімнің (тауардың) сапасы жөніндегі шағымдарды қабылдайтын ұйымның мекенжайы:
«ВЕРОФАРМ» ЖШС, Қазақстан Республикасы
Алматы қ-сы, Сайн к-сі, 30 үй, 116 кеңсе
Тел.: (727) 273-1634, (727) 230-09-09