Аскорбиновая кислота (Аскорбиновая кислота)

Аскорбин қышқылы

Аскорбин қышқылы

инъекцияға арналған 50 мг/мл ерітінді

Ас қорыту жолы және зат алмасу. Дәрумендер. Аскорбин қышқылы, біріктірілімдерін қоса. Аскорбин қышқылы таза түрде. Аскорбин қышқылы.

АТХ коды A11G A01

- С гиповитаминозы

- цинга

- қан кетулер (жатырдан, өкпеден, мұрыннан, бауырдан)

- геморрагиялық диатез

- сәулесоқ ауруы синдромы ретіндегі қан кетулер

- әртүрлі уыттану мен инфекциялық аурулар

- жүкті әйелдердегі нефропатия

- аддисондық криз

- антикоагулянттармен артық дозалану

- сүйек сынулары мен беті баяу грануляцияланатын жаралар

- әртүрлі дистрофия

- жүктілік немесе бала емізу кезеңі

- ой және ауыр дене еңбегінен қатты қажу.

Қолданудың басталуына дейін қажетті мәліметтер тізбесі

- аскорбин қышқылына немесе препарат қосымша компоненттерінің кез келгеніне жекелей жоғары сезімталдық

- қант диабеті

- қан ұюының жоғарылауы

- тромбозға бейімділік

- тромбофлебит

- несеп-тас ауруы (оның ішінде гипероксалурия)

- бүйрек жеткіліксіздігі

– үдемелі қатерлі аурулар

- гемохроматоз

- талассемия

- полицитемия

- лейкемия

- сидеробласты анемия

- орақ тәрізді жасушалық анемия

- глюкоза-6-фосфатдегидрогеназа тапшылығы.

Қолдану кезіндегі қажетті сақтандыру шаралары

Үлкен дозада қолданғанда бүйрек функциясын, артериялық қысымды (кортикостероидтардың түзілуін аскорбин қышқылымен стимуляциялау), сондай-ақ ұйқы безі функциясын (инсулярлық аппараттың бәсеңдеуі) бақылап отыру қажет.

Үлкен дозалармен емді қайталанатын несеп-тас ауруына бейім науқастарға жүргізуге болмайды. Бүйрек жеткіліксіздігі бар науқастарға кристалурия қаупін төмендету үшін сұйықтықты жеткілікті тұтынуды (тәулігіне 1,5-2 л) қамтамасыз ету қажет.

Аскорбин қышқылының үлкен дозаларын тұтыну кейбір зертханалық зерттеулер нәтижелеріне әсер етуі мүмкін: несепте қант болуына жалғаноң тест және нәжісте жасырын қан болуына теріс тест, сондай-ақ зерттеулерде қан сарысуында лактатдегидрогеназа және аминотрансферазалар концентрациялары көрсеткіштерінің төмендеуі.

Организмде темір мөлшері жоғары пациенттер аскорбин қышқылын ең аз дозада қолдануы керек.

Натрий аз болатын диета ұстанатын пациенттер бұл дәрілік затты сақтықпен қолдануы керек, өйткені оның құрамында натрий гидрокарбонаты және сусыз натрий сульфиті кіреді.

Дәрілік зат құрамында бір дозада 0,6 ммоль (немесе 14 мг)/натрий бар, ол дозада 1 ммольден (23 мг)/натрий аз, яғни ерітіндіде натрий жоқ дерлік.

Тез пролиферацияланатын және қарқынды метастазданатын ісіктері бар пациенттерге аскорбин қышқылын тағайындау осы процестерді күшейтуі мүмкін. Химиотерапия курсынан өтетін пациенттерге препаратты химиотерапиядан кейін 1-3 күн өткен соң ғана (ісікке қарсы препараттың жартылай шығарылу кезеңіне байланысты) тағайындау керек, өйткені өзара әрекеттесулерінің ықтималдығына қатысты клиникалық деректер жоқ.

Басқа дәрілік препараттармен өзара әрекеттесуі

Аскорбин қышқылы қандағы салицилаттар (кристалурия қаупін жоғарылатады), этинилэстрадиол, бензилпеницилин және тетрациклиндер концентрациясын жоғарылатады, қандағы пероральді контрацептивтер деңгейін төмендетеді. Сілтілік реакциясы бар (оның ішінде алкалоидтар) препараттардың шығарылуын арттырады. Жоғары дозада бүйректен мексилетиннің шығуын жоғарылатады.

Тетрациклиндер және ацетилсалицил қышқылы аскорбин қышқылының несеппен шығарылуын күшейтеді.

Салицилаттармен және әсері қысқа сульфаниламидтермен бір мезгілде тағайындағанда несеп конкременттерінің түзілуінің қаупі артады.

Аскорбин қышқылының жоғары дозасы несеп рН төмендетуі мүмкін, осының салдарынан амфетаминнің және бір мезгілде қолданылатын трициклдік антидепрессанттардың өзекшелік реабсорбциясы төмендейді.

Дефероксамин қабылдап жүрген пациенттерде темірдің экскрециясын жоғарылатады.

Кумарин және гепарин туындыларының антикоагулянттық әсерін, антибиотиктердің тиімділігін азайтады. Сусыздануды және этил спиртінің жалпы клиренсін жоғарылатады.

Изопреналиннің хронотроптық әсерін және фенотиазин туындыларының емдік әсерін азайтады.

Барбитураттармен, примидонмен бір мезгілде пайдаланғанда несеппен аскорбин қышқылының экскрециясы жоғарылайды.

Аскорбин қышқылы мен дефероксаминді бір мезгілде қабылдау, әсіресе жүрек бұлшықетінде темірдің тіндік уыттылығын арттырады, бұл қан айналымы жүйесінің орнын толтыруға әкелуі мүмкін. С дәруменін дефероксамин инъекциясынан кейін 2 сағаттан соң ғана қабылдауға болады.

Аскорбин қышқылын жоғары дозада пайдаланғанда және алкогольді бір мезгілде тұтынғанда дисульфирамтәрізді реакция дамуы мүмкін.

Үйлесімсіздігі

Аскорбин қышқылының тотығу-тотықсыздану потенциалы жоғары болғандықтан ол басқа препараттардың химиялық құрамын өзгертуі мүмкін. Сондықтан басқа дәрілік заттармен бір мезгілде қолдану мүмкіндігін қарастырғанда олардың үйлесімділігіне көз жеткізу керек.

Арнайы сақтандырулар

Педиатрияда қолдану

Препарат педиатриялық практикада қолданылады.

Балаларға арналған препаратты дозалауды «Қолдану жөніндегі нұсқаулар» бөлімінен қараңыз.

Жүктілік және лактация кезінде

Жүкті әйелдердің рационында С дәруменінің жетіспеушілігі шарана үшін қауіпті болуы мүмкін, бірақ оны жоғары дозада қолдану шарананың дамуына теріс әсер етуі мүмкін, сонымен қатар түсік тастау қаупі бар. Сондықтан жүктілік кезінде препаратты ана үшін болжамды пайдасы шарана үшін ықтимал қауіптен асып кеткен кезде ғана тағайындауға болады.

Аскорбин қышқылының ең төменгі күнделікті қажеттілігі жүктіліктің II-III триместрінде – шамамен 60 мг. Аскорбин қышқылы плацентарлық бөгет арқылы өтеді. Жүкті әйелдер қабылдайтын аскорбин қышқылының жоғары дозаларына шарананың бейімделуі мүмкін екендігін ескерген жөн және содан соң жаңа туған нәрестелерде тоқтату реакциясы сияқты аскорбин ауруы дамуы мүмкін. Сондықтан жүктілік кезінде ана үшін потенциалды пайдасы шарана үшін болжамды қауіптен астам болған жағдайларды қоспағанда, препаратты жоғары дозаларда тағайындауға болмайды.

Бала емізу кезеңінде аскорбин қышқылының ең төменгі күнделікті қажеттілігі – 80 мг. Аскорбин қышқылының мөлшері талапқа сай болатын анасының диетасы емшектегі сәбиде тапшылық профилактикасы үшін жеткілікті. Аскорбин қышқылы емшек сүтіне енеді. Аскорбин қышқылының жоғары дозаларын (бала емізу кезеңінде аскорбин қышқылына күнделікті қажеттілікті асырып жібермеу ұсынылады) анасы тұтынғанда баласы үшін іс жүзінде қауіпті. Препараттың жоғары дозаларын тағайындау қажет болғанда бала емізуді тоқтату керек.

Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Препарат ұсынылатын дозаларда автокөлікті басқару немесе басқа механизмдермен жұмыс істеу қабілетіне әсер етпейді.

Қолдану жөніндегі нұсқаулар

Дозалау режимі

Вена ішіне сорғалатып немесе тамшылатып енгізуге және бұлшықет ішіне тағайындайды.

Вена ішіне 1-3 минут бойы сорғалатып енгізеді. Препараттың бір реттік дозасын вена ішіне тамшылатып енгізу үшін 50-100 мл 0,9 % натрий хлориді ерітіндісінде сұйылтады және минутына 30-40 тамшы жылдамдықпен вена ішіне инфузия жолымен баяу енгізеді.

Бұлшықетке тереңдете бұлшықет ішіне енгізеді.

Дозаны аурудың сипаты мен ауырлығын ескере отырып, жекелей белгілейді.

Ересектерге және 12 жастан үлкен балаларға әдетте тәулігіне 50-150 мг тағайындайды. Уланғанда тәуліктік дозаны 500 мг дейін арттырады. Ең жоғары бір реттік доза - 200 мг, тәуліктік – 1 г.

12 жасқа дейінгі балаларға тәулігіне 50-100 мг вена ішіне тағайындайды (1-2 мл 5% ерітінді).

Науқастардың ерекше топтары. Бүйректе қайталанған тас түзілуі бар пациенттерге аскорбин қышқылының тәуліктік дозасы 100-200 мг аспауы тиіс. Ауыр немесе терминальді бүйрек жеткіліксіздігі бар пациенттерге (диализде жүрген науқастар) аскорбин қышқылының тәуліктік дозасы 50-100 мг аспауы тиіс.

Глюкоза-6-фосфатдегидрогеназа тапшылығы бар науқастарда аскорбин қышқылының тәуліктік дозасы 100-500 мг аспауы тиіс.

Енгізу әдісі және жолы

Вена ішіне сорғалатып немесе тамшылатып енгізуге және бұлшықет ішіне тағайындайды.

Артық дозаланған жағдайда қолданылуы қажет шаралар

Аскорбин қышқылының үлкен дозалары диареяны қоса, асқазан-ішек бұзылыстарын туындатуы, сондай-ақ гипероксалурияға және оксалатты конкременттер түзілуіне әкелуі мүмкін. Тәулігіне 600 мг асатын дозалар диурездік әсерін көрсетеді.

Препараттың шамадан тыс дозаларын бір рет қолданғанда жүрек айну, құсу, іштің кебуі және ауыруы, қышыну, тері бөртулері, қатты қозғыштық пайда болуы мүмкін.

Вена ішіне жоғары дозада енгізген кезде жүктіліктің үзілу қаупі туындауы мүмкін.

Емі: препарат қолдануды тоқтату, симптоматикалық ем.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер

Дәрігердің тағайындауы бойынша қолдану керек.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Қан жүйесі және лимфа жүйесі тарапынан: жоғары дозада ұзақ уақыт бойы қолданған кезде – тромбоцитоз, гиперпротромбинемия, тромб түзілуі, эритроцитопения, нейтрофильді лейкоцитоз.

Жүйке жүйесі тарапынан: бас ауыруы, шаршағанды сезіну, жоғары дозада ұзақ уақыт бойы қолданған кезде – ұйқының бұзылуы, орталық жүйке жүйесінің жоғарғы қозғыштығы.

Ас қорыту жолы тарапынан: жүрек айнуы, диарея, асқазанның түйілуі.

Несеп шығару жүйесі тарапынан бұзылулар: гипероксалатурия; жоғары дозада ұзақ уақыт бойы қолданған кезде – бүйректің гломерулярлық аппаратындағы зақымданулар, кальций оксалатынан бүйрек тасының түзілуі.

Тері және тері асты шелі тарапынан: өте сирек – тері бөртпесі, тері гиперемиясы, қышыну, есекжем, қызару, ісіну.

Метаболизмнің бұзылуы: С гипервитаминозы, жоғары дозада ұзақ уақыт бойы қолданған кезде – ұйқы безі (гипергликемия, глюкозурия) инсулярлық аппарат функциясының және гликоген синтезінің бәсеңдеуі, натрий және сұйықтық іркілуі, мырыш және мыс алмасуының бұзылуы.

Жүрек-қантамыр жүйесі тарапынан: капиллярлар өткізгіштігінің төмендеуі, тін трофикасының нашарлауы; жоғары дозада ұзақ уақыт бойы қолданған кезде – миокард дистрофиясы, артериялық қысымның жоғарылауы, микроангиопатия дамуы.

Жалпы бұзылулар: вена ішіне енгізген кезде ысыну сезімі, енгізу орнындағы өзгеріс болуы, қалтырау, дене температурасының жоғарылауы мүмкін.

Жүктілік: жоғары дозада вена ішіне енгізгенде – түсік тастау қаупі.

Иммун жүйесі тарапынан: өте сирек - анафилаксиялық шокты қоса, аса жоғары сезімталдық реакциялары.

Дәрілік зат құрамында натрий сульфиті (Е 221) қосымша затының болуы сирек жағдайда аса жоғары сезімталдық пен бронх түйілуін туындатуы мүмкін.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз:

Қазақстан Республикасы Денсаулық сақтау министрлігі  Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір ампуланың ішінде

белсенді зат – 100 мг аскорбин қышқылы,

қосымша заттар: натрий гидрокарбонаты, сусыз натрий сульфиті (Е 221), инъекцияға арналған су.

Сыртқы түрінің, иісінің, дәмінің сипаттамасы

Мөлдір, түссіз немесе сәл сарғыштау, іс жүзінде бөлшектерден бос ерітінді.

Шығарылу түрі және қаптамасы

Шыны ампулаларда 2 мл препараттан.

Ампулаларға өзі желімденетін заттаңба жапсырылады.

Препарат 10 ампуладан медициналық қолдану жөніндегі қазақ және орыс тілдеріндегі нұсқаулықпен және ампуланы ашуға арналған пышақпен немесе ампулалық скарификатормен, немесе кесетін кермикалық дискімен бірге аралығы бар картон қорапшаға салынады.

Сындыру сақинасы бар шыны ампулаларды қаптағанда ампуланы ашуға арналған пышақ немесе ампулалық скарификатор немесе кесетін кермикалық дискі салынбайды.

Қорапшаны топтық ыдысқа салады.

2 жыл

Жарамдылық мерзімі өткеннен кейін қолдануға болмайды!

Түпнұсқалық қаптамасында, 25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

«Лубныфарм» АҚ

Украина, 37500, Полтава обл., Лубны қ., Барвинков к-сі, 16

Тіркеу куәлігінің ұстаушысы

«Лубныфарм» АҚ

Украина, 37500, Полтава обл., Лубны қ., Барвинков к-сі, 16

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Садыхан Премиум» ЖШС

Қазақстан Республикасы, 050011, Алматы қ., Станкевич к-сі 44/21

Факс: +7(272) 51-55-61

Е-mail: analitik2-gk@sadykhan.kz