Аналергин-L
Инструкция
-
русский
-
қазақша
Саудалық атауы
Аналергин-L
Халықаралық патенттелмеген атауы
Левоцетиризин
Дәрілік түрі
Үлбірлі қабықпен қапталған таблеткалар, 5 мг
Құрамы
Бір таблетканың құрамында
белсенді зат - 5 мг левоцетиризин дигидрохлориді,
қосымша заттар: микрокристалды целлюлоза, лактоза моногидраты, сусыз коллоидты кремнийдің қостотығы, магний стеараты,
қабықтың құрамы: Опадри Y1-7000Н Ақ (полиэтиленгликоль 400, титанның қостотығы (Е 171), гипромеллоза 2910 5сР ).
Сипаттамасы
Сопақша пішінді, бір жағында «LC5» өрнектелген, ақтан ақ дерлік түске дейінгі үлбірлі қабықпен қапталған таблеткалар.
Фармакотерапиялық тобы
Жүйелік әсер ететін антигистаминдік препараттар.
Пиперазин туындылары. Левоцетиризин.
АТХ коды R06AE09
Фармакологиялық қасиеттері
Фармакокинетикасы
Левоцетиризиннің фармакокинетикалық параметрлері сызықты түрде өзгереді, дозаға және уақытқа тәуелді емес және цетиризиннің фармакокинетикасынан айырмашылығы жоқ дерлік. Левоцетиризин ішке қабылдаған кезде тез сіңеді. Сарысуда ең жоғары концентрацияға емдік дозаны ішке бір рет қабылдағаннан кейін 0.9 сағаттан соң жетеді және 207 нг/мл құрайды. Таралу көлемі 0,4 л/кг құрайды. Плазма ақуыздарымен байланысуы 90% құрайды. Левоцетиразиннің 14%-дан азы бауырда N-, О-деалкилдену арқылы метаболизмге ұшырап, фармакологиялық тұрғыдан белсенді емес метаболит түзеді.
Жартылай шығарылу кезеңі 7,9±1,9 сағатты құрайды. Жалпы клиренсі – 0,63 мл/мин/кг. Левоцетиризин мен метаболиттердің шығарылуы негізінен несеппен (85,4%) және нәжіспен (12,9%) жүзеге асырылады. Левоцетиризин шумақтық сүзілу арқылы да, сонымен қатар белсенді тубулярлы секреция арқылы да шығарылады.
Бүйрек қызметі бұзылған (КК минутына 40 мл-ден төмен) науқастарда препарат клиренсі азаяды, ал T1/2 ұзарады (осылайша гемодиализдегі науқастарда жалпы клиренс 80%-ға төмендейді), ол дозалау режимін тиісінше өзгертуді қажет етеді. Левоцетиризиннің 10%-дан азы гемодиализ барысында жоғалады.
Фармакодинамикасы
Аналергин-L левоцетиризин, цетиризин энантиомері болып табылады, гистаминнің антагонистеріне жатады, Н1-гистаминді рецепторларды бөгейді. Н1-рецепторларға ұқсастық левоцетиризинде цетиризинге қарағанда 2 есе жоғары. Аналергин-L аллергиялық реакциялардың гистаминге тәуелді сатысына ықпалын тигізеді, сондай-ақ эозинофильдердің миграциясын азайтады, қантамырлардың өткізгіштігін азайтады, қабыну медиаторларының босап шығуын шектейді.
Аллергиялық реакциялардың дамуына жол бермейді және барысын жеңілдетеді, экссудатқа қарсы, қышынуға қарсы әсері бар. Аналергин-L QT аралығына ықпалын тигізбейді және тыныштандыратын әсер бермейді.
Қолданылуы
- аллергиялық ауруларда (аллергиялық ринит)
- созылмалы идиопатиялық есекжемде
Қолдану тәсілі және дозалары
Таблетканы ас қабылдау кезінде немесе ас қабылдаудан тыс тәулігіне бір рет бүтіндей, шайнамай, аздаған мөлшерлі сұйықтықпен тұтастай қабылдайды.
Ерсектерге және 6 жастан асқан балаларға Аналергин-L таблеткалары тәулігіне 5 мг-нан тағайындалады.
Егде жастағы науқастарға (бүйрек қызметі қалыпты болғанда) дозаны төмендету қажет емес.
Бүйрек қызметі бұзылған науқастарда КК минутына 30 мл-ден 49 мл-ге дейін болғанда доза екі есе төмендетіледі (1 таблетка әрбір 2 күн сайын), КК минутына 10 мл-ден 29 мл-ге дейін болған кезде – 3 есе (1 таблетка әрбір 3 күн сайын).
Қабылдау ұзақтығы ауруларға байланысты болады. Поллинозды емдеу үшін орташа алғанда 1-6 апта бойы тағайындайды. Созылмалы аурулар кезінде емдеу ұзақтығы клиникалық симптомдар динамикасын ескере отырып, әр адамға жекелей анықталады.
Жағымсыз әсерлері
Жиі
- ұйқышылдық, шаршау, астения, бас ауыру
Жиі емес
- іштің ауыруы, ауыздың құрғауы
Өте сирек
- озбырлық, қозу, елестеулер, депрессия, ұйқысыздық, суицидтік ойлар, құрысулар, парестезиялар, бас айналуы, естен тану, тремор, дисгезия
- көрудің бұзылуы
- диспноэ, ентігу
- жүрек айнуы, тәбеттің артуы, құсу
- аллергиялық реакциялар (ангионевротикалық ісіну, бөртпе, есекжем, қышыну)
- миалгия
- гепатит, бауыр қызметінің бұзылуы
- дене салмағының артуы
- жүректің қағуы, тахикардия
- дизурия, несептің іркілуі
- ісіну
Қолдануға болмайтын жағдайлар
- препараттың кез келген компонентіне немесе пиперазин туындыларына жоғары сезімталдық
- бүйрек қызметінің ауыр жеткіліксіздігі (КК < 10 мл/мин)
- жүктілік және лактация кезеңі
- 6 жасқа дейінгі балалар
- галактоземия, Лапп лактаза тапшылығы немесе глюкоза-галактоза мальабсорбциясы синдромы
Дәрілермен өзара әрекеттесуі
Аналергин-L препаратын бір мезгілде қолданғанда:
- псевдоэфедринмен, циметидинмен, кетоконазолмен, эритромицинмен, азитромицинмен, глипизидпен және диазепаммен - өзара әрекеттесулері айқындалмаған.
- теофиллинмен (тәулігіне 400 мг) – левоцетиризин клиренсінің 16%-ға төмендеуі байқалады.
Макролидтермен және кетоконазолмен біріктіріп қолдану ЭКГ-да нақты өзгерулер тудырған жоқ.
Айрықша нұсқаулар
Аналергин-L препаратымен емдегенде мынадай жағдайларда сақ болған жөн:
- бүйрек қызметінің ауырлығы орташа жеткіліксіздігінде
- егде жаста (шумақтық сүзілудің төмендеуі мүмкін).
Препаратты қолданған кезде алкоголь қолдануды тоқтата тұру қажет.
Несеп іркілуі факторларына бейім емделушілер айрықша сақтықпен (мысалы, жұлын хордасының зақымдануы, қуық асты безі гиперплазиясы) қолдану керек, өйткені левоцетиризин несеп іркілуінің даму қаупін арттыруы мүмкін.
Лактоза болуына байланысты сирек кездесетін тұқым қуалайтын галактозаны көтере алмаушылық, Lарр лактаза тапшылығы немесе глюкоза-галактоза мальабсорбциясы проблемалары бар емделушілерге таблеткаларды қабылдамаған жөн.
Дәрілік заттың көлік құралын немесе қауіптілігі зор механизмдерді басқару қабілетіне ықпал ету ерекшеліктері
Ұйқышылдық, бас айналу, көрудің бұзылуы сияқты жағымсыз әсерлерінің даму ықтималдығын ескере отырып, жоғары зейін қоюды және психомоторлы реакциялар жылдамдығын қажет ететін қызмет түрлерімен айналысуды тоқтата тұрған жөн.
Артық дозалануы
Симптомдары: ұйқышылдық, балаларда препараттың артық дозалануы мазасыздықпен және тітіркенгіштіктің ұлғаюымен қоса қабаттасуы мүмкін.
Емі: артық дозалану симптомдары пайда болған кезде (әсіресе балаларда) препарат қабылдауды тоқтатқан жөн, асқазанды шаю, белсенділендірілген көмір қабылдау, симптоматикалық емдеу қажет. Өзіне тән у қайтарғысы жоқ. Гемодиализ тиімсіз.
Шығарылу түрі және қаптамасы
10 таблеткадан алюминий фольгадан жасалған пішінді ұяшықты қаптамада.
1 немесе 2 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынған.
Сақтау шарттары
25˚С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
«Тeva Pharmaceutical Industries Ltd», Израиль
Сапасын бақылаушы «Teva UK Ltd», Ұлыбритания
Тіркеу куәлігінің иесі
«Тeva Pharmaceutical Industries Ltd», Израиль
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы
«Тева Чех Кәсіпорындары» компаниясының ҚР-дағы өкілдігі
050000, Қазақстан Республикасы Алматы қ., Әл-Фараби даңғылы 19,
Нұрлы Тау бизнес орталығы 1Б 603,604 кеңсе
Телефон, факс (727) 311-09-15; 311-07-34
E-mail teva@teva.co.il