Ампициллин (капсулы, 500 мг, Медофарм Пвт. Лтд.)

• русский
• қазақша

• Скачать инструкцию медикамента

Саудалық атауы

Ампициллин

Халықаралық патенттелмеген атауы

Ампициллин

Дәрілік түрі

250мг және 500мг капсулалар

Құрамы

Бір капсуланың құрамында

белсенді зат – 250 мг және 500мг ампициллин

(288,70 мг және 577,40 мг ампициллин тригидраты түрінде),

қосымша заттар: магний стеараты, натрий лаурилсульфаты, тальк,

желатинді капсула: тазартылған су, натрий лаурилсульфаты, повидон, бронопол, желатин,

капсула қақпағы: титанның қостотығы (Е171), понсо 4 R (Е124), жылтыр көк FCF-FD&C көк 1 (Е133), күн батар түстес сары FCF FD&C сары 6 (Е110),

капсула корпусы: титанның қостотығы (Е171), кармуазин (Е122), понсо 4 R (Е124).

фармацевтикалық сия: Shellac-NF, абсолютті спирт, изопропил спирті, бутанол, пропиленгликоль, темірдің қара тотығы (Е-172).

Сипаттамасы

Қара түсті қақпағы және қызыл түсті корпусы бар, өлшемі №1, қатты мөлдір емес желатинді капсулалар. Капсуланың бір жақ бетінде қара сиямен «AMPI 250» таңбасы, екінші жақ бетінде – бүркіт басы мен «Troge» логын қоса «Троге Медикал ГмбХ» компаниясының логотипі жазылған (250 мг капсула үшін).

Қара түсті қақпағы және қызыл түсті корпусы бар, өлшемі №0, қатты мөлдір емес желатинді капсулалар. Капсуланың бір жақ бетінде қара сиямен «AMPI 500» таңбасы, екінші жақ бетінде – бүркіт басы мен «Troge» логын қоса «Троге Медикал ГмбХ» компаниясының логотипі жазылған (500 мг капсула үшін).

Капсула құрамы – ақ немесе ақ дерлік түйіршектелген ұнтақ.

Фармакотерапиялық тобы

Жүйелі пайдалануға арналған бактерияларға қарсы препараттар.

Бета-лактамды ­бактерияларға қарсы препараттар – пенициллиндер. Кең ауқымды әсер ететін пенициллиндер. Ампициллин

АТХ коды J01СА01

Фармакологиялық қасиеттері

Фармакокинетикасы

Ішке қабылдағаннан кейін ампициллин жылдам сіңе бастайды, биожетімділігі – 40%; 500 мг ішке қабылдаған кезде ең жоғарғы концентрациясына жету уақыты – 2 с, қан плазмасындағы ең жоғарғы концентрациясы - 3-4нг/мл.

Қан плазмасы ақуыздарымен байланысуы - 20%.

Препарат мүшелер мен организм тіндерінде біртегіс ыдырайды, емдік концентрацияларда плевральді, перитонеальді, амниотикалық және синовиальді сұйықтықта, ликворда, несепте (жоғары концентрацияда), ішектің шырышты қабығында, сүйекте, өт қабында, өкпеде, әйелдердің жыныс мүшелері тіндерінде, өтте, бронхтық сөліністе (іріңді бронхтық сөліністе аз жинақталады), мұрынның қосалқы қойнауларында, сілекейде байқалады. Гематоэнцефалдық кедергі арқылы нашар өтеді (қабыну кезінде өткізгіштігі артады). Негізінен бүйрек арқылы (70-80%), тіпті несепте өзгермеген антибиотиктің өте жоғары концентрациясы пайда болады; ішінара өтпен, емшек емізетін аналарда - сүтпен шығарылады. Жинақталмайды. Гемодиализ кезінде шығарылады.

Фармакодинамикасы

Ампициллин – аминофенилсірке қышқылының қалдығымен, 6-аминопенициллан қышқылының ацетилденуі арқылы алынатын қышқылға төзімді, жартылай синтетикалық пенициллиндер тобынан кең ауқымды әсер ететін бактерияларға қарсы бактерицидті дәрі. Пептидогликан және транспептидаза полимеразасын тежейді, пептидтік байламдардың түзілуіне кедергі болады және микроорганизмдерді бөлетін жасушалы қабырғалар синтезінің кешіккен кезеңін бұзады, ол бактериялық жасушалардың осмостық төзімділігін төмендетуге әкеледі және оның лизисін туғызады. Көбірек белсенділікті грамоң аэробтық бактерияларға қатысты байқатады: Staphylococcus spp. (бета-лактамаза өндіруші штаммдардан басқа), Staphylococcus aureus (бета-лактамаза өндіруші штаммдардан басқа), Streptococcus pyogenes, Streptococcus viridans, Streptococcus agalactiae, Streptococcus pneumoniae, Listeria monocytogenes, Corynebacterium diphtheriae, Corynebacterium xerose, Bacillus anthracis, Enterococcus spp.; грамтеріс аэробтық бактериялар: Neisseria gonorrhoeae, Neisseria meningitides, Haemophilus influenzae, грамтеріс жөнінде елеулі белсенді Escherichia coli, Proteus mirabilis, Shigella spp., Salmonella spp., Leptospira spp., Borrelia spp., Treponema pallidum, Vibrio cholerae; грамтеріс анаэробты кокктар: Peptostreptococcus spp., Clostridium spp., Propionibacterium acnes, Fusobacterium spp..

Ампициллинге төзімді бета-лактамаза өндіруші штаммдар Staphylococcus spp. және басқа грамтеріс бактериялар, Pseudomonas aeruginosa, индол-оң штаммдар Proteus spp., Bacteroides spp., Enterobacter aerogenes, Klebsiella pneumoniae, Rickettsia spp., Mycoplasma spp., Chlamydia spp., H. pylori, Mycobacterium tuberculosis. Осы уақытқа көптеген госпитальдік штаммдар Escherichia coli және Proteus mirabilis препаратқа төзімді (төзімділік деңгейі 20-30%).

Қолданылуы

- жоғарғы және төменгі тыныс алу жолдарының жұқпаларында

- несеп-жыныс жүйесі жұқпасында

- созда

- бактериялық эндокардитте.

Қолдану тәсілі және дозалары

Аурудың ауырлығына, жұқпаның орналасуына және қоздырғыштың сезімталдығына байланысты дозаны жеке белгілейді.

Ересектер үшін бір реттік доза 250-500 мг құрайды, қабылдау жиілігі тәулігіне 4 рет.

Препарат тамақтанғанға дейін 30 минут бұрын немесе тамақтанғаннан кейін 2 сағаттан соң ішке қабылданады. Емдеу курсы 5-7 күн.

Жағымсыз әсерлері

сирек

- тері бөртпесі, есекжем, Квинке ісінуі,

- ринит, конъюнктивит

- қызба

- анафилактикалық шок

- ауыздың құрғауы, жүрек айнуы, құсу, іштің ауыруы, диарея, дисбактериоз, стоматит, глоссит, гастрит, жалған жарғақшалы энтероколит

- «бауыр» трансаминазалары белсенділігінің орташа жоғарылауы, лейкопения, тромбоцитопения, агранулоцитоз, анемия

- ОЖЖ-ға уытты әсер етуі (бүйрек жеткіліксіздігі бар науқастарда жоғары дозада қолданған кезде)

өте сирек

- интерстициальді нефрит, нефропатия

- гепатит және холестатикалық сарғаю

- эозинофилия

- мультиформалы экссудативті эритема (оның ішінде Стивенс-Джонсон синдромы)

Қолдануға болмайтын жағдайлар

- пенициллиндерге, цефалоспориндерге, карбопенемдерге жоғары сезімталдық

- 18 жасқа дейінгі балалар және жасөспірімдер

- жүктілік және лактация кезеңі

- жұқпалы мононуклеоз

- лимфолейкоз

- бауыр жеткіліксіздігі

- сыртартқысында асқазан-ішек жолының ауруы (оның ішінде антибиотиктерді қабылдаумен байланысты колит).

Дәрілермен өзара әрекеттесуі

Ампициллинді бактерицидті антибиотиктермен, оның ішінде аминогликозидтермен, цефалоспориндермен, циклосеринмен, ванкомицинмен, рифампицинмен бір мезгілде қолданған кезде синергизм; бактериостатикалық антибиотиктермен, оның ішінде макролидтермен, хлорамфениколмен, линкозамидпен, тетрациклинмен, сульфаниламидтермен – антагонизм пайда болады. Ампициллинмен бір мезгілде қолданған кезде антикоагулянттар мен антибиотиктер-аминогликозидтердің әсері артады. Ампициллин құрамында эстроген бар ішілетін контрацептивтердің тиімділігін төмендетеді. Пробенецид, диуретиктер, аллопуринол, фенилбутазон, қабынуға қарсы стероидты емес дәрілер ампициллиннің өзекшелік сөлінісін азайтады, ол қан плазмасында оның концентрациясының артуымен қатар жүреді. Антацидтер, глюкозамин, іш жүргізетін дәрілер, аминогликозидтер баяулатады және азайтады, ал аскорбин қышқылы ампициллиннің сіңуін жоғарылатады. Ампициллинді аллопуринолмен бір мезгілде қолданған кезде тері бөртпесінің, әсіресе гиперурекемиясы бар науқастарда пайда болу мүмкіндігі жоғары.

Айрықша нұсқаулар

Аллергиялық ауру, пенициллиндерге, цефалоспориндерге, карбопенемдерге жоғары сезімталдық, бүйрек жеткіліксіздігі бар кезде сақтықпен тағайындалады

Курстық емдеу кезінде бауыр және бүйректің қан түзілу мүшелері қызметінің жағдайына бақылау жүргізу қажет.

Зеңдер мен бактериялар туғызатын асқын жұқпаның даму мүмкіндігі жөнінде ескеру керек. Асқын жұқпа дамыған (әдетте Enterobacter, Pseudomonas немесе Candida туғызған) кезде препаратты қабылдауды тоқтату және/немесе тиісінше ем жүргізу керек.

Құрамында эстроген бар ішілетін контрацептивтер мен ампициллинді бір мезгілде қолданған кезде контрацептивтердің басқа немесе қосымша әдістерін мүмкіндігінше пайдалану керек.

Жүктілік және лактация кезеңі

Жүктілік кезінде тағайындалмайды. Лактация кезеңінде қолдану қажет болған кезде емшек емізуді тоқтату керек.

Дәрілік заттың көлікті немесе қауіптілігі зор механизмдерді басқару қабілетіне ықпал ету ерекшеліктеріДәрілік заттың жағымсыз әсерін ескере отырып, көлік құралдарын немесе қауіптілігі зор механизмдерді басқару кезінде сақтық таныту керек.

Артық дозалануы

Симптомдары: ОЖЖ-не уытты әсерінің пайда болуы (әсіресе бүйрек жеткіліксіздігі бар науқастарда); жүрек айнуы, құсу, диарея, су-электролитті тепе-теңдіктің бұзылуы (құсу мен диарея салдарынан).

Емі: асқазанды шаю, белсенділендірілген көмір, су-электролитті тепе-теңдікті демеуге арналған препараттар, белгісіне қарай ем.

Ауыр жағдайларда – гемодиализ.

Шығарылу түрі және қаптамасы

Поливинилхлоридті үлбірден және алюминий фольгадан жасалған пішінді ұяшықты қаптамаға 10 капсуладан салынған.

10 пішінді қаптама мемлекеттік және орыс тілдеріндегі қолданылуы жөніндегі нұсқаулықпен бірге картоннан жасалған қорапқа салынған

Сақтау шарттары

Құрғақ жерде, 30°C-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3.5 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

 

Өндіруші

Медофарм Пвт. ЛТД

No. 50, Каярамбеду ауылы, Гудуванчери – 603 203. Тамил Наду, Үндістан

Тіркеу куәлігінің иесі

Трогe Медикал ГмбХ

19 Милхштрассе, 20148 Гамбург, Германия 

+49 (0) 40 44 18 44 – 0 

+49 (0) 40 410 73 03

info@trogemedical.de

Тұтынушылардан өнімнің сапасы жөніндегі шағымдарды Қазақстан Республикасы аумағында қабылдайтын ұйымның мекенжайы Алматы қ.Желтоқсан к-сі, 37а кеңсе 208Тел/факс +7-727-2792516 e-mail: info@trogemedical.de