Альнекса

• русский
• қазақша

• Скачать инструкцию медикамента

Саудалық атауы

Альнекса

Халықаралық патенттелмеген атауы

Эзетимиб

Дәрілік түрі

10 мг таблеткалар

Құрамы

Бір таблетканың құрамында

белсенді зат - 10 мг эзетимиб бар,

қосымша заттар: натрий лаурилсульфаты, повидон К-30

маннитол, натрий кроскармеллозасы, микрокристалды целлюлоза

натрий стеарилфумараты

Сипаттамасы

Капсула тәрізді пішінді, шеттері қиғаш, ақ түсті таблеткалар.

Фармакотерапиялық тобы

Басқа гиполипидемиялық препараттар

АТХ коды С10АХ09

Фармакологиялық қасиеттері

Фармакокинетикасы

Ішке қабылдағаннан кейін эзетимиб жылдам сіңеді және фармакологиялық белсенді фенолдық глюкуронидке (эзетимиб-глюкуронид) қарқынды конъюгацияланады. Препаратты ішке қабылдағаннан кейін Эзетемиб қан плазмасындағы ең жоғарғы концентрациясына (Cmax) 4-12 сағаттан соң, глюкуронид-эзетимиб - 1-2 сағат ішінде жетеді. Эзетимибтің абсолюттік биожетімділігін анықтау мүмкін емес, өйткені ол инъекция үшін пайдаланылатын сулы ерітінділердің ешқайсысында ерімейді.

Ас ішу (май мөлшері төмен немесе жоғары) эзетимибтің биожетімділігіне әсер етпейді. Эзетимибті тамақтану кезінде немесе онсыз қабылдауға болады.

Эзетимиб пен эзетимиб-глюкуронид қан плазмасы ақуыздарымен сәйкесінше 99.7% және 88- 92%-ға байланысады.

Эзетимибтің бастапқы метаболизмі жіңішке ішекте және бауырда глюкуронидпен конъюгациялану жолымен жүреді (II фазалы реакция), ары қарай өтпен бөлініп шығады. Ең төменгі тотығу метаболизмі (I фазалы реакция) эзетимиб трансформациясының барлық сатыларында байқалады. Эзетимиб пен препараттың негізгі туындылары эзетимиб-глюкуронид, препараттың қан плазмасындағы жалпы мөлшерінің сәйкесінше 10-20% және 80-90%-ын құрайды. Эзетимиб пен эзетимиб-глюкуронид ішек-бауыр рециркуляциясы үдерісінде қан плазмасынан баяу шығарылады.

Эзетимиб пен эзетимиб-глюкуронидтің жартылай ыдырау кезеңі шамамен 22 сағатты құрайды.

20 мг эзетимибті ішке қабылдағаннан кейін, қан плазмасында жиынтық эзетимибтің қабылданған дозасының 93%-ы анықталды. Қабылданған дозасының шамамен, сәйкесінше 78% және 11%-ы ішек арқылы және бүйрекпен 10 күн ішінде шығарылады.

Егде жастағы пациенттер

65 жастан асқан пациенттерде қан плазмасындағы жалпы эзетимибтің концентрациясы, 18-45 жас шамасындағы пациенттерге қарағанда шамамен 2 есе жоғары. Эзетимибті қабылдап жүрген егде жастағы және жас пациенттерде ТТЛП төмендеуі мен қауіпсіздік бейінінің деңгейі шамамен бірдей. Сондықтан егде жастағы пациенттер үшін дозасын түзету қажет емес.

Бауыр жеткіліксіздігі бар пациенттер

Жеңіл бауыр жеткіліксіздігі бар пациенттер үшін дозасын түзету қажет емес. Жиынтық эзетимиб концентрациясы жоғарылауының салдарлары белгісіз болғандықтан, орташа және ауыр бауыр жеткіліксіздігі бар пациенттерге Альнексаны қабылдау ұсынылмайды (Чайлд-Пью шкаласы бойынша 9 балдан артық).

Бүйрек жеткіліксіздігі бар пациенттер

10 мг эзетимибті бір рет ішке қабылдағаннан кейін, бүйректің ауыр жеткіліксіздігі бар (КК ≤30 мл/мин) пациенттер үшін, орташа AUC дені сау пациенттермен салыстырғанда 1.5 есеге артты. Бұл нәтиже клиникалық тұрғыдан маңызды болып саналмайды. Бүйрек функциясы әлсіз пациенттер үшін, дозасын түзету қажет емес.

Жынысы

Ерлерге қарағанда, әйелдерде эзетимибтің жалпы концентрациясы шамамен 20%-ға жоғары. ТТЛП-Х төмендеуі мен қауіпсіздік бейінінің деңгейі эзетимибті қабылдап жүрген ерлер мен әйелдерде шамамен бірдей. Сондықтан, жыныстық ерекшелік дозасын түзетуге себеп болып табылмайды.

Фармакодинамикасы

Альнекса липидтер деңгейін төмендететін қосылыстардың жаңа класының өкілі болып табылады, ол холестериннің және ішектегі онымен байланысқан фитостеролдардың сіңірілуін іріктеп бәсеңдетеді. Әсер ету механизмі гиполипидемиялық дәрілерді басқа топтарынан (мысалы, статиндерден, өт қышқылдарының секвестранттарынан, фибраттар мен фитостанолдардан) өзгеше. Эзетимибтің молекулалық нысанасы – холестериннің жасушаішілік тасымалына қатысатын С1 типті (NPC1L1) Ниманн-Пик ақуызы.

Эзетимиб жіңішке ішектегі холестериннің сіңірілуін бәсеңдететіп, ішек холестеринінің бауырға түсуінің азаюына алып келеді. Статиндер бауырдағы холестерин синтезін азайтады. Екі түрлі механизмдерінің есебінен, эзетимиб пен статиндер холестерин деңгейінің қосымша төмендеуін қамтамасыз етеді. Гиперхолестеринемиясы бар пациенттерде эзетимиб ішектегі холестериннің сіңірілуін плацебомен салыстырғанда 54 %-ға артық бәсеңдетеді.

Эзетимиб триглицеридтердің, май қышқылдарының, өт қышқылдарының, прогестеронның, этинилэстрадиолдың, немесе майда еритін A және D витаминдерінің сіңірілуіне әсер етусіз, [14C] – холестериннің сіңірілуін бәсеңдетеді.

Эзетимиб монотерапия түрінде және статиндермен бірге жалпы холестерин (ЖХ), ТТЛП, аполипопротеин B (Aпо B), триглицеридтерді (ТГ) азайтады және гиперхолестеринемиясы бар пациенттердегі ТЖЛП арттырады.

Бастапқы гиперхолестеринемия

Ұзаққа созылған статинмен емдеуге қосылған эзетимиб, плацебомен салыстырғанда, жалпы холестеринді, Aпо B, ТГ едәуір азайтады және ТЖЛП-Х арттырады. Статинмен емдеуге қосылған эзетимиб немесе плацебо, орташа Х-белсенді ақуызды сәйкесінше негізгісінің 10 %-ына немесе 0 %-ға азайтады.

Бастапқы гиперхолестеринемиясы бар пациенттерде, эзетимиб 10 мг дозада плацебомен салыстырғанда, жалпы холестеролды (13 %), ТТЛП-Х (19 %), Aпо B (14 %), және ТГ (8 %) төмендетеді және ТЖЛП-Х (3 %) арттырады. Бұдан өзге, эзетимиб майда еритін А, D, және E витаминдерінің қан плазмасындағы концентрацияларына, протромбиндік уақытқа әсер етпейді, және басқа гиполимидемиялық дәрілер сияқты, бүйрекүсті безі қыртысының стероидты гормондарының өнімділігіне әсер етпейді.

Гомозиготалы отбасылық гиперхолестеринемия (ГоОГ)

Эзетимиб аторвастатинмен (40 немесе 80 мг) немесе симвастатинмен бірге (40 немесе 80 мг), 40-тан 80 мг дейінгі симвастатин немесе аторвастатин монотерапиясының дозасын арттырумен салыстырғанда, ТТЛП 15 %-ға азайтады.

Қолданылуы

Бастапқы гиперхолестеринемияда:

- статиндермен монотерапия кезінде тиісінше бақыланбайтын бастапқы (гетерозиготалы отбасылық немесе отбасылық емес) гиперхолестеринемиясы бар пациенттерге ГМГ-КoA-редуктаза тежегіштерімен (статиндермен) біріктіріп диетаға қосымша ретінде

- бастапқы (гетерозиготалы отбасылық немесе отбасылық емес) гиперхолестеринемиясы бар пациенттерде диетаға қосымша ретіндегі монотерапияда, егер статиндермен емдеу қолжетімсіз немесе қолайсыз деп танылса.

Гомозиготалы отбасылық гиперхолестеринемияда (ГоОГ):

- ГоОГ бар пациенттерде статиндермен біріктіріп диетаға қосымша ем ретінде

Гомозиготалы ситостеролемияда (немесе фитостеролемия – триглицеридтер мөлшері жоғары немесе қалыпты болған кезде плазмадағы өсімдік текті стиролдар деңгейінің жоғарылауы):

- диетаға қосымша ем ретінде.

Қолдану тәсілі мен дозалары

Емдеуді бастар алдында пациенттер сәйкесінше липидті төмендететін диетаға көшуі және бұл диетаны Альнексамен емдеудің барлық кезеңі бойына ұстануы тиіс.

Қабылдау тәсілі - пероральді. Ұсынылатын дозасы Альнексаның тәулігіне бір рет бір таблеткасын (10 мг) құрайды. Альнексаны күннің кез келген уақытында, ас ішуге байланыссыз ішке қабылдайды.

Альнексаны статиндерге қосымша ретінде қолданғанда, статиннің тағайындалып қойған немесе арттырылған бастапқы дозасын қабылдауды жалғастыру керек. Бұл жағдайда, нақты бір статинді дозалау жөніндегі ұсынымдар дәрігермен бірге талқылануы тиіс.

Өт қышқылдарының секвестранттарымен біріктіріп емдеу

Альнексаны, өт қышқылдарының секвестранттарын қабылдаудан бұрын 2 сағаттан кешіктірмей немесе одан кейін кемінде 4 сағаттан соң қабылдау керек.

Егде жастағы пациенттерде

Егде жастағы науқастар үшін дозасын таңдау қажет емес.

Бауыр функциясының бұзылуы кезінде

Бауыр жеткіліксіздігінің жеңіл дәрежесі (Чайлд-Пью шкаласы бойынша 5-6 балл) бар науқастар үшін дозасын таңдау қажет емес. Бауырдың орташа (Чайлд-Пью шкаласы бойынша 7-9 балл) және ауыр (Чайлд-Пью шкаласы бойынша >9 балл) дисфункциясы бар науқастарға эзетимибпен емдеу ұсынылмайды.

Бүйрек функциясының бұзылуы кезінде қолданылуы

Бүйрек функциясы бұзылған науқастар үшін дозасын таңдау қажет емес.

Жағымсыз әсерлері

Эзетимибпен монотерапия кезінде:

Жиі (≥ 1/100, <1/10):

- бас ауыруы

- іштің ауыруы, диарея

Жиі емес ((≥1/1,000, <1/100 дейін):

- креатининфосфокиназа деңгейінің жоғарылауы

Статиндермен біріктіріп емдеу кезінде:

Жиі (≥ 1/100, <1/10):

- бас ауыруы, қажу

Жиі емес ((≥1/1,000, <1/100 дейін):

- креатининфосфокиназа деңгейінің жоғарылауы

- іштің ауыруы, іштің қатуы, диарея, іштің кебуі, жүрек айнуы

- миалгия

Фенофибратпен біріктіріп емдеу кезінде:

Жиі(≥ 1/100, <1/10):

- іштің ауыруы

- трансаминаза деңгейінің жоғарылауы

Маркетингтен кейінгі кезеңде төмендегідей қосымша жағымсыз реакциялар туралы хабарланды. Бұл жағымсыз оқиғалар өздігінен келіп түскен хабарламалардан алынғандықтан, олардың нақты жиілігі белгісіз және оны бағалау да мүмкін емес.

- тромбоцитопения

- аллергиялық реакциялар (бөртпе, есекжем, анафилаксия, Квинке ісінуі)

- депрессия

- бас айналуы, парестезия

- панкреатит, жүрек айнуы

- гепатит, холелитиаз, холецистит

- артралгия, миалгия, миопатия/рабдомиолиз

- трансаминаза, креатининфосфокиназа жоғарылауы

Күрделі жағымсыз әсерлері пайда болса, емдеуді тоқтату керек.

Қолдануға болмайтын жағдайлар

- препараттың белсенді затына немесе қосымша компоненттеріне жоғары сезімталдық

- жүктілік және лактация кезеңі

- жедел кезеңді бауыр аурулары және "бауыр" трансаминазалары белсенділігінің тұрақты жоғарылауы

- балалар мен 18 жасқа дейінгі жасөспірімдерге (тиімділігі мен қауіпсіздігі зерттелмеген)

Статиндермен бірге қолданған кезде тағайындалған статинді қолдану жөніндегі ұсынымдарды басшылыққа алу қажет.

Дәрілермен өзара әрекеттесуі

Альнекса Р450 цитохромының ферменттерін индукцияламайды. Эзетимиб пен Р450 цитохромының 1А2, 2D6, 2С8, 2C9 және 3А4 изоформаларымен немесе N-ацетилтрансферазамен метаболизденетіні белгілі дәрілік заттар арасында, клиникалық маңызды фармакокинетикалық өзара әрекеттесулер байқалған жоқ.

Альнекса дапсонның, декстрометорфанның, дигоксиннің, пероральді контрацептивтердің (этинилэстрадиол мен левоноргестрелдің), глипизидтің, толбутамидтің, мидазолам мен варфариннің фармакокинетикасына әсер етпейді. Циметидинді эзетимибпен бір мезгілде қабылдау эзетимибтің биожетімділігіне әсер етпейді.

Антацидтерді бір мезгілде қабылдау эзетимибтің сіңу жылдамдығын төмендетеді, бірақ оның биожетімділігіне әсер етпейді және сәйкесінше, клиникалық тұрғыдан маңызды болып табылмайды.

Колестираминмен қатарлас ем жиынтық эзетимиб (эзетимиб + эзетимибтің глюкурониді) үшін фармакокинетикалық қисық астындағы ауданын (AUC) шамамен 55 %-ға азайтады. Эзетимибтің колестираминмен өзара әрекеттесуі тығыздығы төмен липопротеидтер (ТТЛП) холестеринінің төмендеуін туғызуы мүмкін.

Фенофибратты немесе гемфиброзилді бір мезгілде қабылдау эзетимибтің жиынтық концентрациясын сәйкесінше (шамамен 1,5 және 1,7 есе) арттырады. Фенофибрат пен Альнексаны бірге қабылдаған кезде дәрігерлер өттас ауруы мен өт қалтасы ауруының қаупі болуы мүмкіндігі туралы білуі тиіс.

Альнекса мен фенофибратты қабылдап жүрген пациентте холелитиаз дамуына күдіктенген кезде, емдеуді тоқтату және өт қалтасына тексеру тағайындау керек.

Фибраттар холестериннің өтке бөлініп шығуын арттыруы, ол холелитиазға алып келуі мүмкін. Альнекса өт қалтасында өттегі холестеринді арттыруы мүмкін. Альнексаны емдеу үшін қолданумен байланысты тастардың түзілу қаупі жоққа шығарылмайды.

Эзетимибпен бірге аторвастатинмен, симвастатинмен, правастатинмен, ловастатинмен, флувастатинмен немесе розувастатинмен емдеу ешқандай клиникалық маңызды фармакокинетикалық өзгерістерді туғызбайды.

Альнексаның басқа статиндермен бірге қолданылуы зерттелген жоқ

Альнексаны циклоспоринмен бірге қабылдауды сақтықпен бастау керек. Альнексамен циклоспоринмен бірге емдеуде қатаң медициналық қадағалау және циклоспориннің де, эзетимибтің де концентрациясына мониторинг жүргізу қажет.

10 мг дозада эзетимибпен тәулігіне бір рет бір мезгілде емдеу варфариннің биожетімділігі мен протромбиндік уақытына әсер еткен жоқ. Алайда Альнексаны варфаринмен немесе басқа антикоагулянттармен бірге қолданғанда, халықаралық қалыптастырылған қатынас (ХҚҚ) көрсеткішіне мониторинг жүргізу қажет.

Айрықша нұсқаулар

Альнексаны статиндермен бірге тағайындаған кезде, нақты бір статинді медициналық қолдану жөніндегі нұсқаулықпен мұқият танысып шығу керек.

Бауыр ферменттері

Эзетимиб пен статиндерді біріктіріп емдеуде артынша қан сарысуы трансаминазаларының жоғарылауы (қалыптың жоғарғы шегінен ≥3 есе) байқалды. Альнексаны статиндермен қолданған кезде, емдеуді бастар алдында және статин ұсынымдарына сәйкес, бауыр функциясына тексеру жүргізілуі тиіс.

Қаңқа бұлшықеттері

Альнекса препаратын пайдалану кезінде миопатия және қаңқа бұлшықеттерінің жедел некрозы жағдайлары туралы хабарланды. Қаңқа бұлшықеттерінің жедел некрозы білінген пациенттердің көпшілігі статиндерді эзетимибпен бірге қабылдады. Алайда, эзетимибпен монотерапия кезінде немесе препаратты некроз қаупін арттыратын басқа агенттерге қосқан кезде, қаңқа бұлшықеттерінің жедел некрозы туралы өте сирек хабарланды. Егер, миопатияға бұлшықет симптомдары негіз болды деген күдік болса немесе креатининфосфокиназа (КФК) деңгейінің қалыптың жоғарғы шегінен 10 еседен артық жоғарылауымен расталса, Альнексаны, статинді және пациент бірге қабылдап жүрген басқа агенттердің кез келгенін қабылдау дереу тоқтатылуы тиіс. Альнексамен емдеуді бастаған барлық пациенттерге миопатия қаупі туралы ескертілуі тиіс және олар кез келген түсініксіз ауыру, бұлшықеттердегі әлсіздік туралы дереу хабарлап отыруы қажет.

Бауыр жеткіліксіздігі

Альнекса орташа және ауыр бауыр жеткіліксіздігі бар пациенттерді емдеу үшін ұсынылмайды, өйткені жиынтық эзетимиб концентрациясының жоғарылауының салдарлары белгісіз.

Фибраттар

Фибраттармен қолданған кездегі Альнексаның қауіпсіздігі мен тиімділігі анықталған жоқ.

Егер Альнексаны фенофибрататармен қабылдап жүрген пациентте, холелитиазға күдік болса, өт қалтасын зерттеуді тағайындау және емдеуді тоқтату керек.

Циклоспорин

Альнексаны циклоспоринмен бір мезгілде сақтықпен қабылдау керек. Альнексамен циклоспоринмен бірге емдеу кезінде циклоспориннің концентрациясын тексеру керек.

Антикоагулянттар

Альнексаны варфаринге, кумариннің басқа антикоагулянтына немесе флуиндионға қосымша қолданған кезде, қан ұйығыштығын бақылау қажет.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Автокөлікті немесе механизмдерді басқару қабілетіне әсерін зерттеулер жүргізілген жоқ. Алайда, механизмдерді немесе көлік құралдарын басқару кезінде, бас айналу жағдайларының болғанын ескеру керек.

Артық дозалануы

Симптомдары: жағымсыз әсерлері білінуі мүмкін

Емі: симптоматикалық және демеуші ем.

Шығарылу түрі және қаптамасы

15 таблеткадан полиамид/алюминий/поливинилхлорид үлбір мен алюминий фольгадан жасалған пішінді ұяшықты қаптамаға салынған.

2 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картоннан жасалған қорапшаға салынады.

 

Сақтау шарттары

Түпнұсқалық қаптамасында, 30оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Дәріханалардан босатылу шарттары

Рецепт арқылы

Өндіруші

КРКА, д.д. Ново место, Словения

Шмарьешка 6, 8501 Ново место, Словения

Тіркеу куәлігінің иесі

КРКА, д.д. Ново место, Словения

Қазақстан Республикасы аумағында тұтынушылардан (тауар) сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«КРКА Қазақстан» ЖШС, ҚР, 050059, Алматы қ., Әл Фараби д-лы 19, 1 б корпусы, 2-ші қабат, 207 кеңсе

тел.: +7 (727) 311 08 09

факс: +7 (727) 311 08 12

info.kz@krka.biz