АЛОПАТИН (Олопатадин)

АЛОПАТИН

Олопатадин

Дәрілік түрі, дозасы

Көзге тамызатын дәрі, 0,1%, 5 мл

Сезім мүшелері. Офтальмологиялық препараттар. Деконгестанттар және аллергияға қарсы препараттар. Аллергияға қарсы басқа препараттар. Олопатадин.

АТХ коды S01GX09

Офтальмологиялық симптомдар мен маусымдық аллергиялық конъюнктивиттің белгілерін емдеу және алдын-алу.

Қолданудың басталуына дейін қажетті мәліметтер тізбесі

- олопатадинге немесе препараттың басқа компоненттеріне жоғары сезімталдық

- 8 жасқа дейінгі балалар.

Қолдану кезіндегі қажетті сақтандыру шаралары

Бұл препарат тек жергілікті офтальмологиялық қолдануға арналған. Бұл препарат инъекциялық немесе пероральді қолдануға арналмаған.

Басқа дәрілік препараттармен өзара әрекеттесуі

Олопатадиннің басқа дәрілік препараттармен өзара әрекеттесуін зерттеу жүргізілген жоқ.

Арнайы сақтандырулар

Олопатадин аллергияға қарсы/гистаминге қарсы дәрі болып табылады, ол жергілікті қолданған кезде жүйелі сіңірілу процесіне ұшырайды. Ауыр жағымсыз реакциялардың белгілері туындағанда немесе аса жоғары сезімталдық реакциялары дамығанда АЛОПАТИНді қолдануды тоқтату керек.

Қосымша заттар

АЛОПАТИН құрамында бензалконий хлориді консерванты бар, ол әсіресе құрғақ көз синдромы бар немесе мөлдір қабығы зақымданған пациенттерде көздердің тітіркенуін тудыруы мүмкін.

Бензалконий хлориді нүктелік кератопатияның және/немесе уытты ойық жара кератопатиясының дамуына себеп болуы мүмкін. Осыған байланысты, АЛОПАТИН жиі немесе ұзақ уақыт бойы қолданылатын «құрғақ көз» синдромы бар және мөлдір қабығы зақымданған пациенттерді мұқият бақылау ұсынылады.

Жанаспалы линзалар

Бензалконий хлориді жұмсақ жанаспалы линзалармен сіңірілуі және жанаспалы линзалардың түсін өзгертуі мүмкін. Препаратты қолданар алдында жанаспалы линзаларды шешіп, оларды киер алдында инстилляциядан кейін кемінде 15 минут күту керек.

Көздер қызарған кезде жанаспалы линзаларды тағуға болмайды.

Педиатрияда қолдану

8 жасқа дейінгі балаларда АЛОПАТИН препаратын қолданудың қауіпсіздігі мен тиімділігі анықталмаған.

Жүктілік немесе лактация кезінде

Препаратты жүктілік кезінде және лактация кезінде қолдану ұсынылмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Егер препаратты қолданғаннан кейін пациентте көру айқындылығы уақытша төмендесе немесе көрудің басқа да бұзылыстары пайда болса, онда оның қалпына келуіне дейін автомобильді басқару және жоғары назар аударуды талап ететін қызмет түрлерімен айналысу ұсынылмайды.

Қолдану жөніндегі нұсқаулар

Дозалау режимі

Ересектер мен 8 жастан асқан балаларға АЛОПАТИН препаратын зақымданған көздің (екі көздің) төменгі конъюнктивалық қабына тәулігіне 2 рет 1 тамшыдан 8 сағат аралықпен тамызады.

Енгізу әдісі және жолы

Тек жергілікті қолдануға арналған.

Қолданар алдында құтыны сілку керек.

Құтының қақпағын шешіп алыңыз; препаратты қолданар алдында сақтандыру сақинасын алып тастаңыз.

Тамызғыш-құтының ұштығы мен ерітіндінің ластануын болдырмау үшін ұштықтың қабақпен, маңайындағы тіндермен немесе басқа беткейлермен жанасуына жол бермеңіз.

Құтыны тығыз жабық күйінде сақтаңыз.

Басқа офтальмологиялық препараттармен бірге қолдану қажет болған жағдайда инсталляциялар арасындағы аралықтың ұзақтығы кемінде 5 минутты құрауы тиіс. Көзге арналған жақпамайды соңынан қолдану керек.

Емдеу ұзақтығы

Емдеу ұзақтығын емдеуші дәрігер анықтайды.

Қажет болса, емнің ұзақтығы 4 айға дейін созылуы мүмкін.

Артық дозалану жағдайында қабылдау қажет болатын шаралар

Жергілікті қолданған кезде артық дозалану ықтималдығы аз.

Емі: препараттың шамадан көп мөлшері көзге түскен жағдайда, көзді жылы сумен шаю ұсынылады.

Олопатадинмен артық дозаланған жағдайда, ерітіндіні ішке жұтқан кезде пациенттің жағдайын мұқият бақылау қажет, қажет болған жағдайда тиісті ем жүргізу керек.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер

Дәрілік препаратты қабылдамас бұрын дәрігер немесе фармацевт кеңесіне жүгініңіз.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жағымсыз реакциялар жиілігінің параметрлері былайша анықталады: өте жиі; жиі; жиі емес; сирек; өте сирек; жиілігі белгісіз (қолда бар деректер бойынша бағалау мүмкін емес).

Жиі емес

– ринит

Жиілігі белгісіз

– аса жоғары сезімталдық реакциялары

- беттің ісінуі

Жиі

– бас ауыруы

- дисгевзия

Жиі емес

– бас айналу

- гипестезия

Жиілігі белгісіз

– ұйқышылдық

Жиі

– көздің ауыруы

- көздің тітіркенуі

- көздің құрғауы

- көздің сезімталдығының бұзылуы

Жиі емес

– мөлдір қабық эрозиясы

- мөлдір қабық эпителийінің зақымдануы

- мөлдір қабық эпителийі тарапынан бұзылулар

- нүктелік кератит

- кератит

- мөлдір қабықта дақтардың пайда болуы

- көзден шығатын бөліністер

- көздің қарығуы

- көру айқындығының бұзылуы

- көру жітілігінің төмендеуі

- блефароспазм

- көздегі жайсыздық сезімі

- көздің қышуы

- конъюнктива фолликулаларының түзілуі

- конъюнктива тарапынан бұзылулар

- көздегі бөгде дененің сезілуі

- көзжасының көп ағуы

- қабақ эритемасы

- қабақтың ісінуі

- қабақ тарапынан бұзылулар

- көз гиперемиясы

Жиілігі белгісіз

– қабақтың ісінуі

- конъюнктивит

- көздің ісінуі

- көз айналасындағы ісіну

- мидриаз

- көру қабілетінің бұзылуы

- қабақтың шеттерінде қабыршақтың пайда болуы

Жиі

– мұрынның құрғауы

Жиілігі белгісіз

– ентігу

- синусит

Жиілігі белгісіз

– жүрек айнуы

- құсу

Жиі емес

– жанаспалы дерматит

- терінің күю сезімі

- терінің құрғауы

Жиілігі белгісіз

– дерматит

- эритема

Жиі

– шаршағыштық

Жиілігі белгісіз

– әлсіздік

- дімкәстік.

Мөлдір қабықтың елеулі зақымдануы бар кейбір пациенттерде құрамында фосфаты бар көзге тамызатын дәріні қолданғанда мөлдір қабық кальцификациясының жағдайы өте сирек хабарланған.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

«Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

1 мл препараттың құрамында

белсенді зат – 1.110 мг олопатадин гидрохлориді (1.000 мг олопатадинге баламалы)

қосымша заттар: бензалконий хлориді, динатрий гидрофосфат додекагидраты, натрий дигидрофосфат дигидраты, натрий хлориді, натрий гидроксиді, инъекцияға арналған су.

Сыртқы түрінің, иісінің, дәмінің сипаттамасы

Көрінетін бөлшектерден бос, мөлдір түссіз ерітінді

Шығарылу түрі және қаптамасы

5 мл препараттан бұралатын пластик қалпақшасы бар тығыздығы төмен полиэтиленнен жасалған тамшылатқыш-құтыға құйылады

1 тамшылатқыш-құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

2 жыл

Құты ашылғаннан кейін, қолдану мерзімі 4 аптадан аспауы керек.

Жарамдылық мерзімі өткеннен кейін қолдануға болмайды.

30 ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

Аджанта Фарма Лимитед

Аджанта Хаус

Чаркоп, Кандивли (3)

Мумбай 400067, Үндістан

Тел.: 91-22-66061000

e-mail: info@ajantapharma.com

Тіркеу куәлігінің ұстаушысы

Аджанта Фарма Лимитед

Аджанта Хаус

Чаркоп, Кандивли (3)

Мумбай 400067, Үндістан

Тел.: 91-22-66061000

e-mail: info@ajantapharma.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын жауапты ұйымның атауы, мекенжайы және байланыс деректері (телефон, факс, электронды пошта)

Қазақстан Республикасындағы Аджанта Фарма Лимитед филиалы

050036, Алматы қ. Әуезов ауданы

Мамыр-4 ықшам ауданы, 102В үй, 2 қабат

е-mail: ajantakzbranch@gmail.com

Қазақстан Республикасының аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

ConsultAsia ЖШС

Алматы қ., Шевченко көшесі 165 Б, 204-206 кеңсе

тел: +77051708825/+77051708876 (24 сағат қолжетімді)

факс: +727-379-42-58

e-mail: pv@consultingasia.kz

info@consultingasia.kz