АЛМИРАЛ гель (Диклофенак)

АЛМИРАЛ гель

Диклофенак

Дәрілік түрі, дозасы

Сыртқа қолдануға арналған гель 1%

Сүйек-бұлшықет жүйесі. Буын және бұлшықет ауруы кезінде жергілікті қолдануға арналған препараттар. Жергілікті қолдануға арналған қабынуға қарсы стероидты емес препараттар. Диклофенак.

АТХ коды М02АА15

Ауырсыну мен қабынуды жергілікті симптоматикалық емдеу үшін:

- терінің тұтастығын бұзбай, сіңірлердің, байламдардың, бұлшықеттер мен буындардың жарақаттанған (соның ішінде спорттық) зақымданулары (соғылу, созылу, буынның шығуы), арқаның ауыруы кезінде

- ревматизмнің жергілікті түрлерінде: тендинитте («теннис шынтағы» деп аталады), қолдардың альгодистрофиялық синдромы кезінде («иық-қол» синдромы), бурситте, периартритте

- шеткергі буындардың остеоартрозында (мысалы, тізе немесе қолдың саусақтары).

Қолданудың басталуына дейін қажетті мәліметтер тізбесі

- диклофенакқа немесе қосымша заттардың кез келгеніне аса жоғары сезімталдық

- ацетилсалицил қышқылын немесе басқа стероидты емес қабынуға қарсы препараттарды («аспирин» демікпесі) қолданған кезде бронх демікпесі, ангионевроздық ісіну, есекжем немесе жедел ринит ұстамаларының туындауына бейімділік

- жүктіліктің 3 триместрі

- балалар және 12 жасқа дейінгі жасөспірімдер

Қолдану кезіндегі қажетті сақтандыру шаралары

АЛМИРАЛ гель терінің зақымдалған жерлеріне және ашық жараларға тигізбей, тек сау теріге жағу керек.

Препараттың көзге және шырышты қабыққа түсуіне жол бермеу керек.

Ішке қолдануға болмайды.

Егер препаратты қолданғаннан кейін тері бөртпесі пайда болса, емдеуді дереу тоқтату керек.

Герметикалық окклюзиялық таңғыштың астына қолдануға болмайды.

АЛМИРАЛ гель құрамында пропиленгликоль және дипропиленгликоль монометил эфирі бар, олар кейбір пациенттерде терінің жергілікті тітіркенуін тудыруы мүмкін.

Егер АЛМИРАЛ гель дененің үлкен бөліктері үшін және ұзақ уақыт бойы қолданылса, онда жүйелік жағымсыз әсерлердің көрінісін жоққа шығаруға болмайды.

Басқа дәрілік препараттармен өзара әрекеттесуі

Препаратты жергілікті қолданғанда диклофенактың жүйелі сіңірілуі өте төмен болғандықтан, өзара әрекеттесудің пайда болуы екіталай.

Арнайы сақтандырулар

Педиатрияда қолдану

АЛМИРАЛ гель препаратының қауіпсіздігі мен тиімділігі 12 жасқа дейінгі балалар мен жасөспірімдерде анықталған жоқ.

Жүктілік немесе лактация кезінде

Жүктілік және емшекпен емізу кезінде қолдану ұсынылмайды. Препаратты дәрігердің тағайындауы бойынша қолданған кезде АЛМИРАЛ гельді кеуде аймағына, терінің үлкен аймағына және ұзақ уақыт бойы жағуға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Көлік құралын және басқа қауіптілігі зор механизмдерді  басқару қабілетіне әсер етпейді.

Қолдану жөніндегі нұсқаулар

Дозалау режимі

Ересектерге, жасөспірімдерге және 12 жастан асқан балаларға күніне 3-4 рет дененің ауыратын жерлеріне теріге аздап ысқылайды.

Қолдану тәсілі мен жолы

Сыртқа.

Тазаланатын аймақтың мөлшеріне байланысты препараттың 2-4 граммын қолдану керек (терінің аймағына 400-800 см2 қолдану үшін шие немесе жаңғақ көлеміндегі гельдің мөлшері жеткілікті).

Препаратты жаққаннан кейін қолды жуу ұсынылады (қолдың емделген саусақтарын қоспағанда).

Емнің ұзақтығы

Емдеу ұзақтығы емнің көрсеткіштері мен тиімділігіне байланысты. Препаратты 12 күннен артық қолдануға болмайды.

Егер препаратты қолдану басталғаннан кейін 7 күн ішінде жағдайдың жақсаруы байқалмаса немесе жағдайы нашарласа, дәрігермен кеңесу керек.

Артық дозалану жағдайында қабылдау қажет болатын шаралар

Жергілікті қолдануға арналған диклофенактың жүйелік қол жетімділігінің төмендігіне байланысты артық дозалану ықтималдығы екіталай.

АЛМИРАЛ гельді абайсызда жұту нәтижесінде диклофенак таблеткаларының артық дозалануынан пайда болатын ұқсас жағымсыз әсерлердің пайда болуы мүмкін. Егер (мысалы, балаларда) дұрыс пайдаланбаудың немесе абайсызда артық дозаланудың нәтижесінде елеулі жүйелі жағымсыз әсерлері пайда болса, онда улануды емдеуге арналған әдеттегі іс-шаралар жүргізіледі.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар

Дәрілік препаратты қабылдамас бұрын дәрігер немесе фармацевт кеңесіне жүгініңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жиі (≥1/100 - <1/10)

- бөртпе, экзема, эритема, дерматит (оның ішінде жанаспалы), қышыну

Сирек (≥1/10,000 - <1/1000)

- буллезді дерматит

Өте сирек (<1/10,000)

- іріңді бөртпе

- Квинке ісінуі

- аса жоғары сезімталдық реакциялары (есекжемді қоса алғанда)

- демікпе

- жарыққа сезімталдық реакциялары

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір грамм препараттың құрамында

белсенді зат – 11.6 мг диклофенак диэтиламині (10.0 мг натрий диклофенагына баламалы),

қосымша заттар: тазартылған су, пропиленгликоль, 2-пропанол, карбоксиполиметилен (карбопол 940), дипропиленгликоль монометил эфирі, бұрыш жалбызының майы.

Сыртқы түрінің, иісінің, дәмінің сипаттамасы

Жалбызға тән иісі бар мөлдір түссіз тегіс гомогенді гель.

Шығарылу түрі және қаптамасы

25, 50 немесе 100 г гель пластикалық бұрандалы қақпағы бар алюминий сықпаларға салынады.

1 алюминий сықпадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

2 жыл

Жарамдылық мерзімі өткеннен кейін қолдануға болмайды.

Түпнұсқалық қаптамасында 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәліметтер

Медокеми (Фар Ист) Лтд, Вьетнам

No 10,12 and 16 VSIP II-A, Street 27, Vietnam Singapore Industrial Park II-A, Vinh Tan commune, Tan Uyen Town, Binh Duong Province, Vietnam

Телефон: +357 25 867600

Факс: +357 25 872121

Тіркеу куәлігінің ұстаушысы

Медокеми Лтд, Кипр

1-10 Constantinoupoleos str., 3011, Limassol, Cyprus

Тел.: +357 99 577638

Факс: +357 25 872121

Электронды пошта: office@medochemie.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Қазақстан Республикасындағы «Медокеми лтд» өкілдігі

050010 г. Алматы қ., Қазыбек би к-сі 41 «А», 1 кеңсе

телефон/факс: 8 (727) 321-05-05

Электронды пошта: kazakhstan@medochemie.com