ВИТРУМ® ОСТЕОМАГ

Производитель: Юнифарм, Инк
Анатомо-терапевтическо-химическая классификация: Поливитамины с другими минеральными веществами
Номер регистрации в РК: № РК-ЛС-5№013545

Инструкция

Саудалық атауы

Витрум® Остеомаг

Халықаралық патенттелмеген атауы

Жоқ

Дәрілік түрі

Қабықпен қапталған таблеткалар

Құрамы

Қабықпен қапталған бір таблетканың құрамында

белсенді заттар:

Кальций (кальций карбонаты)1

600

мг

D3 витамині (холекальциферол)

200

ХБ2

Магний (магний тотығы)

40

мг

Мырыш (мырыш тотығы)

7.5

мг

Мыс (мыс тотығы)

1

мг

Марганец (марганец сульфаты)

1.8

мг

Бор (натрий бораты)

250

мкг

1 - ұлу қабыршақтарынан

2 - 5 мкг колекальциферолға баламалы

қосымша заттар: натрий кроскармеллозасы, микрокристалды целлюлоза, магний стеараты,

қабықтың құрамы: Опадрай II Қызғылт 57U94294 (қызыл FD&C бояғыш #40 (Е129), орташа тізбекті триглицеридтер, көк FD&C бояғыш #2 (Е132), мальтодекстрин, тальк, сары FD&C бояғыш #6 (Е110), гипромеллоза, полидекстроза, титанның қостотығы (Е171)).

   

 

   

Сипаттамасы

Таблетканың бір жағында «VITRUM» деп өрнектелген және таблетканың екінші жағында «OSTEOMAG» деп өрнектелген, сопақша пішінді, шеттері қиғашталған, қызғылт түсті қабықпен қапталған таблеткалар.

Фармакотерапиялық тобы

Минералды заттармен поливитаминдер. Басқа да минералды заттары және олардың біріктірілімдері бар поливитаминдер.

АТХ коды A11AA03

Фармакологиялық қасиеттері

Фармакокинетикасы

Сіңірілуі, метаболизмі, таралуы және шығарылуы ВИТРУМ® ОСТЕОМАГ препаратының құрамына кіретін жекелеген компоненттердің қасиеттеріне сәйкес келеді.

D3 витамині кальций транслокаторы болып табылатын калбиндинмен, ақуызбен байланысу арқылы кальций синтезін белсенділендірумен кальций тасымалын туындатады. Ол кальцийдің цитозолдық буфері ретінде де қызмет атқарады.

Кальций белсенді және баяу механизмдер арқылы жіңішке ішекте сіңеді. Кальций төмен және орташа деңгейде тұтынылғанда, ол D3 витаминінің белсенді түрінің әсер етуіне тәуелденетін белсенді механизм арқылы шығарылады. Кальций ас қорыту кезінде кальций кешендерінен босап шығады және еріген әрі иондалған күйде сіңеді. Кальций карбонаты сияқты молекулалық салмағы төмен кешендер толығымен сіңуі мүмкін.

Магний кальцийдің сіңірілуін арттырады, плазма мен сүйектер фосфатазасын белсенділендіреді, мырышпен бірге фосфатты топтармен ең берік байланыстар түзе отырып, сүйектің кальцификация үдерістеріне қатысады. Фосфаттар түрінде бүйрекпен, бірақ ең алдымен – тәулігіне 0,2- 0,3 мг мөлшерде ішек арқылы бөлініп шығады.

Мырыш жіңішке ішектің жоғарғы бөлігінде сіңеді. Бауырда, одан кейін бұлшықеттер мен сүйек жүйесінде жинақталады. Бөлінуі, негізінен, ішек арқылы жүреді. Несеппен тәулігіне мырыштың 0,4-0,5 мг жуығы бөлініп шығады.

Марганец көптеген ферменттерді, соның ішінде сүйек фосфатазасын белсенділендіріп, остеосинтез үдерістеріне қатысады. Бауырға түседі, бауырда және ұйқы безінде жиналады. Ішек арқылы және мардымсыз мөлшерде бүйрек арқылы шығарылады.

Мыс дәнекер және сүйек тіндеріндегі зат алмасу кезінде елеулі маңызға ие, сүйек матриксіндегі пептидтік тізбектердің ковалентті және көлденең байланысы үшін қажет. Бауырда жиналады, ішек арқылы шығарылады.

Бор сүйектің сау күйін, кальций, фосфор және магний метаболизмінің үдерістерін демейтін микродозаларда қажет.

Фармакодинамикасы

Кальций алмасуын реттейтін біріктірілген препарат. Препараттың фармакологиялық әсері оның құрамына кіретін ингредиенттерінің қасиеттерімен айқындалады.

D3 витамині организмде кальций мен фосфордың алмасуын реттейді, сүйек қаңқасының қалыптасуына қатысады, сүйек құрылымының сақталуына ықпал етеді, ішекте кальцийдің сіңуін және бүйрек өзекшелерінде фосфордың реасорбциясын күшейтеді.

D3 витаминімен бір кешенде магний кальцийдің сіңірілуін арттырады, сүйектің өсуі мен минералдануына әсерін тигізеді, кальций – оксалатты тастар түзілуін болдырмайды.

Кальций сүйек тінінің қалыптасуына, артериялық қысымның бақылануына және қан ұю үдерісіне қатысады. Сүйектің, тістің қалыптасуына, сүйек тінінің тығыздығын арттыруға ықпал етеді. Остеопороздың даму қаупін азайтады. Жүйке және бұлшықет жүйелерінің қалыпты қызмет атқаруына ықпал етеді.

Мырыш сүйек қалыптасуына қатысады.

Марганец энергия түзу, ақуыздар мен майлардың метаболизмі үдерістеріне, сүйектер мен дәнекер тіндер құрылысына, остеосинтезге қатысады.

Мыс сүйек массасының, гемоглобин мен эритроциттердің түзілу үдерістеріне ықпал етеді. Сүйек және дәнекер тіндер құрамына кіретін коллагеннің қалыптасуына қатысады, остеопорозды болдырмауға ықпал етеді.

Бор сүйектердің сау күйінің, кальций, фосфор және магний метаболизмінің үдерістерін демеуге қатысады. Кальцийдің сіңірілуін жақсартады, D витамині тапшылығының даму қаупін азайтады, менопаузадан кейінгі остеопорозды тойтаруға ықпал етеді.

Қолданылуы

  • остеопорозды және басқа да метаболизмдік остеопатияның профилактикасы мен кешенді емдеуде

  • егде жаста, менопауза кезінде және одан кейін кальций, магний және D витаминінің тапшылығын толықтыруда

Қолдану тәсілі және дозалары

Профилактикалық дәрі ретінде ересектерге күніне 1 таблеткадан. Емдеу курсы 1 ай.

Остеопороздың курстық профилактикасы үшін күніне 2 рет 1 таблеткадан, дұрысы – ас ішу кезінде. Емдеу курсы 1 ай.

Остеопорозды емдеу үшін курсы және дозалануы дәрігер ұсынысына сәйкес.

Екі таблетка D витамині, кальций және магнийдің тәуліктік қажеттілігін қанағаттандырады. Жүктілік кезінде кальцийдің тәуліктік дозасы 1500 мг-ден аспауы тиіс.

Жағымсыз әсерлері

Жекелеген жағдайларда:

  • іш қатуы немесе іш өтуі, іштің кебуі, эпигастрийдегі ауыру, жүрек айнуы

Жоғары дозаларда ұзақ уақыт қолданғанда болуы мүмкін:

  • несепте және қанда кальций мөлшерінің артуы.

Қолдануға болмайтын жағдайлар

  • D витаминіне және препараттың басқа компоненттеріне жоғары сезімталдық

  • бүйрек функциясының айқын бұзылулары, несеп-тас ауруы (кальций тастарының түзілуі)

  • несепте немесе қанда кальций мөлшерінің артуы (гиперкальциурия, гиперкальциемия)

  • 18 жасқа дейінгі балалар мен жасөспірімдер

Дәрілермен өзара әрекеттесуі

Бірге қолданылғанда ВИТРУМ® ОСТЕОМАГ тетрациклин тобы антибиотиктерінің, ацетилсалицил қышқылы мен басқа салицилаттардың, сульфаниламидтердің, бета-адреноблокаторлардың және тікелей әсер етпейтін антикоагулянттардың сіңуін баяулатады. Осыған орай, препаратты өзге дәрілік заттарды қабылдау алдында 2 сағат бұрын немесе одан кейін 2 сағаттан соң қолдану ұсынылады.

ВИТРУМ® ОСТЕОМАГ пен тиазидтер тобындағы диуретиктер бір мезгілде қолданылғанда гиперкальциемияның даму қаупі артады.

Кортикостероидтар ВИТРУМ® ОСТЕОМАГ препаратымен бірге қолданылғанда кальцийдің сіңуін азайтады.

Оймақгүл препараттарын қабылдайтын науқастарға жоғары дозалардағы ВИТРУМ® ОСТЕОМАГ бірге тағайындау аритмияның пайда болу қаупін арттыруы мүмкін.

Айрықша нұсқаулар

Ұсынылатын дозасынан асырмау керек. Бүйрек жеткіліксіздігінен зардап шегетін пациенттерге препарат сақтықпен тағайындалады.

Кальций препараттарымен ұзақ емделген жағдайда несеппен бөлінетін кальций мөлшеріне және қан сарысуындағы кальций концентрациясына бақылау жасау қажет.

Жүктілік және лактация

ВИТРУМ® ОСТЕОМАГ препаратын жүктілік және лактация кезеңінде дәрігер нұсқауларымен сәйкес қолдану қажет.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалануы

Жедел немесе созылмалы артық дозаланудың ең күрделі зардабы D витаминіне аса жоғары сезімталдықпен шартталған гиперкальциемия болып саналады.

Симптомдары: анорексия, жүрек айну, құсу, бас айналу, әлсіздік, бас ауыру (қан плазмасындағы 2,6 ммоль кальций деңгейінде). Естен тану ахуалдары және кома дамуы мүмкін. Полидипсия және полиурия бүйрек зақымдану мүмкіндігін көрсетеді.

Емі: препаратты тоқтату, кальций мөлшері төмен диета ұстана отырып, организмге сұйықтықтың мол мөлшерін енгізу.

Ерекше ауыр жағдайларда кортикостероидтар қолданылуы мүмкін.

Шығарылу түрі және қаптамасы

Қабықпен қапталған 30 немесе 60 таблеткадан полиэтиленнен жасалған, әрі осы материалдан бұрандалы қақпағы мен фольгадан жасалған сақтандырғыш клапаны бар құтыда.

Құтыға заттаңба жапсырып, полиэтилен үлбірмен тартып жабады.

1 құтыдан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салады.

Сақтау шарттары

10-30ºС температурада, құрғақ жерде сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецептісіз

Өндіруші

Юнифарм, Инк., АҚШ.

Тіркеу куәлігінің иесі

Юнифарм, Инк., АҚШ

Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы

Қазақстан Республикасындағы «Юнифарм, Инк.» (АҚШ) өкілдігі

Алматы қ., Наурызбай батыр к-сі 17, 106 кеңсе

тел.: +7 (727) 244-50-04, факс: +7 (727) 244-50-06

info@unipharm.kz

Дәрілік заттың тіркеуден кейінгі қауіпсіздігін қадағалауға жауапты ұйым

Қазақстан Республикасындағы «ЮНИФАРМ, ИНК.» (АҚШ) өкілдігі

Алматы қ., Наурызбай батыр к-сі 17, 106 кеңсе

тел.: +7 (727) 244-50-04, факс: +7 (727) 244-50-06

info@unipharm.kz

 

Прикрепленные файлы

164730681477976221_ru.doc 26.37 кб
296938271477977486_kz.doc 66 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники