Эфервен (600 мг)

• русский
• қазақша

• Скачать инструкцию медикамента

Саудалық атауы

Эфервен

Халықаралық патенттелмеген атауы

Эфавиренз

Дәрілік түрі

Үлбірлі қабықпен қапталған 600 мг таблеткалар

Құрамы

Бір таблетканың құрамында

белсенді зат – 600 мг эфавиренз,

қосымша заттар

ішкі грануляциясы: микрокристалды целлюлоза (РН 101), натрий кроскармеллозасы (AC DISOL), гидроксипропилцеллюлоза-L, натрий лаурилсульфаты,

сыртқы грануляциясы: лактоза моногидраты, магний стеараты,

қабығы: опадрай 03В52874 сары (гипромеллоза, титанның қостотығы Е171, макрогол/PEG-400, темірдің (III) сары тотығы Е172, темірдің (III) қызыл тотығы Е172).

Сипаттамасы

Капсула пішінді, екі жақ беті дөңес, шабдалы түсті үлбірлі қабықпен қапталған, бір жақ бетіне нақышталған «RС68» таңбасы жазылған және басқа жақ беті тегіс таблеткалар.

Фармакотерапиялық тобы

Вирустарға қарсы тікелей әсер ететін препараттар.

Кері транскриптазаның - нуклеозидтер емес тежегіштері.

АТХ коды J05AG03

Фармакологиялық қасиеттері

Фармакокинетикасы

Эфавиренз плазмада ең жоғары шектегі 1.6 - 9.1 мкг концентрацияға 100 мг-нан 1600 мг-ға дейінгі бір реттік дозаны қабылдағаннан кейін 5 сағаттан соң жетеді. Плазмада ең жоғары концентрацияға жету уақыты (Тmax) – 3-5 сағат, тепе-тең плазмалық концентрацияға 6-10 күннен кейін жетеді. Эфавиренз плазма ақуыздарымен (шамамен 99.5 - 99.75 %), негізінен, альбуминмен жоғары дәрежеде байланысады. Цереброспинальді сұйықтықтағы концентрациясы плазмадағы тиісті концентрациясының 0.26%-нан 1.19 %-на дейін өзгеріп отырады (орташа мәні 0.69%). Мұндай арақатынас плазмадағы эфарвиренздің «ақуыздармен байланыспаған» (бос) фракциясынан шамамен 3 есе жоғары.

Эфавиренз, көбінесе, P450 цитохромы жүйесімен гидроксилденген метаболиттерге метаболизденіп, кейін осы гидроксилденген метаболиттердің әрі қарай глюкоронидациясына ұласады. Бұл метаболиттер АИВ-1 қатысты тіпті әсерсіз. Іn vitro зерттеулер эфавиренздің метаболизміне жауапты негізгі изозимдер CYP3A4 және CYP2B6 деп болжам жасап отыр. Эфавиренз CYP ферменттерін белсенді етіп, өзінің жеке метаболизмінің индукциясына әкеп соғады.

Эфавиренздің бір реттік дозасын және көп реттік дозасын қабылдағаннан кейін 40 - 55 сағаттан соң, оның жартылай шығарылу кезеңі біршама ұзақ 52 - 76 сағат болады. Эфавиренздің шамамен 14-34%-ы несептен, 16-61%-ы нәжістен табылады және дозаның 1%-дан азы несеппен бірге өзгермеген күйінде шығарылады.

Педиатрия

Балаларда Cmax 14.2±5.8 мкм құрайды, анықталған Cmin мәні 5.6±4.1 мкм, және AUC 218±104 мкм/сағ. құрайды. Балалардағы эфавиренздің фармакокинетикасы ересектердегі фармакокинетикамен бірдей болады.

Егде жастағылар

65 жастан асқан егде емделушілерде дозаны таңдау, бауыр, бүйрек немесе жүрек қызметінің төмендеу жиілігінің өте жоғары екендігін, қатар жүретін ауруларды немесе тағы басқа емдеу курстарын ескеріп, сақтықпен жүзеге асырылуы тиіс.

Бауыр қызметінің жеткіліксіздігі

Р450 цитохромының эфавиренз метаболизмі арқылы болатын экстенсивтілігін ескеріп, бауыр қызметінің жеткіліксіздігі бар емделушілерге эфавирензді тағайындаған кезде сақ болу қажет.

Бүйрек қызметінің жеткіліксіздігі

Бүйрек қызметінің жеткіліксіздігі бар емделушілерде эфавиренздің фармакокинетикасы жеткіліксіз зерттелген; өйткені эфавиренздің 1%-дан азы несеппен бірге өзгермеген күйінде шығарылады, бүйрек қызметі жеткіліксіздігінің эфавиренздің шығарылуына ықпал етуі барынша өте төмен болады.

Жынысы және нәсілі

Эфавиренздің фармакокинетикасы еркектер мен әйелдерде бірдей және нәсілдік топтарға байланысты емес.

Фармакодинамикасы

Эфервен – вирусқа қарсы препарат, АИВ-1 нуклеозидті емес кері транскриптазасының (NNRTI) тежегіші болып табылады. Эфервен кері транскриптазаның (RT) АИВ-1 бәсекелес емес тежегіші болып табылады және кері транскриптазаның немесе жасушалық ДНҚ (α, β, γ және δ) полимеразаның елеусіз дәрежеде АИВ-2 тежегіші болып табылмайды.

Эфервен монофилетикалық В тобына қарсы және монофилетикалық емес В тобының қосалқы типтерінің көбісіне (A, AE, AG, C, D, F, G, J, N қосалқы типтері) қарсы антивирустық әсер көрсетті, және О тобының вирустарына қарсы әсер ету деңгейін қысқартты. Кері транскриптазаның нуклеозидтік емес тежегіштері класс препараттарымен (делавирдин және невирапин), кері транскриптазаның нуклеозидтік тежегіштері класс препараттарымен (абакавир, диданозин және эмтрицитабин, ламивудин, ставудин, тенофовир, залцитабин, зидовудин, сонымен бірге (ампренавир, индинавир, лопинавир, нелфинавир, ритонавир, саквинавир) біріктіріп қолданған кезде Эфервен жасушалық өсіріндіде АИВ-1 қарсы цитоуыттылықсыз өзінің қосымша антивирустық әсерін көрсетті.

Эфервенді атазанавир препаратымен біріктіргенде жасушалық өсіріндіде вирусқа қарсы антагонистік белсенділік әсер берді. В вирустық гепатитін емдеу үшін қолданылатын адефовир препаратымен біріктіргенде, немесе С вирустық гепатитін емдеуге арналған интерферон препаратымен бірге қолданылатын рибавирин препаратымен қосылысқан кезде Эфервен жасушалық өсіріндіде вирусқа қарсы өзінің антагонистік белсенділігін көрсеткен жоқ.

Төзімділік

Жасушалық өсіріндіде эфавирензге сезімталдығы төмен АИВ-1 изоляттары (EC90 мәнінде 380-орташа еселеніп өсуі) таблетканың қатысуымен тез білінеді. Осы вирустардың генотиптік сипаттамасы кері транскриптазада амин қышқылдарының дара L100I немесе V179D орын алмастыратынын, қос қабат L100I/V108I орын алмастыратынын, үш қабат L100I/V179D/Y181C орын алмастыратынын көрсетті.

Айқаспалы төзімділік

Кері транскриптазаның нуклеозидті емес тежегіштері арасында айқаспалы төзімділік байқалды. Эфавирензге төзімді ретінде алдын ала сипатталатын клиникалық изоляттар да, бастапқы тізбекпен салыстырғанда, жасушалық өсіріндіде делавирдин және невирапин препаратына фенотиптік тұрғыдан да төзімді болды. Кері транскриптазаның нуклеозидті емес тежегіштері (A98G, L100I, K101E/P, K103N/S, V106A, Y181X, Y188X, G190X, P225H, F227L, немесе M230L) тұрақты орын алмастыратын делавирдинге және невирапинге төзімді клиникалық вирустық изоляттар жасушалық өсіріндіде эфавиренз препаратына сезімталдығының азайғанын көрсетті. Жасушалық өсіріндіде төзімді клиникалық вирустық изоляттардың 90%-дан астамы эфавиренз препаратына сезімталдығын сақтайды.

Қолданылуы

- АИВ-1 жұқтырған адамдарды біріктірілген антиретровирусты препараттармен емдеуге

Қолдану тәсілі және дозалары

Емдеу АИВ жұқпасын емдеу тәжірибесі бар дәрігердің ұйғарымымен жүргізілуі тиіс.

Ересектер

Эфервеннің ұсынылатын дозасы 600 мг құрайды, ол ішке тәулігіне бір рет, протеаза тежегіштерімен және/немесе кері транскриптазаның нуклеозидті емес тежегіштерінің аналогтарымен біріктіріп қабылданады. Эфервенді ашқарынға, ұйқы алдында қабылдаған дұрыс. Ұйқыға жатар алдында қабылдау орталық жүйке жүйесі тарапынан болатын жағымсыз симптомдарға төзуін жақсартуы мүмкін.

Қатар тағайындалатын антиретровирустық ем

Эфервен антиретровирустық препараттармен біріктіріп тағайындалуы тиіс.

Дәрілік заттардың дозасын таңдау

Егер Эфервен таблеткалары вориконазол препаратымен бірге тағайындалса, онда вориконазол препаратының демеуші дозасы әрбір 12 сағат сайын 400 мг-ға дейін арттырылуы, ал Эфервен дозасы күніне бір рет 300 мг-ға дейін, дозалаудың альтернативті түрлерін қолдана отырып, қысқартылуы тиіс. Вориконазол препаратын қолданып жүргізілетін емдеу аяқталған кезде Эфервеннің бастапқы дозасын қабылдау қайта басталады. Эфервен таблеткаларын сындырудың керегі жоқ.

Балалар

Эфервен таблеткаларын ұйқыға жатар алдында ашқарынға қабылдаған дұрыс. Дене салмағы 40 кг-нан асатын бала емделушілер үшін Эфервеннің ұсынылатын дозасы – күніне бір рет 600 мг. Эфервеннің 600 мг таблеткалары салмағы 40 кг-нан төмен емделушілерге тағайындалмайды. Қажет болған кезде дозалаудың басқа да альтернативті түрлері пайдаланылуы мүмкін.

Жағымсыз әсерлері

Жиі

- тәбеттің жоғалуы, жүректің айнуы, құсу

- жалпы әлсіздік, бас айналу, бас ауыру, ұйқысыздық

- терінің қызаруы, қышуы, макулопапулезді бөртпелер, терінің түлеуі

Сирек

- құлақ ішінің шуылдауы

- қозу күйі, бағыттан адасу, көңіл-күйдің тұрақсыздығы, психоэмоциональді шаршау күйі, депрессия, паранойя, ұйқышылдық, «қорқынышты» түстер көру, эйфория, мазасыздық, жадының жоғалуы, қимыл үйлесімінің бұзылуы, құрысулар, гипестезия, парестезия, нейропатия, діріл

- мультиформалы эритема, аллергиялық дерматит, фотосенсибилизация

- қызба

- ентігу, жүрек соғуының жиілеуі

- бауыр ферменттері деңгейінің жоғарылауы, гиперхолестеринемия, гипертриглицеридемия, май тіндерінің қайта таралуы/жиналуы, гинекомастия

- артралгиялар, миалгиялар, миопатия

- бауыр қызметінің жеткіліксіздігі, гепатит, панкреатит

Өте сирек

- агрессивті реакция, елестеулер, сананың бұлыңғырлануы, патологиялық ойлау және деперсонализация, суицид

- Стивенс-Джонсон синдромы, уытты эпидермальді некролиз, эксфолиативті дерматит

Қолдануға болмайтын жағдайлар

- препараттың белсенді компонентіне немесе қосымша компоненттеріне асқын сезімталдық

- бауыр қызметінің ауыр дәрежелі жеткіліксіздігі

- мына препараттармен бірге қабылдау: (эрготамин туындылары – дигидроэрготамин, эргоновин, эрготамин, метилэргоновин; бензодиазепиндер – мидазолам, триазолам; кальций өзекшелерінің бөгегіштері – бепридил; АІЖ жиырылуын жақсартатын дәрі – цизаприд; нейролептикалық дәрі – пимозид; кәдімгі шайқурай (Hypericum perforatum)

- терфенадинмен және астемизолмен біріктіріп қабылдау

- галактозаны көтере алмаушылық, лактаза тапшылығы немесе глюкоза-галактоза мальабсорбциясы сияқты сирек тұқым қуалайтын аурулар

- 6 жасқа дейінгі балаларға

- жүктілік және лактация кезеңі

Дәрілермен өзара әрекеттесуі

Эфервен in vivo CYP3A индукциясын көрсетті. CYP3A субстраты болып табылатын басқа да қосылыстар Эфервенмен біріктіріп енгізілген кезде оның концентрациясын төмендетуі мүмкін. Негізінен CYP2С9, 2С19 және 3А4 изоферменттерімен метаболизденетін препараттармен бір мезгілде қолдану біріктіріп қолданылатын препараттардың плазмалық концентрацияларын өзгертуі мүмкін. Осыған байланысты осы дәрілік заттардың дозасын тиісті түзету қажет болуы мүмкін.

CYP3A4 белсенділігін индукциялайтын препараттар (мысалы, фенобарбитал, рифамицин, рифабутин және т.б.) эфавиренздің клиренсін арттыруы мүмкін, ол плазмалық концентрацияның төмендеуіне әкеп соғады.

Эфервенмен өзара әрекеттесулер төмендегі кестеде берілген. Кестеде потеницалды маңызды өзара әрекеттесулер қамтылған.

Кесте: Дәрілердің анықталғанa және дәрілердің басқа да потенциалды маңыздыb өзара әрекеттесулері: дәрілердің өзара әрекеттесуін зерттеу негізінде дозаларды немесе қабылдау режимін өзгерту керек болуы мүмкін.

а Анықталған өзара әрекеттесулер шамасына қатысты

b. Осы кестеде препараттардың барлық өзара әрекеттесулері қамтылмаған

Басқа да препараттар

Эфервенді, құрамында алюминий гидроксиді және магний гидроксиді бар антацидтік дәрілермен, азитромицинмен, цетиризинмен, фамотидинмен, флюконазолмен, ламивудинмен, лоразепаммен, нелфинавирмен, пароксетинмен, тенофовир дизопроксил фумаратпен және зидовудинмен бір мезгілде қолдану осы препараттардың дозасын түзетуді қажет етпейді.

Эфавиренздің, ламувидин және зидовудин препараттарымен өзара әрекеттесуінен басқа, кері транскриптазаның нуклеотидті емес тежегіштерінің басқа препараттарымен өзара әрекеттесуіне зерттеу жүргізілген жоқ. Клиникалық тұрғыдан маңызды өзара әрекеттесу күтілмейді, өйткені кері транскриптазаның нуклеотидті емес тежегіштерінің препараттары метаболизмінің эфавиренз метаболизмінен айырмашылығы бар, және ферменттердің метаболикалық жүйесінің және шығарылу жолдарының бәсекелі түрде пайдаланылу ықтималдығы аз.

Айрықша нұсқаулар

Плазмадағы Эфервен концентрациясы CYP3A субстраттары тежегіштері мен индукторларына байланысты өзгеруі мүмкін. Бұдан басқа, Эфервен CYP3A метаболизденетін препараттардың концентрациясын да өзгертуі мүмкін.

Төзімділігі

Эфервен АИВ-ні емдеу үшін жалғыз препарат ретінде қолданылмауы немесе режимге жетпей тұрған бөлек препарат ретінде қосылмауы тиіс. Нуклеозидтік емес кері транскриптазаның (NNRTIs) барлық басқа тежегіштері сияқты, Эфервенді монотерапия ретінде қабылдаған кезде вирустың төзімділігі тез пайда болады. Эфервенмен біріктіріп пайдаланылатын жаңа антиретровирусты препаратты таңдағанда вирустың айқаспалы төзімділігі болуы мүмкін екендігі ескерілуі тиіс. Егер біріктірілген емдеуде антиретровирустық препараттардың біреуін, оның жағымдылығына күмәнданғандықтан, тоқтатса, тағайындалған басқа да антиретровирустық препараттарды қабылдауды бір мезгілде тоқтату мүмкіндігін де шындап қарастырған жөн. Антиретровирустық препараттармен емдеуді жағымсыздық симптомдарын анықтағаннан және жойғаннан кейін бір мезгілде қайта бастау қажет. Аралық монотерапия және, вирустың төзімділігі даму қаупінің күшеюіне байланысты, антиретровирустық препараттарды біртіндеп қайтадан енгізудің қажеті жоқ.

ЭФЕРВЕН 600 мг препаратын 600 мг эфавиренз/200 мг эмтрицитабин және 300 мг тенофовир дизопроксил фумаратымен, бұл біріктірілімде ЭФЕРВЕН препаратының белсенді заты бар болғандықтан, біріктіріп тағайындауға болмайды.

Психиатриялық симптомдар

Сыртартқысында психикалық бұзылулары бар емделушілер, мысалы, маниакальді реакциялар, ауыр депрессия және өзіне-өзі қол жұмсау ойлары сияқты жағымсыз әсерлердің үлкен қаупіне ұшырайды. Осы жағымсыз әсерлер пайда болған кезде емделушіде Эфервенды қолданумен осы әсерлердің байланысы бар-жоқтығын тексеру қажет, егер осы байланыс анықталса, онда әрі қарай емдеудің пайдасы мен қаупінің арақатынасына баға беру керек.

Жүйке жүйесі тарапынан болатын симптомдар

Симптомдар әдетте емдеудің 1-ші немесе 2-ші күні ішінде пайда болады, және тұтастай алғанда, алғашқы емнің 2-4 аптасынан кейін жоғалады. Препаратты ұйқыға жатар алдында қабылдау орталық жүйке жүйесі тарапынан жағымсыз симптомдарды көтере алмаушылық жақсартуы мүмкін. Эфервенді қабылдап жүрген емделушілерге, оны алкогольмен немесе психотроптық препараттармен бір мезгілде қабылдаған кезде, орталық жүйке жүйесі тарапынан болуы мүмкін әсерлер жөнінде ескертілуі тиіс.

Тері бөртпесі

Шырышты қабықтарды қамтыған күлдіреуіктің, эпидермис десквамациясының пайда болуымен немесе қызбамен қатар жүретін ауыр бөртпесі бар науқастарда Эфервенді қолдануды тоқтату керек. Эфервенді қайта тағайындаған кезде тиісті антигистаминдік препараттарды және/немесе кортикостероидтарды қолдану керек.

Гепатоуыттылық

В немесе С гепатитін қоса есептегенде, бауырдың қатар жүретін аурулары бар емделушілерде; трансаминаза деңгейі елеулі жоғарылаған емделушілерде және гепатоуыттылыққа байланысты басқа да препараттарды қабылдап жүрген емделушілерде бауыр ферменттерін емге дейін және ем кезінде бақылап отыру керек. Бұрын бауыр аурулары немесе басқа да идентификацияланған қауіп факторлары болмаған емделушілерде бауыр қызметінің жеткіліксіздігі байқалуы мүмкін. Сондықтан бауыр ферменттерін сондай-ақ бұрын бауыр қызметінің бұзылуы немесе басқа да қауіп факторлары болмаған емделушілерде де бақылаған жөн. Бауыр ауруларының нашарлау белгілері бар немесе сарысулық трансаминаза жоғары шегінен 5 есе жоғарыға тұрақты түрде артқан кезде бауырдың ауыр уыттылық қаупіне қарсы Эфервенмен ұзақ емдеудің пайдасына баға берген жөн. Мұндай жағдайларда емдеуді тоқтату қажеттілігін қарастырған жөн. Бауырдың уыттылығына байланысты басқа препараттармен ем қабылдап жүрген емделушілерде бауыр ферменттерін бақылап отыру керек.

Құрысулар

Эфервен қабылдап жүрген емделушілерде құрысулар байқалды. Құрысуға қарсы, негізінен, бауырда метаболизденетін препараттарды қабылдап жүрген емделушілерде қан плазмасында фенитоинның және фенобарбиталдың концентрацияларын мезгіл-мезгіл бақылап отыру қажет болуы мүмкін.

Липидтердің жоғарылауы

Эфервенмен емдеу жалпы холестериннің және триглицеридтердің концентрацияларының артуына әкелді. Холестеринге және триглицеридтерге зерттеулер Эфервенмен емдеуді бастағанға дейін және емдеу кезінде кезең-кезеңімен жүргізілуі тиіс.

Иммуннореактивті синдром

Иммунитеттің қалпына келу синдромы біріктірілген антиретровирустық ем, соның ішінде Эфервенмен ем қабылдаған емделушілерде байқалды. Біріктірілген антиретровирустық емнің бастапқы кезеңінде иммундық жүйесі әрекет ететін емделушілерде әлсіз немесе қалдық оппортунистік жұқпаларға (мысалы, Mycobacterium avium жұқпасы, цитомегаловирус, Pneumocystis jiroveci немесе туберкулез) қабыну жауабы пайда болуы мүмкін, ол әрі қарай зерттеуді және емдеуді қажет етуі мүмкін.

Майдың қайта таралуы/липодистрофия

Антиретровирусты емдеуден өткен емделушілердің организмінде май қыртыстарының қайта таралуы/жиналуы, орталық семіруді, дорсоцервикальді семіздіктің (бизон өркешті) ұлғаюы, шеткергі арықтауды, беттің арықтауын, емшектің ұлғаюын қоса есептегенде, байқалды. Осы реакциялардың механизмі және ұзаққа созылатын зардаптары қазіргі таңда белгісіз. Себеп-салдарлық байланысы анықталған жоқ.

Остеонекроз

Этиологиясы көп факторлы (соның ішінде кортикостероидтар, алкогольді қолдану, иммунитеттің ауыр тапшылығы, дене салмағының жоғары индексі) деп есептелсе де, остеонекроз жағдайлары әсіресе АИВ-аурулары өршіген және/немесе біріктірілген антиретровирусты емдеудің ұзақ әсері дамыған емделушілерде байқалды.

Терфенадин және астемизолмен бірге қабылдау

Эфервеннің СҮР3А4 үшін бәсекелестігі метаболизмнің тежелуіне және ауыр және/немесе өмірге қауіпті жағымсыз әсерлердің дамуына алып келуі мүмкін.

Дәрілік заттың көлікті немесе қауіпті механизмдерді басқару қабілетіне ықпал ету ерекшеліктері

Эфервен бас айналуды, зейіннің төмендеуін және/немесе ұйқышылдықты тудыруы мүмкін. Емделушілер, егер оларда осындай симптомдар білінсе, онда көлікті басқару және өндіріс құрал-жабдықтарымен жұмыс жасау сияқты қауіпті тапсырмаларды орындауды тоқтата тұруы керек екендігінен хабардар болуы тиіс.

Артық дозаланғанда

Симптомдары: жағымсыз симптомдардың күшеюі

Емдеу: сіңбеген Эфервенді шығару үшін белсенділендірілген көмір қабылдау керек, симптоматикалық ем. Шұғыл медициналық жәрдем беру шараларын жүргізу керек. Эфервен ақуыздармен жақсы байланысатындықтан, гемодиализ тиімсіз. Өзіне тән у қайтарғысы жоқ.

Шығарылу түрі және қаптамасы

Алғашқы ашылуы бақыланатын пластик қақпақпен бұралған, тығыздығы жоғары (HDPE) ақ түсті полиэтиленнен жасалған банкаға 30 таблеткадан салынған.

Банка медицинада қолданылуы жөнінде мемлекеттік және орыс тілдеріндегі нұсқаулықпен бірге картон қорапқа салынған.

Сақтау шарттары

30°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханадан босатылу шарттары

Рецепт арқылы

Өндіруші

Sun Pharmaceutical Ind Ltd, Үндістан

Paonta Sahib, District Sirmour,

Himachal Pradesh – 173 025

Тіркеу куәлігі иесінің елі мен атауы

Sun Pharmaceutical Ind Ltd, Үндістан

Қазақстан Республикасының аумағында тұтынушылардан өнімнің сапасы жөніндегі шағымдарды қабылдайтын ұйымның мекенжайы

Sun Pharmaceutical Ind Ltd компаниясының ҚР өкілдігі

Алматы қ., Манас көшесі 32А, САТ БО, 602 кеңсе

тел.: 8-727-2378450

эл.адрес: regulatory.kz@sunpharma.com