Эфавиренз/Эмтрицитабин/Тенофовир - КРКА

• русский
• қазақша

• Скачать инструкцию медикамента

Дәрілік препаратты медициналық қолдану жөніндегі нұсқаулық (Қосымша парақ) 

Саудалық атауы 

Эфавиренз/Эмтрицитабин/Тенофовир-КРКА

Халықаралық патенттелмеген атауы  

Жоқ

Дәрілік түрі, дозасы

Үлбірлі қабықпен қапталған таблеткалар, 600 мг/200 мг/245 мг

Фармакотерапиялық тобы  

Жүйелі қолдануға арналған инфекцияға қарсы препараттар. Жүйелі қолдануға арналған вирусқа қарсы препараттар. Тікелей әсер ететін вирусқа қарсы препараттар. АИТВ-инфекциясын емдеуге арналған вирусқа қарсы препараттар, біріктірілімдер. Эмтрицитабин, тенофовир дизопроксилі және эфавиренз.

АТХ коды J05AR06

 

Қолданылуы

Эфавиренз/Эмтрицитабин/Тенофовир-КРКА препараты белсенді заттардың: эфавиренз, эмтрицитабин және тенофовир дизопроксил фумаратының бекітілген дозаларының біріктірілімі болып табылады. Үш айдан астам уақыт бойғы антиретровирустық ем жағдайында АИТВ РНҚ деңгейлері бойынша вирусологиялық қарсыласуы 1 < 50 көшірме/мл шегіндегі ересектерде адамның бірінші типті иммунтапшылығы вирусынан (АИТВ-1) туындаған инфекцияны емдеу үшін қолданылады. Пациенттерде алдыңғы антиретровирустық ем кезінде сәтсіз нәтиже болмауы тиіс, сондай-ақ антиретровирустық емнің бірінші кестесін бастар алдында препарат құрамындағы үш компоненттің кез келгеніне елеулі төзімділік беретін мутациялары бар вирус штамдарының болмағаны белгілі болуы тиіс.

Эфавиренз/Эмтрицитабин/Тенофовир-КРКА препаратының басқа антиретровирустық препараттармен біріктірілу ықтималдығы туралы деректер жоқ.

Қолдануды бастағанға дейін қажетті мәліметтер тізбесі

Қолдануға болмайтын жағдайлар

• әсер етуші заттарына немесе қосымша заттарының кез келгеніне аса жоғары сезімталдық

• бауырдың ауыр жеткіліксіздігі (Чайлд-Пью-Туркотт шкаласы бойынша С класы)  

• терфенадинмен, астемизолмен, цизапридпен, мидазоламмен, триазоламмен, пимозидпен, бепридилмен, қастауыш алкалоидтарымен (мысалы, эрготамин, дигидроэрготамин, эргоновин немесе метилэргоновин) бір мезгілде қолдану. Эфавиренздің Р450 цитохромы (CYP) 3А4 үшін бәсекелесуі аталған препараттар метаболизмінің бәсеңдеуіне және ауыр және/немесе өмірге қауіп төндіретін жағымсыз реакциялардың (мысалы, жүрек аритмиясы, ұзаққа созылатын седативтік әсер немесе тыныстың тарылуы) туындауына алғышарттардың пайда болуына алып келуі мүмкін

• элбасвир мен гразопревирдің плазмадағы концентрациясының елеулі азаюы күтілетіндігіне байланысты, элбасвирмен/гразопревирмен бір мезгілде қолдану.  Бұл әсеріне эфавиренз бойынша CYP3A4 изоферментінің немесе Pgp индукциясының есебінен жетеді және элбасвир/гразопревирдің емдік әсерінің жойылуына алып келуі мүмкін 

• вориконазолмен бір мезгілде қолдану. Эфавиренз вориконазолдың қан плазмасындағы концентрациясын едәуір төмендетеді, ал вориконазол эфавиренздің қан плазмасындағы концентрациясын едәуір арттырады. Эфавиренз/Эмтрицитабин/Тенофовир-КРКА  препараты дозалары бекітілген біріктірілген препарат болып табылатындықтан, эфавиренздің дозасын түзету мүмкін емес  

• қан плазмасындағы концентрациясының төмендеуі және эфавиренздің клиникалық тиімділігінің азаюы мүмкіндігіне байланысты, құрамында шілтерлі шайқурай (Hypericum perforatum) бар, өсімдік тектес препараттармен бір мезгілде қолдану  

• келесі пациенттерде қолдану: 

• генетикалық тұрғыдан кенеттен болатын өлімге бейім немесе электрокардиограммаларда QT аралығының ұзаруы синдромының туа біткен формасы бар, немесе QT аралығын ұзартатын кез келген басқа клиникалық ауруы бар пациенттерде 

• анамнезінде жүректің симптоматикалық аритмиялары немесе клиникалық тұрғыдан маңызды брадикардиясы немесе сол жақ қарыншаның лықсыту фракциясының төмендеуімен қатар жүретін, жүректің іркілісті жеткіліксіздігі бар пациенттерде 

• электролит теңгерімінің ауыр бұзылулары, мысалы, гипокалиемиясы немесе гипомагниемиясы бар пациенттерде 

• QT аралығын ұзартатын дәрілік препараттармен (аритмия тудыратын препараттар) бір мезгілде қолдану.  Ол  препараттарға мыналар жатады: 

• аритмияға қарсы IA және III класты препараттар; 

• нейролептиктер, антидепрессанттар; 

• кейбір антибиотиктер,келесі кластардың кейбір препараттарын қоса: макролидтерді, фторхинолондарды, имидазол және зеңге қарсы триазолдық препараттарды

• кейбір седативтік емес антигистаминдер (терфенадин, астемизол) 

• цизаприд 

• флекаинид 

• безгекке қарсы кейбір препараттар 

• метадон 

 

Қолдану кезінде қажетті сақтық шаралары  

Басқа дәрілік препараттармен бір мезгілде қолданылуы 

Эфавиренз/Эмтрицитабин/Тенофовир - КРКА препаратын бекітілген біріктірілім ретінде құрамында дәл осындай компоненттер, эмтрицитабин немесе тенофовир дизопроксил бар басқа дәрілік препараттармен бір мезгілде қолданбау керек. Егер бұл  дозасын түзету үшін қажет болмаса, Эфавиренз/Эмтрицитабин/Тенофовир - КРКА препаратын құрамында эфавиренз бар препараттармен, мысалы  рифампицинмен бірге қолданбаған дұрыс. Эмтрицитабинмен ұқсастығының салдарынан, Эфавиренз/Эмтрицитабин/Тенофовир - КРКА препаратын ламивудин сияқты цитидиннің басқа аналогатарымен бір мезгілде қолданбау керек.  

Эфавиренз/Эмтрицитабин/Тенофовир - КРКА препаратын адефовир дипивоксилмен немесе құрамында тенофовир алафенамид бар дәрілік заттармен бір мезгілде қолданбау керек. 

Тенофовир дизопроксил мен диданозинді бір мезгілде қолдану ұсынылмайды («Басқа дәрілік препараттармен өзара әрекеттесулері» бөлімін қараңыз).

Эфавиренз/Эмтрицитабин/Тенофовир - КРКА мен софосбувир/велпатасвир немесе софосбувир/велпатасвир/воксилапревирді бір мезгілде қолдану ұсынылмайды, өйткені, эфавирензбен бір мезгілде қолданғаннан кейін велпатасвир мен воксилапревирдің қан плазмасындағы концентрациясы төмендеуі мүмкін, бұл өз кезегінде софосбувир/велпатасвирдің немесе  софосбувир/велпатасвир/воксилапревирдің емдік әсерінің төмендеуіне алып келеді. Эфавиренз/эмтрицитабин/тенофовир дизопроксилді басқа антиретровирустық дәрілермен бірге қолданудың қауіпсіздігі мен тиімділігі туралы деректер жоқ. 

Гинкго билоба экстрактілерімен бірге қолдану ұсынылмайды.   

ПТ негізіндегі антиретровирустық режимнен  ауысу 

Қазіргі кезде қолда бар мәліметтер, ПТ (протеаза тежегіштері) негізіндегі антиретровирустық емді қабылдап жүрген пациенттерде эфавиренз/эмтрицитабин/тенофовир дизопроксилді қабылдауға көшу емге жауаптың төмендеуіне алып келуі мүмкін үрдісін көрсетеді. Ондай  пациенттерді вирустық жүктеменің артуына және жағымсыз реакциялардың бар-жоқтығына қатысты мұқият қадағалау қажет, өйткені, эфавиренздің қауіпсіздік бейіні протеаза тежегіштерінің қауіпсіздік бейінінен өзгеше. 

Оппортунистік инфекциялар 

Эфавиренз/Эмтрицитабин/Тенофовир - КРКА препаратымен немесе кез келген басқа антиретровирустық емді қабылдап жүрген пациентерде ары қарай да оппортунистік инфекциялар және АИТВ-инфекциясының басқа асқынулары көрініс беруі мүмкін, сондықтан да олар АИТВ-мен байланысты аурулары бар пациенттерді емдеуде тәжірибесі бар дәрігерлердің мұқият клиникалық қадағалауында болуы тиіс. 

АИТВ берілісі 

Антиретровирустық ем арқылы вирустың тиімді бәсеңдетілуі инфекцияның жыныстық жолмен берілу қаупін едәуір төмендететіндігі дәлелденсе де, қалдық қауіпті жоққа шығару мүмкін емес. Берілуін болдырмас үшін, ұлттық нұсқаулықтарға сәйкес сақтық шараларын қолдану керек. 

Тамақ ішудің әсері 

Эфавиренз/Эмтрицитабин/Тенофовир - КРКА препаратын  ас ішу кезінде қолдану эфавиренздің  әсерін арттыруы мүмкін және жағымсыз реакциялардың даму жиілігінің артуына алып келуі мүмкін. Эфавиренз/Эмтрицитабин/Тенофовир - КРКА препаратын аш қарынға, дұрысы ұйықтар алдында қабылдау ұсынылады. 

Бауыр жеткіліксіздігі

Бауырдың ауыр аурулары бұрыннан бар пациенттерде эфавиренз/эмтрицитабин/тенофовир дизопроксилдің фармакокинетикасы, қауіпсіздігі мен тиімділігі анықталған жоқ. Эфавиренз/Эмтрицитабин/Тенофовир - КРКА біріктірілімін бауыр функциясының ауыр бұзылуы бар пациенттерге қолдануға болмайды және бауыр функциясының орташа бұзылуы бар пациенттерге ұсынылмайды. Эфавиренз негізінен CYP жүйесі арқылы метаболизденетіндіктен, Эфавиренз/Эмтрицитабин/Тенофовир - КРКА препаратын бауыр функциясы бұзылуының жеңіл дәрежесі бар пациенттерде қолданғанда сақтық таныту керек. Ондай пациенттерді эфавиренздің жағымсыз реакцияларының, әсіресе, жүйке жүйесі тарапынан симптомдардың дамуына қатысты  мұқият қадағалау қажет. Бауыр ауруларын бағалап отыру үшін, жүйелі түрде зертханалық зерттеулер жүргізу керек. Созылмалы белсенді гепатитті қоса, бұрын бауыр дисфункциясы диагнозы қойылған пациенттерде біріктірілген антиретровирустық ем (БАРЕ) кезінде бауыр функциясы бұзылуының жиілігі жоғары болады, оларды стандартты тәжірибеге сәйкес қадағалау қажет. Бауыр функциясы нашарлауының дәлелдері болған немесе қан сарысуындағы трансаминазалар деңгейі тұрақты түрде қалыптың жоғарғы шегінен 5 есе артық жоғарылаған жағдайда, Эфавиренз/Эмтрицитабин/Тенофовир - КРКА препаратымен ұзақ уақыт емдеудің пайдасын бауырға елеулі уытты әсерлерінің ықтимал қауіптерімен салыстыру қажет. Ондай пациенттерде емдеуді үзе тұру немесе тоқтатуды қарастыру керек. Бауырға уытты әсері бар басқа дәрілік заттармен ем қабылдаған пациенттерде де бауыр ферменттерін бақылау ұсынылады. 

Бауыр тарапынан жағымсыз құбылыстар 

Бұрын бауыр аурулары немесе идентификацияланған басқа қауіп факторлары болмаған пациенттерде бауыр жеткіліксіздігі туралы тіркеуден кейінгі хабарламалар да орын алған.  

Бұрын бауыр дисфункциясы немесе басқа қауіп факторары болған –болмағандығына байланыссыз, барлық пациенттерде бауыр ферменттерін бақылау мәселесін қарастыру керек. 

АИТВ инфекциясы және В (ВГB) немесе C (CГВ) гепатиті вирусының коинфекциясы бар пациенттер 

Созылмалы B немесе C гепатиті бар, БАРТ қабылдап жүрген пациенттер бауыр тарапынан ауыр және, өлім қаупін төндіретін жағымсыз реакциялардың даму қаупінің жоғарылауына ұшырайды.

ВГB коинфекциясы бар пациенттерде АИТВ инфекциясын оңтайлы емдеу үшін, дәрігерлер АИТВ емдеудегі ағымдағы нұсқаулардың қағидаларын басшылыққа алуы тиіс. 

B немесе C гепатитінің қатарлас антивирустық емі жағдайында, аталған дәрілік препараттардың қысқаша сипаттамаларын қараңыз. 

Эфавиренз/эмтрицитабин/тенофовир дизопроксилінің  созылмалы ВГB инфекциясын емдеудегі қауіптсіздігі мен тиімділігі зерттелмеген.  Фармакодинамикалық зерттеулерде монотерапиядағы және біріктірілімдегі эмтрицитабин мен тенофовир ВГB қатысты белсенділік танытқан. Шектеулі клиникалық тәжірибе, АИТВ-инфекциясымен күресуге арналған біріктірілген антиретровирустық емді қолданғанда эмтрицитабин мен тенофовир дизопроксил ВГB-ге қарсы белсенділікті иеленетіндігін көрсетеді. АИТВ және ВГB коинфекциясы бар пациенттерде эфавиренз/эмтрицитабин/тенофовир дизопроксилмен емдеудің тоқтатылуы, гепатиттің ауыр өршуімен байланысты болуы мүмкін. АИТВ және ВГB коинфекциясы бар, Эфавиренз/Эмтрицитабин/Тенофовир - КРКА қабылдауды тоқтатқан пациенттерді, Эфавиренз/Эмтрицитабин/Тенофовир - КРКА препаратымен емдеуді тоқтатқаннан кейін кемінде төрт ай бойы, клиникалық, және зертханалық талдаумен мұқият қадағалау қажет. Қажет болған жағдайда, В гепатитіне қарсы емді қайта бастаған дұрыс болуы мүмкін. Бауырдың үдемелі ауруы немесе циррозы бар пациенттерде емдеуді тоқтату ұсынылмайды, өйткені, емдеуден кейін гепатиттің өршуі бауыр функциясының декомпенсациясына алып келуі мүмкін. 

QTc аралығының ұзаруы 

Эфавирензді қолданғанда QTc аралығының ұзаруы байқалған. Екібағытты тахикардияның даму қаупі жоғары пациенттерде немесе екібағытты тахикардия қаупі белгілі  препараттарды қабылдап жүрген пациенттерде, эфавиренз/эмтрицитабин/тенофовир дизопроксилмен емдеудің баламасын қарастыру керек. 

Психикалық симптомдар 

Эфавирензбен ем қабылдаған  пациенттерде психикалық жағымсыз реакциялар туралы хабарланған. Анамнезінде  психикалық бұзылыстары бар пациенттер ауыр психикалық жағымсыз реакциялардың даму қаупінің жоғарлауына ұшырайды. Атап айтқанда, анамнезінде депрессиясы бар пациенттерде ауыр депрессия кеңірек таралған.  Тіркеуден кейін ауыр депрессия, суицидтер, елірумен жүретін идеялар, психоз тәрізді мінез-құлық пен кататония туралы хабарламалар да тіркелген. Егер ауыр депрессия, психоз немесе суицидтік ойлар сияқты симптомдар байқалса, пациенттерге, симптомдардың эфавирензді қолданумен байланысты болуы мүмкіндігін бағалау үшін дереу дәрігерге қаралуға кеңес беру керек, және байланыстылығы болған жағдайда, ұзақ емдеген кезде қауіпінің пайдасынан асатын-аспайтындығын анықтау керек. 

Жүйке жүйесі тарапынан симптомдар  

Клиникалық зерттеулерде бас айналуын, ұйқысыздықты, ұйқышылдықты, зейін қоюдың бұзылуы мен әдеттен тыс түстер көруді қоса алғандағы симптомдар күніне 600 мг эфавирензді қабылдап жүрген пациенттердегі жағымсыз құбылыстар болып табылады. Бас айналуы да эмтрицитабин мен тенофовир дизопроксилінің  клиникалық зерттеулерінде байқалған. Бас ауыруы туралы эмтрицитабиннің клиникалық зерттеулерінде хабарланған.  Жүйке жүйесі тарапынан, эфавирензді қабылдаумен байланысты симптомдар, әдетте, емдеуді бастағаннан кейін бірінші күннен бастап немесе алғашқы екі күн ішінде пайда болады  және әдетте, алғашқы екі-төрт аптадан кейін жоғалып кетеді. Пациенттер, жиі кездесетін бұл симптомдар емдеуді жалғастырған кезде жақсаруы ықтимал екендігінен, және олардың кейіннен қандай-да бір сирегірек психиатриялық симптомдардың басталуын білдірмейтіндігінен хабардар болуы тиіс. 

Құрысулар

Эфавирензді қабылдаған пациенттерде, әдетте, анамнезінде ұстамалар болған жағдайда, құрысулар байқалған. Құрысуға қарсы, негізінен бауырда метаболизденетін, фенитоин, карбамазепин және фенобарбитал сияқты қатарлас дәрілік заттарды қабылдап жүрген пациенттерде, қан плазмасындағы деңгейлеріне жүйелі мониторинг жүргізу қажет болуы мүмкін. Дәрілік заттардың өзара әрекеттесулерін зерттеуде, карбамазепинді эфавирензбен бір мезгілде қолданғанда карбамазепиннің плазмадағы концентрациясы төмендеген. Анамнезінде құрысулар болған кез келген пациентті емдегенде сақтық таныту керек. 

Бүйрек жеткіліксіздігі

Бүйректің орташа немесе ауыр жеткіліксіздігі бар (креатинин клиренсі <50 мл/мин) пациенттерде Эфавиренз/Эмтрицитабин/Тенофовир - КРКА препаратын қабылдау ұсынылмайды. Бүйректің орташа немесе ауыр жеткіліксіздігі бар пациенттерде эмтрицитабин мен тенофовир дизопроксилінің  дозасын түзету қажет, бұған біріктірілген таблеткаларды қабылдағанда қол жеткізу мүмкін емес ("Қолдану жөніндегі нұсқаулар" бөлімін қараңыз). Нефроуытты дәрілік препарат бір мезгілде немесе жуырда қолданылған жағдайда, Эфавиренз/Эмтрицитабин/Тенофовир - КРКА препаратының қабылдануын болдырмау керек. Егер Эфавиренз/Эмтрицитабин/Тенофовир - КРКА мен нефроуытты дәрілерді (мысалы, аминогликозидтерді, амфотерицин В, фоскарнетті, ганцикловирді, пентамидинді, ванкомицинді, цидофовирді, интерлейкин-2) бір мезгілде қолданбауға мүмкіндік болмаса, бүйрек функциясын апта сайын бақылап отыру қажет. Тенофовир дизопроксилмен ем қабылдаған және бүйрек дисфункциясының қауіп факторлары бар пациенттерде қабынуға қарсы стероидты емес препараттардың (ҚҚСП) жоғары дозаларын немесе бірнешеуін қабылдауды бастағаннан кейін  бүйректің жедел жеткіліксіздігі жағдайлары туралы хабарланған. Егер Эфавиренз/Эмтрицитабин/Тенофовир - КРКА препараты ҚҚСП-мен бірге қолданылса, бүйрек функциясын бақылау керек. 

Клиникалық тәжірибеде тенофовир дизопроксилді қолданғанда бүйрек жеткіліксіздігі, бүйрек функцясының бұзылуы, креатинин деңгейінің жоғарылауы, гипофосфатемия және проксимальді тубулопатия (Фанкони синдромын қоса) туралы хабарланған.  

Эфавиренз/Эмтрицитабин/Тенофовир - КРКА препаратымен емдеуді бастағанға дейін пациенттердің барлығында креатинин клиренсін мониторингілеу ұсынылады, сондай-ақ, емдеуден кейін екі-төрт аптадан соң,  емдеуден кейін үш айдан соң және бүйрек тарапынан қауіп факторлары болмаған пациенттерде емдеуден кейін әрбір үш-алты айдан соң бүйрек функциясын (креатинин клиренсі және сарысудағы фосфаттар деңгейін) бақылау керек. Анамнезінде бүйрек дисфункциясы болған пациенттерде немесе бүйрек дисфункциясының даму қаупі бар пациенттерде бүйрек функциясын мониторингілеуді жиірек жүргізу қажет. 

Егер Эфавиренз/Эмтрицитабин/Тенофовир - КРКА препаратын қабылдап жүрген пациентте сарысудағы фосфаттар деңгейі <1,5 мг/дл (0,48 ммоль/л) құраса немесе креатинин клиренсі <50 мл/минутқа дейін төмендесе, бір апта ішінде бүйрек функциясына қайтадан баға беру керек, сондай-ақ, қандағы глюкоза деңгейін, қандағы калий концентрациясын және несептегі глюкозаны (проксимальді тубулопатия) өлшеу керек. Эфавиренз/Эмтрицитабин/Тенофовир - КРКА біріктірілген препарат болып табылатындықтан және жекелеген компоненттерінің дозалану аралығын өзгерту мүмкін емес болғандықтан, < 50 мл/мин креатинин клиренсі расталған  немесе сарысудағы фосфаттар деңгейі < 1,0 мг/дл (0,32 ммоль/л) дейін төмендеген пациенттерде Эфавиренз/Эмтрицитабин/Тенофовир - КРКА препаратымен емдеуді тоқтату керек. Бүйрек  функциясының үдемелі төмендеуі жағдайында да, егер басқа себебі анықталмаса, Эфавиренз/Эмтрицитабин/Тенофовир - КРКА препаратымен емдеуді тоқтатуды да қарастыру керек. Эфавиренз/Эмтрицитабин/Тенофовир - КРКА біріктірілімі компоненттерінің біреуімен емдеуді тоқтату көрсетілген, немесе дозасын өзгертуді қажет ететін жағдайларда, жекелеген препараттар: эфавиренз, эмтрицитабин және тенофовир дизопроксил қолжетімді. 

Сүйек тіндері тарапынан әсерлер 

Құрамында  протеазаның күшейтілген тежегіші бар емдеу кестесі аясында тенофовир дизопроксилмен ем қабылдаған пациенттерде сүйек тінінің минералдық тығыздығының (СТМТ) анағұрлым айқынырақ төмендеуі байқалған. Остеопорозы бар, сынулар қаупінің жоғарылауына ұшыраған пациенттерде емдеудің баламалы кестелерін қарастыру керек. 

Сүйек тінінің патологиялық (кейде сынуларға алып келетін) өзгерістеріне бүйректің проксимальді тубулопатиясы түрткі болуы мүмкін. Сүйек тінінің патологиялық өзгерістеріне күдік болған жағдайда, сәйкесінше кеңес алу керек. 

Тері реакциялары

Эфавиренз/эмтрицитабин/тенофовир дизопроксил біріктірілімінің  жекелеген компоненттерін қабылдағанда жеңіл және орташа дәрежелі бөртпе туралы хабарланған. Эфавиренз компонентін қабылдау түрткі болған бөртпе, әдетте, ұзақ уақыт емдеген кезде басылады. Антигистаминдік препараттар және/немесе кортикостероидтар бөртпе симптомдарының жағымдылығын жақсартуы және басылуын жеделдетуі мүмкін. Эфавирензбен ем қабылдаған пациенттердің 1%-ынан азында күлбіреуіктердің түзілуімен, ылғалды десквамациямен немесе ойық жарамен байланысты ауыр бөртпе туралы хабарланған. Мультиформалы эритеманың немесе Стивенс-Джонсон синдромының даму жиілігі шамамен 0,1% құраған. Бөртпенің күлбіреуіктер түзілуімен, десквамациямен, шырышты қабықтың зақымдануымен немесе ыстық көтерілуімен жүретін ауыр түрі байқалған пациенттерде Эфавиренз/Эмтрицитабин/Тенофовир – КРКА препаратын қабылдауды тоқтату керек. КТНЕТ класты басқа антиретровирустық дәрілерді қабылдауды тоқтатқан пациенттерде эфавирензді қолдану тәжірибесі шектеулі. КТНЕТ қабылдағанда өмірге қауіп төндіретін тері реакциясы (мысалы, Стивенс-Джонсон синдромы) дамыған пациенттерге Эфавиренз/Эмтрицитабин/Тенофовир - КРКА препараты ұсынылмайды. 

Дене салмағы және метаболизм параметрлері 

Антиретровирустық ем кезінде дене салмағы және қандағы липидтер мен глюкоза деңгейі жоғарылауы мүмкін. Ондай өзгерістер ішінара аурудың бақылануымен және өмір салтымен байланысты болуы мүмкін. Кей жағдайларда липидтермен емдеудің тиімділігіне дәлелдер бар, қандай-да бір нақты емнен кейін дене салмағы жоғарылағанының сенімді дәлелдері жоқ. Қандағы липидтер мен глюкоза деңгейін мониторингілеу үшін, АИТВ емдеу жөніндегі нұсқаулықтарға жүгіну ұсынылады. Липид алмасуының бұзылыстарын клиникалық тәжірибеде қабылданған әдістерге сәйкес емдеу керек. 

Жатырішілік әсер етуден кейінгі митохондриальді дисфункция

Нуклеозидтердің (нуклеотидтердің) аналогтары митохондрия функциясына түрлі дәрежеде ықпал етуі мүмкін, ол ставудинде, диданозинде және зидовудинде едәуір айқын. Жаңа туған, нуклеозидтер аналогтарының құрсақішілік және/немесе постнатальді әсеріне ұшыраған АИТВ-теріс нәрестелерде митохондрия дисфункциясы туралы хабарланған; олар негізінен, құрамында зидовудин бар емдеу кестелеріне қатысты болды. Негізгі жағымсыз реакциялар гематологиялық (анемия, нейтропения) және метаболизмдік бұзылулар (гиперлактатемия, гиперлипаземия) болып табылады. Ондай құбылыстар көбінесе өтпелі болды. Сирек кездесетін, кешірек басталатын неврологиялық бұзылыстар (гипертония, құрысулар, әдеттен тыс мінез-құлық) туралы хабарланған. Қазіргі кезде, ондай неврологиялық бұзылыстардың өтпелі немесе тұрақты болып табылатындығы белгісіз. Бұл мәліметтерді құрсақ ішінде нуклеозидтердің (нуклеотидтердің) әсеріне ұшыраған, этиологиясы белгісіз ауыр клиникалық белгілер көрініс берген, атап айтқанда, неврологиялық симптоматика көрініс берген кез келген балада ескеру керек. Ол нәтижелер жүкті әйелдерде АИТВ тұқым қуалайтын берілісін болдырмауға арналған антиретровирустық емді қолдану жөніндегі ағымдағы ұсынымдарға ықпал етпейді. 

Иммундық реактивация синдромы 

АИТВ инфекциясы бар, ауыр иммунтапшылығымен пациенттерде БАРЕ қолдану кезінде симптомсыз немесе қалдықтық оппортунистік патогендерге қабыну реакциясы туындауы және ауыр клиникалық жағдайларды немесе симптомдардың өршуін туғызуы мүмкін. Әдетте, ондай реакциялар БАРЕ бастағаннан кейінгі алғашқы бірнеше апта немесе ай ішінде байқалған. Релевантты мысалдары цитомегаловирустық ретинит, жайылған және/немесе ошақтық микобактериялық инфекциялар және пневмоцистік пневмония болып табылады. 

Кез келген қабыну симптомдарын зерттеу және қажет болған жағдайда, ем тағайындау керек. 

Иммундық реактивация аясында аутоиммундық бұзылулар (Грейвс ауруы және аутоиммундық гепатит сияқты) туындағаны туралы да хабарланды; алайда, басталу уақыты тым өзгеше, ондай құбылыстар емдеуді бастағаннан кейін бірнеше айдан соң көрініс беруі мүмкін. 

Остеонекроз

Этиологиясы көпфакторлы (кортикостероидтарды қолдануды, алкоголь пайдалануды, ауыр иммуносупрессияны, дене салмағы индексінің жоғарырақ болуын қоса) болып есептелгенімен, остеонекроз жағдайлары, атап айтқанда, үдемелі АИТВ ауруы бар және/немесе ұзақмерзімді БАРЕ әсеріне ұшыраған пациенттерде дамығаны туралы хабарланған. Буын ауырулары, буындардың сіресуі немесе қимыл-қозғалыс кезіндегі қиындықтар пайда болған жағдайда, пациенттерге медициналық көмекке жүгінуге кеңес беру керек. 

АИТВ-1 мутациялары бар пациенттер 

K65R, M184V/I немесе K103N мутацияларымен АИТВ-1 бар пациенттерде Эфавиренз/Эмтрицитабин/Тенофовир - КРКА препаратын қолданбаған дұрыс. 

Егде жастағы пациенттер

Эфавиренз/эмтрицитабин/тенофовир дизопроксил біріктірілімі 65 жастан асқан пациенттерде зерттелмеген. Егде жастағы пациенттерде бауыр немесе бүйрек функциясының төмендеуі жиі байқалады, сондықтан да, егде жастағы пациенттерді Эфавиренз/Эмтрицитабин/Тенофовир - КРКА біріктірілімімен емдеуде сақтық таныту керек.  

Бала туатын жастағы әйелдер (төменнен қараңыз) 

Эфавиренз/Эмтрицитабин/Тенофовир - КРКА препаратын қабылдап жүрген әйелдер жүктіліктен сақтануы керек. Бала туатын жастағы әйелдер  Эфавиренз/Эмтрицитабин/Тенофовир - КРКА препаратын қабылдауды бастағанға дейін жүктілікті анықтауға арналған тест жүргізуі тиіс. 

Ерлер мен әйелдердегі контрацепция

Эфавиренз/Эмтрицитабин/Тенофовир - КРКА препаратымен емделу кезінде контрацепцияның басқа әдістерімен (мысалы, пероральді немесе басқа гормоналды контрацептивтермен) бірге әрдайым бөгеттік контрацепцияны пайдалану керек. 

Эфавиренздің жартылай шығарылу кезеңінің ұзақтығы салдарынан, Эфавиренз/Эмтрицитабин/Тенофовир - КРКА препаратын қабылдауды тоқтатқаннан кейін 12 апта бойы ұрықтануға қарсы тиімді дәрілерді пайдалану ұсынылады. 

 

Басқа дәрілік препараттармен өзара әрекеттесуі

Эфавиренз/Эмтрицитабин/Тенофовир - КРКА біріктірілімінің құрамында эфавиренз, эмтрицитабин және тенофовир дизопроксил болғандықтан, осы аталған заттарда жеке-жеке анықталған кез келген өзара әрекеттесулер Эфавиренз/Эмтрицитабин/Тенофовир - КРКА препаратын қабылдағанда да байқалуы мүмкін.  Аталған заттармен өзара әрекеттесулерді зерттеулер тек ересектерде жүргізілген. 

Бекітілген біріктірілім ретінде, Эфавиренз/Эмтрицитабин/Тенофовир - КРКА препаратын құрамында эмтрицитабин немесе тенофовир дизопроксил компоненттері бар басқа дәрілік заттармен бір мезгілде қолданбау керек.  Егер бұл дозасын түзету үшін қажет болмаса, Эфавиренз/Эмтрицитабин/Тенофовир - КРКА препаратын құрамында эфавиренз бар препараттармен, мысалы рифампицинмен бір мезгілде қолданбаған дұрыс.

Эмтрицитабинмен ұқсастығы салдарынан Эфавиренз/Эмтрицитабин/ Тенофовир-КРКА препаратын ламивудин сияқты цитидиннің басқа аналогтарымен бір мезгілде қолданбау керек.  Эфавиренз/Эмтрицитабин/Тенофовир - КРКА препаратын адефовир дипивоксилмен немесе құрамында тенофовир алафенамид бар дәрілік заттармен бір мезгілде қолданбау керек. 

Эфавиренз CYP3A4, CYP2B6 және UGT1A1 in vivo индукторы болып табылады. Эфавирензбен бірге қолданылғанда, аталған ферменттердің субстраттары болып табылатын қосылыстардың плазмадағы концентрациялары төмендеуі мүмкін. Эфавиренз CYP2C19 бен CYP2C9 индукторы болуы мүмкін; алайда, in vitro тежеуі де  байқалған, және аталған ферменттердің субстраттарымен бір мезгілде қолданылуының толық әсері түсініксіз. 

Эфавиренздің әсері CYP3A4 немесе CYP2B6 белсенділігін тежейтін дәрілік заттарды (мысалы, ритонавир) немесе тағам өнімдерін (мысалы, грейпфрут шырынын) пайдаланғанда арта түседі. Аталған ферменттерді индукциялайтын қосылыстар немесе өсімдік тектес препараттар (мысалы, гинкго билоба экстрактілері және шайқурай), эфавиренздің плазмадағы концентрациясының төмендеуіне алып келуі мүмкін. Шайқурайды қатарлас қолдануға болмайды. Гинкго билоба экстрактілерін қатарлас қолдану ұсынылмайды. 

Ээмтрицитабин және тенофовир дизопроксилдің қатысуымен, CYP-түрткі болатын, басқа дәрілік препараттармен өзара әрекеттесулерінің ықтималдылығы төмен екендігі айтылды.

Каннабиноидтармен өзара әрекеттесуінің зерттеулері  

Эфавиренз каннабиноидтық рецепторлармен байланыспайды. Инфекция жұқтырмаған және АИТВ инфекциясы бар, эфавирензді қабылдаған пациенттердегі кейбір скринингілік талдаулар кезінде несептегі каннабиноидтар талдауының жалған оң нәтижелері туралы хабарланған. Ондай жағдайларда газды хроматография/масс-спектрометрия сияқты анағұрлым спецификалық әдісті пайдаланып алдын ала тестілеу жүргізу ұсынылады. 

Қатарлас қолдануға болмайтын жағдайлар 

Эфавиренз/Эмтрицитабин/Тенофовир - КРКА препаратын терфенадинмен, астемизолмен, цизапридпен, мидазоламмен, триазоламмен, пимозидпен, бепридилмен немесе қастауыш алкалоидтарымен (мысалы, эрготаминмен, дигидроэрготаминмен, эргоновинмен және метилэргоновинмен) бірге қолданбаған дұрыс, өйткені, олардың метаболизмінің тежелуі өмірге қауіпті елеулі құбылыстарға алып келуі мүмкін. 

Элбасвир/Гразопревир 

Элбасвирмен және гразопревирмен емдеуге вирусологиялық жауаптың төмендеуі мүмкіндігіне байланысты, Эфавиренз/Эмтрицитабин/Тенофовир -КРКА препаратын элбасвирмен/гразопревирмен бірге қолдануға болмайды.  

Вориконазол

Эфавиренз бен вориконазолдың стандартты дозаларын бір мезгілде қолдануға болмайды. Эфавиренз/Эмтрицитабин/Тенофовир -КРКА препараты дозалары бекітілген препарат болып табылатындықтан, эфавиренздің дозасын өзгерту мүмкін емес; сондықтан вориконазол мен Эфавиренз/Эмтрицитабин/Тенофовир - КРКА  бір мезгілде қолданылмауы тиіс. 

Шайқураймен (Hypericum perforatum)

Эфавиренз/Эмтрицитабин/Тенофовир - КРКА препараты мен шайқурайды немесе құрамында шайқурай  бар, шөптен жасалған препараттарды бір мезгілде қолдануға болмайды. Шайқурайдың бірге қолданудың есебінен, препаратты метаболиздейтін ферменттердің, және/немесе шайқурайды тасымалдайтын ақуыздардың индукциясы салдарынан эфавиренздің плазмадағы деңгейлері азаюы мүмкін. Егер пациент шайқурайды қабылдап жүрген болса, шайқурайды қабылдауын тоқтатыңыз, вирустың бар-жоқтығын және, егер мүмкін болса, эфавиренздің деңгейін тексеріңіз. Шайқурайды  қабылдауды тоқтатқанда эфавиренздің деңгейі жоғарылауы мүмкін. Шайқурайдың тежегіштік әсері емдеу тоқтатылғаннан кейін кемінде 2 аптадан аса сақталуы мүмкін. 

QT аралығын ұзартатын препараттар 

Эфавиренз/Эмтрицитабин/Тенофовир - КРКА препаратын QTc аралығын ұзартатыны белгілі және екібағытты тахикардияға алып келуі мүмкін: аритмияға қарсы IA және III класты дәрілер, нейролептиктер және антидепрессанттар, келесі кластарға жататын кейбір препараттарды: макролидтерді, фторхинолондарды қоса, кейбір антибиотиктер, зеңге қарсы имидазолдық және триазолдық агенттер, кейбір седативтік емес антигистаминдік препараттар (терфенадин, астемизол), цизаприд, флекаинид, безгекке қарсы кейбір препараттар және метадон) сияқты препараттармен бірге қолдануға болмайды. 

Бір мезгілде қолдану ұсынылмайды 

Атазанавир/ритонавир 

Атазанавир/ритонавирді эфавиренз/эмтрицитабин/тенофовир дизопроксилмен бірге дозалау жөнінде ұсынымдар беру үшін деректер жеткіліксіз. Сондықтан, атазанавир/ритонавир мен Эфавиренз/Эмтрицитабин/Тенофовир - КРКА препаратын бірге қолдану ұсынылмайды. 

Диданозин

Эфавиренз/Эмтрицитабин/Тенофовир - КРКА мен диданозинді бір мезгілде қолдану ұсынылмайды. 

Софосбувир/велпатасвир және софосбувир/велпатасвир/воксилапревир.  

Эфавиренз/Эмтрицитабин/Тенофовир - КРКА мен софосбувир/велпатасвирді немесе софосбувир/велпатасвир/воксилапревирді бір мезгілде қолдану ұсынылмайды. 

Глекапревир/пибрентасвир

Тенофовир дизопроксил фумараты, эмтрицитабин және эфавиренздің бекітілген біріктірілімін глекапревирмен/ пибрентасвирмен қолдану ұсынылмайды.

Бүйрек арқылы шығарылатын дәрілік препараттар

Эмтрицитабин мен тенофовир негізінен бүйрек арқылы шығарылатындықтан, Эфавиренз/Эмтрицитабин/Тенофовир - КРКА препаратын бүйрек функциясын төмендететін немесе белсенді өзекшелік секреция үшін бәсекелесетін дәрілік заттармен (мысалы цидофовир)  бір мезгілде қолдану, эмтрицитабиннің, тенофовирдің және/немесе қатарлас дәрілік заттардың концентрациясын арттыруы мүмкін. 

Эфавиренз/Эмтрицитабин/Тенофовир - КРКА препаратының нефроуытты дәрілік препарат бірге немесе жуырда қолданылғаннан кейін қолданылуын болдырмау керек.  Кейбір мысалдарына аминогликозидтер, амфотерицин В, фоскарнет, ганцикловир, пентамидин, ванкомицин, цидофовир немесе интерлейкин-2 жатады. 

Басқа дәрілік заттармен жүргізілген зерттеулер

Эфавирензді азитромицинмен, цетиризинмен, фосампренавирмен/ритонавирмен, лоразепаммен, нелфинавирмен, зидовудинмен, алюминий/магний гидроксидінің антацидтерімен, фамотидинмен немесе флуконазолмен бірге қолданғанда, клиникалық тұрғыдан маңызды фармакокинетикалық өзара әрекеттесулері анықталған жоқ. Эфавиренздің кетоконазол сияқты азолдар тобының зеңге қарсы басқа препараттарымен өзара әрекеттесуін зерттеулер жүргізілген жоқ.

Эмтрицитабинді ставудинмен, зидовудинмен немесе фамцикловирмен бірге қолданғанда, клиникалық тұрғыдан маңызды фармакокинетикалық өзара әрекеттестік анықталған жоқ. Тенофовир дизопроксилді эмтрицитабинмен, нелфинавирмен немесе рибавиринмен бірге қолданғанда, клиникалық тұрғыдан маңызды фармакокинетикалық өзара әрекеттестік анықталған жоқ.

 

Арнайы ескертулер

Педиатрияда қолданылуы

Эфавиренз/Эмтрицитабин/Тенофовир - КРКА препаратын балалар мен 18 жасқа дейінгі жасөспірімдерде қолданудың қауіпсіздігі мен тиімділігі анықталмаған. 

Жүктілік немесе лактация кезінде 

Ұрпақ өрбітетін жастағы әйелдер

Эфавиренз/эмтрицитабин/тенофовирді қабылдап жүрген әйелдер жүктіліктен сақтануы керек. Бала туатын жастағы әйелдерге эфавиренз/эмтрицитабин/тенофовир таблеткаларымен емделуді бастар алдында әуелі жүктілікті анықтауға арналған тест жүргізу қажет.

Ерлер мен әйелдердегі контрацепция

Эфавиренз/эмтрицитабин/тенофовир таблеткаларын қолданып емдеу кезінде контрацепцияның қалған әдістеріне (мысалы, пероральді немесе басқа гормоналды контрацептивтермен) қосымша, міндетті түрде бөгеттік контрацепция пайдаланылуы тиіс. Эфавиренздің жартылай шығарылу кезеңінің ұзақтығына байланысты, эфавиренз/эмтрицитабин/тенофовир таблеткаларын қабылдау аяқталғаннан кейін 12 апта бойы тиімді контрацепция шараларын пайдалану ұсынылады.

Жүктілік

Эфавиренз

Жүйке түтігінің ақауларына сәйкес келетін жағдайлар, соның ішінде, менингомиелоцелеле туралы, барлығы да бірінші триместрде құрамында эфавиренз бар емдеу кестелерінің (құрамында дозасы бекітілген эфавиренз біріктірілімі бар кез келген таблеткалардан басқа) әсеріне ұшыраған аналарда хабарланған. Дозалары бекітілген, құрамында эфавиренз, эмтрицитабин және тенофовир дизопроксил біріктірілімі бар таблеткаларды қабылдағанда жүйке түтігінің  ақауларымен сәйкес келген құбылыстарды қамтыған жағдайлар туралы да хабарланды. Аталған құбылыстардың эфавирензді қолданумен себеп-салдарлық байланыстылығы анықталмаған, және әсер етуші заты белгісіз. Жүйке түтігінің ақаулары ұрық дамуының алғашқы 4 аптасы ішінде (жүйке түтіктері айқындала бастағанда) туындайтындықтан, бұл ықтимал қауіп жүктілігінің алғашқы триместрі кезінде эфавиренздің әсеріне ұшыраған әйелдерге қатысты болады.

Бірінші триместрде құрамында эфавиренз бар кестелердің әсеріне ұшыраған 904 жүктілік туралы, соның нәтижесінде 766 тірі бала туылғаны және бір балада жүйке түтігінің ақауы болғаны туралы, ал туа біткен басқа ақаулардың жиілігі мен сипаты құрамында эфавиренз жоқ емдеу кестелерінің әсеріне ұшыраған балаларда, сондай-ақ, АИТВ бақылауы теріс пациенттерде байқалғандармен ұқсас болғаны хабарланды. Жалпы популяцияда жүйке түтіктерінің ақауларына шалдығу тірі туылған 1000 бала арасынан 0,5-1 жағдайдан бастап ауытқып отырады.

Эфавирензді қабылдаған маймылдарда шарана қалыптасуының бұзылулары анықталды.

Эмтрицитабин және тенофовир дизопроксил

Жүкті әйелдер туралы мәліметтердің көп көлемі (жүктіліктің 1000-нан астам жағдайы) эмтрицитабин мен тенофовир дизопроксилді қабылдағанда мальформациялардың немесе фетальді/неонатальді уыттылықтың болмайтындығын көрсетіп отыр.

Егер әйелдің клиникалық жағдайы Эфавирензбен/Эмтрицитабинмен/Тенофовир дизопроксилмен емдеуді қажет етпесе, Эфавиренз/Эмтрицитабин/Тенофовир - КРКА препаратын жүктілік кезінде қолданбау керек.

Лактация кезеңі

Эфавиренз, эмтрицитабин және тенофовир емшек сүтіне өтеді. Эфавиренздің, эмтрицитабиннің және тенофовирдің жаңа туған нәрестелерге/сәбилерге ықпалы туралы жеткілікті ақпарат жоқ.

Сәбилер үшін қауіптілігін жоққа шығаруға болмайды. Сондықтан,  Эфавиренз/Эмтрицитабин/Тенофовир - КРКА препаратын бала емізу кезінде қолданбаған дұрыс.

Әдетте, АИТВ инфекциясы бар әйелдерге, АИТВ балаға берілуін болдырмау үшін, бала емізу ұсынылмайды.

Кейбір қосымша заттары туралы айрықша ақпарат  

Натрий

Препараттың бір таблеткасының құрамы 1 ммоль натрийден (23 мг) аз, яғни, құрамында натрий жоқ дерлік.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Автокөлікті басқару және механизмдермен жұмыс істеу қабілетіне әсерін зерттеу жүргізілмеген. Алайда, эфавирензбен, эмтрицитабинмен және тенофовир дизопроксилмен емделу кезінде бас айналуы туралы хабарланған. Сондай-ақ, эфавиренз зейін қоюдың бұзылуын және/немесе ұйқышылдықты туғызуы мүмкін. Пациенттерге, ондай симптомдар көрініс берген жағдайда, көлік құралдарын немесе қауіптілігі зор механизмдерді басқарудан аулақ болу керектігін айту қажет.

 

Қолдану жөніндегі нұсқаулар

Дозалау режимі

Эфавиренз/Эмтрицитабин/Тенофовир - КРКА препаратымен антиретровирустық емді қабылдауды бастар алдында пациенттерде алдыңғы АИТВ инфекциясына қарсы басқа препараттармен емдеу кезінде сәтсіз нәтиже болмауы тиіс. Егер бұрын емдеу сәтсіз аяқталған жағдайлар болса, онда вирус мутациясы орын алған болуы мүмкін және пациенттің өзіндегі вирус буынының, препараттың үш компонентінің әрқайсысына төзімділігі міндетті түрде тексерілуі (яғни, эфавирензге, эмтрицитабинге және тенофовирге төзімділікке тестілеуден өтуі) қажет. Егер препараттың үш компонентінің кез келгеніне айқын төзімділік анықталса, онда аталған емді қолдану талапқа сай келмейді. Емді АИТВ инфекциясын емдеуде тәжірибесі бар дәрігер тағайындауы тиіс. 

Дозасы

Ересектер

Эфавиренз/Эмтрицитабин/Тенофовир – КРКА препаратының ұсынылатын дозасы тәулігіне бір рет ішке қабылданатын бір таблетканы құрайды. 

Егер пациент Эфавиренз/Эмтрицитабин/Тенофовир - КРКА препаратының дозасын қабылдауды өткізіп алса, және дозасын қабылдаудың әдеттегі уақытынан 12 сағаттан аз уақыт өтсе, онда пациент Эфавиренз/Эмтрицитабин/Тенофовир - КРКА препаратын барынша тезірек қабылдап алуы және препаратты қабылдаудың әдеттегі режиміне оралуы керек. Егер дозасын қабылдауды өткізіп алғаннан кейін 12 сағаттан артық уақыт өтіп кеткен жағдайда және препараттың келесі дозасын қабылдау уақыты таяп қалса, онда пациент өткізіліп алған дозасын қабылдамауы, ал кезекті дозасын препаратты қабылдаудың әдеттегі режиміне сәйкес қабылдауы керек.  

Егер Эфавиренз/Эмтрицитабин/Тенофовир - КРКА препаратын қабылдаудан кейінгі 1 сағат ішінде пациентте құсу туындаса, тағы бір таблеткасын қабылдау керек. Егер пациентте құсу Эфавиренз/Эмтрицитабин/Тенофовир - КРКА қабылдағаннан кейін 1 сағаттан артық уақыт өткен соң туындаса, онда оған басқа басқа дозасын қабылдау керек емес. 

Эфавиренз/Эмтрицитабин/Тенофовир - КРКА препаратын аш қарынға қабылдау ұсынылады, өйткені ас ішу эфавиренздің әсерін арттыруы және жағымсыз реакциялары жиілігінің артуына алып келуі мүмкін. Эфавиренздің жүйке жүйесі тарапынан жағымсыз әсерлеріне қатысты көтерімділігін жақсарту үшін, препаратты ұйықтар алдында қабылдауға кеңес беріледі. 

Дара тенофовир дизопроксилі компонентін тамақпен бірге қабылдаумен салыстырғанда, Эфавиренз/Эмтрицитабин/Тенофовир - КРКА препаратын ашқарынға қабылдағаннан кейін тенофовирдің әсері (AUC) шамамен 30%-ға төмен болады деп шамаланады. Клиникада қолдануға көшкен кезде фармакокинетикалық әсерінің төмендегені туралы мәліметтер жоқ. Вирусологиялық бәсеңдеу болған пациенттерде бұл төмендеуінің клиникалық маңыздылығы шектеулі болуы мүмкін деп күтіледі. 

Эфавиренз/Эмтрицитабин/Тенофовир - КРКА компоненттерінің біреуімен емдеуді тоқтату қажет болған немесе, дозасын түзету қажет болған жағдайда, жекелеген эфавиренз, эмтрицитабин және тенофовир дизопроксил препараттары бар. Аталған дәрілік препараттардың қысқаша сипаттамаларымен танысып шығу ұсынылады. Эфавиренз/Эмтрицитабин/Тенофовир - КРКА препаратымен емдеуді тоқтатқанда, эфавиренздің жартылай шығарылу кезеңінің ұзақтығына және эмтрицитабин мен тенофовирдің жартылай шығарылуының жасушаішілік ұзақ кезеңдеріне назар аудару қажет. Пациенттер арасында аталған параметрлердің және резистенттіліктің дамуымен байланысты мәселелерде айырмашылықтар болғандықтан, АИТВ емдеу жөніндегі нұсқаулықтардағы ақпараттарға жүгіну, сондай-ақ, емнің тоқтатылу себебін ескеру керек. 

Дозасын түзету:  Эфавиренз/Эмтрицитабин/Тенофовир - КРКА препаратын рифампицинмен бірге қолданғанда, дене салмағы 50 кг және одан үлкен пациенттерде, эфавиренздің тәулігіне 200 мг қосымша дозасын (жалпы дозасы 800мг) қолдану мүмкіндігін қарастыруға болады. 

Пациенттердің ерекше топтары

Егде жастағы пациенттер

Эфавиренз/Эмтрицитабин/Тенофовир - КРКА препаратын егде жастағы пациенттерде сақтықпен қолдану керек. 

Бүйрек жеткіліксіздігі бар пациенттер

Эфавиренз/Эмтрицитабин/Тенофовир - КРКА препараты бүйректің орташа немесе ауыр жеткіліксіздігі бар (креатинин клиренсі (CrCl) <50 мл/мин) пациенттерде қолдану үшін ұсынылмайды.  Бүйректің орташа немесе ауыр жеткіліксіздігі бар пациенттерде эмтрицитабин мен тенофовир дизопроксилі дозаларын қабылдаудың аралығын түзету қажет, бұған біріктірілген препаратты қабылдағанда қол жеткізу мүмкін емес.  

Бауыр жеткіліксіздігі бар пациенттер

Бауыр жеткіліксіздігі бар пациенттерде Эфавиренз/Эмтрицитабин/Тенофовир - КРКА препаратының фармакокинетикасы зерттелмеген. Бауыр функциясы бұзылуының жеңіл дәрежесі (Чайлд-Пью-Туркотт (CPT), A класы) бар пациенттер Эфавиренз/Эмтрицитабин/Тенофовир - КРКА препаратын әдетте ұсынылатын дозасында қолдануына болады.

Пациенттердің жағдайын жағымсыз реакциялардың, әсіресе, жүйке жүйесі тарапынан  эфавирензді қабылдаумен байланысты симптомдардың болуына қатысты мұқият бақылау керек.  

АИТВ инфекциясы мен В гепатиті вирусын бір мезгілде жұқтырған пациенттерде Эфавиренз/Эмтрицитабин/Тенофовир - КРКА препаратын тоқтатқанда, аталған пациенттердің жағдайын гепатиттің өршуіне қатысты мұқият бақылау қажет. 

Балалар

Эфавиренз/Эмтрицитабин/Тенофовир - КРКА препаратын балалар мен 18 жасқа дейінгі жасөспірімдерде қолданудың қауіпсіздігі мен тиімділігі анықталмаған. 

Енгізу әдісі және жолы

Ішке қабылдауға арналған

Эфавиренз/Эмтрицитабин/Тенофовир - КРКА таблеткаларын тәулігіне бір рет тұтастай, сумен ішіп жұту керек. 

Артық дозаланған жағдайда қолдану қажет шаралар  

Байқаусызда 600 мг эфавирензді  күніне екі рет қабылдап қойған кейбір пациенттерде жүйке жүйесі тарапынан симптомдардың жиілігі мен ауырлығының артқаны байқалған. Бір пациентте бұлшықеттердің еріксіз жиырылулары байқалған.

Артық дозаланған жағдайда, пациент должен находиться под наблюдением уыттылық белгілеріне қатысты қадағалауда болуы тиіс, сондай-ақ, қажет болған жағдайда, стандартты демеуші емді қолдану керек.  

Сіңірілмеген эфавирензді шығару шарасы ретінде белсендірілген көмірді қабылдауды пайдалануға болады. Эфавиренздің артық дозалануы жағдайындағы арнайы антидоты жоқ. Бұл препарат плазма ақуыздарымен берік байланысатындықтан, оның елеулі мөлшерінің кезінде шығарылу ықтималдығы аз.

Эмтрицитабиннің 30%-ға дейінгі және тенофовирдің 10%-ға жуық дозасын гемодиализдің көмегімен шығаруға болады. Эмтрицитабин немесе тенофовирдің перитонеальді диализдің көмегімен шығарылатын-шығарылмайтындығы белгісіз.

Дәрілік препараттың бір немесе бірнеше дозасын жіберіп алғанда қажетті шаралар 

Эфавиренз/Эмтрицитабин/Тенофовир – КРКА препаратын қабылдауды жіберіп алмау маңызды.

Әдеттегі қабылдау уақытынан бастап 12 сағат ішінде Эфавиренз/Эмтрицитабин/Тенофовир - КРКА дозасын өткізіп алсаңыз, оны мүмкіндігінше тезірек, содан кейін келесі дозаны әдеттегі уақытта қабылдау керек.

Егер келесі дозасын қабылдау уақыты жақындап қалса (12 сағаттан аз болса), препараттың өткізіп алған дозасы қабылданбауы тиіс. Келесі дозасын әдеттегі уақытында қабылдау керек. Өткізіп алған дозаның орнын толтыру үшін дозаны екі еселеп қабылдауға болмайды.

Егер пациентте құсу орын алса (Эфавиренз/Эмтрицитабин/Тенофовир – КРКА препаратын қабылдағаннан кейін 1 сағат ішінде), басқа таблеткасын қабылдау керек. Егер пациент Эфавиренз/Эмтрицитабин/Тенофовир – КРКА препаратын қабылдағаннан кейін 1 сағаттан кейін құсатын болса, басқа таблеткасын қабылдамаған дұрыс.

Дәрілік препаратты қолдану тәсілін түсінру үшін медицина қызметкерінің кеңесіне жүгіну бойынша нұсқаулар

Осы дәрілік препаратты қолдану жөнінде қосымша сұрақтар туындаған жағдайда, емдеуші дәрігердің немесе фармацевттің кеңесіне жүгіну керек. ДП стандартты қолдану кезінде көрініс табатын Жағымсыз реакциялардың сипаттамасы және осы жағдайда қабылдануы керек шаралар 

 

Қауіпсіздік бейінінің қысқаша сипаттамасы

Жағымсыз реакциялары, әдетте, осының алдында жекелеген компоненттерін зерттеулерде байқалған осындайларға сәйкес келіп отырған. 48 аптаға дейін ем қабылдаған пациенттер арасында анағұрлым жиі көрініс берген, эфавирензбен/эмтрицитабинмен/тенофовир дизопроксилмен байланысты болуы мүмкін немесе ықтималдығы аз  жағымсыз реакциялар психикалық бұзылыстар (16%), жүйке жүйесі тарапынан бұзылулар (13%) және асқазан-ішек жолы тарапынан бұзылулар (7%) болып табылды.

Стивенс-Джонсон синдромы және мультиформалы эритема сияқты терінің ауыр реакциялары; нейропсихиатриялық жағымсыз реакциялар (ауыр депрессияны, суицидтен болған өлімді, психоз тәрізді мінез-құлықты, құрысуларды қоса); бауыр тарапынан ауыр жағымсыз әсерлер; панкреатит және лактоацидоз (кейде өлімге соқтырған) тіркелді.

Сонымен қатар, бүйрек функциясының бұзылуы, бүйрек жеткіліксіздігі дамыған және жиі болмаса да, бүйректің проксимальді тубулопатиясы (Фанкони синдромын қоса) дамып, кейде сүйек тінінің бұзылуларына соқтырған (сирек жағдайларда, сынуларға ықпал ететін) сирек жағдайлар туралы хабарланды. Эфавиренз / Эмтрицитабин / Тенофовир - КРКА қабылдап жүрген пациенттерде бүйрек функциясына мониторинг жүргізу ұсынылады.

Бір мезгілде АИТВ инфекциясы мен В гепатиті вирусын жұқтырған пациенттерде Эфавиренз / эмтрицитабин / тенофовир дизопроксилмен емдеуді тоқтату, гепатиттің ауыр өршуін туғызуы мүмкін.

Эфавиренз/Эмтрицитабин/Тенофовир - КРКА препаратын тамақпен бірге қолдану эфавиренздің концентрациясын жоғарылатуы және жағымсыз реакцияларының дамуы жиілігінің артуын туғызуы мүмкін.

 

Жағымсыз реакцияларының тізімі

Біріктірілген антиретровирустық ем кезінде эфавиренз/эмтрицитабин/ тенофовир дизопроксилді және жекелеген эфавиренз/эмтрицитабин/тенофовир дизопроксил компоненттерін қолданғандағы жағымсыз реакциялар төменде, көрініс беру жиіліктерне қарай келтірілген. Әрбір туындау жиілігі тобының аясында, жағымсыз әсерлері ауырлығының азаю тәртібімен берілген. Жиіліктері келесі топтар бойынша жіктелген: өте жиі (≥1/10), жиі (≥1/100 - <1/10 дейін), жиі емес (≥1/1,000 - <1/100 дейін), немесе сирек (≥1/10,000 - <1/1,000 дейін).

Эфавирензді/ эмтрицитабинді/ тенофовир дизопроксилді қолданумен байланысты жағымсыз реакциялар

Емдеу басталғаннан кейін туындаған, эфавирензді/эмтрицитабинді/тенофовир дизопроксилді қолданумен байланысты болуы мүмкін немесе ықтималдығы  аз, эфавиренз/эмтрицитабин/тенофовир дизопроксил компоненттерінің біреуін қолданумен байланысты болмаған жағымсыз реакцияларға мыналар кіреді:

Жиі

• анорексия

Жиі емес

• ауыздың құрғауы

• байланыссыз сөйлеу

• тәбеттің жоғарылауы

• либидоның төмендеуі

• миалгия

 

Эфавиренз

Өте жиі

- тері бөртпесі (11,6%-ында орташадан ауыр түріне дейін, 18%-ында барлық түрлері)3

Жиі

- гипертриглицеридемия3

- депрессия (1,6%-ында ауыр түрі)3

- мазасыздық3 

- патологиялық түс көрулер3

- ұйқысыздық3

- мишықтық қимыл-қозғалыс үйлесімі мен тепе-теңдіктің бұзылулары3, ұйқышылдық (2,0%)3, бас ауыруы (5,7%)3, зейін қоюдың бұзылулары (3,6%)3, бас айналуы (8,5%)3

- диарея, құсу, іш ауыруы, жүрек айнуы

- аспартатаминотрансфераза (AST) деңгейінің жоғарылауы, аланинаминотрансфераза (ALT) деңгейінің жоғарылауы, гаммаглутамилтрансфераза (GGT) деңгейінің жоғарылауы

- терінің қышынуы

- қатты қажу

Жиі емес

- аса жоғары сезімталдық

- гиперхолестеринемия3

- суицид әрекеттері3, суицидке ниеттену3, психоз3, мания3, параноидтық мінез-құлық3, елестеулер3, эйфорияға бейім көңіл-күй3, аффективтік орнықсыздық3, сананың шатасуы3, озбырлық3, кататония3

- құрысулар3, амнезия3, ойлаудың бұзылуы3, атаксия3, қимыл-қозғалыс үйлесімінің бұзылуы3, үрейлі қозу3, тремор

- көру арқылы қабылдаудың анық болмауы   

- құлақтың шыңылдауы, вертиго

- бет терісіне қан тебулер   

- панкреатит

- жедел гепатит

- Стивенс-Джонсон синдромы, көпформалы эритема3, терінің ауыр бөртпесі (< 1%)

- гинекомастия

Сирек

- суицид салдарынан болған өлім3,4, еліру3,4, невроз3,4  

- бауыр жеткіліксіздігі3,4  

- фотоаллергиялық дерматит

 

Эмтрицитабин

Өте жиі

- бас ауыруы

- диарея, жүрек айнуы

- креатинкиназа деңгейінің жоғарылауы

Жиі

- нейтропения

- аллергиялық реакциялар

- гипергликемия, гипертриглицеридемия

- патологиялық түс көрулер, ұйқысыздық

- бас айналуы  

- ұйқы безі амилазасы деңгейінің жоғарылауын қоса, амилаза деңгейінің жоғарылауы, сарысудағы липаза деңгейінің жоғарылауы,

- құсу, іш ауыруы, диспепсия

- аспартатаминотрансфераза (AST) деңгейінің жоғарылауы және/немесе аланинаминотрансфераза (ALT) деңгейінің жоғарылауы, гипербилирубинемия

- везикулалық-буллездік бөртпе, пустулалық бөртпе, макулопапулалық  бөртпе, тері бөртпесі, терінің қышынуы, есекжем, тері түсінің өзгеруі (пигментацияның жоғарылауы)1

- ауырсыну сезімдері, астения 

Жиі емес

- анемия1

- ангионевроздық ісіну4

 

Тенофовир дизопроксил

Өте жиі

- гипофосфатемия 2

- бас айналуы  

- диарея, құсу, жүрек айнуы

- тері бөртпесі

- астения

Жиі

- бас ауыруы

- іштің ауыруы, іштің кебуі, метеоризм

- трансаминазалар деңгейінің жоғарылауы

Жиі емес

- гипокалиемия2

- панкреатит

- рабдомиолиз2, бұлшықет әлсіздігі2

- креатинин деңгейінің жоғарылауы, протеинурия, Фанкони синдромын қоса, бүйректің проксимальді тубулопатиясы  

Сирек

- лактоацидоз

- бауыр стеатозы, гепатит

- ангионевроздық ісіну 

- остеомаляция (сүйектердің ауыруымен көрініс береді және сирек жағдайда сынуларға ықпал етеді)2,4, миопатия2

- бүйрек жеткіліксіздігі (жедел және созылмалы), жедел тубулярлық некроз, нефрит (жедел интерстициальді нефритті қоса)4, нефрогенді қанттық емес диабет

 

1Анемия жиі көрініс берген, және тері түсінің өзгеруі (пигментация жоғарылауы) эмтрицитабинді балаларда қолданғанда өте жиі көрініс берген.

2 Бұл жағымсыз реакция бүйректің проксимальді тубулопатиясының нәтижесінде туындауы мүмкін. Аталған ауру болмаған жағдайда, ол тенофовир дизопроксилді қолданумен себептік тұрғыдан байланысты деп есептелмейді.

3 Толығырақ ақпаратты "Жағымсыз реакциялардың сипаттамасы" бөлімінен қараңыз.

4 Бұл жағымсыз реакция эфавирензге, эмтрицитабинге немесе тенофовир дизопроксилге маркетингтен кейін қадағалау жүргізген кезде анықталған.

 

Жекелеген жағымсыз реакцияларының сипаттамасы

Бөртпе

Эфавиренздің клиникалық зерттеулерінде бөртпе, әдетте, жеңіл және орташа дәрежелі макулопапулалық бөртпе түрінде болды, ол эфавирензбен емдеу басталғаннан кейінгі алғашқы екі апта ішінде пайда болған.

Пациенттердің көпшілігінде бөртпе симптомдары эфавирензбен емдеуді жалғастырғанда бір ай ішінде басылған. Емдеу бөртпеге байланысты тоқтатылған пациенттерде Эфавиренз/Эмтрицитабин/Тенофовир - КРКА препаратын қабылдауды қайта бастауға болады. Эфавиренз/Эмтрицитабин/Тенофовир - КРКА препаратын қабылдау қайта басталған жағдайда, сәйкесінше антигистаминдік препараттарды және/немесе кортикостероидтарды қолдану ұсынылады.

Психикалық симптомдар 

Анамнезінде психикалық бұзылыстары бар пациенттер эфавиренз бағанында атап келтірілген ауыр психикалық жағымсыз реакциялардың даму қаупінің жоғарылауына ұшырайды.

Жүйке жүйесі тарапынан симптомдар  

Эфавиренз/Эмтрицитабин/Тенофовир - КРКА біріктірілімі компоненттерінің бірі эфавирензді қабылдағанда жүйке жүйесінің симптомдары жиі кездеседі. Эфавирензді қолданғанда пациенттердің 19%-ында жүйке жүйесінің орташадан ауыр дәрежеге дейінгі (2%-ында ауыр) симптомдары байқалған, ал пациенттердің 2%-ында ондай симптомдардың салдарынан, емдеу тоқтатылған. Әдетте, олар эфавирензбен емдеудің алғашқы немесе екі күні ішінде басталады және әдетте, алғашқы екі-төрт аптадан кейін жоғалады. Егер Эфавиренз/Эмтрицитабин/Тенофовир - КРКА препараты тамақпен бірге қабылданса, эфавиренздің плазмадағы деңгейінің жоғарылауы салдарынан, олар жиірек туындауы мүмкін. Дозасын ұйықтар алдында қабылдау, аталған симптомдардың жағымдылығын жақсартуы ықтимал.

Эфавирензді қабылдау кезіндегі бауыр жеткіліксіздігі

Анамнезінде бауыр аурулары немесе идентификацияланған басқа қауіп факторлары болмаған пациенттердегі жағдайларын қоса бауыр жеткіліксіздігі, кейде ағымының қауырттығымен, кейде  трансплантацияға немесе өлімге дейін үдеуімен сипатталған.

Бүйрек функциясының бұзылуы

Эфавиренз/Эмтрицитабин/Тенофовир - КРКА бүйректің зақымдануын туғызуы мүмкін болғандықтан, бүйрек функциясына мониторинг жүргізу ұсынылады. Бүйректің проксимальді тубулопатиясы әдетте, тенофовир дизопроксилді қабылдау тоқтатылғаннан кейін жоғалып кетеді немесе азаяды. Алайда, кейбір пациенттерде тенофовир дизопроксилді қабылдаудың тоқтатылғанына қарамастан, креатинин клиренсінің төмендеуі толық қалпына түспеген. Бүйрек функциясының бұзылу қаупі бар пациенттер (бүйрекке қауіптілігінің бастапқы фактолары бар, АИТВ инфекциясы дамыған пациенттер немесе нефроуытты препараттарды қатарлас қабылдап жүрген пациенттер сияқты) тенофовир дизопроксилмен емдеудің тоқтатылғанына қарамастан, бүйрек функциясының толық қалпына келмеуі қаупінің жоғарылауына ұшырайды.

Лактоацидоз

Лактацидоз жағдайлары туралы тенофовир дизопроксил монотерапиясы кезінде немесе басқа антиретровирустық препараттармен біріктірілген ем кезінде хабарланды. Алдын ала болжайтын факторлары бар пациенттер, атап айтқанда бауырдың декомпенсацияланған ауруы бар пациенттер немесе лактоацидозды туындататыны белгілі ілеспе препараттар алатын пациенттерде өлім жағдайларын қоса, тенофовир дизопроксилмен емдеу кезінде ауыр лактоацидоздың даму қаупі жоғары.

Метаболизмдік параметрлер

Антиретровирустық ем кезінде дене салмағы және қандағы липидтер мен глюкоза деңгейлері жоғарылауы мүмкін.

Иммундық реактивация синдромы 

АИТВ инфекциясы бар, айқын иммун тапшылығымен пациенттерде БАРТ басталған кезде симптомсыз немесе қалдықтық оппортунистік инфекцияларға қабыну реакциясы туындауы мүмкін. Аутоиммундық бұзылулар (Грейвс ауруы және аутоиммундық гепатит сияқты) туралы да хабарланған; алайда, хабарланған басталу уақыты айтарлықтай алуан түрлі, және аталған құбылыстар емдеу басталғаннан кейін бірнеше айдан соң көрініс беруі мүмкін.

Остеонекроз

Остеонекроз жағдайлары туралы, әсіресе, жалпыға ортақ қауіп факторлары бар, АИТВ инфекциясының кейінгі сатысындағы немесе БАРЕ әсеріне ұзақ уақыт бойы ұшыраған пациенттерде хабарланған. Аталған жағдайлардың жиілігі белгісіз.

Балалар

Балалар мен 18 жасқа дейінгі жасөспірімдердегі қауіпсіздігі жөніндегі деректер шектеулі. Пациенттердің аталған тобына Эфавиренз / Эмтрицитабин / Тенофовир - КРКА препаратын қабылдау ұсынылмайды.

Пациенттердің басқа айрықша топтары

Егде жастағы пациенттер

65 жастан асқан пациенттерде Эфавиренз/эмтрицитабин/тенофовир дизопроксил зерттелмеген. Егде жастағы пациенттерде бауыр немесе бүйрек функциясының төмендеуі жиі байқалады, сондықтан егде жастағы пациенттерді Эфавиренз/Эмтрицитабин/Тенофовир - КРКА препаратымен емдеуде сақтық таныту керек.

Бүйрек функциясының бұзылуы бар пациенттер

Тенофовир дизопроксил бүйректің уытты зақымдануын тудыруы мүмкін болғандықтан, бүйректің орташа жеткіліксіздігі бар, Эфавиренз/Эмтрицитабин/Тенофовир - КРКА препаратымен ем қабылдап жүрген пациенттерде бүйрек функциясына мұқият мониторинг жүргізу ұсынылады.

АИТВ және ВГB немесе СГВ коинфекциясы бар пациенттер

АИТВ/ВГB немесе АИТВ/СГВ коинфекциясы бар пациенттерде эфавиренздің, эмтрицитабиннің және тенофовир дизопроксилінің жағымсыз реакцияларының бейіні АИТВ инфекциясы бар, коинфекциясыз пациенттердің бейініне ұқсас болды. Алайда, пациенттердің осы тобында күтілгендей, АИТВ-инфекциясы бар пациенттердің жалпы тобындағыға қарағанда,АСТ және АЛТ деңгейінің жоғарылауы жиірек орын алған.

Емдеуді тоқтатқаннан кейінгі гепатиттің өршулері 

АИТВ инфекциясы бар, ВГB коинфекциясы бар пациенттерде емдеуді тоқтатқаннан кейін гепатиттің клиникалық және зертханалық көріністері туындауы мүмкін.

 

Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

 

Қосымша мәліметтер

Дәрілік препараттың құрамы

Бір таблетканың құрамында

қосымша заттар: микрокристалды целлюлоза, гидроксипропилцеллюлоза (EF типі), натрий лаурилсульфаты, натрий кроскармеллозасы, темірдің қызыл тотығы (Е172), магний стеараты, натрий стеарил фумараты

үлбірлі қабық: үлбірлі қабыққа арналған қоспа (құрамы: поливинил спирті, макрогол 3350, титанның қостотығы (Е171), тальк), темірдің қызыл тотығы (Е172), темірдің сары тотығы (Е172)

 

Сыртқы түрінің, иісінің, дәмінің сипаттамасы  

Сопақша, екі беті дөңес, шеттері қиғаш, ақшыл қызыл сары-қызғылт түсті үлбірлі қабықпен қапталған таблеткалар.

Шығарылу түрі және қаптамасы 

Бұралатын полипропилен қақпағы бар, балалардан қорғалған, құрғатқыш (силикагель) салынған тығыздығы жоғары (HDPE) полиэтиленнен жасалған контейнерге 30 таблеткадан салынады.

1 контейнер медициналық қолдану жөніндегі мемлекеттік және орыс тілдеріндегі нұсқаулықпен бірге картоннан жасалған қорапшаға салынады.  

 

Сақтау мерзімі

2 жыл.

Контейнерді алғашқы ашылуынан кейін 2 айдан асырмай, түпнұсқалық қаптамасында, 25 °С-ден аспайтын температурада сақтау керек.

Құтыны тығыз жауып сақтау керек.

Жарамдылық мерзімі өткеннен кейін қолдануға болмайды!    

 

Сақтау шарттары 

25 °С-ден аспайтын температурада сақтау керек.

Контейнерді алғашқы ашылуынан кейін 2 айдан асырмай, түпнұсқалық қаптамасында, 25 °С-ден аспайтын температурада сақтау керек.

Құтыны тығыз жауып сақтау керек.

Балалардың қолы жетпейтін жерде сақтау керек!  

Дәріханалардан босатылу шарттары

Рецепт арқылы

Өндіруші туралы мәлімет

КРКА, д.д., Ново место

Шмарьешка цеста 6, 8501 Ново место, Словения

тел: +386 7 331 21 11

факс: +386 7 332 15 37

info@krka.biz

 

Тіркеу куәлігінің ұстаушысы

КРКА, д.д., Ново место

Шмарьешка цеста 6, 8501 Ново место, Словения

тел.: +386 7 331 21 11

факс: +386 7 332 15 37

info@krka.biz

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«КРКА Қазақстан» ЖШС

Қазақстан Республикасы, 050059, Алматы қ., Әл-Фараби д-лы 19,

«Нұрлы Тау» БО, корпусы 1б, кеңсе 207

тел.: +7 (727) 311 08 09

факс: +7 (727) 311 08 12

info.kz@krka.biz