Этопозид Эбеве

• русский
• қазақша

• Скачать инструкцию медикамента

Саудалық атауы

Этопозид "Эбеве"

Халықаралық патенттелмеген атауы

Этопозид

Дәрілік түрі

Инфузия үшін ерітінді дайындауға арналған 100 мг/5 мл концентрат

Құрамы

1 мл құрамында

белсенді зат - 20,0 мг этопозид

қосымша заттар: сусыз лимон қышқылы, бензил спирті, макрогол 300, полисорбат 80, 96% этил спирті, азот.

Сипаттамасы

Ашық-сары түсті мөлдір ерітінді

Фармакотерапиялық тобы

Ісікке қарсы препараттар. Өсімдік текті алкалоидтар. Подофиллотоксин туындылары.

АТЖ коды L01CB01

Фармакологиялық қасиеттері

Фармакокинетикасы

Көктамыр ішіне енгізгеннен кейін плазмадағы ең жоғары шектегі концентрациясы 30 мкг/мл құрайды. Препарат плевральді сұйықтықтан, сілекейден, бауыр тіндерінен, көкбауырдан, бүйректен, миометрийден, ми тіндерінен табылады. Этопозид гематоэнцефалдық және плацентарлы бөгет арқылы өтеді. Этопозидтың жұлын сұйықтығындағы концентрациясының мәні қан плазмасындағы концентрацияның 5%-на дейінгі қалдық мәніне өзгеріп отырады. Препараттың емшек сүтімен бірге бөлініп шығуы жөнінде деректер жоқ. Плазма ақуыздарымен байланысуы шамамен 97% құрайды.

Этопозид организмде белсенді түрде метаболизденеді. Бөлініп шығуы екі сатылы тәсілмен жүзеге асады. Бүйрек және бауыр қызметі қалыпты болатын ересектерде жартылай шығарылу кезеңі орта есеппен шамамен 0,6 - 2 сағатты құрайды, ақырғы сатыда жартылай шығарылу кезеңі 5,3 —10,8 сағат шегінде болады.

Этопозид несеппен бірге өзгермеген зат (29%) және метаболиттер (15%-ға жуық) түрінде 48-72 сағат ішінде шығарылады, нәжіспен бірге 2-16%-ы бөлініп шығады.

Фармакодинамикасы

Этопозид подофиллотоксиннің жартылай синтетикалық туындысы болып табылады. Әсер ету механизм ІІ топоизомеразаның тежелуімен байланысты. Этопозид ДНҚ-ның зақымдануы есебінен цитоуытты әсер етеді. Препарат митозды бөгеп, митоздық циклдің G-фазасында және кешірек S-фазасында жасушалардың тіршілігін жояды. Препараттың жоғары концентрациялары премитоздық сатыда жасушаларды ерітіп жібереді.

Этопозид сондай-ақ нуклеотидтердің плазмалық мембрана арқылы енуін де басады, бұл ДНҚ-ның синтезін және қалпына келуіне кедергі жасайды.

Қолданылуы

Этопозид «Эбеве» көктамыр ішіне енгізуге қарастырылған антибластомды дәрі болып табылады. Препарат монотерапия түрінде немесе келесі ауруларды емдеу үшін онколитикалық басқа заттармен біріктіріп қолданылады:

- өкпелердің ұсақ жасушалы қатерлі ісігінде

- семиномды емес аталық бездің ісігінде

- жедел миеломоноцитарлы және миелоцитарлы лейкемиясында (ойдағыдай жүргізілмеген индукциялық химиялық емнен кейінгі біріктірілген емнің бөлігі ретінде)

- миелоидты лейкемияда

- ходжкиндік емес лимфомада

- Ходжкин ауруында

- хорион карциномасында.

Қолдану тәсілі және дозалары

Этопозид «Эбеве» препаратын ісікке қарсы химиотерапиялық препараттарды қолдану тәжірибесі бар маманданған қызметкер ғана енгізуі тиіс.

Препарат инъекцияға арналған 5% глюкоза ерітіндісінде немесе 0.9% натрий хлориді ерітіндісінде ерітілгеннен кейін дереу 30 минут бойы баяу құю арқылы енгізілуі тиіс (концентрациялар диапазоны 0.2 мг/мл-0.4 мг/мл құрауы тиіс).

Дозалау режимі химиялық емнің үлгісіне байланысты, әр адамға жекелей белгіленеді (дозаны таңдаған кезде біріктірілген басқа препараттардың миелосупрессиялық әсерін, сондай-ақ мұның алдындағы сәуле емі мен химиялық емнің әсерлерін де ескерген жөн).

Ересектер: Этопозид «Эбеве» препаратының ұсынылатын дозасы 5 күн бойы көктамыр ішіне күнде енгізілетін 60- 120 мг/м2 құрайды.

Этопозид «Эбеве» сүйек кемігі қызметін басатын болғандықтан, емделу курсын 10-20 күннен жиірек қайталамаған жөн. Гематологиялық емес көрсетілімдер үшін емделу курсын 21 күннен жиі қайталамаған жөн. Этопозид «Эбеве» препаратымен емделу курсын қайталауды шеткергі қан көріністері қалыпқа келгеннен кейін ғана жүргізу керек.

Препараттың экстравазациясын болдырмаған жөн.

Балалар: балалар үшін препараттың тиімділігі және қауіпсіздігі анықталған жоқ.

Препараттың бүйрек қызметінің жеткіліксіздігі бар адамдарға қолданылуы:

Бүйрек қызметінің жеткіліксіздігі бар, бірақ бауыр қызметі қалыпты емделушілерде Этопозид «Эбеве» препаратының дозасын төмендету және ең төмен гематологиялық көрсеткіштерді және бүйрек қызметін бақылауда ұстау керек.

Креатинин клиренсіне негіздей отырып, келесі дозалау режимі ұсынылады:

Жағымсыз әсерлері

Өте жиі ( 1/10):

- сүйек кемігі қызметінің басылуы, көбінесе лейкопения және тромбоцитопения. Лейкоциттердің төменгі деңгейлері препаратты қолданғаннан кейін 5 күннен 15 күнге дейін (гранулоциттер 7 күннен 14 күнге дейін) байқалады. Лейкопения әдетте тромбоцитопенияға қарағанда жиі пайда болады және көбіне ауырлығы орташадан ауыр дәрежеге дейін болады (ДДҰ шешіміне сәйкес 3 немесе 4 дәрежелі). Қан көрінісінің қалпына келуі соңғы дозаны енгізгеннен кейін 24- 28 күн ішінде жүреді. Сондай-ақ гемоглобиннің шамамен 40%-ға төмендеуі де байқалады.

Лейкоциттер деңгейі 2.000/мм3-ден төменге түсіп кеткен немесе тромбоциттер деңгейі 50.000/мм3-ден төмен болған жағдайларда, емдеуді емделушіде лейкоциттер мен тромбоциттер деңгейлері қалпына келгенше (лейкоциттер 4.000/мм3-ден жоғары, тромбоциты 100.000/мм3-ден жоғары) тоқтата тұрған жөн.

- жүректің айнуы, құсу, диарея, тәбеттің болмауы

- қайтымды алопеция, кейде шаштың түгел түсіп қалуына әкеледі

Жиі ( 1/10 - 1/10):

- жұқпалар және қан кетулер (сүйек кемігі қызметінің ауыр түрге басылуы нәтижесінде)

- шеткергі невропатия

- гипотензия (препаратты тез құйған кезде), бұл құбылысты құю жылдамдығын төмендету арқылы жоюға болады

- стоматит

- бауыр және бүйрек қызметтерінің басылуы

Кейде (1/1.000 - 1/100):

- құюды тоқтатқаннан кейін қайтымды, анафилактикалық реакциялар нәтижесінде қалтырау/діріл, қызару, тахикардия, тыныстың тарылуы, бронхтың түйілуі, артериялық гипотензия

- құрысулар

- неврит

- қан қысымының жоғарылауы

- препаратпен емдеуді тоқтатқаннан кейін өздігінен қалпына келетін тыныстың тоқтап қалуы

- жөтел, ларингоспазм, цианоз, интерстициальді пневмонит/өкпе фиброзы

- бауыр ферменттер деңгейлерінің жоғарылауы

- беттің, тілдің ісінуі

- терлеудің күшеюі

Сирек (1/10.000 - 1/1.000):

- сепсис, қызба

- этопозидті ісікке қарсы басқа дәрілермен біріктіріп емдеу нәтижесінде лейкоз алдындағы сатысыз болатын жедел ағымды лейкемияның пайда болуы

- анемия

- гиперурикемия

- сананың шатасуы, гиперкинезия, акинезия, бас айналу, шаршау, дәмнің ауызда қалуы, уақытша қыртыстық соқырлық

- пневмония

- іштің ауыруы, іштің қатуы, өңештің қабынуы

- бөртпе, есекжем қызбасы, пигментация, қышу

Өте сирек (1/10.000) және белгісіз (қолда бар деректер баға беру үшін жеткіліксіз):

- жүрек ырғағының бұзылуы, миокард инфаркті

- бұрын сәулелендірілген аумақтың дерматиті

- аменорея, ановуляторлы циклдер, репродуктивті қызметінің нашарлауы, гипоменорея

- Стивенc-Джонсон синдромы

- уытты эпидермальді некролиздің өлім-жітіммен аяқталуы

Қолдануға болмайтын жағдайлар

- этопозидке немесе препараттың басқа компоненттеріне жоғары сезімталдықта

- бауыр қызметінің айқын бұзылуында

- бүйрек қызметінің айқын бұзылуында (креатинин клиренсі минутына 15 мл-ден төмен)

- сүйек кемігі қызметінің ауыр түрде төмендеуі

- артерияішілік немесе қуысішілік инъекция (плевра, құрсақ және басқа да қуыстар)

- лактация кезеңінде

Дәрілермен өзара әрекеттесуі

Этопозид басқа препараттардың (мысалы, циклоспориннің) цитоуытты және миелосупрессиялық әсерлерін күшейтуі мүмкін. Циклоспориннің жоғары дозаларын қолданып емдеу этопозидтің әсерін күшейтуі, сондай-ақ оның клиренсін төмендетуі мүмкін екендігі анықталды.

Этопозид әдетте басқа цитоуытты дәрілермен бірге тағайындалады және этопозид пен цитостатикалық дәрілердің бірқатары (мысалы, метотрексат және цисплатин) арасында емдік әсерлердің өзара күшейетіні анықталды. Этопозид басқа дәрілік заттардың цитоуыттық және миелосупрессивтік әсерлерін күшейтеді.

Этопозид сондай-ақ ішілетін антикоагулянттардың әсерін де күшейтеді.

Фенилбутазон, натрий салицилаты және салицил қышқылы этопозидтің қан ақуыздарымен байланысуына ықпалын тигізуі мүмкін.

Антрациклин мен этопозид арасында айқаспалы төзімділік де экспериментті түрде көрсетілді.

Химиотерапиялық препараттарды, тірі әлсіз вакцинаны қабылдау нәтижесінде иммунитеті басылған емделушілер вакцинациясы жұқпаның жұғуының ауыр немесе өлімге ұшырататын түріне әкеп соғуы мүмкін.

Этопозидті бір ерітіндіде басқа препараттармен араластыруға болмайды. Препарат фармацевтикалық тұрғыдан рН сілтілік мәні бар ерітінділермен үйлеспейді, сондай-ақ рН  8 буферлі ерітінділерде еріткенде тұнбаның пайда болу қаупі де бар.

Айрықша нұсқаулар

Этопозид "Эбеве" препараты цитоуытты препараттармен жұмыс жасау тәжірибесі бар дәрігердің ұдайы бақылауымен ғана қолданылғаны жөн.

Этопозид "Эбеве" препаратымен жұмыс жасағанда цитоуытты препараттармен жұмыс жасау тәртібін орындаған жөн. Теріге немесе шырышты қабықтарға тигізіп алған жағдайда зақымданған жерлерді сумен дереу шаю қажет.

Жүкті қызметкердің цитоуытты заттармен жұмыс жасауына рұқсат етілмейді.

Құю үшін ерітінділерді дайындауға арналған концентратты сұйылтылмаған түрде қолдануға болмайды. Препаратты натрий хлоридінің немесе глюкозаның изотониялық ерітінділерімен ғана сұйылтқан жөн. Құю үшін қалпына келтірілген ерітіндідегі этопозид концентрацияларының диапазоны қатаң түрде 0.2 мг/мл - 0.4 мг/мл құрауы тиіс. Құрамында механикалық бөлшектері жоқ мөлдір ерітіндіні ғана қолданған жөн.

Сүйек кемігі қызметінің басылуы Этопозид "Эбеве" препаратының дозаны лимитирлеуші әсері болып табылады. Қан құрамын жүйелі бақылауды емді бастар алдында, үзілістерде және әрбір кейінгі Этопозид "Эбеве" курсының алдында жүргізу қажет. Егер осы препаратпен емді бастағанға дейін сәуле емі және/немесе химиотерапия жасалған болса, онда сүйек кемігі қызметінің қалпына келуін қамтамасыз ету үшін емнің осы екі түрі арасындағы жеткілікті аралықты сақтаған жөн. Тромбоциттер санының 50.000/мм3 төменге немесе лейкоциттер саны 2.000/мм3 азайған жағдайда емдеуді қан көрсеткіштері толық қалпына келгенше тоқтату тұру қажет.

Этопозид «Эбеве» қолданылатын емді бастамас бұрын емделушіде бактериялық жұқпалардың бар-жоқтығын тексеріп көру қажет.

Анафилактикалық реакциялар, мысалы қалтырау/дірілдеу, тахикардия, тыныстың тарылуы, бронхтың түйілуі, артериялық гипотензия пайда болған жағдайда Этопозид "Эбеве" енгізуді тоқтату қажет.

Этопозид «Эбеве» препаратын жүрек аритмиясы бар, миокард инфарктін бастан кешкен, бауыр қызметі бұзылған, бауыр қызметінің жеткіліксіздігі, шеткергі нейропатиясы, несеп шығару тарапынан бұзылулары, бүйрек қызметінің жеткіліксіздігі, эпилепсия ауруы, церебральді бұзылулары бар, ауыз қуысының шырышты қабығы қабынған емделушілерге абайлап тағайындаған жөн.

Байқамай экстравазальді түрде енгізіп қойған жағдайда инъекцияны дереу тоқтатқан және қалған бөлігін басқа көктамырға енгізген жөн. Күйдіру сезімі пайда болысымен енгізуді тоқтатады. Зақымданған жердің айналасында гидрокортизонмен теріастылық инъекция жасалады және құрғақ таңғыш астына 24 сағатқа 1% гидрокортизонды жақпамай жағады (эритема жоғалғанға дейін).

Этопозид "Эбеве" препаратын ісікке қарсы басқа препараттармен біріктіріп қабылдап жүрген емделушілерде анда-санда лейкоз алды сатысымен де, сондай-ақ онсыз жедел ағымды лейкемия дамуы мүмкін. Жалпы жинақталған доза (этопозид  2000 мг/м2) жедел ағымды лимфобластты емес лейкемияның екінші қайтара даму қаупін арттырады.

Этопозид "Эбеве" мутагенді және концерогенді препарат болып табылады, бұны ұзақ мерзімдік ем тағайындаған кезде ескерген жөн. Этопозид «Эбеве» сондай-ақ геноуытты әсерлер көрсетуі мүмкін, сондықтан Этопозид «Эбеве» препаратымен ем қабылдап жүрген еркектер және әйелдер контрацепцияның сенімді әдістерін қолданулары тиіс. Емделу кезінде, сондай-ақ емнен кейін 6 ай ішінде босануға болмайды. Этопозид «Эбеве» препаратымен емделу нәтижесінде қайтымсыз белсіздіктің даму қаупі бар, сондықтан емге кірісерден бұрын сперманы сақтау жөнінде кеңес алу керек.

Көктамыр ішіне енгізуге арналған Этопозид "Эбеве" құрамында толықтырғыш ретінде этил спирті бар, мұны Этопозид "Эбеве" препаратын алкогольді шамадан тыс пайдаланатын емделушілерге және дисульфирам қабылдап жүрген емделушілерге және эпилепсияға шалдыққан науқастарға тағайындаған кезде ескерген жөн. Сондай-ақ препаратта бензил спирті бар, соның нәтижесінде Этопозид "Эбеве" препаратын, метаболизмдік ацидоздың даму қаупін ескеріп, 3 жасқа дейінгі балаларға тағайындамаған жөн. Бензил спиртін тәулігіне 90мг/кг және одан жоғары дозаларда қолданған кезде фатальді уытты реакциялар қаупі ұлғаяды.

Препарат теріге немесе зақымданған жердің шырышты қабығына тиіп кеткен жағдайда ол жерді сабынды сумен дереу жуып-шайған жөн.

Жүктілік және лактация кезеңі.

Этопозид «Эбеве» жүктілік кезінде қолданылған кезде іштен туа болатын кемістіктердің пайда болатыны жөнінде деректер бар, сондықтан препаратты, егер бұл өте қажет болмаса, жүктілік кезінде тағайындамаған жөн. Егер жүктілік препаратпен емделу кезінде басталған болса, емделуші босанбастан бұрын кеңес алғаны жөн, мұндайда емдеудің пайдасы мен ұрық үшін болуы мүмкін қаупін таразылаған жөн.

Этопозид «Эбеве» препаратын лактация кезеңінде қолдануға қатаң түрде болмайды.

Дәрілік заттың көлікті немесе басқа да қауіптілігі зор механизмдерді басқару қабілетіне ықпал ету ерекшеліктері

Этопозид «Эбеве» препаратымен емдеу кезінде және емнен кейін біршама уақыт бойы көлікті немесе басқа да қауіпті механиздерді басқаруға болмайды.

Артық дозаланғанда

Симптомдары: артық дозалану терең миелосупрессиияға және шырышты қабықтардың қабынуына әкеп соқтыруы мүмкін.

Емдеу: тиімді у қайтарғысы белгісіз. Демеуші және симптоматикалық ем жүргізу керек.

Шығарылу түрі және қаптамасы

Резеңке тығынмен бекітілген, ортасында инеге арналған тесігі және тефлонды қақпақтан жабыны бар алюминий қақпақпен көмкерілген, қоңыр шыны құтыда 5 мл препарат бар.

1 құты медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

Түпнұсқалық қаптамасында, 15 С-ден 25 С-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін қолдануға болмайды.

 

Дәріханадан босатылу шарттары

Рецепт арқылы

Өндіруші

EBEWE Pharma Ges.m.b.H.Nfg.KG

А -4866 Унтерах, Австрия, Еуропа

Тіркеу куәлігі иесінің атауы және елі:

EBEWE Pharma Ges.m.b.H.Nfg.KG

А -4866 Унтерах, Австрия, Еуропа

Тұтынушылардан өнім (тауар) сапасы жөнінде шағымдарды Қазақстан Республикасы аумағында қабылдайтын ұйымның мекенжайы

Қазақстан Республикасындағы Новартис Фарма Сервисез АГ филиалы,

Алматы , Жамақаев к-сі, 155 А,

Тел.: (727) 258-12-91

Факс: (727) 250- 64- 63

e-mal: http://leknet.lek.si