Эстезифин®

• русский
• қазақша

• Скачать инструкцию медикамента

Дәрілік затты медициналық қолдану жөніндегі нұсқаулық

ЭСТЕЗИФИН®

Саудалық атауы

Эстезифин®

Халықаралық патенттелмеген атауы

Нафтифин

Дәрілік түрі

Сыртқа қолдануға арналған 1% ерітінді

Құрамы

1 мл ерітіндінің құрамында: 

белсенді зат - нафтифин гидрохлориді 100 % құрғақ затқа шаққанда – 10 мг,

қосымша заттар: пропиленгликоль, этанол 96 %, тазартылған су.                      

Сипаттамасы  

Спирт иісі бар, түссізден ақшыл-сары түске дейінгі мөлдір ерітінді

Фармакотерапиялық тобы

Дерматология. Тері ауруларын емдеуге арналған зеңге қарсы препараттар. Жергілікті қолдануға арналған зеңге қарсы препараттар. Жергілікті қолдануға арналған зеңге қарсы басқа да препараттар. Нафтифин.

АТХ коды D01A Е22

Фармакологиялық қасиеттері

Фармакокинетикасы

Эстезифин® ерітіндісі теріге мүйізгек қабат арқылы  (трансдермальді жол) сіңеді және терінің әртүрлі қабаттары мен тырнақ пластиналарында микозға қарсы концентрацияларда ұзақ мерзім бола отырып, тырнақтың барлық қабаттарына жақсы өтеді. Зерттеулер Эстезифин® ерітіндісін бір рет жергілікті қолданғаннан кейін тырнақ пластинасындағы концентрациясы 2 күн ішінде трихофиттерге арналған ең кіші тежелетін концентрациядан 3-5 есе асып түскенін көрсетті. 

Препарат жүйелі қан ағымына  түспейді.   

Фармакодинамикасы

Эстезифин® – алиламиндер класындағы зеңге қарсы дәрі, оның әсер ету механизмі эргостеролдың әсерін тежеумен байланысты.

Эстезифин трихофитон, эпидермофитон және микроспорум сияқты дерматофиттерге, ашытқыларға (Candida), өңезділерге (Aspergillus) және басқа зеңдерге (мысалы, Sporothrix Schenckii) қатысты белсенді. Дерматофиттерге және аспергилге қатысты нафтифин микроорганизмнің штаммына байланысты in vitro фунгицидтік әсерін, ашытқы зеңдерге қатысты – фунгицидтік немесе фунгистатикалық белсенділігін көрсетеді.

Эстезифин® сонымен қатар микоздық зақымданулармен қатар салдарлы бактериялық инфекцияларды тудыруы мүмкін грамоң және грамтеріс микроорганизмдерге қатысты бактерияға қарсы белсенділігін көрсетеді.

Бұдан басқа, Эстезифин® препаратының қабынуға қарсы қасиеттері бар, бұл қабыну және қышыну симптомдарының тез жойылуына жағдай жасайды.

Қолданылуы

Нафтифинге сезімтал патогендерден туындаған зеңдік инфекцияларды жергілікті емдеу:

– терінің және тері қатпарларының  зеңдік инфекциялары

– саусақ аралық микоздар

– тырнақтың зеңдік инфекциялары (онихомикоздар)

– тері кандидоздары

– кебек тәрізді теміреткі

– қабынған дерматомикоздар, қышынумен немесе онсыз

•  сыртқы есту жолының микозы

Қолдану тәсілі және дозалары

Эстезифин® ерітіндісін терінің зақымданған беткейіне мұқият тазалап және құрғатқаннан кейін, зақымдану аймағының айналасындағы сау терінің шамамен 1 см бөлігін қамтып,  тәулігіне 1 рет жағу керек.

Емдеу ұзақтығы:

- дерматомикоздарда– 2-4 апта (қажет болған жағдайда –8 аптаға дейін);

- кандидоздарда – 4 апта;

- тырнақ инфекцияларында – 6 айға дейін.

Тырнақтардың зеңдік ауруларында препаратты тәулігіне 2 рет қолдану ұсынылады. Алғаш енгізер алдында тырнақтың зақымданған бөлігін қайшымен немесе тырнақ егеуімен барынша алып тастау керек (осы емшараны оңайлату үшін, дәрігердің нұсқаулары бойынша тырнақтарды арнайы жұмсартқыш дәрімен өңдеуге болады).  

Сыртқы есту жолының микоздарында емдеу кемінде 14 күнге созылуы тиіс. Жергілікті емдеуді құлаққа тәулігіне 1-2 рет 5-8 минутқа Эстезифин® препаратының ерітіндісіне малынған мақталы білте салу арқылы жүргізу керек.

Қайталанудың алдын алу үшін препаратпен емдеуді аурудың негізгі симптомдары жойылғаннан кейін кемінде 2 апта бойы жалғастыру керек.

Жағымсыз әсерлері

Бірлі-жарым жағдайларда жергілікті реакциялар білінуі мүмкін: терінің құрғауы, қызаруы және ашыту сезімі, эритема, қышыну, жергілікті тітіркену. Жағымсыз әсерлер әдетте қайтымды сипатқа ие және емдеуді тоқтатуды қажет етпейді.

Қолдануға болмайтын жағдайлар

- нафтифинге немесе пропиленгликольге жоғары сезімталдық

- препаратты жара беткейіне жағуға болмайды

- көзді емдеу үшін қолдануға болмайды

Дәрілермен өзара әрекеттесуі

Басқа дәрілік заттармен қандай да бір өзара әрекеттесу жағдайлары анықталмаған.

Айрықша нұсқаулар

Препаратты  сыртқа ғана қолдану керек!

Препарат құрамында этанол бар, сондықтан ерітіндінің көзге және ашық жараларға тиюіне жол бермеу керек.

Педиатрияда қолданылуы

Препаратты балаларға қолданудың тиімділігі мен қауіпсіздігі туралы деректер жеткіліксіз, сондықтан Эстезифин® балалар мен 18 жасқа дейінгі жасөспірімдерге тағайындауға ұсынылмайды.

Жүктілік және лактация кезеңінде қолданылуы

Препаратты нұсқаулыққа сәйкес қолданған жағдада Эстезифин® препаратының шаранаға және жаңа туған нәрестеге ықпал ету ықтималдығы аз. Зерттеу нәтижелері нафтифиннің қандай да бір эмбриоуыттылық әсерінің жоқ екенін айғақтайды. Препаратты жүктілік немесе емшек емізу кезеңінде тек қана дәрігер жүргізетін пайда/қауіп арақатынасына мұқият баға беруден кейін қолдануға болады.

Емшек емізетін аналар препараттың баланың терісіне және асқорыту жолына түсуіне жол бермеуі қажет.

Препараттың көлікті немесе қауіптілігі зор механизмдерді басқару қабілетіне әсер ету ерекшеліктері

Белгісіз.

Артық дозалануы

Артық дозалану симптомдары: жағымсыз әсерлердің күшеюі.

Емі симптоматикалық.

Шығарылу түрі және қаптамасы  

15 мл-ден тамшылатқыш-тығынмен және алғашқы ашылуы бақыланатын тығындағыш-бұралмалы қақпақшамен тығыздап жабылған қоңыр түсті шыныдан жасалған құтыда. Құтыға өздігінен желімделетін заттаңба жапсырылады.

1 құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Немесе 15 мл-ден алғашқы ашылуы бақыланатын тығындағыш-бұралмалы қақпақшамен тығыздап жабылған қоңыр түсті шыныдан жасалған құтыда. Құтыға өздігінен желімделетін заттаңба жапсырылады.

1 құтыдан қақпақшасы бар тамшылатқышпен және пішінді ұяшықты қаптамадағы бушонмен, медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау шарттары

Түпнұсқалық қаптамасында 30 °С-ден аспайтын температурада сақтау керек.

Балалардың қолы жетпейтін жерде сақтау керек.

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

«Фармак» ЖАҚ, Украина, 04080, Киев қ., Фрунзе к-сі, 74.

Тіркеу куәлігінің ұстаушысы

«Фармак» ЖАҚ, Украина  

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және  дәрілік заттың тіркеуден кейінгі қауіпсіздігін қадағалауға жауапты ұйымның  атауы, мекенжайы және байланыс деректері (телефон, факс, электронды пошта) 

«Фармак» ЖАҚ Қазақстан Республикасындағы өкілдігі  

Қазақстан Республикасы, Алматы қ., индексі 050012, Амангелді к-сі, 59 "А", "Шартас" бизнес орталығы, 9-қабат. Тел./факс: +7 (727) 267 63 73, электронды поштасы: а.aspetova@farmak.kz