Эсопол

Эсопол

Эзомепразол

Дәрілік түрі, дозасы

Инфузия үшін ерітінді дайындауға арналған лиофилизат, 40 мг

Ас қорыту жолы және зат алмасу. Қышқылды бұзылуымен байланысты ауруларды емдеуге арналған препараттар. Ойықжараға қарсы препараттар және гастроэзофагальді рефлюксті емдеуге арналған препараттар. Протонды сорғы тежегіштері. Эзомепразол.

АТХ коды А02ВС05.

Инфузияға арналған эсопол ересектерде келесі жағдайларда қолданылады:

• пероральді жолмен қабылдау мүмкін болмаған жағдайда,

асқазандық антисекреторлық емдеу жағдайында:

• эзофагитпен ауыратын және / немесе рефлюкстің ауыр симптомдары

бар пациенттердің гастроэзофагеалді рефлюксті ауруы жағдайында (ГЭРА)

• қабынуға қарсы стероидты емес дәрілермен (ҚҚСД) байланысты

асқазанның ойықжарасы жазылғанда

• ҚҚСД терапиясымен байланысты асқазанның және ұлтабардың

ойықжаралы ауруының профилактикасында

• асқазанның немесе ұлтабардың жедел қан кететін ойықжараларында

терапиялық эндоскопиядан кейін қайта қан кетудің профилктикасында

Дәріні қолданар алдындағы қажетті мәліметтер тізбесі

- эзомепразолға, орнын басатын бензимидазоламдарға немесе препараттың басқа да ингредиенттеріне аса жоғары сезімталдық

- нелфинавирмен бірге қолдану

- лактация кезеңі

- 18 жасқа дейінгі балалар мен жасөспірімдер

Қолдану кезіндегі қажетті сақтық шаралары

Кез келген қауіпті симптомдар болған кезде (мысалы, дене салмағының едәуір спонтанды түсуі, қайталанатын құсу, дисфагия, қан құсу немесе мелена), сондай-ақ асқазан ойықжарасы болған кезде (немесе асқазан ойықжарасына күдік болған кезде), препаратпен емдеу салдарынан симптоматика басылуы мүмкін және диагноз қоюды кейінге қалдыруы мүмкін болғандықтан қатерлі ісіктің бар-жоғын анықтап алу керек.

Басқа дәрілік препараттармен өзара әрекеттесуі

Эзомепразолдың басқа дәрілік препараттардың фармакокинетикасына әсері

Протеазалар тежегіштері

Эзомепразолмен және басқа да ППИ-мен емдеу аясында асқазан сөлінің (рН) қышқылдығын басудан препараттардың абсорбциясы өзгереді Препараттардың сіңуі ортаның қышқылдығына байланысты.

Тәулігіне бір рет 40 мг дозада омепразолды және 300 мг атазанавирді/100 мг ритонавирді бірлесіп тағайындау салдарынан "концентрация – уақыт" (AUC) сызба астындағы аудан мәндері, сондай-ақ атазанавирдің ең жоғары және ең төменгі концентрациясы айтарлықтай төмендейді. Атазанавир дозасын 400 мг-ға дейін арттыру омепразолдың атазанавир концентрациясына әсерін компенсациялаймайды. Сондықтан эзомепразолды атазанавирмен бірге тағайындауға болмайды, ал эзомепразол мен нелфинавирді бір мезгілде тағайындауға болмайды. Атазанавир мен нелфинавир омепразолмен бір мезгілде қабылданған жағдайда, осы препараттардың сарысудағы деңгейінің төмендегені байқалды, сондықтан оларды бірлесіп қолданбау керек.

Метотрексат

ППИ-мен метотрексатты бірлесіп қабылдаған кезде кейбір пациенттерде метотрексат концентрациясының жоғарылағандығы байқалады. Жоғары дозаларда метотрексатты қолданған эзомепразолды қабылдауды уақытша тоқтату талап етілуі мүмкін.

Такролимус

Эзомепразол мен такралимустың бірге тағайындалуынан сарысудағы такралимус концентрациясы артады. Такролимус концентрациясына және бүйрек функциясына (креатинин клиренсі) мұқият мониторинг жүргізу, сондай-ақ қажет болған жағдайда такролимус дозасын түзету керек.

рH-тәуелді cіңетін дәрілік препараттар

Эзомепразол, асқазандағы қышқылдың (рН) секрециясын азайтатын басқа да препараттар сияқты кетоконазол, итраконазол және эрлотиниб абсорбциясын төмендетуі мүмкін. Сонымен қатар эзомепразолды дигоксинмен бірге қабылдағанда дигоксин концентрациясы артуы мүмкін.

Эзомепразолмен бірге қолданғанда дигоксиннің уыттылығы туралы сирек хабарланады. Дегенмен, егде жастағы пациенттерге эзомепразолдың жоғары дозасын тағайындағанда сақ болу керек. Дигоксинді қабылдайтын пациенттерге терапиялық бақылауды арттыру керек.

CYP2C19 метаболизациялайтын дәрілік препараттар

Эзомепразол CYP2C19 тежейді, CYP2C19 - эзомепразолдың метаболизміне қатысатын негізгі фермент. Эзомепразолды метаболизмінде диазепам, циталопрам, имипрамин, кломипрамин, фенитоин және т.б. сияқты CYP2C19 қатысатын басқа препараттармен бірге қолдану осы препараттардың плазмадағы концентрациясын арттырады және олардың дозасын азайтуды талап етуі мүмкін. Эзомепразолдың метаболизмінде CYP2C19 қатысатын препараттарға тигізетін әсері препаратты вена ішіне енгізгенде неғұрлым айқын болуы мүмкін, сондықтан жағымсыз әсерлерді уақтылы анықтау мақсатында пациенттерді вена ішіне енгізген сәттен бастап 3 күн ішінде мұқият бақылау керек.

Диазепам

30 мг эзомепразол мен диазепам пероральді жолмен бірге қабылдағанда диазепамның клиренсі 45%-ға төмендейді.

Фенитоин

Эзомепразолды 40 мг дозада және фенитоинді бірге пероральді жолмен қабылдағанда эпилепсиямен ауыратын науқастарда плазмадағы фенитоиннің қалдық концентрациясы 13% - ға артты. Осыған байланысты эзомепразолмен емдеудің басында және оны тоқтатқан кезде плазмадағы фенитоин концентрациясын бақылау ұсынылады.

Вориконазол

40 мг дозада омепразолды күніне бір рет қабылдау вориконазолдың Cmax және AUC (CYP2C19 субстраты) 15% және 41%-ға арттырады.

Цилостазол

Омепразол эзомепразол сияқты CYP2C19 тежегіші ретінде әсер етеді. 40 мг дозада Омепразолды қабылдағанда цитолазолдың Cmax және AUC тиісінше 18% және 26% - ға және оның белсенді метаболиттерінің бірін тиісінше 19% және 69% - ға арттырады.

Цизаприд

Эзомепразолды 40 мг дозада және цизапридпен бірге пероральді жолмен қабылдау AUC көлемін 32% - ға арттырады және цизаприд үшін жартылай шығарылу кезеңін (t1/2) 31% - ға арттырады; плазмадағы цизапридтің шекті концентрациясы айтарлықтай өзгермейді. Цизапридпен жүргізілетін монотерапия кезінде байқалған QT аралығының шамалы ұзаруы эзомепразолды қосқан кезде артпайды.

Варфарин

Эзомепразолды варфарин алған пациенттерге 40 мг дозада пероральді тағайындағанда коагуляция уақыты рұқсат етілген мәндер шегінде қалды. Алайда, варфарин мен эзомепразолды бірге қабылдаған кезде ХҚҚ (халықаралық қалыптасқан қатынас) индексінің бірнеше клиникалық елеулі арту жағдайлары туралы хабарланған. Осыған байланысты осы препараттарды бірлесіп қолданудың басында және курс біткеннен кейін мониторинг ұсынылады.

Клопидогрел

Эзомепразолды клопидогрельмен бірге қолданбау керек.

Клиникалық елеулі өзара әрекеттесусіз зерттелетін дәрілік препараттар

Амоксициллин және хинидин

Эзомепразолдың амоксициллинмен немесе хинидинмен клиникалық елеулі өзара әрекеттесулері анықталмаған.

Напроксен немесе рофекоксиб

Эзомепразолды напроксенмен немесе рофекоксибпен бірге қолданғанда қысқамерзімді емдеу кезінде қандай да бір клиникалық маңызды фармакокинетикалық өзара әрекеттесулер анықталған жоқ.

Дәрілік препараттардың эзомепразол фармакокинетикасына әсері.

Эзомепразол метаболизміне CYP2C19 және CYP3A4 қатысады. Эзомепразолды және СУР3А4 тежегішін, кларитромицинді (тәулігіне 2 рет 500 мг) бірлесіп пероральді жолмен қолдану эзомепразол үшін AUC мәні екі есе өседі. Эзомепразол мен СУР3А4 және CYP2C19 құрама тежегіштерін бірге қолдану, мысалы, вориконазолды бірге қолдану эзомепразол үшін AUC мәні 2 есе өсуі мүмкін. Мұндай жағдайларда эзомепразол дозасын түзету талап етілмейді. Алайда, дозаны түзету бауыр функциясының ауыр бұзылуы бар пациенттерге ұзақ ем тағайындағанда қажет болуы мүмкін.

CYP2C19 және / немесе CYP3A4 индукциялайтын дәрілік препараттар

CYP2C19 және/немесе CYP3A4 индукциялайтын дәрілік препараттар (мысалы, рифампицин және шайқурай) эзомепразол метаболизмін арттыру жолымен сарысудағы эзомепразол деңгейін төмендетуі мүмкін.

Арнайы ескертулер

Асқазан-ішек инфекциялары

Протонды помпа тежегіштерімен емдеу Salmonella және Campylobacter туындататын асқазан-ішек инфекцияларының пайда болу қауіпін шамалы арттыруы мүмкін. Ұзақ уақыт бойы антисекреторлық препараттарды қабылдайтын пациенттердің асқазанында безді кисталардың пайда болуы жиі байқалады. Бұл құбылыстар қышқыл секрециясының айқын бәсеңдеуі салдарынан туындайтын физиологиялық өзгерістерге байланысты. Кисталар қатерсіз және қайтымды сипаты бар.

В12 дәруменінің сіңуі

Эзомепразол, барлық қышқылды бөгейтін дәрілік препараттар сияқты, гипохлоргидрия немесе ахлоргидрия салдарынан B12 дәруменінің (цианокобаламин) сіңуін азайтуы мүмкін. Мұны В12 дәрумені аз пациенттерден немесе ұзақ ем кезінде B12 дәруменінің нашар сіңу қаупі бар пациенттерден ескеру керек.

Гипомагниемия

Эзомепразол, басқа да ППИ сияқты дәрілерді ұзақ қолданғанда гипомагниемияны туындатады. Гипомагниемияның қауіпті көріністері шаршағыштық, тетания, сандырақтау, конвульсиялар, бас айналу және қарыншалық аритмия сияқты белгілер байқалуы мүмкін. Көптеген пациенттердің магний препараттарымен жүргізілетін орын басатын терапиядан кейін және ППИ-ді қабылдауды тоқтатқаннан кейін жағдайының жақсарғаны байқалды.

Магний деңгейін ППИ-мен емдеуді бастамас бұрын мұқият бақылау және емдеу кезінде, ППИ-ді ұзақ қабылдау күтілетін жағдайларда немесе пациенттер протонды помпа тежегіштерін дигоксинмен бірге немесе гипомагниемияны туындататын басқа да дәрі-дәрмектермен бірге (мысалы, диуретиктер) қабылдағанда бақылау қажет.

Сыну қаупі

Протонды помпа тежегіштерін, әсіресе жоғары дозада және ұзақ қабылдағанда (> 1 жыл) көбінесе егде адамдар ортанжіліктің, білезігінің және омыртқа бағанасының сыну қаупін немесе басқа да қауіп факторлары болған кезде арттыруы мүмкін. Ағымдағы клиникалық ұсыныстарға сәйкес остеопороз қаупі бар пациенттерді мұқият бақылау ұсынылады, пациенттер D дәрумені мен кальций жеткілікті мөлшерін қабылдауы тиіс.

Жедел терілік қызылжегі (ЖТҚЖ)

Протонды помпа тежегіштерін қабылдау ЖТҚЖ-ның сирек жағдайларына байланысты. Егер зақымданулар пайда болса, әсіресе күн сәулесінің әсерінен тері аймақтарында зақымданулар пайда болса және егер олар артралгиямен байқалса, пациент дереу медициналық көмекке жүгінуі тиіс. Эзомепразолды қабылдауды тоқтату мүмкіндігін дәрігер қарауы тиіс. ЖТҚЖ-ның даму қаупі осы топтың басқа препараттарын тағайындағанда, алдағы протонды помпа тежегіштерімен емдеген жағдайда артады.

Басқа дәрі-дәрмектермен бірге қабылдау

Эзомепразол мен атазанавирді бірге қолдануға болмайды. Егер бұл біріктірілім қолданылу керек деп есептелсе, атазанавир дозасын 100 мг ритонавирмен біріктіріп 400 мг дейін арттырумен қатар мұқият мониторингілеу ұсынылады, бірақ эзомепразол дозасы 20 мг аспауы тиіс.

Эзомепразол CYP2C19 тежегіші болып табылады. Эзомепразолмен емдеуді бастау немесе тоқтату кезінде CYP2C19 арқылы метаболизацияланатын дәрілермен өзара әрекеттесу мүмкіндігін ескеру керек. Эзомепразолды клопидогрельмен бірге қолданбау керек.

Зертханалық тест нәтижелері

А хромогранинінің жоғары деңгейі (CgA) нейроэндокриндік ісіктердің тест нәтижелеріне әсер етуі мүмкін. Осы әсерді болдырмау үшін эзомепразолмен емдеуді CgA-ны өлшеуге дейін кем дегенде 5 күн бұрын тоқтату керек. Егер CgA және гастрин деңгейлері бастапқы өлшеуден кейін қалыпқа түссе, өлшеуді протонды помпа тежегішімен емдеуді тоқтатқаннан кейін 14 күннен кейін қайталау керек.

Педиатрияда қолдану

Препаратты 18 жасқа дейінгі балалар мен жасөспірімдерге қолдануға болмайды, себебі осы категориядағы пациенттерге қолданудың тиімділігі мен қауіпсіздігі анықталмаған.

Жүктілік немесе лактация кезінде

Қазіргі уақытта жүктілік және лактация кезеңінде эзомепразолды қолдану туралы деректер шектеулі. Жүктілік және лактация кезінде препаратты ана үшін күтілетін пайда ұрық үшін ықтимал тәуекелден асқан жағдайда ғана тағайындау керек.

Дәрінің көлік құралын немесе аса қауіпті механизмдерді басқару қабілетіне әсер ету ерекшеліктері

Дәрінің жанама әсерін ескере отырып, көлік құралын немесе аса қауіпті механизмдерді басқарғанда сақ болу керек.

Қолдану бойынша ұсынымдар

Дозалау режимі

Пероральді терапияны жүргізу мүмкін болмаған жағдайда пациенттерге эсополды тәулігіне 1 рет 20-40 мг дозада парентеральді жолмен қабылдау ұсынылуы мүмкін.

Рефлюкс-эзофагиті бар пациенттерге эзомепразол тәулігіне 1 рет 40 мг дозада ұсынылады. ГЭРА симптомдарын емдеу үшін Эсопол тәулігіне 1 рет 20 мг дозада қолданылады.

ҚҚСҚ қабылдауға байланысты пептикалық ойықжаралы аураларды емдеу және профилактикасы үшін Эсопол тәулігіне 1 рет 20 мг дозада ұсынылады.

Асқазанның немесе ұлтабардың ойықжарасының жедел қан кетуін эндоскопиялық жолмен емдегеннен кейін пациенттерде қайта қан кетудің дамуының профилактикасы

Асқазанның немесе ұлтабардың ойықжарасының жедел қан кетуін эндоскопиялық емдеуден кейін перапарат дозасы 80 мг құрайды, оны 30 минут бойы болюстік инфузия түрінде енгізеді, содан кейін 3 күн бойы (72 сағат) 8 мг/сағ дозада вена ішіне ұзақ құяды.

Ойықжарадан қан кету

Бауыр функциясының ауырлығы жеңіл және орташа дәрежедегі бұзылуы бар пациенттерге препарат дозасын түзету қажет емес. Бауыр функциясының ауыр бұзылуы бар пациенттерге болюстік инфузия түрінде енгізілген 80 мг бастапқы дозадан кейін 71,5 сағат ішінде вена ішіне ұзақ енгізуді 4 мг/сағ шектеу керек.

Бүйрек функциясының бұзылуы

Бүйрек функциясы бұзылған пациенттерге препарат дозасын түзету қажет емес. Бүйрек функциясның ауыр жеткіліксіздігі бар пациенттерге дәріні қолданудың шектеулі тәжірибесіне байланысты мұндай пациенттерді емдегенде сақтық таныту керек.

Бауыр функциясының бұзылуы

Бауыр функциясының ауырлығы жеңіл және орташа дәрежедегі бұзылуы бар пациенттерге препарат дозасын түзету қажет емес. Бауыр функциясының ауыр бұзылуы бар пациенттерге ең жоғары тәуліктік доза 20 мг құрайды.

Егде жастағы пациенттер

Егде жастағы пациенттерге препарат дозасын түзету қажет емес.

Еңгізу әдісі мен жолы

Инъекция

Доза 40 мг

5 мл дайындалған ерітіндіні (8 мг/мл) венаішілік инъекция түрінде кемінде 3 минут бойы құяды.

Доза 20 мг

2,5 мл (8 мг/мл дайындалған ерітіндінің 1/2) венаішілік инъекция түрінде кемінде 3 минут бойы құяды. Ерітіндінің пайдаланылмаған қалдықтары жойылуы тиіс.

Инфузия

Доза 40 мг

Дайындалған эзомепразол ерітіндісін венаішілік инфузия түрінде 10-30 минут бойы құяды.

Доза 20 мг

Дайындалған эзомепразолдың 1/2 ерітіндісін венаішілік инфузия түрінде 10-30 минут бойы құяды. Ерітіндінің пайдаланылмаған қалдықтары жойылуы тиіс.

80 мг-ға тең болюсті дозалау.

Эзомепразолдың дайындалған ерітіндісі 30 минут бойы ұзақ венаішілік инфузия түрінде енгізеді.

8 мг/сағ дозасы

Эзомепразолдың дайындалған ерітіндісі 71,5 сағат бойы ұзақ венаішілік инфузия түрінде енгізеді (инфузияның есептік жылдамдығы - 8 мг/сағ).

Ерітінді дайындау

Инъекция

Инъекцияға арналған ерітінді Эсопол бар құтыға вена ішіне құюға арналған натрий хлоридінің 5 мл 0,9 %-дық ерітіндісін қосу жолымен дайындалады. Дайындалған ерітінді мөлдір болуы тиіс, түс гаммасы түссізден бозғылт-сары түске дейін түрленеді.

20 мг эзомепразол тағайындалған кезде дайындалған ерітіндінің жартысы енгізіледі. Ерітіндінің пайдаланылмаған қалдықтары жойылуы тиіс.

Инфузия

Инфузиялық ерітінді вена ішіне енгізуге арналған 100 мл натрий хлоридінің 0,9%-дық ерітіндісінде Эсопол бар бір құтының ішіндегісін еріту жолымен дайындалады.

20 мг эзомепразол тағайындалған кезде дайындалған ерітіндінің жартысы жіберіледі.

80 мг инфузия

Инфузиялық ерітінді вена ішіне енгізуге арналған 100 мл натрий хлоридінің 0,9%-дық ерітіндісінде 40 мг Эсопол препараты бар екі құтының ішіндегісін еріту жолымен дайындалады. Препараттың ерітілген ерітіндісі түссіз-бозғылт-сары түске дейінгі мөлдір сұйықтық болып табылады.

Дайындалған ерітінді (инъекцияға және инфузияға арналған) араластыруға болмайды немесе басқа дәрілерлік заттармен бірге енгізуге болмайды. Қолданар алдында ерітіндіні көзге көрінетін механикалық қоспалардың болмауын және түстің өзгеруін көзбен бағалау керек. Тек мөлдір ерітінді пайдаланылуы мүмкін. Дайындалған ерітіндіні дайындағаннан кейін бірден енгізу керек (микробиологиялық тұрғыдан). Дайындалған ерітіндіні 12 сағат бойы пайдалану керек. 30 оС-ден аспайтын температурада сақтау керек.

Ерітіндінің пайдаланылмаған қалдықтары жойылуы тиіс.

Қабылдау уақыты көрсетілген қолдану жиілігі

Эсопол тәулігіне 1 рет 20-40 мг дозада парентеральді жолмен қолданылады.

Емдеу ұзақтығы

Әдетте, венаішілік түрмен емдеу кезеңі ұзаққа созылмайды, пациентті препаратты пероральді жолмен қабылдауға мүмкіндігінше тезірек ауыстыру керек.

Артық дозаланған жағдайда қабылдануы қажет шаралар

Симптомдары: жағымсыз әсерлердің күшеюі.

Емі: симптоматикалық. Арнайы антидоттар белгісіз. Эзомепразол плазма ақуыздарымен байланысады, сондықтан диализ тиімділігі аз.

Дәрілік препаратты қабылдамас бұрын дәрігерге немесе фармацевтке жүгініңіз.

ДП стандартты қолданғанда байқалатын жағымсыз реакциялардың сипаттамасы және бұл жағдайда қабылдауға тиісті шаралар (қажет болған жағдайда)

Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥ 1/10), жиі (≥1/100 бастап < 1/10 дейін), жиі емес (≥1/1000 бастап < 1/100 дейін), сирек (≥1/10000 бастап < 1/1000 дейін), өте сирек (< 1/10000), белгісіз (бар деректер негізінде бағалау мүмкін емес).

Жиі

- бас ауыру

- іш ауыру, іш қату, диарея, метеоризм, жүрек айну, құсу, асқазан түбіндегі безді полиптер (қатерсіз)

- препаратты еңгізген жердегі реакциялар (препараттың жоғары дозаларын енгізгенде)

Жиі емес

- шеткері ісінулер

- ұйқысыздық

- дерматит, қышыма, есекжем, бөртпе

- бас айналу, парестезия, ұйқышылдық

- ауыздың құрғауы

- бауыр ферменттері деңгейінің артуы

- ортанжілік, білезік немесе омыртқа бағанасының сынуы

Сирек

- лейкопения, тромбоцитопения

- аса сезімталдық реакциялары: қызба, ангионевроздық ісіну, анафилаксиялық реакция

- гипонатриемия

- қозу/мазасыздану, депрессия, сананың шатасуы

- дәм сезудің бұзылуы

- бронхтың түйілуі

- стоматит және асқазан-ішек кандидозы

- сарғаюмен гепатит (немесе онсыз)

- фотосенсибилизация, алопеция

- артралгии, миалгиялар

- әлсіздік, тершеңдік

Өте сирек

- агранулоцитоз, панцитопения

- агрессия, галлюцинация

- бауыр функциясының жеткіліксіздігі, бауыр аурулары бар пациенттерде энцефалопатия

- Стивенс-Джонсон синдромы, полиморфты эритема, уытты эпидермальді некролиз (УЭН)

- бұлшықеттің әлсіреуі

- интерстициальді нефрит, бүйрек функциясының жеткіліксіздігі

- гинекомастия

Белгісіз

- гипомагниемия, ауыр гипомагниемия гипокальциемияны туындатуы мүмкін, гипомагниемия да гипокалиемиямен байланысты болуы мүмкін

- анық көрмеу

- бас айналуы

- микроскопиялық колит

- жедел терілік қызылжегі

Ауыр жағдайдағы пациенттерге омепразолды (рацемат) вена ішіне еңгізгенде, әсіресе жоғары дозаларын еңгізгенде көрудің қайтымсыз бұзылуының жекелеген жағдайлары туралы хабарланған, препаратты қабылдаумен байланысты себептік байланыс анықталған жоқ.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір құтының ішінде

белсенді зат - 42,5 мг натрий эзомепразолы (40,0 мг эзомепразолға баламалы),

қосымша заттар - динатрий эдетаты, натрий гидроксиді, инъекцияға арналған су.

Сыртқы түрінің, иісінің, дәмінің сипаттамасы

Сығымдалған масса түріндегі ақтан ақ дерлік түске дейін лиофилизацияланған ұнтақ.

Шығарылу түрі және қаптамасы

Препаратты сыйымдылығы 5 мл мөлдір түссіз АҚШФ бойынша І - тип шыныдан жасалған, құты мойнының диаметрі 13 мм болатын, диаметрі 13 мм сұр бромбутил тығындарымен тығындалған, ақ түсті "flip-off" типті қалпақшасы бар (13 мм) цилиндр құтыға салады.

10 құтыдан қазақ және орыс тілдеріндегі медицинада қолданылуы жөніндегі нұсқаулықпен бірге картон қорапшаға салынады.

2 жыл

Қалпына келтірілген ерітіндіні сақтау мерзімі 12 сағат

Жарамдылық мерзімі өткеннен кейін қолдануға болмайды.

Жарықтан қорғалған жерде түпнұсқалық қаптамасында, 25°С-ден аспайтын температурада сақтау керек

Балалардың қолы жетпейтін жерде сақтау керек!

Рецепт бойынша

Өндіруші туралы мәліметтер

ASPIRO PHARMA LIMITED

Sy.No.321, Biotech park, Phase-III , Karkapatla Village

Markook Mandal, Siddipet Dist-502281, Telangana state-502281, India.

Тел.+91-9959644022

dillip.a@heterodrugs.com

Тіркеу куәлігінің ұстаушысы

«CAMBER PHARMA (КАМБЕР ФАРМА)» ЖШС, Қазақстан

050059 Алматы қ., Әл-Фараби д-лы, 13

тел.: + 77273115362

факс: + 77273115362

regulatory-pvg.kz@camberglobal.com

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«CAMBER PHARMA (КАМБЕР ФАРМА)» ЖШС, Қазақстан

050059 Алматы қ., Әл-Фараби д-лы, 13

тел.: + 77273115362

факс: + 77273115362

regulatory-pvg.kz@camberglobal.com