Эргоферон

• русский
• қазақша

• Скачать инструкцию медикамента

Саудалық атауы

Эргоферон

Халықаралық патенттелмеген атауы

Жоқ

Дәрілік түрі

Соруға арналған таблеткалар

Құрамы

Бір таблетканың құрамында

белсенді заттар: адам гамма интерферонына аффинді тазартылған антиденелер 0,006 г*, гистаминге аффинді тазартылған антиденелер 0,006 г*,

CD4-ке аффинді тазартылған антиденелер 0,006 г*.

қосымша заттар: лактоза моногидраты, микрокристалды целлюлоза, магний стеараты.

* лактоза моногидратына 10012, 10030, 10050есеге сәйкес сұйылтылған субстанцияның үш белсенді сулы-спиртті сұйылтулары қоспасы түрінде жағылады.

Сипаттамасы

Жалпақ цилиндр пішінді, сызығы мен ойығы бар, ақтан ақ дерлік түске дейінгі таблеткалар. Сызығы бар жалпақ жағында MATERIA MEDICA жазуы бар, басқа жалпақ жағында ERGOFERON жазуы салынған.

Фармакотерапиялық тобы

Вирусқа қарсы басқа да препараттар

АТХ коды J05AX

Фармакологиялық қасиетері

Фармакокинетикасы

Бастапқы субстанция технологиялық өңдеу үдерісінің ерекшеліктері салдарынан осы заманғы физика-химиялық талдау әдістерінің сезімталдығы (газ-сұйықтық хроматографиясы, тиімділігі жоғары сұйықтық хроматографиясы, хромато-масс-спектрометрия) бұл технологияның ақырғы өнімдері құрамын биологиялық сұйықтықта, ағзалар мен тіндерде бағалауға мүмкіндік бермейді, осыдан Эргоферон препараты фармакокинетикасын зерттеу техникалық тұрғыдан мүмкін емес.

Фармакодинамика

Эргоферон препараты құрамына кіретін ИФНγ, гистамин және CD4-ке поликлональді антиденелердің антигенінде афинді тазартылғандардан дайындалған компоненттер концентрацияны градуальді (жүйелі) азайтумен байланысты технологиялық өңдеу үдерісінде фармакологиялық нысаналарға әмбебап өзіндік әсер ету қабілеттілігін иеленеді, оларда конформациялық өзгерістер туындатып, ал бұл олардың функционалдық белсенділігінің өзгеруіне алып келеді. Дайын дәрілік түрде анықталатын бастапқы субстанция мөлшерінің болмауы классикалық фармакодинамикалық доза-әсер корреляциясын пайдалануға мүмкіндік бермейді.

Эксперимент жүзінде ядролық-магниттік резонанс әдісімен технологиялық өңделген антиденелерден алынған препараттың реттеуші (сигналды) жолдарды белсендіруге түрткі бола отырып, сәйкес антиген молекуласында да, оның рецепторында да конформациялық өзгерістер туындататыны дәлелденген.

Эксперименттік және клиникалық зерттеулерде гамма интерферонына антиденелердің қабынуға қарсы және иммунитет модуляциялаушы белсенділігі бар екендігі расталған: ИФНγ, ИФНα/β, сондай-ақ олармен байланысты интерлейкиндер (ИЛ-2, ИЛ-4, ИЛ-10 және т.б.) экспрессиясын жоғарылатады, оның рецепторымен ИФНγ лиганд-рецепторлық өзара әрекеттесуін модификациялайды; организмнің вирусқа қарсы табиғи төзімділігінің маңызды факторы болып табылатын ИФНγ тән табиғи антиденелерді қалыпқа түсіреді; NK жасушаларының функционалдық белсенділігін көтермелейді.

Гистаминге антиденелер шеткергі және орталық Н1-рецепторларының гистаминге тәуелді белсенділігін модификациялай отырып, аллергияға қарсы және қабынуға қарсы әсер етеді, осылайша бронх тегіс бұлшықеттерінің тонусын төмендетіп, қылтамырлар өткізгіштігін азайтады, осыдан ринорея, мұрын шырышты қабығының ісінуі, жөтел және түшкіру, сондай-ақ жұқпа үдерісімен қатар жүретін аллергиялық реакциялардың ұзаққа созылмауына және айқындылығына алып келеді.

CD4-ке антиденелер CD4 рецепторының функционалдық белсенділігін реттейді, бұл CD4-лимфоциттер функционалдық белсенділігінің артуына, CD4/CD8 иммунреттеуші индексінің, сондай-ақ иммунокомпетентті жасушалардың субпопуляциялық құрамының (CD3, CD4, CD8, CD16, CD20) қалыпқа түсуіне алып келеді.

Эргоферонды жедел респираторлық вирустық жұқпаларда қолдану тиімділігі эксперименттік және клиникалық тұрғыда дәлелденген; сондай-ақ вирустық жұқпалар бактериялық асқынуларын кешенді емдеу мен алдын алуда қолданылуы мүмкін; асқын жұқпа дамуынан сақтандырады.

Қолданылуы

- ересектер мен 3 жастағы балаларда жедел респираторлық вирустық жұқпалардың (оның ішінде тұмауды) кешенді емі құрамында

- жедел респираторлы вирустық жұқпалардың (ЖРВЖ) алдын алуда

Қолдану тәсілі және дозалары

Ішке. Бір қабылдауға – 1 таблетка (тамақтанудан 15 минут бұрын немесе тамақтанғаннан кейін 15 минут өткен соң). Таблетканы жұтпай, толық ерігенше, ауызда ұстау керек.

Ересектер мен 3 жасар балалардан бастап ЖРВЖ кешенді емінің құрамында: емдеуді мүмкіндігінше ерте, жедел жұқпаның алғашқы белгілері пайда болғаннан-ақ төмендегі сызба бойынша бастау керек: алғашқы 2 сағатта препаратты бірінші тәуліктің келесі сағаттары ішінде бірдей уақыт аралығымен тағы үш қабылдау 30 минут сайын жүзеге асырылады. Екінші тәуліктен бастап және одан әрі 1 таблеткадан күніне 3 рет толық жазылғанша қабылдайды.

Ересектер мен 3 жасар балалардан бастап ЖРВЖ алдын алу – күніне 1-2 таблеткадан. Профилактикалық курстың ұсынылатын ұзақтығы жекелей анықталады және 1 - 6 айды құрауы мүмкін.

Қажет болғанда препаратты басқа да вирусқа қарсы және симптоматикалық дәрілермен үйлестіруге болады.

Жағымсыз әсерлері

Препарат компоненттеріне жекелей жоғары сезімталдық реакциясының даму қаупі бар. Клиникалық зерттеулерде шын мәнінде препарат қабылдаумен байланысты аллергиялық реакциялар тіркелмеген.

Қолдануға болмайтын жағдайлар

- препарат компоненттеріне жекелей жоғары сезімталдық

- 3 жасқа дейінгі балалар

- тұқым қуалайтын фруктозаны көтере алмаушылық, Lapp-лактаза ферменті тапшылығы, глюкоза-галактоза мальабсорбциясы

Дәрілермен өзара әрекеттесуі

Қазіргі кезге дейін басқа дәрілік заттармен сәйкессіздік жағдайлары тіркелмеген.

Айрықша нұсқаулар

Құрамына лактоза моногидраты кіреді, осыған байланысты туа біткен галактоземиясы, глюкоза немесе галактоза мальабсорбция синдромы бар емделушілерге немесе туа біткен лактаза жеткіліксіздігі кезінде тағайындау ұсынылмайды.

Жүктілік және лактация кезеңі

Эргоферонды жүктілік және лактация кезеңінде қолдану қауіпсіздігі зерттелмеген. Жануарлардың буаз ұрғашыларына эксперимент жүргізуде эмбрио- және фетоуытты әсерінің жоқ екендігі, сондай-ақ әсер тұқымына жағымсыз етпейтіні дәлелденген. Сондықтан Эргоферон препаратын ана үшін пайдасы мен ұрыққа немесе балаға төнетін ықтимал қауіптің арақатынасын бағалаудан кейін, аса қажетті болғанда қолдану ұсынылады.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Эргоферон көлік құралдарын немесе қауіптілігі зор механизмдерді басқару қабілетіне әсер етпейді.

Артық дозалануы

Кездейсоқ артық дозаланғанда қосымша заттары: лактоза моногидраты мен магни стеараты туындатқан диспепсиялық құбылыстар болуы мүмкін.

Шығарылу түрі және қаптамасы

Поливинилхлоридті үлбірден және алюминий фольгадан жасалған пішінді ұяшықты қаптамада 20 таблеткадан.

1, 2 немесе 5 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау шарттары

Жарықтан қорғалған жерде, 250С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецептісіз

Өндіруші

«МАТЕРИА МЕДИКА ХОЛДИНГ» ҒӨФ» ЖШҚ, Ресей, 127473,

Мәскеу қ., 3-ші Самотечный қысқа к-сі, 9 үй. Тел./факс: (495) 684-43-33.

Тіркеу куәлігінің иесі

«МАТЕРИА МЕДИКА ХОЛДИНГ» ҒӨФ» ЖШҚ, Ресей.

Өндіріс алаңы

«МАТЕРИА МЕДИКА ХОЛДИНГ» ҒӨФ» ЖШҚ, Ресей, 454139,

Челябинск қ., Бугурусланская к-сі, 54.

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы

«МАТЕРИА МЕДИКА ХОЛДИНГ» ҒӨФ» ЖШҚ ҚР өкілдігі Алматы қ., Жібек жолы к-сі 64, 206 кеңсе.

Тел./факс: 2734713

E-mail: kz@dep.materiamedica.ru