Энтерофурил®

• русский
• қазақша

• Скачать инструкцию медикамента

Саудалық атауы

Энтерофурил®

Халықаралық патенттелмеген атауы

Нифуроксазид

Дәрілік түрі

Ішуге арналған суспензия, 200мг/5мл

Құрамы

Белсенді зат - нифуроксазид 200.0 мг

Қосымша заттар:

сахароза, натрий гидроксиді, метилпарагидроксибензоат, этанол 96%, карбомер, лимон қышқылы, банан хошиістендіргіші, су.

Сипаттамасы

Банан иісі бар сары түсті суспензия

Фармакотерапиялық тобы

Диареяға қарсы препараттар. Микробтарға қарсы және қабынуға қарсы ішек препараттары. Микробтарға қарсы басқа да ішек препараттары. Нифуроксазид.

АТХ коды А07АХ03

Фармакологиялық қасиеттері

Фармакокинетикасы Нифуроксазид ішу арқылы қолданудан кейін ас қорыту жолынан іс жүзінде сіңбейді, ал өзінің бактерияға қарсы әсерін тек қана ішек саңылауында көрсетеді. Асқазан-ішек жолы арқылы толық шығарылады. Сыртқа шығарылу жылдамдығы препараттың дозасына да, ішек жолы моторикасына да байланысты болады.

Фармакодинамикасы

Әсер ету ауқымы кең микробқа қарсы дәрі, 5-нитрофуран туындысы. Нифуроксазидтің микробқа қарсы белсенділігі оның құрамында дегидрогеназа белсенділігін бәсеңдететін және патогендік бактерияларда ақуыздар синтезін бұзатын NO2-тобының болуынан туындаған деп болжамдалады. Грамоң микроорганизмдерге (Streptococcus aureus, Staphylococcus pyogenes, Clostridium), грамтеріс энтеробактерияларға (Escherihia coli, Salmonella spp., Shigella spp., Klebsiella spp., Enterobacter spp., Vibrio cholerae, Campylobacter jejuni, Edwarsiella, Citrobacter, Yersinia enterocolitica) қатысты белсенді.

Нифуроксазид сапрофит флорасына әсер етпейді, қалыпты ішек флорасы тепе-теңдігін бұзбайды. Жедел бактериялық диареяда ішек эубиозын қалпына келтіреді. Энтеротропты вирустарды жұқтырғанда бактериялық асқынжұқпаның дамуына кедергі келтіреді.

Қолданылуы

Шығу тегі бактериялық диареяда

Қолдану тәсілі және дозалары

Препарат ішу арқылы қабылдауға арналған.

Дозалау үшін көлемі 5 мл 2,5 мл белгісі бар өлшеуіш қасықты пайдаланған жөн.

Қолданар алдында суспензияны қатты сілку керек.

Жасы 1 - 6 айлық балаларға: 2,5 мл-ден тәулігіне 2 немесе 3 рет (8-12 сағат аралықпен).

Жасы 7 айлық –2 жасар балаларға: 2,5 мл-ден тәулігіне 4 рет.

3 - 7 жастағы балаларға: 5 мл-ден тәулігіне 3 рет (8 сағат аралықпен).

7 жастан асқан балалар мен ересек емделушілерге: 5 мл-ден тәулігіне 3 немесе 4 рет (6-8 сағат аралықпен).

Нифуроксазидпен емдеу 7 күннен аспауы тиіс.

Жағымсыз әсерлері

Аллергиялық реакциялар, жүрек айну, құсу.

Қолдануға болмайтын жағдайлар

- Нитрофуран туындыларына немесе препараттың басқа да компоненттеріне жоғары сезімталдық;

- Фруктоза жақпаушылығы, глюкоза-галактоза мальабсорбциясы синдромы, сахараза және изомальтаза жеткіліксіздігі.

- Жаңа туған нәрестелік кезеңі (1 айға дейін), уақытына жетпей туу .

Дәрілермен өзара әрекеттесуі

Нифуроксазидтің басқа дәрілік заттармен өзара әрекеттесуі туралы деректер жоқ.

Айрықша нұсқаулар

Диареяны емдегенде нифуроксазид емімен бір мезгілде емделушінің жағдайына және диареяның қарқындылығына сәйкес регидратациялық ем (пероральді немесе көктамырішілік) жүргізілуі қажет. Ем жүргізу уақытында алкоголь қолдануға тыйым салынады.

Суспензияны емшектегі нәрестелерге тағайындар алдында олардағы туа біткен сахарозаны ыдырататын ферменттер тапшылығын жоққа шығару қажет.

Осы дәрілік заттың құрамында метилпарагидроксибензоат (Е218) бар, ол аллергиялық реакциялар туындатуы ықтимал (сондай-ақ аса жоғары сезімталдық реакциялары болуы мүмкін).

Жүктілік және лактация кезеңі

Энтерофурил® препаратын жүктілік кезінде қолдану емдеудің ана үшін күтілетін пайдасы ұрыққа төнетін қауіптен асып түсетін жағдайда ғана ақталады.

Энтерофурил® асқазан-ішек жолынан сіңірілмейді және жүйелі қан айналымына түспейді, алайда препаратты лактация кезеңінде тек қатаң көрсетілімдер бойынша ғана қолдануға болады, бұл ретте емшекпен қоректендіру мәселесін шешіп алған жөн.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалануы

Препарат асқазан-ішек жолынан сіңірілмейді және жүйелі қан айналымына түспейді. Артық дозалану симптомдары белгісіз. Дозаны асыра қолданған жағдайда асқазанды шаю және симптоматикалық ем ұсынылады.

Шығарылу түрі және қаптамасы

90 мл препараттан алғашқы ашылуы бақыланатын алюминий қақпақпен немесе балалардан қорғайтын механизммен, нығыздағыш және алғашқы ашылуы бақылауымен жабдықталған бұрандалы пластик қақпақпен тығындалған қоңыр шыны құтыларға құйылады.

1 құтыдан медицинада қолданылуы жөніндегі мемлекеттік және орыс тіліндегі нұсқаулықпен және өлшеуіш қасығымен бірге картон қорапқа салынады.

Сақтау шарттары

30 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл. Құтыны ашқаннан кейін қолдану кезеңі 14 күннен аспау керек.

Қаптамасында көрсетілген жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

Босналек АҚ, Босния және Герцеговина. 71000 Сараево, Юкичев к-сі, 53

Тіркеу куәлігінің иесі

Босналек АҚ, Босния және Герцеговина. 71000 Сараево, Юкичев к-сі, 53

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы

«Фарм-Евро» ЖШС 050039, Алматы қ., Майлин к-сі, 72 үй, 34 пәтер Тел.: +7(272) 71-10-17 E-mail: farmevro@mail.ru