Энплейт (250 мкг)

• русский
• қазақша

• Скачать инструкцию медикамента

«Қазақстан Республикасы

Денсаулық сақтау министрлігі

Медициналық және фармацевтикалық

бақылау комитеті» РММ төрағасының

БЕКІТІЛГЕН

Дәрілік препараттың медициналық қолдану

жөніндегі нұсқаулық (Қосымша парақ)

Саудалық атауы

Энплейт

Халықаралық патенттелмеген атауы

Ромиплостим

Дәрілік түрі, дозасы

Тері астына енгізу үшін ерітінді дайындауға арналған 250 мкг (500 мкг/мл) ұнтақ

Фармакотерапиялық тобы

Қан және қан түзу ағзалары. Антигеморрагиялық препараттар. К дәрумені және басқа гемостатиктер. Басқа жүйелі гемостатиктер. Ромиплостим

АТХ коды B02BX04

Қолданылуы

Ересектер:

Энплейт емдеудің басқа түрлеріне (мысалы, глюкокортикостероидтарға, иммуноглобулиндерге) резистентті ересек пациенттерде бастапқы иммундық тромбоцитопенияны (идиопатиялық тромбоцитопениялық пурпура (ИТП)) емдеу үшін қолданылады.

Балалар:

Энплейт емдеудің басқа түрлеріне (мысалы, кортикостероидтарға, иммуноглобулиндерге) резистентті бір жастан асқан балаларда созылмалы идиопатиялық тромбоцитопениялық пурпураны (ИТП) емдеу үшін қолданылады ("дозалау режимі" бөлімін қараңыз).

Қолдануды бастағанға дейін қажетті мәліметтер тізбесі

Қолдануға болмайтын жағдайлар

Белсенді затқа немесе қосымша заттардың кез келгеніне немесе Escherichia coli ақуыздарына аса жоғары сезімталдық.

Қолдану кезіндегі қажетті сақтық шаралары

Еруі

Энплейт консерванттарсыз стерильді препарат болып табылады және бір рет қолдануға арналған. Энплейт тиісті асептика ережелеріне сәйкес ерітілу керек.

Энплейт инъекцияға арналған ерітіндіні 250 мкг дозада дайындауға арналған ұнтақты 0,5 мл инъекцияға арналған ерітіндіні алу үшін инъекцияға арналған 0,72 мл стерильді суда еріту керек. Әрбір құтыда 250 мкг алуға кепілдік беру үшін ромиплостимнің жеткілікті мөлшері бар.

Құтының ішіндегісі

Энплейтті еріту үшін тек инъекцияға арналған стерильді суды пайдалану қажет. Препаратты ерітуге натрий хлориді немесе бактериостатикалық су пайдаланылмайды.

Инъекцияға арналған суды құтыға құю керек. Құтыны ішіндегісін абайлап араластыруға және құтыны еріту кезінде төңкеруге болады. Құтыны сілкуге немесе оның ішіндегісін қатты араластыруға болмайды. Энплейт препаратын ерітуге, әдетте, 2 минуттан аз уақыт кетеді. Қолданар алдында қатты бөлшектерінің жоқ екеніне және түсінің бұзылмағанына көз жеткізу үшін қарап тексеру керек. Алынған ерітінді мөлдір және түссіз болуы тиіс, ал егер қатты бөлшектері және/немесе ерітіндінің боялуы байқалса, қолданылмауы тиіс.

Энплейт ерігеннен кейін сақтау шарттары «Сақтау мерзімі» бөлімінде келтірілген.

Пайдаланылмаған дәрілік препарат немесе қалдықтары жергілікті талаптарға сәйкес жойылуы тиіс.

Сұйылту (пациент үшін есептелген жеке дозасы 23 мкг-ден аз құрағанда қажет болады)

Инъекцияға арналған стерильденген судың белгіленген көлемімен Энплейтті бастапқы еріту 500 мкг/мл концентрациясына әкеледі. Егер жеке пациентке есептелген доза 23 мкг-ден аз болса, консерванттарсыз инъекция үшін натрий хлоридінің 9 мг/мл (0,9%) стерильді ерітіндісімен 125 мкг/мл дейін қосымша сұйылту сатысы қажет.

Сұйылту жөніндегі нұсқау

Құрамында консерванттар жоқ инъекцияға арналған натрий хлоридінің 9 мг/мл (0,9%) стерильді ерітіндісі тек сұйылту үшін пайдаланылуы тиіс. Сұйылту үшін судағы немесе инъекцияға арналған стерильді судағы 5% декстроза ерітіндісін пайдалануға болмайды. Сұйылтуға арналған басқа ерітінділер тестіленбеді.

Басқа дәрілік препараттармен өзара әрекеттесуі

Басқа дәрілік заттармен өзара әрекеттесуіне қатысты зерттеу жүргізілмеді. Плазма ақуыздарымен байланысу кезінде туындайтын Энплейттің бір мезгілде қабылданатын препараттармен болуы мүмкін өзара әрекеттесуі белгісіз.

Клиникалық зерттеулер кезінде ИТП емі үшін ромиплостиммен біріктірілімде қолданылатын дәрілік заттарға глюкокортикостероидтар, даназол және/немесе азатиоприн, вена ішіне иммуноглобулин (ВІИГ) және анти‑D иммуноглобулин жатады. Ромиплостим ИТП еміне арналған басқа препараттармен бір мезгілде тағайындалғанда тромбоциттер санының ұсынылатын диапазоннан жоғары артуына жол бермеу мақсатында тромбоциттер санын бақылап отыру қажет .

Глюкокортикостероидтар, даназол және азатиоприн қолдануды осы препараттарды Энплейтпен бір мезгілде қолданғанда азайтуға немесе тоқтатуға болады. ИТП еміне арналған басқа препараттарды қысқарту немесе тоқтату кезінде тромбоциттер санының ұсынылатын диапазонынан төмен азаюын болдырмау мақсатында тромбоциттер санын бақылап отыру қажет.

Фармацевтикалық үйлесімсіздік

Энплейтті «Қолдану кезіндегі қажетті сақтық шаралары» бөлімінде көрсетілгеннен басқа дәрілік препараттармен араластыруға болмайды.

Арнайы ескертулер

Қадағалануы

Биологиялық дәрілік препараттардың бақылануын жақсарту үшін қолданылатын препараттың атауы мен серия нөмірін дәл құжаттау қажет.

Емдеуді тоқтатудан кейінгі тромбоцитопения қайталануы және қан кету

Энплейт тоқтатылған соң тромбоцитопения қайталануы мүмкін. Антикоагулянттарды немесе антиагреганттарды қолдану аясында Энплейтті тоқтатқан жағдайда қан кету қаупі артады. Энплейт тоқтатылған соң тромбоциттер санының азаюын дер мезгілінде анықтау және қан кетуді болдырмау үшін пациенттер мұқият қадағалауда болуы тиіс. Энплейтпен емді тоқтатқанда емдеу жөніндегі қолданыстағы нұсқауларға сәйкес ИТП емін қайта бастауға кеңес беріледі. Қосымша медициналық тағайындауларда антикоагулянттарды және/немесе антиагреганттарды тоқтату немесе тромбомасса құю қамтылуы мүмкін.

Сүйек кемігінде ретикулиннің жоғарылауы

Сүйек кемігінде ретикулин концентрациясының жоғарылауы сүйек кемігінде мегакариоциттер мөлшерінің артуына әкелетін ТПО рецепторлардың көтермелену салдары болып саналады, бұл соңында цитокиндер бөлінуіне ықпал етуі мүмкін. Ретикулин концентрациясының жоғарылауынан шеткері қан жасушаларының морфологиялық өзгерістеріне қарап күмәндануға және оны сүйек кемігінің биопсиясы арқылы анықтауға болады. Осылайша, Энплейтпен емдеуді бастар алдында және емдеу кезінде шеткері қан жағындысына зерттеу жүргізу және қан жасушаларының санын есептеу ұсынылады. Клиникалық зерттеулерде байқалатын ретикулин концентрациясының ұлғаюы туралы ақпарат «Жекелеген жағымсыз реакциялардың сипаттамасы» бөлімінде келтірілген.

Тиімділігін жоғалтқан немесе пациенттегі шеткері қан жағындысында патология табылған жағдайда Энплейтті тоқтатып, физикалық тексеру өткізу және ретукилинге боялуымен сүйек кемігіне биопсия жасау мәселесін қарастыру керек. Мүмкіндігінше, биопсия нәтижелерін алдыңғы нәтижелермен салыстыру керек. Егер тиімділігі сақталса және шеткері қан жағындысында патология байқалса, сүйек кемігіне биопсия жасау мәселесін шешуді қоса, дәрігер талапқа сай клиникалық бағалау жүргізуі, Энплейт үшін қауіп/пайда арақатынасын қайта бағалауы және ИТП баламалы емін тағайындау мүмкіндігін қайта қарастыруы тиіс.

Тромбоздық/тромбоэмболиялық асқынулар

Қалып шегінен асып кететін тромбоциттер саны тромбоздық/тромбоэмболиялық асқынуларды дамытатын қауіп факторы болып табылады. Тромботикалық/тромбоэмболиялық асқынулардың байқалған жағдайларының саны Энплейт үшін 6,0% және плацебо үшін 3,6% болды. Энплейт тұқым қуалайтын (мысалы, Лейден V факторы) немесе жүре келе пайда болған қауіп факторларын (мысалы, антитромбин ІІІ тапшылығы, фосфолипидке қарсы синдром) қоса, тромбоэмболияны туындататын белгілі қауіп факторлары бар пациенттерге, егде жастағы пациенттерге, ұзаққа созылатын кезең бойына иммобилизацияланған пациенттерге, қатерлі ісіктері бар пациенттерге, контрацептивтер және гормон алмастырушы ем қабылдап жүргендерге, операциядан/жарақаттан кейінгі семіздікке бейім пациенттерге, сондай-ақ шылым шегетін пациенттерге сақтықпен тағайындалу керек.

Тромбоэмболиялық асқынулар, оның ішінде қақпа венасының тромбозы туындаған жағдайлар Энплейт қабылдаған созылмалы бауыр аурулары бар пациенттерде тіркелді. Ондай пациенттер Энплейтті абайлап қабылдау керек. Дозаны түзету жөніндегі нұсқаулықты ұстану қажет.

Медициналық қателіктер

Энплейт алатын пациенттерде артық дозалануды және дозаны жеткіліксіз енгізуді қамтитын медициналық қателіктер хабарланды, сондықтан дозаны есептеу және түзету жөніндегі нұсқауларды қадағалау қажет. Кейбір педиатриялық пациенттерде нақты дозалау ерітуден кейінгі қосымша сұйылту сатысына байланысты, бұл дәрілер қабылдау кезіндегі қателіктер қаупін арттыруы мүмкін.

Артық дозалану тромбоциттер санын көбейтуі мүмкін, тиісінше, бұл тромбоздық/тромбоэмболиялық асқынулардың дамуына әкелуі мүмкін. Тромбоциттер саны көбейгенде Энплейтпен емдеуді тоқтатып, тромбоциттер санын бақылап отыру керек. Энплейтпен емдеуді дозалау және қолдану тәсілі жөніндегі нұсқауларға сәйкес жаңғырту қажет. Дозаны жеткіліксіз енгізу тромбоциттер санының күтілуінен аз түзілуіне және қан кетудің туындау ықтималдығына әкелуі мүмкін. Энплейт алатын пациенттерде тромбоциттер санын бақылау қажет.

Бұрыннан бар миелодисплазия синдромының (МДС) үдеуі

Энплейттегі пайда/қауіптің қолайлы арақатынасы ИТП байланысты тромбоцитопенияны емдеу үшін ғана расталған («Қолданылуы» бөлімін қараңыз), Энплейтті шығу тегі басқа тромбоцитопения кезінде қолдануға болмайды.

Ересек және егде жастағы пациенттерде ИТП диагностикалануын тромбоцитопения, атап айтқанда, МДС дамуына әкелетін басқа нозологиялық бірліктерді жоққа шығару арқылы растау қажет. Ауру ағымы және емдеу кезеңінде сүйек кемігіне пункция және биопсия жасау қажет, әсіресе, бұл 60 жастан асқан пациенттерге және шеткері бласт жасушалары санының артуы сияқты жүйелі көріністері немесе патологиялық симптомдары пациенттерге қатысты.

Энплейт алатын МДС бар ересек пациенттерде бласт жасушалары санының уақытша көбею жағдайлары және ЖМЛ дейін МДС үдеген жағдайлар байқалды. МДС бар пациенттердің Энплейтпен емдеуді тоқтату туралы аурудың ЖМЛ-ға дейін үдеуінің ұлғаюына және айналымдағы бласт жасушалары санының 10%-дан астамға уақытша ұлғаюына байланысты хабарланды.

МДС-пен немесе клиникалық зерттеулерден тыс ИТП-дан өзге, кез келген басқа себепке байланысты тромбоцитопенияны емдеу үшін Энплейт қолдануға болмайды.

Ромиплостиммен емге жауаптың болмауы

Энплейт препаратымен ұсынылатын дозаларында емдегенде емдеуге жауап жоғалғанда немесе тромбоциттердің тұрақты санын сақтау мүмкін болмағанда, иммуногенділігін және сүйек кемігінде ретикулин концентрациясының артуын қоса, себептік факторларды анықтау қажет.

Ромиплостимнің эритроциттер мен лейкоциттерге әсері

Эритроциттер (азаюы) мен лейкоциттер (ұлғаюы) санының өзгеруі препараттың уыттылығын клиникаға дейінгі зерттеулер кезінде байқалды. Пациенттерде спленэктомияның болуына/болмауына байланыссыз қатарлас анемия және лейкоцитоз (4 апталық үзіліспен) туындауы мүмкін, бірақ бұл құбылыстар көкбауырын алып тастаған пациенттерде жиірек білінді. Энплейтпен ем алып жүрген пациенттерде осы параметрлерді бақылау қажеттілігін анықтау керек.

Педиатрияда қолдану

Бір жасқа дейінгі балалардағы ромиплостимнің қолдану қауіпсіздігі мен тиімділігі анықталмаған.

Жүктілік немесе лактация кезінде

Энплейт препаратын жүкті әйелдерде қолдану жөніндегі деректер жоқ немесе шектеулі.

Энплейт препаратын жүктілік кезінде және контрацепцияны пайдаланбайтын бала туатын жастағы әйелдерде қолдану ұсынылмайды.

Ромиплостимнің немесе оның метаболиттерінің емшек сүтіне өту деректері жоқ. Дегенмен де, ондай ықтималдық бар, ал емшекпен қоректендіру кезінде сәбиге осындай қауіп барын жоққа шығаруға болмайды. Бала емізуді жалғастыру/тоқтату немесе Энплейтпен емді жалғастыру/тоқтату шешімін сәбиге емшек емізудің пайдасын және әйелге Энплейтпен емделу пайдасын ескере отырып, қабылдау керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Энплейт көлік құралын және механизмдерді басқару қабілетіне орташа әсерін көрсетеді. Кейбір пациенттерде бас айналудың транзиторлы ұстамалары туралы хабарланды.

 

Қолдану жөніндегі нұсқаулар

Емдеуді гематологиялық науқастарды емдеуде тәжірибесі бар дәрігердің бақылауымен жүргізу керек.

Дозалау режимі

Бастапқы доза

Энплейттің бастапқы дозасы нақты дене салмағына есептегенде 1 мкг/кг құрайды.

Дозаны есептеу

Енгізуге арналған Энплейт көлемі дене салмағы, қажетті дозасы мен өнім концентрациясы негізінде есептеледі.

1 кесте. Жеке қолдануға арналған Энплейт дозасын және көлемін есептеуге арналған ұсынымдар

 

Дозаны таңдау

Дозаны есептеу үшін емнің басындағы пациенттің нақты дене салмағы пайдаланылуы тиіс. Энплейттің бір реттік апталық дозасын пациент тромбоциттер саны ≥ 50 × 10 9/л жеткенге дейін 1 мкг /кг қадаммен ұлғайту керек. Тромбоциттердің тұрақты санына жеткенше (дозаны түзетусіз кемінде 4 апта бойы ≥ 50 × 109/л) тромбоциттер санын апта сайын бағалау керек. Осыдан кейін тромбоциттер санын ай сайын бағалау және ұсынылған диапазонда тромбоциттер санын сақтап тұру үшін дозаны түзету кестесіне сәйкес (2 кесте) дозаға тиісті түзету керек. Ең жоғары бір реттік доза 10 мкг/кг-ден аспауы тиіс.

2 кесте. Тромбоциттер саны негізінде дозаны түзету жөніндегі ұсынымдар

 

Тромбоцитарлық жауаптың әркімде жеке құбылуына байланысты, дозаны азайтудан немесе емдеуді тоқтатудан кейін кейбір пациенттерде тромбоциттер саны 50 ×  109/л-ден аз күрт төмендеуі мүмкін. Мұндай жағдайларда дозаны түзетудің клиникалық қажеттілігі болған кезде медициналық бағалау нәтижелері бойынша дозаны төмендету (200×109/л) және емдеудегі үзіліс (400×109/л) үшін тромбоциттер санының анағұрлым жоғары мәндері қарастырылуы мүмкін.

Емдеуге жауап жоғалған немесе ұсынылған дозаларда Энплейтпен емдеу кезінде тромбоциттердің тұрақты санын ұстап тұру мүмкін болмаған кезде жауаптың жоғалу себебін анықтау қажет.

Емдеуді тоқтату

Егер тромбоциттер саны апта сайын ең жоғары 10 мкг/кг дозадағы Энплейтпен 4 апталық емнен кейін клиникалық мәнді қан кетуді болдырмауға жеткілікті деңгейге дейін көбеймесе, Энплейтпен емдеуді тоқтату керек.

Пациенттер мезгіл-мезгіл клиникалық бағалаудан өтуі тиіс, ал емдеуші дәрігер емдеуді жалғастыру жөніндегі әркімнің жеке шешімін таңдауы тиіс, спленэктомиясыз пациенттерде бұл спленэктомияға қатысты бағалауды қамтуы тиіс. Емдеуді тоқтатқан кезде тромбоцитопенияның қайталануы мүмкін.

Балалар

Бір жасқа дейінгі балалардағы ромиплостимнің қолдану қауіпсіздігі мен тиімділігі анықталмаған.

Егде жастағы пациенттер (≥65 жас)

65 жасқа толмаған және 65 жастан асқан пациенттер топтарында тиімділік пен қауіпсіздік айырмашылықтары анықталмады. Осы деректер негізінде егде жастағы пациенттерге дозаны түзету қажет еместігіне қарамастан, оларды емдеу кезінде сақ болу қажет.

Бауыр жеткіліксіздігі бар пациенттер

Егер ТПО агонистерімен емделген бауыр жеткіліксіздігімен байланысты тромбоцитопениясы бар пациенттерде қақпа венасы тромбозының анықталған қаупі күтілетін пайдасынан басым болса ғана, бауырдың орташа немесе ауыр жеткіліксіздігі бар пациенттерде (Чайлд-Пью шкаласы бойынша балл ≥ 7), Энплейт қолдануға болмайды.

Егер Энплейт препаратын пайдалануға қажет болып саналса, тромбоэмболиялық асқынулар қаупін азайта түсу үшін тромбоциттер санын мұқият бақылап отыру қажет.

Бүйрек жеткіліксіздігі бар пациенттер

Пациенттердің осы тобы бойынша ақпарат жоқ. Энплейтті халықтың осы топтарында сақтықпен қолдану керек.

Енгізу жолы және тәсілі

Тері астына енгізу үшін.

Ерігеннен кейін Энплейт препаратын тері астына енгізу керек. Инъекция көлемі өте аз болуы мүмкін. Энплейт дозасын есептеу және оны инъекцияға арналған стерильдi судың тиісті көлемінде еріту кезінде сақ болу керек. Егер пациент үшін есептелген жеке доза 23 мкг-ден кем болса, онда дәл дозалауды қамтамасыз ету үшін консерванттарсыз инъекцияға арналған 9 мг/мл (0,9%) натрий хлоридінің стерильді ерітіндісімен одан әрі сұйылту қажет. Құтыдан тері астына енгізуге арналған Энплейттің тиісті көлемін шығарып алуға ерекше көңіл бөлу керек - 0,01 мл бөліктерге бөлінген шприц пайдаланылу керек.

Энплейтті балаларға өз бетінше қолдануға рұқсат етілмейді.

Қабылдау уақыты көрсетілген қолдану жиілігі

Энплейт аптасына бір рет енгізілуі керек.

Артық дозалану жағдайында қабылдануы қажет шаралар

Энплейтті ең жоғары дозадан 100 немесе 50 есе асатын дозада енгізгеннен кейін жағымсыз реакциялар байқалған жоқ.

Артық дозалану жағдайында тромбоздық/тромбоэмболиялық асқынуларға алып келетін тромбоциттер санының көбеюі болуы мүмкін. Тромбоциттер саны қарқынмен көбейгенде Энплейтті қабылдауды тоқтатып, тромбоциттер деңгейіне мұқият қадағалау тағайындалу керек. Препарат қабылдауды тек қолдану тәсілі және дозалау жөніндегі нұсқауларға сай жаңғыртуға болады.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар.

Емдеуді гематологиялық науқастарды емдеуде тәжірибесі бар дәрігердің бақылауымен жүргізу керек.

 

Дәрілік препаратты стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Энплейт қабылдаған пациенттерде барлық жағымсыз реакциялардың жалпы жиілігі 91,5% құрады.

Энплейтпен емделу кезінде туындауы мүмкін ең көп күрделі жағымсыз реакциялар емдеуді тоқтатудан кейін тромбоцитопения жаңғыруы мен қан кету, сүйек кемігінде ректикулин концентрациясының жоғарылауы, тромбоздық/тромбоэмболиялық асқынулар, медициналық қателіктер зардаптары және бұрыннан бар миелодисплазия синдромының (МДС) жедел миелоидты лейкозға (ОМЛ) дейін үдеуін қамтиды. Ең көп жиі байқалатын жағымсыз реакцияларға аса жоғары сезімталдық реакциялары (бөртпе, есекжем және ангионевроздық ісіну) және бас ауыру жатады.

Жағымсыз реакциялардың туындау жиілігі былайша анықталған: өте жиі (≥ 1/10), жиі (≥ 1/100 - < 1/10), жиі емес (≥1/1000 - < 1/100), сирек (≥ 1/10000 - < 1/1000), өте сирек (≥1/10000) және белгісіз (қолда бар деректермен бағалау мүмкін емес).

Өте жиі

• жоғарғы тыныс жолдарының инфекциялары
• ринит***
• аса жоғары сезімталдық**
• бас ауыруы
• ауызжұтқыншақтың ауыруы ***
• іштің жоғары бөлігінің ауыруы***

Жиі

• гастроэнтерит,
• фарингит***,
• конъюнктивит***,
• құлақ инфекциясы***,
• синусит***/****
• бронхит****
• сүйек кемігі тарапынан бұзылу*,
• тромбоцитопения*,
• анемия
• ангионевроздық ісіну
• ұйқысыздық
• бас айналуы,
• бас сақинасы,
• парестезия
• қатты жүрек қағуын сезіну
• беттің қызаруы
• өкпе артериясының эмболиясы*
• жүрек айнуы,
• диарея,
• іштің ауыруы,
• іш қату,
• диспепсия
• қышыну,
• экхимоздар,
• бөртпе
• артралгия,
• миалгия,
• бұлшықет түйілуі,
• аяқ-қолдың ауыруы,
• арқаның ауыруы,
• сүйектің ауыруы

• қажығыштық,
• шеткері ісіну***,
• тұмауға ұқсас жағдай,
• ауырсыну,
• астения,
• қызба,
• қалтырау,
• инъекция орнындағы реакциялар
• соғылу

Жиі емес

• тұмау,
• жергілікті инфекция,
• назофарингит
• көптеген миелома,
• миелофиброз
• апластикалық анемия,
• сүйек кемігінің жеткіліксіздігі,
• лейкоцитоз,
• спленомегалия,
• тромбоцитемия,
• тромбоциттер санының ұлғаюы,
• тромбоциттердің қалыптан тыс саны
• алкоголь жақпаушылығы,
• анорексия,
• тәбеттің төмендеуі,
• дегидратация,
• подагра
• депрессия,
• ерекше түстер көру
• клоникалық құрысулар,
• дисгевзия,
• гипестезия,
• гипогевзия,
• шеткері нейропатия,
• көлденең синус тромбозы
• субконъюнктивальді қан құйылу,
• аккомодацияның бұзылуы,
• соқырлық,
• көрудің бұзылуы,
• көздің қышуы,
• жас ағудың жоғарылауы,
• көру жүйкесі дискісінің ісінуі,
• көру қабілетінің бұзылуы
• вертиго
• миокард инфарктісі,
• жүректің жиырылу жиілігінің ұлғаюы
• терең веналар тромбозы,
• гипотония,
• шеткері тамырлар эмболиясы,
• шеткері тамырлар ишемиясы,
• флебит,
• беткейлік тромбофлебит,
• тромбоз,

• терінің шектеулі ауыртып ісінуі (эритромелалгия)
• жөтел,
• ринорея,
• тамақтың құрғау сезімі,
• ентігу,
• мұрынның бітелуі,
• тыныс алу кезіндегі ауырсыну
• құсу,
• тік ішектен қан кету,
• ауыздан жағымсыз иіс шығуы,
• дисфагия,
• рефлюкс-эзофагит,
• гематохезия,
• ауыз қуысында қан кету,
• асқазан аймағындағы жайсыздық,
• стоматит,
• тіс түсінің өзгеруі,
• қақпалық вена тромбозы,
• бауыр трансаминазалары белсенділігінің жоғарылауы
• алопеция,
• фотосезімталдық реакциясы,
• акне,
• жанаспалы дерматит,
• терінің құрғауы,
• экзема,
• эритема,
• эксфолиативті бөртпе,
• шаш өсуінің бұзылуы,
• пруриго,
• геморрагиялық бөртпе,
• папулярлы бөртпе,
• қышитын бөртпе,
• терідегі түйіндік қалыңдау,
• тері иісінің өзгеруі,
• есекжем
• бұлшықет кернеуі,
• бұлшықет әлсіздігі,
• иықтың ауыруы,
• бұлшықеттің құрысуы
• несепте ақуыздың болуы
• қынаптан қан кету
• инъекция орнындағы геморрагиялар,
• кеуде қуысының ауыруы,
• ашушаңдық,
• дімкәстік,
• беттің ісінуі,
• қызу сезімі,
• мазасыздық сезімі
• артериялық қысымның жоғарылауы,
• қандағы лактатдегидрогеназа концентрациясының жоғарылауы,
• дене температурасының жоғарылауы,
• дене салмағының төмендеуі,
• дене салмағының жоғарылауы

 

* «Арнайы ескертулер» бөлімін қараңыз.

** Бөртпе, есекжем және ангионевроздық ісінуді қоса, аса жоғары сезімталдық реакциялары.

*** Педиатриялық зерттеулерде қосымша жағымсыз реакциялар байқалады.

**** Ұзақтығы 12 айға дейінгі ИТП бар ересек пациенттерде байқалған қосымша жағымсыз реакциялар

 

Балалар

Қауіпсіздіктің жалпы бейіні ересектерде байқалғанға ұқсас болды.

1 жастағы және одан үлкен ИТП бар балаларда ең көп жиі жағымсыз реакциялар жоғарғы тыныс жолдарының инфекциясы, ринит, жөтел, ауыз-жұтқыншақ ауыруы, іштің жоғарғы бөлімінің ауыруы, диарея, бөртпе, гипертермия, соғылу (өте жиі хабарланады (≥ 1/10)), фарингит, конъюнктивит, құлақ инфекциясы, гастроэнтерит, синусит, пурпура, есекжем және шеткері ісіну (жиі білінеді (≥ 1/100 - < 1/10)) болды. Ауыз-жұтқыншақтың ауыруы, іштің жоғарғы бөлімінің ауыруы, ринит, фарингит, конъюнктивит, құлақ инфекциясы, синусит және шеткері ісіну, ересектерде жүргізілген зерттеулердегі осындаймен салыстырғанда, педиатриялық зерттеулерде байқалған қосымша жағымсыз реакциялар болды.

Ересектерде байқалған кейбір жағымсыз реакциялар балаларда жиірек хабарланды, мысалы, жөтел, диарея, бөртпе, гипертермия және соғылу балаларда өте жиі (≥ 1/10), сондай-ақ пурпура және есекжем (≥ 1/100 - < 1/10) балаларда жиі хабарланды.

 

Жекелеген жағымсыз реакциялардың сипаттамасы

Одан өзге, төменде келтірілген реакциялар жүргізілген емдеумен де байланысты деп саналады.

Қан кету

ИTП клиникалық бағдарламасының бүкіл кезеңінде ересектерде қан кету мен тромбоциттер саны арасында кері тәуелділік байқалды. Барлық клиникалық мәнді (≥ 3 дәреже) қан кетулер < 30 × 109/л тромбоциттер саны тұсында орын алды. Барлық ≥ 2 дәрежедегі қан кетулер < 50 × 109/л тромбоциттер саны тұсында болды. Ромиплостим мен плацебо қабылдаған пациенттер арасында қан кету жағдайларының жалпы жиілігінде статистикалық мәнді айырмашылықтар байқалмады.

Педиатриялық зерттеуде қан кетудің күрделі эпизодтарының саны Энплейт тобы үшін 1,9 (4,2) және плацебо тобы үшін 4,0 (6,9) құрады.

Тромбоцитоз

Энплейт алған ИТП бар ересек пациенттерде тромбоцитоздың 3 жағдайы тіркелді. Үш пациенттің бәрінде тромбоциттер санының көбеюімен байланысты ешқандай клиникалық зардаптар тіркелмеді. Балаларда тромбоцитоз 1 жиілікте сирек (0,4%) (≥ 1/1000-нан <1/100) байқалды. Ауру ≥ 3 дәрежедегі немесе күрделі тромбоцитоз үшін 1 жиілікте болды (0,4%).

Емдеуді тоқтатудан кейінгі тромбоцитопения

Энплейт алған ИТП бар ересек пациенттерде емдеуді тоқтатқаннан кейін тромбоцитопенияның 4 жағдайы тіркелді.

Бұрыннан бар миелодисплазия синдромының (МДС) үдеуі

МДС бар ересек пациенттерді Энплейтпен емдеу жедел миелоидты лейкозға (ЖМЛ) дейінгі МДС үдеген жағдайлардың көбеюіне және ромиплостим алатын пациенттерде, плацебомен салыстырғанда, бласт жасушалары санының уақытша артуына байланысты тоқтатылды. ЖМЛ дейін МДС үдеуі байқалатын жағдайлардың ішінде, МДС жіктеуі бойынша, БМРА‑1 (бласт‑1 мөлшері артық рефрактерлі анемия) бар пациенттер зерттеуге қосылу сатысында аурудың ЖМЛ дейін үдеуіне бейімірек болды. Жалпы өміршеңдік плацебоға ұқсас болды.

Сүйек кемігінде ретикулин концентрациясының жоғарылауы

Сүйек кемігінде ретикулиннің депондалуына байланысты пациенттердің Энплейтпен емделуін тоқтату туралы мәліметтер бар; сондай-ақ, ретикулин сүйек кемігінің биопсиясымен анықталды.

Педиатриялық зерттеуде сүйек кемігінің бағаланатын биопсиясы бар пациенттерде ретикулиннің жоғарылау жағдайлары болды. Алайда, бірде-бір пациентте бастапқы деңгейде немесе емдеу процесінде ИТП негізгі диагнозына сәйкес келмейтін сүйек кемігінде қандай да бір ауытқулар анықталған жоқ.

Иммуногенділік

ИТП бар ересек пациенттер жағдайында Энплейт пен ТПО антиденелеріне талдаулар жүргізілді және Энплейтке бейтараптандыратын антиденелерді дамытуға оң нәтижелер алынды, бірақ эндогендік ТПО-мен бұл антиденелердің айқаспалы реактивтілік байқалмады. Зерттеудің соңғы уақытша нүктесінде осы пациенттердің талдаулары Энплейтке бейтараптандыратын антиденелерге (транзиторлық антиденелер) теріс нәтиже көрсетті және екі пациентте оң нәтиже (тұрақты антиденелер) сақталды.

Педиатриялық зерттеулерде кез-келген уақытта Энплейтке антиденелерді байланыстыру жиілігі 9,6% құрады. Одан өзге, 2,8% Энплейтке бейтараптандыратын антиденелерді дамыды. Жалпы алғанда пациенттердің 3,9%-ында Энплейтпен емдеу кезінде кез келген уақытта ТПО-ға байланыстыратын антиденелер болған.

Барлық емдік протеиндер сияқты, Энплейттің қуатты иммуногенділігі бар. Бейтараптандырушы антиденелер түзілуіне күмән болған жағдайда антиденелерге талдау жасау үшін компанияның Қазақстан Республикасындағы ресми өкілімен байланысу керек («Фирма Евросервис-Ист» ЖШС мекенжайы және байланыс телефоны осы нұсқаулықтың соңында көрсетілген).

 

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

ДП «пайда-қауіп» арақатынасына жүйелі мониторингті қамтамасыз ету мақсатында барлық күдікті жағымсыз реакциялар туралы хабарлау маңызды. Медицина қызметкерлеріне ҚР жағымсыз реакциялары туралы ұлттық хабарлау жүйесі арқылы ДП-ның кез келген күдікті жағымсыз реакциялары туралы хабарлау ұсынылады.

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

 

Қосымша мәліметтер

Дәрілік препараттың құрамы

Бір құтының ішінде

белсенді зат – ромиплостим, 375 мкг (0,5 мл ерітіндіге жеткізілетін доза - 250 мкг)

қосымша заттар- маннитол, сахароза, L‑гистидин, полисорбат 20, хлорсутек қышқылы (рН реттеу үшін).

Сыртқы түрінің, иісінің, дәмінің сипаттамасы

Ақ түсті лиофилизат.

Қалпына келтірілген ерітінді: қосылыстардан бос дерлік мөлдір, түссіз ерітінді.

 

Шығарылу түрі және қаптамасы

13 мм эластомерлік тығыны, алюминий қалпақшасы және сындырылатын полипропилен қалпақшасы бар І класты гидролитикалық шыныдан жасалған 5 мл құты.

250 мкг ромиплостим бар 1 құтыдан пішінді ұяшықты қаптамаға салынады. Бір пішінді ұяшықты қаптаманы медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салады. Алғашқы ашылуын бақылау үшін қорапшаға екі заттаңба жапсырылады.

 

Сақтау мерзімі

5 жыл

Жарамдылық мерзімі өткеннен кейін қолдануға болмайды!

Ерітуден кейін:

ерiтілген препараттың химиялық және физикалық тұрақтылығы 25°C температурада 24 сағат бойы және жарықтан қорғалған жерде әрі түпнұсқалық құтыда 2 - 8°C температурада 24 сағат бойы сақталады.

Микробиологиялық тұрғыдан, препаратты дереу пайдалану керек. Егер дереу қолданылмаса, пайдалану алдында ерiтілген препараттың сақтау мерзімдері мен шарттары тұтынушының жауапкершілігінде қалады. Ерiтілген препараттың сақтау мерзімі 25°C температурада 24 сағаттан немесе тоңазытқышта (2-8°C температурада) 24 сағаттан аспауы тиіс. Препаратты жарықтан қорғалған жерде сақтау керек.

Сұйылтудан кейін:

сұйылтылған препараттың химиялық және физикалық тұрақтылығы сұйылтылған препарат бiр реттiк щприцте болғанда 25°C температурада 4 сағат бойы немесе сұйылтылған препарат түпнұсқалық құтыда тоңазытқышта болса (2-8°C) 4 сағат бойы сақталады.

Микробиологиялық тұрғыдан, сұйылтылған дәрілік препаратты дереу пайдалану керек. Егер дереу қолданылмаса, пайдалану алдында сұйылтылған препараттың сақтау мерзімдері мен шарттары тұтынушының жауапкершілігінде қалады. Сұйылтылған препаратты сақтау мерзімі бiр реттiк щприцте 25°C температурада 4 сағаттан немесе түпнұсқалық құтыда тоңазытқышта (2-8°C температурада) 4 сағаттан аспауы тиіс. Препаратты жарықтан қорғалған жерде сақтау керек.

Сақтау шарттары

Тоңазытқышта 2°C-ден 8°C-ге дейінгі температурада сақтау керек.

Мұздатып қатыруға болмайды.

Балалардың қолы жетпейтін жерде сақтау керек!

Жарықтан қорғау үшін түпнұсқалық қаптамада сақтау керек.

Тоңазытқыштан шығарып алған жағдайда түпнұсқалық қаптамасында бөлме температурасында (25°С дейін) 30 күн бойы сақтауға болады.

Энплейт препаратын ерітіп, сұйылтқаннан кейін сақтау шарттары «Сақтау мерзімі» бөлімін қараңыз.

 

Дәріханалардан босатылу шарттары

Рецепт арқылы

 

Өндіруші туралы мәлімет

Амджен Технолоджи (Айрлэнд) Анлимитед Компани

Поттери Роуд

Дан Лэйри

Дублин графтығы

Ирландия

тел.: +353 1 204 9771, +353 1 204 9583

vincent.o.shaughnessy@amgen.com

allen.harmon@amgen.com

 

Қаптаушы

Амджен Европа Б.В.,

Нидерланды

Минервум 7061

NL-4817 ZK Бреда

 

Тіркеу куәлігінің ұстаушысы

Амджен Европа Б.В.,

Нидерланды

Минервум 7061

NL-4817 ZK Бреда

тел/факс: +7 727 389 95 45

safety@euroservice-east.kz

Қазақстан Республикасының аумағында тұтынушылардан дәрілік заттардың сапасы жөнінде шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты  ұйымның атауы, мекенжайы және байланыс деректері (телефон, факс, электрондық пошта)

«Фирма Евросервис-Ист» ЖШС

Қазақстан Республикасы Алматы облысы, Талғар ауданы, Бесағаш ауылы, «Луч Востока» ӨК

тел/факс +7 727 389 95 45

safety@euroservice-east.k