Эндометрин (100 мг)

• русский
• қазақша

• Скачать инструкцию медикамента

Саудалық атауы

Эндометрин

Халықаралық патенттелмеген атауы

Прогестерон

Дәрілік түрі

Қынаптық 100 мг таблеткалар

Құрамы

Бір таблетканың құрамында

белсенді зат –100 мг микронизделген прогестерон,

қосымша заттар: кремнийдің коллоидты қостотығы, лактоза моногидраты, крахмал прежелатинделген, повидон, адипин қышқылы, натрий гидрокарбонаты, натрий лаурилсульфаты, магний стеараты.

Сипаттамасы

Бір жағында «FPI» және екінші жағында «100» деген өрнегі бар модификацияланған каплеттер түріндегі ақ немесе ақ дерлік түсті таблеткалар .

Фармакотерапиялық тобы

Жыныс гормондары. Прегнен туындылары.

АТЖ коды G03DA04

Фармакологиялық қасиеттері

Фармакокинетикасы

Қан плазмасында прогестерондық Cmax 100 мг препаратты күніне 2 рет қолданғанда 17,0 нг/мл, үш дүркін қолданғанда 19,8 нг/мл құрайды. Ұзақ уақыт қолданылған прогестерон плазмадағы тұрақты концентрациясына препаратты қолдана бастағаннан кейін бір күннен соң жетеді, бесінші күн қолданғанда 10 нг/мл-ден асып кетеді.

Прогестерон сарысу ақуыздарымен, негізінен альбумин және глобулинмен 96-99% байланысады. Прогестерон бауырда, негізінен прегнандиолдарға және прегнанолондарға бастапқылы метаболизденеді. Прегнанодиолдар мен прегнанолондар глюкуронид метаболиттерімен және сульфаттармен бауырда конъюгацияланады. Өтте бөлінетін прогестерон метаболиттері деконъюгацияланып, әріқарай ішекте метаболизденуі мүмкін. Прогестерон бүйрек пен бауыр арқылы бөлініп шығады. Таңбаланған прогестерон инъекциясының соңынан шығарылған метаболиттерінің 50-60%-ы бүйрек арқылы, шамамен 10%-ы өт пен нәжіс арқылы жүзеге асады. Енгізілген дозаның таңбалы материалының жалпы қалпына келуі 70% құрады, прогестеронның мардымсыз үлесі ғана өзгермеген күйде шығады.

Фармакодинамикасы

Эндометрин – прогестерон, аналық бездермен, плацентамен және адренал бездерімен сөл бөлетін табиғи стероид. Эстроген мөлшері талапқа сай болғанда, прогестерон пролиферацияланатын эндометрийді сөліністенетін түріне өзгертеді. Прогестерон эндометрийдің эмбрион имплантациясына сезімталдығын арттыру үшін қажет. Эмбрион имплантациясынан кейін прогестерон жүктілік ағымын демейді.

Қолданылуы

- эмбрион имплантациясын жақсарту үшін

- жүктіліктің ерте мерзімдерінде қосалқы репродуктивтік технологиялар жүргізген кезде сары денені демеу мақсатында

Қолдану тәсілі

Таблеткаларды ооцит 10 апта ішінде шығарылған сәттен бастап (немесе жүктіліктің 12 аптасына дейін), күніне 2 немесе 3 рет қынапқа енгізеді. 35 жастан асқан емделушілер үшін 3 дүркін енгізу ұсынылған.

65 жастан асқан тұлғаларда қолданылуы жөнінде деректер жоқ.

Эндометрин қоса берілетін аппликатор көмегімен тікелей қынапқа енгізу үшін арналған.

1. Аппликаторды ашыңыз.

2. Таблетканы аппликатордың ұшындағы арнайы орынға бекітіңіз, таблетка түсіп қалмауға тиіс.

3. Тұрған, отырған немесе тізені бүгіп, шалқадан жатқан күйде таблеткалы аппликаторды қынапқа терең енгізіңіз.

4. Таблетканы босатып шығару үшін аппликатор поршенін басыңыз. Аппликаторды қынаптан шығарып, оны жылы ағынды сумен мұқият жуып-шайыңыз, жұмсақ матамен құрғата кептіріп, келесі қолдануға алып қойыңыз.

Жағымсыз әсерлері

Жиі ( >l/100 және <l/10)

- бас ауыру

- жүрек айну, іштің кебуі, іштің ауыруы

- жатыр түйілулері

Жиі емес (>l/1000 және <l/100)

- ұйқысыздық, бас айналу

- іш қату, диарея

- есекжем, бөртпе

- ауыру, домбығу, сүт бездерінің жоғары сезімталдығы

- ашыту, құрғау, генитальді қышыну, қынаптық бөліністер, қан кетулер, қынаптық микоз сияқты сыртқы жыныс мүшелерінің тарапынан болатын бұзылулар

- шеткергі ісінулер

Қолдануға болмайтын жағдайлар

- прогестеронға немесе препараттың басқа құрамдас бөліктеріне асқын сезімталдық

- диагностикаланбаған қынаптық қан кету

- сыртартқыдағы жатырдан тыс жүктілік немесе толық жасалмаған түсік

- сүт безінде және репродуктивтік мүшелерде қатерлі ісіктердің болуы немесе оның болуынан күдіктену

- бауыр аурулары

- белсенді көктамырлық немесе артериялық тромбоэмболия, ауыр

тромбофлебит немесе осы жай-күйлер бойынша сыртартқы

- порфирия

Дәрілермен өзара әрекеттесуі

Р450-3А4 цитохромы жүйесін белсенділендіру әсері белгілі препараттар (рифампицин, карбамазепин сияқты) прогестеронның шығарылуын күшейтуі мүмкін. Кетоконазол (Р450-3А4 цитохромының тежегіші) прогестерон биожетімділігін арттыруы ықтимал. Қынаптық қолдануға арналған қатарлас препараттардың прогестеронның әсер ету ұзақтығына ықпалы бағаланбаған. Эндометрин басқа қынаптық препараттармен қолдануға ұсынылмайды, өйткені бұл прогестеронның қынаптық таблеткалардан босап шығуына және оның сіңуіне әсер етуі мүмкін.

Айрықша нұсқаулар

Жүрек-қан тамырлары жүйесінің ауруларында, артериялық гипертензияда, созылмалы бүйрек жеткіліксіздігінде, қант диабетінде, бронх демікпесінде, эпилепсияда, бас сақинасында, депрессияда, гиперлипопротеинемияда абайлап қолдану керек.

Миокард инфарктісінің, цереброваскулярлық бұзылулардың, артериялық және көктамырлық тромбоэмболиялардың (көктамырлық тромбоэмболия және өкпе артериясының тромбоэмболиясы), торқабық тамырларының тромбофлебиті мен тромбозының ерте нышандарының білінуінен күдіктенгенде эндометринді қолдану тоқтатылуға тиіс.

Сыртартқысында депрессиясы бар емделуші әйелдер тиянақты қадағалауды талап етеді, белгілер күшейгенде препаратты тоқтату мүмкіндігін қарастыру керек.

Жүктілік немесе бала емізу кезеңінде қолдану

Эндометринді сары дене қызметі жеткіліксіз жағдайда жүктіліктің алғашқы триместрінде қолдануға болады. Екі жыныстың балаларындағы жыныстық аномалияларды қоса, жүкті кездегі экзогенді прогестеронның әсер етуімен байланысты туа біткен аномалиялар қатері тұжырымдалмаған.

Прогестерон емшек сүтінен табылады. Эндометрин лактация кезеңінде қолданылмайды.

Педиатрияда қолданылуы

Балаларда осы препаратты қолдану жөнінде деректер жоқ. Аталған препарат педиатрияда қолдануға арналмаған.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Препарат ұйқышылдық пен бас айналуын туғызуы мүмкін. Сондықтан емделу кезінде көлік құралын немесе қауіптілігі зор механизмдерді басқаруды қоя тұру керек.

Артық дозаланғанда

Белгілері: «Жағымсыз әсерлері» бөлімінде тізбеленген ұнамсыз әсерлердің күшеюі.

Емі: тиісінше, белгісіне қарай және демеуші емнің тағайындалуымен дозаны азайту немесе препаратты қолдануды үзу.

Шығарылу түрі және қаптамасы

3 таблеткадан пішінді ұяшықты қаптамада. Қынаптық аппликаторы бар 7 пішінді қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапқа салады.

Сақтау шарттары

Түпнұсқалық қаптамасында, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

Фармацевтикз Интернешнл Инкорпорейтед,

10819 Джилрой Роуд, Хант Веллей, МD 21031, АҚШ

Тіркеу куәлігі иесінің атауы және елі

Ферринг ГмбХ, Германия

Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы

Қазақстан Республикасындағы «Ферринг Фармацевтикалс С.А.» өкілдігі

Қазақстан Республикасы

Алматы қ., 050049

Тимирязев к-сі, 42

23 павильон, 208 кеңсе

Тел.\факс: +7(727)269 55 00