Эналаприл (5 мг) (Enalapril)

• русский
• қазақша

• Скачать инструкцию медикамента

Саудалық атауы

Эналаприл

Халықаралық патенттелмеген атауы

Эналаприл

Дәрілік түрі

5 мг және 10 мг таблеткалар

Құрамы

Бір таблетканың құрамында

белсенді зат – 5 мг немесе 10 мг эналаприл малеаты,

қосымша заттар:лактоза моногидраты, повидон, картоп крахмалы,

тальк, магний стеараты.

Сипаттамасы

Ойығы мен сызығы бар, жалпақ цилиндр пішінді ақ немесе сарғыш реңді ақ түсті таблеткалар.

Фармакотерапиялық тобы

Ренин-ангиотензин жүйесіне әсер ететін препараттар. Ангиотензин-ангиотензин-өзгертуші фермент (АӨФ). АӨФ тежегіштері. Эналаприл.

АТХ коды С09АА02

Фармакологиялық қасиеттері

Фармакокинетикаcы

Ішке қабылдағаннан кейін препараттың 60% жуығы сіңеді, тағам эналаприлдің сіңуіне әсер етпейді. 10 мг дозада қабылдағаннан кейін қан плазмасындағы ең жоғары концентрациясына жету уақыты – 1 сағат, ал оның деңгейі – 200-400 нг/мл. Сіңгеннен кейін белсенді эналаприлат

түзумен бауырда жүйе алдылық метаболизмге ұшырайды. Эналаприлат гистогематикалық бөгеттен (гемато-энцефалдық бөгетті қоспағанда) жеңіл өтеді, плацента арқылы өтеді және ұрық тінінде анықталады. Эналаприлдің жартылай шығарылу кезеңі 2 сағат құрайды. 20 мг дозада қабылдағаннан кейін плазмадағы эналаприлаттың ең жоғары концентрациясы 70-100 нг/мл құрайды және оған 3-4 сағаттан кейін жетеді. Эналаприлаттың қан плазмасындағы терапиялық концентрациясы 10-100 нг/мл құрайды. Плазма ақуыздарымен 50%- ға байланысады. Эналаприлаттың жартылай шығарылу кезеңі 8-11 сағат құрайды. Қабылданған дозаның 60% (эналаприл түрінде 20% және 40% эналаприлат түрінде) несеппен және ішекпен – 33% (эналаприл түрінде 6% және 27% эналаприлат түрінде) шығарылады. 24 сағат ішінде қабылданған дозаның 90% жуығы шығарылады. Ауыр созылмалы бүйрек жеткіліксіздігінде (креатинин клиренсі 30 мл/мин) эналаприлаттың шығарылуы баяулайды, ал оның плазмадағы деңгейі 13 есе жоғарылайды, препараттың жинақталуы креатинин клиренсі минутына 10 мл-ден төмен болғанда пайда болады. Гемодиализ бен перитонеальді диализде шығарылады.

Фармакодинамикасы

Эналаприл гипотензивті, қантамырларын кеңейтетін және кардиопротективті әсер етеді.

Эналаприл ангиотензинөзгертетін ферменттің (АӨФ) белсенділігін тежейді. Нәтижесінде ангиотензин II түзілуі төмендейді, альдостеронның секрециясы күшейеді. Брадикининнің ыдырауына кедергі жасайды және оның В2-типті брадикининді рецепторларға қантамырларын кеңейтетін әсерін күшейтеді.

Эналаприлді қолдану нәтижесінде қан плазмасында қантамырларын тарылтатын гормондар деңгейі төмендейді; брадикинин, простагландин Е2 және простациклин, эндотелиальді релаксациялайтын фактор және жүрекшелік натрийуритикалық пептидтің деңгейі жоғарылайды.

Эналаприл артериялық қантамырларының кеңеюін туындатады және артериялық қысымды төмендетеді. Эналаприлді енгізгенде гипотензивті әсер қабылдағаннан кейін 1 сағаттан соң дамиды, ең жоғары шегіне 6- шы сағатқа қарай жетеді және 24 сағатқа жуық сақталады. Ауыр салмақпен адамдарда АҚ оңтайлы тұрақты деңгейіне жету үшін, эналаприлді бірнеше апта бойы қабылдау керек болуы мүмкін. Эналаприл артериялық қантамырлар қабырғасының гипертрофиясы мен фиброзының дамуын баяулатады. Эналаприлдің қантамырларын кеңейтетін әсерінің арқасында қантамырларының жалпы шеткері кедергісін (миокардқа кейінгі жүктемені), өкпе капиллярларындағы (миокардқа алдыңғы жүктемені) жабылу қысымын, өкпе қантамырларындағы кедергіні азайтады, жүректік лықсуды жоғарылатады. Ұзақ уақыт қолданғанда миокард гипертрофиясы айқындығын азайтады, жүрек жеткіліксіздігінің өршуінің алдын алады және сол жақ қарынша дилятациясының (кардиопротективті әсер) дамуын баяулатады.

Қолданылуы

- артериялық гипертензияда

- созылмалы жүрек жеткіліксіздігінде (кешенді ем құрамында)

- сол жақ қарыншаның симптомсыз дисфункциясымен (сол жақ қарыншадан лықсу фракциясы< 35 %) пациенттерде симптомдық жүрек жеткіліксіздігінің профилактикасында

Қолдану тәсілі және дозалары

Ас қабылдауға байланыссыз ішке қабылдайды. Ренин-ангиотензин-альдостеронды жүйенің (мысалы, реноваскулярлы гипертензия, тұздардың тапшылығы және/немесе дегидратация, жүрек қызметінің декомпенсациясы немесе артериялық гипертензияның ауыр түрі) жоғары белсенділігімен пациенттерде алғашқы дозаны қабылдағаннна кейін артериялық қысымның күрт төмендеуі байқалуы мүмкін. Осыған байланысты бірінші дозаны ұйықтар алдында жатқан қалыпта қабылдау керек.

Артериялық гипертензияда ересектерге күніне 1 рет бастапқы 5 мг дозада тағайындайды. 1-2 аптадан кейін әсері болмаған жағдайда дозаны 5 мг- ға жоғарылатады. Жақсы көтерілімді болған жағдайда дозаны тәулігіне 1 рет қабылдаумен 20 мг- ға дейін жоғарылатуға болады. Эналаприлді ең жоғары дозада 2-3 апта қабылдағаннан кейін тәулігіне 10-20 мг дозада демеуші емге көшеді. Эналаприлдің ең жоғары тәуліктік демеуші дозасы тәулігіне 40 мг құрайды (2 қабылдаумен).

Диуретиктерді қабылдаған жағдайда, диуретиктермен емдеуді эналаприлді тағайындағанға дейін 2-3 күн бұрын тоқтату керек, немесе оңтайлы әсерге қол жеткізгенше дозаны аптасына 2,5 мг-ға баяу жоғарылата отырып, эналаприлді қабылдауды тәулігіне 2,5 мг дозадан бастау керек.

Қан сарысуындағы Na+ концентрациясы 130 ммоль/л төмен немесе қан сарысуындағы креатинин деңгейі 0,14 ммоль/л жоғары болғанда, эналаприлдің бастапқы дозасы тәулігіне – 2,5 мг.

Реноваскулярлы және бүйрек гипертензиясында бастапқы доза күніне 1 рет 2,5-5 мг, демеуші – тәулігіне 1 рет 10 мг. Ең жоғары тәуліктік доза 20 мг 2 қабылдауға.

Созылмалы жүрек жеткіліксіздігінде бастапқы доза бір рет 2,5 мг әрбір 3-4 күнде біртіндеп 2,5-5 мг-ға, ең жоғары көтерімді дозаға дейін біртіндеп жоғарылатумен (АҚ деңгейіне байланысты), бірақ тәулігіне 20 мг-дан асырмай. Орташа демеуші доза тәулігіне 5-20 мг. Систолалық АҚ 90 мм с. б. жоғарыда тұрақты сақталуында дозаны кезекті жоғарылатады. Төмен систолалық қысыммен (110 мм с.б. төмен) пациенттерді, сондай-ақ егделерді емдеуді тәулігіне 1,25 мг дозадан бастайды.

Сол жақ қарынша функциясының симптомсыз бұзылуында күніне 2 рет 2,5 мг- ден қабылдайды. Дозаны 2 қабылдаумен тәулігіне 20 мг-ден асырмай оңтайлы көтерімдіге дейін әр апта сайын 2,5 мг- ға жоғарылатады.

Бүйрек функциясының бұзылуымен пациенттерде эналаприлдің бастапқы дозасы креатинин клиренсі (КК) минутына 80-30 мл болғанда тәулігіне 5-10 мг құрайды, КК минутына 30-10 мл – тәулігіне 2,5-5 мг, КК 10 мл/мин төмен болғанда – тәулігіне 1,25-2,5 мг тек диализ күндері. Емдеу ұзақтығы препарат әсерінің айқындығына байланысты, жоғары гипотензия кезінде эналаприл дозасын азайту керек.

Жағымсыз әсерлері

Өте жиі (≥ 1/10):

- көрудің бұлыңғырлануы түрінде көрудің бұзылуы

• жөтел

• бас айналуы

• жүрек айнуы

• астения

Жиі (≥ 1/100- < 1/10):

• гипотония (ортостаздық гипотонияны қоса), естен тану, кеуде қуысының ауыруы, жүрек ырғағының бұзылуы, стенокардия, тахикардия

• бас ауыруы, депрессия

• шаршағыштық

• ентігу

• диарея, іштің ауыруы, дәм сезудің өзгеруі

• тері бөртпесі, беттің, аяқ-қолдың, ерін, тіл, дауыс саңылауы және/немесе көмейдің ангионевроздық ісінуі

• гиперкалиемия, креатинин деңгейінің жоғарылауы

Кейде (≥ 1/1 000 - < 1/100):

• ортостаздық гипотония, жүректің қағуы, миокард инфарктісі немесе церебральді инсульт қауіптің жоғары факторымен пациенттерде артериялық қысымның шектен тыс түсіп кетуі нәтижесінде деп болжамданады

• сананың шатасуы, ұйқышылдық, ұйқысыздық, ашушаңдық, бас айналуы, парестезиялар

• жүректің қағуы

• ішек бітелісі, панкреатит, құсу, диспепсия, іш қатуы, тәбеттің болмауы, асқазанның тітіркену құбылыстары, ауыздың құрғауы, пептикалық ойық жара

• анемия (апластикалық және гемолитикалық анемияны қоса)

• ринорея, тамақтың ауыруы және қарлығу, бронхтүйілуі/демікпе

• тершеңдік, қышыну, есекжем, алопеция

• бүйрек функциясының бұзылуы, бүйрек жеткіліксіздігі, протеинурия

• импотенция

• бұлшықет құрысуы, құйылулар, құлақтағы шуыл, әлсіздік, қызба

• мочевина деңгейінің жоғарылауы, гипонатриемия, гипогликемия

Сирек (≥ 1/10 000 - < 1/1000):

• бауыр жеткіліксіздігі, гепатит, холестаз, сарғаю, «бауыр» трансаминазалары белсенділігінің жоғарылауы, гипербилирубинемия

• нейтропения, гемоглобин мен гематокриттің төмендеуі, тромбоцитопения, агранулоцитоз, сүйек кемігінің бәсеңдеуі, панцитопения, лимфотүйіндердің үлкеюі, аутоиммундық аурулар

• түс көру сипатының өзгеруі, ұйқының бұзылуы

• Рейно синдромы

• өкпе инфильтраттары, ринит, аллергиялық альвеолит/ эозинофильді пневмония

• стоматит/ афтозды ойық жаралар, глоссит

• бауыр жеткіліксіздігі, бауыр некрозын қоса, гепатоцеллюлярлы немесе холестаздық гепатит, холестаз (сарғаюды қоса)

• мультиформалы эритема, Стивенс-Джонсон синдромы, эксфолиативті дерматит, уытты эпидермальді некролиз, күлбіреуік, эритродермия

• олигурия

• гинекомастия

• бауыр ферменттері деңгейінің жоғарылауы, сарысу билирубині көрсеткіштерінің жоғарылауы

Өте сирек (< 1/10 000):

• ішектің ангионевроздық ісінуі

Жиілігі белгісіз:

- Пархон синдромы (антидиурездік гормонның адекватсыз секрециясы синдромы)

Келесі жағымсыз әсерлердің кейбіреуімен немесе барлығымен қатар жүруі мүмкін симптомдар кешені туралы хабарланды: қызбамен, серозитпен, васкулитпен, миалгиямен/миозитпен, артралгиямен/артритпен, антиядерлік антиденелер титрінің (ANA) жоғарылауымен, ЭШЖ жоғарылауымен, эозинофилиямен және лейкоцитозбен. Тері бөртпесі, фотосенсибилизация немесе басқа да тері біліністері орын алуы мүмкін.

Қолдануға болмайтын жағдайлар

- эналаприлге, препарат компоненттеріне немесе АӨФ басқа тежегіштеріне жоғары сезімталдық

- тұқым қуалаған немесе сыртартқысындағы ангиотензин-өзгертуші фермент тежегіштерін қабылдағаннан кейін пайда болған ангионевроздық ісіну

- порфирия

- алғашқы гиперальдостеронизм

- гиперкалиемия (6 ммоль/л-ден аса)

-қолқа арнасы тарылуы немесе төмен лықсумен гипертрофиялық кардиомиопатия

- лейкопения немесе тромбоцитопения

-бүйрек артерияларының екіжақты тарылуы немесе жалғыз бүйрек артериясының тарылуы

- туа біткен фруктозаны көтере алмаушылық, Lapp-лактаза ферментінің тапшылығы, глюкоза-галактоза мальабсорбциясы

- жүктілік және лактация кезеңі

- 18 жасқа дейінгі балалық және жасөспірімдік кезең

Дәрілермен өзара әрекеттесуі

Ас қабылдау эналаприлдің сіңуіне әсер етпейді.

Эналаприл мен калийжинақтаушы диуретиктерді (спиронолактон, триамтерен, амилорид) немесе калий препараттарын бір уақытта қабылдауда гиперкалиемия дамуы мүмкін. Эналаприлді диуретиктермен, бета-адреноблокаторлармен, метилдопамен, нитраттармен, кальций өзекшелері блокаторларымен, гидралазинмен, празозинмен бір уақытта қабылдауда гипотензивті әсері күшеюі мүмкін. Стероидты емес қабынуға қарсы дәрілермен (оның ішінде ацетилсалицил қышқылымен) бір уақытта қабылдауда эналаприлдің әсерінің төмендеуі және бүйрек функциясының бұзылуының даму қаупі күшеюі мүмкін. Эналаприл құрамында теофиллин бар препараттардың әсерін әлсіретеді. Эналаприл мен литий препараттарын бір уақытта қабылдауда литийдің шығарылуы баяулайды және оның әсері күшейеді (қан плазмасында литий концентрациясын бақылау керек). Эналаприл мен циметидинді бір уақытта қабылдауда эналаприлдің жартылай шығарылу кезеңі ұзарады.

АӨФ тежегіштері мен диабетке қарсы препараттарды бір уақытта қабылдау (инсулин, пероральді гипогликемиялық дәрілер) қандағы глюкоза деңгейінің төмендеуін күшейтуі мүмкін, ол гипогликемия дамуының қаупімен қатар жүреді.

Осындай әсер біріктіріп емдеудің алғашқы аптасы ішінде, сондай-ақ бүйрек функциясының бұзылуымен пациенттерде жиі байқалады.

Симпатомиметиктер АӨФ тежегіштерінің гипертензияға қарсы әсерін әлсіретуі мүмкін. Инъекция түріндегі алтын препараттарымен (натрий ауротиомалаты) және эналаприлді қоса, АӨФ тежегіштерімен бір уақытта ем алатын пациенттерде нитритоидты реакциялардың пайда болуы туралы сирек хабарланған (беттің қызаруы, жүрек айнуы, құсу және артериялық гипотензия).

Басқа гипотензивті препараттарды немесе вазодилататорларды бір уақытта қабылдау эналаприлдің гипотензивті әсерін күшейтуі мүмкін.

Алкоголь АӨФ тежегіштерінің гипотензивті әсерін күшейтеді.

Айрықша нұсқаулар

Симптомдық гипотензия

Асқынбаған артериялық гипертонияда гипотония сирек байқалады.

Организмде сұйықтықтың жеткіліксіздігінде, мысалы, диуретиктермен емдеу салдарынан, тұзы аз тамақтануда, диализде, іш өтуде немесе құсуда артериялық гипертониямен зардап шегетін пациенттерде Эналаприлмен емдеуде симптомдық гипотензия жиі дамиды.

Бүйрек жеткіліксіздігімен қатар жүретін немесе онсыз жүрек жеткіліксіздігімен пациенттерде симптомдық гипотензия байқалды. Атап айтсақ бұл ауыр жүрек жеткіліксіздігімен пациенттерге қатысты болуы мүмкін, оларда аурудың ауырлық дәрежесі ілмектік диуретиктердің жоғары дозаларымен, гипонатриемия немесе бүйрек функциясының төмендеуімен байланысты. Егер Эналаприл және/немесе диуретиктің жаңа дозасын таңдау қажет болса, осындай пациенттерді емдеуді дәрігердің бақылауымен бастау және жүргізу керек.

Қан қысымының шектен тыс түсіп кетуі миокард инфарктіне немесе церебральді инсультке әкелуі мүмкін жүректің ишемиялық ауруымен немесе цереброваскулярлы патологиямен пациенттер жағдайында да осылайша жасайды.

Гипотония дамыған жағдайда пациентті көлденеңінен жатқызу керек және қажет болса натрий хлориді ерітіндісінің вена ішіне инфузиясын жасау керек. Қайтымды гипотониялық реакция ары қарай емдеу үшін қарсы көрсетілім болып табылмайды, оны, әдетте, артериялық қысымды қалпына келтіргеннен кейін (айналымдағы қан көлемін толықтыру көмегімен) жүргізуге болады.

Қан қысымы қалыптағыдай немесе төмен жүрек жеткіліксіздігімен зардап шегетін кейбір пациенттерде, Эналаприл әсерімен жүйелі артериялық қысымның ары қарай төмендеуі орын алуы мүмкін.

Бұл күтпеген жерден болған әсер деп саналмайды, әдетте, дәрілік затты қабылдауды тоқтату үшін себеп болып табылмайды. Егер артериялық қысымның төмендеуі симптомды болса, яғни белгілерімен қатар жүрсе, Эналаприл және/немесе диуретиктің дозасын азайту және/немесе Эналаприлді қабылдауды тоқтатуға қажеттілік туындауы мүмкін.

Аортальді немесе митральді стеноз / гипертрофиялық кардиомиопатия

Басқа вазодилататорлармен жағдайдағы сияқты, сол жақ қарыншада клапандар обструкциясы және шығару жолы аумағында кедергі орын алған пациенттерде АӨФТ қолданғанда ерекше сақ болу ұсынылады.

Қан айналымының жеткіліксіздігімен қатар жүретін шокта және шығару жолы аумағында гемодинамикалық айқын кедергіде осы препараттарды қолданудан аулақ болу керек.

Бүйрек функциясының бұзылуы

Бүйрек функциясының төмендеуімен пациенттерде (креатинин клиренсі < 80 мл/мин) эналаприл малеатының бастапқы дозасын пациенттегі креатинин клиренсіне байланысты таңдау керек.

Демеуші дозаны пациенттің емге реакциясына байланысты таңдайды. Осындай пациенттерде сарысудағы калий мен креатининді бақылау әдеттегі медициналық курация шегінде дағдылы болып табылады.

Атап айтсақ, эналаприл малеатын ауыр жүрек жеткіліксіздігімен пациенттерде немесе бүйрек артериясының стенозын қоса, осы патология негізіндегі бүйрек ауруларымен пациенттерде қолданумен байланысты бүйрек жеткіліксіздігі туралы хабарланды.

Диагнозын уақытында қойғанда және сәйкес емдеуде эналаприл малеатымен емдеудегі бүйрек жеткіліксіздігі әдетте қайтымды сипат иеленген.

Артериялық гипертониямен зардап шегетін, бүйрек ауруы жоқ кейбір пациенттерде эналаприл малеатының диуретиктермен біріктірілімі қан сарысуында мочевина мен креатинин деңгейінің жоғарылауына әкелуі мүмкін. Осындай жағдайларда эналаприл малеатының дозасын азайту және/немесе диуретиктерді қабылдауды тоқтатуда қажеттілік туындауы мүмкін. Бұл жағдайларда осы құбылыстардың себебі ретінде бүйрек артериясының стенозы туралы болжамдауға болады.

Реноваскулярлық гипертония

Бүйрек артерияларының екі жақты стенозымен немесе жалғыз жұмыс жасайтын бүйрек артериясының стенозымен пациенттерде АӨФТ емдеуде қан қысымының түсіп кетуі немесе бүйрек жеткіліксіздігінің дамуының ерекше қаупін байқалады.

Бұл жағдайда тек сарысудағы креатинин көрсеткішінің жеңіл өзгерістерімен байқалатын бүйрек функциясының нашарлауы байқалуы мүмкін. Осы пациенттерді емдеуді дозаны мұқият титрлеумен және бүйрек функциясын қадағалаумен дәрігердің мұқият бақылауымен төмен дозалардан бастау керек.

Бүйрек трансплантациясы

Эналаприлді жуық арада бүйрек трансплантациясын өткерген пациенттерде қолдану тәжірибесі жоқ. Сондықтан осындай пациенттерді аталған препаратпен емдеу ұсынылмайды.

Бауыр жеткіліксіздігі

АӨФТ емдеуде сирек жағдайларда холестаздық сарғаюдан басталып шұғыл дамитын бауыр некрозына дейін өршитін (кейде өліммен аяқталатын) синдром байқалды. Бұл синдромның патогенезі белгісіз. АӨФТ емдеуде сарғаю немесе бауыр ферменттері деңгейінің айқын жоғарылауы байқалатын пациенттерде АӨФТ қабылдауды тоқтату және сәйкес ем қажет.

Нейтропения / агранулоцитоз

АӨФТ қабылдайтын пациенттерде нейтропения/агранулоцитоз, тромбоцитопения және анемия туралы хабарланды. Бүйрек функциясы қалыптағыдай және ерекше қауіп факторларынсыз пациенттерде нейтропения сирек байқалады. Үдеріске қантамырлары қамтылуымен коллагенозбен зардап шегетін, сондай-ақ иммунодепрессанттармен, аллопуринолмен, прокаинамидпен емделудегі пациенттерде немесе аталған қауіп факторларының бірнешеуі бар пациенттерде әсіресе, егер бүйрек функциясының төмендеуі орын алса эналаприл малеаты өте сирек қолданылуы керек.

Осы пациенттердің кейбіреуінде кейбір жағдайларда антибиотиктермен қарқынды емдеуге жауап бермейтін ауыр инфекциялық аурулар пайда болды.

Егер осы пациенттер эналаприл малеатын қабылдаса, онда оларға лейкоциттер санын ұдайы бақылау ұсынылады, сондай-ақ оларды кез келген инфекциялардың барлық белгілері туралы емдеуші дәрігеріне хабарлау туралы ескерту керек.

Аса жоғары сезімталдық / ангионевроздық ісіну

Эналаприлді қоса, АӨФТ емделген пациенттерде бетті, аяқ-қолды, ерін, тілді, дауыс қыртыстарын және/немесе көмейді қамтумен ангионевроздық ісінулер туралы хабарланды. Емделу кезінде олар кез келген уақытта пайда болуы мүмкін. Осындай жағдайларда Эналаприл препаратын дереу тоқтату керек. Ауруханадан шыққанша симптомдарының толық кейін дамуына көз жеткенше пациенттерді мұқият бақылауға алу керек. Тіпті тыныс жеткіліксіздігі болмай, ангионевроздық ісіну тек тілді зақымдағанның өзінде, антигистаминдік дәрілер мен кортикостероидтарды енгізу жеткіліксіз болуы мүмкін болғандықтан ұзақ уақыт бақылау керек.

Көмей мен тілдің ангионевроздық ісінуі дамуы аясында өте сирек жағдайларда өліммен аяқталу жағдайлары туралы хабарланды. Тіл, көмекей немесе көмей ісінулерінде тыныс жолдарының обструкциясы қаупі жоғары, әсіресе тыныс жолдарына операция өткерген пациенттерде.

Көмейді қамтумен ангионевроздық ісіну өліммен аяқталуы мүмкін. Тыныс жолдарының обструкциясы пайда болу қаупімен тіл, дауыс қыртыстары немесе көмей қамтылғанда дереу сәйкес ем жүргізуді бастау (мысалы 0,3–0,5 мл эпинефрин ерітіндісін тері астына енгізу [1:1.000 сұйылтуы]) және/немесе тыныс жолдарының өткізгіштігін қамтамасыз ету үшін шаралар қолдану қажет.

Қара нәсілді пациенттерде қара емес нәсілдегілермен салыстырғанда АӨФТ емдеуде ангионевроздық ісіну жағдайларының жоғары жиілігі туралы хабарланды.

Анамнезінде шығу тегі АӨФТ байланысты емес ангионевроздық ісіну бар пациенттерде АӨФТ қабылдауда оның дамуының жоғары қаупі болуы мүмкін.

Жарғақша қанатты жәндіктердің уына қарсы бағытталған десенсибилизациялайтын ем кезіндегі анафилаксиялық реакциялар

Жарғақша қанатты жәндіктердің уына қарсы бағытталған десенсибилизациялайтын емді және АӨФТ бір мезгілде қабылдағанда сирек өмірге қауіп туғызатын анафилаксиялық реакциялар байқалды. Егер жәндіктердің уына қарсы бағытталған спецификалық иммунотерапия (десенсибилизия) көрсетілімде болса, онда АӨФТ артериялық гипертония немесе жүрек жеткіліксіздігін емдеуге арналған басқа дәрілермен уақытша алмастыру қажет.

ТТЛП-аферезі (төмен тығыздықтағы липопротеиндер плазмаферезі) кезіндегі анафилаксиялық реакциялар

Бір мезгілде АӨФТ қолдануда декстрансульфатты қолданумен ТТЛП-аферезі кезінде сирек өмірге қауіп төндіретін анафилаксиялық реакциялар орын алды. Егер ТТЛП-аферезі көрсетілімде болса, онда уақытша АӨФТ артериялық гипертония немесе жүрек жеткіліксіздігін емдеуге арналған басқа дәріге алмастыру керек.

Гемодиализ әдісімен емделудегі пациенттер

Диализ жасағанда high-fluх (мысалы, “AN 69“) жарғақшасын қолданғанда және бір мезгілде АӨФТ қабылдағанда анафилактоидты реакциялар туралы хабарланды. Осындай пациенттерге қатысты диализге арналған басқа типтегі жарғақша қолдану немесе басқа кластағы антигипертензиялық препарат тағайындау туралы мәселені шешіп алу керек.

Гипогликемия

Қант диабетімен зардап шегетін және пероральді диабетке қарсы препараттармен немесе инсулинмен емделудегі пациенттерге әсіресе аталған препараттарды қабылдаудың бірінші айында АӨФТ емнің басында қан глюкозасы көрсеткішін мұқият бақылау керектігі туралы хабарлау керек.

Жөтел

АӨФТ қабылдаумен байланысты жөтел туралы хабарланды. Қақырықтың болмауы әдеттегі жағдай болып табылады, жөтел тұрақты сипат иеленген және емді тоқтатқаннан кейін қайтады. Жөтелдің дифференциялық диагнозында АӨФТ еммен туындаған жөтелді ескеру керек.

Операциялық араласым/анестезия

Ауқымды операциялық араласым немесе қан қысымын төмендететін препараттардың көмегімен анестезия жүргізілетін пациенттерде энaлaприл малеаты рениннің компенсаторлық секрециясына реакция ретінде - ангиотензин II өндірілуін тежейді. Осы жағдайда гипотония дамығанда оны айналымдағы қан көлемін толықтыру жолымен түзетуге болады.

Гиперкалиемия

Энaлaприлді қоса, АӨФТ емдеуде кейбір пациенттерде сарысулық калий концентрациясының жоғарылауы байқалды. Гиперкалиемия дамуының қауіп факторлары: бүйрек жеткіліксіздігі, бүйрек функциясының бұзылуы, егде жас (70 жастан асқан), қант диабеті, дегидратация, жедел жүрек декомпенсациясы, метаболизмдік ацидоз секілді интеркуррентті факторлар және бір мезгілде калий жинақтаушы диуретиктермен емдеу (мысалы, спиронолактон, эплеренон, триамтерен немесе амилорид), калий препараттарын немесе құрамында калий бар тұз алмастырғыштарды қабылдау, сондай-ақ сарысулық калий (мысалы, гепарин) деңгейін жоғарылатуға қабілетті басқа да дәрілік заттармен бір мезгілде емдеу.

Калий препараттарын, калий жинақтаушы диуретиктерді және құрамында калий бар тұз алмастырғыштарын қолданғанда бүйрек функциясының бұзылуымен пациенттерде қандағы калий концентрациясы айтарлықтай жоғарылауы мүмкін. Гиперкалиемия ауыр, оның ішінде өліммен аяқталатын аритмия дамуын туындатуға қабілетті. Егер эналаприлмен бір мезгілде жоғарыда аталған препараттарды қолдану мақсатқа сай деп саналса, онда емді қан сарысуында калий концентрациясын ұдайы бақылаумен сақтықпен жүргізу керек.

Литий

Жалпы, литий препараттарын энaлaприлмен біріктіру ұсынылмайды.

Ренин-ангиотензин-альдостерон жүйесін қосарлы блокадасы(РААС)

АӨФ тежегіштерін, ангиотензин II рецепторлары блокаторларын немесе алискиренді бір мезгілде қолдану артериялық гипотензия, гиперкалиемия және бүйрек функциясының төмендеуінің (оның ішінде жедел бүйрек жеткіліксіздігін) даму қаупін арттыратыны туралы деректер бар. Сондықтан АӨФ тежегіштерін, ангиотензин II рецепторлары блокаторларын немесе алискиренді бір мезгілде қолданғанда РААС қосарлы блокадасын жасау ұсынылмайды.

Егер қосарлы блокадамен ем абсолютті қажет болса, онда ол тек маманның бақылауымен, сондай-ақ бүйрек функциясын, электролиттер құрамын және артериялық қысымды мұқият бақылау аясында жүргізілуі керек.

Диабеттік нефропатиямен пациенттерде АӨФ тежегіштері мен ангиотензин II рецепторлары блокаторларын бір мезгілде қолдануға болмайды.

Лактоза

В Эналаприле содержится лактоза. Поэтому пациентам, страдающим редко встречающейся наследственной непереносимостью галактозы, дефицитом лактазы в организме или синдромом мальабсорбции глюкозы-галактозы, этот препарат принимать не следует. Содержание лактозы в одной таблетке Эналаприла не превышает 200 мг.

Лактоза

Эналаприл құрамында лактоза бар. Сондықтан сирек кездесетін тұқым қуалаған галактоза жақпаушылығымен, организмде лактаза тапшылығымен немесе глюкоза-галактоза мальабсорбциясы синдромымен зардап шегетін пациенттерге бұл препаратты қолдануға болмайды. Эналаприлдің бір таблеткасының құрамындағы лактоза 200 мг аспайды.

Этникалық айырмашылықтары

Энaлaприлдің гипотензивтік әсерінің айқындығы – басқа да АӨФТ жағдайындағыдай – қара нәсілді пациенттерде қара нәсілді еместермен салыстырғанда төмен болуы мүмкін; бұл, артериялық гипертониямен зардап шегетін қара нәсілді пациенттерде плазмадағы ренин деңгейі жиі төмен болуымен байланысты болуы мүмкін.

Жүктілік және лактация кезеңі.

Препарат жүктілік кезінде тағайындалмайды, өйткені АӨФ тежегіштері артериялық гипотензия, бүйрек жеткіліксіздігі, гиперкалиемия, жаңа туғандар бас сүйегінің гипоплазиясын қоса, шарана мен жаңа туғандарды ауру немесе өлімге әкелуі, сондай-ақ олигогидрамнион дамуы мүмкін (аяқ-қол контрактурасы, бастың бет сүйегінің деформациясы, өкпе гипоплазиясы).

Препарат іздік концентрацияларда емшек сүтімен бөлінеді. Оны лактация кезінде қолдану қажеттігінде емшекпен қоректендіруді тоқтату керек.

Дәрілік препараттың көлік құралын және басқа да қауіптілігі зор механизмдерді басқару қабілетіне әсер ету ерекшеліктері .

Препаратты қабылдау кезінде бас айналуы секілді жағымсыз әсерлер даму мүмкіндігіне байланысты мүмкіндігінше көлік құралын және басқа да қауіптілігі зор механизмдерді басқарумен байланысты кез келген қызметтен бас тарту керек.

Артық дозалануы

Симптомдары: артериялық гипотензия. Эналаприлді 300-400 мг дозада қабылдау препараттың қандағы емдік дозадан 100-200 есе жоғары деңгейінің пайда болуына әкеледі. Коллапсқа дейін жедел артериялық гипотензия дамуы, ми қан айналымының бұзылуы, миокард инфарктісі, тромбоэмболия немесе ангионевроздық ісінумен сипатталады, сондай-ақ мелшию және құрысу дамуы мүмкін.

Емі: препаратты қабылдауды тоқтату, белсенділендірілген көмір қабылдаумен асқазанды шаю, тұзды іш жүргізгіштерді тағайындау, науқасты аяқтарын көтерген қалпында жатқызу, айналымдағы қан көлемін натрий хлоридінің изотониялық ерітіндісімен және плазма алмастыратын ерітінділермен толықтыру, демеуші және симптомдық ем. Ауыр жағдайларда гемодиализ жүргізеді.

Шығарылу түрі және қаптамасы

10 таблеткадан поливинилхлоридті үлбірден және алюминий фольга негізіндегі иілгіш қаптамадан немесе баспалы лакталған алюминий фольгадан жасалған пішінді ұяшықты қаптамада.

2 пішінді ұяшықты қаптамадан медициналық қолдануы жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

Құрғақ, жарықтан қорғалған жерде, 25оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«Борисов медициналық препараттар зауыты» ашық акционерлік қоғамы, Беларусь Республикасы, Минск обл., Борисов қ- сы, Чапаев к- сі, 64,

тел/факс +375 (177) 734043

Тіркеу куәлігінің иесі

«Борисов медициналық препараттар зауыты» ашық акционерлік қоғамы, Беларусь Республикасы.

Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы:

«Борисов медициналық препараттар зауыты» ашық акционерлік қоғамы, Беларусь Республикасы, Минск обл., Борисов қ- сы, Чапаев к- сі, 64,

тел/факс 8-(10375177) 744280, электрондық поштасы market@borimed.com