Эмсибел (раствор для инъекций)

Эмсибел

Жоқ

Дәрілік түрі, дозасы

Инъекцияға арналған ерітінді, 1%

Сезім мүшелері. Офтальмологиялық препараттар. Басқа офтальмологиялық препараттар.

АТХ коды S01XA

• әртүрлі генездегі субконъюнктивалық және көзішілік қан кетулер;

• ангиоретинопатия (диабеттік ретинопатияны қоса);

• орталық және шеткері хориоретинальді дистрофиялар;

• торқабықтың орталық венасы мен оның тармақтарының тромбозы;

• асқынған миопия;

• ангиосклероздық макулодистрофия (құрғақ түрі);

• операциядан кейінгі кезеңде глаукома бар науқастарда көздің тамырлы қабығының ажырауы;

• мөлдір қабықтың дистрофиялық аурулары;

• мөлдір қабықтың жарақаттары, күйіктері;

• жоғары қарқынды жарықпен көз тіндерінің зақымдануын емдеу және профилактикасы (күн сәулесі, лазерлік коагуляция кезінде лазер сәулесі).

Қолдану басталғанға дейін қажетті мәліметтер тізбесі

- метилэтилпиридинол гидрохлоридіне немесе қосымша заттардың кез келгеніне аса жоғары сезімталдық;

- жүктілік;

- лактация;

- 18 жасқа дейінгі балалар.

Қолдану кезінде қажетті сақтық шаралары

Емдеу барысында артериялық қысымды және қанның ұюын үнемі бақылап отыру қажет.

Басқа дәрілік препараттармен өзара әрекеттесуі

Басқа дәрілік препараттармен ем аясында метилэтилпиридинол гидрохлоридін қолдану кезіндегі жағымсыз көріністер сипатталмаған.

а-Токоферол ацетаты метилэтилпиридинол гидрохлоридінің антиоксиданттық әсерін күшейтеді.

Эмсибелді басқа дәрілік препараттармен араластыруға болмайды.

Арнайы ескертулер

Пациенттердің ерекше топтары

Егде жастағы пациенттер

Егде жастағы және әлсіреген науқастарда дозаны түзету қажет емес.

Педиатрияда қолдану

Жеткілікті деректердің болмауына байланысты 18 жасқа дейінгі балалар мен жасөспірімдерде дәрілік препаратты қолдану ұсынылмайды.

Жүктілік немесе лактация кезінде

Жүктілік кезінде қолдануға болмайды.

Лактация кезеңінде қолдану ана үшін күтілетін пайда балаға төнетін ықтимал қауіптен асып кеткен жағдайда ғана мүмкін болады.

Метилэтилпиридинол гидрохлоридінің фертильділікке әсері туралы деректер жоқ.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препаратпен емдеу кезінде жоғары зейін қою мен психомоторлық реакциялардың жылдамдығын талап ететін аса қауіпті қызмет түрлерімен айналыспаған жөн.

Қолдану бойынша ұсынымдар

Дозалау режимі

Орталық хориоретинальді дистрофиямен, жоғары дәрежелі миопия кезіндегі торқабықтың дистрофиялық өзгерістерімен, диабеттік ретинопатиямен, торқабықтың орталық вена мен оның тармақтары окклюзиясымен, глаукомамен, оптиконевропатиямен ауыратын науқастарда ретробульбарлық (парабульбарлы) 10-15 күн ішінде тәулігіне 1 рет 1% ерітіндіден 0,5–1 мл тағайындайды. Ең жоғары бір реттік доза – 10 мг. Бір көздің зақымдануындағы курстық доза – 100–150 мг, екі жақты зақымданумен – 200–300 мг).

Гифем, кератит, кератоконус, увеит кезінде 10-15 күн ішінде тәулігіне 1 рет 0,2–0,5 мл 1% ерітіндіден субконъюнктивальді тағайындайды.

Ең жоғары бір реттік доза – 5 мг. Емдеу ұзақтығы 30 күнге дейін созылуы мүмкін. Курсты жылына 2-3 рет қайталауға болады.

Лазерокоагуляция кезінде торқабықты қорғау үшін (оның ішінде ісіктерді шектейтін және бұзатын коагуляция кезінде) – парабульбарлы немесе ретробульбарлы–0,5–1 мл 1% ерітіндіден 24 сағат бұрын және коагуляциядан 1 сағат бұрын (ең жоғары бір реттік доза – 10 мг), содан кейін – 0,5 мл 1% ерітіндіден тәулігіне 1 рет 2-10 күн ішінде.

Қажет болған жағдайда 2-4 аптадан кейін қайта емдеу курстарын жүргізуге болады.

Енгізу әдісі мен жолы

Субконъюнктивальді, парабульбарлы. Қажет болған жағдайда ретробульбарлық енгізуге болады. Дозалар, емдеу курсының ұзақтығы жекелей анықталады.

Қолдану уақыты көрсетілген қолдану жиілігі

Тәулігіне 1 рет.

Артық дозалану жағдайында қабылдануы қажет шаралар

Симптомдары: ұйқышылдық және седация, артериялық қысымның қысқа мерзімді жоғарылауы.

Емі: препаратты тоқтату, симптоматикалық емдеу, оның ішінде артериялық қысымды бақылаумен гипотензивті препараттарды тағайындау. Арнайы антидоты жоқ.

Дәрілік препараттың бір немесе бірнеше дозасын өткізіп алған кезде қажетті шаралар

Дәрілік препараттың кезекті инъекциясын өткізіп алған жағдайда жақын арада келесі инъекцияны жасау керек. Өткізіп алған дозаны толықтыру мақсатында қосарлы дозаны енгізуге болмайды.

Препаратты қалай қолдану керектігін түсіндіру үшін денсаулық сақтау маманынан кеңес алу бойынша ұсыныстар.

Препаратты қолдану бойынша сұрақтар болған жағдайда медицина қызметкеріне жүгіну керек.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Сирек

- артериялық қысымның жоғарылауы

- қысқа мерзімді қозу, ұйқышылдық

- терінің қышуы, бөртпе, ісіну, терінің қабыршақтануы, терінің қызаруы

- ауырсыну, күйдіру, қышу, гиперемия, парорбитальді тіндердің тығыздалуы (өздігінен қайтады)

Күтілетін дәрілік реакциялар пайда болған кезде медицина қызметкеріне, фармацевтика қызметкеріне медициналық қолдану жөніндегі осы нұсқаулықтың соңында көрсетілген мекенжайға немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық дерекқорға тікелей жүгінуге болады

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір ампуланың ішінде

белсенді зат – метилэтилпиридинол гидрохлориді, 10 мг,

қосымша заттар: хлорсутек қышқылының 0.1 М ерітіндісі, инъекцияға арналған су.

Сыртқы түрінің сипаттамасы

Мөлдір түссіз ерітінді.

Шығарылу түрі және қаптамасы

1 мл-ден бейтарап шыны ампулада. Өздігінен жабысатын заттаңба ампулаға жапсырылады немесе мәтінді тікелей ампулаға жазады. 10 ампуладан медициналық қолдану жөніндегі қазақ және орыс тілдеріндегі нұсқаулықпен және ампула скарификаторымен картон қораптарға салынады. Қораптар жазу қағазынан жасалған заттаңба-бандерольмен жапсырылады.

5 ампуладан поливинилхлоридті үлбірден және алюминий фольгадан жасалған пішінді ұяшықты қаптамаға салады. 1 немесе 2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен және ампулалық скарификатормен бірге картон қорапшаға салынады. Сындыру сақинасы бар ампулаларды пайдаланған кезде ампулаларды ампулалық скарификаторсыз қаптауға рұқсат етіледі.

4 жыл.

Жарамдылық мерзімі өткеннен кейін қолдануға болмайды!

Жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы.

Өндіруші туралы мәліметтер

«Белмедпрепараты» РУК, Беларусь Республикасы

Заңды мекенжайы және шағымдар қабылданатын мекенжайы:

220007, Минск қ., Фабрициус к-сі, 30,

т./ф.: +375 (17) 220 37 16,

e-mail: medic@belmedpreparaty.com

Тіркеу куәлігінің ұстаушысы

«Белмедпрепараты» РУК, Беларусь Республикасы

220007, Минск қ., Фабрициус к-сі, 30,

т./ф.: (+375 17) 220 37 16,

e-mail: medic@belmedpreparaty.com.

Қазақстан Республикасы аумағында тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Registrarius» ЖШС

Заңды мекенжайы: Қазақстан, Алматы қаласы, Бостандық ауданы, Байзақова 280, пошталық индекс 050000

Tел: +7 727 313 12 07Моб: + 7 701 746 04 2124/7 телефон: +7 771 888 77 11e-mail: info@registrarius.org