Эмоксипин (5 мл)
Инструкция
-
русский
-
қазақша
Саудалық атауы
Эмоксипин
Халықаралық патенттелмеген атауы
Жоқ
Дәрілік түрі
Көз тамшысы 1 %, 5 мл
Бір құтының ішінде
белсенді зат: эмоксипин 50 мг,
қосымша заттар: сусыз натрий сульфиті, натрий бензоаты, калий дигидрофосфаты, динатрий гидрофосфат додекагидраты, инъекцияға арналған су.
Сипаттамасы
Мөлдір түссіз немесе сарғыш реңді ерітінді
Фармакотерапиялық тобы
Көз ауруларын емдеуге арналған өзге де препараттар.
АТХ коды S01XA
Фармакологиялық қасиеттері
Фармакокинетикасы
Емдік концентрацияға көз тіндеріне бір рет тамызған кезде жетеді. Эмоксипин ағзалар мен тіндерге жинақталмайды. Қолданғаннан кейін алғашқы екі сағатта эмоксипин концентрациясы қанда жылдам төмендейді, 24 сағаттан соң препарат қанда болмайды. Көз тіндерінде эмоксипин концентрациясы қандағыға қарағанда жоғары.
Фармакодинамикасы
Эмоксипин - ангиопротектор, қан тамырлар қабырғаларының өткізгіштігін төмендетеді, бос радикальді үдерістер, антигипоксант және антиоксидант тежегіштері болып табылады, қан тұтқырлығын және тромбоциттер агрегациясын азайтады. Ретинопротекторлық қасиеттерге ие, көзішілік қан құйылудың қайтуына ықпал етеді, көз микроциркуляциясын жақсартады.
Қолданылуы
-
көздің алдыңғы камерасына қан құйылуында
-
мөлдір қабықтың қабынуын және күюін емдеу және профилактикасында
-
жанаспалы линзаларды тағып жүргенде мөлдір қабықты қорғау үшін
-
жоғары дәрежелі миопия жағдайында торлы қабықтың дистрофиялық өзгеулерінде
-
диабеттік ретинопатияда
Қолдану тәсілі және дозалары
Препаратты ересектерге конъюнктивальді қапшыққа инстилляция түрінде күніне 1-2 тамшыдан 2 - 3 рет. Емдеу курсының ұзақтығы аурудың ағымына байланысты (әдетте 3 - 30 күнді құрайды) және дәрігер анықтайды. Көрсетілімдер және көтерімділігі жақсы болған кезде емдеу курсының ұзақтығы 6 айға дейінді құрайды.
Қажет болған кезде емнің қайталау курсы 4-6 айлық аралықпен жүргізіледі.
Жағымсыз әсерлері
-
шымылдатқанды сезіну, қышыну
-
конъюнктиваның қысқа мерзімдік қызаруы
-
параорбитальді тіндердің тығыздалуы (өздігінен қайтады)
Қолдануға болмайтын жағдайлар
-
эмоксипинге жоғары жекелей сезімталдық
-
жүктілік
-
18 жасқа дейінгі балалар және жасөспірімдік жас
Дәрілермен өзара әрекеттесуі
Басқа да дәрілік препараттармен емдеу аясында эмоксипинді қолданған кезде жағымсыз әсерлері сипатталмаған.
Ерітіндіні басқа дәрілік заттармен араластыруға болмайды. Басқа офтальмологиялық дәрілік заттармен (көз тамшысы және б.) бір мезгілде пайдалану қажет болған кезде, эмоксипин алдыңғы препарат толық сіңгеннен кейін (кем дегенде 10-15 минуттан соң) соңынан қолданылады.
Айрықша нұсқаулар
Лактация кезеңі
Лактация кезеңінде, егер ана үшін пайда сәби үшін потенциалды қауіптен басым болса қолданылуы мүмкін.
Дәрілік заттың көлікті немесе қауіпті механизмдерді басқару қабілетіне ықпал ету ерекшеліктері
Эмоксипиннің көз тамшысын қолданған кезде қысқа мерзімдік ашыту мен қышыту сезімі болуы мүмкін. Препаратты қолданғаннан кейін 15-20 минуттай автокөлікті басқарудан бас тарта тұру керек. Препарат психомоторлық реакция жылдамдығына әсер етпейді.
Артық дозалануы
Эмоксипин көз тамшысын қолданғанда артық дозалану құбылысы сипатталмаған.
Шығарылу түрі мен қаптамасы
Резеңке тығынмен тығындалған және алюминий немесе біріктірілген қалпақшамен қаусырылған шыны құтыда препарат 5 мл-ден.
1 құтыдан тамшуыр-қақпағы бар және медициналық қолдану жөніндегі мемлекеттік және орыс тілдеріндегі нұсқаулығымен бірге картон қорапшаға салынған.
Сақтау шарттары
Жарықтан қорғалған жерде, 15-тен 250С-ге дейінгі температурада сақтау керек.
Ашылған құтыны 4 апта бойы (28 күн) жарықтан қорғалған жерде, 15-тен 250С-ге дейінгі температурада сақтау керек
Балалардың қолы жетпейтін жерде сақтау керек!
Сақтау мерзімі
2 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
«Белмедпрепараттар» РУК, Беларусь Республикасы
Заңды мекенжайы және шағым қабылдайтын мекенжай:
220007, Минск қ., Фабрициус к-сі, 30,
т./ф.: (+375 17) 220 37 16, e-mail: medic@belmedpreparaty.com.
Тіркеу куәлігі иесінің атауы мен елі
«Белмедпрепараттар» РУК, Беларусь Республикасы
Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы:
«КазБелМедФарм» ЖШС
Заңды мекенжайы: ҚР 050028, Алматы қ., Бейсебаев к-сі, 151 үй
Нақты мекенжайы: ҚР 050022, Алматы қ., Абай к-сі 48 А 2 қабат
Телефон/факс нөмірі: 8(727) 383-93-74; 383-93-69
Электронды поштасы: info@kmbf.kz