Эмоксипин (1 мл)

• русский
• қазақша

• Скачать инструкцию медикамента

Саудалық атауы

Эмоксипин

Халықаралық патенттелмеген атауы

Жоқ

Дәрілік түрі

Инъекцияға арналған ерітінді, 1%, 1 мл

Құрамы

Бір ампуланың ішінде

белсенді зат: - 10,0 мг эмоксипин,

қосымша заттар: 0,1 М хлорсутек қышқылы, инъекцияға арналған су.

Сипаттамасы

Мөлдір түссіз сұйықтық

 

Фармакотерапиялық тобы

Жүйке жүйесінің ауруларын емдеуге арналған басқа да препараттар. Жүйке жүйесінің ауруларын емдеуге арналған өзге де препараттар.

АТХ коды N07XX

Фармакологиялық қасиеттері

Фармакокинетикасы

Ретробульбарлы енгізген кезде эпоксипин қанда сол сәтінде дерлік пайда болады; алғашқы екі сағат бойы оның концентрациясы шұғыл төмендейді және 24 сағаттан кейін препарат қанда болмайды. Көз тіндеріндегі эмоксипин концентрациясы қандағыдан жоғары болады. 10 мг/кг дозада көктамыр ішіне енгізгенде өте төмен жартылай элиминациялану кезеңі байқалған (жартылай шығарылу кезеңі – 18 минут, бұл препараттың қаннан элиминациялану жылдамдығының жоғары екенін растайды). Элиминациялану константасының шамасы - 0,041 мин; жалпы клиренсі СI - 214,8 мл/мин; болжамды таралу көлемі V болж. - 5,2 л. Препарат ағзалар мен тіндерге жылдам өтеді, мұнда оның жинақталуы мен метаболизмі жүреді. Эмоксипиннің, оның айналуының деалкилирленген және конъюгацияланған өнімдері түрінде көрінетін 5 метаболиті табылды. Эмоксипин метаболиттері бүйрек арқылы шығарылады. Бауырда елеулі мөлшерде 2-этил- 6-метил-3-оксипиридин-фосфат табылады.

Фармакодинамикасы

Ангиопротектор, тамыр қабырғаларының өткізгіштігін азайтады, антигипоксикант және антиоксидант болып табылады.

Қанның тұтқырлығы мен тромбоциттер агрегациясын азайтады, тромбоциттердегі циклдық нуклеотидтердің (цАМФ пен цГМФ) құрамын жоғарылатады.

Ретинопротекторлық қасиеттерге ие, қатты жарық көзінің зақымдаушы әсерінен торлы қабықты қорғайды, көзішілік қан құйылуының жазылуына ықпал етеді, көз тіндеріндегі микроайналымды жақсартады.

Эмоксипин қан ұю жүйесіне жағымды әсер етеді: тромбоциттер агрегациясын тежейді, коагуляцияның жалпы индексін төмендетеді, қан ұю уақытын ұзартады. Қан жүретін тамырлар мен эритроциттердің жасушаларының жарғақшаларын тұрақтандырады, эритроциттердің механикалық жарақаттану мен гемолизге төзімділігін арттырады. Ангиопротекторлық қасиетке ие. Микроқанайналымды жақсартады.

Биожарғақшалар липидтерінің бос-радикалды тотығуын тиімді тежейді, антиоксидантты ферменттер белсенділігін жоғарылатады. Р-450 цитохромын тұрақтандырады, уыттануға қарсы әсерге ие. Липидтердің асқын тотықты тотықтануының күшеюі және гипоксия қатар жүретін экстремальді жағдайларда биоэнергетикалық үдерістерді оңтайландырады.

Препарат қатты жарық көзінің зақымдаушы әсерінен торлы қабықты қорғайды, көзішілік қан құйылуының жазылуына ықпал етеді.

Эмоксипин церебральді гемодисфункцияның белгілерін редукциялайды. Мидың гипоксия мен ишемияға төзімділігін арттырады. Ми қан айналымының (ишемиялық және геморрагиялық) бұзылуында вегетативтік дисфункцияның түзетілуіне ықпал етеді, мидың интеграциялық қызметінің қалпына келуін жеңілдетеді, мнестикалық функцияны жақсартады.

Липидтердің асқын тотықты тотықтануымен қатар жүретін жай-күйлерде (соның ішінде глаукомада, панкреатитте және т.б.) тиімді.

Қолданылуы

- орталық хориоретинальді дистрофияларда, миопатияның жоғары дәрежесіндегі торлы қабықтың дистрофиялық өзгерістерінде

- диабеттік ретинопатияда, торлы қабықтың орталық көктамырларының және оның тарамдарының окклюзиясында, глаукомада (операциядан кейінгі кезеңде)

- шығу тегі әртүрлі оптиконейропатияларда, гемофтальмдарда, гифемаларда, кератитте, кератоконуста, увеиттерде, қасаң қабатты қорғағанда ( жанаспалы линзалар салып жүрген кезде)

- лазерлік және күн көзіне күюлерде, лазерокоагуляцияда, жарақатта, қасаң қабаттың қабынуында және күюінде

- катарактада (жиынтық ем кезінде, соның ішінде 40 жастан асқан адамдарда профилактика ретінде)

- көзге операциялық араласуларда, тамырлы қабықтың ажырауы бар глаукомаға байланысты операциялық араласуларда.

- хирургияда: жедел панкреатит (УД бақылаумен және лапароскопиямен инвазиялығы аз араласуларды орындаған кезде).

Қолдану тәсілі және дозалары

Ретробульбарлы, парабульбарлы, субконъюнктивальді. Дозалары, емдеу курсының ұзақтығы жеке белгіленеді.

Офтальмологияда орталық хориоретинальді дистрофиялары, жоғары дәрежедегі миопияда торлы қабықтың дистрофиялық өзгерісі бар науқастарға, диабеттік ретинопатияда, орталық көктамыр мен оның тарамдарының окклюзиясында, глаукомада, оптиконейропатияларда 10-15 күн бойы тәулігіне 1 рет 0,5-1 мл-ден 1% ерітіндіні ретробульбарлы (парабульбарлы) тағайындайды. Бір реттік ең жоғары доза - 10 мг. Бір көз зақымдануында курстық доза - 100–150 мг, екі көз бірдей зақымданғанда - 200–300 мг. Гифемаларда, кератиттерде, кератоконуста, увеиттерде 10-15 күн бойы тәулігіне 1 рет 1% ерітіндіні 0,2–0,5 мл-ден субконъюнктивальді тағайындайды. Бір реттік ең жоғары доза – 5 мг. Қажет болғанда емдеу ұзақтығы 30 күнге дейін ұзартылуы мүмкін. Емдеу курсы жылына 2-3 рет қайталануы мүмкін.

Лазерокоагуляция кезінде (соның ішінде коагуляцияны шектейтін және бұзатын ісіктер кезінде) торлы қабықты қорғау үшін - 24 сағат және коагуляцияға дейін 1 сағат бұрын 1% ерітіндіні 0,5–1 мл-ден парабульбарлы немесе ретробульбарлы енгізеді (ең жоғарғы бір реттік дозада – 10 мг); одан кейін –1% ерітіндіні 0,5 мл-ден 2-10 күн бойы тәулігіне 1 рет.

Егде жастағы және арықтаған науқастарға дозаны түзету қажет емес.

Қажет болғанда 2-4 апта өткенде қайталап емдеу курсы өткізілуі мүмкін.

Хирургияда: жедел панкреатиті бар науқастарда УД бақылаумен аз инвазиялы араласуларды орындағанда және лапароскопияда мынадай мөлшерде қолданады: 10 мл 1% эмоксипин ерітіндісін 10 мл натрий хлоридінің изотониялық ерітіндісі бар еккіште сұйылтады және парапанкреатикалық шелге және шарбы қалташаға біркелкі инфильтрациялайды, сондай-ақ панкреатикалық жинақталған сұйықтықты аспирациялаудан кейін қуысқа енгізеді.

Жағымсыз әсерлері

• инъекция орнындағы ауырудың, шымылдатып күйдірудің сезілуі, қышыну, қызару, параорбитальді тіндердің тығыздануы

• артериялық қысымның жоғарылауы, қозу немесе ұйқышылдық

• аллергиялық реакциялар (соның ішінде қышыну, мен терінің қызаруы).

Қолдануға болмайтын жағдайлар

• жеке көтере алмаушылық

• жүктілік (қауіпсіздігі зерттелмеген)

• 18 жасқа дейінгі балалар және жасөспірімдік жас

Дәрілермен өзара әрекеттестігі

Басқа да дәрілік препараттармен емдеу аясында эмоксипинді қолданған кезде жағымсыз әсерлері сипатталмаған.

-Токоферол ацетаты эмоксипиннің антиоксидантты әсерін көтермелейді.

Эмоксипинді басқа инъекциялық дәрілермен бір еккіште араластыруға болмайды.

Айрықша нұсқаулар

Емдеу барысында артериялық қысымды және қан ұюын ұдайы бақылау керек.

Лактация кезеңі

Препарат лактация (бала емізу) кезеңінде, егер емдеуден күтілетін нәтиже сәби үшін потенциалды қауіптен басым болса, көрсетілімдер бойынша қолданылуы мүмкін.

Педиатрияда қолданылуы

Тиімділігі мен қауіпсіздігі анықталмаған.

Егде жастағы емделушілерде қолданылуы

Препаратты егде жастағыларға көрсетілімі бойынша қолдану ұсынылады.

Дәрілік заттың көлікті немесе қауіпті механизмдерді басқару қабілетіне ықпал ету ерекшеліктері

Препаратпен емдеуде зейінді жоғары жұмылдыруды және психомоторлы реакциялардың шапшаңдығын қажет ететін қауіптілігі потенциалды қызмет түрлерімен айналысудан бас тартқан дұрыс.

Артық дозалануы

Симптомдары: ұйқышылдық және тыныштандыратын, артериялық қысымның қысқа мерзімге жоғарылауы.

Емі: препаратты тоқтату, симптоматикалық ем, оның ішінде артериялық қысымды бақылай отырып, гипотензиялық препараттарды тағайындау. Өзіне тән ерекше у қайтарғысы жоқ.

Шығарылу түрі мен қаптамасы

Бейтарап шыныдан жасалған ампулаларда 1,0 мл-ден. 10 ампуладан медициналық қолдану жөніндегі мемлекеттік және орыс тілдеріндегі нұсқаулығымен және ампулаларға арналған скарификатормен бірге картон қорапқа салынады. 5 ампуладан поливинилхлоридті үлбірден және алюминий фольгадан жасалған пішінді ұяшықты қаптамаға салынады. 1 немесе 2 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулығымен және ампулаларға арналған скарификатормен бірге картон қорапшаға салынады. Сындыру сақинасы бар ампулаларды пайдаланғанда ампулалық скарификаторсыз ампула қаптамасы болуына жол беріледі.

Сақтау шарттары

Жарықтан қорғалған жерде, 250С-ден аспайтын температурада сақтау керек. Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«Белмедпрепараттар» РУК, Беларусь Республикасы

Заңды мекенжайы және шағым қабылдайтын мекенжай:

220007, Минск қ., Фабрициус к-сі, 30,

т./ф.: (+375 17) 220 37 16, e-mail: medic@belmedpreparaty.com.

Тіркеу куәлігі иесінің атауы мен елі

«Белмедпрепараттар» РУК, Беларусь Республикасы

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы:

«КазБелМедФарм» ЖШС

Заңды мекенжайы: ҚР 050028, Алматы қ., Бейсебаев к-сі, 151 үй

Нақты мекенжайы: ҚР 050022, Алматы қ., Абай к-сі 48 А 2 қабат

Телефон/факс нөмірі: 8(727) 383-93-74; 383-93-69

Электронды поштасы: info@kmbf.kz