Элтромбопаг NOBEL® (Элтромбопаг)

Элтромбопаг NOBEL®

Элтромбопаг

Дәрілік түрі, дозасы

Үлбірлі қабықпен қапталған таблеткалар, 25 мг, 50 мг, 75 мг

Қан және қан түзу ағзалары. Геморрагияға қарсы препараттар. К дәрумені және басқа гемостатиктер. Басқа жүйелі гемостатиктер. Элтромбопаг.

АТХ коды B02BX05

Кортикостероидтарға және иммуноглобулиндерге рефрактерлі болғанда, ауру диагноз қойылған сәттен 6 айға және одан ұзақ уақытқа созылғанда бастапқы иммундық тромбоцитопениясы (ИТП) бар 1 жастағы және одан үлкен пациенттерді емдеу.

Тромбоцитопения дәрежесі интерферондармен оңтайлы ем жүргізілуін бөгейтін немесе шектейтін негізгі фактор болып табылатын созылмалы вирустық С гепатиті бар ересек пациенттердегі тромбоцитопенияны емдеу

Алдыңғы иммуносупрессиялық емге сезімтал емес немесе қарқынды ем алған және қан түзетін дің жасушаларын трансплантациялауға жарамайтын ересек пациенттерде жүре пайда болған ауыр апластикалық анемияны (ААА) емдеу.

Қолданудың басталуына дейінгі қажетті мәліметтер тізбесі

- әсер етуші затқа немесе препараттың кез келген қосымша заттарына аса жоғары сезімталдық

Қолдану кезіндегі қажетті сақтандыру шаралары

С гепатиті бар ИТП және бауырдың созылмалы үдемелі ауруы бар пациенттерде болатын бауырдың өлімге әкелуі мүмкін декомпенсациясы және тромбоэмболиялық асқынуларын қоса, жағымсыз әсерлер туындауының жоғары қаупі бар, бұл олар интерферон негізіндегі еммен біріктірілімде элтромбопагпен емдеуден өтіп жүрген кезде альбуминнің ≤ 35 гр\л төмен деңгейімен немесе ≥ 10 бауыр ауруының соңғы сатысының моделімен анықталады. Осындай пациенттерге элтромбопагпен емдеу тек үдемелі сатыдағы С гепатитін емдеу тәжірибесі бар дәрігерлер және тек егер тромбоцитопения қаупі немесе вирусқа қарсы емді ауыстыру осыны барынша қажет етсе ғана тағайындауы тиіс. Емдеу тағайындалғанда пациенттерге мұқият медициналық бақылау орнатылуы тиіс.

Тікелей әсер ететін вирусқа қарсы дәрілермен біріктіру

Тікелей әсер ететін вирусқа қарсы дәрілермен біріктірілімде С гепатитін емдеу кезіндегі қауіпсіздігі мен тиімділігі анықталмады.

Гепатоуыттылық қаупі

Элтромбопаг NOBEL® препаратын қолдану бауыр функциясының зертханалық көрсеткіштерінің ауытқуын, бауырдың ауыр уытты зақымдануын туындатуы мүмкін. Сарысулық АЛТ, АСТ және билирубин деңгейлері Элтромбопаг NOBEL® препаратымен емдеу басталғанша бағаланып, артынан дозаны титрлеу кезінде әр 2 аптада, сондай-ақ тұрақты дозаны тағайындаудан кейін ай сайын бақылап отыру қажет. Билирубин деңгейі жоғарылаған жағдайда билирубин фракциясына сандық анықтама жасау қажет. Бауыр функциясы тестілерінің ауытқуы анықталған соң қайта зерттеу 3-5 күн ішінде жүргізіледі. Ауытқу расталған жағдайда осы құбылыс шешілетін, ол тұрақтанатын, немесе көрсеткіштер бастапқы деңгейге оралатын сәтке дейін мониторинг жалғасады.

Элтромбопаг NOBEL® препаратымен емдеу АЛТ деңгейі жоғарылаған: бауыр функциясы қалыпты пациенттердегі  3 есе ұлғаю немесе емдеуді бастар алдында АЛТ және АСТ мәндері жоғары пациенттердегі (немесе қалыптың жоғарғы шегінен > 5 есе асып кеткенде, қандай шаманың аз екеніне байланысты) бастапқы деңгейден  3 есе ұлғаю, сондай-ақ мынадай белгілер болған жағдайда тоқтатылады:

- АЛТ деңгейі ұлғаюының үдеуі

- 4 апта және одан көп уақыт ішінде АЛТ деңгейінің ұлғаюы

- АЛТ деңгейі ұлғаюының тікелей билирубин деңгейінің жоғарылауымен бірігуі

- АЛТ деңгейі ұлғаюының бауыр зақымдануының клиникалық симптомдарымен немесе бауыр функциясының декомпенсациясы белгілерімен бірігуі

Бауыр функциясының бұзылулары бар пациенттерге Элтромбопаг NOBEL® препаратын абайлап тағайындау керек. Бауыр жеткіліксіздігімен қатарласқан ИТП және ААА бар пациенттерде Элтромбопаг NOBEL® препаратымен емдеу төмендеген дозаны тағайындаудан басталады.

Бауыр декомпенсациясы (интерферонмен пайдаланғанда)

Бауыр циррозы қатарласатын созылмалы С гепатиті бар пациенттер альфа интерферон қолданған жағдайда өліммен аяқталуы мүмкін бауыр деком-пенсациясының дамуы бойынша қауіп тобында болады. Альбумин деңгейі төмен (< 3.5 г/дл) немесе бауыр ауруының терминалдық сатысындағы (≥ 10) пациенттер бауыр декомпенсациясының көп даму қаупіне бейім. Тиісінше, осы пациенттер бауыр декомпенсациясының белгілері мен симптомдарының дамуы тұрғысынан дәрігердің жіті қадағалауында болуы тиіс. Оны тоқтату критерийлері туралы ақпарат алу үшін интерферон қолдану жөніндегі нұсқаулықпен мұқият танысу керек. Егер вирусқа қарсы ем бауыр декомпенсациясының даму себебімен тоқтатылған болса, Элтромбопаг NOBEL® препараты тоқтатылуы тиіс.

Тромбоздық/тромбоэмболиялық асқынулар

Тромбоздық/тромбоэмболиялық асқынулар теория жүзінде тромбоциттер деңгейінің қалып шегінен жоғары асып кетуі салдарынан болуы мүмкін. ИТП бар пациенттерде тромбоциттердің қалыпты және төмен деңгейлеріндегі тромбоэмболия жағдайлары анықталды. Жалпы, осындай асқыну жағдайлары – өкпе эмболиясы, терең веналар тромбозы, транзиторлы ишемиялық шабуыл, миокард инфарктісі, ишемия, ұзаққа созылатын қайтымды ишемиялық неврологиялық жеткіліксіздік 446 пациенттің 3.8% бөлігінде тіркелді.

Тромбоздық/тромбоэмболиялық асқынулардың белгілі қауіп факторлары (V фактор мутациясы (Leiden), антитромбин ІІІ тапшылығы, анти-фосфолипидтік синдром және т.б. сияқты) бар пациенттерге Элтромбопаг NOBEL® препаратын тағайындағанда ерекше көңіл бөлу керек. Элтромбопаг NOBEL® препаратымен ем кезінде тромбоциттер деңгейін мұқият бақылау қажет, ал тромбоциттер деңгейі қажетті межеден жоғарылаған жағдайда дозаны азайту немесе препаратты толық тоқтату нұсқаларын қарастыру керек.

Элтромбопаг NOBEL® препараты қақпа венасы тромбозының даму қаупі мен оны емдеу пайдасының арақатынасын алдын ала бағалап алмай, бауыр жеткіліксіздігі бар пациенттерде (Чайлд-Пью шкаласы бойынша ≥ 5) қолданылмауы тиіс. Элтромбопаг NOBEL® препаратымен ем жөнінде оң шешілсе, бүкіл емдеу кезеңі бойына мұқият бақылау жүргізу қажет.

Тромбоэмболия жағдайларының көпшілігі вирусқа қарсы емді тоқтатудан кейін басылды. Препарат қабылдауды бастау мен тромбоэмболияның туындау жиілігі арасында спецификалық өзара байланыс анықталмады; реакциялардың көпшілігі қайтымды болды және вирусқа қарсы емді тоқтатуды талап етпеді.

Тромбоцитопениясы мен инвазиялық емшаралар жасалатын созылмалы бауыр аурулары бар пациенттердің 14 күн бойы тәулігіне бір рет 75 мг дозада Элтромбопаг NOBEL® препаратын қабылдаған жағдайда қақпа венасы тромбозының жоғары даму қаупінде болады. Тиісінше, Элтромбопаг NOBEL® препараты инвазиялық емшараларға дайындалып жүрген созылмалы бауыр аурулары бар пациенттерде қолдануға ұсынылмайды.

Элтромбопагпен емдеуді тоқтатудан кейін қан кету

Элтромбопаг NOBEL® препаратымен емдеуді тоқтатудан кейін пациенттердің көпшілігінде тромбоциттер деңгейі 2 апта ішінде бастапқы деңгейіне оралады, бұл қан кетудің даму қаупін арттырады, ал кейбір жағдайларда қан кетуге әкелуі мүмкін. Тромбоциттер санын Элтромбопаг NOBEL® препаратын тоқтатудан кейін 4 апта бойы апта сайын бақылап отыру керек.

Пегинтерферон, рибавирин, элтромбопагты қабылдауды тоқтатудан кейін күрделі және өлім жағдайларын қоса, асқазан-ішектен қан кету жағдайларының көбеюі тіркелді. Сондықтан пациенттерді асқазан-ішектен қан кету симптомдары жағдайында мұқият қадағалау керек.

Сүйек кемігінде ретикулиннің түзілуі және сүйек кемігі фиброзының қаупі

Тромбопоэтин рецепторларының агонистері, элтромбопагты қоса, сүйек кемігінде ретикулинді талшықтардың түзілу немесе жайылу қаупін арттыруы мүмкін.

Элтромбопаг NOBEL® препаратымен емдеуді бастар алдында жасушалардың морфологиялық өзгерістерінің бастапқы деңгейін анықтау үшін шеткері қан жағындысын бағалау керек. Элтромбопаг NOBEL® препаратының тұрақты дозасына жетуден кейін ай сайын лейкоцитарлық формуланы есептеумен жалпы клиникалық қан талдауы жасалады. Жетілмеген немесе дисплазиялық жасушалар анықталса, жаңа немесе бұрыннан бар морфологиялық өзгерістердің күшеюін (мысалы, тамшы тәрізді және ядролық эритроциттердің, жетілмеген лейкоциттердің пайда болуы) айқындау немесе цитопенияны анықтау үшін шеткері қан жағындысына зерттеу жүргізген жөн. Пациентте жаңа, немесе бұрыннан бар морфологиялық ауытқулар күшеюі немесе цитопения пайда болса, Элтромбопаг NOBEL® препаратымен емдеуді тоқтатып, фиброзды анықтау мақсатында жағындыны бояуды қоса, сүйек кемігінің биопсиясын жасау мәселесін қарастыру керек.

Қатерлі ісіктер және олардың үдеуі

Тромбопоэтин рецепторының агонистері (TPO-R) МДС сияқты қан жүйесінің ағымдағы қатерлі ауруларының дамуын көтермелеуі мүмкін. Тромбопоэтин рецепторларының агонистері – тромбопоэздік ізашар жасушалардың және тромбоциттердің өсуіне, дифференциациясына және өндірілуіне әкелетін өсу факторлары. Тромбопоэтин рецепторлары жасушалар беткейінде экспрессияланады. Тромбопоэтин рецепторларының агонистері миелодисплазия синдромының дамуын көтермелеуі мүмкіндігінен қауіптену бар.

Миелодисплазиялық синдромы бар пациенттерде бласты жасушалардың өсуі және миелодисплазиялық синдромның жедел лейкозға үдеуі білінді. Ересектерде және егде жастағы пациенттерде ИТП немесе ААА диагностикалануы тромбоцитопениямен қатар жүретін басқа клиникалық мәселелерді, әсіресе, миелодисплазиялық синдромды жоққа шығаруы тиіс. Сүйек кемігі биопсиясын жүргізу мүмкіндігін, әсіресе, шеткері бласт жасушаларының ұлғаюы сияқты жүйелік көріністері немесе бұзылулары бар 60 жастан асқан пациенттерде қарау қажет.

МДС туғызған тромбоцитопенияны емдеу үшін элтромбопагтың клиникалық тиімділігі мен қауіпсіздігі анықталмады.

ААА бар пациенттердегі цитогенетикалық бұзылулар және МДС / ЖМЛ үдеуі

ААА бар пациенттерде цитогенетикалық бұзылулар туындайтыны белгілі. Элтромбопагтың ААА бар пациенттерде цитогенетикалық аномалиялар қаупін арттыруы белгісіз. Цитогенетикалық бұзылуды зерттеудің орташа ұзақтығы 2,9 ай құрады.

Диагноз қоюға дейінгі орташа уақыт элтромбопагпен емдеу басталуынан 3 айға созылады.

Иммуносупрессиялық емге сезімтал емес немесе алдын ала қарқынды иммуносупрессиялық ем алған ААА бар пациенттерге Элтромбопаг NOBEL® препаратымен емдеу басталуына дейін, емнің 3 айында немесе одан кейін 6 ай өткен соң цитогенетикалық зерттеумен сүйек кемігінің аспирациялық биопсиясын жасау ұсынылады. Жаңа цитогенетикалық бұзылуларды анықтағанда элтромбопагпен емдеуді жалғастырудың қаншалықты мақсатқа сай болуын бағалау қажет.

Катаракта

Геморрагиялар торқабық беткейінде, субретинальді немесе көз торқабығы тіндерінің шегінде байқалды. Ем үдерісінде пациенттердің көз торқабығының жай-күйін дағдылы ағымда бақылап отыру қажет.

QT/QTc аралығының ұзаруы

Созылмалы гепатиті мен ИТП бар пациенттерде элтромбопаг қабылдау кезінде QT/QTc аралығының ұзаруы байқалды.

Емге жауаптың төмендеуі

Жүргізілген емге жауаптың төмендеуі немесе дозалау режимі қадағаланғанда тромбоциттер санын қажетті деңгейде сақтаудың мүмкін болмауы, сүйек кемігінде ретикулин деңгейінің артуын бағалауды қоса, себеп болатын факторларды іздестіруді талап етеді.

Элтромбопаг NOBEL® препаратының құрамында әр 100 мг 1 ммоль (23 мг) мөлшерінен аз натрий бар.

Зертханалық сынақтарға араласу

Элтромбопаг NOBEL® препараты өте бояулы, сондықтан да кейбір зертханалық сынақтарға кедергі болуы мүмкін. Элтромбопаг NOBEL® препаратын қабылдаған пациенттерде сарысудың түссізденуі және билирубин мен креатининді жалпы тестілеу кезінде кедергі келтіргені хабарланды. Егер зертханалық зерттеулер нәтижелері және клиникалық бақылаулар үйлесімсіз болса, басқа әдісті пайдаланып қайтадан тест өткізу нәтиженің нақтылығын анықтауға көмектесе алады.

Басқа дәрілік препараттармен өзара әрекеттесуі

Элтромбопаг NOBEL® препаратының басқа препараттарға әсері

НMG-кофермент А тежегіштері

Элтромбопагтың 75 мг күндізгі дозасын 5 күн бойына ОАТР1В1 және BCRP арналған субстрат – 10 мг розувастатиннің бір реттік дозасымен қолдану плазмадағы розувастатин мөлшерін Сmax 103% (90% CI:82 %, 126%), AUC 0∞ 55% (90% CI:42%, 69%) дейін арттырды. HMG-коферменті А редуктазасының басқа тежегіштерімен: правастатин, симвастатин, ловастатин, аторвастатин және флувастатинмен өзара әрекеттесуі болжанады. Элтромбопагпен қолданғанда статиндердің төменірек дозасын тағайындау және болжамды жағымсыз құбылыстарды бақылап отыру қажет. Элтромбопаг NOBEL® препаратын және органикалық аниондардың полипептидті тасымалдағыштардың субстраттарын (н/п метотрексат) және сүт безі обырының төзімділік ақуызының субстраттарын (топотекан және метотрексат сияқты) біріктіріп қабылдау сақтықты талап етеді.

Р450 цитохромы үшін субстраттар

Элтромбопаг (100 μМ дейін) CYP450 1A2, 2A6, 2C19, 2D6, 3E1, 3A4/5, 4A9/11 энзимдерін тежемеді және CYP2С8 және CYP2С9 тежегіші болды. Элтромбопагтың 75 мг бір реттік күндізгі дозасын 7 күн бойы қолдану 1А2 (кофеин), 2С19 (омепразол), 2С9 (флурбипрофен), 3А4 (мидозалам) метаболизмін туындатпады. CYP450 өзара әрекеттесуінде клиникалық мәнді реакциялар күтілмейді.

С гепатитінің протеаза тежегіштері

Элтромбопагты телапревирмен немесе боцепревирмен бірге қолданғанда дозаны түзету қажет емес. Бір реттік 200 мг элтромбопаг дозасын 750 мг Q8h телапревирмен бір мезгілде қабылдау телапревирдің плазмалық экпозициясына әсер етпейді.

Бір реттік 200 мг элтромбопаг дозасын 800 мг Q8h боцепревирмен бірге қолдану AUC (0-τ) мәніне әсер етпейді, бірақ Сmax 20% арттырады және Сmin 32% төмендетеді. Сmin төмендеуінің клиникалық мәні белгісіз. HCV супрессиясына клиникалық және зертханалық мониторинг жүргізу ұсынылады.

Басқа препараттардың Элтромбопаг NOBEL® препаратына әсері

Циклоспорин

Элтромбопаг экспозициясының төмендеуі 200  мг және 600 мг циклоспоринді (СБОТА тежегішін) қатарлас қолдану кезінде байқалды. 200 мг циклоспоринді бірге қолданғанда элтромбопаг Cmax және AUCinf, тиісінше, 25% және 18% төмендеуі білінеді. 600 мг циклоспоринді бірге қолданғанда элтромбопаг Cmax және AUCinf төмендеуі, тиісінше, 39% және 24% төмендеуі білінеді. Емдеу кезінде элтромбопаг дозасын түзетуге пациенттің тромбоциттер саны негізінде рұқсат етіледі. Элтромбопагты циклоспоринмен қатар қолданған жағдайда тромбоциттер санын кем дегенде 2-3 апта бойы әр апта сайын бақылау қажет. Тромбоциттер санын осылай есептеу негізінде элтромбопаг дозасын арттыру қажет болуы мүмкін.

Поливалентті катиондар (хелатты кешендер түзілуі)

Элтромбопаг темір, кальций, магний, алюминий, селен және мырыштың поливалентті катиондарымен хелатты кешендер түзеді.

Құрамында поливалентті катиондар бар антацидтермен (1524 мг алюминий гидрооксиді және 1425 мг магний карбонаты) бір реттік 75 мг элтромбопаг дозасын қолдану элтромбопагтың AUС0-∞ плазмалық концентрациясын 70% (90% CI:64%, 76%) және Сmax 70% (90% CI:62%, 76%) төмендетеді. Антацидтер, сүт өнімдері және құрамында поливалентті катиондар бар басқа өнімдер сіңірілуі елеулі төмендеп кетпес үшін элтромбопаг қабылдауға дейін 4 сағат бұрын немесе одан кейін 4 сағаттан соң тұтынылуы тиіс.

Лопинавир/ритонавир

Элтромбопаг NOBEL® препаратын лопинавир/ритонавирмен бірге қолдану элтромбопаг концентрациясының төмендеуін туындатуы мүмкін. Күніне екі рет 100 мг дозада элтромбопаг және 400/100 мг дозада лопинавир/ритонавир тағайындау элтромбопаг фармакокинетикалық қисық астындағы аудан (AUC0-) көрсеткішін 17% (СА 90%: 6.6%, 26.6%) төмендетеді, осыған орай, препараттардың осы біріктірілімін сақтықпен тағайындау керек. Лопинавир/ритонавир тағайындалғанда немесе тоқтатылғанда элтромбопагтың оңтайлы дозасын таңдау үшін тромбоциттер санына мұқият мониторинг қажет.

CYP1A2 және CYP2С8 тежегіштері мен индукторлары

Элтромбопаг CYP1A2 және CYP2С8, UGT1A1, UGT1A3 қоса, әртүрлі жолдармен метаболизденеді. Құрамында 1 энзим бар немесе индук-циялайтын медициналық препараттардың элтромбопаг концентрациясына елеулі әсер етуі екіталай, ал құрамында көптеген энзимдер бар немесе оны индукциялайтын медициналық препараттар оны арттыруы (мысалы, флувоксамин) немесе төмендетуі (мысалы, рифампицин) мүмкін.

С гепатитінің протеаза тежегіштері

800 мг Q8h боцепривирді немесе 750 мг Q8h телапревирді және элтромбопагтың 200 мг дара дозасын қайталап қолдану элтромбопаг плазмасының елеулі өзгерістерін туындатпайды.

ИТП емдеуге арналған дәрілік препараттар

Элтромбопагпен бірге ИТП емдеуге арналған дәрілік препараттар кортикостероидтар, даназол, және/немесе азатиоприн, венаішілік иммуноглобулин және резусқа қарсы иммуноглобулинді қамтыды. Элтромбопаг пен ИТП емдеуге арналған басқа препараттарды қолдану кезінде тромбоциттер деңгейін қадағалау қажет.

Тағаммен өзара әрекеттесуі

Кальций мөлшері жоғары тағаммен бірге элтромбопаг қабылдау (мысалы, құрамына сүт өнімдері кіретін тағам) плазмада элтромбопаг ППК0-∞ және Cmax мәндерін едәуір төмендетті. Керісінше, кальций мөлшері жоғары ас ішуге дейін 2 сағат бұрын немесе 4 сағаттан соң элтромбопаг қабылдау немесе кальций мөлшері төмен [<50 мг кальций] тағаммен бірге элтромбопаг қабылдау қан плазмасындағы элтромбопаг экспозициясын клиникалық мәнді дәрежеде өзгертпеді.

Элтромбопагтың таблеткалар түріндегі бір реттік (50 мг) дозасын өзінде сүт өнімдерін қамтыған құрамында май мөлшері көп әдеттегі жоғары калориялы таңғы аспен бірге қабылдау қан плазмасындағы ППК0–∞ орташа мәнінің 59% және орташа Cmax 65% төмендеуіне әкелді. Жемістер, майсыз шошқа еті, сиыр еті, байытылмаған (кальций, магний немесе темір қосылмаған) жеміс шырыны, байытылмаған соя сүті және байытылмаған жармаларды қоса, кальций мөлшері төмен тағам (<50 мг кальций), тағамның калориялылығына және майлылығына қарамастан, қан плазмасындағы элтромбопаг экспозициясына елеулі ықпалын тигізбеді.

Арнайы сақтандырулар

Балалар мен жасөспірімдер

Жоғарыда баяндалған сақтандырулар және ИТП үшін сақтану шаралары балалар мен жасөспірімдер тобына да қолданылады.

Фертильділік

Еркек пен әйел фертильділігіне әсер етпейді.

Бала туу жасындағы әйелдер / ерлер мен әйелдердегі контрацепция

Элтромбопаг NOBEL® препаратын контрацепция дәрілерін пайдаланбайтын бала туу жасындағы әйелдерге қолдану ұсынылмайды.

Жүктілік

Жүкті әйелдерде элтромбопаг қолдану туралы ақпарат мүлде жоқ. Адам үшін әлеуетті қаупі белгісіз.

Элтромбопаг NOBEL® препараты жүктілік кезінде ұсынылмайды.

Лактация кезеңі

Элтромбопагтың емшек сүтімен бөлінуі белгісіз. Бала емізуді жалғастыру немесе тоқтату шешімі сәби үшін емшек емізудің және әйел үшін Элтромбопаг NOBEL® препаратымен емдеудің артықшылықтарын талдау негізінде қабылданады

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Элтромбопаг NOBEL® препараты автокөлікті басқару немесе механизмдермен жұмыс істеу қабілетіне елеусіз әсерін тигізеді.

Пациенттің ойлау шапшаңдығын, қозғалыстық және танымдық біліктерін талап ететін әрекеттерді орындау қабілетін бағалау кезінде пациенттің клиникалық жай-күйін және Элтромбопаг NOBEL® репаратының қолайсыз құбылыстар бейінін (бас айналуын және зейін қоя алмауды қоса) ескеру керек.

Қолдану жөніндегі нұсқаулар

Дозалау режимі

Элтромбопаг NOBEL® препаратымен емдеуді гематологиялық патологияcы бар пациенттерді, сондай-ақ созылмалы С гепатиті мен оның асқынуларын емдеу тәжірибесі бар дәрігер жүргізуі және қолдауы тиіс.

Элтромбопаг NOBEL® препаратын дозалау режимі тромбоциттер санының негізінде әркімге жеке тағайындалады, бірақ емдеудің мақсаты тромбоциттер санын қалыпқа түсіру емес.

Пациенттердің көпшілігінде тромбоциттер санының жоғарылауы емдеудің 1-2 аптасынан соң болады.

Элтромбопаг NOBEL® препараты антацидтерді, сүт өнімдерін немесе құрамында поливалентті катиондары (алюминий, кальций, темір, магний, селен және мырыш) бар минералды қоспаларды қабылдауға дейін, кем дегенде, 4 сағат бұрын немесе одан кейін 4 сағаттан соң қабылдануы тиіс.

Элтромбопаг NOBEL® препаратын құрамында кальций мөлшері мардымсыз (50 мг-ден аз) немесе одан да дұрысы мүлде кальцийсіз тамақпен қабылдауға болады.

Иммундық (бастапқы) тромбоцитопения

Кемінде 50 000/мкл тромбоциттер деңгейіне жету және оны сақтап тұру үшін ең төмен тиімді дозаны пайдаланыңыз.

Препарат дозасын түзету жүргізілген емге жауап негізінде жүзеге асы-рылуы тиіс, ол тромбоциттер санымен анықталады. Препаратты тром-боциттердің қалыпты мөлшерінде қолданбаңыз.

Тромбоциттер деңгейі, орта есеппен, препарат қабылдаудың басталуынан 1-2 апта өткенде жоғарылайды және оны тоқтатудан кейін 1-2 апта өткенде төмендейді.

Ересектер, 6-дан 17 жасқа дейінгі балалар мен жасөспірімдер

Элтромбопаг NOBEL® препаратының ұсынылған бастапқы дозасы тәулігіне бір рет 50 мг құрайды. Азиядан шыққан пациенттер үшін (жапондар, қытайлар, тайлықтар, Тайвань тұрғындары және корейлер) препараттың бастапқы дозасы 25 мг құрауы тиіс.

1 жастан 5 жасқа дейінгі балалар

Элтромбопаг NOBEL® препаратының ұсынылған бастапқы дозасы тәулігіне бір рет 25 мг құрайды.

Дозаны бақылау және түзету

Элтромбопаг NOBEL® препаратымен емдеу басталған соң қан кету қаупін төмендету мақсатында кемінде 50 000/мкл тромбоциттер деңгейін сақтау үшін ұтымды дозаға жету қажет. Тәулігіне 75 мг дозадан асырмаңыз.

Элтромбопаг NOBEL® препаратымен емдеудің бүкіл курсы бойына гематологиялық талдаулар мен бауыр функциясын бақылау жүйелі жүргізілуі тиіс. Препарат дозасын түзету 3 кестедегі деректерге сәйкес атқарылады. Элтромбопаг NOBEL® препаратымен ем кезінде тромбоциттер саны тұрақтанғанша (ең кемі 4 апта ішінде 50000/мкл), тромбоциттерді және шеткері қан алуды қоса, қанның пішінді элементтерінің толық көрінісін апта сайын бағалау қажет. Тұрақтанудан кейін осы талдаулар айына 1 рет жасалуы тиіс.

1 кесте.

Дозаны азайту немесе арттыру жағына қарай стандартты түзету күніне 25 мг құрауы тиіс. Алайда, кейбір пациенттерде әртүрлі күндерде алуан түрлі дозаларын біріктіру қажет болуы мүмкін.

Элтромбопаг NOBEL® препараты дозасына жасалған кез келген түзетуден кейін тромбоциттер санын, кем дегенде, 2-3 апта бойы апта сайын бақылап отыру керек. Дозаны әрі қарай түзетуді қарастыру үшін пациенттің тромбоциттер деңгейі жағынан берілетін жауапты, дозаны түзетуден кейін, кем дегенде, 2 апта ішінде, ал бауыр жеткіліксіздігі бар пациенттерде 3 апта ішінде күту керек.

Препаратты тоқтату

Егер 75 мг дозамен емдеудің 4 аптасы өткенде тромбоциттер санының қанағаттанарлық көбеюі байқалмаса, Элтромбопаг NOBEL® препаратын қабылдау тоқтатылуы тиіс.

Пациенттер мезгіл-мезгіл медициналық тексеруден өтуі тиіс және емдеуді жаңғырту шешімін емдеуші дәрігер жеке өзі қабылдауына болады. Препаратты тоқтатқанда тромбоцитопения жаңғыруы мүмкін.

Созылмалы С гепатиті кезіндегі тромбоцитопения

Элтромбопаг NOBEL® препаратын вирусқа қарсы әртүрлі препараттармен біріктірілімде тағайындағанда оларды тағайындау мен қолдану тәсіліне қатысты тұстардың егжей-тегжейін жан-жақты бағалау үшін осы препараттардың нұсқаулығымен мұқият танысып шығу қажет.

Вирусқа қарсы ем жүргізуді бастау және оңтайландыру үшін тромбоциттердің оңтайлы мөлшеріне жетуге және сақтауға қажетті Элтромбопаг NOBEL® препаратының ең төмен тиімді дозасын пайдаланыңыз. Вирусқа қарсы ем кезінде емдеудің мақсаты тромбоциттер санын қан кетудің асқыну қаупінің алдын алатын әдетте 50 000-75 000/мкл жуық деңгейде сақтау болуы тиіс. Тромбоциттер санының >75 000/мкл болуына жол бермеу қажет. Препарат дозасын түзету жүргізілген емге жауап негізінде атқарылуы тиіс, ол тромбоциттер санымен анықталады. Препаратты тромбоциттер санын қалыпқа түсіру үшін қолданбаңыз.

Тромбоциттер деңгейі препарат қабылдау басталуынан, орта есеппен, 1 апта өткен соң жоғарылайды.

Элтромбопаг NOBEL® препаратының ұсынылған бастапқы дозасы тәулігіне бір рет 25 мг құрайды. Шығыс Азиядан шыққан пациенттерде (жапондар, қытайлар, тайлықтар, Тайвань тұрғындары және корейлер) немесе бауыр жеткіліксіздігі жеңіл дәрежедегі пациенттерде дозаны түзету қажет емес.

Дозаны бақылау және түзету

Препарат дозасын 25 мг қадаммен түзету вирусқа қарсы емді бастауға қажетті тромбоциттер санына жеткенше әр 2 апта сайын жасалады (4 кесте). Вирусқа қарсы препараттармен ем басталғанша апта сайын тромбоциттер деңгейін бақылап отыру қажет.

Вирусқа қарсы ем жүргізу кезінде жеткізілетін пегинтерферон дозасын азайтып алмас үшін, қажеттілігіне қарай, Элтромбопаг NOBEL® препаратының дозасын түзету керек. Вирусқа қарсы ем жүргізу кезінде тромбоциттер саны тұрақтанғанша, тромбоциттерді және шеткері қан алуды қоса, қанның пішінді элементтерінің толық көрінісін апта сайын бағалау қажет. Тұрақтанудан кейін осындай талдаулар айына 1 рет жасалуы тиіс.

Ең жоғары тәуліктік дозасын 100 мг-ден асырмаңыз.

Пегинтерферон альфа немесе рибавиринді дозалау бойынша спецификалық нұсқаулар үшін осы препараттарды қолдану жөніндегі нұсқаулықтармен мұқият танысып шығыңыз.

2 кесте.

* - элтромбопагтың күндізгі 25 мг дозасын қабылдайтын пациенттер үшін келесі барлық күндерде 25 мг-ден бастап дозалау мүмкіндігін жаңғыртуды қарастыру керек

* - вирусқа қарсы емнің басында тромбоциттер деңгейі төмендеуі мүмкін, сондықтан элтромбопаг дозасын дереу өзгертуден аулақ болу керек

Препаратты тоқтату

Егер 100 мг дозадағы элтромбопагпен 2 апталық емнен кейін вирусқа қарсы емді бастауға қажетті тромбоциттер деңгейіне қол жеткізілмесе, элтромбопагпен емдеу тоқтатылуы тиіс.

Элтромбопагпен ем, егер қарама-қайшы көрсетілімдер болмаса, вирусқа қарсы ем аяқталғанда тоқтатылуы тиіс. Сондай-ақ тромбоциттердің жоғары деңгейі және бауыр функциясының бұзылуы да препаратты тоқтатуға көрсетілімдер болып табылады.

Ауыр апластикалық анемия

Бастапқы дозалау режимі

Элтромбопаг NOBEL® препаратының бастапқы дозасы тәулігіне 1 рет 50 мг құрайды.

Азиялық нәсіл пациенттерінде (қытайлар, жапондар, корейлер, тайлықтар және Тайвань тұрғындары сияқты) препаратымен емдеуді тәулігіне 1 рет 25 мг дозадан бастау керек. Емдеу пациенттерде 7 хромосоманың цитогенетикалық аномалиялары болған жағдайда басталуы тиіс.

Дозаны мониторингтеу және түзету

Гематологиялық жауапқа жету үшін, әдетте, дозаны 150 мг дейін титрлеу қажет болады, бұл Элтромбопаг NOBEL® препаратымен емдеу басталуынан кейін 16 аптаға дейін уақыт алуы мүмкін. Элтромбопаг NOBEL® препаратының дозасын тромбоциттердің мақсатты саны ≥ 50000/мкл жетуге қажетті дозаға дейін әр 2 аптада 50 мг тең болатын қадамдық арттырумен таңдау керек. Доза тәулігіне 150 мг-ден аспауы тиіс. Элтромбопаг NOBEL® препаратымен емдеу курсының бүкіл уақытында клиникалық гематологиялық көрсеткіштерін және бауыр тестілерін жүйелі мониторингтеу және 5 кестеде көрсетілген ережелерге сәйкес тромбоциттер саны негізінде Элтромбопаг NOBEL® препаратының дозасын түзету керек.

3 кесте. ААА пациенттер үшін Элтромбопаг NOBEL® препаратының дозасын түзету

Емге үш желілік жауабы бар тұлғаларда дозаны біртіндеп азайту (лейкоциттер, эритроциттер және тромбоциттер)

Тромбоциттер саны > 50 000/мкл деңгейге жеткен бойда эритроцитарлық масса трансфузиясынсыз гемоглобин концентрациясы > 10 г/дл жетсе және нейтрофилдердің абсолютті саны (НАС) > 1 x 109/л жетсе және бұл көрсеткіштер кемінде 8 апта бойына сақталса, Элтромбопаг NOBEL® препаратының дозасын 50% азайту керек. Егер көрсеткіштер дозаны азайтудан кейін 8 апта өткенде тұрақты болып қалса, Элтромбопаг NOBEL® препаратын қабылдауды тоқтату және қан көрсеткіштерін бақылап отыру керек. Егер тромбоциттер саны < 30 000/мкл дейін төмендесе, гемоглобин концентрациясы < 9 г/дл дейін төмендесе немесе НАС < 0,5 x 109/л құраса, Элтромбопаг NOBEL® препаратымен емдеуді бұрынғы дозада жаңғыртуға болады.

Препаратты тоқтату

Гематологиялық жауап болмаған жағдайда Элтромбопаг NOBEL® препаратымен емдеуді 16 аптадан кейін тоқтату керек. Жаңа цитогенетикалық ауытқулар пайда болған жағдайда Элтромбопаг NOBEL® препаратымен емдеуді тоқтату мүмкіндігін қарастыру қажет. Сондай-ақ тромбоциттер саны тарапынан шамадан тыс жауап болған (кестеде көрсетілгендей) немесе бауырдың функционалдық сынамалары нәтижелерінің маңызды ауытқулары жағдайында Элтромбопаг NOBEL® препаратымен емді тоқтату қажет болады.

Пациенттердің ерекше топтары

Балалар мен 18 жасқа дейінгі жасөспірімдер

Қауіпсіздігі мен тиімділігі жөніндегі деректер жеткіліксіз болуы себепті, Элтромбопаг NOBEL® препаратын созылмалы ИТП бар бір жасқа дейінгі балаларда қолдану ұсынылмайды. Элтромбопаг NOBEL® препаратын созылмалы тромбоцитопениямен немесе ААА байланысты СГВ бар балалар мен 18 жасқа толмаған жасөспірімдерде қолданудың қауіпсіздігі мен тиімділігі анықталмады. Деректер жоқ.

Егде жастағы пациенттер

Элтромбопаг NOBEL® препаратын 65 жастағы және одан асқан пациенттерде қолдану жөнінде шектеулі деректер бар, әрі препаратты 85 жастан асқан ИТП бар пациенттерде клиникалық қолдану тәжірибесі жоқ. 65 жастағы және одан үлкен пациенттерде, жастау пациенттермен салыстырғанда, препарат қауіпсіздігінің клиникалық мәнді айырмашылықтары болмады.

Элтромбопаг NOBEL® препаратын СГВ және ААА бар 75 жастан асқан пациенттерде қолдану жөнінде шектеулі деректер бар. Осындай пациенттерде сақтық таныту қажет.

Бүйрек функциясының бұзылуы бар пациенттер

Бүйрек функциясының бұзылуы бар пациенттерде дозаны түзету қажет емес. Бүйрек функциясының бұзылуы бар пациенттерде Элтромбопаг NOBEL® препаратын сақтықпен қолдану және, мысалы, қан сарысуы креатининін бақылау және/немесе несеп талдауын орындау жолымен мұқият мониторинг өткізу қажет.

Бауыр функциясының бұзылуы бар пациенттер

Элтромбопаг NOBEL® препаратын идиопатиялық тромбоцитопениялық пурпурасы (ИТП) бар пациенттерде, бауыр жеткіліксіздігі бар пациенттерде (Чайлд-Пью шкаласы бойынша 5-тен көп) тағайындау сақтықпен жүргізілуі тиіс. Препаратты осындай пациенттерде қабылдау қажет болса, Элтромбопаг NOBEL® препаратының бастапқы дозасы күніне бір рет 25 мг құрайды. Дозаны арттыру жағына қарай түзету ем басталған соң 3 апта өтпес бұрын жүргізілмеуі тиіс.

Созылмалы С гепатиті вирусымен тромбоцитопениясы және бауыр функциясының жеңіл бұзылуы бар (ауырлық балы Чайлд-Пью шкаласы бойынша жіктеуге сәйкес ≤ 6) пациенттерде дозаны түзету қажет емес. Созылмалы С гепатиті вирусы және бауыр функциясының бұзылуымен ауыр апластикалық анемиясы бар пациенттерде Элтромбопаг NOBEL® препаратын қолдану тәулігіне бір рет 25 мг дозадан басталуы тиіс. Элтромбопаг NOBEL® препаратын қолдану басталған соң бауыр функциясының бұзылуы бар пациенттерде, дозаны арттырмастан бұрын, 2 апталық аралықты қадағалау қажет.

Инвазиялық емшараға дайындық жағдайында Элтромбопаг NOBEL® препаратын қолданумен ем қабылдайтын үдемелі созылмалы бауыр жеткіліксіздігімен тромбоцитопениясы бар пациенттерде немесе вирусқа қарсы ем алып жүрген СГВ бар пациенттерде бауыр жеткіліксіздігін және тромбоэмболиялық құбылыстарды қоса, жағымсыз құбылыстардың қаупі жоғары болады.

Азиялық нәсілді пациенттер

Пациенттерде – Азиядан шыққандар мен олардың тұрғындарына және олардың ұрпақтарында (мысалы, қытайлықтар, жапондықтар, тайлықтар, Тайвань тұрғындары және корейлер) ИТП және созылмалы С гепатиті кезіндегі тромбоцитопения жағдайында препаратты тәулігіне бір рет азайтылған 25 мг бастапқы дозада тағайындау ұсынылады. Осыған ұқсас доза (тәулігіне 25 мг) бауыр функциясының бұзылуы бар пациенттерде екі жағдайда да старттық сипатта тағайындалады.

Пациенттің тромбоциттер санына мониторинг жасау және одан әрі дозаны түзету үшін стандартты критерийлер мен нұсқауларды жүзеге асыру қажет.

Артық дозалану жағдайында қабылдау қажет болатын шаралар

Симптомдары: жайылмаған бөртпе, өткінші брадикардия, қажу және трансаминазалар деңгейінің жоғарылауы. Тромбоциттер саны көрсетілген дозаны қабылдаудан кейін 18-ші күні 672,000/мкл, ең жоғарысы 929,000/мкл мөлшеріне жетті. Осы өзгерістер қайтымды болды.

Емі: артық дозаланған жағдайда тромбоциттер санының едәуір көбеюі болып, ол тромбоздық/тромбоэмболиялық асқынуларға әкелуі мүмкін. Артық дозалану жағдайында элтромбопагтың байланысуы және сіңуін азайту үшін құрамында металл катиондары, мысалы, кальций, алюминий немесе магний бар препараттарды ішке қабылдау мәселесін қарастыру керек. Тромбоциттер санын мұқият бақылауға алған жөн. Элтромбопаг емдеу дозалау режимі бойынша нұсқауларға сәйкес жаңғыртылады.

Бүйректік экскреция қан плазмасы ақуыздарымен белсенді байланысатын элтромбопаг шығарылуының негізгі жолы болмағандықтан, гемодиализ элтромбопагтың организмнен шығарылуын едәуір жылдамдатудың тиімді әдісі емес.

Дәрілік препаратты қолдану тәсілін түсіндіру үшін медиициналық қызметкер кеңесіне жүгінген жөн.

Егер препаратты қолдану туралы сұрақтар туындаса, емдеуші дәрігерге хабарласыңыз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар (қажет болса).

ИТП емі

♦ Қосымша жағымсыз реакциялар балалардағы (1 жастан 17 жасқа дейін) зерттеулерде байқалды.

† Аланинаминотрансфераза және аспартатаминотрансфераза деңгейінің жоғарылауы жиілігі аз болса да бір мезгілде болуы мүмкін.

‡ Қолдану дұрыс болатын терминдермен топтық термин: бүйректің жедел жеткіліксіздігі және бүйрек жеткіліксіздігі.

С гепатиті вирусы бар пациенттер қауымында (элтромбопаг интерферонмен және рибавиринмен біріктірілімде)

† Қолдану дұрыс болатын терминдермен топтық термин: олигурия, бүйрек жеткіліксіздігі және бүйрек функциясының бұзылуы

ААТ бар пациенттер қауымында

Күдік тудыратын жағымсыз реакциялар туралы есептілік

Жағымсыз реакциялар туралы есептілік Элтромбопаг NOBEL® препаратының пайдасы мен қаупін әріқарай бағалау үшін өте маңызды, осыған орай, компания медицина қызметкерлерінен барлық күмәнді жағымсыз реакциялар жөнінде хабарлауды өтінеді.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір таблетканың құрамында

белсенді заттар: элтромбопаг оламині 31.900 мг (25.000 мг элтромбопагқа баламалы), элтромбопаг оламині 63.800 мг (50.000 мг элтромбопагқа баламалы), элтромбопаг оламині 95.700 мг (75.000 мг элтромбопагқа баламалы)

қосымша заттар: микрокристалды целлюлоза РН 102, маннитол, повидон 30 LP, силикатталған микрокристалды целлюлоза (PROSOLV HD90), натрий крахмалы гликоляты (А типі), глицерил дибегенаты (Компритол 888 АТО), магний стеараты;

Үлбірлі қабық материалы №13: титанның қостотығы (Е171), гидроксипропилметилцеллюлоза 2910/гипромеллоза 3 сР, гидроксипропилметилцеллюлоза 2910/гипромеллоза 6 сР, макрогол/полиэтиленгликоль 400, полисорбат 80

Үлбірлі қабық материалы №137: гидроксипропилметилцеллюлоза 2910/гипромеллоза, титанның қостотығы (Е171), макрогол/полиэтиленгликоль, темірдің сары тотығы (Е172), темірдің қызыл тотығы (Е172)

Үлбірлі қабық материалы №128: гидроксипропилметилцеллюлоза 2910/гипромеллоза 3 сР, гидроксипропилметилцеллюлоза 2910/гипромеллоза 6 сР, титанның қостотығы (Е171), макрогол/полиэтиленгликоль, полисорбат 80, темірдің қызыл тотығы (Е172)

Сыртқы түрінің, иісінің, дәмінің сипаттамасы

Дөңгелек пішінді, екі жақ беті дөңес, екі жағында ойығы бар ақ түсті үлбірлі қабықпен қапталған таблеткалар (25 мг дозасы үшін).

Дөңгелек пішінді, екі жақ беті дөңес, екі жағында ойығы бар қызғылт сары түсті үлбірлі қабықпен қапталған таблеткалар (50 мг дозасы үшін).

Дөңгелек пішінді, екі жақ беті дөңес, екі жағында ойығы бар қоңыр-қызғылт түсті үлбірлі қабықпен қапталған таблеткалар (75 мг дозасы үшін).

Шығарылу түрі және қаптамасы

14 таблеткадан алюминий форматурадан және алюминий фольгадан жасалған пішінді ұяшықты қаптамаға салынады.

1 немесе 2 пішінді ұяшықты қаптамадан медициналық қолдану жөніндегі қазақ және орыс тіліндегі нұсқаулықпен бірге өндіруші фирманың голограммасы бар картон қорапшаға салынады.

2 жыл

Жарамдылық мерзімі өткеннен кейін қолдануға болмайды!

Құрғақ жерде, 25ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

«Нобел Алматы Фармацевтикалық фабрикасы» АҚ

Қазақстан Республикасы, Алматы қ., Шевченко көш., 162 Е.

Телефон нөмірі: (+7 727) 399-50-50

Электрондық пошта nobel@nobel.kz

Тіркеу куәлігінің ұстаушысы

«Нобел Алматы Фармацевтикалық фабрикасы» АҚ

Қазақстан Республикасы, Алматы қ., Шевченко көш., 162 Е.

Телефон нөмірі: (+7 727) 399-50-50

Электрондық пошта nobel@nobel.kz

Қазақстан Республикасының аумағында тұтынушылардан дәрілік заттардың сапасы жөнінде шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, факс, электрондық пошта)

«Нобел Алматы Фармацевтикалық фабрикасы» АҚ

Қазақстан Республикасы, Алматы қ., Шевченко көш., 162 Е.

Телефон нөмірі: (+7 727) 399-50-50

Электрондық пошта nobel@nobel.kz