Эзом IV

• русский
• қазақша

• Скачать инструкцию медикамента

Саудалық атауы

Эзом IV

Халықаралық патенттелмеген атауы

Эзомепразол

Дәрілік түрі

Инъекция және инфузия үшін ерітінді дайындауға арналған лиофилизацияланған ұнтақ еріткішімен жиынтықта

Құрамы

белсенді зат - натрий эзомепразолы 42.55 мг

(40.00 мг эзомепразолға баламалы),

қосымша заттар: маннитол, натрий хлориді, инъекцияға арналған су.

Еріткіш - 0.9 % натрий хлориді.

Сипаттамасы

Ақ немесе ақ түсті дерлік гигроскопиялы ұнтақ

Фармакотерапиялық тобы

Ойық жараға қарсы препараттар және гастроэзофагеальді рефлюксті емдеуге арналған препараттар (GORD). Протонды сорғы тежегіштері. Эзомепразол.

АТХ коды А02ВС05

Фармакологиялық қасиеттері

Фармакокинетикасы

Таралуы

Эзомепразолды қайталап көктамыр ішіне 40 мг дозада енгізгенде плазмадағы орташа шыңдық концентрациясы шамамен 13,6 мкмоль/л құрайды. AUC дозаға байланысты емес ұлғаюы эзомепразолды 30-минуттық инфузия түрінде (40 мг, 80 мг және 120 мг) кейіннен 23,5 сағат бойы ұзаққа созылатын (4 мг/сағ немесе 8 мг/сағ) инфузиямен көктамыр ішіне енгізгеннен кейін байқалады. Таралу көлемі тепе-теңдік концентрациясы кезінде әр кг дене салмағына 0,22 л құрайды. Эзомепразол плазма ақуыздарымен 97% -ға байланысады.

Метаболизмі және шығарылуы

Эзомепразол Р450 (CYP) цитохромы жүйесінің қатысуымен метаболизмге ұшырайды. Негізгі бөлігі спецификалық полиморфты СYР2С19 изоформасының қатысуымен метаболизденеді, бұл орайда эзомепразолдың гидрокси- және деметилденген метаболиттері түзіледі. Қалған бөлігінің метаболизмі басқа спецификалық CYP3A4 изоформасымен жүзеге асады, бұл орайда плазмада анықталатын негізгі метаболит болып табылатын эзомепразолдың сульфотуындысы түзіледі. Эзомепразолдың негізгі метаболиттері асқазандағы қышқылдың сөлінісіне әсер етпейді. Келтірілген фармакокинетикалық параметрлері негізінен белсенді CYP2C19 ферменті (метаболизмі жылдам емделушілер) бар емделушілердегі фармакокинетика сипатын білдіреді.

Эзомепразол метаболиттері несеп және нәжіс арқылы шығарылады. Өзгермеген эзомепразолдың 1% - дан азы несепте анықталады. Препаратты тәулігіне бір рет күнделікті енгізгенде эзомепразол толықтай енгізу аралығындағы үзілістерде шығарылады, препараттың жинақталуға бейімділігі байқалмайды. Эзомепразолдың көктамыр ішіне енгізген кездегі жартылай ыдырау кезеңі 1.1 -ден 1.4 –ке дейін дерлік сағатты құрайды немесе эзомепразолдың көктамырішілік дозасымен ұзаққа созылады.

Емделушілердің кейбір топтарындағы фармакокинетика ерекшеліктері

Тұрғындардың шамамен 1- 2% -да CYP2C19 ферментінің белсенділігі (метаболизмі баяу емделушілер) төмендеген. Мұндай емделушілерде эзомепразолдың метаболизмі негізінен, CYP3A4 көмегі арқылы жүзеге асады. Метаболизмі баяу емделушілерде плазмадағы концентрациясы шыңының орташа мәндері шамамен 60% -ға жоғарылаған. Аталған ерекшеліктері эзомепразолдың дозалануы мен қолдану тәсіліне әсер етпейді.

Бауыр жеткіліксіздігінде

Бауыр қызметінің бұзылуы жеңіл және орташа емделушілерде эзомепразолдың метаболизмі бұзылуы мүмкін. Бауыр қызметінің бұзылуы ауыр емделушілерде метаболизм жылдамдығы азайған, бұл эзомепразол үшін «концентрация – уақыт» қисығы астындағы ауданның екі еселенуіне алып келеді. Сондықтан бауыр қызметінің бұзылуы ауыр емделушілер үшін эзомепразолдың ең жоғары дозасы тәулігіне 20 мг құрайды және оны дозасынан асырмау керек. Препаратты тәулігіне бір рет енгізген кезде эзомепразолдың және оның негізгі метаболиттерінің жинақталуға бейімділігі байқалмайды.

Бүйрек жеткіліксіздігінде

Бүйрек қызметі төмендеген емделушілерде фармакокинетикасына зерттеулер жүргізілген жоқ. Бүйрек арқылы эзомепразолдың өзі емес, оның метаболиттері шығарылатын болғандықтан, бүйрек қызметі бұзылған емделушілерде эзомепразолдың метаболизмі өзгермейді деп болжауға болады.

Егде жастағылар

Егде жастағы емделушілерде (71-80 жас) эзомепразолдың метаболизмі айтарлықтай өзгермейді.

Препараттың дозасын жасқа байланысты түзетудің қажеті жоқ.

Балалар

Натрий эзомепразолының фармакокинетикасы 18 жастан төмен балаларда және жасөспірімдерде зерттелмеген.

Фармакодинамикасы

Эзомепразол омепразолдың S-изомері болып табылады және асқазанда тұз қышқылының сөлінісін париетальді жасушалардағы қышқылды сорғыны спецификалық тежеу жолымен азайтады.

Омепразолдың S- және R-изомері ұқсас фармакодинамикалық белсенділікке ие.

Әсер ету механизмі

Эзомепразол әлсіз негіз болып табылады, концентрацияланады және асқазан шырышты қабатының париетальді жасушаларының секреторлық өзекшелерінің күшті қышқылды ортасында белсенді түрге ауысады және қышқылды сорғы – Н+ ферменті, К+- АТФазаны бөгейді, бұл орайда базальді, сондай-ақ қышқылдың көтермеленген сөлінісін де тежейді.

Асқазандағы қышқыл сөлінісіне ықпалы

Симптомдарымен гастро-эзофагеальді рефлюксті (ГЭРА) ауруы бар науқастарда 5 күн бойы эзомепразолды 20 мг немесе 40 мг дозада қабылдағаннан кейін асқазанның рН мәні 24 сағаттың орташа алғанда 13 және 17 сағаты ішінде 4 - тен жоғары болды. Бұл әсері эзомепразолды – пероральді немесе көктамыр ішіне қабылдағанға байланыссыз байқалды. Фармакокинетикалық мәліметтерді талдау қышқыл сөлінісінің тежелуі мен ішке қабылдаудан кейінгі плазмадағы препараттың концентрациясы арасындағы өзара байланысты анықтауға мүмкіндік береді, (концентрацияны бағалау үшін «концентрация-уақыт» қисығы астындағы аудан – AUC параметрін пайдаланған).

Қышқыл сөлінісін тежеу нәтижесінде қол жеткен емдік әсері

Эзоммен IV 40 мг дозада к/і емдеген кезде шамамен емделушілердің 78% 4 апта емдеуден кейін және емделушілердің 93% 8 апта пероральді емдеуден кейін рефлюкс-эзофагиттің жазылуы басталды.

Қышқыл сөлінісін тежеу нәтижесінде қол жеткен басқа да әселері

Антисекреторлық препараттарды қабылдау кезінде қан сарысуында гастриннің мөлшері жоғарылайды, бұл қышқыл сөлінісінің азаюына алып келеді. Эзомепразолды ұзақ уақыт пероральді қабылдаған кейбір емделушілерде анықталған энтерохромаффинге ұқсас жасушалар сөлінісінің ұлғаюы, қан сарысуында гастрин деңгейінің жоғарылауымен байланысты болуы мүмкін.

Антисекреторлық препараттарды ұзақ уақыт қабылдау кезінде асқазанда безді кисталардың түзілуі жиірек байқалады. Бұл құбылыстар HCl сөлінісін тежеу нәтижесіндегі физиологиялық өзгерістерге негізделген. Кисталар қатерсіз және жойылып кетуге бейімділік көрсетеді. Протонды сорғы тежегіштерін қабылдауға байланысты асқазанда қышқылдылықтың төмендеуі асқазан-ішек жолындағы қалыпты микрофлораны бұзады. Протонды сорғы тежегіштерімен емдеу, Salmonella және Campylobacter қоздырғыштарынан туындайтын гастроинтестинальді жұқпаның пайда болу қаупіне себеп болуы мүмкін.

Қолданылуы

Көктамыр ішіне енгізуге арналған Эзом IV пероральді емге альтернатива ретінде оны жүргізу мүмкін болмағанда көрсетілген:

- эзофагиті бар және\немесе рефлюксті аурудың айқын симптомдары бар емделушілердегі гастро-эзофагеальді рефлюксті ауруында

- қабынуға қарсы стероидты емес препараттарды (ҚҚСП) қабылдаумен байланысты пептикалық ойық жараны емдеуде және алдын алуда

- асқазан немесе он екі елі ішектің ойық жарасынан жедел қан кетуін эндоскопиялық емдеуден кейін емделушілерде қайталап қан кетудің алдын алуда

Қолдану тәсілі және дозалары

Ересектер

Пероральді емді жүргізу мүмкін болмағанда емделушілерге Эзом IV парентеральді түрде тәулігіне 1 рет 20 - 40 мг дозада ұсынылады.

Рефлюкс-эзофагиті бар емделушілерге эзомепразол тәулігіне 1 рет 40 мг дозада ұсынылады. ГЭРА симптоматикалық емдеу үшін Эзом тәулігіне 1 рет 20 мг дозада қолданылады.

ҚҚСП қабылдаумен байланысты болған пептикалық ойық жараны емдеу және алдын алу үшін Эзом IV тәулігіне 1 рет 20 мг дозада ұсынылады. Әдетте, көктамырішілік түрмен емдеу кезеңі қысқалау, емделушіні жылдамырақ препаратты пероральді қабылдауға ауыстыру ұсынылады.

Инъекциялар

40 мг доза

Эзом IV дайындалған ерітіндісі кем дегенде 3 минут бойы көктамыр ішіне енгізіледі.

20 мг доза

Эзомепразолдың дайындалған ерітіндісінің 1/2 кем дегенде 3 минут бойы көктамыр ішіне енгізіледі. Ерітіндінің пайдаланылмаған қалдығы жойылуы тиіс.

Инфузиялар

40 мг доза

Эзомепразолдың дайындалған ерітіндісі 10-30 минут бойы көктамырішілік инфузия түрінде енгізіледі.

20 мг доза

Эзомепразолдың дайындалған ерітіндісінің 1/2 көктамырішілік инфузия түрінде 10 – 30 минут бойы енгізіледі. Ерітіндінің пайдаланылмаған қалдығы жойылуы тиіс.

Асқазан немесе он екі елі ішектің ойық жарасынан жедел қан кетуін эндоскопиялық емдеуден кейін емделушілерде қайталап қан кетудің алдын алуда

Асқазан немесе он екі елі ішектің ойық жарасынан жедел қан кетуін эндоскопиялық емдеуден кейін препараттың дозасы 80 мг құрайды, бұл болюсті инфузия түрінде 30 минут ішінде енгізіледі, одан кейін 3 күн бойы сағатына 8 мг дозада ұзақ көктамырішілік инфузия жүргізіледі (72 сағат).

80 мг тең, болюсті дозалу

Эзомепразолдың дайындалған ерітіндісі 30 минут бойы ұзақ көктамырішілік инфузия түрінде енгізіледі.

8 мг/сағ дозалау

Эзомепразолдың дайындалған ерітіндісі 71,5 сағ бойы ұзақ көктамырішілік инфузия түрінде енгізіледі (инфузияның есептелген жылдамдығы – 8 мг/сағ).

Ойық жараның қанауы

Бауыр қызметінің бұзылуы жеңіл және орташа дәрежедегі емделушілерде Эзом IV дозасын түзетудің қажеті жоқ. Бауыр қызметінің бұзылуы ауыр емделушілерде болюсті инфузия түрінде енгізілген 80 мг бастапқы дозалаудан кейін, 71,5 сағат ішінде ұзақ көктамырішілік 4 мг/сағ инфузиямен шектелу керек.

Балалар

Қолдану жайлы мәліметтер жоқ болғандықтан Эзом IV балаларда қолдануға болмайды.

Бүйрек қызметінің бұзылуы

Бүйрек қызметі бұзылған емделушілерде Эзом IV дозасын түзетудің қажеті жоқ. Бүйрек қызметінің ауыр жеткіліксіздігі бар емделушілерде Эзом IV қолдану тәжірибесінің шектеулі болуына байланысты мұндай емделушілерде емдеуде сақтық керек.

Бауыр қызметінің бұзылуы

Бауыр қызметінің бұзылуы жеңіл және орташа дәрежедегі емделушілерде Эзом IV дозасын түзетудің қажеті жоқ. Бауыр қызметінің бұзылуы ауыр емделушілерде ең жоғары тәуліктік доза 20 мг құрайды.

Егде жастағы емделушілер

Егде жастағы емделушілерде Эзом IV дозасын түзету қажет емес. Ерітіндіні дайындау

Инъекциялар

Инъекцияға арналған ерітінді, Эзом IV бар құтыға көктамыр ішіне енгізуге арналған 5 мл 0,9 % натрий хлориді ерітіндісін қосу арқылы дайындалады. Дайындалған ерітінді мөлдір болуы тиіс, түрлі түсті гаммасы түссізден бозғылт-сарыға дейін ауытқиды.

20 мг эзомепразолды тағайындаған кезде дайындалған ерітіндінің жартысы енгізіледі. Ерітіндінің пайдаланылмаған қалдығы жойылуы тиіс.

Инфузиялар

Инфузиялық ерітінді Эзом IV бар құтының ішіндегісін көктамыр ішіне енгізуге арналған натрий хлоридінің 100 мл 0,9 % ерітіндісінде еріту арқылы дайындалады.

20 мг эзомепразолды тағайындаған кезде дайындалған ерітіндінің жартысы енгізіледі.

80 мг инфузия. Эзом IV бар екі құтының ішіндегісін көктамыр ішіне енгізуге арналған натрий хлоридінің 100 мл 0,9 % ерітіндісінде еріту арқылы дайындалады. Ерітіндінің пайдаланылмаған қалдығы жойылуы тиіс. Эзомепразолдың сұйылтылған ерітіндісі түссізден бозғылт-сарыға дейінгі мөлдір сұйықтық болып табылады.

Дайындалған ерітінді (инъекция үшін және инфузия үшін) араластырылмауы немесе басқа да дәрілік заттармен бірге енгізілмеуі тиіс. Қолданар алдында ерітіндіде көзге көрінетін механикалық қоспалардың жоқтығына және түсінің өзгермегеніндігін көзбен қарап бағалап шығу керек. Тек мөлдір ерітіндіні ғана пайдалануға болады. Дайындалған ерітіндіні дайын болысымен бірден енгізу (микробиологиялық көзқарас тұрғысынан) ұсынылады. Дайындалған ерітіндіні 12 сағат ішінде пайдалану керек. 30С –ден аспайтын температурада сақтау керек.

Жағымсыз әсерлері

Жиі (>1/100, <1/10)

- бас ауыруы

- жүрек айнуы, іштің ауыруы, диарея, метеоризм, құсу, іш қатуы

Жиілігі аздау (>1/1000, <1/100)

- дерматит, қышыну, есекжем, бөртпе

- бас айналуы

- ауыздың құрғауы

- ұйқысыздық, парестезия, ұйқышылдық

- “бауыр” ферменттері белсенділігінің жоғарылауы

- шеткергі ісінулер

- анық көрмеу

Сирек (>1/10000, <1/1000)

- лейкопения, тромбоцитопения

- аллергиялық реакциялар: қызба, ангионевротикалық ісіну,

анафилактикалық реакция/анафилактикалық шок

- қозу, депрессия, дімкәстік, абыржу

- дәм сезудің бұзылуы

- гипонатриемия

- бронхтың түйілуі

- стоматит және асқазан-ішек кандидозы

- гепатит сарғаюмен (немесе онсыз)

- фотосенсибилизация, алопеция

- артралгия, миалгия

- тершеңдік

Өте сирек (<1/10000)

- агранулоцитоз, панцитопения

- елестеулер (көбіне емделушілерде), озбыр мінез - құлық

- бауыр жеткіліксіздігі, бауыр ауруы бар емделушілерде энцефалопатия

- мультиформалы экссудативті эритема

- Стивенс-Джонсон синдромы

- уытты эпидермальді некролиз

- бұлшықет әлсіздігі

- интерстициальді нефрит

- гинекомастия

- гипокальциемияға апаратын гипомагнезиемия

- микроскопиялық колит

Эзомепразолды емделушілерге қауіпті жағдайда көктамыр ішіне енгізу кезінде әсіресе жоғары дозаларын енгізгенде, көрудің қайтымсыз бұзылуының жекелеген жағдайлары туралы хабарланған, препаратты қабылдаумен байланысты болу себептері анықталмаған.

Қолдануға болмайтын жағдайлар

- эзомепразолға, орын алмасқан бензимидазолға немесе басқа да препарат ингредиенттеріне белгілі жоғары сезімталдық

- 18 жасқа дейінгі балаларға және жасөспірімдерге ( қауіпсіздігі және тиімділігі бойынша мәліметтердің болмауына байланысты)

- нелфинавирмен бірге қолдану

- лактация кезеңі

Дәрілермен өзара әрекеттесуі

Эзомепразолдың басқа да дәрілік препараттардың фармакокинетикасына ықпалы

Эзомепразолмен және басқа да ППТ емдеу аясында асқазан сөлі қышқылдылығын басу препараттың сіңуінің өзгеруіне алып келуі мүмкін, олардың сіңірілуі ортасының қышқылдылығына байланысты. Эзомепразол, асқазандағы қышқыл сөлінісін азайтатын басқа да препараттар сияқты, кетоконазолдың, итраконазолдың және эрлотинибтің сіңуін төмендетуге әкелуі мүмкін. Мұнымен қатар, эзомепразолды дигоксинмен бірге қабылдаған кезде соңғысының концентрациясы ұлғаюы мүмкін. ППТ және метотрексатты бірге қабылдағанда кейбір емделушілерде концентрациясының артқаны байқалады. Метотрексатты жоғары дозаларда қолданғанда эзомепразоды қабылдауды тоқтату қажет.

Атазанавир және нелфинавир эзомепразолмен бір мезгілде қабылданған жағдайда қан сарысуында бұл препараттардың деңгейінің төмендегені байқалды, сондықтан оларды біріктіріп қолданудан аулақ болған жөн. Эзомепразолды тәулігіне бір рет 40 мг дозада және 300 мг атазанавирді /100 мг ритонавирді бірге тағайындау AUC мәнінің, сондай-ақ атазанавирдің ең жоғарғы және ең төменгі концентрациясы мәндерінің елеулі түрде төмендеуіне алып келді. Атазанавир дозасының 400 мг дейін ұлғаюы эзомепразолдың атазанавир концентрациясына әсерінің орнын толтырмады. Сондықтан эзомепразолды атазанавирмен бірге тағайындамаған жөн, ал эзомепразол және нелфинавирді бір мезгілде тағайындауға болмайды.

Эзом IV, оның метаболизміне қатысатын негізгі фермент - CYP2C19 тежейді. Эзомепразолды метаболизміне CYP2C19 қатысатын, мысалы, диазепам, циталопрам, имипрамин, кломипрамин, фенитоин және басқалар сияқты препараттармен бірге қабылдау, плазмада бұл препараттардың концентрациясының жоғарылауына алып келуі және дозасын төмендетуді қажет етуі мүмкін. 30 мг Эзом IV және диазепамды бірге пероральді түрде қабылдаған кезде, CYP2C19 субстраты болып табылатын диазепамның клиренсі 45% -ға төмендейді.

Эпилепсиямен науқастарда Эзом IV пероральді 40 мг дозада және фенитоинді бірге қабылдағанда, фенитоиннің плазмадағы қалдық концентрациясы 13%-ға жоғарылады. Осыған байланысты эзомепразолмен емдеудің басында және оны тоқтатқан кезде плазмадағы фенитоин концентрациясын бақылау ұсынылады.

Варфарин қабылдаушы емделушілерге Эзом IV пероральді 40 мг дозада тағайындағанда, коагуляция уақыты болуы мүмкін мәндер шегінде қала береді. Алайда, варфарин мен эзомепразолды бірге қабылдаған кезде ХҚҚ (халықаралық қалыптасқан қатынас) индексінің клиникалық маңызды жоғарылауының бірнеше жағдайы туралы хабарланған. Осыған байланысты бұл препараттарды бірге қолданудың басында және соңында мониторинг жүргізу ұсынылады. Эзом IV 40 мг дозада және цизапридті бірге пероральді қабылдау “концентрация – уақытя” қисығы астындағы ауданның (AUC) шамасын 32% -ға арттырды және 31% -ға цизаприд үшін жартылай шығару кезеңін (t1/2) ұлғайтты; бұл кезде плазмадағы цизапридтің шыңдық концентрациясы айтарлықтай өзгермеген. Цизапридпен монотерапия кезінде байқалған QT аралығының елеусіз ұзаруы, эзомепразолды қосқан кезде артпаған.

Эзом IV амоксициллин және хинидин фармакокинетикасының клиникалық елеулі түрде өзгеруін туындатпайтыны көрсетілген.

Эзомепразолды көктамыр ішіне жоғары дозаларда (80 мг + 8 мг/сағ) енгізгенде дәрілермен өзара әрекеттесуіне in vivo зерттеулер жүргізілмеген. Эзомепразолдың метаболизміне CYP2C19 қатысатын препараттарға көрсететін әсері препаратты көктамыр ішіне енгізген кезде айқынырақ болуы мүмкін, сондықтан емделушілерді көктамыр ішіне енгізген сәттен бастап 3 күн бойы жағымсыз әсерлерін уақытында анықтау мақсатында мұқият бақылау қажет.

Дәрілік препараттардың Эзом IV фармакокинетикасына әсері.

Эзом IV метаболизміне CYP2C19 және CYP3A4 қатысады. Эзом IV және CYP3А4 тежегішін, кларитромицинді ( тәулігіне 2 рет 500 мг) бірге пероральді қабылдау, эзомепразол үшін AUC мәнінің екі есе ұлғаюына алып келеді. Эзомепразол мен CYP3А4 және CYP2C19 біріктірілген тежегішін, мысалы вориконазолды бірге қабылдау, Эзом IV үшін AUC мәнінің 2-еседен артыққа ұлғаюына алып келуі мүмкін. Мұндай жағдайларда Эзом IV дозасын түзету қажет емес. Эзом IV дозалануын түзету, бауыр қызметінің бұзылуы ауыр емделушілерге ұзақ ем тағайындаған кезде қажет болуы мүмкін.

Айрықша нұсқаулар

Кез келген алаңдатарлық симптомдар болған кезде (мысалы, өздігінен дене салмағын әжептеуір жоғалту, қайталанған құсу, дисфагия, қан құсу немесе мелена сияқты) сондай ақ, асқазан ойық жарасында (немесе асқазан ойық жарасына күдіктенгенде) қатерлі жаңа түзілімнің бар жоғын анықтау керек, өйткені Эзом IV емдеу симптоматикасының байқалмауына әкелуі және диагноз қоюды кешіктіруі мүмкін.

Сақтықпен: бүйрек жеткіліксіздігі ауыр емделушілерге. Протонды сорғы тежегіштерімен емдеу Salmonella және Campylobacter туындайтын асқазан-ішек жұқпалары даму қаупінің елеусіз артуына әкелуі мүмкін. Ұзақ уақыт аралығында антисекреторлық препараттар қабылдаған емделушілердің асқазанында безді кисталардың түзілуі жиі байқалады. Бұл құбылыстар қышқыл сөлінісін айқын тежеу нәтижесіндегі физиологиялық өзгерістермен байланысты. Кисталар қатерсіз және қайтымды сипатқа ие.

Жүктілік және лактация кезеңі

Қазіргі кезде жүктілік кезеңінде эзомепразолды қолдану жөніндегі мәліметтер шектеулі. Препаратты жүктілік кезеңінде анасы үшін пайдасы ұрыққа деген қатерден асып түскен жағдайда ғана тағайындауға болады.

Дәрілік заттың көлік құралын және потенциалды қауіпті механизмдерді басқару қабілетіне әсер ету ерекшеліктері

Дәрілік заттың жағымсыз әсерлерін ескере отырып, көлік құралдарын немесе потенциалды қауіпті механизмдерді басқару кезінде абай болу керек.

Артық дозалануы

Симптомдары: жағымсыз әсерлерінің күшеюі.

Емі : симптоматикалық. Арнайы у қайтарғысы белгісіз. Эзом IV плазма ақуыздарымен байланысады, сондықтан диализдің тиімділігі аз.

Шығарылу түрі және қаптамасы

Препарат резеңке тығынмен тұмшаланып тығындалған, алюминий қалпақпен қаусырылған және қызыл күрең түсті Flip Off сақтандырғыш қалпақшасымен жабылған, I типті янтарлы шыныдан жасалған құтыға салынады.

5 мл еріткіш I типті шыныдан жасалған ампулада.

1 құтыдан және еріткіші бар ампуладан ұяшықты қаптамаға салынған және медицинада қолданылуы жөніндегі мемлекеттік және орыс тіліндегі нұсқаулықпен бірге картоннан жасалған пәшкеге салынады.

Сақтау шарттары

Құрғақ, жарықтан қорғалған жерде, 250 С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

Гетц Фарма (Пвт.) Лимитед, Пәкістан,

29-30/27, К.И.А. , Карачи – 74900.

Тел: +(92-21) 111 111 511

Факс: +(92-21) 350 5792

www.getzpharma.com

Тіркеу куәлігінің иесі

Гетц Фарма (Пвт.) Лимитед, Пәкістан

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы:

Қазақстан Республикасындағы Гетц Фарма (Пвт.) Лимитед компаниясының өкілдігі. 050008 Алматы қ, Шевченко к-сі, 148 үй

тел: +7(727)378-51-89, 378-54-78

электронды поштасы: Maria.Rizvi@getzpharma.com