Эгистрозол®
Инструкция
-
русский
-
қазақша
Саудалық атауы
Эгистрозол®
Халықаралық патенттелмеген атауы
Анастрозол
Дәрілік түрі
Қабықпен қапталған 1 мг таблеткалар
Құрамы
Бір таблетканың құрамында
белсенді зат - 1 мг анастрозол,
қосымша заттар: лактоза моногидраты, натрий крахмалының гликоляты (А типі), повидон, магний стеараты,
қабықтың құрамы (Opadry-Y-1-7000): макрогол 400, гипромеллоза, титанның қостотығы (Е 171).
Сипаттамасы
Ақ түсті, дөңгелек, екі беті дөңес, бір жағында “ANA” және “1” деген жазуы бар қабықпен қапталған таблеткалар.
Фармакотерапиялық тобы
Ісікке қарсы гормональді препараттар. Гормондардың антагонистері және олардың аналогтары. Ферменттердің тежегіштері. Анастрозол
АТХ коды L02B G03
Фармакологиялық қасиеттері
Фармакокинетикасы
Анастрозолды ішке қабылдағаннан кейін асқазан-ішек жолдарынан жылдам сіңеді. Қан плазмасындағы ең жоғары концентрациясына әдетте 2 сағат ішінде жетеді (ашқарынға). Ас ішу сіңу дәрежесін емес, сіңу жылдамдығын біршама төмендетеді. Сіңу жылдамдығының аздап өзгеруі 1 мг анастрозолды күнделікті қабылдағанда препараттың қан плазмасындағы тепе-тең концентрациясына клиникалық маңызды әсер етпейді. Қан плазмасының ақуыздарымен байланысуы 40%. 7 күн бойы күнделікті қабылдағанда, 3-4 есе жинақталумен, плазмада анастрозолдың шамамен 90-95% тепе-тең концентрациясына жетеді. Анастрозолдың фармакокинетикалық параметрлерінің уақыт немесе дозаға тәуелдігі жайлы деректер жоқ.
Әйелдерде постменопаузада анастрозол қарқынды метаболизмге ұшырайды, қабылдағаннан кейін 72 сағат ішінде дозаның 10%-дан кемі несеп арқылы өзгермеген түрде шығарылады. Анастрозолдың метаболизмі N-деалкилдену, гидроксилдену және глюкуронизациялану арқылы жүзеге асады. Триазол, плазма және несепте анықталатын негізгі метаболит, ароматазаны тежемейді. Метаболиттері негізінен несеп арқылы шығарылады. Триазол, плазмадағы негізгі метаболиті, ароматазаны тежемейді.
Анастрозол баяу шығарылады плазмадан жартылай шығарылу кезеңі 40-50 сағат.
Әйелдерде постменопаузада анастрозолдың фармакокинетикасы өзгермейді.
Бауыр немесе бүйрек функциясының бұзылуы
Бауырының тұрақтыланған циррозы бар еріктілерде ішу арқылы қабылдағанннан кейін анастрозолдың болжамданған клиренсі ұқсас таңдап алынған бақыланатындармен салыстырғанда шамамен 30% -ға төмен болған. Әйтсе де басқа зерттеулерде, бауыр циррозымен еріктілерде анастрозолдың плазмадағы концентрациясы бауырдың қалыпты функциясымен тұлғалардағы концентрациясы деңгейінде болды. Бауыр жеткіліксіздігімен емделушілерде анастрозолдың тиімділігін ұзақ мерзімді зерттеуде плазмадағы анастрозолдың концентрациясы бауырдың қалыпты функциясымен емделушілердегі анастрозолдың концентрациясы аралығында болды.
Фармакодинамикасы
Эгистрозол - ароматазаның жоғары таңдамалы стероидті емес тежегіші. Постменопаузада эстрадиол ферменттердің ароматаза-энзимді кешенімен шеткергі тіндерде андростендионның эстронға айналуы арқылы түзіледі. Эстрон бұдан әрі эстрадиолға айналады. Айналымдағы эстрадиол деңгейінің төмендеуі сүт бездерінің обыры бар әйелдерге оң емдік әсер етеді. Постменопаузада Эгистрозол 1 мг тәуліктік дозада эстрадиол деңгейінің 80%-дан аса төмендеуін туындатады. Эгистрозолдың прогестогенді, андрогенді немесе эстрогенді белсенділігі жоқ. Эгистрозол 10 мг-ге дейінгі емдік дозаларда стимуляциялайтын АКГТ тестісіне дейін немесе кейін анықталатын кортизол немесе альдостерон сөлінісіне әсер етпейді. Осыған орай, препаратты қабылдағанда кортикостероидтарды орын басу үшін енгізу қажет етілмейді.
Қолданылуы
- постменопауза жағдайындағы әйелдердегі кеңінен таралған гормон-рецептор-оң сүт бездерінің обырын емдеуде.
- постменопаузадағы әйелдерде сүт бездерінің гормон-рецептор-оң инвазивті обырын ерте сатысында қосымша ем ретінде.
- постменопаузадағы 2-3 жыл бойы тамоксифенмен қосымша ем қабылдаған әйелдерде сүт бездерінің гормон-рецептор-оң инвазивті обырын ерте сатысында қосымша ем ретінде.
Қолдану тәсілі және дозалары
Препаратты қатаң дәрігердің тағайындауы бойынша қолдануға болады!
Ересектер, оның ішінде егде адамдар: 1 таблеткадан (1мг) ішке қабылдауға, тәулігіне 1 рет.
Постменопаузадағы әйелдерде сүт бездерінің гормон-рецептор-оң инвазивті обырын ерте сатысында емдеу үшін, қосымша эндокриндік дәрілермен ұсынылған емдеу ұзақтығы 5 жылды құрауы керек.
Емделушілердің ерекше тобы
Балалар мен жасөспірімдер
Қауіпсіздігі мен тиімділігіне қатысты деректердің болмауына байланысты анастрозол балалар мен жасөспірімдерді емдеуде ұсынылмайды.
Бүйрек жеткіліксіздігі
Бүйрек функциясының айқындылығы жеңіл және орташа бұзылулары бар емделушілерде дозаны түзетудің қажеті жоқ. Бүйрек функциясының ауыр бұзылуы бар емделушілерге Эгистрозолды қабылдауға болмайды.
Бауыр жеткіліксіздігі
Бауыр функциясының жеңіл бұзылулары бар емделушілерге дозаны түзетудің қажеті жоқ. Бауыр функциясының орташа және ауыр бұзылулары бар емделушілерге препарат тағайындалмайды.
Жағымсыз әсерлері
Өте жиі (≥ 1/10)
- бас ауыруы
- ыстық қан кернеулері
- жүрек айнуы
- бөртпе
- артралгия/ буындардағы қимыл шектелуі, артрит, остеопороз
- астения
Жиі (≥ 1/100 - <1/10)
- анорексия
- ұйқышылдық
- карпальді туннельді синдром*
- құсу, диарея
- гиперхолестеринемия
- сілтілік фосфатаза, аланинаминотрансфераза (АЛТ), аспартатаминотрансфераза (АСТ) деңгейлерінің жоғарылауы
- шаштың түсуі (алопеция)
- аллергиялық реакциялар
- ауыру немесе буындардағы қимыл шектелуі
- миалгия
- қынаптың құрғақтығы, қынаптық қан кету***
Жиі емес (≥ 1/1000 - ≤ 1/100)
- гамма-глуаминтрансфераза (ГГТ) және билирубиннің жоғарылауы
- гепатит
- уртикарлы бөртпе
- сыртылдайтын саусақ синдромы
- гиперкальциемия
Сирек (≥ 1/10,000 to <1/1,000)
- экссудативті эритема
- анафилактоидты реакциялар
- тері васкулиті (оның ішінде Шенлейн-Генох ауруы)**
Өте сирек (≤ 1/10000)
- Стивенс-Джонсон синдромы, ангионевроздық ісіну
* Карпальді туннель синдромы жағдайлары клиникалық зерттеулер кезінде анастрозол қабылдаған емделушілердің көбінде анықталды (тамоксифен қабылдаған емделушілермен салыстырғанда). Жағдайлардың көбі аталған аурудың дамуының танылатын қауіп факторларымен емделушілерде байқалды.
** АТАС (Arimidex, Tamoxifen alon or in Combination) зерттеулерінде тері васкулиті және Шенлейн-Генох ауруы байқалмағандықтан, нүктелік бағаланудың нашар мәні бойынша осы аурулардың жиілігі сирек деп саналады (≥ 0.01% және < 0.1%).
*** Қынаптық қан кетулер алдыңғы гормональді емнен анастрозолмен емделуге ауысқаннан кейінгі алдыңғы бірнеше апта ішінде негізінен сүт бездерінің таралған обырымен емделушілерде айтарлықтай жиі байқалды.
1000 емделуші-жылға 22 және 1000 емделуші-жылға 15 санында сыну жиілігі орташа ұзақтығы 68 ай емнен кейін, сәйкесінше анастрозол мен тамоксифен қабылдаған емделушілер тобында байқалды.
Анастрозол үшін сынулардың байқалған жиілігі ұқсас жастағы постменопаузадағы әйелдерде сипатталғандай. Остеопороздың пайда болу жиілігі анастрозол қабылдаған емделушілер үшін 10,5% және тамоксифен қабылдаған емделушілер үшін 7,3% құрады. АТАС зерттеулерінде анастрозол қабылдаған емделушілерде байқалған, сынулар мен остеопороз жиілігі тамоксифеннің қорғағыш әсерін, анастрозолдың спецификалық әсерін немесе осы екі әсерді білдіретіні анықталған жоқ.
Қолдануға болмайтын жағдайлар
- анастрозолға немесе басқа қосымша заттарына жоғары сезімталдық
- жүктілік және лактация кезеңі
- пременопаузадағы әйелдер
- ауыр бүйрек жеткіліксіздігі
- бауыр аурулары ( ауыр және орташа дәрежедегі ауырлықтағы)
- тамоксифенмен бірге ем жүргізгенде
- тұқым қуалаған фруктозаны көтере алмаушылық, Lapp-лактаза ферментінің тапшылығы, глюкозы-галактоза мальабсорбциясы
- 18 жасқа дейінгі балалар мен жасөспірімдерге
Құрамында эстрогендер бар препараттарды анастрозолмен бірге енгізуге болмайды, өйткені олар оның фармакологиялық әсерін жояды.
Дәрілермен өзара әрекеттесуі
Анастрозол P450 1A2, 2C8/9 және 3A4 цитохромының in vitro белсенділігін бәсеңдетеді.
Антипиринмен және варфаринмен клиникалық зерттеулер көрсеткендей, анастрозол 1 мг дозада антипирин мен R– және S-варфариннің метаболизмінің нақты ингибициясын туындатпайды, бұл Эгистрозолды басқа препараттармен бір мезгілде қолданғанда Р450 цитохромы ферментіне байланысты басқа препараттармен клиникалық мәні бар дәрілік өзара әрекеттесу ықтималдығының аз екенін көрсетеді.
Анастрозолды метаболиздейтін ферментер анықталған жоқ.
Циметидин – Р450 цитохромы ферменттерінің әлсіз, спецификалық емес тежегіші анастрозолдың плазмадағы концентрациясына әсер етпейді. Р450 цитохромының күшті тежегіштерінің әсері белгісіз.
Клиникалық зерттеулердің қауіпсіздігіне қатысты дерек қорды зерттеуде анастрозолды басқа әдеттегі тағайындалатын дәрілік заттармен қабылдаған емделушілерде клиникалық мәні бар өзара әрекеттесу анықталған жоқ.
Анастрозол және бисфосфонаттар арасында маңызды өзара әрекеттесуі анықталмаған.
Тамоксифенді немесе құрамында Эгистрозолмен эстроген бар препараттарды бірге қолдануға болмайды, өйткені ол соңғының фармакологиялық әсерінің төмендеуіне әкелуі мүмкін.
Айрықша нұсқаулар
Кез келген күдікті жағдайларда, менопаузаны растау үшін, қажетті биохимиялық зерттеулер (лютеиндейтін гормон, фолликулостимуляциялайтын гормон және/немесе эстрадиол деңгейі) жүргізу керек.
Эгистрозолды лютеиндейтін рилизинг-гормон аналогтарымен біріктіріп қабылдау туралы деректер жоқ.
Анастрозол айналымдағы эстрогенді гормондардың деңгейін төмендететіндіктен, ол сүйектердің минералдық тығыздығын төмендетуі мүмкін, ол өз кезегінде келесі сынулар қаупінің жоғарылау мүмкіндігіне әкелуі мүмкін.
Остеопорозбен немесе остеопороздың даму қаупі бар әйелдерге сүйектердің минералдық тығыздығын емдеу курсының басында және емдеу кезінде міндетті түрде ұдайы тексеру керек. Қажет болған жағдайда ем тағайындау немесе остеопороздың профилактикасы керек және оларды мұқият бақылаумен жүргізу керек.
Спецификалық медициналық дәрілерді, мысалы, бисфосфонаттарды қолдану, Эгистрозолмен туындаған сүйектердің минералдық тығыздығының ары қарай төмендеуін тоқтатуы мүмкін.
Бауыр функциясының орташа немесе ауыр бұзылуы бар емделушілерде Эгистрозолды қолданудың қауіпсіздігі туралы деректер жоқ. Бауыр жеткіліксіздігімен емделушілерде анастрозолдың әсері күштірек болуы мүмкін. Әр емделуші үшін жекелей пайда-қауіп ара қатынасы бағасына ем негізделуі керек.
Бүйректің ауыр бұзылуы бар емделушілерде Эгистрозолды қолданудың қауіпсіздігі туралы деректер жоқ. Бүйректің ауыр бұзылуы (шумақтық сүзіліс жылдамдығы <30мл/мин) бар емделушілерде анастрозолдың әсері жоғарламайды. Бүйректің ауыр жеткіліксіздігіне шалдыққан емделушілерде анастрозолды сақтықпен қолдану керек.
Эгистрозол балалар мен жасөспірімдерді емдеуде емделушілердің осы тобында қауіпсіздігі мен тиімділігі жөнінде жеткілікті деректердің болмауына байланысты қолданылмайды.
Эгистрозолдың әрбір таблеткасында лактоза бар. Галактозаға толеранттіліктің сирек тұқым қуалайтын бұзылуымен, туа біткен лактоза тапшылығы немесе глюкоза-галактоза мальабсорбциясы синдромы бар емделушілерге препараты тағайындауға болмайды.
Дәрілік заттың көлік құралдарын басқару және әлеуетті қауіпті механизмдермен жұмыс істеу қабілетіне әсер ету ерекшеліктері
Эгистрозол көлік құралдарын немесе механизмдерді басқару қабілетіне әсер етпейді немесе аздап әсер етеді. Алайда анастрозолды қабылдау кезінде кейде әлсіздік және ұйқышылдық жағдайлары сипатталған, сондықтан осындай симптомдар орын алған жағдайда көлік құралдарын немесе механизмдерді басқарғанда сақ болған жөн.
Артық дозалануы
Симптомдары: жағымсыз әсерлерінің пайда болуы.
Емі: асқазанды шаю, арнайы у қайтарғысы жоқ, қажет болғанда симптоматикалық ем жүргізіледі. Анастрозол плазма ақуыздарымен толығымен байланыспайтын болғандықтан, диализ көмектесуі мүмкін. Жалпы демеуші ем қажет, оның ішінде өмірлік маңызды негізгі көрсеткіштерін жиі бақылау және емделушіні мұқият тексеру.
Шығарылу түрі және қаптамасы
Поливинилхлоридті/полиэтилен/поливинилдихлоридті (ПВХ/ПЭ/ПВДХ) үлбірден және алюминий фольгадан жасалған пішінді ұяшықты қаптамаға 10 немесе 14 таблеткадан салынған.
2 (14 таблетка үшін), 3 немесе 9 (10 таблетка үшін) пішінді ұяшықты қаптамадан мемлекеттік және орыс тілдеріндегі медициналық қолдану жөніндегі нұсқаулықпен бірге картоннан жасалған қорапшаға салынған.
Сақтау шарттары
30 oС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
4 жыл.
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
«ЭГИС ФАРМАЦЕВТИКАЛЫҚ ЗАУЫТЫ» ЖАҚ
1106 Будапешт, Керестури к-сі, 30-38 ВЕНГРИЯ
Телефон: (361) 803-5555, факс: (361) 803-5529
Тіркеу куәлігінің иесі
«ЭГИС ФАРМАЦЕВТИКАЛЫҚ ЗАУЫТЫ» ЖАҚ, Венгрия
Қазақстан Республикасы аумағында тұтынушылардан өнiмнің (тауардың) сапасы жөніндегі түскен шағымдарды қабылдайтын ұйымының мекенжайы
«ЭГИС ФАРМАЦЕВТИКАЛЫҚ ЗАУЫТЫ» ЖАҚ ҚР өкілдігі
050060, Алматы қ-сы, Жароков к-сі 286 Г
тел: + 7 (727) 247 63 34, +7 (727) 247 63 33, факс: + 7 (727) 247 61 41,
e-mail: egis@egis.kz