Цитопросан®

Цитопросан®

Жоқ

Вена ішіне және бұлшықет ішіне енгізуге арналған ерітінді 50 мг/мл

1 мл ерітіндінің құрамында

белсенді зат – этилметилгидроксипиридин сукцинаты

(сусыз затқа шаққанда) 50.0 мг

қосымша заттар: натрий метабисульфиті, 1 М хлорсутек қышқылы, инъекцияға арналған су.

Мөлдір, түссіз немесе аздап сарғыш ерітінді

Жүйке жүйесі. Жүйке жүйесі ауруларын емдеуге арналған басқа препараттар. Жүйке жүйесі ауруларын емдеуге арналған басқа да препараттар.

АТХ коды N07XX

Фармакокинетикасы

Бұлшықет ішіне енгізгенде препарат енгізгеннен кейін 4 сағат бойында қан плазмасында анықталады. Ең жоғарғы концентрацияға жету уақыты Tmax 0,45 - 0,5 құрайды. 400 - 500 мг дозадағы ең жоғарғы Cmax концентрация 3,5 - 4,0 мкг/мл құрайды. Цитопросан® қан арнасынан ағзалар мен тіндерге жылдам өтеді және организмнен тез шығарылады. Препараттың организмде болу уақыты (MRT) 0,7 - 1,3 сағатты құрайды. Препарат организмнен несеппен глюкуроноконъюгацияланған формада және аздаған мөлшерде өзгермеген күйде шығарылады.

Фармакодинамикасы

Гипоксия қарсы, жарғақшапротекторлы, ноотропты, құрысуға қарсы, анксиолитикалық әсер етеді, организмнің стреске төзімділігін арттырады. Цитопросан® негізгі зақымдаушы факторлардың әсеріне, оттегіне тәуелді патологиялық жағдайларға (шок, гипоксия және ишемия, ми қан айналымының бұзылуы, алкогольден және психозға қарсы препараттардан (нейролептиктер) уыттану) организмнің резистенттілігін жоғарылатады.

Цитопросан® ми метаболизмін және мидың қанмен қамтылуын жақсартады, микроциркуляцияны және қанның реологиялық қасиеттерін жақсартады, тромбоциттер агрегациясын азайтады. Гемолиз кезінде қан жасушаларының жарғақшалық құрылымын (эритроциттер және тромбоциттер) тұрақтандырады. Гиполипидемиялық әсер көрсетеді, жалпы холестерин мен тығыздығы төмен липопротеидтер (ТТЛП) деңгейін төмендетеді.

Жедел панкреатит кезінде ферментативтік токсемияны және эндогендік уыттануды төмендетеді.

Цитопросан® әсер ету механизмі оның антигипоксантты, антиоксидантты және жарғақша-протекторлық әсеріне байланысты. Ол липидтердің асқын тотықтық үдерістерін тежейді, супероксиддисмутаза белсенділігін арттырады, липид-ақуыз арақатынасын жоғарылатады, жарғақша тұтқырлығын азайтады, оның ағымдылығын ұлғайтады. Жарғақшалы-байланысқан ферменттердің (кальцийге тәуелсіз фосфодиэстераза, аденилатциклаза, ацетилхолинэстераза), рецепторлық кешендердің (бензодиазепин, гамма-аминомай қышқылы (ГАМҚ), ацетилхолин) белсенділігін түрлендіреді, бұл олардың лигандтармен байланысу қабілетін күшейтеді, биологиялық жарғақшалардың құрылымдық-функционалдық ұйымдасуының сақталуына, нейромедиаторлар тасымалына және синапстық берілістің жақсаруына көмектеседі. Цитопросан® мидағы дофамин мөлшерін арттырады. Аэробтық гликолиздің компенсаторлық белсенділігінің күшеюін және аденозинтрифосфат (АТФ), креатинфосфат мөлшерінің төмендеуімен және митохондрияның энергия синтездеуші функцияларының іске қосылуымен, жасушалық жарғақшалардың тұрақтануымен гипоксия жағдайында Кребс циклында тотығу үдерістерінің бәсеңдеу дәрежесінің төмендеуін тудырады.

Цитопросан® ишемияланған миокардтағы метаболизмдік үдерістерді қалпына келтіреді, некроз аймағын азайтады, миокардтың электрлік белсенділігін және жиырылуын қалпына келтіреді және жақсартады, сондай-ақ ишемия аймағында коронарлық қан ағысын ұлғайтады, жедел коронарлық жеткіліксіздік кезінде реперфузиялық синдромның салдарын азайтады. Нитропрепараттардың антиангинальді белсенділікті жоғарылатады. Цитопросан® себептері созылмалы ишемия және гипоксия болып табылатын үдемелі нейропатия кезінде тор қабықтың ганглиоздық жасушаларының және көру жүйкесі талшықтарының сақталуына ықпал етеді. Көру өткірлігін ұлғайта отырып, торқабық пен көру жүйкесінің функционалдық белсенділігін жақсартады.

• ми қан айналымының жедел бұзылуы

• бассүйек-ми жарақаты, бассүйек-ми жарақатының салдары

• дисциркулятордық энцефалопатия

• вегетативтік дистония синдромы

• атеросклероздық генездегі жеңіл когнитивтік бұзылыстар

• невроздық және невроз тәрізді жағдайлардағы ауыр бұзылыстар

• миокардтың жедел инфаркті (алғашқы тәуліктерден) кешенді ем құрамында

• түрлі сатыдағы бастапқы ашық бұрышты глаукома, кешенді ем құрамында

• невроз тәрізді және вегетативтік-қантамырлық бұзылыстары басым алкоголизм кезінде абстинентті синдромды басу

• психозға қарсы дәрілерден жедел уыттану

• құрсақ қуысының жедел іріңді-қабыну үдерістері (жедел некроздық панкреатит, перитонит) кешенді ем құрамында

Бұлшықет ішіне немесе вена ішіне (сорғылатып немесе тамшылатып).

Инфузиялық енгізу тәсілінде Цитопросан® натрий хлоридінің 0,9% ерітіндісінде сұйылту керек. Цитопросан® сорғылатып 5-7 мин бойы баяу, тамшылатып — минутына 40-60 тамшы жылдамдықпен енгізеді. Ең жоғарғы тәуліктік доза 1200 мг аспауы тиіс.

Ми қан айналымының жедел бұзылуында

Цитопросан® алғашқы 10-14 күнде — вена ішіне тамшылатып тәулігіне 2-4 рет 200 - 500 мг, сосын бұлшықет ішіне 2 апта бойы тәулігіне 2-3 рет 200 - 250 мг қолданады.

Бассүйек-ми жарақаты, бассүйек-ми жарақатының салдары кезінде

Цитопросан® 10 - 15 күн бойы вена ішіне тамшылатып тәулігіне 2-4 рет 200 - 500 мг қолданады.

Декомпенсация фазасындағы дисциркуляторлық энцефалопатия кезінде Цитопросан® 14 күн бойы вена ішіне тамшылатып немесе сорғылатып тәулігіне 1 - 2 рет 200 - 500 мг дозада тағайындау керек. Сосын келесі 2 апта бойы бұлшықет ішіне тәулігіне 100 - 250 мг.

Дисциркуляторлық энцефалопатияның курстық профилактикасы үшін Цитопросан® 10 - 14 күн бойы тәулігіне 2 рет 200 - 250 мг дозада бұлшықет ішіне енгізеді.

Егде жастағы науқастарда жеңіл когнитивтік бұзылу және үрейлі бұзылыстар кезінде

Цитопросан® 14 - 30 күн бойы тәулігіне 100 - 300 мг тәуліктік дозада бұлшықет ішіне қолданады.

Миокардтың жедел инфаркті кезінде кешенді ем құрамында

Цитопросан® миокард инфарктісінің нитраттар, бета-адреноблокаторлар, ангиотензин өзгертуші фермент (АӨФ) тежегіштері, тромболитиктер, антикоагулянттар және антиагрегантты дәрілер, сондай-ақ көрсетілім бойынша симптоматикалық дәрілер кіретін дәстүрлі емі аясында 14 тәулік бойы вена ішіне немесе бұлшықет ішіне енгізіледі.

Алғашқы 5 тәулікте, ең жоғарғы әсерге қол жеткізу үшін Цитопросан® вена ішіне енгізген жөн, келесі 9 тәулікте Цитопросан® бұлшықет ішіне енгізуге болады.

Цитопросан® 30 - 90 мин бойы 100 - 150 мл көлемде натрий хлоридінің 0,9 % ерітіндісінде немесе 5 % декстроза (глюкоза) ерітіндісінде тамшылататын инфузия жолымен, баяу (жағымсыз әсерлерді болдырмау үшін) вена ішіне баяу енгізіледі. Қажет болса Цитопросан®, ұзақтығы кемінде 5 минут баяу сорғылатып енгізуге болады.

Цитопросанды® (вена ішіне немесе бұлшықет ішіне) 8 сағат сайын тәулігіне 3 рет енгізеді. Тәуліктік емдік доза тәулігіне дене салмағының кг-на 6 - 9 мг, бір реттік доза — дене салмағының кг-на 2 - 3 мг құрайды. Ең жоғарғы тәуліктік доза 800 мг аспауы, бір реттік доза — 250 мг болуы тиіс.

Түрлі сатыдағы бастапқы ашық бұрышты глаукома, кешенді ем құрамында

Цитопросан® тәулігіне 100 - 300 мг бұлшықет ішіне, 14 күн бойы тәулігіне 1 - 3 рет енгізеді.

Абстиненттік алкогольдік синдром кезінде

Цитопросан® 5 - 7 күн бойы тәулігіне 2 - 3 рет вена ішіне тамшылатып немесе бұлшықет ішіне 200 - 500 мг дозада енгізеді.

Антипсихоздық дәрілерден жедел уыттану кезінде

Цитопросан® 7 - 14 күн бойы тәулігіне 200 - 500 мг дозада вена ішіне енгізеді.

Құрсақ қуысының жедел іріңді-қабыну үдерістері (жедел некроздық панкреатит, перитонит) кезінде

Цитопросан® алғашқы тәуліктерде операция алдында, сондай-ақ операциядан кейінгі кезеңде де тағайындалады. Енгізілетін дозалар аурудың түріне және ауырлығына, үдерістің таралуына, клиникалық ағымының нұсқаларына байланысты. Цитопросан® оң клиникалық-зертханалық әсерден кейін ғана біртіндеп тоқтатылуы тиіс.

Жедел ісінулік (интерстициальді) панкреатитте

Цитопросан® күніне 3 рет 200 - 500 мг, тамшылатып вена ішіне (натрий хлоридінің 0,9 % ерітіндісінде) және бұлшықет ішіне тағайындалады. Некроздық панкреатиттің ауырлығының жеңіл дәрежесі — күніне 3 рет 100 - 200 мг тамшылатып вена ішіне (натрий хлоридінің 0,9 % ерітіндісінде) және бұлшықет ішіне тағайындалады. Ауырлығының орташа дәрежесі — күніне 3 рет 200 мг, тамшылатып вена ішіне (натрий хлоридінің 0,9 % ерітіндісінде). Ауыр ағымы — алғашқы тәуліктерде 800 мг пульс-дозалауда, екі реттік енгізу режимімен; әрі қарай тәуліктік дозаны біртіндеп төмендетумен күніне 2 рет 200 - 500 мг. Аса ауыр ағымы — тәулігіне бастапқы 800 мг дозада панкреатогенді шок көріністерін тұрақты басқанға дейін, жағдай тұрақтанғанда тәуліктік дозаны біртіндеп төмендетумен күніне 2 рет 300 - 500 мг тамшылатып вена ішіне (натрий хлоридінің 0,9 % ерітіндісінде).

Жағымсыз әсерлер

• жүрек айнуы және ауыздың құрғауы, ауыздың металл татуы

• ұйқышылдық

• аллергиялық реакциялар

• жағымсыз иіс, тамақтың қышуы және көкірек қуысындағы жайсыздық

• препаратқа жекелей жоғары сезімталдық

• бауыр және бүйрек функциясының жедел бұзылуы

• балалар мен 18 жасқа дейінгі жасөспірімдер

• жүктілік, лактация кезеңі

Бензодиазепиндік анксиолитиктердің, құрысуға қарсы дәрілердің (карбамазепин), паркинсонизмді есдеуге арналған дәрілердің (леводопа), нитраттардың әсерін күшейтеді. Этил спиртінің уытты әсерлерін азайтады.

Жекелеген жағдайларда, әсіресе бронх демікпесіне бейім пациенттерде сульфиттерге жоғары сезімталдық кезінде аса жоғары сезімталдықтың ауыр реакциялары дамуы мүмкін.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Автокөлікті және қауіптілігі аса зор механизмдерді басқару кезінде сақ болу керек.

Симптомдары: жағымсыз әсерлердің күшеюі.

Емі: препаратты уақытша тоқтатады. Симптоматикалық ем.

Шығарылу түрі және қаптамасы

2 мл немесе 5 мл препараттан сындыру нүктесі немесе сақинасы бар жарықтан қорғайтын шыныдан жасалған шприцпен толтырылатын ампулаларға құйылады.

Әрбір ампулаға заттаңба жапсырылады.

5 ампуладан поливинилхлоридті үлбірден және алюминий фольгадан пішінді ұяшықты қаптамаға салынады.

1 немесе 2 пішінді ұяшықты қаптамадан медициналық қолдану жөнінде қазақ және орыс тілдеріндегі бекітілген нұсқаулықпен бірге картон қорапшаға салынған.

Медициналық қолдану жөнінде қазақ және орыс тілдеріндегі бекітілген нұсқаулықтағы ақпаратты қорапшаға салуға болады.

Дәрілік препарат алынған қорапшалар картон қорапқа салынады.

Пішінді ұяшықты қаптамалар (қорапшаға салмай) медициналық қолдану жөнінде қазақ және орыс тілдеріндегі бекітілген нұсқаулықтармен бірге картон қорапқа салынады. Медициналық қолдану жөніндегі нұсқаулықтар саны қаптамалар санына тең.

Түпнұсқалық қаптамасында 25 С-ден аспайтын температурада сақтау керек.

Балалардың қолы жетпейтін жерде сақтау керек!

2 жыл

Жарамдылық мерзімі өткеннен кейін қолдануға болмайды.

Дәріханадан босатылу шарттары

Рецепт арқылы

Өндіруші

«Химфарм» АҚ, Қазақстан Республикасы, Шымкент қ., Рашидов көш., 81

Тіркеу куәлігінің ұстаушысы

«Химфарм» АҚ, Қазақстан Республикасы, Шымкент қ., Рашидов көш., 81

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«Химфарм» АҚ, Қазақстан Республикасы, Шымкент қ., Рашидов көш., 81

Телефон номері +7 7252 (610151)

Автожауапбергіш номері +7 7252 (561342)

Электронды пошта complaints@santo.kz; phv@santo.kz; infomed@santo.kz

7