Цитол® (40 мг)

• русский
• қазақша

• Скачать инструкцию медикамента

Саудалық атауы

Цитол®

Халықаралық патенттелмеген атауы

Циталопрам

Дәрілік түрі

Үлбірлі қабықпен қапталған 40 мг таблеткалар

Құрамы

Бір таблетканың құрамында

белсенді зат – 49,96 мг циталопрам гидробромиді ( 40 мг циталопрамға баламалы)

қосымша заттар: жүгері крахмалы, түйіршіктелген лактоза, поливинилпирролидон К-90, микрокристалды целлюлоза, магний стеараты

қабықтың құрамы: гидроксипропилметилцеллюлоза, полиэтиленгликоль 400, титанның қостотығы Е171

Сипаттамасы

Сопақша эллипс түріндегі, бір жақ бетінде АІ логотипі және екінші жақ бетінде сызығы бар қабықпен қапталған ақ таблеткалар,

Фармакотерапиялық тобы

Антидепрессанттар.

Серотонинді кері қармайтын іріктелген тежегіштер.

АТЖ коды N 06АВ04

Фармакологиялық қасиеттері

Фармакокинетикасы

Ішке қабылдаған кездегі биожетімділігі 80%-ға жуықты құрайды және ас қабылдауға байланысты емес. Қабылдағаннан кейін 2-4 сағаттан соң қан плазмасында ең жоғары концентрациясына жетеді. Плазма ақуызымен байланысуы – 80%. Метаболизм деметилдену, дезаминирлену және тотығу арқылы жүзеге асады. Өзгермеген циталопрам қан плазмасында негізгі қосылыс болып табылады; оның кинетикасы дозаға байланысты. Емдеуден кейін 1-2 аптадан соң плазмада тұрақты концентрациясы анықталады. Препараттың жартылай шығарылу кезеңі 1,5 тәулікті құрайды. Шығарылуы несеп және нәжіс арқылы жүзеге асады.

Фармакодинамикасы

Антидепрессант, серотонинді кері қармаудың іріктелген тежегіші. Әсер ету механизмі ОЖЖ (орталық жүйке жүйесінде) норадреналинді және дофаминді кері қармауға қатысты әсері өте аз серотонинді кері нейрональды қармаудың айқын іріктелген бөгетімен байланысты. Серотонинді 5НТ1А/2А рецепторларымен өзара әрекеттеспейді немесе тікелей онымен байланысу қабілеті өте әлсіз, серотонинді медиаторларды іріктеп ұстап қала отырып, дофаминдік D1 және D2 рецепторлармен, альфа1, альфа2 және бета-адренорецепторлармен, гистаминдік Н1-рецепторлармен, гаммааминоглобулин қышқылымен (ГАМҚ) – және де бензодиазепин рецепторларымен, мускаринді холинергиялық рецепторлармен байланыспайды. Көңіл-күйдің жақсаруына ықпал етеді, үрейлену сезімін бәсеңдетеді, қорқыныш және ширығу сезімін азайтады, дисфорияны жояды, жалықтыратын жағдайды азайтады, іс жүзінде тыныштандырғыш әсер тудырмайды, тұрақты клиникалық әсер препаратты жүйелі қабылдағаннан кейін 7-10 күннен соң дамиды. Р450 ІІD6 цитохром изоферментін өте аз дәрежеде тежейді, сондықтан дәрілік заттармен өзара әрекеттеспейді.

Цитол жүректің өткізгіш жүйесіне және артериялық қысымға, гематологиялық көрсеткіштерге, бауыр мен бүйрек қызметіне ықпалын тигізбейді, дене салмағын арттырмайды және алкогольдің әсерін күшейтпейді. Препаратта тератогендік әсер, репродукциялық қызметке және ұрпағының перинатальдық дамуына ықпал ету білінген жоқ. Цитолдың депрессияға қарсы жылдам әсері бар. Әсері емдеудің екінші аптасында байқалады, бұл флуокситонмен, сертралинмен салыстырғанда жылдамырақ. Депрессияға қалай әсер етсе, солай үрейге де белсенді әсер етеді.

Қолданылуы

- депрессияны емдеуде және қайталануының алдын алуда

- агорафобиямен немесе онсыз үрейлі бұзылыстарды емдеуде

- мезі қылушылық жағдай синдромын емдеуде

Қолдану тәсілі және дозалары

Ересектер тамақтануға байланыссыз сұйықтықтың аздаған мөлшерімен бірге тәуліктің кез-келген уақытында бір рет ішу керек.

Цитолмен емдеуді таңертеңгі уақытта 10-20 мг тәуліктік дозадан бастайды, әрі қарай тәуліктік дозаны қажет болған кезде емделушінің жекелей реакциясына және депрессияның ауырлығына байланысты 40 мг дейін арттырады. Ең жоғары бір реттік доза тәулігіне 40 мг. Емделушінің жекелей реакциясына және депрессияның айқындылық дәрежесіне сәйкес доза ең жоғары тәулігіне 60 мг дозаға дейін арттырылуы мүмкін.

Егде жастағы (65 жастан асқан) емделушілерге ұсынылатын тәуліктік доза 20 мг құрайды. Емделушінің жекелей реакциясына және депрессияның айқындылық дәрежесіне байланысты ең жоғары - тәулігіне 40 мг дозаға дейін арттырылуы мүмкін.

Бауыр қызметінің жеткіліксіздігінде препарат қабылдауды ең аз ұсынылатын дозалармен шектеген жөн.

Бүйрек қызметінің аз және орташа білінетін жеткіліксіздігінде дозалау тәртібін түзету қажет емес.

Емдеу ұзақтығы (қайталануының алдын алу үшін) 6 ай және одан астамды құрайды. Препарат дағдылануды тудырмайды, Цитолмен емдеген кезде оны тоқтату синдромы іс жүзінде тіркелген жоқ.

Жағымсыз әсерлері

• астения, шамадан тыс шаршаңқылық, ұйқышылдық немесе

ұйқысыздық, мазасыздық, діріл, ажитация, амнезия, апатия, көңіл-күйдің өзгеруі, озбырлы мінез-құлық, елестеулер, деперсонализация, эмоциялық құбылулар, эйфория, мания, гипомания, үрейлену мінез-құлқы, параноидты реакция, психоз, серотониндік синдром (ажитация, сананың шатасуы, диарея, гипертермия, гиперрефлексия, атаксия, діріл, тершеңдік, қозу, бағынбайтын мінез-құлық)

- ауыз қуысы шырышты қабығының құрғауы, жүрек айнуы, құсу, гиперсаливация, метеоризм, диарея, іштің ауыруы, анорексия

- брадикардия, артериялық қысымның төмендеуі, ортостатикалық гипотензия, аритмия

- тромбоцитопения, қан кету

- мидриаз, аккомодация парезі, дәмнің бұзылуы

- сексуалдық қызметтің бұзылуы: эякуляцияның бұзылуы, либидоның төмендеуі, импотенция, етеккір оралымының бұзылуы

- аллергиялық реакциялар: тері бөртпесі, сирек – эпидермальді некроз, ринит, синусит

- гипертермия, полиурия, мастодиния, галакротея, гипонатриемия, несеп шығарудың бұзылуы, артралгия, миалгия, есінеу, тіс қайрау, дене салмағының артуы немесе төмендеуі, ентігу

Қолдануға болмайтын жағдайлар

• препаратқа немесе оның компоненттеріне асқын сезімталдық

• МАО (моноаминооксидаза) тежегіштерімен (оларды тоқтатқаннан кейінгі 14 күн ішіндегі кезеңді қоса алғанда) суматриптанмен және басқа да серотонинергиялық ДЗ-мен бір мезгілде тағайындау

• балалар және 18 жасқа дейінгі жасөспірімдер (қауіпсіздігі мен тиімділігі анықталмаған)

Дәрілермен өзара әрекеттесуі

Суматриптанның және басқа серотонинергиялық дәрілік заттардың әсерін күшейтеді.

Этанолдың, Li+ препараттарының, бензодиазепиндердің, антипсихотикалық дәрілік заттардың (нейролептиктердің), есірткі анальгетиктерінің, антигистаминді және гипотензивті дәрілік заттардың әсеріне ықпал етпейді.

Елеусіз дәрежеде CYP2D6 цитохромын тежейді, осыған байланысты өзінің қатысуымен метаболизденетін дәрілік заттармен өзара әлсіз әрекеттеседі.

МАО тежегіштерімен бір мезгілде қолданғанда гипертониялық криздің (серотонин синдромы) дамуы мүмкін.

Циметидин қандағы концентрациясын жоғарылатады және циталопрамның әсерін күшейтеді.

Варфаринмен бір мезгілде тағайындағанда протромбиндік уақыты 5%-ға артады.

Айрықша нұсқаулар

Дәрілік тәуелділігі болғанда (оның ішінде сыртартқысында), бауыр және/немесе бүйрек жеткіліксіздігі, мания, гипомания, құрысу талмасы кезінде, егде жастағы адамдарға сақтықпен тағайындаған жөн. Маниакальді жағдайдың дамуы кезінде антипсихотикалық дәрілік заттарды (зуклопентиксол) тағайындайды. МАО тежегіштерімен емдеуді циталопрамды қабылдау тоқтатылғаннан кейін кем дегенде 7 күн өтпей бастауға болмайды.

Жүктілік және лактация кезеңінде

Жүкті әйелдердегі депрессия кезінде, егер ана үшін ықтимал клиникалық пайдасы ұрыққа төнетін қатерден артық болса, препарат қолданылуы мүмкін.

Емшек еметін балаларда ұйқышылдықты, сору рефлексінің төмендеуін, дене салмағын жоғалтуды туындату қаупіне байланысты емшек емізген уақытта тағайындаған кезде сақ болу керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Цитолды қызметі зейінді жұмылдыруды және психомоторлы реакциялардың шапшаңдығын талап ететін механизмдерді немесе қозғалатын заттарды басқаруға байланысты адамдар сақтықпен қолданғаны жөн.

Артық дозалануы

Симптомдары: бас айналуы, ұйқышылдық, дизартрия, орташа синустық тахикардия, қарыншалық аритмия, қатты терлеу, жүректің айнуы, құсу, діріл, амнезия, сананың шатасуы, құрысулар, кома.

Емі: асқазанды шаю, симптоматикалық және демеуші ем. Арнайы у қайтарғысы жоқ

Шығарылу түрі және қаптамасы

Үлбірлі қабықпен қапталған таблеткалар пішінді ұяшықты қаптамада 14 таблеткадан. 2 немесе 4 пішінді ұяшықты қаптама медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

Құрғақ, жарықтан қорғалған жерде, 25оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін қолдануға болмайды!

Дәріханалардан босатылу шарттары

Рецепт арқылы

Өндіруші

«АБДИ ИБРАХИМ», Түркия

Тіркеу куәлігінің иесі

«ABDI IBRAHIM», Түркия

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

Қазақстандағы "АБДИ ИБРАХИМ Илач Санайи ве Тиджарет Аноним Ширкети" компаниясының өкілдігі, Алматы қ., Абай даңғ. 155, 37/38 кеңсе,

тел +7 (727) 394-35-12

факс: +7 (727) 295-29-35, e-mail: office.kazakhstan@abdiibrahim.com.tr