Цитлин

Цитлин

Цитиколин

Вена ішіне және бұлшықет ішіне енгізуге арналған ерітінді, 250 мг/мл

1 мл препараттың құрамында, миллиграммен

белсенді зат –261.25 мг натрий цитиколині

(250.0 мг цитиколинге баламалы),

қосымша заттар: метилпарагидроксибензоат, пропилпарагидроксибензоат, натрий метабисульфиті, динатрий эдетаты, натрий гидроксиді, хлорсутек қышқылы, инъекцияға арналған су.

Мөлдір, түссіз ерітінді.

Жүйке жүйесі. Психоаналептиктер. Зейін тапшылығы және аса жоғары белсенділік кезінде қолданылатын психостимуляторлар (ADHD-Attention deficit hyperactivity disorder) және ноотропты дәрілер. Басқа психостимуляциялайтын және ноотропты дәрілер. Цитиколин.

АТХ коды N06ВХ06

Фармакокинетикасы

Сіңуі

Цитиколин жақсы сіңеді, вена ішіне енгізгеннен және ішке қабылдағаннан кейін биожетімділігі шамамен бірдей.

Метаболизмі.

Препарат холин мен цитидиннің түзілуімен бауырда метаболизденеді. Препаратты қабылдағаннан кейін плазмадағы холин концентрациясы айтарлықтай жоғарылайды.

Таралуы

Цитиколин холин фракцияларының құрылымдық фосфолипидтерге және цитидин фракцияларының - цитидинді нуклеотидтерге және нуклеин қышқылдарына жылдам енуімен ми құрылымдарында елеулі дәрежеде таралады. Цитиколин миға өтеді және құрылымдық фосфолипидтер фракциясының бір бөлігін түзе отырып, жасушалық, цитоплазмалық және митохондриялық жарғақшаларға белсенді орналасады.

Шығарылуы

Цитиколиннің енгізілген дозасының тек 15%-ы адам организмінен шығарылады: 3% - дан кемі - бүйрекпен және ішек арқылы және 12% - ға жуығы деммен шығарылатын СО2 (көмірқышқыл газымен).

Фармакодинамикасы

Цитлин холинергиялық нейрондардағы жүйке импульстерінің берілуін жақсартады, нейрондық жарғақшалардың иілгіштігіне және рецепторлардың функциясына оң әсер етеді. Церебральді қан ағымын жақсартады, мидағы метаболизмдік үдерістерді күшейтеді, мидың ретикулярлы формация құрылымдарын белсендіреді және мидың жарақаттық зақымдануы кезінде сананы қалпына келтіреді. Инсульттің жедел кезеңінде зақымдалған тіннің көлемін азайтады, холинэргиялық берілуді жақсартады.

Цитлин ацетилхолин синтезін арттыру арқылы холин көзі болып табылады және нейрондар жарғақшаларының құрылымдық (тіректік) фосфолипидтерінің биосинтезін көтермелейді. Осындай әсер ету арқылы Цитлин ионды сорғылар мен рецепторлар сияқты жарғақшалық құрылымдардың жұмыс істеуін жақсартады, оларды реттеусіз жүйке импульстерін қалыпты жүргізу мүмкін емес.

Препарат сондай-ақ нейрондардың жарғақшасына тұрақтандырушы әсер көрсетеді, бұл ісінуге қарсы әсерге және ми ісінуінің азаюына әкеледі.

Цитлин гипоксия және ми ишемиясы кезінде байқалатын жадының нашарлауы, эмоционалдық лабильділік, енжарлық, күнделікті іс-қимылдарды орындау және өзіне-өзі қызмет көрсету кезіндегі қиындықтар сияқты симптомдардың айқындылығын азайтады.

Цитлин дегенеративтік және қантамырлық этиологиядағы когнитивті, сезімталдық және қозғалыстық неврологиялық бұзылыстарды емдеу үшін тиімді.

- ишемиялық инсульттің жедел кезеңі (кешенді ем құрамында)

- ишемиялық және геморрагиялық инсультте қалпына келтіру кезеңі

- бассүйек-ми жарақаты (БМЖ), жедел (кешенді ем құрамында) және қалпына келтіру кезеңі

- мидың дегенеративті және қантамырлық аурулары кезіндегі когнитивті және мінез-құлық бұзылыстары

Вена ішіне және бұлшықет ішіне енгізуге арналған ерітінді.

Вена ішіне баяу венаішілік инъекция (тағайындалған дозаға байланысты 3-5 минут ішінде) немесе вена ішіне тамшылатып құю түрінде (минутына 40-60 тамшы) тағайындайды.

Венаішілік енгізу жолы бұлшықетішілік енгізумен салыстырғанда анағұрлым қолайлы болып табылады. Бұлшықет ішіне енгізген жағдайда препаратты бір орынға қайта енгізуден аулақ болу керек.

Дозалық режим бойынша ұсынымдар

- Ишемиялық инсульт пен БМЖ жедел кезеңі: диагноз қойылғаннан кейін бірінші күннен бастап әрбір 12 сағат сайын 1000 мг, емдеу ұзақтығы-6 аптадан кем емес. Ем басталғаннан кейін 3-5 күннен кейін (егер жұтыну функциясы бұзылмаса), Цитиколин препаратының пероральді түріне көшуге болады.

- Ишемиялық және геморрагиялық инсульттерден кейін қалпына келтіру кезеңінде, мидың дегенеративті және цереброваскулярлық ауруларында когнитивтік және мінез-құлықтық бұзылыстардан кейін қалпына келтіру кезеңі: тәулігіне 500-2000 мг.

Дозасы және емдеу ұзақтығы ауру симптомдарының ауырлығына байланысты. Цитиколин препаратының пероральді түрлерін қолдануға болады.

Егде жастағы пациенттер

Цитиколинді егде жастағы пациенттерге тағайындағанда дозаны түзету қажет емес

Қолдану тәсілі

Ампуладағы ерітінді бір рет пайдалануға арналған. Ампула ашылғаннан кейін бірден қолдану керек. Препарат венаішілік изотониялық ерітінділердің және декстроза ерітінділерінің барлық түрлерімен үйлесімді.

Жағымсыз әсерлер

Жиіліктердің әрбір тобында жағымсыз құбылыстар ауырлығы азаю тәртібімен берілген. Жиілігі былайша жіктелген: жиі (≥ 1/100-ден <1/10 - ға дейін); жиі емес (≥ 1/1000-нан <1/100-ге дейін); сирек (≥ 1/10000-нан <1/1000-ға дейін); өте сирек (<1/10000), белгісіз (қолда бар деректерден жиілігін анықтау мүмкін емес)

Өте сирек

- аллергиялық реакциялар, есекжем, экзантема, қызылкүрең боялуға дейін терінің қызаруы, терінің қышынуы, ісінулер, анафилаксиялық шок дамуы мүмкін

- бас ауыруы, бас айналуы, елестеулер, қозу, ұйқысыздық, температураның жоғарылауы, ысыну сезімі, тремор

- диспноэ

- жүрек айнуы, құсу, диарея, метеоризм

- артериялық қысымның жоғарылауы немесе қысқа мерзімді төмендеуі

- тәбеттің жоғарылауы немесе төмендеуі

- салданған аяқ-қолдың ұюы

Болжамды жағымсыз реакциялар туралы хабарламалар

Препараттың болжамды жағымсыз реакциялары туралы деректерді ұсыну дәрілік заттың қауіп/пайда арақатынасының үздіксіз мониторингін жүзеге асыруға мүмкіндік беретін өте маңызды сәт болып табылады. Медицина қызметкерлері нұсқаулықтың соңында көрсетілген байланыс құралдары бойынша, сондай-ақ ақпаратты жинаудың ұлттық жүйесі арқылы кез келген болжанатын қолайсыз реакциялар туралы ақпарат беруі тиіс.

- препарат компоненттеріне жоғары сезімталдық

- айқын ваготониясы бар пациенттерге тағайындауға болмайды (вегетативтік жүйке жүйесінің негізінен парасимпатиялық бөлігінде)

- 18 жасқа дейінгі балалар мен жасөспірімдер

Цитиколин L-дигидроксифенилаланин әсерін күшейтеді.

Құрамында меклофексонат бар дәрілік заттармен бір мезгілде тағайындауға болмайды.

Леводопамен бірге қабылдағанда препарат леводопаның әсерін күшейтуі мүмкін

Бассүйек ішіне қан құйылу жағдайында тәулігіне 1000 мг дозадан асырмау керек, оны вена ішіне тамшылатып, минутына 30 тамшы жылдамдықпен баяу енгізу қажет.

Ампуладағы ерітінді бір рет қолдануға арналған. Ол ампула ашылғаннан кейін дереу пайдаланылуы тиіс.

Препарат 0,9% натрий хлориді ерітіндісімен, сондай-ақ 5% глюкоза ерітіндісімен үйлесімді.

Жүктілік және лактация кезеңі

Жүкті әйелдерде цитиколинді пайдалану туралы деректер жеткіліксіз. Жүктілік кезінде препаратты тағайындау, егер анасы үшін күтілетін пайда шарана үшін ықтималды қауіптен асып кетсе ғана мүмкін болады.

Лактация кезеңінде препаратты тағайындаған кезде бала емізуді тоқтату қажет, себебі цитиколиннің әйел сүтімен бөлінуі туралы деректер жоқ.

Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Пациенттерге осы препаратпен емдеу кезінде көлік құралын немесе қауіптілігі зор механизмдерді басқару ұсынылмайды.

Симптомдары: препараттың жағымсыз әсерлері күшейеді.

Цитлинді ұзақ тағайындау енгізу тәсіліне қарамастан, уытты әсерлермен қатар жүрмеді.

Емә: симптоматикалық.

Шығарылу түрі және қаптамасы

Сындыруға арналған қара сақинасы бар, I типті сыйымдылығы 5 мл мөлдір, түссіз шыны ампулаларда 4 мл-ден.

Ампулаларға өздігінен желімденетін заттаңбалар жапсырылады.

5 ампуладан пластиктен жасалған пішінді ұяшықты қаптамаға салынады.

1 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапқа салынады.

Жарықтан қорғалған жерде, 25 ºС-ден аспайтын температурада сақтау керек.

Мұздатып қатыруға болмайды!

Балалардың қолы жетпейтін жерде сақтау керек!

2 жыл

Жарамдылық мерзімі өткеннен кейін қолдануға болмайды.

Рецепт арқылы

Өндіруші

Steril-Gene Life Sciences (P) Ltd, Үндістан

No.45, Mangalam Main Road, Mangalam Village, Villianur Commune, Puducherry - 605110

Тіркеу куәлігінің ұстаушысы

«LS Pharm» (ЛС Фарм) ЖШС, Қазақстан

Алматы қ., Медеу ауданы, Н. Назарбаев д-лы 118/128

Бөгенбай батыр к-сінің қиылысы, 3 кеңсе

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефоны, факсы, электронды поштасы):

«LS Pharm» (ЛС Фарм) ЖШС, Қазақстан

Алматы қ., Медеу ауданы,

Н. Назарбаев д-лы 118/128

Бөгенбай батыр к-сінің қиылысы, 3 кеңсе

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефоны, факсы, электронды поштасы):

ConsultAsia ЖШС

050061, Алматы, Қазақстан,

Шевченко к-сі 165 Б

тел./факс: +7(727) 379 42 58

+77051708876

e-mail: pv@consultingasia.kz