Цитиколин (500 мг/4 мл)

Цитиколин

Цитиколин

Вена ішіне және бұлшықет ішіне енгізуге арналған ерітінді, 500 мг/4 мл және 1000 мг/4 мл

Жүйке жүйесі. Психоаналептиктер. Зейін тапшылығы және аса жоғары белсенділік кезінде қолданылатын психостимуляторлар (ADHD -Attention deficit hyperactivity disorder) және ноотропты дәрілер. Басқа психостимуляциялаушы және ноотропты дәрілер. Цитиколин.

АТХ коды N06BX06

Төменде көрсетілген патологиямен пациенттерде кешенді емінің құрамында:

- ишемиялық және геморрагиялық инсульттің жедел және қалпына келтіру кезеңінде

- бассүйек-ми жарақаты, жарақаттың жедел кезеңі және салдары

Қолдануды бастағанға дейін қажетті мәліметтер тізбесі

- препараттың компоненттеріне жоғары сезімталдық

- парасимпатикалық жүйке жүйесінің жоғары тонусты жай-күйі (ваготония).

Қолдану кезіндегі қажетті сақтық шаралары

Венаішілік қолдану кезінде дәрілік затты енгізу баяу (енгізілетін дозаға байланысты 3-тен 5 минутқа дейін) іске асырылуы тиіс.

Венаішілік тамшылатып енгізу кезінде дәрілік затты енгізу жылдамдығы минутына 40-60 тамшы болуы тиіс.

Ұзаққа созылған бассүйекішілік қан кету жағдайында 1000 мг тәулікті дозадан асырмаған жөн, оны вена ішіне өте баяу (енгізу жылдамдығы минутына 30 тамшы) енгізу керек.

Вена ішіне және бұлшықет ішіне енгізуге арналған ерітінді тек қана бірреттік пайдалануға арналған. Дәрілік затты енгізу ампуланы ашқаннан кейін бірден іске асырылуы тиіс. Ампуланың ішіндегісінің пайдаланылмаған қалдығы жойылуы тиіс.

Цитиколин изотониялық венаішілік физиологиялық ерітіндімен және глюкоза ерітіндісімен үйлесімді.

Цитиколин L-дигидроксифенилаланиннің (L-ДОФА) әсерін күшейтеді.

Центрофеноксинмен және құрамында меклофеноксат бар басқа да дәрілік заттармен бір уақытта тағайындауға болмайды.

Арнайы ескертулер

Педиатрияда қолданылуы

Дәрілік затты балаларда қолдану тәжірибесі шектеулі.

Жүктілік немесе лактация кезінде

Цитиколинді жүктілік кезінде қолдану бойынша жеткіліксіз деректер бар. Дәрілік зат жүктілік кезінде өте қажет болса ғана тағайындалуы тиіс. Дәрілік затты емнен анаға деген күтілетін пайдасы шаранаға зор қауіптен жоғары болған жағдайда ғана тағайындауға болады.

Дәрілік затты лактация кезеңінде қолдану қажет болғанда емшек емізуді тоқтату керек, себебі цитиколиннің емшек сүтімен бөлініп шығуы туралы деректер жоқ.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Цитиколин жекелеген жағдайларда көлік құралдарын басқару және механизмдермен жұмыс істеу қабілетіне ықпал етуі мүмкін (орталық жүйке жүйенің тарапынан кейбір жағымсыз реакциялар).

Қолдану бойынша ұсынымдар

Дозалау режимі

Ұсынылатын доза тәулігіне 500 мг-ден 2000 мг-ге дейін құрайды.

Доза ауру симптомдарының ауырлығына тәуелді болады.

Енгізу әдісі және жолы

Дәрілік затты бұлшықет ішіне, вена ішіне баяу енгізуге (енгізілетін дозаға байланысты 3-тен 5 минутқа дейін) немесе вена ішіне тамшылатып енгізуге (енгізу жылдамдығы минутына 40-60 тамшы) болады.

Вена ішіне енгізу жолы бұлшықет ішіне енгізуге қарағанда дұрыс. Бұлшықет ішіне енгізу кезінде дәрілік затты бір орынға қайта енгізуден аулақ болу керек.

Емдеу ұзақтығы

Емдеу ұзақтығы ауру симптомдарының ауырлығына байланысты.

Артық дозалану жағдайында қабылдау қажет шаралар

Дәрілік заттың төмен уыттылығына байланысты артық дозалану жағдайлары сипатталмаған.

Артық дозаланған жағдайда симптоматикалық ем көрсетілген.

Жағымсыз реакциялардың сипаттамасы

Өте сирек (0.001% астам, алайда 0.01% кем пациенттерде кездеседі):

- елестеулер

- бас ауыруы, бас айналуы

- артериялық гипертензия, артериялық гипотензия

- жүрек айнуы, құсу, диарея

- гиперемия, есекжем, бөртпе, пурпура

- ентігу

- қалтырау, ісіну.

Енгізу орнында жергілікті құбылыстардың болуы мүмкін.

Көрсетілген жағымсыз реакциялар немесе медициналық қолдану жөніндегі нұсқаулықта көрсетілмеген реакциялар пайда болса дәрігерге бару керек.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Бір ампуланың ішінде (500 мг/4 мл және 1000 мг/4 мл дозалар үшін)

белсенді зат - цитиколин (натрий цитиколині түрінде) 500.00 мг (522.52 мг) немесе 1000.00 мг (1045.00 мг);

қосымша заттар: 1 М натрий гидроксидінің ерітіндісі немесе 1 М хлорсутек қышқылы - рН 7.2±0.1 дейін, инъекцияға арналған су – 4 мл дейін.

Мөлдір, түссіз немесе аздап сарғыш түсті ерітінді.

Шығарылу түрі және қаптамасы

Сындыруға арналған сақинасы бар гидролитикалық I класты түссіз шыны ампулаларда 4 мл ерітіндіден.

Ампулаға заттаңба жабыстырады.

Пішінді ұяшықты қаптамаға 5 ампуладан.

1 немесе 2 пішінді ұяшықты қаптамадан медициналық қолдану жөніндегі қазақ және орыс тіліндегі нұсқаулықпен бірге картон қорапшаға салынады.

3 жыл.

Жарамдылық мерзімі өткеннен кейін қолдануға болмайды!

Жарықтан қорғалған жерде, 25оС-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы.

Өндіруші туралы мәліметтер

«Лекфарм» ЖШБҚ,

Беларусь Республикасы, 223141, Логойск қ., Минская к-сі, 2а үй, 301 б.,

тел./факс: +375 1774 53801,

электронды пошта: office@lekpharm.by

Тіркеу куәлігінің ұстаушысы

«Лекфарм» ЖШБҚ,

Беларусь Республикасы, 223141, Логойск қ., Минская к-сі, 2а үй, 301 б.,

тел./факс: +375 1774 53801,

электронды пошта: office@lekpharm.by

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, факс, электронды пошта)

Қазақстан Республикасындағы «Лекфарм» ЖШБҚ өкілдігі,

050000, Алматы қ., Бостандық ауданы, Әл-Фараби даңғылы 7,

"Нұрлы Тау" БО, 4а корпусы, 55 кеңсе,

тел. 8(727)-3110454, факс 8(727)-3110455,

электронды пошта: amangul-62@mail.ru