Ципрофлоксацин-DF (5 мл)

Ципрофлоксацин-DF

Ципрофлоксацин

0,3% 5 мл және 10 мл көзге тамызатын дәрі

1 мл ерітіндінің құрамында

белсенді зат – 3,33 мг ципрофлоксацин гидрохлориді (3,00 мг ципрофлоксацинге баламалы),

қосымша заттар: бензалконий хлориді, натрий дигидрофосфат дигидраты, сорбитол, инъекцияға арналған су.

Сәл сарғыш-жасылдау, мөлдір ерітінді.

Сезім ағзалары. Офтальмологиялық және отологиялық ауруларды емдеуге арналған препараттар. Микробқа қарсы препараттар. Ципрофлоксацин.

АТХ коды S03АА07

Фармакокинетикасы

Препаратты жергілікті қолдану кезінде әсер ететін заттардың емдік концентрациясы көз тіндеріне және биологиялық сұйықтығына жетеді.

Көзге тамытатын дәріні пайдалану кезінде плазмада Cmax – 5 нг/мл азырақ. Орташа концентрация - 2,5 нг/мл төмен.

Фармакодинамикасы

Фторхинолондар тобына жататын әсер ету аумағы кең микробтарға қарсы дәрі. Бактерияға қарсы әсерге ие, механизмі ДНҚ синтезін, жасушалардың өсуін және бөлінуін бұзумен бактериялық ДНҚ-гиразаны басудан туындаған.

Грамтеріс бактерияларға қатысты жоғары белсенділікпен микробқа қарсы кең ауқымды әсерге ие және анаэробтарға анағұрлым айқын әсер етпейді. Грамтеріс бактериялардың көпшілігіне қатысты жоғары белсенді: Pseudomonas aeruginosa, Haemophilus influenzae, Escherichia coli, Shigella spp., Salmonella spp., Neisseria meningitidis, N. gonorrhoeae. Staphylococcus spp. көптеген штаммдарына (пенициллиназаны, метицилин-резистентті өндіретін және өндірмейтін), Enterococcus spp. кейбір штаммдарына, сондай-ақ Campylobacter spp., Legionella spp., Mycoplasma spp., Chlamidia spp., Mycobacterium spp. қатысты белсенді. Ципрофлоксацин бета-лактамаза өндіретін бактерияларға қатысы белсенді.

Көздің препаратқа сезімтал қоздырғыштардан туындаған инфекциялық-қабыну ауруларында:

- көз және оның қосалқыларының инфекциялары: конъюнктивит, кератит, мөлдір қабық ойық жарасы

- офтальмологияда операциядан кейінгі инфекциялық асқынулар профилактикасы

Егде жастағы пациенттерді қоса алғанда, ересектерде қолданылуы.

Мөлдір қабық ойық жарасы:

1-ші күні: алғашқы 6 сағат ішінде әр 15 минут сайын зақымданған көзге 1 тамшыдан, кейін ояу сағаттарында әр 30 минут сайын 1 тамшыдан тамызады.

2-ші күні: ояу кезде 4 сағат сайын зақымданған көзге 1 тамшыдан тамызады.

3-ші және 14-шы күндер аралығында ояу кезде әр 4 сағат сайын ауырған көзге 1 тамшыдан тамызады.

Егер емді 14 күннен артық жалғастыру қажет болса, дозалау сызбасы дәрігермен анықталады.

Көз (көздердің) және оның қосалқыларының инфекциялары:

Стандартты доза күніне зақымданған көздің конъюнктивальді қалтасына әр 4 сағат сайын 1-2 тамшыны құрайды. Ауыр инфекциялар кезінде доза әр 2 сағат сайын 1-2 тамшыны құрауы мүмкін. Жағдайы жақсарғаннан кейін дозаны және инстилляция жиілігін азайтады. Емнің ұзақтығы 5-10 күннен аспауы тиіс.

Инстилляциядан кейін қабақты немесе мұрын-көз жасы окклюзиясын қатты жабу ұсынылады. Бұл көзге тамызған дәрінің жүйелік сіңуін төмендетеді, жүйелі жанама әсерлердің мүмкіндігін азайтады.

Басқа жергілікті офтальмологиялық препараттармен қатарласқан ем жағдайында оларды қолдану арасында 10-15 минут аралықты сақтау қажет.

Балалар. 8 жастан асқан балалар үшін ұсыналатын доза ересектердегідей. Құты ұштығы мен ерітіндінің ластануының алдын алу үшін абай болу және құтының ұштығын қабаққа, көз айналасына немесе басқа беткейлерге тигізбеу қажет.

Көру мүшесі тарапынан бұзылулар

Жиі:

- жайсыздықты сезіну, ақ өңез (препаратты жиі қолдану кезінде мөлдір қабақтың ойық жарасы бар пациенттерде байқалды).

Өңез әдетте емдеу басталғаннан кейін 24 сағаттан 7 күнге дейінгі кезеңде пайда болды және бірден немесе ем басталғаннан кейін 13 күн ішінде жойылды.

• бөгде зат тұру сезімі, қабыршық/кристалликтердің түзілуі

• қышыну, ашу, жеңіл ауырсыну және конъюнктива гиперемиясы

Бірлі-жарым жағдайларда:

- мөлдір қабақтың боялуы, кератопатия/кератит

- аллергиялық реакциялар

- қабақтың ісінуі, көзден жас ағу, көздің қарығуы, мөлдір қабықтың инфильтрациясы немесе көру өткірлігінің нашарлауы

Басқа:

- ауыздағы жағымсыз дәм, жүректің айнуы, бастың ауруы

- дерматит

- суперинфекцияның дамуы

- хинолондар және ертіндінің қосымша ингредиенттеріне аса жоғары сезімталдық

- көздің вирустық және зеңдік аурулары

- 8 жасқа дейінгі балалар

Кейбір жүйелік хиголиндарды бір мезгілде қолдану қан плазмасында теофиллин концентрациясының артуына әкеледі, кофеин метаболизміне әсер етеді және варфарин және оның туындылары сияқты пероральді антикоагулянттардың әсерін күшейтеді.

Жүйелік ципрофлоксацинмен бірге циклоспоринді қабылдаған пациенттердің қан сарысуында уақытша креатинин деңгейі артқан.

Ципрофлоксацин-DF сілтілік ерітінділермен (негіздермен) үйлеспейді.

Көз тамшы дәрісі түріндегі ерітінді көзішілік инъекцияға арналмаған. Басқа да офтальмологиялық дәрілік заттарды қолданған кезде оларды енгізу арасындағы аралық кем дегенде 5 минутты құрауы тиіс. Теріде бөртпенің алғашқы белгілері немесе жоғары сезімталдық реакциясының басқа белгілері пайда болған кезде, Ципрофлоксацин-DF препаратын қолдануды тоқтату керек.

Жүйелі түрде хинолондарды пайдаланатын пациенттерде, ал кейбір пациенттерде бірінші дозадан кейін күрделі және кейде өлімге әкелетін аса жоғары сезімталдық реакциялары (анафилаксиялық реакциялар) туралы хабарланды. Кейбір реакциялар жүрек-қан тамыр коллапсы, естен тану, шаншу, жұтқыншақ немесе бет ісінулері, диспноэ, есекжем және қышынумен қатар жүрген. Ауыр анафилаксиялық реакциялар эпинефринді және басқа реанимациялық шаралармен, оның ішінде оттегі терапиясын, вена ішіне құю, антигистаминдік препараттарды, кортикостероидтарды, тамырларды тарылтатын аминдерді, вена ішіне енгізу клиникалық көрсетілімге сәйкес өкпенің жасанды желдетілуін кезек күттірмейтін шұғыл емдеуді талап етеді.

Хинолондар класындағы дәрілік заттарды жүйелі қолдану кезінде тікелей күн сәулесінің әсеріне ұшыраған пациенттерде ауырлық дәрежесі орташадан ауырға дейінгі ауыр күнге күю түріндегі фотоуыттылық әсері анықталды. Күн сәулесінің шамадан тыс әсерінен сақтану керек. Фотоуыттылық пайда болған жағдайда емді тоқтату керек.

Ципрофлоксацинді басқа бактерияға қарсы препараттар сияқты ұзақ қолдану, зеңді қоса алғанда, оған сезімтал микроорганизмдердің өсуін белесендіруі мүмкін.

Суперинфекция туындаған кезде, тиісті ем жүргізу керек.

Ципрофлоксацин-DF көзге тамызатын дәрінің құрамында көзді тітіркендіруі мүмкін консерванты сияқты бензалконий хлориді бар. Сондай-ақ бұл консерванттың жұмсақ жанаспалы линзаларды түссіздендіретіні белгілі, сондықтан Ципрофлоксацин-DF препаратын қолданар алдында пациент жанаспалы линзаны көзден алып қоюы және Ципрофлоксацин-DF препараты инстилляциясынан кейін жанаспалы линзаларды қайтадан киер алдында, 15 минут күте тұруы керек.

Жалпы қабылданған ереже бойынша, жанаспалы линзаларды көз инфекциясы болған жағдайда қолданған дұрыс емес.

Жүктілікті және лактация кезінде препаратты қолдану

Жүкті әйелдерге бақыланатын зерттеулер жүргізілмегендіктен, жүктілік кезінде Ципрофлоксацин-DF препаратын тек ана үшін күтілген пайда шарана үшін қауіптен артқан жағдай да ғана тағайындалады.

Жергілікті қолданудан кейін ципрофлоксациннің емшек сүтіне өту-өтпеуі туралы ақпарат жоқ.

Сондықтан бала емізетін аналарға Ципрофлоксацина-DF препаратын тағайындағанда сақ болу керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Басқа тамшыларды қолдану кезіндегі сияқты, уақытша анық көрмеу немесе көздің басқа да бұзылулары көлік құралын немесе басқа механизмдерді басқаруға әсер етуі мүмкін. Егер анық көрмеген жағдайда, пациент көлік құралын немесе басқа механизмді басқаруды көру қабілеті қалпына келмейінше қоя тұру керек.

Көзге жергілікті қолдану кезінде Ципрофлоксацин-DF препаратымен артық дозаланған жағдайда, көзді жылы сумен жуып-шаю керек.

5 мл және 10 мл препараттан, алғаш ашылуы бақыланатын қалпақшалармен тығындалған пластик тамшылатқыш-құтыларда. Құты медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.

Жарықтан қорғалған жерде, 25С-ден аспайтын температурада сақтау керек.

Мұздатып қатыруға болмайды.

Балалардың қолы жетпейтін жерде сақтау керек!

3 жыл

Құты ашылғаннан кейінгі препараттың қолданылу кезеңі – 28 күн

Жарамдылық мерзімі өткеннен кейін қолдануға болмайды.

Рецепт арқылы

«DOSFARM» ЖШС, Қазақстан, 050034, Алматы қ., Чаплыгин көш., 3, тел.: (727) 253-03-88

DOSFARM» ЖШС, Қазақстан, 050034, Алматы қ., Чаплыгин көш., 3

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«DOSFARM» ЖШС, Қазақстан Республикасы, Алматы қ., Чаплыгин көш., 3, тел.: (727) 253-03-88, эл. адрес: dosfarm@dosfarm.kz