Ципринол ®

• русский
• қазақша

• Скачать инструкцию медикамента

Саудалық атауы

ЦИПРИНОЛ

Халықаралық патенттелмеген атауы

Ципрофлоксацин

Дәрілік түрі

Инфузияға арналған 2 мг/мл ерітінді

Құрамы

200 мл препараттың құрамында

белсенді зат – 400 мг ципрофлоксацин,

қосымша заттар: натрий лактаты, натрий хлориді, хлорсутек қышқылы, инъекцияға арналған су.

Сипаттамасы

Механикалық қосылыстардан бос дерлік, сарғыш-жасылдау түсті, мөлдір ерітінді.

Фармакотерапиялық тобы

Микробтарға қарсы препараттар – хинолон туындылары. Фторхинолондар.

АТХ коды J01MA02

Фармакологиялық қасиеттері

Фармакокинетикасы

200 мг немесе 400 мг ципрофлоксациннің көктамырішілік (к/і) инфузиясынан кейін, ең жоғарғы концентрация деңгейіне жететін уақыты (Tmax) – 60 мин, ең жоғарғы концентрациясы тиісінше (Сmax) - 2,1 мкг/мл және 4,6 мкг/мл.

Енгізгеннен кейінгі алғашқы екі сағатта, несептегі ципрофлоксациннің концентрациясы оның 100 еселенген сарысулық концентрациясымен бірдей дерлік. Жартылай шығарылу кезеңі 3-5 сағатқа жуықты құрайды.

Ципрофлоксацин плазманың ақуыздарымен 19-дан 40%-ға дейін байланысады. Пероральді немесе көктамырішілік енгізуден кейінгі сырттай солай көрінетін таралу көлемі стационарлық жағдайда 1,74 және 5,0 л / кг аралығында болады, бұл ципрофлоксациннің ағзаларға кеңінен сіңетіндігін көрсетеді.

Ципрофлоксациннің емдік концентрациялары әртүрлі тіндерде анықталған: бронхтардың шырышты қабығында, өкпеде, плевральдық экссудатта, өтте, перитонеальді сұйықтықта, жыныс мүшелерінде және гениталияда, қуық асты безінде, сүйектерде, синовиальды тіндерде және сұйықтықта, теріде және көздердің алдыңғы камерасында.

Ципрофлоксацин бауырда, өт қабында, өт жолдарында, бүйректерде және қуық асты безінің сөлінісінде жоғары концентрацияларға жетеді.

Цереброваскулярлы сұйықтықтағы концентрациясы негізінен, сарысудағы концентрацияның жартысын құрайды. Сонда да, менингит кезінде енуі жақсырақ және оның концентрациясы энтеробактериялардың көбін бәсеңсітетін ең төменгі концентрациясынан (ЕБК) асып түседі.

Ципрофлоксациннің тіндердегі концентрациялары төмендегі кестеде көрсетілген:

Қабынған және қабынбаған тіндердегі ципрофлоксациннің концентрациясын салыстырғанда, қабынған кездегі ципрофлоксациннің мөлшері едәуір жоғары. Бұл ципрофлоксациннің лейкоциттер мен жасушалық дериваттармен байланысуының нәтижесі болуы ықтимал. Лейкоциттер жиектеліп, жұқпа пайда болған жерге жиналғанда, қабыну реакциясы мен осы жердегі жасушалардың бұзылысы және байланыс орындарының саны да көбейеді, бұл да белсенді заттың қабынған тіндердегі таралуының ұлғаюына алып келеді.

Бұл қасиеттің маңызды клиникалық салдары бар: біріншіден, осындай таралудың және жоғарғы тіндік және жасушалық енудің себебінен, ципрофлоксациннің 100 мг-ден 500 мг-ға дейінгі дозасында қан сарысуындағы деңгейі β-лактамдық антибиотиктердің немесе аминогликозидтердің салыстырмалы дозаларынан едәуір төмен; екіншіден, жасушаларға кеңінен енгендіктен, микобактериялар мен Legionella pneumophila сияқты жасушаішілік қоздырушыларға қатысты ципрофлоксацин өте белсенді.

Ципрофлоксацин плацентадан өтеді, ана сүтіне бөлінеді.

Ципрофлоксацин ағзадан, негізінен, өзгермеген түрде шығарылады.

Ішке қабылдағаннан кейін, енгізілген дозаның 8-ден 20%-ға дейінгісі метаболиттер түрінде бүйректермен шығарылады. Ципрофлоксацин және оның метаболиттері, жетерліктей аз мөлшерде, өтпен шығарылады. Метаболиттердің аз бөлігі асқазан-ішек жолдарынан қайта сіңеді. Ципрофлоксациннің осылай екі қайтара шығарылуы оның фармакокинетикасына айтарлықтай әсер етеді. Жартылай ыдырау кезеңінің салыстырмалы қысқалығы да (3 - 5 сағатқа дейін) осымен түсіндіріледі. Элиминацияның бұл түрі бауыр мен бүйрек қызметтерінің әлсіздігінде, ципрофлоксациннің қан плазмасында жиналып қалуын болдырмайды.

Хинолондардың метаболизмдік биотрансформациясы 2 орында жүреді: пиперазиндік сақинаның 7-қалпындағы модификация және сақинаның 3-қалпындағы глюкуронидтер қалыптасуы. Ципрофлоксацин, негізінен, несеппен шығарылады. 48 сағаттан кейін, өзгерілмеген препараттың 30-дан 50% -ға дейінгісі және белсенді емес метаболиттердің 11-ден 12%-ға дейінгісі шығарылады. Осы уақытта, метаболиттердің 8%-ға дейінгісі нәжіспен шығарылады. Ципрофлоксациннің 5 мл/с құрайтын бүйректік клиренсі, шумақтық сүзіліс арқылы жүретін қалыпты клиренстен жоғары. Ципрофлоксациннің басым бөлігі бүйрек өзекшелері арқылы белсенді түрде шығарылуы ықтимал.

Фармакодинамикасы

Ципринол - антимикробтық кең ауқымды белсенділігі бар фторхинолон тобының синтетикалық химиятерапиялық препараты. Ципрофлоксациннің негізгі әсер ету механизмі - ақуыздардың синтезіне қажетті бактериялық ДНҚ репликациясына жауап беретін фермент - бактериядағы ДНҚ-гиразаның суббірліктерін тежеу болып табылады.

Ципрофлоксацин бактерияның жасушаларына қалыпты жағдайда да, репликация кезінде де әсер етеді. Ол грам-теріс бактериялардың басым бөлігіне және кейбір грам-оң бактерияларға бактерицидті әсер етеді.

EUCAST (The European Committee on Antimicrobial Susceptibility Testing) талабына сай ципрофлоксацинге сезімталдықтың ЕБК шекарасы (S) және төзімділігі (R) тиісінше ≤ 0.5 мкг/мл және > 1мкг/мл.

Жекелеген түрлер үшін сезімталдықтың ЕБК шекарасы:

Acinetobacter spp., Staphylococcus spp.

S ≤ 1 мкг/мл; R > 1 мкг/мл

Streptococcus pneumoniae

S ≤ 0.125 мкг/мл; R > 1 мкг/мл

Haemophilus influenzae, Moraxella catarrhalis

S ≤ 0.5 мкг/мл; R > 0.5 мкг/мл

Neisseria gonorrhoeae, Neisseria meningitidis

S ≤ 0.03 мкг/мл; R > 0.06 мкг/мл

Бактериялардың жекелеген түрлерінің сезімталдығы географиясына және уақыт өтуіне байланысты өзгереді. Жекелеген бактериялардың сезімталдығы туралы жергілікті ақпарат өте маңызды, әсіресе ауыр жұқпаларды емдеуде.

Ципрофлоксацинге төзімділік топоизомераза мутациясына байланысты (бірнеше сатыда) дамиды. Егер гираза мутациясы жүрсе хинолондар арасында айқаспалы тұрақтылық дамиды. Бір жалғыз мутация клиникалық төзімділікке алып келмейді. Алайда көптеген мутация бұл кластың барлық препараттарын клиникалық елеулі төзімділікке алып келуі мүмкін.

Ципрофлоксацинге төзімділік дамуына жауапты екі басқа механизміне белсенді зат үшін жасуша қабырғасы өткізгіштігі және препараттың бактериялар жасушасынан тартылып шығарылуы дәрежесінің төмендеуі жатады.

Төмендегі кестеде клиникалық маңызы бар бактериялардың ципрофлоксацинге сезімталдығына қатысты шамамен таралуы келтірілген:

* төзімділігі > 50% бір немесе бірнеше елдерде

Метициллин-төзімді алтын түсті стафилококктен туындаған (МТАТС) жұқпаларды қоздырғыш сезімталдығы дәлелденсе ғана ципрофлоксацинмен емдеуге болады

.** КАБЛ- кең ауқымды бета-лактамаза

Қолданылуы

Ципрофлоксацинге сезімтал микроорганизмдерден туындаған жұқпалы-қабыну ауруларында:

- несеп шығару жолдарының жұқпалы- қабыну ауруларында: несеп

жолдарының үстіңгі және астыңғы бөліктерінің асқынған және асқынбаған

жұқпалары (уретрит, цистит, эпидидимит, простатит, пиелонефрит)

- тыныс алу жолдарының жұқпалы- қабыну ауруларында: пневмония

(пневмококкты пневмониядан басқасы), жедел бронхит және созылмалы

бронхиттің өршуінде, бронхоэктаздық ауруда, муковисцидоздың

өршуінде (грам-теріс бактериялардан туындаған, әсіресе Pseudomonas aeruginosa)

- грам-теріс бактериялардан туындаған (Pseudomonas aeruginosa-ны

қоса) ЛОР- мүшелерінің жұқпалы-қабыну ауруларында:

жедел ортаңғы отитте, синуситте, мастоидитте

- кіші жамбас астауының және жыныс мүшелерінің

(сальпингит, эндометрит, оофорит, тубулярлы абсцесс және

пельвиоперитонит) жұқпалы-қабыну ауруларында

- іш қуысы ағзаларының жұқпалы-қабыну ауруларында:

перитонит, іш қуысының абсцессі, холецистит, холангит (метронидазолмен

немесе клиндамицинмен біріктіре отырып)

- тірек-қозғалыс аппаратының жұқпалы-қабыну ауруларында:

остеомиелит, сепсистік артрит

- тері мен жұмсақ тіндердің жұқпалы-қабыну ауруларында: жұқпаланған

ойық жаралар, жұқпаланған жарақаттар, абсцесстер, бос шелді тінінің

қабынулары (целлюлит), сыртқы есту жолдарының жұқпалары,

жұқпаланған күйіктерде

- асқынған жалпы жұқпалы-қабыну ауруларында: сепсис, жұқпасы бар

нейтропенияға шалдыққан науқастар (басқа антибиотиктермен біріктіре

отырып)

- Bacillus anthracis әсерінен туындаған сібір жарасы жұқпасына шалдыққан науқастарды емдеуде және алдын алуда

- хирургиялық араласулар кезінде, негізінен, урологиялық, асқазан-ішек

жолдарындағы (метронидазолмен біріктіре отырып) және ортопедиялық

араласуларда алдын алу

• нейтропениясы бар науқастарда жұқпаның алдын алуда және

иммунодепрессанттармен емдеу аясында.

Қолдану тәсілі және дозалары

60 минут бойына көктамыр ішіне құю ұсынылады.

Келесі дозалау схемасы ұсынылады:

Несеп шығару жолдарының асқынбаған жұқпаларында

200 мг-ден тәулігіне 2 рет.

Несеп шығару жолдарының асқынған жұқпаларында

400 мг-ден тәулігіне 2 рет.

Төменгі тыныс алу жолдарының жұқпаларында

400 мг-ден тәулігіне 2 рет. Ауыр жұқпаларда және Streptococcus pneumoniaе туындатқан жұқпаларда 400 мг-ден әр 8 сағат сайын.

Іш қуысының жұқпаларында

400 мг-ден тәулігіне 2-3 рет антианаэробты препараттармен біріктіріле отырып.

Терінің, жұмсақ тіндердің, сүйектер мен буындардың жұқпаларында

400 мг-ден тәулігіне 2 рет, өте ауыр жұқпаларда 400 мг-ден әр 8 сағат сайын.

Созылмалы бактериалды простатитте

400 мг-ден тәулігіне 2 рет.

Қызбалы нейтропенияға шалдыққан науқастарды эмпириялық емдеуде

400 мг-ден тәулігіне 3 рет (басқа антибиотиктермен біріктіре отырып).Басқа жұқпаларда

200-ден 400 мг –ге дейін тәулігіне 2 рет. Ауыр жұқпаларда (мысалы Pseudomonas aeruginosa туындатқан) әр 8 сағат сайын 400мг-ден болуы мүмкін.

Жедел соз

Бір реттік 100 мг дозасы жеткілікті.

Хирургиялық араласулардағы жұқпалардың алдын алуда

Операцияға 30-60 минут дейін көктамыр ішіне 200 мг-ден 400мг-ге дейін, операция ұзақтығы 4сағаттан асатын болса сол дозада қайталап енгізеді

Bacillus anthracis әсерінен туындаған сібір жарасы жұқпасы бар науқстарда алдын алуда және емдеуде

400 мг-ден тәулігіне 2 рет ересектерге және 10 мг/кг дене салмағына күніне 2 рет балаларға. Емдеудің жалпы ұзақтығы 60 күн.

Емдеу ұзақтығы аурудың ауырлығына, сондай-ақ клиникалық және бактериологиялық мәліметтерге байланысты.

Емдеуді көктамырішілік инфузиялардан бастап, кейін таблеткаларды пероральді қабылдауға ауысады.

Емдеудің орташа ұзақтығы 3-14 күнді құрайды, созылмалы простатит пен остеомелитте 4 - 6 апта немесе одан да ұзақ. Алайда науқастың жағдайы қалай көтеретін болады солай оны таблеткаларға ауыстыру керек.

Иммунтапшылығына шалдыққан науқастарда емдеуді бүкіл нейтропения кезеңінде жүргізеді.

Егде жастағы емделушілерде дозаны креатинин клиренсіне, аурудың түрі мен дәрежесіне байланысты төмендетеді.

Бүйрек қызметі ауыр бұзылған науқастар

Егер креатинин клиренсі 20 мл / мин (0,33 мл/с төмен болса; креатининнің сарысулық конентрациясы 400 мкмоль /л)-ден жоғары болса, әдеттегі дозаны тек күніне бір рет немесе тәуліктік дозаның жартысын күніне екі рет тағайындау керек.

Бүйрек жеткіліксіздігінің соңғы сатысындағы және тұрақты гемодиализдегі науқастарда 24 сағат ішіне ең жоғарғы доза 500 мг құрайды. Гемодиализ кезінде ципрофлоксациннің жойылуы салыстырмалы түрде көп болмауына байланысты препараттың гемодиализден кейін орынын толтырудың керегі жоқ.

Перитонитке шалдыққан амбулаторлық перитонеальді диализдегі емделушілерге ципрофлоксацинді интраперитонеальді 50 мг/л диализат дозасында тәулігіне 4 рет енгізуге болады.

Жағымсыз әсерлері

Жиі (≥1/100 дейін <1/10)

-жүрек айнуы, диарея

- бөртпе

Жиі емес (> 1 / 1, 000, <1 / 100):

- трансаминаз және сілтілік фосфатазалар белсенділігі жоғарылауы,

қан сарысуындағы билирубин, креатинин және мочевина

жоғарылауы

- эозинофилия, лейкопения

- дәм сезудің және иіс сезудің бұзылуы, бастың ауруы, бастың айналуы,

шаршағыштық, ұйқының бұзылуы

- құсу, абдоминальді ауырулар, метеоризм, тәбеттің жоғалуы

-қышыма, макулопапулезді бөртпе, есекжем

- артралгия

- ұзақ уақыт қолдану тұрақты бактериялар мен зеңдердің (жалған жарғақшалы колит, кандидоз) шектен тыс жылдам өсуіне алып келуі мүмкін

- енгізу орнындағы ауыру мен ісіну, тромбофлебит

- астения, қозғыштық, сананың шатасуы

Сирек (> 1 / 10, 000, <1 / 1, 000):

- гиперкалиемия, кристаллурия және гематурия

- гиперурикемия, гипергликемия

- тахикардия, жүрек ырғағының бұзылуы

- анемия, гранулоцитопения, лейкоцитоз, протромбин деңгейінің өзгеруі, тромбоцитопения, тромбоцитоз

-тершеңдік, парестезия, гипестезия, дірілдеу, құрысулар

- көрудің бұзылуы (диплопия, түсті бұзып көру)

- құлақтағы шуыл, естудің қысқа мерзімге бұзылуы (ішінара, жоғары жиілікте)

-ентігу, көмейдің ісінуі

- жалған жарғақшалы колит

- гломерулонефрит, дизурия, полиурия, несеп іркілуі, альбуминурия,

уретральді қан кету, бүйректің азот бөлетін қызметінің төмендеуі,

бүйрек жеткіліксіздігіне өтетін интерстициальді нефрит,

- жарыққа сезімтал реакциялар

- миалгия, буындар қабынуы

-бас сақинасы, артериялық қысым төмендеуі, естен тану, ысынулар,

шеткергі ісіну

- QT аралығының ұзаруы

- церебралдық артериялардың тромбозы

- дәрі-дәрмектік қызба, аяқ-қолдың, арқа және кеуде қуысының ауыруы

- бірінші дозалардан кейін-ақ пайда болуы мүмкін өте жоғары сезімталдық реакциялары, анафилактикалық реакциялар (бет ісінуі, Квинке ісінуі, тыныс алудың қиындауы, дамитын шок)

- холестатикалық сарғаю

-галлюцинациялар, үрейлену, түнгі шым-шытырық түстер, депрессияӨте сирек(<1 / 10, 000), оның ішінде жекелеген мәлімдемелер:

- амилазалар және липазалар деңгейі жоғарылауы

- гемолитикалық анемия, панцитопения, агранулоцитоз, сүйек кемігі қызметінің бәсеңдеуі

- дәм сезуді жоғалту (әдетте қайтымды), жүріс-тұрыстың орнықсыздығы,

бассүйек ішілік гипертензия, атаксия, гиперестезия, құрысулар

- нүктелік қан құйылу, папулалар, геморрагиялық кисталар, қабыршақтар (васкулит нәтижесінде), экссудативті мультиформалы эритема, түйінді эритема, Стивенс-Джонсон синдромы, уытты эпидермальді

некролиз (Лайелл синдромы), анафилактикалық шок

- тендинит (ішінара, ахиллотендинит), сіңір үзілуі,

миастения, миастения асқынуы

- васкулит

- сарысу ауруына ұқсас реакциялар

- гепатит, гепатонекроз (өмірге қауіп төндіретін бауыр жеткіліксіздігіне дейін үдейтін кейбір ерекше жағдайларда)

- психоз, кейде суицидалдық тенденциялары бар

Қолдануға болмайтын жағдайлар

- ципрофлоксацинге немесе хинолондар тобының басқа препараттарына немесе препараттың кез келген басқа компоненттеріне жоғары сезімталдық

- жүктілік және лактация кезеңі (Bacillus anthracis туындаған сібір жарасының өкпедегі түрін емдеу мен алдын алудан басқа )

- балалық және 18 жасқа дейінгі жасөспірімдік жас (муковисцидозы бар жасы 18 дейінгі емделушілердегі ципрофлоксацин қауіпсіздігі туралы бар деректердің талдауы шеміршек немесе буындардың зақымдануын анықтамады)

- тизанидинмен бір мезгілде қабылдау (артериялық қысымның айқын төмендеу қаупі (АҚ), ұйқышылдық,сылбырлық)

- глюкозо-6-фосфатдегидрогеназ жеткіліксіздігі- жалған жарғақшалы колит

- айқын бүйректік (КК<30 мл/мин) немесе бауыр жеткіліксіздігі

Сақтықпен:

- ми тамырларының айқын атеросклерозы, бүйректік немесе бауыр жеткіліксіздігі, глюкокортикостероидтармен емдеу

- орталық жүйке жүйесі аурулары (эпилепсия, құрысуға дайындықтың төменгі шегі, сыртартқысындағы құрысу синдромы, ми қан айналымының бұзылуы, психикалық аурулар )

Дәрілермен өзара әрекеттесуі

Ципрофлоксацинді теофиллинмен немесе кофеинмен бір мезгілде қолдану сарысуда теофиллин мен кофеин деңгейінің жағымсыз ұлғаюын туындатуы мүмкін және екі препараттың жағымсыз әсері қаупін жоғарылататын олардың шығарылу мерзімін ұзартуы мүмкін.

Ципрофлоксацинді циклоспоринмен бірмезгілде тағайындағанда циклоспориннің нефроуыттық әсері күшейеді.

Сарысудағы теофиллин және циклоспорин концентрациясы мониторингін жүргізу ұсынылады. Ципрофлоксацинді және пероральді антикоагулянттарды бір мезгілде қабылдау қан кету кезеңін ұзартуы мүмкін, сондықтан протромбинді уақытқа бақылау жүргізу ұсынылады.

Басқа микробқа қарсы препараттармен (бета-лактамдар, аминогликозидтер, клиндамицин, метронидазол) үйлестіргенде әдетте синергизм бақыланады: препарат Pseudomonas spp. туындаған жұқпаларда азлоциллинмен және цефтазидиммен біріктірілімде; мезлоциллинмен, азлоциллинмен және басқа да бета-лактамды антибиотиктермен – стрептококкты жұқпаларда; изоксазолилпеницил-линдермен және ванкомицинмен –стафилококкты жұқпаларда; метронида-золмен және клиндамицинмен– анаэробты жұқпаларда табысты қолданылуы мүмкін.

Ципрофлоксацинмен ем уақытында кортикостероидтармен бір мезгілде ем қабылдаған емделушілерде сіңірлердің үзілу қаупі ұлғаяды.

Ципринол®, инфузияға арналған ерітіндіні тек үйлесімділігі нақты анықталған препараттармен қолдану керек.Ципрофлоксацинді фенитоинмен бір мезгілде қолдану фенитоиннің сарысулық деңгейінің жоғарылауына немесе төмендеуіне әкелуі мүмкін.

Гипогликемияға соқтыруы мүмкін глибенкламид әсері күшейтілуі мүмкін болғандықтан қант диабеті бар науқастарда ерекше сақтық керек.Кейбір қабынуға қарсы стероидты емес препараттарды (мысалы, фенбуфен) өте жоғары дозадағы хинолондармен бірмезгілде тағайындау құрысуларға алып келуі мүмкін.Ципрофлоксацин CYP1A2 ферменттерін тежейді, сондықтан ципрофлоксацинді CYP1A2 ферменттерімен (теофиллин, клозапин, такрин, ропинирол және тизанидин) метаболизденетін препараттармен бір уақытта қолдану олардың концентрацияларының жоғарылауына алып келуі мүмкін; бұл препараттармен артық дозалану белгілері дамуының қаупі мүмкіндігінен емделушілерді мұқият бақылау керек.

Ципрофлоксацин мен метотрексатты бір мезгілде қолдану метотрексат деңгейінің жоғарылауына алып келуі мүмкін. Метотрексаттың жоғары уыттылық қаупі бар, сондықтан бұл емделушілер мұқият бақылауда болуы тиіс.

Айрықша нұсқаулар

Ципрофлоксацин орталық жүйке жүйесі тарапынан күрделі реакциялар туындатуы мүмкін (құрысулар, бассүйек ішінің қысымы көтерілуі, суицидтік бағыттағы уытты психоздар, депрессия, бас айналуы, сананың шатасуы, күйгелектік), сондықтан егде жастағы науқастарға және орталық жүйке жүйесінің бұзылулары бар (эпилепсия, сыртартқысында құрысу ұстамасы, мидың қан айналымының бұзылулары, сал ауруы, психикалық аурулар) науқастарға үлкен сақтықпен тағайындау керек.

Бауырдың ауыр жеткіліксіздігі бар науқастардың жағдайы нашарлауы мүмкін.

Глюкозо-6-фосфатдегидрогеназ тапшылығы бар емделушілерде Ципринол препаратының тағайындалуы гемолитикалық анемияның дамуына себеп болуы мүмкін.

Препаратты алғаш рет қабылдағанда-ақ елеулі өте жоғары сезімталдықтың күрделі реакцияларын туындатуы мүмкін екендігі белгілі.

Ципрофлоксацинмен емделу кезеңінде, кристаллурия дамуын болдырмау үшін, несеп сілтіленуінен абай болу керек. Сонымен қатар, қалыпты диурезді сақтау үшін қажетті мөлшерде сұйықтықты қабылдауды қамтамасыз ету керек (диурезді қадағалай отырып).

Ципрофлоксацинмен емделу кезеңінде тікелей күн сәулесі мен ультракүлгін сәулелерінің жасанды көздерінен сақтану керек, өйткені хинолондар қабылдайтын емделушілерде фотосезімталдық дамуы мүмкін.

Ципринол препаратын қабылдау микроорганизмдердің тұрақтылығының жоғарылауына байланысты болуы мүмкін.

Ауыр және ұзаққа созылған диарея жағдайында жалған жарғақшалы колит диагнозы бар-жоғын анықтау керек. Бұл жағдайда Ципринол препаратымен емдеуді тоқтатып, тиісінше шаралар қолданылуы керек.

Хинолондармен емделу кезінде, әсіресе глюкокортикоидтермен емделген егде жастағыларда тендинит немесе тіпті сіңірлердің үзілуі туралы бірлі-жарым хабарламалар бар. Егер сіңірлерді бойлай ауыру білінсе немесе тендиниттің алғашқы белгілері байқалса, емдеуді тоқтату ұсынылады. Емделу кезінде және емделуден кейін бірден, емделушілер ауыр дене жаттығуларынан аулақ болуы керек. Емделу кезінде емделушілер алкогольді пайдаланбау керек .

Қосымша заттарға қатысты маңызды сақтану: к/і инфузияға арналған Ципринол препаратының 1 мл ерітіндісі құрамында 3.61 мг натрий бар, оны натрийі төмен емдәмдегі емделушілер ескеруі тиіс.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ципринол автомобиль басқаруға және механизмдермен жұмыс істеуге елеусіз ғана әсер етеді.Әдеттегі дозаларында, әсіресе емнің басында, дозаны ұлғайтқанда және алкогольді қатар қабылдауда реакциялардың жылдамдығына әсер етуі мүмкін. Емделушілер автомобиль басқару қабілетіне немесе механизмдермен жұмыс істеуге ем уақытында шек қойылатындығынан алдын ала хабардар етілуі тиіс.

Артық дозалануы

Симптомдары: жүрек айнуы, құсу, диарея, бас ауруы және бас айналуы, ал ауыр жағдайларда сананың шатасуы, тремор, елестеулер және құрысулар.

Емі: симптоматикалық, сұйықтықтың жеткілікті түсуін және несептің қышқылдануын қамтамасыз ету қажет (кристаллизациялануды тойтару үшін). Арнайы у қайтарғысы жоқ. Интоксикация кезінде гемодиализ клиникалық тиімділік көрсетпейді.

Шығарылу түрі және қаптамасы

Инфузияға арналған ерітінді, 2 мг/мл

200 мл препараттан резеңке тығынмен саңылаусыз тығындалған және алюминий қалпақшамен қаусырылған мөлдір шыныдан жасалған құтыға салынған.

1 құтыдан медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.

 

Сақтау шарттары

300С-ден аспайтын температурада, жарықтан қорғалған жерде сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін қолдануға болмайды.

Дәріханадан босатылу шарттары

Рецепт арқылы

Өндіруші

КРКА, д.д. Ново место, Словения

Шмарьешка 6, 8501 Ново место, Словения

Тіркеу куәлігінің иесі

КРКА, д.д., Ново Место, Словения

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

ҚР-дағы «КРКА, д.д. Ново место» өкілдігі

ҚР, 050059, Алматы қ., Әл-Фараби даңғылы, 19, 1б корпусы, 2-қабат

тел.: +7 (727) 311 08 09

факс: +7 (727) 311 08 12

www.krka.si