Цилапенем (порошок для приготовления раствора для инфузий, 0,5г/0,5г)

• русский
• қазақша

• Скачать инструкцию медикамента

Саудалық атауы

Цилапенем

Халықаралық патенттелмеген атауы

Жоқ

Дәрілік түрі

Инфузия үшін ерітінді дайындауға арналған 0.25 г/0.25 г, 0.5 г/0.5 г ұнтақ

Құрамы

Бір бөтелке ішінде

белсенді заттар: имипенем (имипенем моногидраты түрінде) –

0.25 г немесе 0.5 г,

циластатин (циластатиннің натрий тұзы түрінде) –

0.25 г немесе 0.5 г имипенем және циластатиннің

натрий тұзының қоспасы түрінде.

Сипаттамасы

Фармакотерапиялық тобы

Басқа да бактерияға қарсы бета-лактамды препараттар. Карбапенемдер. Имипенем және дегидропептидаза тежегіші.

АТХ коды J01DH51

Фармакологиялық қасиеттері

Фармакокинетикасы

Имипенемнің плазма ақуыздарымен байланысы – 20 %, циластатиндікі – 40 %. Көктамыр ішіне 250, 500 немесе 1000 мг дозада 20 минут бойы енгізу кезіндегі имипенем Cmax – тиісінше 10-24, 21-58 және 41-83 мкг/мл. Көктамыр ішіне 250, 500 немесе 1000 мг дозада 20 минут бойы енгізу кезінде циластатин Cmax – тиісінше 15-25, 31-49 және 56-80 мкг/мл. Организмнің көптеген тіндері мен сұйықтықтарына жылдам және жақсы таралады. Ең жоғары концентрацияларына плевра жалқығында, перитонеальді және интерстициальді сұйықтықтарда және репродуктивтік ағзаларда жетеді. Төмен концентрацияларда жұлын сұйықтығында анықталады. Ересектерде таралу көлемі – 0.23-0.31 л/кг, 2-12 жастағы балаларда – 0.7 л/кг, жаңа туған нәрестелерде – 0.4-0.5 л/кг. Имипенемнің өзекшелік сөлінісін циластатинмен бөгеу оның бүйректік метаболизмінің тежелуіне және несепте өзгермеген күйде жиналуына алып келеді. Циластатин N-ацетилді қосылымға дейін метаболизденеді. Көктамыр ішіне енгізу кезінде имипенем мен циластатиннің жартылай шығарылу кезеңі ересектерде 1 сағат, 2-12 жастағы балаларда 1-1.2 сағат; жаңа туған нәрестелерде имипенемнің жартылай шығарылу кезеңі 1.7-2.4 сағат; циластатиндікі 13.3-17.1 сағат құрайды. Шумақтық сүзіліс (2/3) және белсенді өзекшелік сөлініс (1/3) жолымен (10 сағат бойы 70-76 %) көбінесе бүйрекпен шығарылады; 1-2 %-ы өт арқылы нәжіспен және 20-25 %-ы бүйректен тыс жолмен (механизмі белгісіз) шығарылады. Гемодиализ арқылы жылдам және тиімді (73-90 %) шығарылады (3 сағаттық үзік-үзік гемофильтрация сеансы нәтижесінде алынған дозаның 75 %-ы шығарылады).

Фармакодинамикасы

Әсер ету ауқымы кең бета-лактамды антибиотик. Бактериялардың жасушалық қабырғасының синтезін бәсеңдетеді және кең ауқымды грамоң және грамтеріс, аэробты және анаэробты микроорганизмдерге қатысты бактерицидті әсер көрсетеді. Имипенем – карбапенемдер тобына жататын тиенамицин туындысы. Натрий циластатині бүйректе имипенемді метаболиздейтін фермент - дегидропептидазаны тежейді, бұл несеп шығаратын жолдарда өзгермеген имипенем концентрациясын едәуір ұлғайтады. Циластатиннің бактерияға қарсы өзіндік белсенділігі жоқ, бактериялардың бета-лактамазасын бәсеңдетпейді.

Цилапенем Pseudomonas aeruginosa, Staphylococcus aureus, Streptococcus faecalis және Bacteroides fragilis-ке қатысты белсенді. Бактериялық бета-лактамазаның ыдырауына төзімді, бұл оны бета-лактамды антибиотиктердің көпшілігіне төзімді Pseudomonas aeruginosa, Serratia spp. және Enterobacter spp. сияқты көптеген микроорганизмдерге қатысты тиімді етеді. Бактерияға қарсы өрісі іс жүзінде бүкіл клиникалық мәні бар патогенді микроорганизмдерді қамтиды. Грамтеріс аэробты: Achromobacter spp., Acinetobacter spp. (бұрынғы Mima - Herellea), Aeromonas hydrophila, Alcaligenes spp., Bordetella bronchicanis, Bordetella bronchiseptica, Bordetella pertussis, Brucella melitensis, Campylobacter spp., Capnocytophaga spp., Citrobacter spp. (соның ішінде Citrobacter diversus, Citrobacter freundii), Eikenella corrodens, Enterobacter spp. (соның ішінде Enterobacter aerogenes, Enterobacter agglomerans, Enterobacter cloacae), Escherichia coli, Gardnerella vaginalis, Haemophilus ducreyi, Haemophilus influenzae (бета-лактамаза түзетін штаммдарды қоса), Haemophilus parainfluenzae, Hafnia alvei, Klebsiella spp. (соның ішінде Klebsiella oxytoca, Klebsiella ozaenae, Klebsiella pneumoniae), Moraxella spp., Morganella morganii (бұрынғы Proteus morganii), Neisseria gonorrhoeae (пенициллиназа түзетін штаммдарды қоса), Neisseria meningitidis, Yersinia spp. (бұрынғы Pasteurella), соның ішінде Yersinia multocida, Yersinia enterocolitica, Yersinia pseudotuberculosis; Plesiomonas shigelloides, Proteus spp. (соның ішінде Proteus mirabilis, Proteus vulgaris), Providencia spp. (соның ішінде Providencia alcalifaciens, Providencia rettgeri (бұрынғы Proteus rettgeri), Providencia stuartii), Pseudomonas spp. (соның ішінде Pseudomonas aeruginosa, Pseudomonas fluorescens, Pseudomonas pseudomallei, Pseudomonas putida, Pseudomonas stutzeri), Salmonella spp. (соның ішінде Salmonella typhi), Serratia spp. (соның ішінде Serratia marcescens, Serratia proteamaculans), Shigella spp. бактерияларына; грамоң аэробты: Bacillus spp., Enterococcus faecalis, Erysipelothrix rhusiopathiae, Listeria monocytogenes, Nocardia spp., Pediococcus spp., Staphylococcus aureus (пенициллиназа түзетін штаммдарды қоса), Staphylococcus epidermidis (пенициллиназа түзетін штаммдарды қоса), Staphylococcus saprophyticus, Streptococcus agalactiae, Streptococcus pneumoniae, Streptococcus pyogenes, Streptococcus C тобы, Streptococcus G тобы, альфа- және гамма-гемолитикалық штаммдарды қоса, жасылданған стрептококктар) бактерияларына; грамтеріс анаэробты: Bacteroides spp. (соның ішінде Bacteroides distasonis, Bacteroides fragilis, Prevotella melaninogenica (бұрынғы Bacteroides melaninogenicus), Bacteroides ovatus, Bacteroides thetaiotaomicron, Bacteroides uniformis, Bacteroides vulgatus), Bilophila wadsworthia, Fusobacterium spp. соның ішінде (Fusobacterium necrophorum, Fusobacterium nucleatum), Porphyromonas asaccharolytica (бұрынғы Bacteroides asaccharolyticus), Prevotella bivia (бұрынғы Bacteroides bivius), Prevotella disiens (бұрынғы Bacteroides disiens), Prevotella intermedia (бұрынғы Bacteroides intermedius), Veillonella spp. бактерияларына; грамоң анаэробты: Actinomyces spp., Bifidobacterium spp., Clostridium spp. (соның ішінде Clostridium perfringens), Eubacter spp., Lactobacillus spp., Microaerophilic streptococcus, Mobiluncus spp., Peptococcus spp., Peptostreptococcus spp., Propionibacterium spp. (Propionibacterium acne қоса) бактерияларына; басқа микроорганизмдерге: Mycobacterium fortuitum, Mycobacterium smegmatis қатысты белсенді. Кейбір Staphylococcus spp. (метициллинге төзімді), Streptococcus spp. (D тобы), Stenotrophomonas maltophilia, Enterococcus faecium және кейбір Pseudomonas cepacia штаммдары имипенемге сезімтал емес. Цефалоспориндерге, аминогликозидтерге, пенициллиндерге төзімді бактериялар туғызған көп жұқпаларға қарсы тиімді. Кейбір Pseudomonas aeruginosa штаммдарына қатысты аминогликозидтермен синергидті іn vitro әрекет етеді.

Қолданылуы

- Streptococcus pneumoniae, Staphylococcus aureus (пенициллиназа өндіруші штаммдар), Acinetobacter spp., Enterobacter spp., Escherichia coli, Haemophilus influenzae, Haemophilus parainfluenzae, Klebsiella spp., Serratia marcescens туғызған төменгі тыныс алу жолдарының жұқпалары

- Enterococcus faecalis, Staphylococcus aureus (пенициллиназа өндіруші штаммдар), Enterobacter spp., Escherichia coli, Klebsiella spp., Morganella morganii, Proteus vulgaris, Providencia rettgeri, Pseudomonas aeruginosa туғызған несеп шығару жолдарының жұқпалары (асқынған және асқынбаған)

- Enterococcus faecalis,Staphylococcus aureus (пенициллиназа өндіруші штаммдар), Staphylococcus epidermidis, Citrobacter spp., Enterobacter spp., Escherichia coli, Klebsiella spp., Morganella morganii, Proteus spp., Pseudomonas aeruginosa, Bifidobacterium spp., Clostridium spp., Eubacterium spp., Peptococcus spp., Peptostreptococcus spp., Propionibacterium spp., B.fragilis қоса Bacteroides spp., Fusobacterium spp. туғызған интраабдоминальді жұқпа

- Enterococcus faecalis; Staphylococcus aureus (пенициллиназа өндіруші штаммдар), Staphylococcus epidermidis, Escherichia coli; Streptococcus agalactiae (В тобы стрептококктары), Enterobacter spp., Escherichia coli, Gardnerella vaginalis, Klebsiella spp., Proteus spp., Bifidobacterium spp., Peptococcus spp., Peptostreptococcus spp., Propionibacterium spp., B. fragilis қоса Bacteroides spp. туғызған гинекологиялық жұқпалар

- Streptococcus pneumoniae, Enterococcus faecalis; Staphylococcus aureus (пенициллиназа өндіруші штаммдар), Enterobacter spp., Escherichia coli, Klebsiella spp., Serratia spp., B.fragilis қоса, Bacteroides spp., Pseudomonas aeruginosa туғызған бактериялық септицемия

- Enterococcus faecalis; Staphylococcus aureus (пенициллиназа өндіруші штаммдар), Staphylococcus epidermidis, Enterobacter spp., Pseudomonas aeruginosa туғызған сүйектер мен буындар жұқпалары

- Streptococcus pyogenes, Enterococcus faecalis; Staphylococcus aureus (пенициллиназа өндіруші штаммдар), Staphylococcus epidermidis, Acinetobacter spp., Citrobacter spp., Enterobacter spp., Escherichia coli, Klebsiella spp., Morganella morganii, Proteus vulgaris, Providencia rettgeri, Pseudomonasaeruginosa, Serratia spp., Peptococcus spp., Peptostreptococcus spp., B.fragilis қоса, Bacteroides spp., Fusobacterium spp. туғызған тері және жұмсақ тіндер жұқпалары

- Staphylococcus aureus (пенициллиназа өндіруші штаммдар) туғызған жұқпалы эндокардит

- операциядан кейінгі жұқпалы асқынудың даму ықтималдығы жоғары қауіп тобындағы емделушілерде, сондай-ақ хирургиялық араласу барысында интраоперациялық жұқпалану қаупі жоғары емделушілерде операциядан кейінгі жұқпалардан сақтану

Қолдану тәсілі және дозалары

ТЕК КӨКТАМЫР ІШІНЕ ЕНГІЗУГЕ АРНАЛҒАН ДӘРІЛІК ТҮР.

Бұлшықет ішіне енгізуге арналған дәрілік түрі көктамырішілік инфузиялар үшін және керісінше пайдаланылмауы тиіс.

Цилапенемнің дозалануы бойынша нұсқауларда енгізуге болатын имипенем мөлшері көрсетілген. Цилапенемнің жалпы тәуліктік дозасын есептеу жұқпаның ауырлық дәрежесіне негізделіп, бір немесе бірнеше патогенді микроорганизмдердің сезімталдық дәрежесінің, бүйрек қызметінің және дене салмағының ескерілуімен тең дозаларда бірнеше қабылдауларға бөлінеді.

Бүйрек қызметі қалыпты ересек емделушілерге арналған дозалау сызбасы.

1 кестеде келтірілген Цилапенем дозалануы бүйрек қызметі қалыпты (креатинин клиренсі 70 мл/мин/1.73 м2 астам) және дене салмағы 70 кг-ден көп емделушілерге есептелген. Креатинин клиренсі 70 мл/мин/1.73 м2 (2 кесте) аз және/немесе дене салмағы 70 кг-ден аз (3 кесте) емделушілерде препарат дозасын азайту қажет. Әсіресе, салмағы 70 кг-ден едәуір төмен және/немесе орташа айқын немесе ауыр бүйрек жеткіліксіздігі бар науқастарда дозаны дене салмағына қарай азайту ерекше маңызды.

Орташа емдік тәуліктік дозасы 3-4 қабылдауға бөлінген 1-2 г имипенем құрайды (1 кесте). Ауырлығы орташа жұқпаларды емдеу үшін препаратты күніне екі рет 1 г дозада қолдануға да болады.

Сезімталдығы аз микроорганизмдер туғызған жұқпалар жағдайында, көктамырішілік инфузияларға арналған препараттың тәуліктік дозасын тәулігіне ең жоғары – 4 г имипенемге немесе қандай дозаның аз болатынына қарай тәулігіне 50 мг/кг-ге дейін арттыруға болады.

Көктамырішілік инфузияларға арналған Цилапенемнің 0.5 г-ден кем немесе оған тең әр дозасы көктамыр ішіне 20-30 минут бойы енгізілуі тиіс. 0.5 г-ден жоғары әр дозасы көктамыр ішіне 40-60 минут бойы енгізілуі тиіс. Инфузия кезінде жүрек айнуы болған науқастарға препаратты енгізу жылдамдығын азайту керек.

1 кесте. Бүйрек қызметі қалыпты және салмағы 70 кг-ден көп ересек емделушілерге көктамырішілік инфузияларға арналған Цилапенемді дозалау режимі*

*Дене салмағы 70 кг-ден аз емделушілерде әріқарай енгізілетін дозаларды пропорционал азайту қажет.

Микробқа қарсы жоғары белсенділігіне орай, Цилапенем тәулігіне 50 мг/кг немесе 4 г имипенемнен асып кетпейтін жалпы тәуліктік дозада ұсынылады. Алайда бүйрек қызметі қалыпты, муковисцидозбен науқастар

бірнеше қабылдауға бөлінген тәулігіне 90 мг/кг-ге дейінгі дозада ем алған, осы орайда жалпы дозасы күніне 4 г имипенемнен асырылмайды. Препарат иммунитеті әлсіреген онкологиялық науқастарда расталған немесе жорамалданған жұқпаларда, мысалы сепсис жағдайында монотерапия түрінде қолданылады.

Бүйрек қызметі бұзылған ересек емделушілерге арналған дозалау сызбасы.

Бүйрек қызметі бұзылған ересек емделушілерді емдегенде препарат дозасын реттеу үшін жұқпа сипаттарын негізге алып, 1 кестеден препараттың жалпы тәуліктік дозасын таңдау қажет. 2 кестеден осы емделушінің креатинин клиренсіне және тәуліктік дозасына (1 кесте) қарай препараттың тиісінше азайтылған дозасы таңдалады. Инфузия уақытын есептеу үшін «Қолдану тәсілі және дозалары. Бүйрек қызметі қалыпты ересек емделушілерге арналған дозалау сызбасы» бөлімін қараңыз.

2 кесте. Бүйрек қызметі бұзылған және дене салмағы 70 кг-ден көп ересектерде көктамырішілік инфузияларды дозалау режимі*

* Дене салмағы 70 кг-ден аз емделушілерде әріқарай енгізілетін дозаларды пропорционал азайту қажет.

3 кесте. Дене салмағы 70 кг-ден аз ересектерде көктамырішілік инфузияларды дозалау режимі

Креатинин клиренсі 6-20 мл/мин/1.73 м2 емделушілерге 0.5 г Цилапенем дозасын енгізгенде құрысудың даму қаупі жоғарылауы мүмкін. Цилапенем инфузиясынан кейін 48 сағаттан кеш емес уақыттан соң гемодиализ жүргізілетін жағдайларды қоспағанда, креатинин клиренсі 5 мл/мин/1.73 м2 аз науқастарда көктамыр ішіне Цилапенем енгізуге болмайды.

Гемодиализ.

Гемодиализде жүрген, креатинин клиренсі 5 мл/мин/1.73 м2 аз емделушілерді емдегенде креатинин клиренсі 6-20 мл/мин/1.73 м2 емделушілерге арналған Цилапенемді дозалау режимі бойынша нұсқауларға сүйенген дұрыс («Қолдану тәсілі және дозалары. Бүйрек қызметі бұзылған ересек емделушілерге арналған дозалау сызбасы» бөлімін қараңыз).

Имипенем де, циластатин де гемодиализ кезінде қан айналымы жүйесінен шығарылады. Осыған орай, көктамырішілік инфузияларға арналған Цилапенем науқастарға гемодиализден кейін, артынша емшара аяқталған сәттен 12 сағат аралық өткен соң енгізілуі тиіс. Гемодиализде жүрген науқастарға, әсіресе оларда орталық жүйке жүйесінің аурулары болғанда мұқият бақылау орнатылуы тиіс; гемодиализ жүргізілетін науқастарға емдеудің пайдасы құрысулардың әлеуетті даму қаупінен артық болатын жағдайларда ғана Цилапенем тағайындау ұсынылған («Сақтықпен» бөлімін қараңыз).

Қазіргі уақытта препараттың перитонеальді диализде жүрген науқастарға көктамыр ішіне енгізу үшін ұсынылуы тұрғысында жеткілікті деректер жоқ. Егде жастағы науқастарда бүйрек жай-күйін қандағы қалдық азот немесе креатинин деңгейін өлшеу негізінде ғана толық анықтау мүмкін емес. Осындай науқастарға дозаны таңдау үшін креатинин клиренсін анықтау ұсынылады.

Алдын алу: ересек емделушілерге арналған дозалау режимі.

Операциядан кейінгі жұқпалардың алдын алу үшін ересектерде көктамырішілік инфузияларға арналған Цилапенем кіріспе анестезияда 1 г, одан кейін үш сағаттан соң 1 г дозада енгізілу керек. Қауіп дәрежесі жоғары хирургиялық араласуда (мысалы, тоқ және тік ішекке жасалатын операцияларда) кіріспе наркоздан кейін 8 және 16 сағаттан соң 0.5 г-ден екі қосымша доза енгізген жөн.

3 айлық жастан бастап балалар үшін дозалау режимі:

- дене салмағы 40 кг-ден көп балалар ересек емделушілердегі сияқты дозаларды алуы тиіс;

- дене салмағы 40 кг-ден аз балаларға арналған доза - әр 6 сағат сайын

15 мг/кг.

Жалпы тәуліктік дозасы 2 г-ден аспауы тиіс. Көктамырішілік инфузия арқылы енгізіледі.

Көктамырішілік инфузиялар үшін ерітінді дайындау.

Ұнтағы бар бөтелкеге 100 мл еріткіш қосу керек. Еріткіш ретінде: натрий хлоридінің изотониялық ерітіндісін; 5 % сулы декстроза ерітіндісін; 10 % сулы декстроза ерітіндісін; 5 % декстроза және 0.9 % натрий хлориді ерітіндісін; 5 % декстроза және 0.45 % натрий хлориді ерітіндісін; 5 % декстроза және 0.225 % натрий хлориді ерітіндісін; 5 % декстроза және 0.15 % калий хлориді ерітіндісін; 5 % және 10 % маннитол пайдалануға болады.

Алынған ерітіндіні (имипенем концентрациясы 0.25 немесе 0.5 мг/мл) мөлдір сұйықтық алынғанша сілку қажет. Ерітіндінің боялуында сарыдан түссізге дейін өзгешелік бола береді.

Аталған еріткіштердің кез келгенін пайдаланумен дайындалған көктамырішілік инфузияларға арналған Цилапенем ерітіндісін сақтау мерзімдері бөлме температурасында (25 С) 4 сағат және тоңазытқышта сақталғанда (4 С температурада) 24 сағат құрайды.

 

Жағымсыз әсерлері

Жиі:

- жүрек айну, құсу, диарея. Жүрек айну мен құсудың жиілеу көріністері гранулоцитопения аясында байқалады

- «бауыр» трансаминазалары және сілтілі фосфатаза белсенділігінің жоғарылауы

- эозинофилия

- тері бөртпесі, қышыну

- тромбофлебит

Жиі емес:

- ұйқышылдық, миоклония, психикалық бұзылулар, елестеулер, сананың шатасуы, эпилепсиялық ұстамалар

- гипотензия

- гипербилирубинемия, гиперкреатининемия, мочевина азоты концентрациясының жоғарылауы; оң тіке Кумбс тестісі

- панцитопения, тромбоцитопения, тромбоцитоз, лейкопения, нейтропения, лейкоцитоз, моноцитоз, лимфоцитоз, базофильдер санының көбеюі, гемоглобин мен гематокрит деңгейінің төмендеуі, протромбин уақытының ұзаруы

- натрий және хлордың сарысулық концентрациясының азаюы, калий концентрациясының ұлғаюы

- есекжем

- тері гиперемиясы, енгізілген жердегі ауырсындыратын инфильтрат

Сирек

- естудің нашарлауы, құлақтың шуылдауы, дәм сезудің бұрмалануы

- олигурия, анурия, полиурия, протеинурия, жедел эритроцит-, лейкоцит- және цилиндрурия, билирубин концентрациясының жоғарылауы және несеп түсінің өзгеруі (қауіпсіз және гематурия деп қате қабылданбауы тиіс), бүйрек жеткіліксіздігі. Препараттың бүйрек қызметінің өзгеруіне ықпал етуін, әдетте, преренальді азотемияға немесе бүйрек қызметінің нашарлауына бейімдейтін өзге факторлар да болғандықтан, бағалау қиын

- тістердің және/немесе тілдің пигменттенуі, емдеу кезінде де және ем аяқталғаннан кейін де болатын жалған жарғақшалы энтероколит (әсер ету ауқымы кең бактерияға қарсы басқа да препараттарды қолданған жағдайдағы сияқты клиникалық мәні бар), гепатит

- жүрек қағу, тахикардия

- агранулоцитоз

- мультиформалы экссудаттық эритема (соның ішінде Стивенс-Джонсон синдромы), ангионевротикалық ісіну, уытты эпидермалық некролиз, эксфолиативті дерматит, қызба

- кандидоз

- дәм сезудің бұзылуы

Өте сирек:

- бас ауыру, энцефалопатия, парестезиялар

- гастроэнтерит, фульминантты гепатит

- кеудедегі жайсыздық сезімі, ентігу, асқын желдетілу, омыртқаның кеуде бөлігіндегі ауыру

- сүйек кемігінің қызыл өсіндісі қызметінің бәсеңдеуі, гемолитикалық анемия

- анафилактикалық реакциялар

Қолдануға болмайтын жағдайлар

- препараттың кез келген компоненттеріне, басқа бета-лактамды антибиотиктерге, пенициллиндер мен цефалоспориндерге аса жоғары сезімталдық

- 3 айға дейінгі сәбилерге

- бүйрек қызметі бұзылған балалар (сарысулық креатинин 2 мг/л-ден көп)

- креатинин клиренсі 5 мл/мин/1,73 м2 аз емделушілер

- ганцикловирмен және пробеницидпен бір мезгілде қабылдау

- жүктілік (тек «тіршілік» көрсетілімдеріне қарай) және лактация кезеңі

Дәрілермен өзара әрекеттесуі

Басқа антибиотиктермен бір еккіште араластыруға болмайды, осы орайда басқа антибиотиктермен (аминогликозидтермен) бір мезгілде - оқшау енгізуге рұқсат етілген.

Сүт қышқылы тұзымен, бактерияға қарсы басқа дәрілік заттармен фармацевтикалық тұрғыда үйлеспейді. Пенициллиндермен және цефалоспориндермен бір мезгілде қолданғанда айқаспалы аллергия болуы мүмкін; басқа бета-лактамды антибиотиктерге (пенициллиндерге, цефалоспориндерге және монобактамдарға) қатысты антагонизм танытады. Ганцикловир жайылған құрысулардың даму қаупін арттырады. Осыған орай әлеуетті артықшылықтары болжамды қауіптен басым болатын жағдайларды қоспағанда, препараттарды бір мезгілде енгізу ұсынылмайды.

Цилапенем енгізу құрысу белсенділігін арттырумен астасқан қаупі бар вальпрой қышқылының сарысулық концентрациясының азаюымен қатар жүреді (клиникалық тәжірибеде тіркелген жағдайлар), сондықтан емделу кезеңінде вальпрой қышқылының сарысулық концентрациясына мониторинг жүргізу ұсынылады.

Өзекшелік сөліністі бөгейтін дәрілік заттар имипенемнің плазмадағы концентрациясын және жартылай шығарылу кезеңін болымсыз ұлғайтады (егер имипенемнің жоғары концентрациялары қажет болса, бұл препараттарды бір мезгілде қолдану ұсынылмайды).

Айрықша нұсқаулар

Цилапенем менингитті емдеу үшін ұсынылмайды. Несепті қызылдау түске бояйды. Ем басталар алдында бета-лактамды антибиотиктерге алдыңғы болған аллергиялық реакциялар тұрғысында тиянақты сыртартқы жиналуы тиіс. Сыртартқысында асқазан-ішек жолының аурулары (әсіресе, колит) бар тұлғаларда жалған жарғақшалы энтероколиттің жоғары даму қаупі білінеді. Эпилепсияға қарсы дәрілік заттармен емдеу сыртартқысында ми жарақаттары немесе ұстамалары бар науқастарда препаратпен емдеудің бүкіл кезеңі бойына жалғастырылуы тиіс (орталық жүйке жүйесі жағынан жағымсыз әсерлерді болдырмау үшін).

Креатинин клиренсі 70 мл/мин/1.73 м2 аз, орталық жүйке жүйесінің аурулары бар емделушілерде абайлап қолдану керек.

Педиатриялық тәжірибеде қолдану

3 айдан асқан сәбилерде препарат ересек емделушілердегідей көрсетілімдер бойынша қолданылады. 3 айға дейінгі және бүйрек қызметі бұзылған (сарысу креатинині 2 мг/дл-ден астам) балаларда көктамыр ішіне енгізуге арналған препаратты қолдану тиімділігі мен қауіпсіздігі жөніндегі деректер жеткіліксіз.

Егде емделушілерде қолдану

65 жастан асқан егде тұлғаларда көктамыр ішіне енгізу кезіндегі имипенем/циластатин тиімділігі мен қауіпсіздігі олардан едәуір жас тұлғалардағыдан ерекшеленбейді. Дегенмен, осы жас тобына тән жүрек-қантамыр жүйесі, бауыр, бүйрек қызметтерінің нашарлауы, сондай-ақ қатарлас аурулардың және қатарлас дәрі-дәрмектік емнің болуы ескеріліп, ұсынылған дозалардың төменгі шекараларын ұстанып, дозаны таңдауда сақ болу керек. Бүйректің бөліп шығару қызметіне мониторинг жүргізу мақсатқа сай келеді.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Цилапенем препаратымен емдеу аясында жағымсыз әсерлердің даму мүмкіндігін ескеріп, автокөлік басқару және механизмдермен жұмыс істеу кезінде ерекше сақтық таныту керек.

Артық дозалануы

Симптомдары: спецификалық белгілері жоқ. Препаратпен артық дозалану кезінде жағымсыз әсердің күшеюі мүмкін.

Емі: Цилапенеммен артық дозалануды емдеу туралы арнайы ақпарат жоқ. Цилапенем гемодиализге ұшырайды. Алайда артық дозалану кезіндегі осы емшараның тиімділігі белгісіз.

Шығарылу түрі және қаптамасы

0.25 г/0.25 г немесе 0.5 г/0.5 г белсенді заттан резеңке тығындармен тығындалған және алюминий қалпақшалармен қаусырылған сыйымдылығы 100 мл қанға, трансфузиялық және инфузиялық препараттарға арналған шыны бөтелкелерде.

Әр бөтелке медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынған. Стационарларға арналған қаптама: 12 бөтелкеден медицинада қолданылуы жөніндегі мемлекеттік және орыс тілдеріндегі нұсқаулықтардың тиісті санымен топтық қораптарда.

Сақтау шарттары

Жарықтан қорғалған жерде, 15°C-ден 25°C-ге дейінгі температурада сақтау керек. Балалардың қолы жетпейтін жерде сақтау керек!

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші «Белмедпрепараты» РУК, 220007, Беларусь Республикасы,

Минск қаласы, Фабрициус көшесі, 30,

тел./факс: (+375 17) 220-37-16,

e-mail: medic@belmedpreparaty.com

http://www.belmedpreparaty.com

Тіркеу куәлігі иесінің атауы және елі

«Белмедпрепараты» РУК, Беларусь Республикасы

Қаптаушы ұйымның атауы және елі

«Белмедпрепараты» РУК, Беларусь Республикасы

Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы

«ЦентрАзияФарм» ЖШС, 050030, Қазақстан Республикасы,

Алматы қ., Қызыл гвардияшылар жолы 258 В

тел.: 727 290 27 80, 727 385 04 00,

e-mail: register@capharm.kz