Циклоферон® (раствор для внутривенного и внутримышечного введения)

• русский
• қазақша

• Скачать инструкцию медикамента

Саудалық атауы

ЦИКЛОФЕРОН (CYCLOFERON)

Халықаралық патенттелмеген атауы

Жоқ

Дәрілік түрі

Көктамыр ішіне және бұлшықет ішіне енгізуге арналған 125 мг/мл ерітінді

Құрамы

2 мл ерітіндінің құрамында

белсенді зат – 250,0 мг меглюмин акридонацетаты (акридон сірке қышқылына шаққанда), келесі үлгіде алынған: 250,0 мг акридон сірке қышқылы, 192,6 мг N-метилглюкамин (меглюмин),

қосымша зат – инъекцияға арналған су.

Сипаттамасы

Сары түсті мөлдір сұйықтық

Фармакотерапиялық тобы

Басқа да иммунитостимуляторлар.

АТХ коды L03AХ

Фармакологиялық қасиеттері

Фармакокинетикасы

Препараттың ең жоғары дозасын енгізген кезде ол қанда ең жоғары концентрациясына 1-2 сағаттан соң жетеді, 24 сағаттан соң препарат қалдық мөлшерде табылады. Гематоэнцефалды бөгет арқылы өтеді. Жартылай шығарылу кезеңі 4-5 сағатты құрайды. Организмде ұзақ қолданған кезде жинақталмайды.

Фармакодинамикасы

Циклоферон бастапқы интерферонның төмен молекулалық индукторы болып табылады, бұл оның биологиялық әсерінің ауқымын: енгізілген сәтінен бастап тәулік ішінде альфа- және гамма-интерферон өндірілуін туындата отырып, вирусқа қарсы, иммунмодульдеуші, қабынуға қарсы және т.б. анықтайды.

Препаратпен интерферон синтезін ынталандыру сәйкес геннің транскрипциясы деңгейінде жүреді және трансляция жылдамдығының жоғарылауы, мРНҚ IFNα немесе мРНҚ – рибосома кешенінің тұрақтануы, сондай-ақ бұрын синтезделген интерферонның шығарылуы секілді оның посттранскрипциялық үдерістерге әсеріне байланысты емес.

Препараттың иммунорегуляторлық қасиеттері негізінен интерферондар жүйесі арқылы, дәлірек альфа- және гамма-интерферонды белсенділендіру арқылы жүреді.

Циклоферон оның өндірілуі жоғарылағанда иммунитеттің Т-жасушалы тізбегін қалпына келтіруге ықпал етеді: СD3+ (Т-лимфоциттер), СD4+ (Т-хелперлер) субпопуляциясы деңгейін, сондай - ақ СD16+ (NK-жасушалар), CD8+, CD72+ мөлшерін және иммунорегуляторлық индексті қалпына келтіреді.

Препараттың вирусты жұқпаларда тікелей әсері вирус репликациясын бұзуға, вирустық ДНҚ немесе РНҚ - ның капсидтерге инкорпорациясын бөгеуге, ақаулы вирус бөлшектерінің мөлшерінің артуына, жасушалардағы вирус индукцияланған ақуыздар синтезін төмендетуге байланысты.

Қолданылуы

Ересектерде кешенді ем құрамында

– созылмалы В және С вирустық гепатиттерінде

– герпестік және цитомегаловирустық жұқпаларда

– созылмалы бактериялық және зеңдік жұқпалармен астасқан – салдарлы иммунитет тапшылығында

– хламидиялы жұқпада

– дәнекер тіндердің ревматизмдік және жүйелік ауруларында (ревматоидты артрит)

• буындардың дегенеративтік-дистрофиялық ауруларында: деформацияланатын остеоартроз және т.б.

4 жастағы балаларда кешенді ем құрамында

– созылмалы В және С вирустық гепатиттерінде

– герпестік жұқпаларда

Қолдану тәсілі және дозалары

1.Ересектерге:

Циклоферонды негізгі үлгі бойынша тәулігіне бір рет бұлшықет ішіне немесе көктамыр ішіне: күнара қолданады. Емдеу курсының ұзақтығы ауруға байланысты болады.

– Герпестік және цитомегаловирустық жұқпаларда препаратты негізгі үлгі бойынша 0,25 г-нан 10 инъекция енгізеді. Жиынтық дозасы – 2,5 г. Ем ауру өршуінің басында анағұрлым тиімді.

– Хламидиялы жұқпаларда препаратты негізгі үлгі бойынша енгізеді. Емделу курсы – 0,25 г-нан 10 инъекция. Жиынтық дозасы - 2,5 г. Емдеу курсы 10-14 күннен кейін қайталанады. Циклоферонды антибиотиктермен біріктіріп қолданған дұрыс.

• Созылмалы В және С вирустық гепатиттерінде препаратты негізгі үлгі бойынша 0,5 г-ден 10 инъекция, әрі қарай кешенді ем құрамында демеуші үлгі бойынша үш ай бойы аптасына 3 рет енгізеді. Интерферондармен және химиотерапиямен біріктіру ұсынылады. Курс демеуші курстан кейін 10–14 күннен соң қайталанады.

– Созылмалы бактериялық және зеңдік жұқпалармен астасқан салдарлы иммунитет тапшылығы кезінде емдеу курсы негізгі үлгі бойынша бір реттік 0,25 г дозада 10 бұлшықетішілік инъекция. Жиынтық дозасы – 2,5 г. Қайталау курсы 6–12 айдан соң жүргізіледі.

– Дәнекер тіндердің ревматизмдік және жүйелік ауруларында 10–14 күн үзіліспен негізгі сызба бойынша 0,25 г-нан 5 инъекциядан 4 курс. Курс дәрігердің ұсынымы бойынша қайталанады.

– Буындардың дегенеративті-дистрофиялық ауруларында 10-14 күн үзіліспен 0,25 г-нан негізгі үлгі бойынша 5 инъекциядан 2 курс. Курс дәрігердің ұсынымы бойынша қайталанады.

• Балаларға 4 жасынан бастап:

  Педиатриялық тәжірибеде Циклоферонды негізгі үлгі бойынша тәулігіне бір рет бұлшықет ішіне немесе көктамыр ішіне қолданады. Тәуліктік емдік доза әр кг дене салмағына шаққанда 6-10 мг құрайды.

  – Созылмалы В және С вирустық гепатиттерінде препаратты негізгі үлгі бойынша 10 инъекция және әрі қарай кешенді ем құрамында демеуші үлгі бойынша үш ай бойы аптасына үш рет енгізеді. Интерферондармен және химиотерапиямен қосу ұсынылады.

  – Герпеc жұқпасы кезінде негізгі сызба бойынша 10 инъекциядан тұратын курс. Вирустың репликациялық белсенділігі сақталған кезде емдеу курсын демеуші үлгі бойынша төрт апта бойы үш күнде бір рет енгізумен жалғастырады.

Жағымсыз әсерлері

Өте сирек:

– енгізген жердегі ісіну және гиперемия

– дене температурасының жоғарылауы

– тері бөртпелері түріндегі аллергиялық реакциялар

Қолдануға болмайтын жағдайлар

• препарат компоненттеріне жоғары сезімталдық

• жүктілік және лактация кезеңі

• 4 жасқа дейінгі балалар

• ауыр бауыр аурулары

• бауыр жеткіліксіздігі

Дәрілермен өзара әрекеттесуі

Циклоферон аталған ауруларды емдеген кезде дәстүрлі түрде қолданылатын барлық дәрілік препараттармен (интерферондармен, химиотерапиялық дәрілік заттармен және басқалармен) біріктіріледі және жақсы үйлеседі.

Интерферондар мен нуклеозидтер аналогтарының әсерін күшейтеді. Химиотерапияның, интерферонмен емдеудің жағымсыз әсерлерін азайтады.

Айрықша нұсқаулар

Қалқанша без аурулары

Қалқанша без ауруларында аутоиммунды бұзылулардың туындау мүмкіндігін жоққа шығару үшін дәрігер-эндокринологтың кеңесі қажет.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Көлік құралдарын немесе қауіптілігі зор механизмдерді басқару қабілетіне әсер етпейді.

Артық дозалануы

Препараттың артық дозалануы туралы мәліметтер жоқ.

Шығарылу түрі және қаптамасы

2 мл-ден түссіз немесе қоңыр шыныдан жасалған ампулада.

5 ампуладан поливинилхлоридті үлбірден жасалған бір жақты пішінді ұяшықты қаптамаға салынған. Пішінді ұяшықты қаптама жабын үлбірмен немесе алюминий фольгамен жылытып желімделеді, немесе ашық болады.

1 пішінді ұяшықты қаптама медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынады.

Сақтау шарттары

Жарықтан қорғалған жерде 25оС-ден аспайтын температурада сақтау керек. Теріс температурада тасымалдау кезінде ерітіндіні мұздату препарат қасиеттерін өзгертпейді. Бөлме температурасында еріген препарат өзінің биологиялық және физико-химиялық қасиеттерін сақтайды. Ерітіндінің түсі өзгерген кезде және тұнба түзген кезде препаратты қолдануға болмайды.

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«Ғылыми-технологиялық фармацевтикалық фирма «ПОЛИСАН»» ЖШҚ,

Ресей Федерациясы, 192102, Санкт-Петербург қ., Салов к-сі, 72 үй, 2 кор., лит. А, тел./факс: (812) 710-82-25.

Тіркеу куәлігінің иесі

«Ғылыми-технологиялық фармацевтикалық фирма «ПОЛИСАН»» ЖШҚ,

Ресей Федерациясы.

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

Қазақстан Республикасы, Алматы қ., Бөгенбай батыр к-сі, 136 үй.

Тел.: (7272) 72-57-51. E-mail: doctorkvi@gmail.com.