Цефтазидим (2000 мг)

МНН: Цефтазидим
Производитель: Химфарм АО
Анатомо-терапевтическо-химическая классификация: Ceftazidime
Номер регистрации в РК: № РК-ЛС-5№010424
Информация о регистрации в РК: 03.02.2021 - бессрочно
Республиканский центр развития здравоохранения
КНФ (ЛС включено в Казахстанский национальный формуляр лекарственных средств)
Предельная цена закупа в РК: 987.58 KZT

Инструкция

Саудалық атауы

Цефтазидим

Халықаралық патенттелмеген атауы

Цефтазидим

Дәрілік түрі, дозалануы

Инъекция үшін ерітінді дайындауға арналған ұнтақ 500 мг, 1000 мг,

2000 мг

Фармакотерапиялық тобы

Жүйелі қолдануға арналған инфекцияға қарсы препараттар.Жүйелі қолдануға арналған бактерияларға қарсы препараттар. Басқа да бета-лактамды бактерияларға қарсы препараттар. Үшінші буын цефалоспориндері. Цефтазидим. ATХ коды J01DD02

Қолданылуы

Цефтазидим ересектер мен балалардағы, жаңа туған нәрестелерді (туғаннан бастап) қоса алғанда, цефтазидимге сезімтал қоздырғыштардан туындайтын инфекцияларды емдеуге қолданылады:

  • ауруханаішілік пневмония

  • муковисцидоз кезіндегі бронхөкпе инфекциялары

  • бактериялық менингит

  • созылмалы іріңді ортаңғы отит

  • некроздайтын (қатерлі) сыртқы отит

  • несеп шығару жолдарының асқынған инфекциялары

  • тері мен жұмсақ тіндердің асқынған инфекциялары

  • асқынған интраабдоминальді инфекциялар

  • сүйек пен буындардың инфекциялары

  • тұрақты амбулаториялық перитонеальді диализбен (ТАПТ/CAPD) байланысты перитонит

  • жоғарыда аталған инфекциялардың кез келгенімен байланысты бактериемиялар

  • бактериялық инфекцияларға күдік туған кезде фебрильді нейтропениясы бар пациенттерді емдеу

  • қуық асты безіне операцияларда (трансуретральдік резекция) инфекциялық асқынулардың профилактикасы

  • аэробты грамтеріс бактериялар туындатқан инфекциялар

  • егер болжамды бактериялар оның әсер ету спектріне тура келмесе, бактерияға қарсы басқа препараттармен біріктірілімде

Қолданудың басталуына дейінгі қажетті мәліметтер тізбесі

Қолдануға болмайтын жағдайлар

- цефтазидимге, кез келген басқа цефалоспориндерге қосымша заттардың кез келгеніне аса жоғары сезімталдық

- анамнезде басқа бета-лактамды антибиотиктерге (пенициллиндер, монобактамдар және карбапенемдер) ауыр аса жоғары сезімталдықтың болуы (мысалы: анафилаксиялық реакция)

Сақтықпен: бүйрек жеткіліксіздігінде, жүктілікте, лактация кезеңінде, жаңа туылғандарға

Қолдану кезіндегі қажетті сақтандыру шаралары

Жоғары сезімталдық

Барлық бета-лактамды антибиотиктер тәрізді, фатальді жағдайларды қоса, цефтазидимге маңызды аллергиялық реакциялар байқалған. Ауыр аллергиялық реакцияларда емдеуді дереу тоқтатып, аллергияға қарсы адекватты емді бастау керек.

Емдеуді бастар алдында науқастың анамнезінде цефтазидимге, басқа цефалоспориндерге немесе басқа бета-лактамды агенттерге ауыр аллергиялық реакциялар бар-жоғын нақтылау керек. Анамнезінде басқа бета-лактамды антибиотиктерге ауыр емес аллергиялық реакциялар болған пациенттерге сақтықпен қолдану керек.

Цефтадизим препаратын тағайындар алдында пациенттің анамнезінде цефтазидимге, цефалоспориндерге пенициллиндерге немесе басқа препарттарға аса жоғары сезімталдық реакциялары бар-жоғын анықтау қажет.

Пенициллиндерге және бета-лактамды антибиотиктерге белгілі аса жоғары сезімталдығы бар пациенттерге препаратты қолданған кезде ерекше сақтық таныту керек

Әсер ету спектрі

Цефтазидимнің бактерияға қарсы белсенділігінің спектрі шектеулі және кейбір инфекция түрлерін монотерапия түрінде емдеуге жарамсыз, тек қана егер қоздырғышы құжатпен расталған, сезімтал болса, бұл қоздырғыш үшін цефтазидим ең жақсы таңдау болатынының ықтималдығы зор. Бұл әсіресе бактериемиямен науқастарды емдегенде, бактериялық менингитте, тері мен жұмсақ тіндер инфекциясында, сүйектер мен буындар инфекциясында маңызды. Бұдан бөлек, цефтазидим кеңейтілген спектрдегі кейбір бета-лактамаздардың (ESBLs) гидролизіне сезімтал, цефтазидимді таңдаған кезде осы ақпаратты ескерген жөн.

Жалған жарғақшалы колит

Кейбір пациенттерде цефтазидимді қабылдау кезінде немесе қабылдағаннан кейін Clostridium difficile өндірген токсиндер туындатқан антибиотик-астасқан колит және жалған жарғақшалы колит дамуы мүмкін (диареяның жеңіл дәрежесінен ауырына дейін). Бұл жағдайда емдеуді тоқтатады және тиісті ем жүргізеді. Ішек жиырылуын бәсеңдететін препараттарды тағайындауға болмайды.

Бүйрек бұзылыстары

Цефалоспориндердің және аминогликозидтер, күшті әсер ететін диуретиктер (мысалы, фуросемид) тәрізді нефроуытты дәрілік заттардың жоғары дозаларын бір мезгілде тағайындау бүйрек функциясына қолайсыз ықпал етуі мүмкін.

Цефтазидим бүйрек арқылы шығарылатын болғандықтан, оның дозасы бүйрек функциясының бұзылу дәрежесіне сәйкес төмендетілуі керек. Бүйрек функциясы бұзылған пациенттерде қауіпсіздігі мен тиімділігіне мұқият мониторинг жасалуы қажет. Бүйрек функциясы бұзылған пациенттерде препарат дозасын адекватты түрде төмендетпеген кезде неврологиялық асқынулар байқалған.

Сезімтал емес организмдердің шектен тыс өсуі

Цефтазидимді ұзақ уақыт қолдану резистентті микроорганизмдердің (энтерококктар, зеңдер) шектен тыс өсуіне әкелуі мүмкін, бұл емдеуді тоқтатуды және басқа тиісті шараларды талап етуі мүмкін. Пациенттің жай-күйіне қайта баға берудің маңызы зор.

Цефтазидим энзимдік тестілер көмегімен глюкозурияны анықтау тестілерінің нәтижелеріне ықпал етпейді, бірақ мысты қалпына келтіру әдістеріне (Бенедикт, Фехлинг, Клинитест әдістері) елеусіз (жалғаноң) ықпал етуі мүмкін.

Цефтазидимді қолдануға байланысты пациенттердің шамамен 5%-да Кумбстың оң реакциясының дамуы қан үйлесімділігі сынамасына ықпал етуі мүмкін.

Басқа дәрілік препараттармен өзара әрекеттесуі

Өзара әрекеттесу жөніндегі зерттеулер пробенецидпен және фуросемидпен ғана жүргізілді.

Цефтазидимнің жоғары дозаларын нефроуытты дәрілік препараттармен бір мезгілде пайдалану бүйрек функциясына теріс ықпал етуі мүмкін.

Хлорамфеникол цефтазидимнің және басқа цефалоспориндердің антогонисі ретінде әсер етеді, аталған фактінің клиникалық мәні белгісіз, емдеу үшін препарат таңдауда антагонизм мүмкіндігін ескеру қажет.

Мына ерітінділермен фармацевтикалық үйлесімде:

1-ден 40 мг/мл-ге дейінгі концентрациясында - 0,9% натрий хлориді ерітіндісі;

натрий лактат ерітіндісі;

Хартман ерітіндісі;

5 % және 10 % декстроза ерітіндісі;

0.225 % натрий хлориді ерітіндісі және 5 % декстроза ерітіндісі;

0,45% натрий хлориді ерітіндісі мен 5% декстроза ерітіндісі;

0.9 % натрий хлориді ерітіндісі мен 5 % декстроза ерітіндісі;

0.18 % натрий хлориді ерітіндісі мен 4 % декстроза ерітіндісі;

10 % Декстран 40 ерітіндісі 0.9 % натрий хлориді ерітіндісінде немесе 5 % декстроза ерітіндісінде;

6 % Декстран 70 ерітіндісі 0.9 % натрий хлориді ерітіндісінде немесе 5 % декстроза ерітіндісінде.

Цефтазидим ерітіндісі (инъекцияға арналған 1,5 мл суға 500 мг) мен метронидазолды (500 мг/100 мл) араластырғанда, екі компонент те өз белсенділіктерін сақтап қалады.

Еріткіш ретінде натрий гидрокарбонаты ерітіндісін қолдануға болмайды.

Аминогликозидтермен, ванкомицинмен фармацевтикалық үйлесімсіз.

Арнайы сақтандырулар

Цефтазидим препаратының құрамында натрий бар (500 мг бір құтыда 52.5 мг натрий, 1000 мг бір құтыда - 105.0 мг натрий, 2000 мг бір құтыда - 210.0 мг натрий бар), бұл натрий-бақыланатын диетадағы пациенттер үшін ескерілуі керек.

Жүктілік немесе лактация кезінде

Цефтазидимді қолданудың пайдасы оның қаупінен жоғары болса ғана, жүкті әйелдерге тағайындауға болады.

Цефтазидим организмнен ана сүті арқылы аз мөлшерде шығарылады, бірақ емдік дозаларда цефтазидим емшек еметін балаға жағымсыз әсер етпейді, сондықтан емшек емізу кезінде пайдалануға болады.

Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері

Қолайсыз әсерлер (мысалы: бас айналу) көлік құралдары мен машиналарды басқару қабілетіне әсер етуі мүмкін.

Қолдану жөніндегі нұсқаулар

Дозалану режимі

Препараттың дозасын және емдеу ұзақтығын ауру ағымының ауырлығына, қоздырғыштың түріне, орналасуына және оның препаратқа сезімталдығына, сондай-ақ пациенттің жасына және бүйрек функциясына байланысты жекелей белгілейді.

Ересектер мен балалар > 40 кг:

Инъекция түрінде:

Муковисцидоз кезіндегі бронхөкпе инфекциялары – әр 8 сағ. сайын 100-ден 150 мг/кг/тәу дейін, ең жоғары тәуліктік дозасы – 9 г/күн1)

Фебрильді нейтропения, ауруханаішілік пневмония, бактериялық менингит, бактериемия* - әр 8 сағ. сайын 2 г.

Сүйек пен буындардың инфекциялары, тері мен жұмсақ тіндердің асқынған инфекциялары – әр 8 сағ. сайын 1-2 г.

Асқынған интраабдоминальді инфекциялар және тұрақты амбулаториялық перитонеальді диализдегі (ТАПТ) пациенттерде диализге байланысты перитонит – әр 8 сағ. сайын 1-2 г.

Несеп шығару жолдарының асқынған инфекциялары әр 8 немесе 12 сағ. сайын 1-2 г.

Қуық асты безіне операцияларда (трансуретральдік резекция) инфекциялық асқынулардың профилактикасы – кіріспе анестезияда 1 г, және екінші доза – катетерді алып тастау кезінде

Созылмалы іріңді ортаңғы отит және сыртқы құлақтың некроздайтын (қатерлі) отиті – әр 8 сағ. сайын 1-2 г.

Үзіліссіз инфузия түрінде:

Фебрильді нейтропения, ауруханаішілік пневмония, муковисцидоз кезіндегі бронхөкпе инфекциялары, бактериялық менингит, бактериемия, сүйек пен буындардың инфекциялары, тері мен жұмсақ тіндердің асқынған инфекциялары, асқынған интраабдоминальді инфекциялар және тұрақты амбулаториялық перитонеальді диализдегі (ТАПТ) пациенттердегі диализге байланысты перитонит – жүктемелік дозасы 2 г, әрі қарай үзіліссіз инфузия түрінде әрбір 24 сағат сайын 4-тен 6 г дейін енгізіледі1)

1) бүйрек функциясы қалыпты ересектерде 9 г/тәу доза жағымсыз

құбылыстар жоқ болған кезде пайдаланылды.

Пациенттердің ерекше топтары

Балалар <40 кг және балалар > 2 ай

Инъекция түрінде:

Несеп шығару жолдарының асқынған инфекциялары – 100-150 мг/кг/тәулік үш мәрте енгізуге, ең жоғары тәуліктік дозасы 6 г.

Созылмалы іріңді орташа отит, некроздайтын (қатерлі) сыртқы отит - тәулігіне үш мәрте енгізуге 100-150 мг/кг, ең жоғары тәуліктік доза 6 г. Нейтропениясы бар балалар, муковисцидоз кезіндегі бронхөкпе инфекциялары, бактериялық менингит, бактеремия* - 150 мг/кг/тәулік үш мәрте енгізуге, ең жоғары тәуліктік дозасы 6 г.

Сүйек пен буындардың инфекциялары, тері мен жұмсақ тіндердің асқынған инфекциялары, асқынған интраабдоминальді инфекциялар және тұрақты амбулаториялық перитонеальді диализдегі (ТАПТ) пациенттердегі диализге байланысты перитонит - 100-150 мг/кг/тәулік үш мәрте енгізуге, ең жоғары тәуліктік дозасы 6 г.

Үзіліссіз инфузия түрінде:

Фебрильді нейтропения, ауруханаішілік пневмония, муковисцидоз кезіндегі бронхөкпе инфекциялары, бактериялық менингит, бактериемия*, сүйек пен буындардың инфекциялары, тері мен жұмсақ тіндердің асқынған инфекциялары, асқынған интраабдоминальді инфекциялар және тұрақты амбулаториялық перитонеальді диализдегі (ТАПТ) пациенттердегі диализге байланысты перитонит – жүктемелік дозасы 60-100 мг/кг әрі қарай үзіліссіз инфузия түрінде 100-200 мг/кг/тәулік енгізіледі. Ең жоғары тәуліктік доза-тәулігіне 6 г.

* «Қолданылуы» бөлімінде келтірілген инфекциялардың кез келгенінің нәтижесіндегі бактериемия немесе осы инфекцияларға күдік туған кезде.

Жаңа туған нәрестелер мен сәбилер ≤ 2 ай

Инъекция түрінде

Көптеген инфекцияларда – 25-60 мг/кг/күн екі мәрте енгізу (жаңа туған нәрестелер мен ≤ 2 айлық сәбилерде цефтазидимнің қан сарысуындағы жартылай шығарылу кезеңі ересектерге қарағанда үш-төрт есе ұзағырақ болуы мүмкін).

Балалар

Цефтазидимнің жаңа туған нәрестелер мен ≤ 2 айлық сәбилердегі үзіліссіз инфузия түріндегі қауіпсіздігі мен тиімділігі анықталмаған.

Егде жастағы пациенттер

Егде адамдардағы бүйрек клиренсінің жасқа байланысты төмендеуін ескеріп, 80 жастан асқан пациенттерде ұсынылған доза <3 г/тәулік болуы тиіс.

Бауыр жеткіліксіздігі бар пациенттер

Қолда бар деректер бойынша бауыр функциясы бұзылуының жеңіл немесе орташа дәрежесінде дозаны түзету қажеттілігі талап етілмейді, айқын бауыр жеткіліксіздігі кезіндегі деректер жоқ. Емдеудің қауіпсіздігі мен тиімділігіне клиникалық бақылау жүргізу ұсынылады.

Бүйрек жеткіліксіздігі бар пациенттер

Цефтазидим өзгермеген күйде бүйрекпен шығарылады, сондықтан бүйрек функциясы бұзылған пациенттерде доза азайтылуы тиіс. Препараттың бастапқы жүктемелік дозасы 1 г құрайды. Демеуші дозаны креатинин клиренсіне байланысты таңдап алады.

Бүйрек жеткіліксіздігі кезіндегі ұсынылатын демеуші дозалар

Инъекция түрінде енгізгенде

Ересектер мен балалар > 40 кг

Креа-тинин клиренсі (КК) мл/мин

Креатининнің сарысудағы концентра-циясы, мкмоль/л (мг/дл)

Ұсынылатын бір реттік дозалар (г)

Препаратты енгізу жиілігі

50-31

150-200 (1.7-2.3)

1.0

Әр 12 сағ

30-16

200-350 (2.3-4.0)

1.0

Әр 24 сағ

15-6

350-500 (4.0-5.6)

0.5

Әр 24 сағ

<5

>500 (>5.6)

0.5

Әр 48 сағ

Ауыр инфекциялы пациенттерге демеуші дозаны 50% арттыруға немесе препаратты енгізу жиілігін ұлғайтуға болады. Балаларда креатинин клиренсінің көрсеткіштерін дене бетінің ауданына немесе дененің бұлшықет массасына байланысты түзету керек.

Балалар < 40 кг

Креа-тинин клиренсі (КК) мл/мин**

Креатининнің* сарысудағы концентра-циясы, мкмоль/л (мг/дл)

Ұсынылатын бір реттік дозалар (мг/кг)

Препаратты енгізу жиілігі

50-31

150-200 (1.7-2.3)

25

Әр 12 сағ

30-16

200-350 (2.3-4.0)

25

Әр 24 сағ

15-6

350-500 (4.0-5.6)

12.5

Әр 24 сағ

<5

>500 (>5.6)

12.5

Әр 48 сағ

*Сарысудағы креатинин мәндері бағдарлық мәндер болып табылады, олар бүйрек функциясы төмендеген барлық пациенттер үшін дозаны төмендетудің тура сол дәрежесін дәл көрсете алмайды.

**Дене бетінің ауданына негізделген немесе өлшенген.

Емдеудің қауіпсіздігі мен тиімділігіне мұқият клиникалық бақылау жүргізу ұсынылады.

Бүйрек жеткіліксіздігі кезіндегі ұсынылатын демеуші дозалар

Үзіліссіз инфузия түрінде енгізгенде

Ересектер және балалар > 40 кг

Креатинин клиренсі (КК) мл/мин

Креатининнің сарысудағы концентрациясы, мкмоль/л (мг/дл)

Препаратты енгізу жиілігі

50-31

150-200 (1.7-2.3)

Жүктемелік доза 2 г

әрі қарай 1 г-ден 3 г дейін /24 сағ енгізу

30-16

200-350 (2.3-4.0)

Жүктемелік доза 2 г

әрі қарай 1 г /24 сағ енгізу

<15

>350 (> 4.0)

Бағалау жүргізілген жоқ

Дозаларды сақтықпен таңдау және қауіпсіздік пен тиімділікті мұқият клиникалық бақылау керек.

Балалар <40 кг

Цефтазидимнің бүйрек жеткіліксіздігі бар <40 кг балалардағы үзіліссіз инфузия кезіндегі қауіпсіздігі мен тиімділігі анықталмаған. Қауіпсіздік пен тиімділікті мұқият клиникалық бақылау ұсынылады.

Бүйрек функциясы бұзылған балаларға үзіліссіз инфузия кезінде креатинин клиренсін дене бетінің ауданы мен дененің бұлшықет массасына байланысты түзету керек.

Гемодиализ

Қан сарысуындағы цефтазидимнің гемодиализ кезінде жартылай шығарылу кезеңі 3-5 сағатты құрайды.

Гемодиализдің әрбір сеансынан кейін кестелерде көрсетілген ұсыныстарға сәйкес цефтазидимнің демеуші дозаларын қайталау керек.

Перитонеальді диализ

Цефтазидим перитонеальді диализде және тұрақты амбулаториялық перитонеальді диализде (ТАПТ) пайдаланылуы мүмкін.

Цефтазидимді вена ішіне қолданудан бөлек диализдік ерітіндіге қосуға болады (әдетте 2 л диализдік ерітіндіге 125-250 мг).

Үзіліссіз артериялық-веналық гемодиализдегі немесе қарқынды ем бөлімшелеріндегі жоғары ағынды гемофильтрациядағы бүйрек жеткіліксіздігі бар пациенттер үшін: 1 г/тәулік, бір реттік доза түрінде немесе бірнеше қабылдауға. Төмен ағынды гемофильтрацияда бүйрек функциясының бұзылысы кезінде ұсынылған дозаларды тағайындау керек.

Вена-веналық гемофильтрациядағы және вена-веналық гемодиализдегі пациенттер үшін, төмендегі кестелерде көрсетілген дозалар ұсынылады.

Үзіліссіз вена-веналық гемофильтрация үшін ұсынылатын дозалар

Креатинин

клиренсі (КК) мл/мин

Ультрафильтрация жылдамдығы (мл/мин)

кезіндегі демеуші доза (мг) 1:

5

16.7

33.3

50

250

250

500

500

5

250

250

500

500

10

250

500

500

750

15

250

500

500

750

20

500

500

500

750

1 Демеуші доза әр 12 сағат сайын тағайындалады.

Үзіліссіз вена-веналық гемодиализ үшін ұсынылатын дозалар

Креатинин

клиренсі (КК) мл/мин

Диализат ағыны жылдамдығы кезіндегі демеуші доза (мг)1:

1.0 л/сағ

2 л/сағ

Ультрафильтрация

жылдамдығы (л/сағ)

Ультрафильтрация

жылдамдығы (л/сағ)

0.5

1.0

2.0

0.5

1.0

2.0

500

500

500

500

500

750

5

500

500

750

500

500

750

10

500

500

750

500

750

1000

15

500

750

750

750

750

1000

20

750

750

1000

750

750

1000

1 Демеуші доза әр 12 сағат сайын тағайындалады.

Енгізу әдісі және жолы

Қолдану жөніндегі нұсқаулық

Цефтазидимді вена ішіне инъекция немесе инфузия көмегімен немесе терең бұлшықетішілік инъекция жолымен енгізу керек. Егер венаішілік жол мүмкін болмаса немесе пациентке қолайсыздау болса, бұлшықет ішіне енгізу керек.

ЕРІТІНДІЛЕРДІ ДАЙЫНДАУ: ұнтақты еріткенде көміртегінің қостотығы бөлінеді. Еріткішті енгізгеннен кейін, құтыны мөлдір ерітінді алу үшін шайқау керек. Препараттың алынған дайын ерітіндісінде көміртегі қостотығының кішігірім көпіршіктері болуы мүмкін.

Алынған ерітінді ақшыл-сары түстен қоңыр-сары түске дейін болуы мүмкін. Егер препаратты сұйылтудың барлық ұсынылған ережелері сақталса, оның тиімділігі алынған сұйықтықтың түсіне байланысты болмайды.

1. "БАСТАПҚЫ СҰЙЫЛТУ"

Бұлшықет ішіне енгізу үшін құтының ішіндегісін 1.5 мл (500 мг), 3 мл (1.0 г) еріткіште (инъекцияға арналған су, 0.5-1 % лидокаин гидрохлориді ерітіндісі) ерітеді. Лидокаин педиатриялық тәжірибеде еріткіш ретінде қолданылмайды.

Вена ішіне енгізу үшін құтының ішіндегіні 5 мл (500мг), 10 мл (1.0 г) және 10 мл (2.0 г) еріткіште (инъекцияға арналған су) ерітеді.

2."ЕКІНШІ РЕТ СҰЙЫЛТУ"

Вена ішіне ТАМШЫЛАТЫП енгізу үшін жоғарыда көрсетілген тәсілмен алынған Цефтазидим препаратының ерітіндісін қосымша мына төменде аталған венаішілік енгізуге арналған ерітінділердің біреуінің 50-100 мл-інде сұйылтады: 0,9% натрий хлоридінің ерітіндісінде, 5%, 10% глюкоза ерітіндісінде (декстроза), 0,9% натрий хлоридінің ерітіндісімен 5% глюкоза ерітіндісінде (декстроза). Тек жаңа дайындалған ерітіндіні пайдалану керек!

Артық дозалану жағдайында қабылдау қажет болатын шаралар

Симптомдары: энцефалопатия, құрысу және команың дамуымен неврологиялық асқынулар. Артық дозалану симптомдары бүйрек функциясы бұзылған пациенттерде препараттың дозасы адекватты төмендетілмеген жағдайда дамуы мүмкін.

Емі: симптоматикалық және демеуші ем қолданылады, ауыр артық дозаланған жағдайда, консервативті емдеу нәтижесіз болса, препараттың қандағы концентрациясы гемодиализдің немесе перитонеальді диализдің көмегімен азайтылуы мүмкін.

Дәрілік препараттың бір немесе бірнеше дозасын өткізіп алу кезіндегі қажетті шаралар

Қабылданбай қалған дозаның орнын толтыру үшін екі есе дозаны қабылдамаңыз.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Дәрілік препаратты қабылдамас бұрын дәрігер немесе фармацевт кеңесіне жүгініңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жиі:

- эозинофилия, тромбоцитоз

- диарея

- флебит немесе тромбофлебит (вена ішіне енгізуде)

- бір немесе одан көп бауыр ферменттерінің белсенділігінің транзиторлы жоғарылауы - AЛT, AСT, ЛДГ, ГГТ және сілтілік фосфатаза,

- дақты-папулезді бөртпе немесе есекжем

- Кумбстың жалғаноң реакциясы (шамамен 5% пациенттерде дамиды, қан үйлесімділігі сынамасына әсер етуі мүмкін)

- инъекция орнының ауыруы және/немесе қабынуы (бұлшықет ішіне енгізуден кейін)

Жиі емес

- кандидоз (оның ішінде кандидозды вагинит, стоматит)

- лейкопения, нейтропения, тромбоцитопения

- бас ауыруы, бас айналуы

- антибиотик-астасқан диарея және колит (Clostridium difficile астасуы мүмкін және жарғақшалы колит түрінде білінуі де мүмкін),

- абдоминальді ауырулар, жүрек айнуы, құсу

- қышыну

- қан сарысуындағы мочевина, мочевина азотының және/немесе креатинин деңгейінің транзиторлы жоғарылауы

- қызба

Сирек

- интерстициальді нефрит, жедел бүйрек жеткіліксіздігі

Белгісіз

- лимфоцитоз, гемолиздік анемия, агранулоцитоз

- бронх түйілуін және/немесе гипотонияны қоса, анафилаксиялық реакциялар

- парестезия, тремор, миоклонияны, құрысуларды, энцефалопатияны және команы (бүйрек функциясы бұзылуы бар пациенттерде препарат дозасын адекватты төмендету болмағанда) қоса, неврологиялық асқынулар

- дәм сезудің бұзылуы

- сарғаю

- ангионевроздық ісіну, мультиформалы эритема, Стивенс-Джонсон синдромы, уытты эпидермальді некролиз

- DRESS-синдромы (эозинофилиясы және жүйелі симптомдары бар дәрілік бөртпе)

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір құтының ішінде

Цефтазидим мен натрий карбонатының стерильді қоспасы, соның ішінде:

белсенді зат - 582.5мг, 1165.0 мг, 2330.0 мг цефтазидим пентагидраты

(500.0 мг, 1000.0 мг, 2000.0 мг цефтазидимге шаққанда)

қосымша зат - сусыз натрий карбонаты

Сыртқы түрінің, иісінің, дәмінің сипаттамасы

Ақтан крем тәріздес түске дейінгі кристалды ұнтақ

Шығарылу түрі және қаптамасы

500 мг, 1000 мг немесе 2000 мг белсенді заттан резеңке тығынмен герметикалық тығындалған, алю­миний қалпақшаларымен, немесе біріктірілген «FLIP OFF» қалпақшаларымен қаусырылған шыныдан жасалған құтыларға салынған.

Әрбір құтыға заттаңба жапсырылады.

Әрбір құты медициналық қолдану жөніндегі қазақ және орыс тіліндегі бекітілген нұсқаулықпен бірге картон қорапшаға салынған.

Дәрілік препараты бар қорапшаларды топтық картон қораптарға салады.

Қорапшасыз құтыларды картоннан жасалған топтық қорапқа орауға жол беріледі.

Медициналық қолдану жөніндегі нұсқаулықтардың саны құты саны бойынша салынады.

Сақтау мерзімі

2 жыл

Жарамдылық мерзімі өткеннен кейін қолдануға болмайды!

Сақтау шарттары

Жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәліметтер

«Химфарм» АҚ, Қазақстан Республикасы, Шымкент қ., Рашидов к-сі, 81

Телефон нөмірі +7 7252 (610151)

Автожауапбергіш нөмірі +7 7252 (561342)

Электронды пошта complaints@santo.kz

Тіркеу куәлігінің ұстаушысы

«Химфарм» АҚ, Қазақстан Республикасы, Шымкент қ., Рашидов к-сі, 81

Телефон нөмірі +7 7252 (610151)

Автожауапбергіш нөмірі +7 7252 (561342)

Электронды пошта complaints@santo.kz

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Химфарм» АҚ, Қазақстан Республикасы, Шымкент қ., Рашидов к-сі, 81

Телефон нөмірі +7 7252 (610150)

Электронды пошта phv@santo.kz; infomed@santo.kz

Прикрепленные файлы

Цефтазидим_каз.doc 0.15 кб
Цефтазидим_рус.docx 0.05 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники