Цефтазидим-АКОС (2 г)

• русский
• қазақша

• Скачать инструкцию медикамента

Саудалық атауы

ЦЕФТАЗИДИМ-АКОС

Халықаралық патенттелмеген атауы

Цефтазидим

Дәрілік түрі

Инъекция үшін ерітінді дайындауға арналған 1,0 г және 2,0 г ұнтақ

Бір құтының ішінде

белсенді зат - 1,0 г немесе 2,0 г цефтазидим пентагидраты

(цефтазидимге шаққанда),

қосымша зат - натрий карбонаты

Сипаттамасы

Ақ немесе сарғыш немесе сарғыш-қоңыр реңді ақ ұнтақ

Фармакотерапиялық тобы

Бактерияларға қарсы бета-лактамды басқа да препараттар. Үшінші буынды цефалоспориндер

АТЖ коды J01DD02

Фармакологиялық қасиеттері

Фармакокинетикасы

Бұлшықет ішіне 1 г дозада енгізгеннен кейінгі ең жоғары концентрация (Сmax) – 39 мг/л, ең жоғары концентрацияға жету үшін қажетті уақыты (ТСmax) – 1 сағат. Көктамыр ішіне 1 г және 2 г дозаны болюсті түрде енгізгеннен кейінгі Сmax – тиісінше, 69 мг/л және 170 мг/л. Емдік тұрғыдан тиімді сарысулық концентрациялар препаратты көктамыр ішіне және бұлшықет ішіне енгізгеннен кейін 8-12 сағаттан соң сақталады. Плазма ақуыздарымен байланысуы – 10%-дан кем емес. Кең таралған патогендік микроорганизмдердің көпшілігі үшін цефтазидим бәсеңдетін ең төменгі концентрацияларынан асатын концентрацияларына сүйек тінінде, жүрек тіндерінде, өтте, қақырықта, синовиальді сұйықтықта, көзішілік, плевральді және перитонеальді сұйықтықтарда жетуі мүмкін. Цефтазидим плацентарлы бөгет арқылы оңай өтеді, препараттың жұлын сұйықтығындағы (ЖС) концентрациясы төмен. Менингит кезінде жұлын сұйықтығында цефтазидим 4-20 мг/л және одан да жоғарыны құрайтын емдік концентрацияларға жетеді.

Цефтазидим организмде метаболизденбейді. Жартылай шығарылу кезеңі – 2 сағатқа жуық, жаңа туған нәрестелерде – ересектерге қарағанда 3-4 есе көп.

Цефтазидим өзгермеген күйінде шумақтық сүзілу жолымен бүйректер арқылы шығарылады. Дозаның шамамен 80-90 %-ы бүйректер арқылы 24 сағат ішінде бөлініп шығады. Препараттың 1%-дан азы өтпен бірге шығарылады. Бүйрек қызметі бұзылған кезде цефтазидимнің шығарылу жылдамдығы төмендейді. Гемодиализ кезінде жартылай шығарылу кезеңі 3-5 сағатты құрайды.

Фармакодинамикасы

Цефтазидим-АКОС III буынды цефалоспориндер тобының бактерияға қарсы препараты болып табылады. Бактерицидтік әсер береді (микроорганизмдердің жасушалық қабырғасының синтезін бұзады). Әсер ету ауқымы кең. Бета-лактамазалардың көпшілігінің әсеріне төзімді. Ампициллинге және басқа да цефалоспориндерге төзімді көптеген штамдарға әсер етеді.

Препарат мына грамтеріс микроорганизмдерге қатысты белсенді: Pseudomonas spp., соның ішінде Pseudomonas aeruginosa, Klebsiella spp., соның ішінде Klebsiella pneumoniae, Proteus mirabilis, Proteus vulgaris, Escherichia coli, Enterobacter spp., Enterobacter aerogenes, Enterobacter cloacae-ні қоса есептегенде, Citrobacter spp., Citrobacter diversus, Citrobacter freundii-ді қоса есептегенде, Pasteurella multocida, Neisseria meningitidis, Haemophillus influenzae (ампициллинге төзімді штаммдарды қоса есептегенде);

грамоң бактериялар: Staphylococcus aureus (метициллинге сезімтал, пенциллиназаны өндіретін және өндірмейтін штаммдар), Streptococcus pyogenes (А тобы бета-гемолитикалық стрептококк), Streptococcus agalactiae (В тобы), Streptococcus pneumoniae; анаэробтық микроорганизмдер: Bacterioides spp. (көптеген Bacterioides fragilis штаммдары төзімді).

Препарат метициллинге төзімді Staphylococcus spp., Streptococcus faecalis, Enterococcus spp., Listeria monocytogenes, Campylobacter spp. және Clostridium difficile қатысты белсенді емес.

Келесі организмдердің көптеген штаммдарына қарсы in vitro белсенді (осы белсенділігінің клиникалық маңызы белгісіз): Clostridium perfingens, Clostridium difficile-ні қоспағанда, Acinetobacter spp., Haemophilus parainfluenzae, Morganella morganii, Neisseria gonorrhoeae, Peptococcus spp., Peptostreptococcus spp., Providencia spp., Providencia rettgeri, Salmonella spp., Shigella spp., Staphylococcus epidermidis, Yersinia enterocolitica.

Қолданылуы

- ауыр жұқпаларда: менингитте, сепсисте (септицемия), іріңді-септикалық ауыр жағдайларда

- сүйектер мен буындардың жұқпаларында: септикалық артритте, остеомиелитте, бактериялық бурситте

- тыныс жолдарының жұқпаларында: жедел және созылмалы бронхитте, жұқпаланған бронхоэктазияларда, грамтеріс бактериялардан болған пневмонияда, өкпе абсцесінде, плевраның эмпиемасында, кистозды фиброзы бар емделушілерде төменгі тыныс жолдарының жұқпаларында

- несеп шығару жолдарының жұқпаларында: жедел және созылмалы пиелонефритте, пиелитте, простатитте, циститте, уретритте (тек бактериялық), бүйрек абсцесінде

- терінің және жұмсақ тіндердің жұқпаларында: маститте, жара жұқпаларында, терінің ойық жараларында, флегмонада, тілмеде, жұқпа жұққан күйіктерде

- асқазан-ішек жолының, құрсақ қуысының және өт жолдарының жұқпаларында: перитонитте, энтероколитте, ішперде артындағы абсцесінде, дивертикулитте, холециститте, холангитте, өт қабының эмпиемасында, кіші жамбас органдарының қабынуында

- құлақ, тамақ, мұрын жұқпаларында: ортаңғы отитте, синуситте, мастоидитте және басқаларда.

Қолдану тәсілі мен дозалары

Бұлшықет ішіне және көктамыр ішіне. Препарат дозасы және емдеу курсы, ауру барысының ауырлығын, жұқпаның орналасуын және қоздырғыштың сезімталдығын, емделушінің жасы мен дене салмағын, бүйрек қызметін есепке ала отырып, әр адамға жекелей белгіленеді.

Ересектер мен 12 жастан асқан балаларға:

- несеп шығару жолдарының жұқпаларында бұлшықет ішіне немесе көктамыр ішіне әрбір 12 сағат сайын 0,25 г-0,5 г-нан;

- тыныс жолдарының жұқпаларында бұлшықет ішіне немесе көктамыр ішіне тәулігіне дене салмағының әр кг-на шаққанда 30 мг-нан 50 мг-ға дейін, енгізу саны – тәулігіне 3 рет (мұндай емделушілерде тәулігіне 9 г-ға дейінгі дозаны қолдану асқыну тудырмайды);

- асқынбаған пневмонияларда, асқазан-ішек жолының, құрсақ қуысындағы ағзалардың жұқпаларында, тері мен жұмсақ тіндердің жұқпаларында бұлшықет ішіне немесе көктамыр ішіне әрбір 8 сағат сайын 0,5 – 1,0 г-нан;

- сүйектер мен буындардың жұқпаларында көктамыр ішіне әрбір 12 сағат сайын 2 г-нан;

- өте ауыр немесе өмірге қауіп төндіретін жұқпаларда (менингитте, сепсисте (септицемия), іріңді-септикалық ауыр жағдайларда) көктамыр ішіне әрбір 8 сағат сайын 2 г-нан.

Ең жоғары тәуліктік доза 6 г-нан аспауы тиіс.

Бүйрек қызметі бұзылған ересектерге бастапқы жүктеме 1 г дозадан кейін, (диализ жүргізілетін емделушілерді қоса есептегенде), дозаны төменде көрсетілгендей төмендету қажет етілуі мүмкін:

Мұндай емделушілерде препараттың сарысудағы деңгейін бақылау ұсынылады, ол 40 мг/л-ден аспауы тиіс.

Препараттың гемодиализ кезіндегі жартылай шығарылу кезеңі 3 сағаттан 5 сағатқа дейінді құрайды. Препараттың тиісті дозасын әрбір диализ кезеңінен кейін қайталап отырған жөн. Перитонеальді диализ кезінде препаратты диализ сұйықтығының құрамына, 2 л диализ сұйықтығына 125 мг-ден 250 мг-ге дейінгі дозада қосуға болады.

12 жасқа дейінгі балаларға қолданылуы

- жаңа туған нәрестелерге және 2 айлыққа дейінгі сәбилерге – тәулігіне 30 мг/кг-нан көктамырішілік инфузия (енгізу саны – 2 рет).

- 2 айлықтан 12 жасқа дейін – тәулігіне 30-50 мг/кг-нан көктамырішілік инфузия (енгізу саны – 3 рет).

Иммунитеті төмендеген, менингиті бар балаларға әрбір 12 сағат сайын тәулігіне 150 мг/кг-ға дейінгі дозасын (ең жоғарғы дозасы тәулігіне 6 г) көктамыр ішіне немесе бұлшықет ішіне тағайындайды.

Емдеу ұзақтығы емделушінің жағдайына байланысты, дегенмен емделуші сауыққаннан кейін 48 сағат бойы емдеуді жалғастыру қажет.

Ерітінділерді дайындау

Б/і енгізу үшін 1,0 г немесе 2,0 г цефтазидим-АКОС препаратын инъекцияға арналған 3 мл суға ерітеді; көктамыр ішіне енгізу үшін – инъекцияға арналған 10 мл суға ерітеді.

Көктамыр ішіне тамшылатып енгізгенде жоғарыда көрсетілген тәсілмен алынған препараттың ерітіндісін көктамырішілік енгізуге арналған келесі еріткіштердің біреуінің 50-100 мл-інде қосымша сұйылтады:

- 0,9% натрий хлоридінің ерітіндісі,

- Рингер ерітіндісі,

- 5%, 10% глюкоза (декстроза) ерітіндісі,

- 5% глюкоза (декстроза) ерітіндісі 0,9 % натрий хлоридінің ерітіндісімен,

- 5% натрий бикарбонаты ерітіндісі.

Ұнтақты еріткенде көміртегінің қостотығы бөлініп шығады. Еріткішті енгізгеннен кейін құтыны мөлдір ерітінді алынуы үшін шайқау керек. Препараттың алынған дайын ерітіндісінде көміртегі қостотығының кішігірім көпіршіктері болуы мүмкін.

Алынған ерітінді ақшыл-сары түстен қоңыр-сары түске дейін болуы керек. Егер препаратты сұйылтудың барлық ұсынылған ережелері сақталса, оның тиімділігі реңіне байланысты болмайды.

Тек жаңа дайындалған ерітіндіні пайдалану керек!

Жағымсыз әсерлері

Жиі

- жүректің айнуы, құсу

- бас ауыру, бас айналу

Жиі емес

- макуло-папулезді бөртпе, есекжем, қалтырау немесе қызба, бөртпе, қышу

- кандидозды вагинит

- метеоризм, іштің ауыруы, дисбактериоз, бауыр қызметінің бұзылуы, холестаз, орофарингеальді кандидоз

- "бауыр" трансаминазасы, ЛДГ, ГГТ және сілтілік фосфатаза белсенділігінің жоғарылауы

Сирек

- бронхтың түйілуі, эозинофилия, Стивенс-Джонсон синдромы, уытты эпидермальді некролиз (Лайелл синдромы), ангионевротикалық ісіну, анафилактикалық шок

- диарея немесе іш қату, стоматит, глоссит, жалған жарғақшалы колит

- лейкопения, нейтропения, гранулоцитопения, тромбоцитопения, лимфоцитоз, гемолитикалық анемия, гипокоагуляция

- сары ауру

- гиперкреатининемия, жалғаноң тікелей Кумбс реакциясы, гипербилирубинемия, глюкозаға несептің жалғаноң реакциясы, протромбинді уақыттың артуы

- уытты нефропатия (азотемия, қанда мочевина мөлшерінің жоғарылауы), олигурия, анурия

- парестезиялар, құрысу синдромы, энцефалопатия, конвульсиялар, кома, «қолды-аяққа тұрмайтын» діріл

- флебит (көктамыр ішіне енгізген кезде), көктамыр бойының ауырғыштығы, инъекция жасалған жердің шымылдатып ашытуы, қатаюы (бұлшықет ішіне енгізген кезде)

Кейде

- мұрыннан қан кету, асқынжұқпа

Қолдануға болмайтын жағдайлар

- цефтазидимге, препараттың басқа компоненттеріне және цефалоспоринді антибиотиктерге жоғары сезімталдықта

Дәрілермен өзара әрекеттесуі

Цефтазидим-АКОС гепаринмен, аминогликозидтермен (белсенділігін өзара едәуір төмендету: бір мезгілде қолданған кезде бұл препараттарды дененің әртүрлі жеріне енгізген жөн) және ванкомицинмен фармацевтикалық тұрғыдан үйлеспейді (концентрациясына байланысты тұнба түзіледі; қажет болған кезде екі препаратты бір түтік арқылы енгізу керек, оларды қолдану арасында көктамыр ішіне енгізуге арналған жүйесін жуып-шайған жөн). Натрий гидрокарбонатының ерітіндісін еріткіш ретінде пайдалануға болмайды (көміртегінің қостотығы түзіледі, ол газды сыртқа шығаруды қажет етуі мүмкін).

«Ілмектік» диуретиктер, аминогликозидтер, ванкомицин, клиндамицин цефтазидимнің клиренсін төмендетеді, осының нәтижесінде нефроуыттылық әсер ету қаупі артады.

Бактериостатикалық антибиотиктер (соның ішінде хлорамфеникол) препараттың әсерін төмендетеді.

Мына ерітінділермен фармацевтикалық тұрғыдан үйлесімді: 1 мг/мл-ден 40 мг/мл-ге дейінгі концентрацияда - 0.9% натрий хлоридімен, натрий лактатымен, 5%, 10% декстрозамен.

0,05 мг/мл-ден 0,25мг/мл-ге дейінгі концентрацияларда цефтазидим интраперитонеальді диализге арналған ерітіндімен (лактат) үйлесімді.

Цефтазидим-АКОС б/і енгізу үшін 0.5% немесе 1% лидокаин гидрохлоридінің ерітіндісімен сұйылтылуы мүмкін. Цефтазидим (1.5 мл инъекцияға арналған суға 500 мг) мен метронидазолдың (500 мг/100 мл) ерітіндісін араластырғанда, екі компонент те белсенділігін сақтайды.

Айрықша нұсқаулар

Сақтықпен: бүйрек қызметінің жеткіліксіздігі, жаңа туған кезең,сыртқасында колиттің болуы, мальабсорбция синдромы (әсіресе бүйрек және/немесе бауыр қызметінің айқын жеткіліксіздігі бар адамдарда протромбин белсенділігінің төмендеу қаупі жоғарылаған).

Сыртартқысында пенициллинге аллергиялық реакциялары бар емделушілер цефалоспоринді антибиотиктерге жоғары сезімтал болуы мүмкін.

Емдеу кезінде ауыр диарея және/немесе қан аралас диареялар, колиттер және жалған жарғақшалы колиттер пайда болған жағдайда Цефтазидим-АКОС препаратымен емдеуді тоқтату және тиісті ем тағайындау қажет. Антиперистальтикалық препараттарды қолдануға тыйым салынады.

Цефтазидим-АКОС препаратын асқазан-ішек бұзылулары бар, әсіресе сыртартқысында колиті бар емделушілерге сақтықпен тағайындайды.

Цефтазидиммен ұзақ уақыт емдеу кезінде қан талдауын, бүйрек/бауыр қызметтерін бақылап отыру ұсынылады.

Емделу кезінде этанолды қолдануға болмайды.

Жүктілік және лактация кезеңі

Цефтазидим-АКОС препаратын жүктіліктің алғашқы айларында (І триместрде) сақтықпен қолданған жөн.

Цефтазидим-АКОС емшек сүтімен бірге бөлініп шығады, сондықтан емшек емізу кезеңінде препаратты аналарға тағайындағанда сақ болу қажет.

Дәрілік заттың көлікті және қауіпті механизмдерді басқару қабілетіне ықпал ету ерекшеліктері

Бас айналуы пайда болуы мүмкін болғандықтан, емделу кезеңінде көлікті басқарғанда және зейінді жұмылдыруды және психомоторлы реакциялардың шапшаңдығын қажет ететін басқа қауіпті қызмет түрлерімен айналысқанда сақ болған жөн.

Артық дозалануы

Симптомдары - инъекция жасалған жердің ауыруы, қабынуы, флебиті, бас айналу, парестезиялар, бас ауыру, бүйрек қызметінің жеткіліксіздігі бар емделушілерде құрысулар, гиперкреатининемия, гипербилирубинемия, тромбоцитоз, тромбоцитопения, эозинофилия, лейкопения, протромбин уақытының ұзаруы.

Емдеу: симптоматикалық, бүйрек қызметінің жеткіліксіздігінде – перитонеальді диализ немесе гемодиализ.

Шығарылу түрі мен қаптамасы

Инъекция үшін ерітінді дайындауға арналған ұнтақ.

Сыйымдылығы 20 мл құтыларда белсенді зат 1,0 г-нан және 2,0 г-нан.

1 құты қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

Құрғақ, жарықтан қорғалған жерде, 25 оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханадан босатылу шарттары

Рецепт арқылы

Өндіруші

«Синтез» ААҚ.

Ресей, 640008, Қорған қ-сы, Конституция даңғылы, 7.

тел./факс (3522) 48-16-89

Тіркеу куәлігінің иесі

«Синтез» ААҚ, Ресей

Тұтынушылардан өнім сапасы жөнінде шағымдарды Қазақстан Республикасы аумағында қабылдайтын ұйымның мекенжайы

«СТОФАРМ» ЖШС, 000100, Қазақстан Республикасы,

Қостанай обл., Қостанай қ-сы, Уральская к-сі, 14

тел. 714 228 01 79