Цетакарб

Цетакарб

Ацетазоламид

Дәрілік түрі, дозасы

250 мг таблеткалар

Сезім мүшелері. Офтальмологиялық препараттар. Глаукомаға қарсы препараттар және миотиктер. Карбоангидраза тежегіштері. Ацетазоламид.

АТХ коды S01EC01

Глаукома

Ісінулер

• petitmal (кіші құрысулық талма) балаларда

Жедел биіктік ауруы

Препарат акклиматизация уақытын қысқартады, бірақ оның осы ауру симптомдарына әсері елеусіз.

Дәрілік препаратты қолданудың басталуына дейінгі қажетті мәліметтер тізбесі

• әсер етуші затқа, сульфонамидке немесе препараттың кез келген қосымша затына жоғары сезімталдық

• ацетазоламидті пациенттің қанында натрийдің және (немесе) калийдің төмен деңгейі білінсе, бүйрек және бауыр жеткіліксіздігі жағдайында, бүйрек үсті безі жеткіліксіздігінде және гипохлоремиялық ацидозда қолдануға болмайды. Ацетазоламидті бауыр циррозы бар пациенттерге қолданбау керек, өйткені бұл бауыр энцефалопатиясы қаупін ұлғайтуы мүмкін

• ацетазоламидті созылмалы декомпенсацияланған жабық бұрышты глаукомасы бар пациенттерге ұзақ қолдануға болмайды, өйткені көз камерасының бұрышы толық жабылған жағдайда глаукома ағымының нашарлауы көзішілік қысымның төмендеуі арқылы бүркемеленеді

• жүктілік және лактация кезеңі

• 6 жасқа дейінгі балалар.

Қолдану кезіндегі қажетті сақтандыру шаралары

Әртүрлі көрсетілімдер кезінде эпилепсияға қарсы препараттарды қабылдайтын пациенттерде суицидтік ниет пен әрекет жағдайлары байқалған. Құрысуға қарсы препараттарды рандомизацияланған плацебо-бақыланатын зерттеудің метаталдауында да суицидтік ниет пен әрекет жағдайларының аздап жоғарылағаны хабарланған. Бұл қауіптің даму механизмі белгісіз, ал қолжетімді деректер ацетазоламидті қолдану кезінде де қауіптің жоғарылауы байқалатынын жоққа шығармайды. Осыған байланысты, пациентте суицидтік ниет пен әрекет белгілерінің дамуын мұқият бақылау керек және қажет болса тиісті ем тағайындау керек. Пациенттерді (олардың қамқоршыларын да) суицидтік ниет пен әрекет белгілері пайда болған жағдайда дәрігерге қаралу керектігінен хабардар ету қажет.

Ацетазоламидтің дозасын жоғарылату диурездің ұлғаюына әкелмейді, бірақ ұйқышылдықтың және (немесе) парестезияның пайда болу жиілігін арттыруы мүмкін.

Препараттың дозасын ұлғайту көбінесе диурездің төмендеуіне әкеледі. Кейбір жағдайларда, алайда, толық рефрактерлі жүрек жеткіліксіздігі жағдайында диурезді қамтамасыз ету үшін басқа диуретиктермен біріктіріп препараттың жоғары дозаларын қолданады.

Ацетазоламидпен емделген пациенттерде қандағы глюкоза деңгейінің жоғарылауы да, төмендеуі де байқалады. Бұл фактіні глюкозаның жағымдылығы бұзылған немесе қант диабеті бар пациенттерге қатысты ескеру керек.

Ацетазоламидпен ұзақ емдеу кезінде ерекше сақтық шаралары қажет. Тері өзгерістері пайда болуының барлық жағдайлары туралы хабарлау қажет екенін пациентке ескерту керек. Қан көрінісін мезгіл-мезгіл зерттеу және электролиттер деңгейін анықтау ұсынылады. Сульфонамидтерге ауыр реакция жағдайында өліммен аяқталудың сирек жағдайлары тіркелген. Қанның формалық элементтері деңгейінің кенеттен төмендеуі немесе уытты тері өзгерістерінің пайда болуы ацетазоламидпен емдеуді дереу тоқтатуға деген белгі болуы тиіс.

Альвеолярлық желдетілуі төмен болуы мүмкін төменгі тыныс жолдарының бітелуі/обтурациясы / өкпенің обтурациялық жай-күйі немесе эмфиземасы бар пациенттерде ацетазоламид ацидозды ұлғайтуы мүмкін және сол себептен оны сақтықпен қолдану керек.

Анамнезінде несептас ауруы бар пациенттерде, препаратты қолданудың пайдасының бүйректе одан әрі тас түзілу қаупіне ара қатынасына баға беру керек.

Ацетазоламид несепті алкализдейді.

• Ацетазоламид сульфонамид туындысы болып табылады. Фолий қышқылары антагонистерінің, гипогликемиялайтын препараттар және пероральді антикоагулянттардың әсерін күшейтуі мүмкін.

• Ацетазоламид пен ацетилсалицил қышқылын бір мезгілде қолдану ауыр ацидозды туындатуы және орталық жүйке жүйесінің тарапынан уытты симптомдарды күшейтуі мүмкін.

Ацетазоламидті ацетилсалицил қышқылының жоғары дозаларын қабылдайтын пациенттерде сақтықпен қолдану қажет, өйткені анорексия, тахипноэ, летаргиялық жағдай, өліммен аяқталуы мүмкін кома пайда болуы мүмкін.

• Дозаны модификациялау ацетазоламидті жүрек гликозидтерімен немесе артериялық қан қысымын төмендететін препараттармен тағайындағанда қажет болуы мүмкін.

• Ацетазоламидті үйлестіріп қолдану фенитоиннің қан сарысуындағы концентрациясын ұлғайта отырып, оның метаболизмін өзгертеді. Ацетазоламидті құрысуға қарсы кейбір препараттармен бір мезгілде қабылдаған бірнеше пациентте остеомаляцияның ауыр түрі байқалды.

• Ацетазоламидпен үйлестіріп қолданған кезде примидон деңгейінің төмендеуі және сарысудағы карбамазепин концентрациясының жоғарылауы туралы бірлі-жарым хабарламалар бар.

• Аддитивті әсер ықтималдығына байланысты, ацетазоламидті карбоангидразаның басқа тежегіштерімен бір мезгілде қолдануға болмайды.

• Бүйрек өзекшелеріндегі несептің рН мәнін ұлғайта отырып, ацетазоламид амфетаминнің және хинидиннің несеппен шығарылуын азайтады, бұл амфетаминнің әсер ету уақытының ұлғаюына және хинидин әсерінің күшеюіне әкелуі мүмкін.

• Циклоспорин: ацетазоламид циклоспорин концентрациясын жоғарылатуы мүмкін.

• Метенамин: ацетазоламид метенаминнің несеп шығару жолдарындағы бактерияға қарсы әсерін нивелирлеуі мүмкін.

• Литий: ацетазоламид литийдің шығарылуын ұлғайтады және қандағы литий деңгейін төмендетуі мүмкін.

• Натрий гидроксиді: ацетазоламидті және натрий гидрокарбонатын бірге қолдану бүйректе тас түзілу қаупін арттырады.

Арнайы сақтандырулар

Педиатрияда қолдану

Қауіпсіздігі мен тиімділігі бойынша деректер болмауына байланысты, 18 жасқа дейінгі балалар мен жасөспірімдерге қолдану ұсынылмайды.

Жүктілік және лактация кезеңі

Ацетазоламид плаценталық бөгет арқылы өтеді.

Препарат тышқандарға, егеуқұйрықтарға, атжалмандарға және үй қояндарына жүргізілген сынақтарда адам үшін ұсынылатын дозадан он есе артық дозаны ішке немесе парентеральді тағайындаудан кейін тератогендік және эмбриоуыттылық әсер көрсетеді.

Жүкті әйелдерде тиісті зерттеулер жүргізілмеген. Препарат жүкті әйелдерге, әсіресе жүктіліктің I триместрінде қолдануға ұсынылмайды.

Ацетазоламид аздаған мөлшерде емшек сүтімен бөлініп шығады. Емшектегі балаларда жағымсыз әсерлер пайда болуының әлеуетті қаупіне байланысты, препаратты тоқтату немесе емшек емізуді тоқтату туралы шешім қабылдау керек.

Препараттың көлік құралын және қауіптілігі зор механизмдерді басқару қабілетіне әсер ету ерекшеліктері

Ацетазоламидтің дозасын арттыру диурездің ұлғаюына әкелмейді, бірақ ұйқышылдықтың және (немесе) парестезияның пайда болу жиілігін арттыруы мүмкін.

Шаршау, бас айналужәне атаксия жағдайлары туралы сирек хабарланды.

Бауыр циррозынан туындаған ісінуі бар кейбір пациенттерде, бағдарсыздық жағдайлары байқалады. Мұндай клиникалық жағдайлар мұқият бақылауға алынуы тиіс.

Өткінші миопия жағдайлары байқалған.

Аталған симптомдар дозаны азайтқаннан кейін немесе препаратты тоқтатқаннан кейін әрдайым жойылады.

Емдеу кезеңінде пациенттер көлік құралын басқармауы және механизмдерге қызмет көрсетпеуі тиіс.

Қолдану жөніндегі нұсқаулар

Дозалану режимі

Ішке қабылдау үшін. Препаратты тамақ ішуге байланыссыз қабылдауға болады.

Глаукома

Препараттың дозасын көзішілік қысымның шамасына байланысты әр адамға жеке белгілейді.

Әдетте ересектерге мынадай дозаларды ұсынады:

Ашық бұрышты глаукомада 250 мг (1 таблетка) тәулігіне 1 реттен 4 ретке дейін. 1000 мг-ден (4 таблеткадан) асатын дозалары емдеу тиімділігін арттырмайды.

Салдарлы глаукомада

250 мг (1 таблетка) әр 4 сағат сайын. Кейбір пациенттерде препараттың тиімділігі тәулігіне 2 рет 250 мг (1 таблетка) дозада байқалады (қысқа мерзімдік емде).

Глаукоманың жедел ұстамаларында 250 мг (1 таблетка) тәулігіне 4 рет.

Эпилепсия

Ересектер – бөлінген дозаларда күніне 250-1000 мг. Ацетазоламидті басқа құрысуға қарсы препараттармен бір мезгілде қолданғанда, емдеудің басында тәулігіне 1 рет 250 мг-ден (1 таблетка) қолданады, қажет болса дозаны бірте-бірте ұлғайтады.

Балаларға әдетте 30 мг/кг дейінгі дене салмағына тәулігіне 8-ден есептеп, 1-4 тең қабылданатын дозаларды қолданады. Оңтайлы доза тәулігіне 375-1000 мг (1½-4 таблетка) құрайды. Балаларға тәулігіне 750 мг-ден жоғары дозаны тағайындамау керек.

Жүрек-қантамыр жеткіліксіздігіндегі және дәрілік заттардан туындаған ісінулер

Емдеудің басында 250 мг-ден 375 мг (1-1½ таблетка) дейін тәулігіне 1 рет, таңертең.

Ең жақсы диурездік әсеріне препаратты күнара немесе екі күн бойы қабылдап, соңынан бір күндік үзіліс жасағанда жетеді.

Ацетазоламидті қабылдау кезеңінде жүрек жеткіліксіздігін емдеуді жалғастыру керек, мысалы: оймақгүл гликозидтерін қолдану, тұзы аз диета және калий тапшылығының орнын толтыру.

Жедел биіктік ауруы

Препаратты тәулігіне 500-1000 мг дозада (2-4 таблетка) бірнеше қабылдау арқылы қолдану ұсынылады.

Биіктікке жылдам өрлеген жағдайда (күніне 500 м астам): тәулігіне 1000 мг (4 таблетка) бірнеше рет бөліп қабылдау.

Препаратты үлкен биіктікке көтерілуді жоспарлаған уақыттан 24-48 сағат бұрын қабылдау керек, ал биіктік ауруының симптомдары пайда болған жағдайда, емдеуді келесі 48 сағатта немесе қажет болса одан көп уақыт бойы жалғастыру керек.

Артық дозалану жағдайында қабылдау қажет болатын шаралар

Адамдарда артық дозалану және жедел улану симптомдары сипатталған жоқ. Ацетазоламидтің арнайы антидоты жоқ. Артық дозалану нәтижесінде су-электролиттік теңгерімнің бұзылуы және ацидоз, сондай-ақ ОЖЖ тарапынан бұзылыстар болуы мүмкін. Сондықтан сарысудағы электролиттер концентрациясын, әсіресе калийді, сондай-ақ қандағы рН бақылау қажет. Симптоматикалық және демеуші ем қолданған жөн.

Ацидоз дамыған жағдайда гидрокарбонаттарды қолданады. Гемодиализ ацетазоламидті организмнен шығарады.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жиі

• шаршау

• бас айналуы

• парестезиялар, атап айтқанда аяқ-қолдардың шаншу сезімі

• тәбеттің төмендеуі

• дәм сезудің бұзылуы

• метаболизмдік ацидоз, метаболизмдік ацидоз және электролиттік бұзылулар (әдетте бикарбонатты тағайындау арқылы түзетілуі мүмкін);

Жиі емес

• либидо төмендеуі

• жүрек айну

• құсу

• диарея,

• мелена;

• қызба,

• әлсіздік

• шөлдеу,

• депрессия,

• ашушаңдық

• "ысынулар"

• бас ауыруы

Сирек

• аплазиялық анемия

• тромбоцитопения

• агранулоцитоз

• лейкопения

• тромбоцитопениялық пурпура

• миелосупрессия

• панцитопения

• глюкозурия

• өткінші миопия (бұл күй дозаны азайтқанда немесе препаратты тоқтатқанда толық жоғалды)

• есту қабілетінің бұзылуы және құлақтағы шыңыл

• фульминантты бауыр некрозы

• бауыр қызметінің бұзылуы

• гепатит

• холестаздық сарғаю

• фотосенсибилизация

Өте сирек

• ұйқышылдық

• шеткергі парез

• құрысулар

Жиілігі белгісіз

• анафилаксиялық реакциялар

• артралгия

• гипокалиемия

• гипонатриемия

• қозу

• сананың шатасуы

• бағдарсыздану

•  атаксия

• ауыздың құрғауы

• дисгевзия

• бауыр жеткіліксіздігі

• бауырдың шаншып ауыруы

• қышыну

• бөртпе

• көптүрлі эритема

• Стивенс-Джонсон синдромы

• уытты эпидермалық некролиз

• есекжем

• бүйректе конкременттердің пайда болуы

• кристаллурия

• бүйрек пен несепағардың шаншып ауыруы және бүйректің зақымдануы

• полиурия

• гематурия

• бүйрек жеткіліксіздігі

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір таблетканың құрамында:

белсенді зат: 250 мг ацетазоламид,

қосымша заттар: микрокристалды целлюлоза, повидон,сусыз коллоидты кремнийдің қостотығы (аэросил), натрий кроскармеллозасы, магний стеараты, тазартылған су.

Сыртқы түрінің, иісінің, дәмінің сипаттамасы

Екі жақ беті дөңес, ақ түсті немесе ақ дерлік түсті таблеткалар.

Шығарылу түрі және қаптамасы

10 таблеткадан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамада.

1, 3 немесе 10 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картоннан жасалған қорапшаға салынады.

Тұтынушының келісімі бойынша пішінді ұяшықты қаптамаларды қорапшаға салмай, медициналық қолдану жөніндегі қазақ және орыс тілдеріндегі нұсқаулықтардың тиісті санымен бірге топтық ыдысқа қаптауға жол беріледі.

3 жыл

Жарамдылық мерзімі өткеннен кейін қолдануға болмайды!

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

«ТК Фарм Ақтөбе» ЖШС, ҚР, Ақтөбе обл., Ақтөбе қ-сы, Астана ауд, Шестихатка а., Шестихатка т.а., ғимарат № 4676 тел.: 8 (7132) 21 72 15

Электронды поштасы: info@tkpharm.kz

Тіркеу куәлігінің ұстаушысы

«ТК Фарм Ақтөбе» ЖШС, ҚР, Ақтөбе обл., Ақтөбе қ-сы, Астана ауд, Шестихатка а., Шестихатка т.а., ғимарат № 467,тел.: 8 (7132) 21 72 15

Электронды поштасы: info@tkpharm.kz

Қазақстан Республикасы аумағында тұтынушылардан дәрілік заттың сапасы бойынша шағымдарды қабылдайтын және тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ТК Фарм Ақтөбе» ЖШС, ҚР, Ақтөбе обл., Ақтөбе қ-сы, Астана ауд, Шестихатка а., Шестихатка т.а., ғимарат № 467, тел.: 8 (7132) 21 72 15

Электронды поштасы: info@tkpharm.kz