ЦЕРЕТОН (120мг) (Холина альфосцерат)

ЦЕРЕТОН®

Холин альфосцераты

Дәрілік түрі, дозасы

Ішуге арналған ерітінді, 120 мг/мл

Жүйке жүйесі. Жүйке жүйесінің ауруларын емдеуге арналған басқа препараттар. Парасимпатомиметиктер. Басқа да парасимпатомиметиктер. Холин альфосцераты.

АТХ коды: N07AX02

• Дегенеративтік және инволюциялық психоорганикалық синдромдар және есте сақтаудың нашарлауымен, сананың шатасуымен, бағдардан жаңылумен, ынталанудың, бастамашылдықтың және зейін қою қабілетінің төмендеуімен сипатталатын есте қалу текті функциялардың алғашқы және салдарлы бұзылулары сияқты цереброваскулярлы жеткіліксіздік зардаптары бар егде жастағы адамдарда;

• Егде жастағыларда болатын эмоциялық және мінез-құлық саласының өзгерістері: эмоциялық құбылу, қатты ашушаңдық, қоршаған ортаға қызығушылықтың төмендеуі, қарттық кезеңдегі жалған депрессия

Қолдануды бастағанға дейін қажетті мәліметтер тізбесі

• Әсер етуші затқа немесе қосымша заттардың кез келгеніне аса жоғары сезімталдық.

• 18 жасқа дейінгі балалар мен жасөспірімдер.

Басқа дәрілік препараттармен өзара әрекеттесуі

Басқа препараттармен клиникалық маңызды өзара әрекеттесулер анықталмаған.

Арнайы ескертулер

Балалардың қолы жетпейтін жерде сақтау керек.

Қосымша заттар

Осы препараттың құрамында баяу типті аллергиялық реакциялар туындатуы мүмкін метилпарагидроксибензоат, пропилпарагидроксибензоат бар.

Жүктілік немесе лактация кезінде

ЦЕРЕТОН® препаратының көрсетілімдері оны жүктілік кезінде қолдануды қарастырмайды. Дегенмен, мақсатты зерттеулер препараттың эмбриоуытты немесе тератогендік әсері жоқ екенін көрсетті.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

ЦЕРЕТОН® препаратының көлік құралдарын басқару қабілетіне әсері туралы деректер жоқ.

Қолдану жөніндегі нұсқаулар

Дозалау режимі

Күніне екі рет 600 мг-ден (5 мл).

Тәуліктік дозаны дәрігердің қалауы бойынша арттыруға болады.

Бұл дәрілік препаратты ересектерде ғана қолдануға болады, ЦЕРЕТОН® препаратын балаларға қолдану ұсынылмайды.

Енгізу әдісі мен жолы

Ішке.

Емдеу ұзақтығы

Емдеу ұзақтығы жағдайдың ауырлығымен анықталады.

Артық дозаланған жағдайда қабылдануы тиіс шаралар

«ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар» бөлімін қараңыз.

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар

Биологиялық препараттардың ізашары ретінде ЦЕРЕТОН® препаратын қолдану, тіпті ұзақ мерзімді болса да, әдетте жағымдылығына байланысты проблемаларды тудырмайды.

Жүрек айнуының пайда болуы допаминергиялық белсендірудің салдары болуы мүмкін және дозаны азайтуды қажет етуі мүмкін.

Жағымсыз реакциялар, оның ішінде Медициналық қолдану жөніндегі нұсқаулықта көрсетілмегендер пайда болған жағдайда дәрігерге қаралу қажет.

Жағымсыз дәрілік реакциялар туындаған кезде медициналық қызметкерге, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір мл ерітіндінің құрамында

Белсенді зат: холин альфосцераты (сусыз затқа шаққанда) – 120 мг.

Қосымша заттар: метилпарагидроксибензоат – 1,1428 мг, натрий сахаринаты, пропилпарагидроксибензоат – 0,3428 мг, сусыз динатрий гидрофосфаты, құлпынай хош иістендіргіші (Табиғиға ұқсас Құлпынай 648762 хош иістендіргіші), натрий дигидрофосфаты, тазартылған су.

Сыртқы түрінің, иісінің, дәмінің сипаттамасы

Мөлдір түссіз немесе өзіне тән құлпынай иісі бар сәл сарғыш реңкті сұйықтық.

Шығарылу түрі және қаптамасы

Ішуге арналған ерітінді, 120 мг/мл

30 мл немесе 100 мл-ден бірінші ашылуының бақылауы бар пластмассадан жасалған бұрандалы қақпақтармен тығындалған қоңыр шыныдан жасалған құтыларға.

1 құты медициналық қолдану жөніндегі қазақ және орыс тілдеріндегі нұсқаулықпен бірге және пластмассадан жасалған өлшеуіш қасықпен, және/немесе пластмассадан жасалған дозалайтын пипеткамен және тығыздығы төмен полиэтиленнен жасалған адаптермен бірге, немесе өлшеуіш қасықсыз, және/немесе дозалайтын пипеткасыз және адаптерсіз картоннан жасалған қорапшаға салынады.

2 жыл.

Препаратты жарамдылық мерзімі өткеннен кейін қолдануға болмайды!

Ашқаннан кейін құтыны 10 тәуліктен артық емес сақтау керек.

Ашылғаннан кейін препарат тоңазытқышта сақтауды қажет етпейді.

25°С-ден аспайтын температурада сақтау керек. Мұздатып қатыруға болмайды.

Балалардың қолы жетпейтін жерде сақтау керек!

Рецепт арқылы.

Өндіруші туралы мәліметтер

Ресей Федерациясы

«ФармФирма «Сотекс» ЖАҚ

141345, Мәскеу обл., Сергиев Посад қ., Беликово к., 11 үй.

Тел.: +7 (495) 956-29-30

Электрондық пошта: info@sotex.ru

Тіркеу куәлігінің ұстаушысы

Ресей Федерациясы

«ФармФирма «Сотекс» ЖАҚ

141345, Мәскеу обл., Сергиев Посад қ., Беликово к., 11 үй.

Тел.: +7 (495) 956-29-30

Электрондық пошта: info@sotex.ru

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

Қазақстан Республикасы

ЖК «Утегенова Б.А.»

050022, Алматы қ., Мәуленов көш., 123 «а», 7 п.

Телефон: +77017076181

Электрондық пошта: b.utegenova_ip@mail.ru