Церетон® (400 мг)
Инструкция
-
русский
-
қазақша
Саудалық атауы
Церетон®
Халықаралық патенттелмеген атауы
Холин альфосцераты
Дәрілік түрі
400 мг капсулалар
Құрамы
Бір капсуланың құрамында
белсенді зат - 100% затқа шаққанда 400 мг холин альфосцераты,
қосымша заттар: глицерин, тазартылған су,
қабық құрамы: желатин, сорбит, глицерин, метилпарагидроксибензоат, пропилпарагидроксибензоат, титанның қостотығы (Е 171), темірдің сары тотығы бояғышы (Е 172), тазартылған су.
Сипаттамасы
Сопақша пішінді, сары немесе ашық қоңыр реңдес сары түсті жұмсақ желатинді капсулалар. Капсулалар ішінде - майлы, мөлдір, түссіз немесе сәл боялған сұйықтық.
Фармакотерапиялық тобы
Жүйке жүйесі ауруларын емдеуге арналған басқа да препараттар.
Парасимпатомиметиктер. Басқа да парасимпатомиметиктер. Холин альфосцерат.
АТХ коды N07AX02
Фармакологиялық қасиеттері
Фармакокинетикасы
Сіңірілуі - 88%, гематоэнцефалдық бөгет арқылы оңай өтеді (ішу арқылы қабылдағанда мидағы концентрациясы - қан плазмасындағының 45%-дай болады). Препараттың 85%-ы өкпемен көміртек қостотығы түрінде бөлініп, қалған мөлшері (15%) бүйрекпен және ішек арқылы шығарылады.
Фармакодинамикасы
Ноотропты дәрі. Құрамында 40,5% метаболикалық қорғалған холин бар орталықтық холин көтермелегіші. Метаболикалық қорғаныс мида холиннің бөлінуіне мүмкіндік береді. Нейрондық жарғақшалардағы ацетилхолин және фосфатидилхолин синтезін қамтамасыз етеді, орталық жүйке жүйесіндегі қан ағымын жақсартады және метаболикалық үдерістерді күшейтеді, ретикулярлы формацияны белсенділендіреді. Мидың жарақатты зақымданған жағындағы қан ағымының дозаға байланысты жылдамдығын арттырады, мидың өздігінен биоэлектрлі белсенділенуінің кеңістік-уақыт сипаттамаларының қалыптаcуына, ошақтық неврологиялық белгілердің кері дамуына және сананың қалпына келуіне ықпал етеді; ми қантамырларының ауруларына (дисциркуляторлық энцефалопатия және ми қан айналымы бұзылуының қалдық құбылыстары) шалдыққан науқастардың танымдық және мінез-құлық реакцияларына оң әсер көрсетеді. Инволюциялық психоорганикалық синдромның патогенетикалық факторларына алдын алушы және түзетуші әсер көрсетеді, нейрондар жарғақшаларының фосфолипидтік құрамын өзгертеді: фосфатидилхолин (жарғақшалық фосфолипид) синтезіне қатысады, нейрондық жарғақшалардың иілгіштігін жақсартады. Физиологиялық жағдайлардағы ацетилхолиннің дозаға тәуелді шығарылуын көтермелейді, синапстық берілісті, рецепторлар қызметін жақсартады. Репродуктивтік циклға ықпалын тигізбейді және тератогенді, мутагенді әсері жоқ.
Қолданылуы
Қатаң түрде дәрігердің тағайындауы бойынша қолдану керек
- ауыр бассүйек-ми жарақаты мен ишемиялық инсульттің қалпына келу кезеңінде, ошақтық жартышарлық белгілер қатарымен немесе ми діңгегінің бұзылу белгілерімен өтетін геморрагиялық инсульттің қалпына келу кезеңінде
- мидың дегенеративті және инволюциялық өзгерістері аясындағы психоорганикалық синдромда
- когнитивті бұзылыстарда (ойлау қызметінің, есте сақтаудың бұзылулары, сананың шатасуы, бағдардан жаңылу, мотивацияның, бастамашылдықтың және зейін шоғырландыру қабілетінің төмендеуі), соның ішінде деменция мен энцефалопатияда
- қарттық жалған меланхолияда
Қолдану тәсілі және дозалары
Бассүйек-ми жарақатының, ишемиялық немесе геморрогиялық инсульттің қалпына келу кезеңінде Церетон® 6 ай бойы таңертең 800 мг және күндіз 400 мг тағайындалады.
Созылмалы цереброваскулярлық жеткіліксіздікте және деменция синдромдарында Церетонды® 3-6 ай бойы тәулігіне 3 рет 400 мг (1 капсула), дұрысы - тамақтан кейін тағайындайды.
Жағымсыз әсерлері
- жүрек айну (ең алдымен, допаминэргиялық белсенділену салдары ретінде), бұл жағдайда препарат дозасын азайтады, асқазанның ойық жаралы ауруы, гастрит, ауыз қуысы шырышты қабығының кеберсуі, іш қату, диарея
- бас ауыру, бас айналу, ұйқышылдық, ұйқысыздық, озбырлану, үрейлену, күйгелектік, ми ишемиясы, құрысулар
- аллергиялық реакциялар (бөртпе, есекжем)
- несеп шығарудың жиілеуі
- фарингит
Қолдануға болмайтын жағдайлар
- препарат компоненттеріне жоғары сезімталдық
- геморрагиялық инсульт (жедел саты)
- 18 жасқа дейінгі балалар мен жасөспірімдерге (препараттың қауіпсіздігі мен тиімділігі бойынша деректер болмауына байланысты)
- жүктілік және лактация кезеңі
Дәрілермен өзара әрекеттесуі
Басқа препараттармен айтарлықтай өзара әрекеттесуі анықталмаған.
Айрықша нұсқаулар
Капсула қабығының құрамына метилпарагидроксибензоат пен пропилпарагидроксибензоат кіреді. Олар аллергиялық реакциялар туғызуы мүмкін (баяу типті болуы мүмкін).
Педиатрияда қолдану
Препаратты балалар тәжірибесінде қолдану жөнінде жеткілікті тәжірибе жоқ.
Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері
Деректер жоқ болса да, Церетон® психомоторлық реакциялар шапшаңдығына теріс әсерін тигізеді, емделу кезеңінде көлік басқару және жоғары зейін шоғырландыру мен психомоторлық реакциялар жылдамдығын талап ететін басқа да қауіптілігі зор қызмет түрлерімен айналысқанда сақтық шарасын қадағалау қажет.
Артық дозалануы
Симптомдары: препараттың жағымсыз әсерлерінің күшеюі.
Емі: симптоматикалық ем.
Шығарылу түрі және қаптамасы
400 мг капсулалар.
14 капсуладан біріктірілген материалдан (полиамид/алюминий фольга/поливинхлоридті үлбір) және алюминий фольгадан немесе поливинилхлоридті үлбір мен алюминий фольгадан жасалған пішінді ұяшықты қаптамада.
1 немесе 2 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеде.
Сақтау шарттары
Құрғақ, жарықтан қорғалған жерде, 25 °С-ден аспайтын температурада сақтау керек.
Балалардың қолы жетпейтін жерде сақтау керек.
Сақтау мерзімі
3 жыл.
Қаптамасында көрсетілген жарамдылық мерзімі өткеннен кейін пайдалануға болмайды.
Дәріханалардан босатылу шарттары
Рецепт арқылы.
Өндіруші
«Артлайф» ЖШҚ
634034, Ресей, Томск қ., Нахимов к-сі, 8/2 үй
Қаптаушы ұйымның атауы және елі
«ФармФирма «Сотекс» ЖАҚ, Ресей
141345, Мәскеу обл.,
Сергиево-Посад муниципалдық ауданы,
Березняков елді мекені, Беликово кенті, 11 үй
Тел./факс: (495) 956-29-30.
Тіркеу куәлігінің иесі
«ФармФирма «Сотекс» ЖАҚ, Ресей
Қазақстан Республикасының аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы
«Tipkey» ЖК, 050004, ҚР, Алматы, Абылай хан даңғ. 60, кеңсе 720.
Тел.: +7 705 286 18 04