Церебролизин®

• русский
• қазақша

• Скачать инструкцию медикамента

Саудалық атауы

Церебролизин®

Халықаралық патенттелмеген атауы

Жоқ

Дәрілік түрі

Инъекцияға арналған ерітінді

Құрамы

1 мл ерітіндінің құрамында

белсенді зат – 215.2 мг церебролизин концентраты (шошқа миынан алынған пептидтер кешені) бар,

қосымша зат - инъекцияға арналған су

Сипаттамасы

Янтарь түсті мөлдір ерітінді

Фармакотерапиялық тобы

Психостимуляторлар және басқа да ноотроптар.

АТХ коды N06BX

Фармакологиялық қасиеттері

Фармакокинетикасы

Белсенді бөлігі жартылай функциональдық қосынды әсерге ие болатын биологиялық тұрғыдан белсенді олигопептидтердің теңестірілген және тұрақты қоспасынан тұратын Церебролизиннің® күрделі құрамы, оның жеке компоненттеріне фармакокинетикалық талдау жүргізуге мүмкіндік бермейді.

Бір рет енгізгеннен кейін қан плазмасында Церебролизиннің® нейротрофикалық белсенділігі 24 сағатқа дейін тіркелген.

Фармакодинамикасы

Церебролизиннің® құрамында төменгі молекулярлық биологиялық тұрғыдан белсенді нейропептидтер бар, олар гематоэнцефалды кедергіден өтіп, жүйке жасушаларына тікелей түседі. Препарат миға органоспецификалық мультимодальді әсер етеді, яғни метаболикалық реттелуді, нейропротекцияны, функциональдық нейромодуляция мен нейротрофикалық белсенділікті қамтамасыз етеді.

Метаболикалық реттеу: Церебролизин® мидың аэробтық энергетикалық метаболизмінің тиімділігін көтереді, даму кезеңіндегі және қартаю кезеңіндегі мидағы ақуыздардың жасуша ішіндегі синтезін жақсартады.

Нейропротекция: Церебролизин® нейрондарды лактацидоздың зиянды әсерінен қорғайды, бос радикалдардың түзілуін болғызбайды, гипоксия мен ишемия жағдайында нейрондардың өміршеңдігін арттырады және жойылуын болғызбайды, қоздырғыш аминқышқылдарының (глутаматтың) зиянды нейроуытты әсерін төмендетеді.

Нейротрофикалық белсенділік: Церебролизин® - нейроналдық өсудің (NGF) табиғи факторларының әсеріне барабар, перифериялық енгізу жағдайында көрініс беретін нейротрофикалық белсенділігі дәлелденген бірден-бір ноотроптық пептидергиялық препарат.

Функционалдық нейромодуляция: Церебролизин® когнитивтік функциялардың бұзылуында еске сақтау және ақпаратты қайта жаңғырту процестеріне оң әсер етеді, ойлау қызметін жандандырады, көңіл-күйді жақсартады, осылайша мінез-құлыққа модельдейтін әсер ете отырып,жағымды эмоциялардың қалыптасуына ықпал етеді.

Қолданылуы

- мидың органикалық, метаболикалық және нейродегенеративтік ауруларында, Альцгеймер ауруында, түрлі генездегі деменция синдромдарында

- инсульт, жедел фазасы мен оңалту сатысында, инсульттен кейінгі асқынуда

- ми мен жұлынның жарақаттық зақымдануларында (бас сүйек-ми жарақаты, мидың шайқалуы, мидағы хирургиялық араласудан кейін)

Қолдану тәсілі және дозалары

Бір рет тағайындалатын дозаның мөлшері 50 мл дейін жетуі мүмкін, бірақ курстық емдеу жүргізу анағұрлым тиімді.

Ұсынылатын оңтайлы емдеу курсы дегеніміз 10-20 күн бойы күнделікті қолдану.

Күнделікті ұсынылатын дозалар:

• Мидың органикалық, метаболикалық және нейродегенеративтік аурулары. Альцгеймер ауруы, түрлі генездегі деменция синдромдарында - 5-30 мл.

• Ишемиялық инсульт, жедел фазасы мен оңалту сатысында - 10-50 мл.

• Мидың жарақаттық зақымдануларында - 10-50 мл.

• Балалардың неврологиялық бұзылулары - 1-2 мл.

Емнің тиімділігі жоғары болу үшін, курсты қайталап, емдеудің оңды нәтижелерін алғанға дейін жүргізуге болады. Емдеудің бірінші курсын жүргізгеннен кейін, тағайындалатын доза жиілігін аптасына 2 немесе 3 ретке дейін кемітуге болады. Емдеу курстары арасындағы үзілістердің ұзақтығы, сол емдеу курстарының мерзімдері сияқты болуы тиіс.

Церебролизинді® 5 мл дейінгі дозада бұлшықет ішіне және 10 мл дейін - көктамыр ішіне инъекция түрінде енгізуге болады. Препаратты 10-нан 50 мл дейінгі дозада стандартты ерітінділермен сұйылтқаннан кейін көктамыр ішіне баяу құю жолымен енгізу ұсынылады. Инфузияның ұзақтығы 15-тен 60 минутқа дейінгі шамада болуы тиіс.

0,9% натрий хлориді ерітіндісімен (9 мг NaCl / мл), Рингер ерітіндісімен (Na + 153,98 ммоль / л, Ca2 + 2,74 ммоль / л, K + 4,02 ммоль / л, Cl-163,48 ммоль / л) немесе 5% глюкоза ерітіндісімен сұйылтқаннан кейін, препарат бөлме температурасында, жарықтан қорғалмаған жерде сақтаған кезде кем дегенде 24 сағат ішінде физикалық және химиялық тұрғыда тұрақты болады. Церебролизинді® витаминдермен және жүректің қан айналымын жақсартатын препараттармен бір мезгілде тағайындауға жол беріледі, алайда бұл препараттарды Церебролизинмен® бір еккіште араластырмау қажет.

Тек янтарь түсті мөлдір ерітіндіні және бір рет қана пайдалану керек.

Егер Церебролизин® ұзақ құюға арналған катетер арқылы енгізілсе, жүйе натрий хлоридінің физиологиялық ерітіндісімен қолдануға дейін де, кейін де жуып-шайылуы тиіс.

Жағымсыз әсерлері

Сирек

- шамадан тыс жылдам енгізген кезде сирек жағдайларда ысыну, тершеңдік сезілуі мүмкін

Өте сирек

- бас ауруы, бас айналуы, мойынның ауыруы, аяқ-қолдың ауыруы, ентігу, белдің ауыруы, коллаптоидты жағдайлар

- тәбеттің болмауы, жүрек айнуы, құсу, диспепсия, диарея, іш қатуы

- жоғары сезімталдық немесе аллергиялық реакциялар: терінің қызаруы, инъекция орнының қышуы мен шымылдау сезімі

- сирек жағдайларда белсендірудің болжамды әсері қозумен қатар жүруі мүмкін (озбыр мінез-құлық, сананың шатасуы, ұйқысыздық); жекелеген жағдайларда (<0,01%) – үлкен эпилепсиялық ұстамалар және құрысулар

- шамадан тыс жылдам енгізгенде жүректің қағуы, аритмия болуы мүмкін

Зерттеулер нәтижелері бойынша гипервентиляция, артериялық гипертензия, артериялық гипотензия, шаршағыштық, тремор, депрессия, апатия, ұйқышылдық, тұмау тәріздес симптомдардың (тұмау, жөтел, тыныс алу жолдары жұқпалары) өте сирек жағдайлары туралы хабарланған.

Церебролизин® егде жастағы адамдарды емдеу үшін пайдаланылатындықтан, ал жоғарыда көрсетілген жағымсыз әсерлер осы популяциядағы пациенттерге тән болғандықтан, мұндай әсерлері Церебролизинді® қолданумен байланысты болмауы мүмкін.

Қолдануға болмайтын жағдайлар

- препаратты жекелей көтере алмаушылық

- бүйректің ауыр жеткіліксіздігі

- эпилепсия

Дәрілермен өзара әрекеттесуі

Антидепрессанттарды немесе моноаминооксидаза тежегіштерін Церебролизинмен® үйлестіре отырып, бір мезгілде пайдалану олардың әсерінің күшеюін туғызуы мүмкін.

Церебролизин® мен аминқышқылдарының теңгерімді ерітінділерін бір инфузиялық ерітіндіде араластыруға болмайды.

Церебролизин® құрамында липидтер кіретін ерітінділермен және препараттың рН ортасын (5,0-8,0) өзгертетін ерітінділермен үйлесімсіз.

Айрықша нұсқаулар

Аллергиялық диатезде, үлкен құрысу ұстамаларында препаратты сақтықпен тағайындайды.

Педиатрияда қолданылуы

Церебролизин® балалар тәжірибесінде дәрігердің көрсетілімдері мен тағайындауы бойынша қолданылады.

Жүктілік және лактация

Жануарларға зерттеулердің нәтижелері репродуктивтік уыттылықтың белгілерін көрсетпеген. Жүкті және емшек емізетін әйелдердің қатысуымен клиникалық зерттеулер жүргізілмеген.

Препаратты қолданумен байланысты емдеу және қауіптің жағымды әсерлері арақатынасын мұқият талдаудан кейін ғана, Церебролизин® жүктілік және бала емізу кезеңінде қолданылуы мүмкін.

Дәрілік заттардың көлік құралдарын жүргізуге және қауіптілігі зор механизмдерді басқару қабілетіне әсер ету ерешеліктері

Препарат көлікті жүргізу және механизмдерді басқару кезінде реакцияны және зейін қоюды төмендетпейді.

Артық дозалануы

Осы уақытқа дейін артық дозалану және уыттану жағдайлары байқалмаған.

Шығарылу түрі және қаптамасы

1 мл, 2 мл, 5 мл, 10 мл және 20 мл препараттан күңгірт шыныдан жасалған ампулада.

10 (1 және 2 мл көлем үшін) немесе 5 (5, 10 және 20 мл көлем үшін) ампуладан ПВХ жасалған пішінді ұяшықты қаптамаға салынған.

1 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынады.

Сақтау шарттары

Қараңғы жерде, дайындаушының қаптамасында, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Қаптамасында көрсетілген жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші және тіркеу куәлігінің иесі

ЭВЕР Нейро Фарма ГмбХ,

АТ-4866 Унтерах, Австрия

Қаптаушы

ЭВЕР Фарма Йена ГмбХ,

Отто-Шотт-Штрассе, 15, 07745 Тюрингия, Германия

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

«ЭВЕР Нейро Фарма ГмбХ» компаниясының Қазақстандағы өкілдігі

Қазақстан Республикасы, 050051 Алматы қ., Достық даңғ, 97, 49 кеңсе

телефон: 8(727) 264-16-93

факс: 8(727) 264-17-09

e-mail: info.kz@everpharma.com