ЦВЕТОКС (Цетиризин)

ЦВЕТОКС

Цетиризин

Үлбірлі қабықпен қапталған 10 мг таблеткалар

Респираторлық жүйе. Жүйелік әсер ететін антигистаминді препараттар. Пиперазин туындылары. Цетиризин.

АТХ коды R06АE07

Ересектер мен 6 жастан асқан балалар үшін:

• маусымдық және жыл бойғы аллергиялық риниттің мұрын және көз симптомдарын жеңілдету үшін

• созылмалы идиопатиялық есекжем симптомдарын жеңілдету үшін.

Қолдануды бастағанға дейін қажетті мәліметтер тізбесі

- белсенді затқа, қосымша заттардың кез келгеніне, гидроксизинге немесе кез келген пиперазин туындысына аса жоғары сезімталдық

- бүйректің ауыр жеткіліксіздігі

- тұқым қуалайтын фруктозаны көтере алмаушылық, Lapp-лактаза ферментінің тапшылығы, глюкоза-галактоза мальабсорбциясы

- жүктілік және лактация кезеңі

- 6 жасқа дейінгі балалар.

Қолданған кездегі қажетті сақтандыру шаралары

Анықталмаған.

Басқа дәрілік препараттармен өзара әрекеттесуі

Басқа дәрілік препараттармен өзара әрекеттесуі күтілмейді. Аспен бірге қабылдаған кезде препараттың сіңірілу жылдамдығы төмендейді.

Алкогольмен немесе орталық жүйке жүйесінің антидепрессанттарымен бір мезгілде қолдану сезімтал пациенттерде зейін қоюдың қосымша төмендеуін және еңбек өнімділігінің нашарлауын туғызуы мүмкін, бірақ қандағы алкоголь деңгейі 0,5 г/л дейін болғанда цетиризин оның әсерінің күшеюін туындатпайды.

Арнайы ескертулер

Аллергиялық реакциялар дамыған кезде препаратты қабылдауды тоқтату және дереу дәрігерге қаралу қажет. Несептің іркілуінің дамуына бейім пациенттер (мысалы, жұлын проблемалары, қуықасты безінің ұлғаюы) Цветокс несептің іркілу қаупін арттыруы мүмкін екендігін білуілері тиіс.

Эпилепсиясы және құрысулар даму қаупі бар пациенттер препаратты сақтықпен қабылдаулары қажет.

Терінің аллергиялық сынамаларын жүргізгенге дейін 3 күн бұрын препаратты қабылдауға болмайды.

Галактоза, фруктоза көтере алмаушылығы, Lapp-лактаза тапшылығы немесе глюкоза-галактоза мальабсорбциясының сирек тұқым қуалайтын аурулары бар пациенттер Цветокс препаратын қабылдамаулары тиіс.

Цветокс препаратын қабылдауды тоқтатқаннан кейін қышыну және/немесе есекжем байқалуы мүмкін, бірақ бұл симптомдар емді бастағанға дейін болмауы мүмкін. Кейбір жағдайларда симптомдар айқын болуы мүмкін және дәрігер Цветокс препаратымен емді қайта тағайындауы мүмкін, өйткені емді жаңғыртқаннан кейін симптомдар әдетте қайтады.

Педиатрияда қолдану: бұл дәрілік түрі – таблеткалар, 6 жастан кіші сәбилерге ұсынылмайды.

Жүктілік және лактация кезінде: қолдану тәжірибесінің жеткіліксіздігін ескере отырып, препаратты жүкті әйелдерге қолдануға болмайды. Препарат емшек сүтімен бөлініп шығатындықтан, оны бала емізетін әйелдер қабылдауға болмайды. Препаратпен емдеу кезеңінде емшекпен емізуді тоқтату қажет.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ұсынылған дозадан арттыруға болмайды және дәрілік препаратқа жеке реакцияны ескеру керек. Ұйқышылдық көрініс берген кезде автокөлік басқарудан немесе қозғалыстағы механизмдерді пайдаланудан бас тартқан жөн.

Қолдану жөніндегі нұсқаулар

Дозалау режимі

Ересектер мен 12 жастан асқан жасөспірімдерге: 10 мг-ден (1 таблетка) тәулігіне бір рет.

6-дан 12 жасқа дейінгі балаларға: 5 мг-ден (таблетканың жартысы) күніне екі рет.

Балалар: доза жекелей түзетуі тиіс (пациенттің бүйрек клиренсін, оның жасын және дене салмағын ескере отырып).

Егде жастағы пациенттерге: бүйрек функциясы қалыпты болғанда дозаны азайту қажет емес.

Бүйректің орташа және ауыр жеткіліксіздігі бар пациенттер: цетиризин негізінен бүйрек арқылы шығарылатындықтан, бүйрек функциясының жағдайына байланысты дәрігер дозаны және препаратты қабылдау жиілігін әр адамға жеке таңдайды.

Бауыр жеткіліксіздігі бар пациенттер: тек бауыр жеткіліксіздігі бар пациенттерге дозаны түзету қажет емес.

Бауыр және бүйрек жеткіліксіздігі бар пациенттер: бүйрек функциясына байланысты препараттың дозасы мен қабылдау жиілігін дәрігер әр адамға жеке таңдайды.

Енгізу әдісі мен жолы

Таблетканы жұту және бір стақан сұйықтықпен ішу керек.

Емдеу ұзақтығы

Емдеу ұзақтығын емдеуші дәрігер анықтайды.

Артық дозаланған жағдайда қабылдануы тиіс шаралар

Ұсынылған тәуліктік дозадан 5 есеге арттырған кезде орталық жүйке жүйесі тарапынан жағымсыз әсерлер анықталды: сананың шатасуы, диарея, бас айналуы, шаршау, бас ауыруы, дімкәстік, қарашықтың кеңеюі, қышыну, мазасыздық, тыныштандыру әсері, ұйқышылдық, мелшию, жүрек соғуының жиілеуі, тремор және несептің іркілуі.

Емі: артық дозалану симптомдары пайда болған кезде дереу дәрігерге қаралу қажет, өйткені әдетте асқазанды шаю және кейбір жағдайларда арнайы ем жүргізу қажет болуы мүмкін.

Дәрілік препараттың қолдану тәсілін түсіндіру үшін сізге медициналық қызметкерге кеңес алубойынша ұсынымдар

Препаратты қолдану бойынша сұрақтар бар болса, емдеуші дәрігерге қаралу керек.

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар

Жиі емес (≥1/1000-нан <1/100 дейін)

- қозу, парестезия, шаршау, дімкәстік, диарея

- қышыну, бөртпе.

Сирек (≥1/10000-нан <1/1000 дейін)

- жоғары сезімталдық, есекжем, ісіну, салмақтың артуы

- жүректің жиі соғуы

- бауыр функциясының бұзылуы (бауыр ферменттері, гамма-GT, сілтілік фосфатаза, билирубин деңгейінің жоғарылауы)

- озбырлық, сананың шатасуы, депрессия, елестеулер, ұйқысыздық, құрысулар.

Өте сирек (<1/10000)

- аллергиялық (ангионевроздық) ісіну, бекітілген дәрілік бөртпе, кенеттен болатын ауыр аллергиялық реакция

- несеп шығарудың бұзылуы, несепті ұстай алмау (энурез)

- қандағы тромбоциттер санының азаюы

-дәм сезудің бұзылуы, естен тану, дірілдеу (тремор), бұлшықеттің түйілу түрінде жиырылуы (дистония), кенеттен болатын еріксіз қимыл-қозғалыстар (дискинезия), бет, бас, иық және т.б. бұлшықеттердің жүйкелік еріксіз тартылуы, (тик)

-көрудің бұзылуы немесе көз алмасы қозғалысының бұзылуы, жалған алыстан көрмеу (аккомодацияның бұзылуы).

- тәбеттің артуы, суицидтік ойлар, қорқынышты түстер, толық немесе ішінара есте сақтау қабілетінен айрылу (амнезия), несеп шығарудың кідіруі, бас айналуы, гепатит, буындардың ауыруы

- шығу тегі аллергиялық кеңінен таралған іріңді бөртпелер (жедел жайылған экзантематоздық пустулез).

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды ұлттық сараптау орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында:

белсенді зат – 10 мг цетиризин дигидрохлориді

қосымша заттар: лактоза моногидраты, микрокристалды целлюлоза, кросповидон, коповидон, сусыз коллоидты кремнийдің қостотығы, магний стеараты, гипромеллоза, макрогол 6000, титанның қостотығы (Е171), тальк, диметикон.

Сыртқы түрінің иісінің, дәмінің сипаттамасы

Ақ түсті, дөңгелек пішінді, екі беті дөңес, бір жағында сызығы бар, үлбірлі қабықпен қапталған таблеткалар.

Шығарылу түрі және қаптамасы

Поливинилхлорид/поливинилиденхлоридті үлбірден және алюминий фольгадан жасалған пішінді ұяшықты қаптамаға 10 таблеткадан салынған.

2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

3 жыл

Жарамдылық мерзімі өткеннен кейін қолдануға болмайды!

Түпнұсқалық қаптамада 25 C -ден аспайтын температурада сақтау керек. Балалардың қолы жетпейтін жерде сақтау керек!

Рецепт арқылы

Өндіруші туралы мәлімет

REPLEK FARM Ltd. Skopje, Козле к-сі 188, 1000 Скопье, Солтүстік Македония Республикасы

Тел.: +389 2 3081343

Эл. пошта: info@replek.com.mk

Тіркеу куәлігінің ұстаушысы

SPEY MEDICAL Ltd., Линтон Хаус 7-12 Тависток Сквер, Лондон, WC1H 9LT, Ұлыбритания

телефон: +44 203 598 2050

эл. пошта: info@spey.eu

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Cepheus Medical» (Цефей Медикал) ЖШС, 050000, ҚР, Алматы қ., Панфилов к-сі 98, «OLD SQUARE» БО,

телефон: +7 (727) 300 69 71, +7 777 175 00 99 (тәулік бойы),

электронды пошта: cepheusmedical@gmail.com