Хондроксид® (мазь для наружного применения, 5%)
Инструкция
-
русский
-
қазақша
Саудалық атауы
Хондроксид®
Халықаралық патенттелмеген атауы
Жоқ
Дәрілік түрі
Сыртқа қолдануға арналған 5% жақпамай
Құрамы
1 г жақпамайдың құрамында
белсенді зат – 0,05 г натрий сульфаты хондроитині (100 % затқа шаққанда)
қосымша заттар: диметилсульфоксид (димексид), ланолин (сусыз ланолин, талшықты балауыз), вазелин, дистиляцияланған моноглицеридтер, тазартылған су.
Сипаттамасы
Диметилсульфоксидтің иісімен ашық-сары түсті жақпамай.
Фармакотерапиялық тобы
Тірек-қимыл аппараты ауруларын жергілікті емдеуге арналған басқа да препараттар.
АТЖ коды M02AX
Фармакологиялық қасиеттері
Фармакокинетикасы
Хондроксид® жақпамайы жақсы сіңеді. 3Н-хондроитин сульфаты радиобелгімен пайдаланылған тышқандарға жүргізілген эксперименттік зерттеулерден алынған деректерге сәйкес хондроитин сульфатының сіңу көрсеткіші 14 % құрайды. Диметилсульфоксид хондроитин сульфатының жасушалық жарғақшалар арқылы тіндерге барынша терең еніп кетуіне ықпал етеді. Хондроксид® жақпамайын теріге жаққаннан кейін хондроитин сульфаты буынға жылдам және іріктеле түседі, ең жоғары концентрациясына 30 минуттан соң жетеді және мұнан әрі препарат шеміршек тінінен екі фазада шығарылады. Шығарылудың жылдам фазасы қолданғаннан 1 сағаттан кейін аяқталады. Препараттың буында қалу уақыты 5 сағатты құрайды.
Фармакодинамикасы
Препараттың әсер етуші заты болып саналатын хондроитин сульфаты – сүйек тіндері резорбциясын баяулататын және кальцийдің жоғалуын төмендететін жоғары молекулалы мукополисахарид. Хондроитин сульфаты шеміршек тініндегі фосфор-кальций алмасуын жақсартады, сүйек тінінің қалпына келу үдерісін жеделдетеді, шеміршек тіндері дегенерациясы (бұзылу) үдерістерін іркілтеді. Байланыс тіндері коллапсына кедергі келтіреді, шеміршек тіні зақымдануын туындататын ферменттерді тежейді, глюкозаминогликандар синтезін көтермелейді, буын қабы мен буынның шеміршек беткейлері регенерациясына (қалпына келуіне) ықпал етеді, буынішілік сұйықтығының өнімін арттырады. Остеоартроз бен остеохондроздың өршуін баяулатады, гиалин тініндегі зат алмасуды қалыпқа түсіреді, ауырғанды басатын және қабынуға қарсы әсері бар. Зақымданған буындар қозғалмалылығын арттыруға әкеледі.
Жақпамай құрамына кіретін диметилсульфоксидтің қабынуға қарсы, ауыруды басатын және фибринолитикалық әсері бар, хондроитин сульфатының жасуша жарғақшалары арқылы жақсы өтуіне ықпал етеді.
Қолданылуы
-
буындар мен омыртқаның дегенеративті-дистрофиялық ауруларында (остеоартрозды, самай-төменгі жақ буыны остеоартрозын, спондилоартрозды, остеохондрозды, остеопорозды, хейроартропатияларды емдеу және алдын алуда)
Қолдану тәсілі және дозалары
Сыртқа. Хондроксид® жақпамайын зақымдану ошағының үстіндегі теріге күніне 2-3 рет және 2-3 минут бойы толық сіңгенше ысқылап жағады. Емдеу курсы - 2-3 аптадан 2-3 айға дейін. Қажет болғанда - емдеу курсы қайталанады.
Жағымсыз әсерлері
-
аллергиялық реакциялар
Қолдануға болмайтын жағдайлар
-
препарат компоненттеріне асқын сезімталдық
-
препарат жаққан аумақтағы тері жабындарының зақымдануы
Дәрілермен өзара әрекеттесуі
Басқа дәрілік заттармен өзара әрекеттесуі немесе үйлеспеу жағдайлары жазылмаған.
Айрықша нұсқаулар
Препаратты шырышты қабыққа және ашық жараларға түсірмеуге тырысу керек.
Балалар жасында
Балалар жасында Хондроксидті® қолданудың тиімділігі мен қауіпсіздігі анықталмаған.
Жүктілік және лактация
Препаратты жүктілік және лактация кезеңінде анасы үшін күтілетін пайдасы ұрыққа немесе сәбиге төнетін зор қатерден артық болатын жағдайда ғана қолдануға болады.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Көлік құралын немесе қауіптілігі зор механизмдерді басқару қабілетіне әсер етпейді.
Артық дозаланғанда
Хондроксид® жақпамайы препаратының артық дозалану жағдайлары туралы хабар болмаған.
Шығарылу түрі және қаптамасы
30 г алюминий сықпаларда.
Әр сықпа медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынады.
Сақтау шарттары
25ºС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін препаратты пайдалануға болмайды.
Дәріханалардан босатылу шарттары
Рецептісіз
Өндіруші
«Нижфарм» ААҚ, Ресей Федерациясы
603950, Нижний Новгород қ.,
ҚҚП-459, Салганская к-сі, 7
тел.: (831) 278-80-88
факс: (831) 430-72-28
веб сайт: http://www.nizhpharm.ru
Тіркеу куәлігі иесінің атауы мен елі
«Нижфарм» ААҚ, Ресей Федерациясы
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы
«Нижфарм» ААҚ Өкілдігі
050043, Қазақстан Республикасы,
Алматы қ., Хан Тәңірі ы/а, 55б
тел.: (727) 271-99-68
факс: (727) 255-33-78
e–mail: almaty@stada.kz