Хлорофиллипт (раствор спиртовой 10 мг/мл, Опытный завод ГНЦЛС)
Инструкция
-
русский
-
қазақша
Саудалық атауы
Хлорофиллипт
Халықаралық патенттелмеген атауы
Жоқ
Дәрілік түрі
10 мг/мл спирт ерітіндісі
Құрамы
1 мл ерітіндінің құрамында
белсенді зат: хлорофиллипттің қою сығындысы (100 құрғақ затқа шаққанда) – 10 мг;
қосымша зат: 96% этил спирті.
Сипаттамасы
Жасыл түсті мөлдір сұйықтық.
Фармакотерапиялық тобы
Антисептиктер мен басқа зарарсыздандырғыш препараттар.
АТХ коды D08А Х
Фармакологиялық қасиеттері
Препараттың құрамында эвкалипт жапырақтарында болатын хлорофилдер қоспасы бар. Бактерияға қарсы және қабынуға қарсы белсенділікке ие, иммунитет жүйесін көтермелейді, антигипоксиялық әсер етеді. Жергілікті қолданған кезде зақымданған тіндердің қайта қалпына келуіне ықпал етеді, уытсыздандырғыш қасиет байқатады. Канцерогенді, мутагенді, тератогенді және эмбриоуытты әсер етпейді.
Қолданылуы
Антибиотикке төзімді стафилококктардан туындаған ауруларда
- күйіктерде, трофикалық ойық жараларда, жатыр мойнының эрозиясында;
- өкпенің, ЛОР-ағзалардың қабыну ауруларында
- асқазан-ішек жолының жұқпалы ауруларында
- пародонттың қабыну ауруларында, ауыз қуысының шырышты қабығының бактериялық зақымдануларында
Қолдану тәсілі мен дозалары
Препаратты ішке, ректальді және жергілікті тағайындайды.
Ересектерге ішуге 30 мл суда сұйылтылған препараттың 5 мл 1 % спиртті ерітіндісінен күн сайын тамақтанғанға дейін 40 минут бұрын 25 тамшыдан күніне 3 рет тағайындайды. Емдеу курсы – 7-10 күн.
Ректальді клизма түрінде қолданады: 20 мл 1 % спиртті ерітіндісін 1 л суда сұйылтады (1 клизмаға арналған доза). Хлорофиллиптпен клизманы әр 2 күн сайын қояды. Емдеу курсы 10 емшарадан тұрады.
Жергілікті қолдану үшін (күйіктер мен трофикалық ойық жараларды емдеу) 1 % спиртті ерітіндіні 1:5 0,25 % новокаин ерітіндісімен сұйылтады. Жатыр мойны эрозиясында 1 спиртті ерітіндісі қолданылады (жатыр мойны өзегіне және эрозиясына жағу, қынапқа енгізілетін тампондарды сулау).
Жағымсыз әсерлері
- еріннің, мұрын қуысы шырышты қабығының, аңқаның ісінуі
- тері бөртпелері, қышыну
- бас айналу, бас аурулары
Қолдануға болмайтын жағдайлар
- препаратты жекелей көтере алмаушылық
- 18 жасқа дейінгі балаларға
Дәрілермен өзара әрекеттесуі
Антисептикалық препараттар мен антибиотиктердің әсерін әлеуеттендіреді. Препарат құрамында 96% этил спирті бар, сондықтан бір уақытта қолданған кезде психотропты, миорелаксациялаушы дәрілердің және алкогольдің әсері күшеюі мүмкін. Жарада сутегінің асқын тотығының қалдығы қалған кезде хлорофиллипт тұнбаға түседі, сондықтан жараны сутегінің асқын тотығымен жуғаннан кейін оның қалдығын натрий хлоридінің стерильді изотониялық ерітіндісімен алып тастау қажет.
Айрықша нұсқаулар
Емдеуді бастар алдында таңдалған қолдану тәсіліне қарамастан, хлорофиллиптке сезімталдықты анықтайды, ол үшін науқас 1 ас қасық суға сұйылтылған препараттың 25 тамшысын ішеді. 6-8 сағаттан соң аллергиялық реакция белгілері (еріннің, аңқа шырышының ісінуі және т.б.) болмаса, препаратты қолдануға болады.
Препарат құрамында 96 % этил спирті бар, сондықтан алкогольге немесе есірткіге тәуелділіктің дамуына бейімділігі, сондай-ақ, бауыр қызметінің айқын бұзылыстары, қант диабеті, эпилепсиясы бар емделушілерге оны тағайындамау керек.
Жүктілік және лактация кезеңі
Егер күтілетін пайдасы ұрық пен ана үшін қауіптен артатын болса, жүктілік және бала емізу кезеңінде препаратты қолдануға болады.
Дәрілік заттың автокөлік құралын немесе қауіптілігі зор механизмдерді басқару қабілетіне әсер ету ерекшеліктері
Препарат құрамында этил спирті болғандықтан, емдеу кезінде жоғары зейін шоғырландыруды қажет ететін қауіптілігі зор жұмыс түрлерінен бас тарту керек.
Артық дозалануы
Симптомдары – жағымсыз әсерлердің күшеюі мүмкін.
Емі – симптоматикалық.
Шығарылу түрі және қаптамасы
Алғашқы ашылуына бақылауы бар қақпақпен тығындалған, мойны бұрандалы күңгірт-қоңыр мөлдір емес полимерден жасалған сыйымдылығы 125 мл құтыларда 100 мл-ден. Құтыға өздігінен желімденетін заттаңба жапсырылады.
Әр құты медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынған.
Сақтау шарттары
Жарықтан қорғалған жерде, 15 ºС-ден 25 ºС-ге дейінгі температурада сақтау керек.
Балалардың қолы жетпейтін жерде сақтау керек!
Сақтау мерзімі
5 жыл
Қаптамасында көрсетілген жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
««ДЗМҰО» Тәжірибе зауыты» ЖШҚ.
Украина, Харьков қ., Воробьев к-сі, 8.
Тіркеу куәлігінің иесі
««ДЗМҰО» Тәжірибе зауыты» ЖШҚ, Украина
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:
Мекенжайы: ««ДЗМҰО» Тәжірибе зауыты» ЖШҚ.
Украина, Харьков қ., Воробьев к-сі, 8.
Телефон: 752-30-17
Факс: 752-30-17
Электронды поштасы: phoenix@gncls.com
Қазақстан Республикасы аумағындағы сенімді тұлға
Мекенжайы: «КФК Медсервис Плюс» ЖШС
050004, Қазақстан Республикасы, Алматы қ., Мәметова к-сі, 54
Телефон/факс: (727) 279 98 21
Электронды поштасы: pharmanadzor@medservice.kz