Хлоропирамин -ТК (Хлоропирамин)

Хлоропирамин-ТК

Хлоропирамин

Дәрілік түрі, дозалануы

Таблеткалар, 25 мг

Респираторлық жүйе. Жүйелі әсер ететін антигистаминдік препараттар. Орнын басқан этилендиаминдер. Хлоропирамин.

АТХ коды R06AC03

- аллергиялық ауруларда, оның ішінде есекжемде, маусымдық аллергиялық ринитте, тағамдық және дәрілік аллергияда

- жәндіктердің шағуынан болған аллергиялық реакцияларда, қышынуда

- жанаспалы дерматитте, дерматографизмде

- жүйелік анафилаксиялық реакцияға және ангионевроздық ісінуге адъювантты емде

Тағайындау кезінде тыныштандыратын жағымсыз әсерлерді ескеру қажет.

Қолдануды бастағанға дейін қажетті мәліметтер тізбесі

- әсер етуші затқа немесе қосымша заттардың кез келгеніне аса жоғары сезімталдық

- асқазан мен он екі елі ішектің ойық жарасы (өршу фазасы)

- пилородуоденальді стеноз

- бронх демікпесінің жедел ұстамасы

- шала туған және жаңа туған нәрестелер

- жүктілік және лактация кезеңі

- 6 жасқа дейінгі балалар

Қолдану кезінде қажетті сақтық шаралары

Оның антихолинергиялық және тыныштандыратын әсерлеріне байланысты егде жастағы пациенттерде және бауыр функциясы бұзылған, жүрек-қантамыр ауруларына, глаукомаға, несеп іркілісіне, қуық асты безінің гипертрофиясына шалдыққан пациенттерде сақ болу керек.

Кейбір жағдайларда рефлюкс эзофагитінің белсенділігі препаратты кешкі уақытта қабылдау салдарынан күшеюі мүмкін. Сондықтан ұқсас диагнозы бар пациенттерге дәріні жатар алдында қабылдау ұсынылады.

Хлоропирамин препаратын және отоуытты препараттарды бір мезгілде пайдалану есту мүшесінің жұмысындағы бұзылыстардың алғашқы симптомдарын жасырады.

Орталық жүйке жүйесіне арналған антигистаминдік препараттардың тыныштандыратын жағымсыз әсерлері алкогольмен күшейтілуі мүмкін, сондықтан хлоропирамин қабылдаған кезде алкогольді тұтынбаған жөн.

Антигистаминдік препараттарды ұзақ уақыт бойы қолдану сирек гематологиялық бұзылуларды (лейкопения, агранулоцитоз, тромбоцитопения, гемолиздік анемия) туындатуы мүмкін.

Егер ұзақ қолдану кезінде дене температурасының түсініксіз жоғарылауы, ларингит, терінің бозаруы, сарғаю, ауызда ойық жаралардың түзілуі, гематомалардың пайда болуы, ерекше және ұзаққа созылатын қан кетулер байқалса, нысанды элементтердің санын анықтай отырып, клиникалық қан талдауын жасау қажет. Қан формуласы өзгерген кезде препаратты қабылдауды тоқтатады.

Әрбір таблетканың құрамында 116 мг лактоза (лактоза) бар. Сирек тұқым қуалайтын галактоза көтере алмаушылығы, Лапп лаппаза көтере алмаушылығы немесе глюкоза-галактоза мальабсорбциясының кінәраттары бар пациенттер бұл дәріні қабылдамауы керек.

Басқа дәрілік препараттармен өзара әрекеттесуі

МАО тежегіштері хлоропираминнің антихолинергиялық әсерін күшейтуі және ұзартуы мүмкін.

Препарат барбитураттардың, м-холиноблокаторлардың, апиынды анальгетиктердің әсерін күшейтеді.

Алкоголь хлоропираминнің орталық жүйке жүйесіне депрессиялық әсерін күшейтеді, сондықтан бұл дәріні қабылдаған кезде алкогольді тұтынуға тыйым салынады.

Отоуытты агенттермен қабылдаған кезде препарат олардың зиянды әсерінің ескерту белгілерін жасыруы мүмкін.

Антигистаминдік препараттар аллергиялық тесттерге терінің реакциясын тежеуі мүмкін және оларды теріні тексеруден бірнеше күн бұрын тоқтату керек

Арнайы ескертулер

Егде жастағы пациенттер

Хлоропирамин-ТК жүдеген егде жастағы пациенттерде сақтықпен қолдану керек, себебі олар антигистаминдік препараттардың кейбір жағымсыз әсерлеріне сезімтал (бас айналу, гипотония) болып келеді.

Бауыр жеткіліксіздігі бар пациенттер

Бауыр функциясы бұзылған пациенттерде дозаны төмендету қажет болуы мүмкін, себебі бауыр ауруларына шалдыққан пациенттерде белсенді зат алмасу төмендейді.

Бүйрек жеткіліксіздігі бар пациенттер

Бүйрек жеткіліксіздігі кезінде дозаны түзету және дозаны азайту қажет болуы мүмкін, өйткені белсенді зат несеппен көп мөлшерде шығарылады.

Жүктілік немесе лактация кезеңі

Препаратты жүктілік кезінде қолдану бойынша деректер жоқ. Алайда, жүктіліктің соңғы айларында аналары антигистаминдік препараттарды қабылдаған жаңа туылған нәрестелерде ретролентальді фиброплазияның даму жағдайлары сипатталған. Осылайша, бұл препаратты жүктілік кезінде қолдануға болмайды.

Талапқа сай бақыланатын деректердің болмауына байланысты препаратты бала емізу кезінде қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат, әсіресе емдеудің бастапқы кезеңінде, ұйқышылдықты және психомоторлы функциялардың бұзылуын тудыруы мүмкін. Хлоропирамин-ТК қолданудың бастапқы, жеке анықталған кезеңінде көлік құралын басқаруға және психомоторлы реакциялардың жылдамдығын талап ететін басқа да қауіпті қызмет түрлерімен айналысуға тыйым салынады. Одан әрі емдеу процесінде шектеу дәрежесі препараттың жағымдылығына байланысты жеке анықталады.

Қолдану жөніндегі нұсқаулар

Дозалау режимі

Ересектерге:

Ұсынылатын доза - 75-100 мг (тәулігіне 1 таблеткадан 3-4 рет).

Балалар мен жасөспірімдерге:

- 6 жастан 14 жасқа дейін: ½ таблеткадан (12,5 мг) тәулігіне 2-3 рет.

Әрі қарай емдеу және/немесе дозаның ұлғаюы айтарлықтай дәрежеде пациенттің реакциясымен және жағымсыз әсерлерінің болуымен анықталады.

Ең жоғары тәуліктік дозасы ешқашан кг дене салмағына 2 мг/кг аспауы тиіс.

Анафилаксиялық шок немесе жедел ауыр аллергиялық реакция кезінде емдеуді абайлап баяу вена ішіне хлоропирамин инъекциясынан бастау, содан кейін бұлшықет ішіне инъекцияны жалғастыру, содан кейін Хлоропирамин-ТК препаратын ішке қабылдауға көшу ұсынылады.

Енгізу әдісі және жолы

Ішке қабылдауға арналған таблеткалар. Таблеткаларды тамақ ішу кезінде шайнамай және жеткілікті мөлшерде сұйықтықпен қабылдау керек.

Емдеу ұзақтығы

Емдеу ұзақтығы симптомдардың түріне, ұзақтығына және ағымына байланысты.

Артық дозалану жағдайында қабылдау қажет болатын шаралар

Антигистаминдік препараттардың, оның ішінде Хлоропирамин-ТК таблеткаларының әдейі немесе кездейсоқ артық дозалануы, әсіресе нәрестелер мен балаларда өлімге әкеп соғуы мүмкін.

Симптомдары: атропинмен улануға тән белгілер мен симптомдар дамиды: елестеулер, мазасыздық, атаксия, қимыл үйлесімінің бұзылуы, атетоз, құрысулар. Кішкентай балаларда қозғыштық басым болады. Кейде ауыздың құрғауы, көз қарашығының кеңейіп қозғалыссыз қалуы, бет терісінің гиперемиясы, синустық тахикардия, несептің іркілуі, қызба байқалуы мүмкін. Ересектерде қызба және бет терісінің гиперемиясы болмауы мүмкін, ал қозу кезеңінен кейін кома мен кардиореспираторлық жеткіліксіздіктің мүмкін дамуымен құрысулар мен құрысудан кейінгі депрессия орын алып, пациенттің 2-18 сағат ішінде өліміне әкелуі мүмкін.

Емі: антихолинергиялық әсердің дамуына байланысты тамақтың асқазаннан жылжуы кешеуілдейді, сондықтан артық дозаланғаннан кейін 12 сағат ішінде асқазанды шаю және ішке белсендірілген көмірді тағайындау қажет. Жүрек-тамыр жүйесі мен тыныс алу көрсеткіштерін бақылау, сондай-ақ симптоматикалық ем ұсынылады. Спецификалық антидоты белгісіз.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Препаратты әрдайым қосымша параққа немесе емдеуші дәрігердің ұсыныстарына сәйкес қабылдаңыз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Сирек (≥1/10 000 және <1/1000):

- лейкопения, агранулоцитоз, гемолиздік анемия, қан жүйесі тарапынан басқа да дискразиялар

Жиілігі белгісіз:

- аллергиялық реакциялар

- тыныштандыратын әсер, қажу, орталық типті бас айналу (вертиго), атаксия, тремор, жүйкенің қозуы, құрысулар, бас ауыру, эйфория, энцефалопатия

- көзішілік қысымның жоғарылауы, глаукома ұстамасы, көру жітілігінің бұзылуы

- артериялық гипотензия, тахикардия, аритмия

- тәбеттің жоғалуы (анорексия) немесе тәбеттің жоғарылауы, эпигастральді аймақта жағымсыздықты сезіну немесе ауыру, ауыздың құрғауы, жүрек айнуы, құсу, диарея, іш қату

- жарық сезімталдығы

- миопатия

- несеп шығудың қиындауы, несептің іркілуі

Препаратты тағайындаған кезде оның жағымсыз тыныштандыратын әсерін ескеру керек.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір таблетканың құрамында

белсенді зат – 25 мг хлоропирамин гидрохлориді,

қосымша заттар: лактоза моногидраты, картоп крахмалы, натрий крахмалы гликоляты(А типі), тальк, желатин, стеарин қышқылы

Сыртқы түрінің, иісінің, дәмінің сипаттамасы

Ақ немесе ақ дерлік түсті бір жақ бетінде ойығы бар, сызығы бар жалпақ цилиндрлі пішінді таблеткалар

Шығарылу түрі және қаптамасы

10 таблеткадан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамада.

1 немесе 2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

3 жыл

Жарамдылық мерзімі өткеннен кейін қолдануға болмайды

Құрғақ, жарықтан қорғалған жерде, 25ºC-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәліметтер

«ТК Фарм Ақтөбе» ЖШС, ҚР, Ақтөбе обл., Ақтөбе қ., Астана ауд., Шестихатка а., Шестихатка т.а., ғимарат № 467, тел.: 8 (7132) 21 72 15

Электронды пошта:dir-tkpharm@mail.ru

Тіркеу куәлігінің ұстаушысы

«ТК Фарм Ақтөбе» ЖШС, ҚР, Ақтөбе обл., Ақтөбе қ., Астана ауд., Шестихатка а., Шестихатка т.а., ғимарат № 467, тел.: 8 (7132) 21 72 15

Электронды пошта:dir-tkpharm@mail.ru

ҚазақстанРеспубликасы аумағында тұтынушылардан дәрілік заттар сапасына қатысты шағымдар(ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайыжәнебайланысдеректері (телефон, факс, электронды пошта)

«ТК Фарм Ақтөбе» ЖШС, ҚР, Ақтөбе обл., Ақтөбе қ., Астана ауд., Шестихатка а., Шестихатка т.а., ғимарат № 467, тел.: 8 (7132) 21 72 15

Электронды пошта:dir-tkpharm@mail.ru