Хлоропирамин (20 мг/мл)

• русский
• қазақша

• Скачать инструкцию медикамента

Саудалық атауы

Хлоропирамин

Халықаралық патенттелмеген атауы

Хлоропирамин

Дәрілік түрі

Көктамыр ішіне және бұлшықет ішіне енгізуге арналған 20 мг/мл ерітінді, 1 мл

Құрамы

Бір ампула (1мл) ішінде

белсенді зат - хлоропирамин гидрохлориді (100 % затқа шаққанда) 20 мг,

қосымша зат – инъекцияға арналған су.

Сипаттамасы

Өзіне тән иісі бар мөлдір түссіз немесе аздап сарғыш, немесе аздап жасылдау сұйықтық.

Фармакотерапиялық тобы

Жүйелі әсер ететін антигистаминдік препараттар. Этилендиаминдер орнын басқан. Хлоропирамин.

АТХ коды R06AC03

Фармакологиялық қасиеттері

Фармакокинетикасы

Сіңуі

Қан плазмасындағы концентрация ең жоғарғы шегіне 2 сағат ішінде жетеді және емдік деңгейде 4 – 6 сағат бойы сақталады.

Таралуы

Организмде біртегіс таралады, гематоэнцефалдық бөгет арқылы өтеді. Қан плазмасы арқылы хлоропираминнің байланысуы 7,9 % құрайды. Байланысу шыңы рН 6,8-7,4 кезінде байқалған.

Шығарылуы

Бауырда метаболизденеді, негізінен бүйрек арқылы несеппен метаболиттер түрінде шығарылады.

Балалар

Балаларда шығарылуы ересектерге қарағанда жылдам болады.

Бауыр функциясының бұзылуы

Бауыр функциясының бұзылуы кезінде хлоропираминнің метаболизмі баяулайды, сондықтан препарат дозасын азайту қажет.

Бүйрек функциясының бұзылуы

Бүйрек функциясының бұзылуы кезінде шығарылуының төмендеуі мүмкін, ол препарат дозасын төмендетуді қажет етуі мүмкін.

Фармакодинамикасы

Хлоропирамин - трипеленаминнің (пирибензаминнің) хлорлы аналогы, этилендиаминді антигистаминдік препараттар тобына жататын, бірінші буындағы антигистаминдік препарат.

Гистаминдік Н1-рецепторлардың бөгегіші. Препарат сондай-ақ, тегіс бұлшықеттерге, қантамырлар өткізгіштігіне және орталық жүйке жүйесіне әсер етеді.

Хлоропираминнің емдік әсері ең кем дегенде 3-6 сағатқа жалғасады.

Хлоропирамин аллергиялық реакциялар ағымы дамуының алдын алады және жеңілдетеді. Тыныштандыратын және айқын қышынуға қарсы әсері бар. Елеулі шеткергі антихолинергиялық және спазмолитикалық белсенділік және құсуға қарсы әсер иеленген.

Қолданылуы

• аллергиялық ауруларда, оның ішінде есекжем, сарысу құю ауруы, маусымдық ринит, конъюнктивит, поллиноз (пішен қызбасы)

• жүйелі анафилактикалық реакцияны және ангионевротикалық ісінуді адъювантты емдеуде

• тағамдық және дәрілік аллергияда

• жанаспалы дерматитте, жедел және созылмалы экземада, дәрілік бөртпе, шымылдатып қышыну дерматозында

• жәндіктердің шағуына аллергиялық реакцияларда

Препаратты тағайындаған кезде оның жағымсыз тыныштандыратын әсерін ескеру керек

Қолдану тәсілі және дозалары

Бұлшықет ішіне (б/і), көктамыр ішіне (к/і) (тек жедел ауыр жағдайда дәрігердің бақылауымен ғана қолданылады!).

Ересектерге және 14 жастан бастап жасөспірімдерге б/і тәулігіне 20-40 мг (1-2 ампула ішіндегісін) тағайындайды.

Балаларға: 1-ден 12 айға дейін – б/і 5 мг (1/4 ампула ішіндегісін)

1-ден 6 жасқа дейін – б/і 10 мг (1/2 ампула ішіндегісін)

6-дан 14 жасқа дейін – б/і 10-20 мг (1/2-1 ампула ішіндегісін).

Дозаны емделушінің реакциясына және байқалатын жағымсыз әсерлерге байланысты абайлап көтермелеуге болады. Ең жоғарғы тәуліктік доза дене салмағының әр келісіне шаққанда 2 мг аспау керек.

Анафилактикалық шок немесе жедел ауыр аллергиялық реакция кезінде емдеуді абайлап баяу к/і инъекциялаудан бастау, одан кейін б/і инъекциялау немесе пероральді түрде қабылдауға ауысу ұсынылады.

Емдеу мерзімі клиникалық белгіге және науқастық жағдайына байланысты жекелей анықталады.

Егде жастағы емделушілер және жүдеген аурулар: Хлоропираминді айрықша сақтықпен қолдану талап етіледі, өйткені бұл емделушілерде антигистаминдік препараттар көбіне жағымсыз әсерлерді туғызады (бас айналуы, ұйқышылдық, артериялық қысымның төмендеуі).

Бауыр функциясының бұзылуы кезінде: бауыр ауруы кезінде әсер етуші зат метаболизмінің төмендеуіне байланысты дозаны төмендету талап етілуі мүмкін.

Бүйрек функциясының бұзылуы кезінде: препаратты қабылдау режимін өзгерту және белсенді компонент көбіне несеппен бөлінуіне байланысты дозаны төмендеу талап етілуі мүмкін.

Жағымсыз әсерлері

Жағымсыз әсерлер жиілігін анықтау үшін пайдалануға болатын қазіргі заманауи клиникалық деректер жоқ.

Хлоропираминді қолданған кезде мынадай жағымсыз әсерлер пайда болуы мүмкін:

• тыныштандыратын әсер, шаршағыштық, бас айналуы, атаксия, діріл, жүйкенің қозуы, құрысулар, бас ауыруы, эйфория, энцефалопатия, көру жітілігінің бұзылуы

• артериялық гипотензия, тахикардия, аритмия

• тәбеттің жоғарылауы немесе болмауы, асқазан маңында жағымсыздықты сезіну немесе ауыру, ауыздың құрғауы, жүрек айнуы, құсу, диарея, іш қатуы

• дизурия, несептің іркілуі

• миопатия

• көзіші қысымының жоғарылауы, глаукома ұстамасы

• фотосенсибилизация

Сирек

• лейкопения, агранулоцитоз, гемолитикалық анемия, қан жүйесі тарапынан басқа да бұзылулар

Қолдануға болмайтын жағдайлар

• хлоропираминге немесе этилендиаминнің басқа да туындыларына жекелей сезімталдық

- бронхтық демікпенің жедел ұстамасында

- асқыну сатысындағы асқазанның ойық жара ауруы

- жабықбұрышты глаукома

• қуық асты безі гипертрофиясы

• шала туылған және жаңа туылған балалар (1 айға дейін)

• жүктілік және лактация кезеңі

Дәрілермен өзара әрекеттесуі

Моноаминооксидаза тежегіштері (МАО), мысалы, моклобемид немесе селегилин Хлоропираминнің антихолинергиялық әсерін ұзартады және күшейтеді.

Хлоропираминді барбитураттармен, тыныштандыратын дәрілермен, транквилизаторлармен, апиынды анальгетиктермен, үшциклді антидепрессанттармен, атропинмен және басқа да мускаринергиялық парасимпатолитиктермен бір мезгілде қолданған кезде айрықша сақ болу керек, өйткені олар бір бірінің әсерін күшейтеді.

Отоуытты препараттармен біріктіргенде Хлоропирамин отоуыттылықтың ерте белгісін жасыруы мүмкін.

Антигистаминдік препараттар аллергиялық тестіге тері реакциясын басуы мүмкін, сондықтан Хлоропираминді қабылдауды теріге сынама жүргізгенге дейін бірнеше күн бұрын тоқтату керек.

Этанолмен сыйымсыз.

Айрықша нұсқаулар

Антихолинергиялық және тыныштандыратын әсердің болуына байланысты Хлоропираминді егде жастағы емделушілерге, сондай-ақ бауыр функциясының, жүрек-қантамыр жүйесінің бұзылуы, несеп іркілісі кезінде абайлап тағайындау керек.

Егер препарат кешке қарай, кешірек қабылданса, ол гастроэзофагеальді рефлюкс симптомдарын күшейтуі мүмкін.

Орталық жүйке жүйесіне антигистаминдік препараттардың жағымсыз тыныштандыратын әсері алкогольдің әсер етуімен күшеюі мүмкін, сондықтан Хлоропираминмен емдеу кезінде алкогольдік сусындарды пайдаланудан тартына тұру керек.

Хлоропираминді ұзақ қолдану сирек жағдайларда қан түзілу жүйесі тарапынан бұзылулар туғызуы мүмкін (лейкопения, агранулоцитоз, тромбоцитопения, гемолитикалық анемия).

Шығу тегі түсініксіз қызба, ларингит, ауыз шырыш қабығының ойылуы, бозару, сарғаю, қан құйылу, өзгеше немесе қан ағуының әрең тоқтауы пайда болған кезде, препаратты ұзақ енгізген кезде қандағы формалық элементтер мөлшерін анықтау, ал қан түзу жүйесі тарапынан бұзылулар байқалса препаратты қабылдауды тоқтату керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Хлоропирамин препаратымен емдеу аясында бас айналуы және ұйқышылдық болуына байланысты, назар шоғырландыру қабілетін және психомоторлық реакциялар жылдамдығын төмендетуі мүмкін.

Артық дозалануы

Симптомдары: елестеулер, қозу, атаксия, қимыл үйлесімінің бұзылуы, атетоз, құрысулар. Кішкентай балаларда қозғыштық басым болады. Одан басқа ауыздың құрғауы, көз қарашығының кеңейіп қозғалыссыз қалуы, бет терісінің гиперемиясы, синустық тахикардия, несептің іркілуі, қызба байқалуы мүмкін. Антигистаминдік препараттардың артық дозалануы, оның ішінде Хлоропираминнің, әсіресе сәбилер мен балаларда, өлімге әкелуі мүмкін. Ересектерде – қызба және бет терісінің гиперемиясы ұдайы байқалмайды, қозу кезеңінен кейін құрысулар және кардиореспираторлық жеткіліксіздік күтіледі, ол 2-18 сағат ішінде емделушінің өліміне әкелуі мүмкін.

Емі: тыныс алу, жүрек-қантамыр жүйесінің көрсеткіштерін мониторингілеу, белгісіне қарай ем, көрсетілімдері бойынша реанимациялық шаралар ұсынылады. Арнайы у қайтарғысы белгісіз.

Шығарылу түрі және қаптамасы

Сындыруға арналған түрлі түсті сақинасы бар І типті түссіз бейтарап шыныдан жасалған ампулалардағы препарат 1 мл-ден. Ампулаға қосымша бір, екі немесе үш түрлі түсті сақина және/немесе екіөлшемді шрих-код, және/немесе әріптелген-цифрлі код белгіленген немесе қосымша түрлі түсті сақинасыз, екіөлшемді штрих-кодсыз, әріптелген-цифрлы кодсыз.

Поливинилхлоридті үлбірден және алюминий фольгадан немесе полимерлі үлбірден жасалған немесе фольгасыз және үлбірсіз пішінді ұяшықты қаптамаға 5 ампуладан салынған.

1 немесе 2 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картоннан жасалған пәшкеге салынған.

Сақтау шарттары

Жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«ФармФирма «Сотекс» ЖАҚ, Ресей Федерациясы

141345, Мәскеу обл., Сергиев-Посад муниципалдық ауданы,

Березняковский елді мекені, Беликово кенті, 11 үй

Тел./факс: (495) 956-29-30.

Тіркеу куәлігінің иесі

«ФармФирма «Сотекс» ЖАҚ, Ресей Федерациясы.

Тұтынушылардан өнім (тауар) сапасы туралы түскен шағымдарды Қазақстан Республикасы аумағында қабылдайтын ұйымның мекенжайы:

«Стофарм» ЖШС

110007, Қазақстан Республикасы

Қостанай қ., Орал к-сі, 14

Телефон: (7142) 28-01-71, 28-01-72, Факс: (7142) 28-01-86